548-сон 28.08.2025. Oʻzbekiston futbol assotsiatsiyasi futbol akademiyalarining oʻquvchilarini yashash uchun jihozlar, sport anjomlari va kiyim-bosh bilan taʼminlash hamda sutkalik oziq-ovqat normalariga oʻzgartirish kiritish toʻgʻrisida

Oʻzbekiston Respublikasi Vazirlar Mahkamasining

qarori

Oʻzbekiston futbol assotsiatsiyasi futbol akademiyalarining oʻquvchilarini yashash uchun jihozlar, sport anjomlari va kiyim-bosh bilan taʼminlash hamda sutkalik oziq-ovqat normalariga oʻzgartirish kiritish toʻgʻrisida

Oʻzbekiston Respublikasi Prezidentining “Futbol-taʼlim muassasalari tarmogʻini kengaytirish hamda xalqaro standartlarga mos keladigan futbol infratuzilmasini rivojlantirish chora-tadbirlari toʻgʻrisida” 2023-yil 3-noyabrdagi PQ-355-son qaroriga muvofiq futbol akademiyalari oʻquvchilarini muntazam sport bilan shugʻullanishlari uchun ularning sutkalik oziq-ovqat normasini yanada oshirish maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining 2023-yil 9-sentabrdagi 458-son qarori bilan tasdiqlangan Oʻzbekiston futbol assotsiatsiyasi futbol akademiyalarining oʻquvchilarini yashash uchun jihozlar, sport anjomlari va kiyim-bosh bilan taʼminlash hamda sutkalik oziq-ovqat normalariga sutkalik oziq-ovqat normalarini qayta koʻrib chiqishni nazarda tutuvchi oʻzgartirish kiritilsin.

2. Ushbu qarorning bajarilishini nazorat qilish Oʻzbekiston Respublikasi sport vaziri A.I. Ikramov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 28-avgust,

548-son

Vazirlar Mahkamasining 2025-yil 28-avgustdagi 548-son qaroriga
ILOVA

“III. Oʻquvchilarni kunlik oziq-ovqat bilan taʼminlash normalari” boʻlimi quyidagi tahrirda bayon etilsin:

“III. Oʻquvchilarni kunlik oziq-ovqat bilan taʼminlash normalari

T/r	Mahsulotlarning nomi	Gramm (brutto)
1.	Bugʻdoy noni, 1-navli	600
2.	Bugʻdoy uni, 1-navli	30
3.	Yorma, makaron mahsulotlari	160
4.	Qand-shakar	100
5.	Asal	30
6.	Qandolatchilik mahsulotlari	120
7.	Sariyogʻ	80
8.	Oʻsimlik yogʻi	30
9.	Sut-qatiq	600
10.	Qaymoq	50
11.	Tvorog	100
12.	Pishloq	50
13.	Goʻsht, parranda goʻshti	410
14.	Kolbasa mahsulotlari	70
15.	Baliq	100
16.	Tuxum (dona)	2
17.	Kartoshka	500
18.	Sabzavotlar, shu jumladan pomidor pastasi	700
19.	Meva rezavorlar, hoʻl meva, sharbatlar, vitaminli ichimliklar	800
20.	Quruq mevalar, shu jumladan naʼmatak 0,5 gr, bargak	50
21.	Choy	3
22.	Kakao	5
23.	Yodlangan tuz	10
24.	Xamirturush	1
25.	Mineral suv (gazsiz)	500
26.	Bugʻdoy maysalari kukuni	3
	Oqsillar	231,8
	Yogʻlar	228,8
	Uglevodlar	957,9
	Kaloriya	6 693,8

Izoh. Ushbu norma eng yuqori norma hisoblanadi. Oʻquvchilar uchun aniq normalar uning yoshi va jinsiga, shuningdek, oʻqitish boʻgʻiniga bogʻliq ravishda sanitariya qoidalari, normalari va gigiyena normativlariga muvofiq belgilanadi”.

(Qonunchilik maʼlumotlari milliy bazasi, 29.08.2025-y., 09/25/548/0789-son)