3078-6-сон 18.09.2025. Oʻzbekiston Respublikasi budjet hisobining standarti (2-sonli BHS) “Yagona schyotlar rejasi”ga qoʻshimcha va oʻzgartirishlar kiritish toʻgʻrisida

Hujjat 20.09.2025 sanasi holatiga
Amaldagi versiyaga o‘tish

Oʻzbekiston Respublikasi iqtisodiyot va moliya vazirining

buyrugʻi

Oʻzbekiston Respublikasi budjet hisobining standarti (2-sonli BHS) “Yagona schyotlar rejasi”ga qoʻshimcha va oʻzgartirishlar kiritish toʻgʻrisida

[Oʻzbekiston Respublikasi Adliya vazirligi tomonidan 2025-yil 18-sentabrda roʻyxatdan oʻtkazildi, roʻyxat raqami 3078-6]

Oʻzbekiston Respublikasi Budjet kodeksi va Oʻzbekiston Respublikasining “Buxgalteriya hisobi toʻgʻrisida”gi Qonuniga muvofiq buyuraman:

1. Oʻzbekiston Respublikasi moliya vazirining 2018-yil 10-sentabrdagi 125-son buyrugʻi (roʻyxat raqami 3078, 2018-yil 20-oktabr) (Qonun hujjatlari maʼlumotlari milliy bazasi, 22.10.2018-y., 10/18/3078/2073-son) bilan tasdiqlangan Oʻzbekiston Respublikasi budjet hisobining standarti (2-sonli BHS) “Yagona schyotlar rejasi”ga ilovaga muvofiq qoʻshimcha va oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir D. KUCHKAROV

Toshkent sh.,

2025-yil 15-avgust,

279-son

Oʻzbekiston Respublikasi iqtisodiyot va moliya vazirining 2025-yil 15-avgustdagi 279-son buyrugʻiga
ILOVA

Oʻzbekiston Respublikasi budjet hisobining standarti (2-sonli BHS) “Yagona schyotlar rejasi”ga kiritilayotgan qoʻshimcha va oʻzgartirishlar

1. Quyidagi mazmundagi 70¹ —70³-bandlar bilan toʻldirilsin:

“70¹. 102 420 “Davlat muassasalari mablagʻlari” subschyotining debetida davlat muassasalariga pul mablagʻlarining kelib tushishi va subschyotning kreditida pul mablagʻlarining hisobdan chiqarilishi aks ettiriladi.

70². 102 421 “Davlat maqsadli va boshqa budjetdan tashqari jamgʻarmalarning mablagʻlari” subschyotida qonunchilik hujjatlarida belgilangan tartibda davlat maqsadli va boshqa budjetdan tashqari jamgʻarmalar boʻyicha daromadlar, tushumlar va ushbu subschyotlardan amalga oshiriladigan xarajatlar hisobi yuritiladi.

70³. 102 422 “Boshqa jamgʻarmalar mablagʻlari” subschyotida qonunchilik hujjatlarida belgilangan tartibda budjet tashkilotlarining boshqa jamgʻarmalari boʻyicha daromadlar, tushumlar va ushbu subschyotdan amalga oshiriladigan xarajatlar hisobi yuritiladi.”.

2. 88-bandning ikkinchi xatboshisi quyidagi tahrirda bayon etilsin:

“Budjet tashkilotlari tomonidan naqd pul mablagʻlari olish uchun tranzit hisobvaraqlariga mablagʻlar oʻtkazilganda, 111 100 “Budjet hisobidan naqd pul olish uchun tranzit hisobvaraqlariga oʻtkazilgan mablagʻlar” va 111 300 “Budjet tashkilotlarining budjetdan tashqari mablagʻlari hisobidan naqd pul olish uchun tranzit hisobvaraqlariga oʻtkazilgan mablagʻlar” subschyotlari debetlanadi va tegishli pul mablagʻlarini aks ettiruvchi schyotlarning subschyotlari kreditlanadi.”.

3. 90-bandda:

birinchi xatboshi quyidagi tahrirda bayon etilsin:

“90. 111 500 “Hisob-kitob kliring palatasiga oʻtkazilgan va tashqi hisob-kitoblar boʻyicha maqsadli mablagʻlar” subchyotida budjet tashkilotlarining budjet va budjetdan tashqari mablagʻlari hisobidan davlat xaridlari boʻyicha Hisob-kitob kliring palatasining tranzit schyotlariga toʻlovlari va tashqi hisob-kitoblar boʻyicha maqsadli mablagʻlari hisobi yuritiladi.”;

ikkinchi va uchinchi xatboshilar “oʻtkazilgan” degan soʻzdan keyin “va tashqi hisob-kitoblar boʻyicha maqsadli” degan soʻzlar bilan toʻldirilsin.

4. 133¹-band quyidagi tahrirda bayon etilsin:

“133¹. 166 000 “Tovarlar” subschyotida boshqa tashkilotlarga markazlashgan tartibda berilishi uchun moʻljallangan, tashkilot faoliyatida foydalanishi nazarda tutilmagan tovar-moddiy qiymatliklar hisobga olinadi.”.

5. Quyidagi mazmundagi 133²-band bilan toʻldirilsin:

“133². 170 000 “Tovar-moddiy zaxiralarga xarajatlar” subschyotida tovar-moddiy zaxiralarni xarid qilish va yetkazib berish bilan bogʻliq barcha xarajatlar hisobga olinadi.

Ushbu subschyotning debetida tovar-moddiy zaxiralarning qiymati aks ettiriladi va 421 100 “Budjet tashkilotlarining mahsulot yetkazib beruvchilar va pudratchilar bilan hisob-kitoblar boʻyicha uzoq muddatli kreditor qarzlari” yoki 341 900 “Budjet tashkilotlarining boshqa turdagi hisob-kitoblardan kreditor qarzlari” schyotlarining tegishli subschyotlari kreditlanadi.

Tovar-moddiy zaxiralarni xarid qilishning haqiqiy qiymati boʻyicha 170 000 “Tovar-moddiy zaxiralarga xarajatlar” subschyoti kreditlanadi va tovar-moddiy zaxiralarni hisobga oluvchi subschyotlar debetlanadi.”.

6. Quyidagi mazmundagi 275¹-band bilan toʻldirilsin:

“275¹. 504 000 “Davlat maqsadli va boshqa budjetdan tashqari jamgʻarmalarning mablagʻlaridan moliyalashtirish” subschyotida davlat maqsadli va boshqa budjetdan tashqari jamgʻarmalardan moliyalashtirilgan mablagʻlar, shuningdek gʻazna ijrosiga oʻtilgan tashkilotlarda gʻaznachilikda ochilgan shaxsiy gʻazna hisobvaraqlari orqali amalga oshirilgan toʻlovlar summasi hisobga olinadi.”.

7. Quyidagi mazmundagi 299¹-band bilan toʻldirilsin:

“299¹. 760 000 “Davlat maqsadli va boshqa budjetdan tashqari jamgʻarmalarning mablagʻlari hisobidan amalga oshirilgan haqiqiy xarajatlar” subschyotida davlat maqsadli va boshqa budjetdan tashqari jamgʻarmalarning mablagʻlari hisobidan amalga oshirilgan haqiqiy xarajatlar hisobga olinadi. Davlat maqsadli va boshqa budjetdan tashqari jamgʻarmalarning mablagʻlari hisobidan amalga oshirilgan haqiqiy xarajatlar yil davomida 760 000 “Davlat maqsadli va boshqa budjetdan tashqari jamgʻarmalarning mablagʻlari hisobidan amalga oshirilgan haqiqiy xarajatlar” subschyotining debetida aks ettirilib boriladi, bunda hisob-kitoblar va boshqalarni hisobga oluvchi subschyotlar kreditlanadi.”.

8. Quyidagi mazmundagi 317¹-band bilan toʻldirilsin:

“317¹. 987 000 “Davlat maqsadli va boshqa budjetdan tashqari jamgʻarmalarning mablagʻlari boʻyicha moliyaviy natija” subschyotida davlat maqsadli va boshqa budjetdan tashqari jamgʻarmalarning mablagʻlari boʻyicha moliyaviy natijalari aks ettiriladi. Ushbu subschyotning debetida yil oxirida hisobdan chiqarilgan mablagʻlar boʻyicha amalga oshirilgan haqiqiy xarajatlar aks ettiriladi, bunda 760 000 “Davlat maqsadli va boshqa budjetdan tashqari jamgʻarmalarning mablagʻlari hisobidan amalga oshirilgan haqiqiy xarajatlar” subschyoti kreditlanadi. Xarajatlarning analitik hisobida har bir xarajat turi va moddalari boʻyicha alohida oʻtkazma beriladi.

Subschyot kreditida yil mobaynida budjetdan moliyalashtirilgan mablagʻlarning (amalga oshirilgan toʻlovlarni) hisobdan chiqarilishi aks ettiriladi, bunda 504 000 “Davlat maqsadli va boshqa budjetdan tashqari jamgʻarmalarning mablagʻlaridan moliyalashtirish” subschyoti debetlanadi.

Har moliya yilining oxirida joriy yil moliyaviy natijalari 987 000 “Davlat maqsadli va boshqa budjetdan tashqari jamgʻarma mablagʻlari boʻyicha moliyaviy natija” subschyotiga oʻtkazilgandan soʻng 504 000 “Davlat maqsadli va boshqa budjetdan tashqari jamgʻarmalarning mablagʻlaridan moliyalashtirish” va 760 000 “Davlat maqsadli va boshqa budjetdan tashqari jamgʻarmalarning mablagʻlari hisobidan amalga oshirilgan haqiqiy xarajatlar” subschyotlarida qoldiq qolmaydi.”.

9. 1-ilovada:

1) sarlavha quyidagi tahrirda bayon etilsin:

“
Schyotlar rejasi		Schyotlar nomi	Qoʻllanish sohasi		Schyot turi
Boʻlim	Kichik boʻlim	Schyotlar nomi	GʻB*	BTMJ**	Schyot turi
					”;

2) 102 419-qatordan keyin quyidagi mazmundagi 102 420 — 102 422-qatorlar bilan toʻldirilsin:

“
102	420	Davlat muassasalari mablagʻlari	+
102	421	Davlat maqsadli va boshqa budjetdan tashqari jamgʻarmalarning mablagʻlari	+	+
102	422	Boshqa jamgʻarmalar mablagʻlari	+	+
					”;

3) 103 000-qator quyidagi tahrirda bayon etilsin:

“
103	000	Davlat budjeti, davlat maqsadli va boshqa budjetdan tashqari jamgʻarmalarning boshqa hisobraqamlardagi mablagʻlari	+	+	A
					”;

4) 103 200-qator quyidagi tahrirda bayon etilsin:

“
103	200	Davlat maqsadli va boshqa budjetdan tashqari jamgʻarmalarining boshqa hisobraqamlardagi mablagʻlari	+	+
					”;

5) 105 100 va 105 200-qatorlar quyidagi tahrirda bayon etilsin:

“
105	100	Davlat budjetining xorijiy valyutadagi mablagʻlari	+	+
105	200	Davlat maqsadli jamgʻarmalarining va boshqa budjetdan tashqari jamgʻarmalarning xorijiy valyutadagi mablagʻlari	+	+
					”;

6) 105 300-qatordan keyin quyidagi mazmundagi 105 900-qator bilan toʻldirilsin:

“
105	900	Budjet tizimi budjetlarining xorijiy valyutadagi aniqlanmagan mablagʻlari	+
				”;

7) 106 000-qator quyidagi tahrirda bayon etilsin:

“
106	000	Davlat budjeti, davlat maqsadli va boshqa budjetdan tashqari jamgʻarmalarning boshqa hisobraqamlardagi xorijiy valyutadagi mablagʻlari	+	+	A
					”;

8) 106 200-qator quyidagi tahrirda bayon etilsin:

“
106	200	Davlat maqsadli va boshqa budjetdan tashqari jamgʻarmalarning boshqa hisobraqamlardagi xorijiy valyutadagi mablagʻlari	+	+
					”;

9) 108 000-qator quyidagi tahrirda bayon etilsin:

“
108	000	Hisob-kitob kliring palatasi va tashqi hisob-kitoblar boʻyicha maqsadli mablagʻlar	+	A
				”;

10) 111 200-qator quyidagi tahrirda bayon etilsin:

“
111	200	Davlat maqsadli va boshqa budjetdan tashqari jamgʻarmalari hisobidan naqd pul olish uchun tranzit hisobvaraqlariga oʻtkazilgan mablagʻlar	+	+
					”;

11) 111 310-qatordan keyin quyidagi mazmundagi 111 313-qator bilan toʻldirilsin:

“
111	313	Turgʻun davolash-profilaktika muassasalarida davolanayotgan bemorlardan ovqatlanish uchun undiriladigan toʻlovlar, shuningdek Davlat tibbiy sugʻurta jamgʻarmasi mablagʻlari hisobidan naqd pul olish uchun tranzit hisobvaraqlariga oʻtkazilgan mablagʻlar	+	+
					”;

12) 111 500-qator quyidagi tahrirda bayon etilsin:

“
111	500	Hisob-kitob kliring palatasiga oʻtkazilgan va tashqi hisob-kitoblar boʻyicha maqsadli mablagʻlar	+	+
					”;

13) 122 000 — 123 200-qatorlar quyidagi tahrirda bayon etilsin:

“
122	000	Berilgan qisqa muddatli kreditlar	+	+
122	100	Berilgan qisqa muddatli ichki kreditlar	+	+
122	110	Nomoliyaviy davlat tashkilotlariga berilgan qisqa muddatli ichki kreditlar	+	+
122	120	Nodavlat notijorat tashkilotlarga berilgan qisqa muddatli ichki kreditlar	+	+
122	130	Moliyaviy tashkilotlarga berilgan qisqa muddatli ichki kreditlar	+	+
122	190	Boshqa berilgan qisqa muddatli ichki kreditlar	+	+
122	200	Berilgan qisqa muddatli tashqi kreditlar	+	+
123	000	Olingan qisqa muddatli qimmatli qogʻozlar (aksiyalar bundan mustasno)	+	+
123	100	Olingan qisqa muddatli ichki qimmatli qogʻozlar (aksiyalar bundan mustasno)	+	+
123	200	Olingan qisqa muddatli tashqi qimmatli qogʻozlar (aksiyalar bundan mustasno)	+	+
					”;

14) 131 000-qator quyidagi tahrirda bayon etilsin:

“
131	000	Berilgan qisqa muddatli ssudalar	+	+
					”;

15) 131 200-qator quyidagi tahrirda bayon etilsin:

“
131	200	Davlat maqsadli jamgʻarmalaridan maqsadli va boshqa budjetdan tashqari jamgʻarmalarga berilgan qisqa muddatli ssudalar	+	+
					”;

16) 165 000-qatordan keyin quyidagi mazmundagi 166 000-qator bilan toʻldirilsin:

“
166	000	Tovarlar	+
				”;

17) 212 000 — 215 000-qatorlar quyidagi tahrirda bayon etilsin:

“
212	000	Berilgan oʻrta va uzoq muddatli kreditlar	+	+
212	100	Berilgan oʻrta va uzoq muddatli ichki kreditlar	+	+
212	110	Nomoliyaviy davlat tashkilotlariga berilgan oʻrta va uzoq muddatli ichki kreditlar	+	+
212	120	Nodavlat notijorat tashkilotlarga berilgan oʻrta va uzoq muddatli ichki kreditlar	+	+
212	130	Moliyaviy tashkilotlarga berilgan oʻrta va uzoq muddatli ichki kreditlar	+	+
212	190	Boshqa berilgan oʻrta va uzoq muddatli ichki kreditlar	+	+
212	200	Berilgan oʻrta va uzoq muddatli tashqi kreditlar	+	+
213	000	Aksiya va kapital	+	+
213	100	Ichki aksiya va kapital	+	+
213	200	Tashqi aksiya va kapital	+	+
214	000	Olingan oʻrta va uzoq muddatli qimmatli qogʻozlar (aksiyalar bundan mustasno)	+	+
214	100	Olingan oʻrta va uzoq muddatli ichki qimmatli qogʻozlar (aksiyalar bundan mustasno)	+	+
214	200	Olingan oʻrta va uzoq muddatli tashqi qimmatli qogʻozlar (aksiyalar bundan mustasno)	+	+
215	000	Berilgan uzoq muddatli ssudalar	+	+
					”;

18) 215 200-qator quyidagi tahrirda bayon etilsin:

“
215	200	Davlat maqsadli jamgʻarmalaridan maqsadli va boshqa budjetdan tashqari jamgʻarmalarga berilgan uzoq muddatli ssudalar	+	+
					”;

19) 241 322-qatordan keyin quyidagi mazmundagi 241 330 — 241 339-qatorlar bilan toʻldirilsin:

“
241	330	Kutubxona fondiga kapital quyilmalar	+
241	331	Darsliklar fondi	+
241	332	Badiiy kitoblar fondi	+
241	339	Boshqa turdagi kutubxona fondi	+
				”;

20) 301 302-qatordan keyin quyidagi mazmundagi 301 303 va 301 304-qatorlar bilan toʻldirilsin:

“
301	303	Rezident-yuridik shaxslarga beriladigan (ochiladigan) budjet ssudalari majburiyatlari	+
301	304	Hisob-kitoblar markazida chet el valyutasidagi mablagʻlari boʻyicha majburiyatlari	+
				”;

21) 321 200-qator quyidagi tahrirda bayon etilsin:

“
321	200	Davlat maqsadli va boshqa budjetdan tashqari jamgʻarmalarga Davlat maqsadli jamgʻarmalari hisobidan olingan qisqa muddatli ssudalar	+	+
					”;

22) 333 000-qator quyidagi tahrirda bayon etilsin:

“
333	000	Davlat maqsadli va boshqa budjetdan tashqari jamgʻarmalarning xarajatlari boʻyicha majburiyatlar	+	+
					”;

23) 413 130 — 413 200-qatorlar quyidagi tahrirda bayon etilsin:

“
413	130	Davlat maqsadli va boshqa budjetdan tashqari jamgʻarmalariga budjet mablagʻlari hisobidan olingan uzoq muddatli ssudalar	+	+
413	200	Davlat maqsadli va boshqa budjetdan tashqari jamgʻarmalariga Davlat maqsadli jamgʻarmalari hisobidan olingan uzoq muddatli ssudalar	+	+
					”;

24) 503 000-qatordan keyin quyidagi mazmundagi 504 000-qator bilan toʻldirilsin:

“
504	000	Davlat maqsadli va boshqa budjetdan tashqari jamgʻarmalarning mablagʻlaridan moliyalashtirish	+
				”;

25) 510 000-qator quyidagi tahrirda bayon etilsin:

“
510	000	Davlat maqsadli va boshqa budjetdan tashqari jamgʻarmalarining hisoblangan daromadlari	+	+
					”;

26) 750 000-qatordan keyin quyidagi mazmundagi 760 000-qator bilan toʻldirilsin:

“
760	000	Davlat maqsadli va boshqa budjetdan tashqari jamgʻarmalarning mablagʻlari hisobidan amalga oshirilgan haqiqiy xarajatlar	+
				”;

27) 920 000 — 922 000-qatorlar quyidagi tahrirda bayon etilsin:

“
920	000	Kurs farqi boʻyicha foyda yoki zararlar	+	+	T
921	100	Kurs farqidan foyda	+	+
922	200	Kurs farqidan zarar	+	+
					”;

28) 986 000-qatordan keyin quyidagi mazmundagi 987 000-qator bilan toʻldirilsin:

“
987	000	Davlat maqsadli va boshqa budjetdan tashqari jamgʻarmalarning mablagʻlari boʻyicha moliyaviy natija	+
				”;

29) Izoh qismi quyidagi tahrirda bayon etilsin:

“Izoh:

GʻB — gʻaznachilik boʻlinmalari;

BTMJ — budjet tashkilotlari hamda davlat maqsadli va boshqa budjetdan tashqari jamgʻarmalar taqsimlovchi organlari.”.

(Qonunchilik maʼlumotlari milliy bazasi, 20.09.2025-y., 10/25/3078-6/0856-son)