|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
RESPUBLIKADA SAVDONI ERKINLAShTIRISh ChORA-TADBIRLARI TOʻFRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Isteʼmol bozorini oziq-ovqat va nooziq-ovqat tovarlari bilan toʻldirishda savdo tashkilotlarining manfaatdorligini oshirish maqsadida Vazirlar Mahkamasi qaror qiladi:
1. Belgilab qoʻyilsinki, 1995-yil 1-yanvardan boshlab savdo ustamalari tovarlarni tashish, saqlash va sotish xarajatlaridan kelib chiqqan holda savdo korxonalari tomonidan mustaqil ravishda belgilanadi.
Oʻzbekiston Respublikasi Moliya vazirligi, Davlat soliq qoʻmitasi savdo ustamalarini belgilash tartibini 10 kun muddatda manfaatdor tashkilotlarga yetkazsin.
2. Chakana savdo tarmogʻida mavjud boʻlishi majburiy boʻlgan oziq-ovqat va nooziq-ovqat tovarlari roʻyxati ilovaga muvofiq tasdiqlansin.
Bu bandning soʻzsiz bajarilishi uchun javobgarlik Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari hamda shaxsan Oʻzbekiston Respublikasi Bosh vazirining oʻrinbosari M.3. Usmonov zimmasiga yuklansin.
3. 1995-yil 1-yanvardan boshlab aholiga belgilangan normalarga muvofiq oziq-ovqat va kundalik ehtiyojdagi nooziq-ovqat tovarlarini sotish boʻyicha cheklashlar olib tashlansin.
4. “Oʻzbeksavdo” davlat uyushmasi, Oʻzbekbirlashuv, savdo tarmogʻiga ega boʻlgan vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
savdo korxonalarining yangi egalari bilan shartnomalar tuzilayotganda ilovada koʻrsatilgan tovarlarning erkin savdoda mavjud boʻlishini majburiy ravishda nazarda tutsinlar;
tovar resurslarini qidirib topish, isteʼmol bozorini toʻldirish ishlarini davom ettirsinlar, ularning respublika aholisiga uzluksiz sotilishini taʼminlasinlar.
5. Vazirlar Mahkamasining 1991-yil 6-martdagi 59-son, 1991-yil 1-apreldagi 80-son qarorlari, Vazirlar Mahkamasining 1994-yil 26-fevraldagi 98-son qarorining 1 va 7-bandlari, Vazirlar Mahkamasining 1994-yil 30-maydagi 199-f-son farmoyishi 1995-yil 1-yanvardan boshlab oʻz kuchini yoʻqotgan deb hisoblansin.
6. Mazkur qarorning bajarilishini nazorat qilish Bosh vazirning oʻrinbosari M.3. Usmonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1994-yil 14-dekabr,
604-son
Vazirlar Mahkamasining 1994-yil 14-dekabrdagi 604-sonli qaroriga
ILOVA
ILOVA
Chakana savdo tarmogʻida mavjud boʻlishi majburiy boʻlgan asosiy oziq-ovqat va nooziq-ovqat tovarlari
ROʻYXATI
1. Un
2. Makaron mahsulotlari
3. Oʻsimlik yogʻi
4. Qand-shakar
5. Choy
6. Tuz
7. Kir sovun
8. Gugurt
