toggle_night_mode
Oʻzbekiston Respublikasi Prezidentining
Farmoni
Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi faoliyatining takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida
Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga muvofiq:
1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirishlar kiritilsin:
Sanitariya-epidemiologik osoyishtalik va jamoat salomatligi xizmatining Sanitariya-epidemiologik osoyishtalik va jamoat salomatligi qoʻmitasi deb nomlanishi;
Sanitariya-epidemiologik osoyishtalik va jamoat salomatligi qoʻmitasi tizimida Sanitariya-epidemiologik osoyishtalik va jamoat salomatligi sohasida kadrlarni qayta tayyorlash va ularning malakasini oshirish markazining tashkil etilganligi munosabati bilan qonunchilik hujjatlarini oʻzaro muvofiqlashtirish.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 27-dekabr,
PF-230-son
Oʻzbekiston Respublikasi Prezidentining 2024-yil 27-dekabrdagi PF-230-son Farmoniga
ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2020-yil 25-iyuldagi “Koronavirus pandemiyasini yumshatish, aholining sanitariya-epidemiologik osoyishtaligi va salomatligini saqlash tizimini tubdan takomillashtirish chora-tadbirlari toʻgʻrisida”gi PF-6035-son Farmonida:
a) 3-band quyidagi tahrirda bayon etilsin:
“3. Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi (keyingi oʻrinlarda — Sanepidqoʻm), uning hududiy boshqarmalari va tuman (shahar) boʻlimlari tashkil etilsin.
Belgilansinki, Sanepidqoʻm uning tuzilmasiga kiruvchi tashkilotlar bilan birga yaxlit tizimni tashkil qiladi”;
b) 4-banddagi tegishli kelishikdagi “Sanitariya-epidemiologiya xizmati” soʻzlari tegishli kelishikdagi “Sanepidqoʻm” qisqartmasi bilan almashtirilsin;
v) 5-bandda:
“a” kichik banddagi tegishli kelishikdagi “Sanitariya-epidemiologiya xizmati” soʻzlari tegishli kelishikdagi “Sanepidqoʻm” qisqartmasi bilan almashtirilsin;
“b” kichik banddagi “Sanitariya-epidemiologiya xizmatiga” soʻzlari “Sanepidqoʻmga” qisqartmasi bilan almashtirilsin;
“v” kichik banddagi “Sanitariya-epidemiologiya xizmati” soʻzlari “Sanepidqoʻm” qisqartmasi bilan almashtirilsin;
g) 7-bandning ikkinchi xatboshisidagi “Sanitariya-epidemiologiya xizmati” soʻzlari “Sanepidqoʻm” qisqartmasi bilan almashtirilsin;
d) 8-bandda:
ikkinchi, toʻrtinchi va beshinchi xatboshilardagi “Sanitariya-epidemiologiya xizmati” soʻzlari “Sanepidqoʻm” qisqartmasi bilan almashtirilsin;
uchinchi xatboshi quyidagi tahrirda bayon etilsin:
“Sanepidqoʻmning boshqaruv funksiyalarini amalga oshirish bilan bogʻliq xarajatlarini qoplash”;
e) 12-bandda:
birinchi va uchinchi xatboshilardagi tegishli kelishikdagi “Sanitariya-epidemiologiya xizmati” soʻzlari tegishli kelishikdagi “Sanepidqoʻm” qisqartmasi bilan almashtirilsin.
2. Oʻzbekiston Respublikasi Prezidentining 2021-yil 2-iyundagi “Texnik jihatdan tartibga solish sohasida davlat boshqaruvini tubdan takomillashtirish toʻgʻrisida”gi PF-6240-son Farmonining 15-bandi beshinchi xatboshisidagi “Sanitariya-epidemiologik osoyishtalik va jamoat salomatligi xizmati boshligʻi” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi raisi” soʻzlari bilan almashtirilsin.
3. Oʻzbekiston Respublikasi Prezidentining 2022-yil 17-maydagi “Tibbiyot muassasalari xodimlarini moddiy qoʻllab-quvvatlash hamda ragʻbatlantirishni kuchaytirish chora-tadbirlari toʻgʻrisida”gi PF-136-son Farmoni 2-bandining ikkinchi xatboshisidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin.
4. Oʻzbekiston Respublikasi Prezidentining 2022-yil 9-noyabrdagi PF-244-son Farmoni bilan tasdiqlangan Tadbirkorlik subyektlari uchun tartibga solish yukini kamaytirish boʻyicha ishchi guruh tarkibining 12-bandidagi “Sanitariya-epidemiologik osoyishtalik va jamoat salomatligi xizmati boshligʻi” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi raisi” soʻzlari bilan almashtirilsin.
5. Oʻzbekiston Respublikasi Prezidentining 2023-yil 6-sentabrdagi “Sogʻliqni saqlash vazirligi faoliyatini yanada takomillashtirish chora-tadbirlari toʻgʻrisida”gi PF-156-son Farmonining 8-bandi quyidagi tahrirda bayon etilsin:
“8. Quyidagilar 2024-yil 1-yanvardan Tibbiyotni rivojlantirish jamgʻarmasi mablagʻlarini shakllantirish manbalari etib belgilansin:
a) Davlat budjetidan har yili ajratiladigan 350 milliard soʻm miqdoridagi mablagʻlar;
b) spinal mushak atrofiyasi tashxisi qoʻyilgan bolalarga tibbiy-ijtimoiy yordam koʻrsatish va dori vositalarini bepul yetkazib berish xarajatlari uchun Davlat budjetidan ajratiladigan mablagʻlar;
v) iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish uchun Davlat budjetidan har yili ajratiladigan 50 milliard soʻm miqdoridagi mablagʻlar;
g) Sogʻliqni saqlash vazirligi tizimidagi muassasalar va tashkilotlarning boʻsh turgan binolari, koʻchmas mulk obyektlari va yer uchastkalarini ommaviy savdolar (auksion)da sotishdan tushadigan mablagʻlarning Davlat budjetiga oʻtkaziladigan qismining 50 foizi. Bunda tushumlar quyidagi ulushlarda taqsimlanadi:
46 foizi — Oʻzbekiston Respublikasining Davlat budjetiga;
46 foizi — Tibbiyotni rivojlantirish davlat maqsadli jamgʻarmasiga;
5 foizi — Davlat aktivlarini boshqarish, transformatsiya va xususiylashtirish jamgʻarmasiga;
3 foizi — Sportni qoʻllab-quvvatlash jamgʻarmasiga;
d) Sogʻliqni saqlash vazirligi tizimidagi muassasa va tashkilotlarning mol-mulkini ijaraga berishdan tushadigan tushumlarning mahalliy budjetlarga oʻtkaziladigan qismining 100 foizi. Bunda tushumlar quyidagi ulushlarda taqsimlanadi:
40 foizi — davlat mulkini balansda saqlovchiga;
25 foizi — Tibbiyotni rivojlantirish davlat maqsadli jamgʻarmasiga;
20 foizi — Davlat mulki obyektlaridan samarali foydalanish markaziga;
e) xalqaro moliya institutlarining, hukumat va nohukumat tashkilotlarning grantlari va texnik koʻmak mablagʻlari;
j) Gʻaznachilik xizmati qoʻmitasi tomonidan Tibbiyotni rivojlantirish davlat maqsadli jamgʻarmasining vaqtincha boʻsh turgan mablagʻlarini tijorat banklari depozitlariga joylashtirishdan olinadigan daromadlar;
z) jismoniy va yuridik shaxslarning homiylik xayriyalari;
i) qonunchilik hujjatlarida taqiqlanmagan boshqa manbalar”.
6. Oʻzbekiston Respublikasi Prezidentining 2024-yil 12-avgustdagi “Ish haqi, pensiyalar va nafaqalar miqdorini oshirish toʻgʻrisida”gi PF-108-son Farmonining 2-bandi ikkinchi xatboshisidagi “budjet tashkilotlarida ishlovchi tibbiyot xodimlari” soʻzlari “budjet tashkilotlarida ishlovchi tibbiyot va farmatsevtika xodimlari” soʻzlari bilan almashtirilsin.
7. Oʻzbekiston Respublikasi Prezidentining 2005-yil 1-dekabrdagi “Tibbiyot xodimlari mehnatiga haq toʻlash tizimini takomillashtirish toʻgʻrisida”gi PQ-229-son qarorining 3-bandi ikkinchi xatboshisidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin.
8. Oʻzbekiston Respublikasi Prezidentining 2010-yil 8-yanvardagi “Respublika soliq organlari tizimini yanada modernizatsiya qilish chora-tadbirlari toʻgʻrisida”gi PQ-1257-son qarorining 3-bandi ikkinchi xatboshisidagi “Sogʻliqni saqlash vazirligining sanitariya-epidemiologiya xizmati organlariga” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi organlariga” soʻzlari bilan almashtirilsin.
9. Oʻzbekiston Respublikasi Prezidentining 2018-yil 25-dekabrdagi PQ-4076-son qarori bilan tasdiqlangan Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazish toʻgʻrisidagi nizomda:
a) 21-bandning “a” kichik bandidagi “sanitariya-epidemiologik osoyishtalik va jamoat salomatligi xizmatining” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining” soʻzlari bilan almashtirilsin;
b) 104-bandning toʻrtinchi xatboshisidagi “sanitariya-epidemiologik osoyishtalik va jamoat salomatligi xizmatining” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining” soʻzlari bilan almashtirilsin.
10. Oʻzbekiston Respublikasi Prezidentining 2020-yil 27-iyuldagi “Oʻzbekiston Respublikasi Sanitariya-epidemiologik osoyishtalik va jamoat salomatligi xizmati faoliyatini tashkil qilish chora-tadbirlari toʻgʻrisida”gi PQ-4790-son qarorida:
a) nomlanishidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin;
b) 1-bandning birinchi xatboshisidagi “Sanitariya-epidemiologik osoyishtalik va jamoat salomatligi xizmatining (keyingi oʻrinlarda — Sanitariya-epidemiologiya xizmati)” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining (keyingi oʻrinlarda — Sanepidqoʻm)” soʻzlari bilan almashtirilsin;
v) 2-bandning birinchi va toʻqqizinchi xatboshilaridagi “Sanitariya-epidemiologiya xizmati” soʻzlari “Sanepidqoʻm” qisqartmasi bilan almashtirilsin;
g) 3-band hamda 1 — 3-ilovalar oʻz kuchini yoʻqotgan deb hisoblansin;
d) 4-band quyidagi tahrirda bayon etilsin:
“4. Belgilab qoʻyilsinki:
Sanepidqoʻm aholining sanitariya-epidemiologik osoyishtaligi va jamoat salomatligi sohasida tarmoq faoliyatini muvofiqlashtiruvchi va tartibga soluvchi hamda tizimdagi rahbariy faoliyatni kollegial asosda tashkil etadigan, shuningdek, Sogʻliqni saqlash vazirligining tashkiliy boʻysunuvida faoliyat yuritadigan respublika ijro etuvchi hokimiyat organi hisoblanadi;
Sanepidqoʻm Sogʻliqni saqlash vazirligining tarkibiga kiradi, Sanepidqoʻmning raisi bir vaqtning oʻzida Bosh davlat sanitariya vrachi hisoblanadi;
Sanepidqoʻmning tuman (shahar) boʻlimlari oʻz faoliyatida tegishincha Sanepidqoʻmning Qoraqalpogʻiston Respublikasi, viloyatlar va Toshkent shahar boshqarmalariga, Sanepidqoʻmning Qoraqalpogʻiston Respublikasi, viloyatlar va Toshkent shahar boshqarmalari esa — Sanepidqoʻmga bevosita boʻysunadilar va ularning oldida hisobdordir;
Sanepidqoʻm va uning hududiy boʻlinmalari oʻz vakolatlarini barcha davlat organlari va tashkilotlari, ularning mansabdor shaxslaridan mustaqil ravishda amalga oshiradilar;
Sanepidqoʻm raisi Oʻzbekiston Respublikasi Prezidenti tomonidan, uning oʻrinbosarlari esa sogʻliqni saqlash vazirining taqdimnomasiga koʻra Vazirlar Mahkamasi tomonidan lavozimga tayinlanadi va lavozimidan ozod etiladi;
Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi Epidemiologiya, mikrobiologiya va yuqumli kasalliklar ilmiy tadqiqot instituti negizida tashkil etiladi;
Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi barcha davlat yuqumli kasalliklar shifoxonalari va dispanserlari hamda davlat tibbiyot tashkilotlarining yuqumli kasalliklar boʻlinmalari faoliyatiga tashkiliy-metodik rahbarlikni amalga oshiradi;
Virusologiya ilmiy-tadqiqot instituti yuridik shaxs maqomi saqlangan holda — Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazining tashkiliy tuzilmasiga kiradi;
Virusologiya ilmiy-tadqiqot instituti direktori bir vaqtning oʻzida Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi direktorining birinchi oʻrinbosari hisoblanadi;
Milliy referens laboratoriya Laboratoriya kompleksi negizida tashkil qilinadi. Bunda Milliy referens laboratoriyani moliyalashtirishning amaldagi tartibi saqlab qolinadi va u respublika hududidagi barcha sanitariya-gigiyena, radiologiya, toksikologiya, bakteriologiya, parazitologiya hamda virusologiya laboratoriyalari natijalarini muvofiqlashtiradi va ularga amaliy-uslubiy yordam koʻrsatadi”;
e) 6-bandda:
birinchi xatboshidagi “Sanitariya-epidemiologiya xizmati boshligʻiga” soʻzlari “Sanepidqoʻm raisiga” soʻzlari bilan almashtirilsin;
ikkinchi xatboshidagi “Sanitariya-epidemiologiya xizmati” soʻzlari “Sanepidqoʻm” qisqartmasi bilan almashtirilsin;
uchinchi xatboshi quyidagi tahrirda bayon etilsin:
“Sanepidqoʻm faoliyatini samarali tashkil etish, unga yuklatilgan vazifalarni oʻz vaqtida va sifatli amalga oshirish uchun budjetdan tashqari mablagʻlar hisobidan mahalliy va xorijiy institutlar, kompaniyalar, mutaxassislar va ekspertlarni, shu jumladan, shartnoma asosida jalb qilish huquqi berilsin”;
j) 10-banddagi “Sanitariya-epidemiologiya xizmati” soʻzlari “Sanepidqoʻm” qisqartmasi bilan almashtirilsin.
11. Oʻzbekiston Respublikasi Prezidentining 2020-yil 10-noyabrdagi “Aholining sogʻlom ovqatlanishini taʼminlash boʻyicha qoʻshimcha chora-tadbirlar toʻgʻrisida”gi PQ-4887-son qarorida:
a) 1-ilovaning 45-pozitsiyasi “Ijro uchun masʼullar” ustunidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin;
b) 5-ilovaning 5-pozitsiyasi “Viloyat darajasida” va “Tuman (shahar) darajasida” ustunlaridagi “sanitariya-epidemiologiya xizmatining” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining” soʻzlari bilan almashtirilsin.
12. Oʻzbekiston Respublikasi Prezidentining 2020-yil 12-noyabrdagi “Tibbiy profilaktika ishlari samaradorligini yanada oshirish orqali jamoat salomatligini taʼminlashga oid qoʻshimcha chora-tadbirlar toʻgʻrisida”gi PQ-4891-son qarorida:
a) 1-ilovaning 19-bandidagi “Sanitariya-epidemiologik osoyishtalik va jamoat salomatligi xizmati boshligʻi” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi raisi” soʻzlari bilan almashtirilsin;
b) 2-ilovaning 8-pozitsiyasi “Tashkilot” ustunidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin.
13. Oʻzbekiston Respublikasi Prezidentining 2020-yil 25-noyabrdagi “Biotexnologiyalarni rivojlantirish va mamlakatning biologik xavfsizligini taʼminlash tizimini takomillashtirish boʻyicha kompleks chora-tadbirlar toʻgʻrisida”gi PQ-4899-son qaroriga 3-ilovaning yigirma birinchi xatboshisidagi “Sanitariya-epidemiologik osoyishtalik va jamoat salomatligi xizmati boshligʻi” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi raisi” soʻzlari bilan almashtirilsin.
14. Oʻzbekiston Respublikasi Prezidentining 2021-yil 25-maydagi “Sogʻliqni saqlash sohasini kompleks rivojlantirishga doir qoʻshimcha chora-tadbirlar toʻgʻrisida”gi PQ-5124-son qarorining 14-bandi sakkizinchi xatboshisidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin.
15. Oʻzbekiston Respublikasi Prezidentining 2021-yil 16-iyundagi “Aholining jismoniy tayyorgarlik darajasini baholash tizimini joriy etishning tashkiliy chora-tadbirlari toʻgʻrisida”gi PQ-5148-son qarorining 7-bandi “g” kichik bandidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin.
16. Oʻzbekiston Respublikasi Prezidentining 2022-yil 26-yanvardagi PQ-102-son qarori bilan tasdiqlangan 2022 — 2024-yillarda respublika aholisiga endokrinologiya yordami koʻrsatishni rivojlantirish dasturining 25-pozitsiyasi “Ijrochilar” ustunidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin.
17. Oʻzbekiston Respublikasi Prezidentining 2022-yil 16-maydagi “Ayrim dolzarb virusli infeksiyalar tarqalishiga qarshi kurashish chora-tadbirlarini takomillashtirish toʻgʻrisida”gi PQ-243-son qarorida:
a) 13-banddagi “Sanitariya-epidemiologik osoyishtalik va jamoat salomatligi xizmati rahbari” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi raisi” soʻzlari bilan almashtirilsin;
b) 1-ilovada:
4-pozitsiyaning “Chora-tadbirlar” ustunidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin;
9, 10, 13, 14 va 19-pozitsiyalarning “Masʼul ijrochilar” ustunidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin;
16-pozitsiyada:
“Chora-tadbirlar” ustunidagi “Sanitariya-epidemiologik osoyishtalik va jamoat salomatligi xizmatida” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasida” soʻzlari bilan almashtirilsin;
“Amalga oshirish mexanizmi” ustuni 1-bandidagi “Sanitariya-epidemiologik osoyishtalik va jamoat salomatligi xizmatining” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining” soʻzlari bilan almashtirilsin.
18. Oʻzbekiston Respublikasi Prezidentining 2022-yil 11-avgustdagi “Sanitar tozalash ishlarini tashkil etish va aholi punktlarida tozalikni taʼminlash boʻyicha qoʻshimcha chora-tadbirlar toʻgʻrisida”gi PQ-349-son qaroriga 10-ilovaning oʻn ikkinchi xatboshisidagi “Sanitariya-epidemiologik osoyishtalik va jamoat salomatligi xizmati rahbari” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi raisi” soʻzlari bilan almashtirilsin.
19. Oʻzbekiston Respublikasi Prezidentining 2022-yil 18-noyabrdagi “Bolalarning dam olishlarini tizimli tashkil etish va sogʻlomlashtirish ishlarini yanada takomillashtirishga doir qoʻshimcha chora-tadbirlar toʻgʻrisida”gi PQ-427-son qaroriga 3-ilovaning “2-ishchi guruh. “Bolalarga malakali tibbiy xizmat koʻrsatish, oromgohlarda oziq-ovqat mahsulotlari sifatini, sanitariya-gigiyena talablariga rioya etilishini nazorat qilish” boʻlimi toʻrtinchi xatboshisidagi “Sanitariya-epidemiologik osoyishtalik va jamoat salomatligi xizmati boshligʻi” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi raisi” soʻzlari bilan almashtirilsin.
20. Oʻzbekiston Respublikasi Prezidentining 2023-yil 20-yanvardagi PQ-14-son qarori bilan tasdiqlangan Aholi orasida OIV infeksiyasi tarqalishiga qarshi kurashish samaradorligini oshirishga doir 2023 — 2027-yillarga moʻljallangan kompleks chora-tadbirlar dasturining 13 va 15-pozitsiyalari “Masʼul ijrochilar” ustunidagi “Sanitariya-epidemiologik osoyishtalik va jamoat salomatligi xizmati” soʻzlari “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” soʻzlari bilan almashtirilsin.
21. Oʻzbekiston Respublikasi Prezidentining 2023-yil 20-iyundagi “Maʼmuriy islohotlar doirasida sogʻliqni saqlash sohasida davlat boshqaruvini samarali tashkil qilish chora-tadbirlari toʻgʻrisida”gi PQ-197-son qaroriga 4-ilovaning matni quyidagi tahrirda bayon etilsin:
“Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining tashkiliy
tuzilmasi

Sanitariya-epidemiologiya hayʼati

Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi

Oʻzbekiston Respublikasi Prezidenti Administratsiyasi huzuridagi Tibbiyot bosh boshqarmasi, Mudofaa vazirligi, Ichki ishlar vazirligi, Milliy gvardiya, Davlat xavfsizlik xizmati, “Navoiy KMK” AJ, “Oʻzbekiston temir yoʻllari” AJning sanitariya-epidemiologiya xizmatlari

Milliy referens laboratoriya

Respublika OITSga qarshi kurashish markazi

Respublika oʻlat profilaktika markazi

Respublika dezinfeksiya stansiyasi

Fuqaro aviatsiyasi obyektlarida sanitariya-epidemiologik osoyishtalik markazi

Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi

Sanitariya-epidemiologik osoyishtalik va jamoat salomatligi qoʻmitasining hududiy boshqarmalari

14

Qoraqalpogʻiston Respublikasi, viloyatlar va Toshkent shahar OITSga qarshi kurashish markazlari

14

Respublika oʻlat profilaktika markazi filiallari

3

Qoraqalpogʻiston Respublikasi, viloyatlar va Toshkent shahar dezinfeksiya stansiyalari

14

Virusologiya ilmiy-tadqiqot instituti

Sanitariya-epidemiologik osoyishtalik va jamoat salomatligi qoʻmitasining tuman (shahar) boʻlimlari*

OITSga qarshi kurashish markazlarining tumanlararo laboratoriyalar bazasidagi filiallari

Respublika oʻlat profilaktika markazi filiallarining boʻlinmalari

6

Sanitariya, gigiyena va kasb kasalliklari ilmiy-tadqiqot instituti

Sanitariya-epidemiologik osoyishtalik va jamoat salomatligi sohasida kadrlarni qayta tayyorlash va ularning malakasini oshirish markazi

* Har bir tuman (shahar)da bittadan birlik”.
(Qonunchilik maʼlumotlari milliy bazasi, 30.12.2024-y., 06/24/230/1096-son)