“Oʻzbekiston Respublikasida tadbirkorlik toʻgʻrisida”gi Oʻzbekiston Respublikasining 1991-yil 15-fevraldagi Qonuniga (Oʻzbekiston Respublikasi Oliy Kengashining Axborotnomasi, 1991-yil, № 4, 60-modda) quyidagi oʻzgartish va qoʻshimchalar kiritilsin:

1. Muqaddimaning ikkinchi qismi quyidagi tahrirda bayon etilsin:

“Qonun tadbirkorlarning iqtisodiy va huquqiy mustaqilligini kafolatlaydi, ularning huquqlari va javobgarligini belgilab beradi, tadbirkorlarning bir-birlari bilan va boshqa korxonalar hamda tashkilotlar bilan, barcha boshqaruv idoralari bilan oʻzaro munosabatlarini Oʻzbekiston Respublikasi Konstitutsiyasida mustahkamlab qoʻyilgan mulkchilik shakllari asosida va ularga muvofiq tartibga solib turadi”.

2. 1-moddaning:

birinchi qismi quyidagi tahrirda bayon etilsin:

“Tadbirkorlik – mulkchilik subyektlarining mollar ishlab chiqarish va xizmatlar koʻrsatish hamda foyda yoki daromad olishga qaratilgan amaldagi qonunlar doirasida tashabbuskorlik bilan faoliyat koʻrsatishidir”;

ikkinchi qismi uchinchi xatboshisidagi “fuqarolar” degan soʻzlar “jismoniy” degan soʻzlar bilan almashtirilsin;

uchinchi qismi quyidagi tahrirda bayon etilsin:

“Tadbirkorlik faoliyati mulkdor tomonidan ham, shuningdek uning mol-mulkini idora qiluvchi subyekt tomonidan ham amalga oshirilishi mumkin”.

3. 3-moddaning:

uchinchi va beshinchi xatboshilari chiqarib tashlansin;

toʻrtinchi va oltinchi xatboshilari tegishli ravishda uchinchi va toʻrtinchi xatboshilari deb hisoblansin.

4. 4-modda birinchi qismining ikkinchi xatboshisidan “va SSSRning” degan soʻzlar chiqarib tashlansin.

5. 5-moddaning:

ikkinchi xatboshisidagi “mehnat faoliyati asosida” degan soʻzlar “tartibdagi faoliyat” degan soʻzlar bilan almashtirilsin;

uchinchi xatboshisidan “ayrim fuqaro tomonidan” va “xususiy” degan soʻzlar chiqarib tashlansin;

toʻrtinchi va beshinchi xatboshilari quyidagi tahrirda bayon etilsin:

“Bir guruh fuqarolar va yuridik shaxslar tomonidan amalga oshiriladigan jamoa tadbirkorligi yoki hamkorlikdagi tadbirkorlik”.

6. 7-moddaning:

birinchi qism birinchi xatboshisi quyidagi tahrirda bayon etilsin:

“Har bir fuqaro (bir guruh fuqarolar) xoʻjalik yurituvchi boshqa subyektlar bilan teng asoslarda Oʻzbekiston Respublikasi qonunlarida belgilangan shartlarga rioya qilgan holda”;

ikkinchi xatboshisidan “Oʻzbekiston Respublikasi qonunlarida belgilangan shartlarga rioya qilgan holda” degan soʻzlar chiqarib tashlansin;

toʻrtinchi xatboshisida “fuqarolarning” degan soʻz “jismoniy shaxslarning” degan soʻzlar bilan almashtirilsin.

beshinchi, oltinchi va yettinchi xatboshilari quyidagi tahrirda bayon qilinsin:

“mustaqil tarzda xodimlarni yollash va ishdan boʻshatish;

tadbirkorlik orqali chegaralanmagan miqdorda, lekin soliq solinadigan shaxsiy daromad orttirish;

ijtimoiy taʼminlanish va ijtimoiy sugʻurta qilinish huquqiga egadir”.