Budjetdan mablagʻ bilan taʼminlanadigan vazirliklar, davlat qoʻmitalari va idoralarning umumiy-majburiy tusdagi idoraviy normativ hujjatlarining huquqiy ekspertizasi uchun yigʻim toʻlanishi budjetdan qoʻshimcha mablagʻ ajratilishiga olib kelishini hisobga olib Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining “Vazirliklar, davlat qoʻmitalari va idoralarning umumiy-majburiy tusdagi idoraviy normativ hujjatlarining huquqiy ekspertizasi va ularni davlat roʻyxatiga olish toʻgʻrisidagi Nizomni tasdiqlash haqida” 1993-yil 17-iyundagi 294-son qarori quyidagi tahrirdagi 3-band bilan toʻldirilsin.

“3. Belgilab qoʻyilsinki, Oʻzbekiston Respublikasining budjetdan mablagʻ bilan taʼminlanadigan vazirliklari, idoralari va davlat qoʻmitalari umumiy-majburiy tusdagi idoraviy normativ hujjatlari huquqiy ekspertizadan oʻtkazilganligi uchun yigʻim toʻlashdan ozod qilinadilar”.

Qarorning ilgarigi 3-bandi 4-band deb hisoblansin.