Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi, “Banklar va bank faoliyati toʻgʻrisida”gi qonunlari va Oʻzbekiston Respublikasi Prezidentining 2025-yil 21-apreldagi PF-70-son “2025-yil uchun xususiylashtirish dasturi toʻgʻrisida”gi Farmoniga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki boshqaruvining 2020-yil 15-fevraldagi 3/12-son qarori (roʻyxat raqami 3229, 2020-yil 13-aprel) (Qonun hujjatlari maʼlumotlari milliy bazasi, 13.04.2020-y., 10/20/3229/0455-son) bilan tasdiqlangan Oʻzbekiston Respublikasida naqd pulsiz hisob-kitoblar toʻgʻrisidagi nizomga ilovaga muvofiq qoʻshimcha va oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 2-bandning birinchi xatboshisi “Banklar” degan soʻzdan keyin “, shu jumladan mikromoliya banklari (bundan buyon matnda bank deb yuritiladi)” degan soʻzlar bilan toʻldirilsin.

2. 33 va 49-bandlarning ikkinchi xatboshilaridagi “Oʻzbekiston Respublikasi Vazirlar Mahkamasi huzuridagi Soliq qoʻmitasining” degan soʻzlar “Oʻzbekiston Respublikasi Soliq qoʻmitasining” degan soʻzlar bilan almashtirilsin.

3. 65-bandda:

“d” kichik banddagi “bank hisobvaraqlariga.” degan soʻzlar “bank hisobvaraqlariga;” degan soʻzlar bilan almashtirilsin;

quyidagi mazmundagi “e” kichik band bilan toʻldirilsin:

“e) Oʻzbekiston Respublikasi Davlat aktivlarini boshqarish agentligi — davlat aktivlarini sotish boʻyicha oldi-sotdi shartnomalari va davlat koʻchmas mulk obyektlarini ijaraga berish shartnomalari boʻyicha tadbirkorlik subyektlari tan olgan qarzdorliklarni undirish toʻgʻrisida.”.