toggle_night_mode
Hujjat kuchini yo‘qotgan 22.02.2021
Oʻzbekiston Respublikasi Vazirlar Mahkamasining
qarori
YoShLARNING HUQUQIY TAʼLIMINI TAKOMILLAShTIRISh KOMPLEKS DASTURI TOʻGʻRISIDA
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Huquqiy taʼlimni takomillashtirish, yoshlarning huquqiy madaniyati darajasini oshirish hamda Oʻzbekiston Respublikasida huquqiy demokratik davlat qurish uchun shart-sharoitlar yaratish maqsadida Vazirlar Mahkamasi qaror qiladi:
1. Yoshlar oʻrtasida huquqiy taʼlimni takomillashtirish Kompleks dasturi ilovaga* muvofiq tasdiqlansin.
* Ilova rus tilidagi matnda berilgan.
2. Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi, Adliya vazirligi, Fanlar akademiyasi ilova qilinayotgan Kompleks dasturga muvofiq zarur oʻquv-uslubiy adabiyotni tayyorlasinlar va Davlat matbuot qoʻmitasi bilan birgalikda nashr etsinlar.
3. Oʻzbekiston Respublikasi Adliya vazirligi Toshkent davlat yuridik institutida 1994/95 oʻquv yilidan boshlab:
huquqshunos pedagoglar tayyorlash uchun huquqiy pedagogika fakultetini;
“Davlat va huquq” mutaxassisligi oʻqituvchilarini qayta tayyorlash uchun malaka oshirish fakultetini;
huquqshunoslik asoslarini chuqur oʻrgatishga ixtisoslashtirilgan huquqshunoslik litseyni tashkil etsin.
4. Kompleks dasturning ijrochilari sifatida tasdiqlangan Oʻzbekiston Respublikasi vazirliklari va idoralari bir oy muddatda dasturni oʻz vaqtida bajarish chora-tadbirlari majmuini ishlab chiqsinlar va tasdiqlasinlar.
5. Oʻzbekiston Respublikasi Moliya vazirligi Kompleks dasturda nazarda tutilgan tadbirlarni bajarish uchun zarur mablagʻlar ajratsin.
6. Mazkur qarorning bajarilishini nazorat qilish Bosh vazir oʻrinbosari M. Qoraboyev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1994-yil 13-iyun,
296-son