toggle_night_mode
Oʻzbekiston Respublikasi Vazirlar Mahkamasining
qarori
Ichki ishlar organlarining navbatchilik qismlarida alkotester yordamida shaxslarning alkogolli ichimlik isteʼmol qilganligini aniqlash tartibi toʻgʻrisidagi nizomni tasdiqlash haqida
Mamlakatimizda jamoat tartibini saqlash va xavfsizligini taʼminlash, huquqbuzarliklarning oldini olish va jinoyatchilikka qarshi kurashishning zamonaviy usullarini joriy etish orqali huquq-tartibot va qonuniylikni mustahkamlash hamda aholining tinchligi va osoyishtaligini taʼminlashga alohida eʼtibor qaratilmoqda.
Huquqbuzarlik sodir etganlik holatini aniqlash maqsadida ichki ishlar organlarining navbatchilik qismlariga olib kelingan shaxslarning alkogolli ichimlik isteʼmol qilganligini alkotester yordamida aniqlashni yoʻlga qoʻyish maqsadida Vazirlar Mahkamasi qaror qiladi:
1. Oʻzbekiston Respublikasi Ichki ishlar vazirligining huquqbuzarlik sodir etganlik holatini aniqlash maqsadida ichki ishlar organlarining navbatchilik qismlariga olib kelingan shaxslarning alkogolli ichimlik isteʼmol qilganligini alkotester yordamida aniqlash tartibini joriy etish toʻgʻrisidagi taklifi maʼqullansin.
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2025-yil 1-dekabrdagi 754-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 02.12.2025-y., 09/25/754/1119-son)
Oldingi tahrirga qarang.
(3-band Oʻzbekiston Respublikasi Vazirlar Mahkamasining 2025-yil 1-dekabrdagi 754-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 02.12.2025-y., 09/25/754/1119-son)
4. Oʻzbekiston Respublikasi Ichki ishlar vazirligi:
Milliy gvardiya bilan birgalikda bir oy muddatda alkotester yordamida shaxslarning alkogolli ichimlik isteʼmol qilganligini aniqlash boʻyicha masʼul xodimlar uchun maxsus oʻquv mashgʻulotlarini tashkil etsin;
2024-2025-yillarda davlat xaridlari toʻgʻrisidagi qonunchilik talablari asosida tuman (shahar) ichki ishlar organlarining navbatchilik qismlarini huquqbuzarliklar profilaktikasi tizimini rivojlantirish jamgʻarmalari hisobidan 2-ilovaga muvofiq bosqichma-bosqich alkotesterlar bilan taʼminlash choralarini koʻrsin.
5. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 5-aprel,
190-son
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2025-yil 1-dekabrdagi 754-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 02.12.2025-y., 09/25/754/1119-son)
Vazirlar Mahkamasining 2024-yil 5-apreldagi 190-son qaroriga
2-ILOVA
2024-2025-yillarda tuman (shahar) ichki ishlar organlarining navbatchilik qismlarini bosqichma-bosqich alkotesterlar bilan taʼminlash
JADVALI

T/r

Hudud nomi

Tuman (shahar)lar soni

Alkotester

(dona)

2024-yilda

2025-yilda

1.

Qoraqalpogʻiston Respublikasi

17

8

9

2.

Andijon viloyati

17

9

8

3.

Buxoro viloyati

13

6

7

4.

Jizzax viloyati

13

7

6

5.

Qashqadaryo viloyati

15

8

7

6.

Navoiy viloyati

11

6

5

7.

Namangan viloyati

14

7

7

8.

Samarqand viloyati

16

8

8

9.

Surxondaryo viloyati

15

8

7

10.

Sirdaryo viloyati

11

6

5

11.

Toshkent viloyati

22

11

11

12.

Fargʻona viloyati

19

9

10

13.

Xorazm viloyati

13

7

6

14.

Toshkent shahri

12

6

6

Jami

208

106

102
Izoh. Zaruratga koʻra ichki ishlar organlarining navbatchilik qismlari qoʻshimcha alkotesterlar bilan taʼminlanishi mumkin.
(Qonunchilik maʼlumotlari milliy bazasi, 06.04.2024-y., 09/24/190/0269-son; 15.02.2025-y., 09/25/67/0145-son; 02.12.2025-y., 09/25/754/1119-son)