toggle_night_mode
Hujjat 01.03.2025 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Alohida taʼlim ehtiyojlari boʻlgan bolalarning taʼlim olishlarini tashkil etish va ularni reabilitatsiya qilish tizimini takomillashtirish chora-tadbirlari toʻgʻrisida
Oʻzbekiston Respublikasining Konstitutsiyasida belgilangan fuqarolarning taʼlim olishga doir konstitutsiyaviy huquqlarining roʻyobga chiqarilishini taʼminlash, alohida taʼlim ehtiyojlari boʻlgan bolalarning taʼlim olishlari uchun zarur shart-sharoitlar yaratish hamda ularning taʼlim olishlarini tashkil etishda byurokratizm, sansalorlik va boshqa maʼmuriy toʻsiqlarni bartaraf etish, shuningdek, Oʻzbekiston Respublikasi Prezidentining “Aholiga sifatli ijtimoiy xizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida” 2023-yil 1-iyundagi PF-82-son Farmoni ijrosini taʼminlash maqsadida Vazirlar Mahkamasi qaror qiladi:
 LexUZ sharhi
Qarang: Oʻzbekiston Respublikasi Konstitutsiyasining 50, 51-moddalari.
1. Oʻzbekiston Respublikasi Prezidentining “Aholiga sifatli ijtimoiy xizmat va yordam koʻrsatish hamda uning samarali nazorat tizimini yoʻlga qoʻyish boʻyicha kompleks chora-tadbirlar toʻgʻrisida” 2023-yil 1-iyundagi PF-82-son Farmoni bilan 2024-yil 1-avgustdan boshlab alohida taʼlim ehtiyojlari boʻlgan bolalar uchun ixtisoslashtirilgan maktablar va maktab-internatlar, koʻp tarmoqli ixtisoslashtirilgan maktabgacha taʼlim tashkilotlari hamda ixtisoslashtirilgan oʻquv-tarbiya muassasalari Maktabgacha va maktab taʼlimi vazirligi tizimidan Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Ijtimoiy himoya milliy agentligi) tuzilmasiga oʻtkazilishi belgilanganligi maʼlumot uchun qabul qilinsin.
2. Ijtimoiy himoya milliy agentligi, Oʻzbekiston Respublikasi Maktabgacha va maktab taʼlimi vazirligi, Sogʻliqni saqlash vazirligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining:
a) alohida taʼlim ehtiyojlari boʻlgan bolalarni davlat maktabgacha taʼlim tashkilotlariga yoʻllash boʻyicha tibbiy-psixologik-pedagogik komissiya hamda ixtisoslashtirilgan maktab, maktab-internatlarga yoʻllash boʻyicha psixologik-tibbiy-pedagogik komissiyalar negizida Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari huzurida yagona psixologik-tibbiy-pedagogik komissiyalarni (keyingi oʻrinlarda — PTPK);
b) alohida taʼlim ehtiyojlari boʻlgan bolalarga ixtisoslashtirilgan maktabgacha taʼlim tashkilotlari, maktab, maktab-internatlarda qisqa muddatli taʼlim va tarbiya berishga moʻljallangan “Gʻamxoʻrlik” guruhlarini:
2024-yil 1-fevraldan Toshkent shahridagi ixtisoslashtirilgan maktabgacha taʼlim tashkilotlari, maktab, maktab-internatlarda;
2024-yil 1-apreldan Toshkent viloyatidagi ixtisoslashtirilgan maktabgacha taʼlim tashkilotlari, maktab, maktab-internatlarda;
2024-yil 1-avgustdan respublikaning qolgan hududlaridagi maktabgacha taʼlim tashkilotlari, maktab, maktab-internatlarda tashkil etish;
v) 2024-yil 1-apreldan boshlab nogironligi boʻlgan shaxslarni reabilitatsiya qilish va protezlash hududiy markazlarida bolalar reabilitatsiyasi boʻlimlarini (keyingi oʻrinlarda — Reabilitatsiya boʻlimlari) tashkil etish toʻgʻrisidagi takliflariga rozilik berilsin.
 LexUZ sharhi
Qarang.: Oʻzbekiston Respublikasining “Taʼlim toʻgʻrisida”gi Qonuni.
3. Shunday tartib oʻrnatilsinki, unga muvofiq:
a) bolalarning alohida taʼlim ehtiyojlariga muhtojligi PTPK tomonidan aniqlanadi. Bunda:
PTPK xulosasini olish uchun ariza bolaning ota-onasi yoki ularning oʻrnini bosuvchi shaxslar (keyingi oʻrinlarda — qonuniy vakillar) tomonidan ularning yashash joyidagi Ijtimoiy himoya milliy agentligining tuman (shahar)lardagi “Inson” ijtimoiy xizmatlar markazlariga yoki hududga biriktirilgan ijtimoiy xodimga taqdim etiladi;
Keyingi tahrirga qarang.
bolalarni PTPK koʻrigidan oʻtkazish uchun hujjatlarni shakllantirishda bolaning tugilganlik toʻgʻrisidagi guvohnomasi, qonuniy vakillarining biometrik pasporti/identifikatsiyalovchi ID-karta maʼlumotlari hamda bolaning taʼlim olganligi toʻgʻrisidagi maʼlumotlar “Elektron hukumat” tizimining idoralararo maʼlumotlar uzatish tarmogʻi orqali olinadi;
Keyingi tahrirga qarang.
b) 2024-yil 1-avgustdan boshlab:
PTPK tomonidan hujjatlar qabul qilingandan soʻng PTPK koʻrigi oʻtkazilishidan kamida 3 kun oldin qonuniy vakillarga aloqa vositalari, shu jumladan, “SMS” xabarnoma orqali bolani koʻrikdan oʻtkazish sanasi, vaqti va joyi koʻrsatilgan xabar yuboriladi;
PTPK xulosasi asosida PTPK kotibi tomonidan bola uning qonuniy vakillari bilan kelishgan holda, tegishli ixtisoslashtirilgan taʼlim muassasasida roʻyxatdan oʻtkaziladi va navbatga kiritiladi;
Keyingi tahrirga qarang.
v) “Gʻamxoʻrlik” guruhlari faoliyati maktabgacha taʼlim tashkilotlari, maktab, maktab-internatlari hamda sanatoriy turidagi ixtisoslashtirilgan davlat taʼlim muassasalarini maqbullashtirish munosabati bilan boʻshayotgan mablagʻlar hisobidan, 2025-yildan boshlab Oʻzbekiston Respublikasi Davlat budjetidan ixtisoslashtirilgan taʼlim muassasalari uchun ajratiladigan mablagʻlar hisobidan moliyalashtiriladi.
Bunda “Gʻamxoʻrlik” guruhlari uchun shtat birliklari Maktabgacha va maktab taʼlimi vazirligi tomonidan Ijtimoiy himoya milliy agentligi bilan kelishilgan holda belgilanadi;
g) Reabilitatsiya boʻlimlariga bolalar pediatriya tibbiy-ijtimoiy ekspert komissiyalarining xulosasi asosida yuboriladi.
Bunda Reabilitatsiya boʻlimlari uchun shtat birliklari Ijtimoiy himoya milliy agentligi tomonidan Iqtisodiyot va moliya vazirligi bilan kelishilgan holda belgilanadi.
Keyingi tahrirga qarang.
4. Quyidagilar:
Psixologik-tibbiy-pedagogik komissiyalar toʻgʻrisidagi nizom 1-ilovaga muvofiq;
Psixologik-tibbiy-pedagogik komissiyalarning namunaviy tarkibi 2-ilovaga muvofiq;
“Gʻamxoʻrlik” guruhlari toʻgʻrisidagi nizom 3-ilovaga muvofiq;
Nogironligi boʻlgan shaxslarni reabilitatsiya qilish va protezlash markazlarining bolalar reabilitatsiya boʻlimlari uchun zarur jihozlar roʻyxati 4-ilovaga muvofiq tasdiqlansin.
5. Ijtimoiy himoya milliy agentligi 2024-yil 1-avgustga qadar:
Raqamli texnologiyalar vazirligi, Maktabgacha va maktab taʼlimi vazirligi hamda Adliya vazirligi bilan birgalikda mazkur qarorning 3-bandida nazarda tutilgan chora-tadbirlarni amalga oshirish uchun zarur boʻlgan dasturiy taʼminotni takomillashtirish va oʻzaro integratsiya qilish choralarini koʻrsin;
Maktabgacha va maktab taʼlimi vazirligi, Sogʻliqni saqlash vazirligi hamda boshqa manfaatdor vazirlik va idoralar bilan birgalikda PTPKlar va “Gʻamxoʻrlik” guruhlari faoliyatini amalga oshirish uchun zarur jihozlar va inventar bilan taʼminlasin;
Reabilitatsiya boʻlimlarini zarur jihozlar bilan taʼminlash choralarini koʻrsin.
6. Belgilansinki:
Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari tomonidan PTPK aʼzolariga har oyda mehnatga haq toʻlash eng kam miqdorining 50 foizi miqdorida respublika budjeti mablagʻlari hisobidan haq toʻlanadi;
Keyingi tahrirga qarang.
“Yagona milliy ijtimoiy himoya” axborot tizimida PTPKlar faoliyatini raqamlashtirish, bolaning PTPKdan oʻtish toʻgʻrisidagi “SMS” xabarnomani yuborish va ushbu qarorning 5-bandida nazarda tutilgan tadbirlarni amalga oshirish xarajatlari Oʻzbekiston Respublikasi Davlat budjeti, Ijtimoiy himoya davlat jamgʻarmasi va qonunchilik hujjatlarida taqiqlanmagan boshqa manbalar hisobidan qoplanadi.
7. Iqtisodiyot va moliya vazirligi PTPKga jalb qilingan mutaxassislarga ustamalar toʻlash, Nogironligi boʻlgan shaxslarni reabilitatsiya qilish va protezlash hududiy markazlarida tashkil etilayotgan Bolalar reabilitatsiyasi boʻlimlarini saqlash va jihozlash uchun zarur mablagʻlarni har yili Oʻzbekiston Respublikasining respublika budjetini shakllantirishda nazarda tutsin.
8. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirish va qoʻshimchalar kiritilsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 25-yanvar,
46-son
Vazirlar Mahkamasining 2024-yil 25-yanvardagi 46-son qaroriga
1-ILOVA
Psixologik-tibbiy-pedagogik komissiyalar toʻgʻrisida
NIZOM
1-bob. Umumiy qoidalar
1. Ushbu Nizom jismoniy, aqliy, sensor yoki ruhiy nuqsonlari boʻlgan (keyingi oʻrinlarda — alohida taʼlim ehtiyojlari boʻlgan) bolalarni davlat maktabgacha taʼlim tashkilotlariga, maktab, maktab-internatlarga yoʻllash boʻyicha psixologik-tibbiy-pedagogik komissiyalarning (keyingi oʻrinlarda — PTPK) yoʻnalishi, maqsad va vazifalari hamda faoliyatini tashkil etish tartibini belgilaydi.
Keyingi tahrirga qarang.
2. PTPKlar Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Agentlik) Qoraqalpogʻiston Respublikasi, viloyatlar va Toshkent shahar boshqarmalari (keyingi oʻrinlarda — hududiy boshqarmalar) huzurida tashkil etiladi.
 LexUZ sharhi
Qarang: Oʻzbekiston Respublikasi Prezidentining 2023-yil 28-sentabrdagi PQ-319-sonli “Aholiga ijtimoiy xizmatlar va yordamlar koʻrsatish tizimini yanada takomillashtirish chora-tadbirlari toʻgʻrisida”gi qarori.
3. PTPKlar oʻz faoliyatini quyidagi yoʻnalishlarda amalga oshiradi:
bolalarda alohida taʼlimga boʻlgan ehtiyojlarini aniqlash;
kompleks psixologik-tibbiy-pedagogik tekshiruv oʻtkazish va tekshiruv natijalari boʻyicha ularni ixtisoslashtirilgan taʼlim muassasalariga joylashtirish;
Keyingi tahrirga qarang.
alohida taʼlim ehtiyojlari boʻlgan bolalarni davlat taʼlim muassasalariga yuborish uchun xulosa berish;
Keyingi tahrirga qarang.
4. PTPKlar oʻz faoliyatini:
xolislik, shaffoflik, oshkoralik va bamaslahat ishlash tamoyillari asosida;
yuridik shaxs maqomisiz, doimiy faoliyat koʻrsatuvchi kollegial organ shaklida olib boradi.
5. Alohida taʼlim ehtiyojlari boʻlgan bolalar ixtisoslashtirilgan taʼlim muassasalariga mazkur Nizomga 1-ilovaga muvofiq sxema asosida yoʻllanadi.
Keyingi tahrirga qarang.
2-bob. PTPKning maqsad va vazifalari
6. 2 yoshdan 18 yoshgacha alohida taʼlim ehtiyojlari boʻlgan bolalarni kompleks psixologik-tibbiy-pedagogik tekshiruvdan oʻtkazish hamda davlat taʼlim muassasalariga yuborish uchun xulosa berish PTPKning asosiy maqsadi hisoblanadi.
Keyingi tahrirga qarang.
7. PTPK quyidagi vazifalarni amalga oshiradi:
bolaning alohida taʼlimga ehtiyojlarini aniqlash uchun ota-onasi yoki ularning oʻrnini bosuvchi shaxslar (keyingi oʻrinlarda — qonuniy vakillar) ishtirokida koʻrikdan oʻtkazadi;
Keyingi tahrirga qarang.
bolalar koʻrikdan oʻtkazishda u bilan bevosita muloqot qiladi va undagi nuqsonlarni tasdiqlovchi hujjatlarni oʻrganadi;
bolaning rivojlanishidagi jismoniy, aqliy, sensor yoki ruhiy nuqsonlari haqida yashash joyidagi shifoxona vrachlari tomonidan qoʻyilgan tashxisning ishonchliligini oʻrganadi;
bolaning rivojlanishidagi nuqsonlarni kompleks ravishda tekshirish natijalari asosida uning imkoniyatlarini aniqlaydi;
Oldingi tahrirga qarang.
bolaning alohida taʼlimga boʻlgan ehtiyojlari asosida uni tegishli ixtisoslashtirilgan maktabgacha taʼlim tashkiloti, qoʻshma turdagi maktabgacha taʼlim tashkilotlaridagi ixtisoslashtirilgan va inklyuziv guruhlariga, ixtisoslashtirilgan maktab va maktab-internatlariga, inklyuziv sharoitda taʼlim olishi uchun umumtaʼlim tashkilotiga va umumiy turdagi davlat maktabgacha taʼlim tashkilotlariga, “Gʻamxoʻrlik” guruhlariga “Muruvvat” nogironligi boʻlgan bolalar uchun internat uylariga (shu jumladan, kunduzgi parvarishlash guruhlariga), imkoniyatlari cheklangan shaxslar uchun ixtisoslashtirilgan maxsus texnikumlarga, shuningdek, davlat-xususiy sheriklik asosida tashkil etilgan kunduzgi parvarish xizmatiga hamda uy sharoitlarida yakka tartibda taʼlim olishga yuborish uchun xulosa beradi;
(7-bandning oltinchi xatboshisi Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
Keyingi tahrirga qarang.
Oldingi tahrirga qarang.
alohida taʼlim ehtiyojlari boʻlgan bolalarni davlat taʼlim muassasasidan boshqa muassasaga (boshqa ixtisoslashtirilgan taʼlim muassasasiga, inklyuziv sharoitda taʼlim olishi uchun umumtaʼlim muassasasiga va umumiy turdagi davlat maktabgacha taʼlim tashkilotlariga, “Muruvvat” nogironligi boʻlgan bolalar uchun internat uylariga, sogʻliqni saqlash muassasalariga) oʻtkazish hamda uyda yakka tartibda taʼlim berish tashkil qilinishi yuzasidan xulosa beradi;
(7-bandning yettinchi xatboshisi Oʻzbekiston Respublikasi Vazirlar Mahkamasining 2024-yil 18-dekabrdagi 848-sonli qarori tahririda — Qonunchilik maʼlumotlari milliy bazasi, 23.12.2024-y., 09/24/848/1049-son)
Keyingi tahrirga qarang.
alohida taʼlim ehtiyojlari boʻlgan bolalar bilan ishlaydigan pedagog, psixolog, tibbiyot xodimlari hamda qonuniy vakillarga zarur maslahatlar beradi;
qonunchilik hujjatlariga muvofiq boshqa vazifalarni amalga oshiradi.
3-bob. PTPK faoliyatini tashkil etish
Oldingi tahrirga qarang.
8. PTPK uning raisi, rais oʻrinbosari, kotibi, hududiy boshqarma masʼul xodimi va PTPK aʼzolaridan iborat 12 kishilik tarkibda tuziladi.
(8-band Oʻzbekiston Respublikasi Vazirlar Mahkamasining 2024-yil 27-dekabrdagi 893-sonli qarori tahririda — Qonunchilik maʼlumotlari milliy bazasi, 28.12.2024-y., 09/24/893/1088-son)
9. PTPK tarkibi Agentlikning, sogʻliqni saqlash, maktabgacha va maktab taʼlimi hududiy boshqarmalari tomonidan har yili 20-mayga qadar qoʻshma qarorga asosan tuziladi va tasdiqlanadi.
10. PTPKga rais — Agentlikning hududiy boshqarma boshligʻining nogironligi boʻlgan shaxslarning funksionalligini baholash boʻyicha oʻrinbosari rahbarlik qiladi.
Hududiy sogʻliqni saqlash boshqarmasi boshligʻining onalik va bolalikni muhofaza qilish boʻyicha oʻrinbosari PTPK raisining oʻrinbosari etib tayinlanadi.
PTPK tarkibiga oliy psixologik, tibbiy, pedagogik maʼlumotga ega boʻlgan yuqori malakali mutaxassislar — pediatr, nevrolog, psixonevrolog, ortoped, oftalmolog, otolaringolog vrachlar, maxsus pedagoglar, psixolog kiritiladi.
Oldingi tahrirga qarang.
Hududiy boshqarma masʼul xodimi PTPK tekshiruvidan oʻtkaziladigan bolalar va ularning oilalarining ijtimoiy holatini soʻrovnoma asosida baholashdan oʻtkazish uchun masʼul hisoblanadi.
(10-band Oʻzbekiston Respublikasi Vazirlar Mahkamasining 2024-yil 27-dekabrdagi 893-sonli qaroriga asosan toʻrtinchi xatboshi bilan toʻldirilgan — Qonunchilik maʼlumotlari milliy bazasi, 28.12.2024-y., 09/24/893/1088-son)
11. PTPK raisi:
ushbu Nizomga muvofiq PTPK ishini tashkil etadi va uning faoliyatiga rahbarlik qiladi;
PTPK aʼzolariga bajarish majburiy boʻlgan topshiriqlar beradi, ularning bajarilishini nazorat qiladi;
PTPKning ish jadvalini tasdiqlaydi, yigʻilish oʻtkazishning vaqti va joyini belgilaydi;
PTPK ishini tashkil etishni takomillashtirishga doir takliflar kiritadi.
12. PTPK raisi quyidagilar uchun javobgar hisoblanadi:
PTPK faoliyatini ushbu Nizomga muvofiq tashkil etish;
vazifalarni bajarishi munosabati bilan oʻziga maʼlum boʻlib qolgan va bolalar hamda ularning qonuniy vakillari huquqlari va manfaatlariga zarar yetkazishi mumkin boʻlgan maʼlumotlarni oshkor etmaslik;
tekshiruv oʻtkazishda bolalar hayoti va sogʻligʻi xavfsizligini taʼminlash.
13. PTPK yigʻilishini oʻtkazish davriyligi PTPK raisi tomonidan arizalar sonidan kelib chiqib (agar arizalar soni kamida 70 ta boʻlsa), lekin har oyda kamida bir marta yigʻilish oʻtkazilishini hisobga olgan holda tasdiqlanadi.
Keyingi tahrirga qarang.
PTPK barcha aʼzolari yigʻilishda ishtirok etishlari shart. Tasdiqlangan roʻyxatda koʻrsatilgan mutaxassis boʻlmagan taqdirda, ushbu sohadagi boshqa mutaxassis hududiy sogʻliqni saqlash boshqarmasi tomonidan ishonchnoma asosida yuboriladi. Bu haqda komissiya raisi va kotibi oldindan xabardor qilinadi.
PTPK kotibi PTPK aʼzolarini va bolaning qonuniy vakillarini PTPK koʻrigi oʻtkazilishidan kamida uch kun oldin xabardor qiladi.
PTPK sayyor yigʻilishlar oʻtkazishga haqli.
14. PTPK yigʻilishida PTPK aʼzolarining xulosalari asosida qaror qabul qilinadi va bayonnoma bilan rasmiylashtiriladi.
Bayonnoma PTPKning barcha aʼzolari tomonidan imzolanadi.
PTPK aʼzolari yigʻilishlarida koʻrib chiqiladigan masalalarni muhokama qilish va hal qilishda oʻz vakolatlarini boshqa shaxslarga yuklatish huquqisiz ishtirok etadi.
15. Bolani taʼlim muassasalariga yuborish boʻyicha xulosa qabul qilingan taqdirda, unda ushbu muassasalarda bola bilan olib boriladigan taʼlim-tarbiya va davolash-tuzatish ishlari boʻyicha tavsiyalar ham koʻrsatilishi mumkin.
16. Tekshiruv natijalari, shuningdek, PTPKda bolalarni tekshirish bilan bogʻliq maʼlumotlar maxfiy hisoblanadi. Bolalarning qonuniy vakillari roziligisiz ushbu maʼlumotlarning boshqa shaxslarga berilishiga yoʻl qoʻyilmaydi, qonunchilik hujjatlarida nazarda tutilgan hollar bundan mustasno.
17. Bolalarni tekshirish, ularning qonuniy vakillariga PTPK mutaxassislari tomonidan maslahat berish bepul amalga oshiriladi.
18. PTPK kotibi bolani tekshirish bayonnomasining asl nusxasini saqlanishini taʼminlaydi.
19. PTPK faoliyatini amalga oshirish uchun Agentlikning hududiy boshqarmalari tomonidan zarur jihozlar va inventar bilan jihozlangan xona ajratiladi.
4-bob. Arizalarni qabul qilish va PTPKning xulosasini berish tartibi
Keyingi tahrirga qarang.
1-§. Arizalarni qabul qilish va PTPKga yuborish
Keyingi tahrirga qarang.
20. PTPK xulosasini olish uchun qonuniy vakillar yashash joyidagi “Inson” ijtimoiy xizmatlar markazlariga yoki hududga biriktirilgan ijtimoiy xodimlarga quyidagi hujjatlarni taqdim etadi:
a) ariza;
b) bolaning oʻqish joyidan taʼlim muddati, oʻquv fanlarini oʻzlashtirishi va xulq-atvori, bolaga yakka tartibda koʻmak berish borasida amalga oshirilgan chora-tadbirlarning batafsil tahlili aks ettirilgan maʼlumotnoma va tavsifnoma (taʼlim muassasalarida oʻqigan bolalar uchun);
v) davolash-profilaktika muassasasining bosh vrachi tomonidan imzolangan bolaning rivojlanishi tarixidan batafsil koʻchirma, quyidagi mutaxassislarning xulosalari bilan birga:
bolaning umumiy rivojlanish holati toʻgʻrisidagi pediatr xulosasi;
Oldingi tahrirga qarang.
psixonevrologik markazning qonunchilik hujjatlarida belgilangan tartibda tasdiqlangan psixonevrolog xulosasi (faqat nutqiy, ruhiy va aqliy rivojlanishda nuqsonlari boʻlgan bolalar uchun);
(20-bandning oltinchi xatboshisi Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
 LexUZ sharhi
Qarang: Vazirlar Mahkamasining 2003-yil 12-sentabrdagi 397-son qarori bilan tasdiqlangan Veterinariyada giyohvandlik vositalari, psixotrop moddalar va prekursorlardan foydalanish tartibi.
otolaringologning xulosasi (faqat eshitishida ogʻir nuqsonlar boʻlgan bolalar uchun) hamda quloq, tomoq, burun va talaffuz artikulyatsiyasida ishtirok etuvchi organlarning holatiga tavsifi, nutq va shivirlab aytilgan gapni qabul qilish haqidagi maʼlumotlar, audiogramma maʼlumotlari;
oftalmologning xulosasi (faqat koʻrishida ogʻir nuqsonlar boʻlgan bolalar uchun) hamda tashxisning keng izohi bilan koʻrish organlarining tavsifi;
ortoped-travmatologning xulosasi (faqat tayanch-harakat apparatida nuqsonlar boʻlgan bolalar uchun) hamda tashxisning keng izohi bilan rentgenologik tadqiqot maʼlumotlari;
defektolog-logopedning xulosasi (faqat nutqida ogʻir nuqsonlar boʻlgan bolalar uchun) hamda til tizimining har bir komponenti shakllanish darajasi koʻrsatilgan holda nutq rivoji tavsifi.
Bolaning rivojlanishi tarixidan koʻchirmaning ishonchliligi uchun shaxsiy javobgarlik uni tasdiqlagan davolash-profilaktika muassasasining bosh vrachiga yuklanadi.
Keyingi tahrirga qarang.
Keyingi tahrirga qarang.
21. Ariza kelib tushgandan soʻng bola toʻgʻrisidagi quyidagi hujjat va maʼlumotlar uch ish kuni ichida “Inson” ijtimoiy xizmatlar markazlari tomonidan “Elektron hukumat” tizimi idoralararo integratsiyalashuv platformasi orqali olinadi:
bolaning qonuniy vakillarining shaxsi toʻgʻrisida pasport (identifikatsiya ID-karta) maʼlumotlari;
bolaning tugilganlik haqidagi maʼlumotlar;
nogironlik toʻgʻrisidagi xulosa (agar nogironlik mavjud boʻlsa).
Keyingi tahrirga qarang.
22. “Inson” ijtimoiy xizmatlar markazlari tomonidan har bir bola boʻyicha shakllantirilgan shaxsiy hujjatlar yigʻmajildi uch ish kuni ichida PTPKga taqdim etiladi.
Keyingi tahrirga qarang.
23. Mazkur Nizomning 20 va 21-bandlarida koʻrsatilgan hujjatlari shakllantirilgan bola PTPKning navbatdagi yigʻilishida tekshiruvdan oʻtkaziladi.
Keyingi tahrirga qarang.
2-§. PTPK tekshiruvini oʻtkazish va xulosa berish
24. PTPK kotibi har bir bola boʻyicha shakllantirilgan shaxsiy hujjatlar yigʻmajildni qabul qilib oladi va PTPKning navbatdagi yigʻilishiga kiritadi.
Keyingi tahrirga qarang.
Oldingi tahrirga qarang.
25. Tekshiruvga olib kelingan bolalar PTPK tomonidan ularning individual xususiyatlari, yoshi, jinsi, jismoniy va ruhiy holatini hisobga olgan holda kompleks tekshiruvdan oʻtkazilishi lozim.
(25-band Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
26. Bolaning tibbiy kartasida koʻrsatilgan maʼlumotlar asosida bolalar PTPKning har bir mutaxassisi tomonidan yakka tartibda yoki bir nechta mutaxassislar tomonidan bir vaqtda tekshiruvdan oʻtkaziladi.
27. PTPK tomonidan mazkur Nizomning 20-bandida koʻrsatilmagan hujjatlar va maʼlumotlarni talab etish taqiqlanadi.
Keyingi tahrirga qarang.
28. PTPK aʼzolari tomonidan bolalarni koʻrikdan oʻtkazish, ular bilan bevosita muloqot qilish va ulardagi nuqsonlarni tasdiqlovchi hujjatlarni oʻrganish natijasida ularning alohida taʼlimga boʻlgan ehtiyojlari asosida tegishli taʼlim muassasalariga yuborish yuzasidan xulosa beriladi.
PTPK tomonidan berilgan xulosalarning asosliligi uchun PTPK raisi va aʼzolari javobgar hisoblanadi.
Keyingi tahrirga qarang.
29. PTPKning xulosasida quyidagilar koʻrsatiladi:
Keyingi tahrirga qarang.
bolaning tugʻilganlik haqidagi guvohnomasi maʼlumotlari;
bola qonuniy vakillarining pasportiga oid maʼlumotlar;
bolaning yashash manzili;
xulosa, bolaga qoʻyilgan tashxis bilan (Xalqaro kasalliklar tasnifi “10-qayta koʻrish” shifrini koʻrsatgan holda);
tavsiya etilgan taʼlim muassasasi;
bolaning taʼlim muassasalarida boʻlish muddati;
Keyingi tahrirga qarang.
Keyingi tahrirga qarang.
Keyingi tahrirga qarang.
Oldingi tahrirga qarang.
30. 2 yoshdan 7 yoshgacha boʻlgan bolalarga xulosa bolaning rivojlanishida jismoniy yoki ruhiy nuqsonining ogʻirlik darajasiga qarab 6 oy yoki 1 yil muddatga beriladi.
(30-bandning birinchi xatboshisi Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
Keyingi tahrirga qarang.
Agarda bola joriy oʻquv yili davomida 7 yoshga toʻlsa unga, joriy oʻquv yili yakuniga qadar boʻlgan muddatga (muddat koʻrsatilgan holda) beriladi.
Keyingi tahrirga qarang.
Oldingi tahrirga qarang.
Bolani ixtisoslashtirilgan maktab, maktab-internatlarga yoki inklyuziv taʼlim tashkil etilgan umumtaʼlim muassasalarga yuborish boʻyicha xulosada bolaning maxsus taʼlimga boʻlgan ehtiyojlaridan kelib chiqib, ushbu muassasalarda boʻlish muddatlari koʻrsatiladi. Bunda, mazkur muddat 3 oʻquv yilidan oshmasligi kerak.
(30-bandning uchinchi xatboshisi Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
Bu muddat davomida bola taʼlim muassasasining pedagogik kengashi yoki psixologik-tibbiy-pedagogik kengashi tavsiyasi boʻyicha PTPK tomonidan qayta tekshiruvdan oʻtkazilishi mumkin.
Xulosada koʻrsatilgan bolaning ixtisoslashtirilgan taʼlim muassasasida boʻlish muddati tugaganidan keyin ushbu tashkilotda uning boʻlish muddatini uzaytirish yoki uni umumiy turdagi taʼlim muassasasiga (guruh/sinf) oʻtkazish masalasi PTPK tomonidan mazkur Nizomda belgilangan tartibda qaytadan tekshiruvdan oʻtkazish natijasida belgilanadi.
Keyingi tahrirga qarang.
Oldingi tahrirga qarang.
31. PTPKning davlat maktabgacha taʼlim tashkilotiga yuborish toʻgʻrisidagi xulosasi ushbu Nizomga 2-ilovada koʻrsatilgan tibbiy koʻrsatmalar boʻyicha rivojlanishida jismoniy yoki ruhiy nuqsonlar boʻlgan quyidagi yosh toifalaridagi bolalarga beriladi:
(31-bandning birinchi xatboshisi Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
koʻrishida ogʻir nuqsonlar boʻlgan bolalar uchun — 3 yoshdan 7 yoshgacha;
eshitishda ogʻir nuqsonlar boʻlgan bolalar uchun — 2 yoshdan 7 yoshgacha;
tayanch-harakat apparatida nuqsonlar boʻlgan bolalarga — 2 yoshdan 7 yoshgacha;
nutqida ogʻir nuqsonlar boʻlgan bolalarga — 3 yoshdan 7 yoshgacha;
Oldingi tahrirga qarang.
ruhiy rivojlanishda kechikayotgan bolalarga — 3 yoshdan 7 yoshgacha;
(31-bandning oltinchi xatboshisi Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
aqliy rivojlanishda nuqsonlari boʻlgan bolalarga — 3 yoshdan 7 yoshgacha;
tugʻma va irsiy kasalliklar (Daun sindromi, Shereshev-Terner sindromi, Klaynfelter sindromi, spinal amiotrofiyalar, Kornellii-de Lange sindromi, Vilyams sindromi, Pradera-Villi sindromi, Nunan sindromi) tufayli rivojlanishda nuqsonlari boʻlgan bolalarga — 2 yoshdan 7 yoshgacha.
32. Quyidagi nuqsonlari mavjud boʻlgan bolalarga davlat maktabgacha taʼlim tashkiloti toʻliq kunli guruhlarga yuborish toʻgʻrisidagi xulosa berilmaydi:
Keyingi tahrirga qarang.
ogʻir va chuqur darajadagi aqli zaiflik;
shizofreniya, hissiy irodaning chuqur buzilishlari;
tez-tez takrorlanuvchi umumlashgan epileptik xurujlar;
turli sababli psixopatiya va psixopatsimon holatlarning ogʻir shakllari;
yurak-qon tomir, nafas olish va ovqat hazm qilish tizimining xuruj va dekompensatsiya bosqichi.
Oldingi tahrirga qarang.
33. PTPKning ixtisoslashtirilgan maktab, maktab-internatlarga yoki inklyuziv taʼlim tashkil etilgan umumtaʼlim muassasalarga yuborish toʻgʻrisidagi xulosasi ushbu Nizomga 3-ilovada koʻrsatilgan rivojlanishida jismoniy yoki ruhiy nuqsonlar boʻlgan quyidagi yosh toifalaridagi bolalarga beriladi:
(33-bandning birinchi xatboshisi Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
koʻrishida ogʻir nuqsonlar boʻlgan bolalarga — 6 yoshdan 18 yoshgacha (6 yoshdan tayyorlov guruhiga);
eshitishida ogʻir nuqsonlar boʻlgan bolalarga — 6 yoshdan 18 yoshgacha (6 yoshdan tayyorlov guruhiga);
tayanch-harakat apparatida nuqsonlar boʻlgan bolalarga — 7 yoshdan 18 yoshgacha;
autizm bilan kasallangan bolalarga — 6 yoshdan 16 yoshgacha (6 yoshdan tayyorlov guruhiga);
aqliy rivojlanishda nuqsonlari boʻlgan bolalarga — 6 yoshdan 16 yoshgacha (6 yoshdan tayyorlov guruhiga).
34. Quyidagi nuqsonlari mavjud boʻlgan bolalarga maktab, maktab-internatlar sinflariga yuborish toʻgʻrisidagi xulosa berilmaydi:
Keyingi tahrirga qarang.
ogʻir va chuqur darajadagi aqliy zaiflik;
shizofreniya, hissiy irodaning chuqur buzilishlari;
tez-tez takrorlanuvchi umumlashgan epileptik xurujlar;
turli sababli psixopatiya va psixopatsimon holatlarning ogʻir shakllari;
asab tizimining organik shikastlanganligi sababli siydik va najas ushlab turolmaslik;
yurak-qon tomir, nafas olish va ovqat hazm qilish tizimining xuruj va dekompensatsiya bosqichi.
Oldingi tahrirga qarang.
35. PTPKning ixtisoslashtirilgan koʻp tarmoqli maktabgacha taʼlim tashkilotida tashkil etilgan qisqa muddatli taʼlim va tarbiya berishga moʻljallangan “Gʻamxoʻrlik” guruhlariga yuborish toʻgʻrisidagi xulosasi ushbu Nizomga 2-ilovada koʻrsatilgan rivojlanishida jismoniy yoki ruhiy nuqsonlar boʻlgan quyidagi yosh toifalaridagi bolalarga beriladi:
ogʻir va chuqur darajadagi aqliy zaiflik — 3 yoshdan 7 yoshgacha;
GMFCS klassifikatsiyasiga koʻra 4-5 darajadagi Bolalar serebral falaji (G80) boʻlgan bolalarda yengil va moʻtadil darajadagi aqliy zaiflik — 3 yoshdan 7 yoshgacha;
shizofreniya, hissiy irodaning chuqur buzilishlari — 3 yoshdan 7 yoshgacha;
tez-tez takrorlanuvchi umumlashgan epileptik xurujlari kuzatiladigan ruhiy yoki aqliy rivojlanishdagi nuqsonlar boʻlgan bolalar — 3 yoshdan 7 yoshgacha;
turli sababli psixopatiya va psixopatsimon holatlarning ogʻir shakllari — 3 yoshdan 7 yoshgacha;
koʻr-kar-soqovlik — 3 yoshdan 7 yoshgacha.
PTPKning ixtisoslashtirilgan maktab, maktab-internatlarida tashkil etilgan qisqa muddatli taʼlim va tarbiya berishga moʻljallangan “Gʻamxoʻrlik” guruhlariga yuborish toʻgʻrisidagi xulosasi ushbu Nizomga 3-ilovada koʻrsatilgan rivojlanishida jismoniy yoki ruhiy nuqsonlar boʻlgan quyidagi yosh toifalaridagi bolalarga beriladi:
ogʻir va chuqur darajadagi aqliy zaiflik — 6 yoshdan 16 yoshgacha;
GMFCS klassifikatsiyasiga koʻra 4-5 darajadagi Bolalar serebral falaji (G80) boʻlgan bolalarda yengil va moʻtadil darajadagi aqliy zaiflik — 6 yoshdan 16 yoshgacha;
shizofreniya, hissiy irodaning chuqur buzilishlari — 6 yoshdan 16 yoshgacha;
tez-tez takrorlanuvchi umumlashgan epileptik xurujlari kuzatiladigan aqliy rivojlanishdagi nuqsonlar boʻlgan bolalar — 6 yoshdan 16 yoshgacha;
turli sababli psixopatiya va psixopatsimon holatlarning ogʻir shakllari — 6 yoshdan 16 yoshgacha;
koʻr-kar-soqovlik — 6 yoshdan 16 yoshgacha.
(35-band Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
Keyingi tahrirga qarang.
36. PTPKning bayonnomalari va xulosasi tekshiruv oʻtkazilgan kun rasmiylashtiriladi hamda uning aʼzolari tomonidan imzolanadi.
37. PTPKning xulosasi asosida PTPK kotibi bolani bir ish kuni davomida:
Oldingi tahrirga qarang.
a) tegishli ixtisoslashtirilgan maktabgacha taʼlim tashkiloti, qoʻshma turdagi maktabgacha taʼlim tashkilotiga yoki inklyuziv taʼlim guruhlari tashkil etilgan umumiy turdagi davlat maktabgacha taʼlim tashkilotlariga “Bolalar bogʻchasi” maktabgacha taʼlim axborot tizimining maxsus ishlab chiqilgan xizmati orqali;
(37-bandning “a” kichik bandi Oʻzbekiston Respublikasi Vazirlar Mahkamasining 2024-yil 18-dekabrdagi 848-sonli qarori tahririda — Qonunchilik maʼlumotlari milliy bazasi, 23.12.2024-y., 09/24/848/1049-son)
b) qonuniy vakillar bilan kelishgan holda tegishli maktab, maktab-internatlarga yoki inklyuziv taʼlim tashkil etilgan umumtaʼlim muassasalarida “my.maktab.uz” elektron platformasi orqali roʻyxatdan oʻtkazadi va navbatga kiritadi.
Roʻyxatdan oʻtgandan soʻng qonuniy vakillarga bola navbatga joylashtirilganligi yoki ixtisoslashtirilgan taʼlim muassasasiga roʻyxatdan oʻtganligi toʻgʻrisida aloqa vositalari, shu jumladan, “SMS” xabarnoma, elektron pochta orqali xabar beriladi.
Ixtisoslashtirilgan taʼlim muassasasiga roʻyxatdan oʻtganligi toʻgʻrisida xabar olgandan soʻng qonuniy vakillar bola bilan birgalikda tegishli ixtisoslashtirilgan taʼlim muassasasiga oʻn besh ish kuni ichida kelishi shart.
Keyingi tahrirga qarang.
Keyingi tahrirga qarang.
5-bob. Yakunlovchi qoidalar
38. PTPK faoliyati ustidan nazorat Agentlik, Agentlik huzuridagi Ijtimoiy inspeksiya, Sogʻliqni saqlash vazirligi va Maktabgacha va maktab taʼlimi vazirligi tomonidan amalga oshiriladi.
39. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Psixologik-tibbiy-pedagogik komissiyalar toʻgʻrisidagi nizomga
1-ILOVA
Alohida taʼlim ehtiyojlari boʻlgan bolalarni ixtisoslashtirilgan taʼlim muassasalariga yoʻllash
SXEMASI
Oldingi tahrirga qarang.

Bosqichlar

Masʼullar

Tadbirlar

Muddat

1-bosqich

Bolaning ota-onasi yoki ularning oʻrnini bosuvchi shaxslar

Psixologik-tibbiy-pedagogik komissiya xulosasini olish uchun yashash joyidagi “Inson” ijtimoiy xizmatlar markaziga yoki hududga biriktirilgan ijtimoiy xodimga ariza taqdim etish.

Xohishiga koʻra

2-bosqich

“Inson” ijtimoiy xizmatlar markazlari

1. Psixologik-tibbiy-pedagogik komissiya xulosasini olish uchun nomzod bola toʻgʻrisidagi hujjat va maʼlumotlarni shakllantirish.

1. Ariza qabul qilib olingandan soʻng uch ish kuni ichida

2. Psixologik-tibbiy-pedagogik komissiya xulosasini olish uchun nomzod bola toʻgʻrisida shakllantirilgan hujjatlarni Psixologik-tibbiy-pedagogik komissiyaga taqdim etish.

2. Hujjat va maʼlumotlar toʻplanganidan soʻng uch ish kuni ichida

3-bosqich

Psixologik-tibbiy-pedagogik komissiya kotibi

1. Psixologik-tibbiy-pedagogik komissiya xulosasini olish uchun nomzod bola toʻgʻrisidagi hujjatlarni Psixologik-tibbiy-pedagogik komissiyaning navbatdagi yigʻilishiga kiritish.

1. Hujjatlar taqdim etilgan kuni

2. Psixologik-tibbiy-pedagogik komissiyaning yigʻilishi vaqti, sanasi va joyi toʻgʻrisida bolaning ota-onasi yoki ularning oʻrnini bosuvchi shaxslarni xabardor qilish.

2. PTPK yigʻilishi oʻtkaziladigan sana haqida kamida uch kun oldin.

4-bosqich

Psixologik-tibbiy-pedagogik komissiya

1. Bolani uning individual xususiyatlari, yoshi, jinsi, jismoniy va ruhiy holatini hisobga olgan holda kompleks tekshiruvdan oʻtkazish.

1. 1 kun ichida

2. Tekshiruv natijasida bolaning yoshiga koʻra davlat maktabgacha taʼlim tashkilotlari yoki aqliy, sensor yoki ruhiy nuqsonlari boʻlgan bolalar uchun davlat ixtisoslashtirilgan taʼlim muassasalariga yoʻllash boʻyicha xulosa berish yoxud asoslar mavjud boʻlganda, xulosa berishni rad etish.

2. Tekshirish davomida

5-bosqich

Psixologik-tibbiy-pedagogik komissiya kotibi

1. Psixologik-tibbiy-pedagogik komissiya xulosasi asosida bolani:

a) tegishli ixtisoslashtirilgan maktabgacha taʼlim tashkiloti, qoʻshma turdagi maktabgacha taʼlim tashkilotiga yoki inklyuziv taʼlim guruhlari tashkil etilgan umumiy turdagi davlat maktabgacha taʼlim tashkilotlariga “Bolalar bogʻchasi” maktabgacha taʼlim axborot tizimining maxsus ishlab chiqilgan xizmati orqali;

b) qonuniy vakillar bilan kelishgan holda tegishli maktab, maktab-internatlarga yoki inklyuziv taʼlim tashkil etilgan umumtaʼlim muassasalarida “my.maktab.uz” elektron platformasi orqali roʻyxatdan oʻtkazish va navbatga qoʻyish.

2. Bolaning ota-onasi yoki ularning oʻrnini bosuvchi shaxslarni bola navbatga joylashtirilganligi yoki ixtisoslashtirilgan maktabgacha tashkiloti yoki qoʻshma turdagi maktabgacha tashkilotiga roʻyxatdan oʻtganligi toʻgʻrisida aloqa vositalari, shu jumladan, “SMS” xabarnoma, elektron pochta orqali xabardor qilish.

Bir ish kuni ichida

(1-ilova Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
Keyingi tahrirga qarang.
Keyingi tahrirga qarang.
Keyingi tahrirga qarang.
Oldingi tahrirga qarang.
Psixologik-tibbiy-pedagogik komissiyalar toʻgʻrisidagi nizomga
2-ILOVA
Psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar (maktabgacha taʼlim tashkilotlari uchun)
ROʻYXATI

T/r

Kasallik nomi

Xalqaro Kasalliklar Tasnifi

(XKT-10)

Tavsiya etilgan maktabgacha taʼlim tashkilotining turi

I. Maktabgacha taʼlim tashkilotlari uchun tibbiy koʻrsatmalar

1.

Ruhiy rivojlanishdagi nuqsonlar:

a) Psixologik rivojlanishning aralash spetsifik buzilishlari;

F83

Koʻp tarmoqli ixtisoslashtirilgan, qoʻshma turdagi hamda inklyuziv guruhlarga ega maktabgacha taʼlim tashkiloti.

B) Bolalar autizmi.

F84.0

2.

Aqliy rivojlanishdagi nuqsonlar:

a) Yengil darajadagi aqliy zaiflik;

F70

Koʻp tarmoqli ixtisoslashtirilgan, qoʻshma turdagi hamda inklyuziv guruhlarga ega maktabgacha taʼlim tashkiloti.

b) Moʻtadil aqliy zaiflik.

F71

Koʻp tarmoqli ixtisoslashtirilgan hamda qoʻshma turdagi maktabgacha taʼlim tashkiloti.

3.

Nutqdagi nuqsonlar:

a) Ekspressiv nutqning buzilishi (nutq rivojlanishining birinchi darajali motor alaliyasi);

F80.1

Koʻp tarmoqli ixtisoslashtirilgan hamda inklyuziv guruhlarga ega maktabgacha taʼlim tashkiloti.

B) Retseptiv nutqning buzilishi (sensor alaliya);

F80.2

v) Rinolaliya (nutq apparatining korreksiya boʻyicha operatsiyalardan keyingi holat);

R49.2

g) Oʻrtacha va ogʻir darajadagi duduqlik;

F98.5

d) Dizartriya (markaziy nerv tizimining organik shikastlanishi bilan);

R47.1

e) Bolalar afaziyasi.

F80.3

4.

Koʻrishida nuqsonlar:

a) Koʻzi ojizlik (amovroz);

N54.1

Koʻp tarmoqli ixtisoslashtirilgan hamda qoʻshma turdagi maktabgacha taʼlim tashkiloti.

b) Tugʻma nuqsonlar:

Tibbiy koʻrsatmalar korreksiyadan soʻng bolaning koʻrish oʻtkirligi 0,2 gacha boʻlganda koʻp tarmoqli ixtisoslashtirilgan hamda qoʻshma turdagi maktabgacha taʼlim tashkilotiga, koʻrish oʻtkirligi 0,4 gacha boʻlganda inklyuziv guruhlarga ega maktabgacha taʼlim tashkilotiga xulosa beriladi.

Mikroftalm, Mikrokornea, Anoftalm;

Q11

Toʻr pardasining rivojlanishidagi tugʻma nuqsonlar;

Retinoblastoma

Koloboma, preretinopatiya (chala tugʻilgan bolalar retinopatiyasi);

Koʻrish nervining atrofiyasi;

N47.2

Koʻrish nervi disk va makulasining ogʻir darajadagi gipoplaziyasi;

Albinizm;

E70.3

Aniridiya;

Q13.1

v) Katarakta:

N26.0

Markaziy zonada toʻliq yoki qisman xiralashish;

Artifakiya;

N27.0

Afakiya (koʻz gavhari yoʻqligi);

Koʻz gavhari siljishi (joyi oʻzgarishi);

koʻz gavharining chiqishi;

N27.1

g) Glaukoma (tugʻma, ikkilamchi);

N40 — 42

d) Tugʻma miopiyaning yuqori darajasi;

N52.1

e) Gipermetropiyaning yuqori darajasi;

N52.0

j) Toʻr parda ajralishi, uning yorilishi yoki yirtilishlari;

N33

z) Nistagm.

N55

5.

Eshitishida nuqsonlar:

N90.3

a) Koxlear implantatsiyadan keyin;

Inklyuziv guruhlarga ega maktabgacha taʼlim tashkiloti.

b) Neyrosensor eshitish zaifligining II darajasi (eshitishning 41 — 55 db gacha pasayishi), (quloqni protezlash);

v) Neyrosensor eshitish zaifligining III darajasi (eshitishning 56 — 70 db gacha pasayishi), (quloqni protezlash);

Koʻp tarmoqli ixtisoslashtirilgan, qoʻshma turdagi hamda inklyuziv guruhlarga ega maktabgacha taʼlim tashkiloti.

d) Neyrosensor eshitish zaifligining IV darajasi (eshitishning 91 db gacha pasayishi);

Koʻp tarmoqli ixtisoslashtirilgan hamda qoʻshma turdagi maktabgacha taʼlim tashkiloti.

e) Karlik yoki kar-soqovlik (eshitishning 91 db dan ortiq pasayishi).

6.

Tayanch-harakat apparati nuqsonlari:

a) 3 va 4 darajali skolioz (tugʻma va orttirilgan);

M41

Koʻp tarmoqli ixtisoslashtirilgan, qoʻshma turdagi hamda inklyuziv guruhlarga ega maktabgacha taʼlim tashkiloti.

B) Koʻkrak qafasining 3 va 4 darajali girdobsimon deformatsiyasi;

v) Koʻkrak qafasining 3 va 4 darajali kilsimon deformatsiyasi;

g) 3 va 4 darajali kifoz;

M40

d) Artrogripoz;

Q74.3

e) Bolalar serebral falaji (BSF) (GMFCS klassifikatsiyasiga koʻra 3-4 daraja) va boshqa nevrologik patologiyalar oqibatida ortopedik deformatsiyalari;

G80

j) Bosh va orqa miya kasalliklari oqibatida kelib chiquvchi ortopedik deformatsiyalar (istisno monoplegiyalar);

z) Osteomiyelit asoratlari (jarrohlik muolajasidan keyingi holatlar);

M86

i) Ogʻir tugʻma maymoqlik (jarrohlik muolajasidan keyingi holatlar);

k) Qoʻl va oyoqlarda jarohatdan keyingi boʻgʻimlar ogʻir darajadagi kontrakturasi;

l) Ortopediyadagi suyak skeletining tizim kasalliklari (axondroplaziya, disxondroplaziya, xondrodistrofiya);

Q77.4

m) Tugʻma son suyagi chiqishi (operativ davolashdan keyingi holat);

S73.0

n) Aniqlanmagan oyoq-qoʻl(lar) tugʻma anomaliyalari (tugʻma rivojlanish anomaliyasi oqibatida amputatsion choʻltoqlik (tayanch-harakat funksional yetishmovchiligiga olib keladigan).

Q74.9

II. “Gʻamxoʻrlik” guruhi uchun tibbiy koʻrsatmalar

7.

GMFCS klassifikatsiyasiga koʻra 4-5 darajadagi Bolalar serebral falaji boʻlgan bolalarda yengil va moʻtadil darajadagi aqliy zaiflik;

G80+F70/F71

Koʻp tarmoqli ixtisoslashtirilgan maktabgacha taʼlim tashkiloti.

8.

Ogʻir darajadagi aqliy zaiflik.

F72

9.

Chuqur aqliy zaiflik.

F73

10.

Shizofreniya, hissiy irodaning chuqur buzilishlari.

F20

11.

Tez-tez takrorlanuvchi umumlashgan epileptik xurujlari kuzatiladigan psixik yoki aqliy rivojlanishdagi nuqsonlar boʻlgan bolalar.

12.

Turli sababli psixopatiya va psixopatsimon holatlarning ogʻir shakllari.

13.

Koʻr-kar-soqovlik.

(2-ilova Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
Keyingi tahrirga qarang.
Oldingi tahrirga qarang.
Psixologik-tibbiy-pedagogik komissiyalar toʻgʻrisidagi nizomga
3-ILOVA
Psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar (maktab, maktab-internatlar uchun)
ROʻYXATI

T/r

Kasallik nomi

Xalqaro Kasalliklar Tasnifi

(XKT-10)

Tavsiya etilgan umumtaʼlim muassasasining turi

I. Umumtaʼlim muassasasi uchun tibbiy koʻrsatmalar

1.

Ruhiy rivojlanishdagi nuqsonlar:

a) Psixologik rivojlanishning aralash spetsifik buzilishlari;

F83

Boshlangʻich tayanch korreksion va inklyuziv taʼlim sinflariga ega umumtaʼlim muassasasi.

b) Bolalar autizmi.

F84.0

Boshlangʻich tayanch korreksion va inklyuziv taʼlim sinflariga ega umumtaʼlim muassasasi, ixtisoslashtirilgan maktab va maktab-internati.

2.

Aqliy rivojlanishdagi nuqsonlar:

a) Yengil darajadagi aqliy zaiflik;

F70

Boshlangʻich tayanch korreksion va inklyuziv taʼlim sinflariga ega umumtaʼlim muassasasi, ixtisoslashtirilgan maktab va maktab-internati.

b) Moʻtadil aqliy zaiflik.

F71

3.

Koʻrishida nuqsonlar:

a) Koʻzi ojizlik (amovroz);

N54.1

Ixtisoslashtirilgan maktab va maktab-internati.

b) Tugʻma nuqsonlar:

Tibbiy koʻrsatmalar korreksiyadan soʻng bolaning koʻrish oʻtkirligi 0,2 gacha boʻlganda ixtisoslashtirilgan maktab, maktab-internatiga, koʻrish oʻtkirligi 0,4 gacha boʻlganda boshlangʻich tayanch korreksion va inklyuziv taʼlim sinflariga ega umumtaʼlim muassasasiga xulosa beriladi.

Mikroftalm, Mikrokornea, Anoftalm;

Q11

Toʻr pardasining rivojlanishidagi tugʻma nuqsonlar;

Toʻr pardasining xavfli oʻsmasi (retinoblastoma)

Koloboma, preretinopatiya (chala tugʻilgan bolalar retinopatiyasi);

Koʻrish nervining atrofiyasi;

N47.2

Koʻrish nervi disk va makulasining ogʻir darajadagi gipoplaziyasi;

Albinizm;

E70.3

Aniridiya;

Q13.1

v) Katarakta:

N26.0

Markaziy zonada toʻliq yoki qisman xiralashish;

Artifakiya;

N27.0

Afakiya (koʻz gavhari yoʻqligi);

N27.0

Koʻz gavhari siljishi (joyi oʻzgarishi);

koʻz gavharining chiqishi;

N27.1

g) Glaukoma (tugʻma, ikkilamchi);

N40 — 42

d) Tugʻma miopiyaning yuqori darajasi;

N52.1

e) Gipermetropiyaning yuqori darajasi;

N52.0

j) Toʻr parda ajralishi, uning yorilishi yoki yirtilishlari;

N33

z) Nistagm.

N55

4.

Eshitishida nuqsonlar:

N90.3

a) Koxlear implantatsiyadan keyin

Boshlangʻich tayanch korreksion va inklyuziv taʼlim sinflariga ega umumtaʼlim muassasasi.

b) Neyrosensor eshitish zaifligining II darajasi (eshitishning 41 — 55 DB gacha pasayishi), (quloqni protezlash);

v) Neyrosensor eshitish zaifligining III darajasi (eshitishning 56 — 70 DB gacha pasayishi), (quloqni protezlash);

Boshlangʻich tayanch korreksion va inklyuziv taʼlim sinflariga ega umumtaʼlim muassasasi, ixtisoslashtirilgan maktab va maktab-internati.

d) Neyrosensor eshitish zaifligining IV darajasi (eshitishning 91 DB gacha pasayishi);

Boshlangʻich tayanch korreksion sinflariga ega umumtaʼlim muassasasi, ixtisoslashtirilgan maktab va maktab-internati.

e) Karlik yoki kar-soqovlik (eshitishning 91 DB dan ortiq pasayishi).

5.

Tayanch-harakat apparati nuqsonlari:

a) 3 va 4 darajali skolioz (tugʻma va orttirilgan);

M41

Boshlangʻich tayanch korreksion va inklyuziv taʼlim sinflariga ega umumtaʼlim muassasasi, ixtisoslashtirilgan maktab va maktab-internati.

b) Koʻkrak qafasining 3 va 4 darajali girdobsimon deformatsiyasi;

v) Koʻkrak qafasining 3 va 4 darajali kilsimon deformatsiyasi;

g) 3 va 4 darajali kifoz;

M40

d) Artrogripoz;

Q74.3

e) Bolalar serebral falaji (BSF) (GMFCS klassifikatsiyasiga koʻra 3-4 daraja) va boshqa nevrologik patologiyalar oqibatida ortopedik deformatsiyalari;

G80

j) Bosh va orqa miya kasalliklari oqibatida kelib chiquvchi ortopedik deformatsiyalar (istisno monoplegiyalar);

z) Osteomiyelit asoratlari (jarrohlik muolajasidan keyingi holatlar);

M86

i) Qoʻl va oyoqlarda jarohatdan keyingi boʻgʻimlar ogʻir darajadagi kontrakturasi;

k) Ortopediyadagi suyak skeletining tizim kasalliklari (axondroplaziya, disxondroplaziya, xondrodistrofiya);

Q77.4

l) Tugʻma son suyagi chiqishi (operativ davolashdan keyingi holat);

S73.0

m) Aniqlanmagan oyoq-qoʻl(lar) tugʻma anomaliyalari (tugʻma rivojlanish anomaliyasi oqibatida amputatsion choʻltoqlik (tayanch-harakat funksional yetishmovchiligiga olib keladigan).

Q74.9

II. “Gʻamxoʻrlik” guruhi uchun tibbiy koʻrsatmalar

1.

GMFCS klassifikatsiyasiga koʻra 4-5 darajadagi Bolalar serebral falaji boʻlgan bolalarda yengil va moʻtadil darajadagi aqliy zaiflik.

G80+F70/F71

Ixtisoslashtirilgan maktab va maktab-internati.

2.

Ogʻir darajadagi aqliy zaiflik.

F72

3.

Chuqur aqliy zaiflik.

F73

4.

Shizofreniya, hissiy irodaning chuqur buzilishlari.

F20

5.

Tez-tez takrorlanuvchi umumlashgan epileptik xurujlari kuzatiladigan psixik yoki aqliy rivojlanishdagi nuqsonlar boʻlgan bolalar.

6.

Turli sababli psixopatiya va psixopatsimon holatlarning ogʻir shakllari.

7.

Koʻr-kar-soqovlik.

(3-ilova Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
Keyingi tahrirga qarang.
Oldingi tahrirga qarang.
Psixologik-tibbiy-pedagogik komissiyalar toʻgʻrisidagi nizomga
3a-ILOVA
Kunduzgi parvarish xizmatiga psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar
ROʻYXATI

T/r

Kasallik nomi

Xalqaro Kasalliklar Tasnifi

(XKT-10)

1.

GMFCS klassifikatsiyasiga koʻra 4-5 darajadagi Bolalar serebral falaji (G80) boʻlgan bolalarda yengil darajadagi aqliy zaiflik.

G80+F70

2.

Moʻtadil aqliy zaiflik.

F71

3.

Ogʻir darajadagi aqliy zaiflik.

F72

4.

Chuqur aqliy zaiflik.

F73

5.

Koʻr-kar-soqovlik.

(3a-ilova Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qaroriga asosan kiritilgan — Qonunchilik maʼlumotlari milliy bazasi, 01.03.2025-y., 09/25/126/0205-son)
Keyingi tahrirga qarang.
Keyingi tahrirga qarang.
Keyingi tahrirga qarang.
Vazirlar Mahkamasining 2024-yil 25-yanvardagi 46-son qaroriga
2-ILOVA
Psixologik-tibbiy-pedagogik komissiyalarning
NAMUNAVIY TARKIBI
Oldingi tahrirga qarang.

1.

Lavozimi boʻyicha

—

Oʻzbekiston Respublikasi Prezidenti huzuridagi Ijtimoiy himoya milliy agentligi hududiy boshqarma boshligʻining nogironligi boʻlgan shaxslarning funksionalligini baholash boʻyicha oʻrinbosari, komissiya raisi

2.

Lavozimi boʻyicha

—

Hududiy sogʻliqni saqlash boshqarmasi boshligʻining onalik va bolalikni muhofaza qilish boʻyicha oʻrinbosari, komissiya raisining oʻrinbosari

3.

Lavozimi boʻyicha

—

pediatr

4.

Lavozimi boʻyicha

—

nevrolog

5.

Lavozimi boʻyicha

—

psixonevrolog

6.

Lavozimi boʻyicha

—

ortoped-travmatolog

7.

Lavozimi boʻyicha

—

oftalmolog

8.

Lavozimi boʻyicha

—

otolaringolog

9.

Lavozimi boʻyicha

—

maxsus pedagog

10.

Lavozimi boʻyicha

—

psixolog

101.

Lavozimi boʻyicha

—

Oʻzbekiston Respublikasi Prezidenti huzuridagi Ijtimoiy himoya milliy agentligi hududiy boshqarmasining tegishli sohaviy tarkibiy boʻlinmasi masʼul xodimi

11.

Lavozimi boʻyicha

—

Oʻzbekiston Respublikasi Prezidenti huzuridagi Ijtimoiy himoya milliy agentligi hududiy boshqarmasining tegishli sohaviy tarkibiy boʻlinmasi masʼul xodimi, komissiya kotibi

( 2-ilova Oʻzbekiston Respublikasi Vazirlar Mahkamasining 2024-yil 27-dekabrdagi 893-sonli qarori tahririda — Qonunchilik maʼlumotlari milliy bazasi, 28.12.2024-y., 09/24/893/1088-son)
Keyingi tahrirga qarang.
Vazirlar Mahkamasining 2024-yil 25-yanvardagi 46-son qaroriga
3-ILOVA
“Gʻamxoʻrlik” guruhlari toʻgʻrisidagi
NIZOM
1-bob. Umumiy qoidalar
1. Ushbu Nizom davlat koʻp tarmoqli ixtisoslashtirilgan maktabgacha taʼlim tashkilotlari, davlat ixtisoslashtirilgan maktab va maktab-internatlardagi (keyingi oʻrinlarda — ixtisoslashtirilgan taʼlim muassasalari) “Gʻamxoʻrlik” guruhlarning (keyingi oʻrinlarda — “Gʻamxoʻrlik” guruhi) maqsadlari, vazifalari va faoliyatini tashkil etish tartibini belgilaydi.
2. “Gʻamxoʻrlik” guruhi faoliyati mazkur Nizom va ixtisoslashtirilgan taʼlim muassasalari ustavi, shuningdek, boshqa qonunchilik hujjatlari bilan tartibga solinadi.
Oldingi tahrirga qarang.
3. “Gʻamxoʻrlik” guruhi faoliyati jismoniy, aqliy, sensor yoki ruhiy nuqsonlari boʻlgan, biroq sogʻligʻining holatiga koʻra alohida taʼlim ehtiyojlari boʻlgan bolalar uchun ixtisoslashtirilgan maktabgacha taʼlim tashkiloti, qoʻshma turdagi maktabgacha taʼlim tashkilotlaridagi ixtisoslashtirilgan va inklyuziv guruhlariga, ixtisoslashtirilgan maktab va maktab-internatlariga, inklyuziv sharoitda taʼlim olishi uchun umumtaʼlim tashkilotiga, imkoniyatlari cheklangan shaxslar uchun ixtisoslashtirilgan maxsus texnikumlarda taʼlim olishga ruxsat etilmagan bolalarga (keyingi oʻrinlarda — alohida taʼlim ehtiyojlari boʻlgan bolalar) qisqa muddatli taʼlim va tarbiya berish hamda parvarishlash maqsadida tashkil etiladi.
(3-band Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
4. Quyidagi nuqsonlari mavjud 3 yoshdan 7 yoshgacha boʻlgan bolalar ixtisoslashtirilgan koʻp tarmoqli maktabgacha taʼlim tashkilotida tashkil etilgan “Gʻamxoʻrlik” guruhlariga qabul qilinadi:
ogʻir va chuqur darajadagi aqliy zaiflik;
shizofreniya, hissiy irodaning chuqur buzilishlari;
Oldingi tahrirga qarang.
tez-tez takrorlanuvchi umumlashgan epileptik xurujlari kuzatiladigan ruhiy yoki aqliy rivojlanishdagi nuqsonlar boʻlgan bolalar;
(4-bandning toʻrtinchi xatboshisi Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
turli sababli psixopatiya va psixopatsimon holatlarning ogʻir shakllari;
koʻr-kar-soqovlik.
5. Quyidagi nuqsonlari mavjud 6 yoshdan 16 yoshgacha boʻlgan bolalar ixtisoslashtirilgan maktab, maktab-internatlarida tashkil etilgan “Gʻamxoʻrlik” guruhlariga qabul qilinadi:
ogʻir va chuqur darajadagi aqliy zaiflik;
shizofreniya, hissiy irodaning chuqur buzilishlari;
tez-tez takrorlanuvchi umumlashgan epileptik xurujlari kuzatiladigan aqliy rivojlanishdagi nuqsonlar boʻlgan bolalar;
turli sababli psixopatiya va psixopatsimon holatlarning ogʻir shakllari;
koʻr-kar-soqovlik.
Oldingi tahrirga qarang.
6. Ixtisoslashtirilgan taʼlim muassasalarida tashkil etilgan “Gʻamxoʻrlik” guruhida bolalarga taʼlim va tarbiya berish hamda parvarishlash bepul amalga oshiriladi.
(6-band Oʻzbekiston Respublikasi Vazirlar Mahkamasining 2025-yil 27-fevraldagi 126-sonli qarori tahririda — Qonunchilik maʼlumotlari milliy bazasi, 01.03.2025-y., 09/25/126/0205-son)
2-bob. “Gʻamxoʻrlik” guruhining maqsadlari va asosiy vazifalari
7. “Gʻamxoʻrlik” guruhining maqsadlari ixtisoslashtirilgan taʼlim muassasalariga qabul qilinmaydigan alohida taʼlim ehtiyojlari boʻlgan bolalarni parvarishlash, taʼlim-tarbiya berish hamda ularni jamiyatga moslashishiga koʻmaklashishdan iborat.
8. “Gʻamxoʻrlik” guruhining asosiy vazifalari quyidagilardan iborat:
bolaning oʻziga xos xususiyatlarini hisobga olib, uning ijtimoiy tajriba orttirishini taʼminlash, bolaning shaxsini shakllantirish, uning ijodiy qobiliyatlarini rivojlantirish;
bolaning yoshi, imkoniyatlari, qobiliyati va ehtiyojlariga qarab kamol topishida koʻmaklashish;
bolani shakllantirishda, tarbiyalashda va jamiyatga moslashishida oilaga yordam berish;
bolalarga oʻz-oʻziga xizmat koʻrsatish koʻnikmalarini shakllantirish;
ota-onalar uchun “ijtimoiy hordiq” imkoniyatini yaratish.
3-bob. “Gʻamxoʻrlik” guruhini tashkil etish, guruhga qabul qilish va undan chiqarish tartibi
1-§. “Gʻamxoʻrlik” guruhini tashkil etish
9. Oʻzbekiston Respublikasi Prezidenti huzuridagi Ijtimoiy himoya milliy agentligining (keyingi oʻrinlarda — Agentlik) Qoraqalpogʻiston Respublikasi, viloyatlar va Toshkent shahar boshqarmalari (keyingi oʻrinlarda — hududiy boshqarmalar) tegishli hududdagi ixtisoslashtirilgan taʼlim muassasalaridagi boʻsh oʻrinlarni va “Gʻamxoʻrlik” guruhlariga ehtiyojni inobatga olgan holda tegishli ixtisoslashtirilgan taʼlim muassasasiga buyurtma yuboradi.
“Gʻamxoʻrlik” guruhi hududiy boshqarmaning buyurtmasiga koʻra ixtisoslashtirilgan taʼlim muassasasi direktorining buyrugʻi bilan tashkil etiladi.
10. “Gʻamxoʻrlik” guruhlari ehtiyojni inobatga olgan holda ikkita smenada tashkil etishga yoʻl qoʻyiladi.
11. Ixtisoslashtirilgan taʼlim muassasalarida “Gʻamxoʻrlik” guruhlari:
davlat koʻp tarmoqli ixtisoslashtirilgan maktabgacha taʼlim tashkilotlarida 3 yoshdan 7 yoshgacha boʻlgan bolalar uchun;
davlat ixtisoslashtirilgan maktab, maktab-internatlarda 6 yoshdan 16 yoshgacha boʻlgan bolalar uchun faoliyat koʻrsatadi.
12. Har bir “Gʻamxoʻrlik” guruhiga 6 — 8 nafar bola qabul qilinadi. “Gʻamxoʻrlik” guruhi teng yoki turli yoshdagi bolalardan iborat boʻladi.
2-§. “Gʻamxoʻrlik” guruhiga qabul qilish tartibi
13. Bolalar “Gʻamxoʻrlik” guruhiga ularning qonuniy vakillarining (ota-onasi yoki ularning oʻrnini bosuvchi shaxslar) arizasi hamda psixologik-tibbiy-pedagogik komissiyaning (keyingi oʻrinlarda — PTPK) xulosasi asosida ixtisoslashtirilgan taʼlim muassasasi rahbarining buyrugʻi bilan qabul qilinadi.
Buyruqni rasmiylashtirish bilan bir vaqtda taʼlim tashkiloti va bolaning qonuniy vakillari oʻrtasida oʻzaro munosabatlarni tartibga solish maqsadida Agentlik hamda Maktabgacha va maktab taʼlimi vazirligi tomonidan tasdiqlangan namunaviy shaklda shartnoma tuziladi.
Qonuniy vakillar arizani bevosita tegishli hududiy boshqarmaga yoki yashash joyidagi “Inson” ijtimoiy xizmatlar markaziga taqdim etadi.
“Inson” ijtimoiy xizmatlar markazlari kelib tushgan arizani bir ish kuni ichida tegishli hududiy boshqarmaga taqdim etadi.
14. Hududiy boshqarmalar ariza kelib tushgandan kundan eʼtiboran bir ish kuni ichida bolani “Gʻamxoʻrlik” guruhi uchun nomzodlar roʻyxatiga kiritadi.
“Gʻamxoʻrlik” guruhini tashkil etish uchun yetarlicha arizalar kelib tushganidan soʻng, hududiy boshqarmalar tegishli ixtisoslashtirilgan taʼlim muassasasiga guruh tashkil etish boʻyicha buyurtma kiritadi.
15. “Gʻamxoʻrlik” guruhi tashkil etilganidan soʻng, tegishli hududiy boshqarma bir ish kuni ichida qonuniy vakillarni guruh tashkil etilgan ixtisoslashtirilgan taʼlim muassasasi toʻgʻrisida xabardor qiladi.
“Gʻamxoʻrlik” guruhida roʻyxatdan oʻtganligi toʻgʻrisida xabar olgandan soʻng, bolaning qonuniy vakili tegishli ixtisoslashtirilgan taʼlim muassasasiga oʻn besh ish kuni ichida kelishi shart.
3-§. “Gʻamxoʻrlik” guruhidan chiqarish
16. Bolalar “Gʻamxoʻrlik” guruhidan quyidagilar asosida chiqariladi:
qonuniy vakilning arizasi;
sogʻliqni saqlash organlari muassasalarining tibbiy koʻrsatmalari;
ixtisoslashtirilgan taʼlim muassasasi tibbiy-psixologik-pedagogik yoki pedagogik kengashining xulosasi;
taʼlim tashkiloti va bolaning qonuniy vakillarning oʻrtasidagi shartnoma shartlarining bajarilmasligi;
PTPKning xulosasida koʻrsatilgan bolaning ixtisoslashtirilgan taʼlim muassasada boʻlish muddatining tugashi.
17. Bolalarni “Gʻamxoʻrlik” guruhidan chiqarish ixtisoslashtirilgan taʼlim muassasasi rahbarining buyrugʻi bilan rasmiylashtiriladi.
Bola “Gʻamxoʻrlik” guruhidan chiqarilgach, ixtisoslashtirilgan taʼlim muassasasi rahbari hududiy boshqarmani xabardor qiladi.
4-bob. “Gʻamxoʻrlik” guruhida taʼlim-tarbiya jarayonini tashkil etish
18. “Gʻamxoʻrlik” guruhidagi taʼlim-tarbiya jarayonining mazmuni davlat taʼlim standartlari, dasturlari va talablari asosida ishlab chiqiladigan variativ maxsus dasturga muvofiq tegishli hududiy boshqarma bilan kelishgan holda ixtisoslashtirilgan taʼlim muassasasi tomonidan belgilanadi.
19. “Gʻamxoʻrlik” guruhida dars mashgʻulotlarining davomiyligi sanitariya normalari va qoidalariga muvofiq hisoblab chiqiladi.
20. “Gʻamxoʻrlik” guruhida oʻqitish davomiyligi va muddati har bir bolaga uning sogʻligʻining holati hamda PTPK xulosasi asosida ixtisoslashtirilgan taʼlim muassasasi tomonidan ishlab chiqiladigan yakka tartibdagi taʼlim-reabilitatsiya dasturiga muvofiq belgilanadi.
5-bob. “Gʻamxoʻrlik” guruhini moliyalashtirish
21. “Gʻamxoʻrlik” guruhlar faoliyati ayrim ixtisoslashtirilgan davlat taʼlim muassasalarini maqbullashtirish munosabati bilan boʻshayotgan mablagʻlar hisobidan, 2025-yildan boshlab Oʻzbekiston Respublikasi Davlat budjetidan ixtisoslashtirilgan taʼlim muassasalari uchun ajratiladigan mablagʻlar hisobidan moliyalashtiriladi.
“Gʻamxoʻrlik” guruhi faoliyati jismoniy va yuridik shaxslarning homiylik xayriyalari hamda qonunchilik hujjatlarida taqiqlanmagan boshqa manbalar hisobidan moliyalashtirilishi mumkin.
6-bob. Yakunlovchi qoida
22. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Vazirlar Mahkamasining 2024-yil 25-yanvardagi 46-son qaroriga
4-ILOVA
Nogironligi boʻlgan shaxslarni reabilitatsiya qilish va protezlash markazlarining bolalar reabilitatsiya boʻlimlari uchun zarur jihozlar
ROʻYXATI

T/r

Asbob-uskunalar nomi

Oʻlchov birligi

Soni

1.

Mobil stenderlar

Kichik vertikalizator — boʻyi 76 sm dan 102 sm gacha bolalar uchun

dona

1

Oʻrta vertikalizator — boʻyi 93 sm dan 132 smgacha bolalar uchun

dona

1

Katta vertikalizator

dona

1

2.

Yurish uchun trenajyorlar

Yurish uchun ortopedik trenajyor (dinamik ustki qavat ramasi, standart negizi odometrsiz, qoʻl ushlab turuvchisi (tirsak asoslari), kichik hajmdagi koʻkrak qafasini ushlab turuvchisi, kichik oʻlchamdagi chanoq tutqichi, son tutqichi: kichik oʻlchamdagi boldir va boldir-tovon tutqichi)

dona

1

3.

Yurish uchun ortopedik trenajyor (dinamik ustki qavat ramasi, yugurish yoʻlakchasi uchun negiz, qoʻl fiksatorlari (tirsak asoslari: juft), kichik hajmdagi koʻkrak qafasi fiksatori, kichik oʻlchamdagi chanoq fiksatori, chanoq tutqichi uchun yumshoq yostiq, son tutqichi: juft, kichik oʻlchovli tyaga, kichik oʻlchovli koʻp pozitsiyali oʻrindiq)

dona

1

4.

Boʻyi 95 smdan 140 smgacha boʻlgan bolalarga yurish uchun oʻrta oʻlchovli ortopedik trenajyor (dinamik yuqori rama, standart negizi odometrsiz, qoʻllar (tirsak asoslari) uchun tutqich, oʻrta hajmdagi koʻkrak qafasi tutqichi (koʻkrak qafasi diametri 56 — 102 sm), oʻrta oʻlchovli chanoq tutqichi, chanoq tutqichi uchun yumshoq yostiq, son tutqichi: juft, kichik oʻlchamdagi boldir-tovon tutqichi, qoʻl tormozi)

dona

1

5.

Boʻyi 95 smdan 140 smgacha boʻlgan bolalarga yurish uchun oʻrta oʻlchovli ortopedik trenajyor (dinamik yuqori rama, yugurish yoʻlakchasi uchun negiz, qoʻllar uchun tutqich (tirsak asoslari: juft), oʻrta hajmdagi koʻkrak qafasi tutqichi (koʻkrak qafasi diametri 56 — 102 sm), oʻrta oʻlchovli chanoq tutqichi, chanoq tutqichi uchun yumshoq yostiq, son tutqichi: juft, kichik oʻlchamdagi boldir-tovon tutqichi, qoʻl tormozi koʻp pozitsiyali oʻrindiq)

dona

1

6.

Yurish uchun katta oʻlchovli ortopedik trenajyor (dinamik yuqori ramasi, yugurish yoʻlakchasi uchun negiz, qoʻllar uchun tutqich (tirsak asoslari: juft), oʻrta hajmdagi koʻkrak qafasi tutqichi (koʻkrak qafasi diametri 56 — 102 sm oʻrta oʻlchovli chanoq tutqichi, chanoq tutqichi uchun yumshoq yostiq, son tutqichi: juftlik, kichik oʻlchamdagi boldir-tovon tutqichi, qoʻl tormozi koʻp pozitsiyali oʻrindiq)

dona

1

7.

Birillo — oʻtirib yurish uchun trenajyor

Birillo, oʻlchovi 1 (negiz, 1-oʻlchovli yoysimon qoʻl tutqichi, 1-oʻlchovli shaffof stol)

dona

1

8.

Birillo, oʻlchovi 2 (negiz, 2-oʻlchovli yoysimon qoʻl tutqichi, 2-oʻlchovli shaffof stol)

dona

1

9.

Ortopedik 3 (uch) gʻildirakli velosipedlar

Boʻyi 97 smdan 127 smgacha boʻlgan bolalar uchun kichik oʻlchovli ortopedik velosiped

dona

1

10.

Boʻyi 127 smdan 161 smgacha boʻlgan bolalar uchun oʻrta oʻlchovli ortopedik velosiped

dona

1

11.

Djetmobil — yotoq samokat

Boʻyi 102 smgacha boʻlgan bolalar uchun djetmobil (yarim doira shaklidagi qoʻshimcha moslamalar (juftda), abduktor — nogironlar aravachasi oʻrindigʻiga oʻrnatilgan, oyoqlarini (sonlarini) bir-biridan ajratish uchun moʻljallangan qurilma, yostiqcha)

dona

1

12.

Boʻyi 152 smgacha boʻlgan bolalar uchun djetmobil (yarim doira shaklidagi qoʻshimcha moslamalar (juft), abduktor — nogironlar aravachasi oʻrindigʻiga oʻrnatilgan, oyoqlarini (sonlarini) bir-biridan ajratish uchun moʻljallangan qurilma, yostiqcha)

dona

1

13.

Tambl Forms 2-kreslo “Delyuks”

Tambl Forms 2-kreslo “Delyuks” (shu jumladan, statsionar moslama) boʻyi 91 smgacha boʻlgan bolalar uchun “S” oʻlchamdagi barcha oʻlchamlariga moslashuvchan kreslo-stolcha bilan

dona

1

14.

Tambl Forms 2-kreslo Delyuks (shu jumladan, statsionar moslama) boʻyi 122 smgacha bolalar uchun “M” oʻlchamdagi mobil baza bilan

dona

1

15.

Koʻp funksiyali adaptiv kreslo — (“Hi/Lo” bazasi bilan)

Koʻp funksiyali adaptiv kreslo — (“Hi/Lo” bazasi bilan) “S” oʻlchamdagi boʻyi 81 smdan 122 sm gacha bolalar uchun (oʻrindiq va suyanchiq, bazasi “Hi-Lo” “S” oʻlchamdagi, tirsak osti moslamasi, yumshoq qoplamalari oʻrindiq va yostiqlar, pnevmatik bulogʻi, moslashuvchan bosh suyanchigʻi, quvvatlovchi yon bloklar tasma bilan, patnis — stolcha, stolchaga mahkamlanuvchan tutqich, tanani mustahkamlanuvchi moslama “kapalak”, sonlar uchun tasma, tos holatini abduksiyasi va korreksiyasi uchun har bir son uchun juft tasmalar, sonlar uchun yon bloklar, abduktor — nogironlar aravachasi oʻrindigʻiga oʻrnatilgan, oyoqlarini (sonlarini) bir-biridan ajratish uchun moʻljallangan qurilma, oyoqni mahkamlash moslamasi, boldir-tovon tasmachasi, oyoq kiyim (sandal), takozlar

dona

1

16.

Koʻp funksiyali adaptiv kreslo — (“Hi/Lo” bazasi bilan) “M” oʻlchamdagi boʻyi 102 smdan 142 smgacha bolalar uchun (oʻrindiq va suyanchiq, bazasi “Hi-Lo” “M” oʻlchamdagi, tirsak osti moslamasi, yumshoq qoplamalari oʻrindiq va yostiqlar, pnevmatik prujina, moslashuvchan bosh suyanchigʻi, quvvatlovchi yon bloklar tasma bilan, patnis — stolcha, stolchaga mahkamlanuvchan tutqich, tanani mustahkamlanuvchi moslama “kapalak”, sonlar uchun tasma, tos holatini abduksiyasi va korreksiyasi uchun har bir son uchun juft tasmalar, sonlar uchun yon bloklar, abduktor, oyoqni mahkamlash moslamasi, boldir-tovon tasmachasi, oyoq kiyim (sandal), takozlar

dona

1

17.

Sensorli integratsiya uchun mahsulotlar

Qoʻshimcha sezgir impuls uchun chuqur bosim taʼsirini koʻrsatadigan “Siqish” roll trenajyori

dona

1

18.

Ilgakli tizim — “Uya” argʻimchoq

(Shiftga mahkamlash moslamalari toʻplami alohida xarid qilinadi)

dona

1

19.

Shiftga mahkamlash moslamalari toʻplami quyidagilar:

ilish uchun kronshteyn;

xavfsizlik mahkamlagichi;

xavfsiz aylanadigan moslama;

uzunligi 3 m boʻlgan arqon;

balandlikni sozlash moslamasi.

toʻplam

1

20.

Tuxumsimon-espander — 3 ta donali toʻplam

toʻplam

3

21.

“Vestibulyator II” tizim toʻplami — sensor integratsion terapiya uchun. Vertikal stimulyatsiya va aylanish harakatlarini taʼminlash uchun. Balandligi moslashuvchan konstruksiya. Toʻplam: erkin turuvchi rama, argʻimchoq, egiluvchan disk, argʻimchoq-gʻildirak, qorin bilan yotishga moʻljallangan argʻimchoq-setka, oʻrindiqli argʻimchoq-setka, ipli arkon, asenderli mat

toʻplam

1

22.

Tristender Tumble Forms — universal stender

Universal vertikalizator, Tristender toʻplami aksessuarlar bilan (rama, tos suyagi fiksatori, bola tanasi fiksatori, tizza fiksatorlari, boʻyin-yelka fiksatorlari) va boʻyi 81 — 114 sm boʻlgan bolalar uchun kichik oʻlchamdagi erkin turish uchun moslashuvchan stoli bilan

toʻplam

1

23.

Universal vertikalizator, Tristender toʻplami aksessuarlar bilan (rama, tos suyagi fiksatori, tana fiksatori, tizza fiksatorlari, boʻyin-yelka fiksatorlari) va boʻyi 109 — 147 sm boʻlgan bolalar uchun katta oʻlchamdagi erkin turish uchun moslashuvchan stoli bilan

toʻplam

1

24.

Abduksionli vertikalizator “Stendz”, toʻliq toʻplamda, oldinga va orqaga egilishda foydalanish uchun

toʻplam

2

25.

Langarlar

Oʻng qoʻl bilagini fiksatsiya qilish uchun tutqich “Langar”

dona

1

26.

Chap qoʻl bilagini fiksatsiya qilish uchun tutqich “Langar”

dona

1

27.

Oʻng tirsakni fiksatsiya qilish uchun moslama “Langar”

dona

1

28.

Chap qoʻl bilagini fiksatsiya qilish uchun tutqich “Langar”

dona

1

29.

Tutqich “Langar”

dona

1

30.

Qoʻl bilagiga tayanch va fiksatsiya qiluvchi tutqich “Langar”

dona

1

31.

Gorizontal tutqich “Langar”

dona

1

32.

Tutqich “Langar”

dona

1

33.

Vertikalizator stoli (bolalar uchun), quvvati AS220; 50/60 Gs. quvvat koeffitsiyenti 60 Vt. Toʻshak yuzasining oʻlchamlari 1600*630 mm. Toʻshak yuzasining balandligi 550 mm. Moslanuvchi tik turish burchagi 0° — 90°.

dona

1

34.

Parallel bar (bolalar uchun) oʻlchamlari — 300*61* 50 — 90 sm, bar balandligi — 50 — 85 sm, yuklamasi — 80 kg

dona

1

35.

Bolalarga taʼlim jarayonida foydalanadigan zinapoya (yuqoridan-pastga, pastdan-yuqoriga bola bilan kunlik mashgʻulotlar oʻtkazish uchun)

dona

1

36.

Bolalar uchun ramka. Oʻlchamlari — 80*65*124 sm, ogʻirligi — 24 kg, orqa yostiqni balandlik diapazoni > 20 sm, tos-son boʻgʻimni balandlik diapazoni >20 sm, tizza yostiqni balandlik diapazoni: orqa va oldi 0 — 12 sm, yuqoriga va pastga > 20 sm, oʻng va chap 23 — 40 sm, yuklamasi — 60 kg (doimiy disfunksiyasi mavjud 10 yoshgacha boʻlgan bolalarga taʼlim jarayonida foydalanish uchun)

dona

1

37.

Vertikalizator stoli (bolalar uchun), doimiy disfunksiyasi mavjud 10 yoshgacha boʻlgan bolalar uchun taʼlim jarayonida foydalaniladi. Oʻlchami — 98*70* 90 — 122 sm, tizza moslashuvchan diapazoni (sm): orqa va oldi 0 — 15, oʻng va chap 15 — 38. Stolning moslashuvchan diapazoni (sm): orqa va oldi 16 — 36, oʻng va chap 67 — 87, yostiqning buriladigan burchagi — 90°, yuklanmasi — 60 kg

dona

2

38.

Moslashuvchan doska. Oʻlchamlari — 53*65* 108 sm, ogʻirligi — 43 kg, burchaklar diapazoni — 0° — 50° (qoʻllarni muvofiqlashtirish qobiliyati hamda qoʻl mushaklari va boʻgʻimlari mashqlari uchun)

dona

2

39.

Individual moslashtirish funksiyali nogironligi boʻlgan bolalar uchun xavfsiz kreslo

dona

10

40.

Barmoqlar kontrakturasi va adduksiyalarni bartaraf etish uchun doska

dona

1

41.

Barmoqlar uchun moslashtiruvchan doska (universal gʻildiragi bilan) (barmoqlarni kontraktura va adduksiyalarni tuzatish uchun)

dona

1

42.

Nogironligi boʻlgan bolalar uchun yurish moslamasi (xodunok)

dona

10

43.

Oyoq-qoʻl harakatini qayta tiklash uchun moslama

dona

1

44.

Gidravlik bolalar tayoqchasi (oyoqlar harakati va mushaklar mashqi uchun)

dona

1

45.

Akrobatik bochka. Oʻlchamlari: F60 x 76 sm (tik turgan poza buzilishining oldini olish va tuzatish)

dona

1

46.

Bolalar uchun trenajyor (kuch mashqlari tos-son boʻgʻim abduksiya va adduksiyasi uchun)

dona

1

47.

Bolalar uchun trenajyor. Oʻlchamlari: 91*75*99 sm, ogʻirligi — 31 kg, yostiq balandligi — 45 sm, tirsak osti tirgovuch balandligi — 60 sm, koʻtaruvchi rama diapazoni — 0-10 sm, burchaklar diapazoni > 120°, bogʻlovchi yuklamalari — 120 kg 4 ogʻirligi*, 8 kg

dona

1

48.

Boldir-oshiq boʻgʻimi bukilish va yozilish harakatlarini reabilitatsiya qilishda faol va passiv mashqlar uchun trenajyor

dona

1

49.

Taʼlim jarayonida foydalanish uchun harakatlanuvchi zinapoyalar

dona

1

50.

Quoiti oʻquv toʻplami. Qoʻl-koʻz va idrokni muvofiqlashtirishni oʻrgatishda foydalanish uchun

dona

1

51.

Yoʻlakcha. Qizil, sariq, koʻk va yashil ranglar (bir-biri bilan bogʻliq boʻlishi mumkin)

dona

4

52.

Koptok F46

dona

10

53.

Koptok F56

dona

10

54.

Yumshoq koptok F12

dona

5

55.

Massajli koptok F10

dona

10

56.

Bolalar uchun gantellar (3 kg, 5 kg va 8 kg)

dona

6

57.

Stressga qarshi rezinali koptoklar (mushaklarni shakllantirish uchun)

dona

10

58.

Otcha mashinasi 80*40* 100

dona

1

59.

Eshkak trenajyori 90*37*65

dona

1

60.

Belni burish mashinasi 52*38*100

dona

1

61.

Yurish koʻnikmalarini rivojlantirish uchun simulyator “Havoli pedallar” 68*41*85

dona

1

62.

“S” oʻlchamli bolalarga moʻljallangan nogironlar aravachasi (boʻyi 94 smdan 120 smgacha boʻlgan bolalar uchun)

dona

5

63.

“M” oʻlchamli bolalarga moʻljallangan nogironlar aravachasi (boʻyi 120 smdan 165 smgacha boʻlgan bolalar uchun)

dona

5

64.

Shiftdagi relslar va bolaning tanasini ushlab turish uchun uskunasi bilan yurgizuvchi trenajyor “SOLO STEP”

dona

1

65.

“Bin beg” yumshoq puflar (yechiladigan qoplamli).

dona

4

66.

Sport matlari

dona

10
Vazirlar Mahkamasining 2024-yil 25-yanvardagi 46-son qaroriga
5-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2007-yil 17-maydagi 100-son qarori bilan tasdiqlangan Imkoniyatlari cheklangan shaxslar uchun ixtisoslashtirilgan kasb-hunar maktablari toʻgʻrisidagi nizomning 10-bandi uchinchi xatboshisidagi “xalq taʼlimi hududiy organlari huzuridagi psixologik-tibbiyot-pedagogik komissiya” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligining hududiy boshqarmalari qoshidagi psixologik-tibbiy-pedagogik komissiya” soʻzlari bilan almashtirilsin.
Oldingi tahrirga qarang.
(Oʻzbekiston Respublikasi Vazirlar Mahkamasining 2024-yil 27-dekabrdagi 893-sonli qaroriga asosan 2-bandning oʻz kuchini yoʻqotish sanasi — 2025-yil 1-yanvar — Qonunchilik maʼlumotlari milliy bazasi, 28.12.2024-y., 09/24/893/1088-son)
3. Vazirlar Mahkamasining “Maktabgacha taʼlim tashkilotlari faoliyatini yanada takomillashtirish chora-tadbirlari toʻgʻrisida” 2019-yil 13-maydagi 391-son qarorida:
a) 1-bandda:
beshinchi xatboshisi chiqarib tashlansin;
oltinchi xatboshi beshinchi xatboshi deb hisoblansin;
b) 1-ilovada:
34-bandning beshinchi xatboshisi va 38-bandning uchinchi xatboshisidagi tegishli kelishikdagi “Tibbiy-psixologik-pedagogik komissiya” soʻzlari tegishli kelishikdagi “psixologik-tibbiy-pedagogik komissiya” soʻzlari bilan almashtirilsin;
393-bandning birinchi xatboshisi, 396-bandning ikkinchi xatboshisi hamda 3912-bandning birinchi xatboshisidagi tegishli kelishikdagi “tibbiy-psixologik-pedagogik komissiya” soʻzlari tegishli kelishikdagi “psixologik-tibbiy-pedagogik komissiya” soʻzlari bilan almashtirilsin;
395-bandning birinchi xatboshisi quyidagi tahrirda bayon etilsin:
“395. Maktabgacha taʼlim tashkilotida chuqurlashtirilgan tibbiy koʻrik oʻtkazilganda va unda tarbiyalanuvchilarda psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar roʻyxatida koʻrsatilgan rivojlanishida jismoniy yoki psixik nuqsonlari aniqlanganda, tarbiyalanuvchi psixologik-tibbiy-pedagogik komissiyadan oʻrnatilgan tartibda oʻtish uchun yuboriladi”;
v) 3-ilovada:
25-bandning uchinchi va oʻn birinchi xatboshilari hamda 26-banddagi tegishli kelishikdagi “tibbiy-psixologik-pedagogik komissiya” soʻzlari tegishli kelishikdagi “psixologik-tibbiy-pedagogik komissiya” soʻzlari bilan almashtirilsin;
271-bandning oltinchi xatboshisi hamda 78-bandning oltinchi va yettinchi xatboshilaridagi tegishli kelishikdagi “Tibbiy-psixologik-pedagogik komissiya” soʻzlari tegishli kelishikdagi “psixologik-tibbiy-pedagogik komissiya” soʻzlari bilan almashtirilsin;
g) 4-ilova oʻz kuchini yoʻqotgan deb hisoblansin;
d) 5-ilovaning 21-bandi uchinchi xatboshisi, 22-bandi, 27-bandning oltinchi xatboshisi, 47-bandning birinchi xatboshisi, 80-bandning oltinchi — sakkizinchi xatboshilaridagi tegishli kelishikdagi “Tibbiy-psixologik-pedagogik komissiya” soʻzlari tegishli kelishikdagi “psixologik-tibbiy-pedagogik komissiya” soʻzlari bilan almashtirilsin.
4. Vazirlar Mahkamasining 2020-yil 22-dekabrdagi 802-son qarori bilan tasdiqlangan Maktabgacha taʼlim va tarbiyaning davlat standartiga 3-ilovaning 2-boʻlimi 3 — 5-bandlaridagi “Tibbiy-psixologik-pedagogik komissiya xulosasini berish uchun asos boʻladigan tibbiy koʻrsatmalar roʻyxatida (Vazirlar Mahkamasining 2019-yil 13-maydagi 391-son qaroriga 4-ilova)” soʻzlari “Psixologik-tibbiy-pedagogik komissiya xulosasini berish uchun asos boʻladigan tibbiy koʻrsatmalar roʻyxatida” soʻzlari bilan almashtirilsin.
5. Vazirlar Mahkamasining “Alohida taʼlim ehtiyojlari boʻlgan bolalarga taʼlim berishga oid normativ-huquqiy hujjatlarni tasdiqlash toʻgʻrisida” 2021-yil 12-oktabrdagi 638-son qarorida:
a) 1-bandda:
“b” kichik bandning beshinchi xatboshisidagi “Tibbiy-ijtimoiy xizmatlarni rivojlantirish agentligi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi” soʻzlari bilan almashtirilsin;
“d” kichik bandi oʻz kuchini yoʻqotgan deb hisoblansin;
b) 1-ilovaning 13-bandidagi “hududiy xalq taʼlimi boshqarmasi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligining hududiy boshqarmalari” soʻzlari bilan almashtirilsin;
v) 2-ilovada:
17-banddagi “hududiy xalq taʼlimi boshqarmasi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligining hududiy boshqarmalari” soʻzlari bilan almashtirilsin;
24-bandning sakkizinchi xatboshisidagi “Tibbiy-ijtimoiy xizmatlarni rivojlantirish agentligi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi” soʻzlari bilan almashtirilsin;
38-bandning birinchi xatboshisidagi “Oʻzbekiston Respublikasi Tibbiy-ijtimoiy xizmatlarni rivojlantirish agentligining” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligining” soʻzlari bilan almashtirilsin;
Nizomga 1-ilovaning 18-bandi beshinchi xatboshisidagi “Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari, Toshkent shahar xalq taʼlimi bosh boshqarmasi (keyingi oʻrinlarda — xalq taʼlimi boshqarmalari)” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligining hududiy boshqarmalari” soʻzlari bilan almashtirilsin;
Nizomga 2-ilovada:
nomi va muqaddimasidagi “Tibbiy-ijtimoiy xizmatlarni rivojlantirish agentligi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi” soʻzlari bilan almashtirilsin;
1-bandning uchinchi xatboshisidagi “Oʻzbekiston Respublikasi Tibbiy-ijtimoiy xizmatlarni rivojlantirish agentligi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi” soʻzlari bilan almashtirilsin;
2-banddagi “hududiy xalq taʼlimi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligining hududiy” soʻzlari bilan almashtirilsin;
g) 3-ilovaning 14-bandi birinchi xatboshisidagi “Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari, Toshkent shahar xalq taʼlimi bosh boshqarmasi” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari” soʻzlari bilan almashtirilsin;
d) 5-ilova oʻz kuchini yoʻqotgan deb hisoblansin.
Keyingi tahrirga qarang.
6. Vazirlar Mahkamasining “Aholiga sanatoriylarda davolanish uchun yoʻllanmalar berish sohasiga axborot-texnologiyalarini joriy etish toʻgʻrisida” 2021-yil 19-noyabrdagi 693-son qarorida:
a) 1-bandning ikkinchi xatboshisi “keksalar va nogironligi boʻlgan shaxslarga” soʻzlaridan keyin “Oʻzbekiston Respublikasi Prezidenti huzuridagi Ijtimoiy himoya milliy agentligining tuman (shahar)lardagi “Inson” ijtimoiy xizmatlar markazlari (keyingi oʻrinlarda — “Inson” markazi) va” soʻzlari bilan toʻldirilsin;
b) 2-band quyidagi tahrirda bayon etilsin:
“2. Belgilansinki, ushbu qaror bilan tasdiqlangan maʼmuriy reglamentga muvofiq koʻrsatiladigan davlat xizmatlaridan foydalanish uchun jismoniy shaxslar Davlat xizmatlari markazlari va “Inson” markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) va “Yagona milliy ijtimoiy himoya” axborot tizimi (keyingi oʻrinlarda — YAMIH AT) orqali murojaat qiladilar”;
v) 5-band quyidagi tahrirda bayon etilsin:
“5. Oʻzbekiston Respublikasi Raqamli texnologiyalar vazirligi Adliya vazirligi va Agentlik bilan birgalikda:
a) 2022-yil 1-oktabrdan boshlab:
keksalar va nogironligi boʻlgan shaxslarga sanatoriylarda davolanish uchun yoʻllanmalar berish boʻyicha davlat xizmati YIDXP orqali joriy etilishini taʼminlasin;
YIDXPda davlat xizmatlari koʻrsatilishining har bir bosqichida vakolatli organlar va fuqarolar tomonidan murojaatlarning koʻrib chiqilishini kuzatib borish tartibini joriy etsin.
b) 2024-yil 1-fevraldan boshlab keksalar va nogironligi boʻlgan shaxslarga sanatoriylarda davolanish uchun sanatoriylarga yoʻllanmalarni berish boʻyicha davlat xizmati YAMIH AT orqali ham joriy etilishini taʼminlasin.
Bunda, sanatoriylarga yoʻllanma berish boʻyicha davlat xizmati “Inson” markazlari tomonidan koʻrsatiladi.
“Inson” markazlarining ijtimoiy xodimlariga bevosita fuqarolarning roziligi bilan ularning nomidan Agentlik tizimidagi sanatoriylarda davolanish uchun yoʻllanmalar berish boʻyicha elektron shaklda ariza berish huquqi beriladi”;
g) 7-bandning beshinchi xatboshisi quyidagi tahrirda bayon etilsin:
“Agentlik tizimidagi sanatoriylar “Yagona milliy ijtimoiy himoya” axborot tizimining “IHMA Sanatoriya” moduliga ulanadi”.
d) ilovada:
1-bandning birinchi xatboshisidagi “Davlat xizmatlari markazlari orqali” soʻzlari chiqarib tashlansin;
2-bandning birinchi xatboshisi quyidagi tahrirda bayon etilsin:
“2. Davlat xizmati Agentlikning tuman (shahar)lardagi “Inson” ijtimoiy xizmatlar markazlari (keyingi oʻrinlarda — vakolatli organ), Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) yoxud “Yagona milliy ijtimoiy himoya” axborot tizimi (keyingi oʻrinlarda — YAMIH AT) orqali vakolatli organ tomonidan koʻrsatiladi”;
3-band quyidagi mazmundagi oʻninchi xatboshi bilan toʻldirilsin:
“Yoʻllanma beriladigan shaxslarning ushbu bandning ikkinchi, uchinchi, beshinchi va oltinchi xatboshilarida nazarda tutilgan toifaga kirishi toʻgʻrisidagi maʼlumotlar Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya, Davlat xavfsizlik xizmati hamda Iqtisodiyot va moliya vazirligi huzuridagi Bojxona qoʻmitasi tomonidan taqdim etiladi”;
5-banddagi “2011-yil 8-sentabrdagi 252-son” soʻzlari “2022-yil 13-oktabrdagi 592-son” soʻzlari bilan almashtirilsin;
7-band quyidagi tahrirda bayon etilsin:
“7. Keksalar va nogironligi boʻlgan shaxslar yoki ularning vakillari davlat xizmatidan foydalanish uchun Davlat xizmatlari markazlari yoki vakolatli organga kelib murojaat etadilar yoxud davlat xizmatidan elektron tarzda foydalanish uchun YIDXP yoki YAMIH ATda roʻyxatdan oʻtadilar”;
8-bandning birinchi xatboshisidagi “Davlat xizmatlari markazi xodimi keksalar va nogironligi boʻlgan shaxslar nomidan, YIDXP” soʻzlari “Davlat xizmatlari markazi yoki vakolatli organ xodimi keksalar va nogironligi boʻlgan shaxslar nomidan, YIDXP yoki YAMIH AT” soʻzlari bilan almashtirilsin;
14 va 15-bandlar quyidagi tahrirda bayon etilsin:
“14. Keksalar va nogironligi boʻlgan shaxslar Davlat xizmatlari markazi yoki vakolatli organga kelib murojaat etganda, ularning soʻrovnomasi Davlat xizmatlari markazi yoki vakolatli organ xodimi tomonidan toʻldirilib, tasdiqlangandan soʻng barcha hujjatlar 10 daqiqa mobaynida vakolatli organning “IHMA Sanatoriya” moduliga elektron shaklda yuboriladi. YIDXP yoki YAMIH AT orqali murojaat qilinganda esa — soʻrovnoma avtomatik tarzda vakolatli organning “IHMA Sanatoriya” moduliga yuboriladi.
15. “IHMA Sanatoriy” modulida kelib tushgan soʻrovnomalarning elektron reyestri yuritiladi. Bunda, fuqarolar soʻrovnomalarning koʻrib chiqish holati va navbati toʻgʻrisidagi maʼlumotlarni Davlat xizmatlari markazlari va vakolatli organga murojaat qilish yoki YIDXP yoxud YAMIH AT orqali real vaqt rejimida olishi mumkin”;
16-bandda:
quyidagi mazmundagi toʻrtinchi — oltinchi xatboshilar bilan toʻldirilsin:
“Keksalar va nogironligi boʻlgan shaxslar yoʻllanma amal qilish muddati boshlanishidan 20 kun oldin, biroq 10 kundan kam boʻlmagan muddatda “IHMA Sanatoriy” moduli orqali elektron shaklda (elektron pochta manzillari mavjud boʻlganda), aloqa vositalari orqali qisqa matnli xabar (SMS) orqali yoki vakolatli organning xodimlari tomonidan sanatoriyga joylashish navbati kelishi haqida xabardor qilinadi.
Keksalar va nogironligi boʻlgan shaxslar yoʻllanmalarning amal qilish muddati boshlanishidan 10 kun oldin ularga shakllantiriladigan yoʻllanmadan foydalanishni rad etishi yoki yoʻllanma amal qilish muddatini bir oyga uzaytirish haqida vakolatli organga murojaat qilishi mumkin.
Bunda, foydalanishni rad etgan yoki yoʻllanma amal qilish muddatini bir oyga uzaytirish boʻyicha murojaat qilgan keksalar va nogironligi boʻlgan shaxslarning oʻrniga keyingi navbatdagi keksalar va nogironligi boʻlgan shaxslar mazkur bandning toʻrtinchi xatboshisida belgilangan tartibda xabardor qilinadi”;
toʻrtinchi va beshinchi xatboshilar tegishincha yettinchi va sakkizinchi xatboshilar deb hisoblansin;
18-band “YIDXP” soʻzlaridan keyin “yoki YAMIH AT” soʻzlari bilan toʻldirilsin;
19-banddagi “Davlat xizmatlari markazi” soʻzlari “Davlat xizmatlari markazi yoki vakolatli organ” soʻzlari bilan almashtirilsin;
20-band kuyidagi tahrirda bayon etilsin:
“20. Agentlik keksalar va nogironligi boʻlgan shaxslarning umumiy soni, imtiyoz toifasi va yoʻllanmalarning berish davriyligiga muvofiq respublika sanatoriylariga yoʻllanmalarni taqsimlash rejasini har chorakda tasdiqlaydi.
Bunda, 1941 — 1945-yillardagi urush va mehnat fronti faxriylarini sogʻlomlashtirish uchun yoʻllanmalarni taqsimlash rejasini inobatga oladi”;
21 va 22-bandlar oʻz kuchini yoʻqotgan deb hisoblansin;
28-band quyidagi tahrirda bayon etilsin:
“28. Keksalar va nogironligi boʻlgan shaxslar salomatligining holatiga yoki boshqa asosli sabablarga koʻra, shu jumladan fuqaro Oʻzbekiston Respublikasi hududidan tashqariga vaqtincha chiqib ketishi sababli yoʻllanmadan belgilangan muddatda foydalanish imkoniyatiga ega boʻlmagan taqdirda, yoʻllanmada koʻrsatilgan sanatoriyga kelish muddatidan kamida uch kundan kech boʻlmagan muddatda bu haqida Davlat xizmatlari markaziga yoki vakolatli organga xabar berishi va yoʻllanmani qaytarishi lozim. Davlat xizmatlari markazi xodimi bu haqida 1 soat mobaynida vakolatli organni xabardor qiladi.
Yoʻllanma olish navbati kelgan fuqaro Oʻzbekiston Respublikasi hududidan tashqariga vaqtincha chiqib ketgan, shuningdek, yoʻllanmadan foydalanish muddatini uzaytirish toʻgʻrisida murojaat qilgan boʻlsa, fuqarolarning navbat muddati faqat bir marotaba keyingi oyga koʻchiriladi”;
34-band quyidagi tahrirda bayon etilsin:
“34. Oʻzbekiston Respublikasi Adliya vazirligi, uning hududiy boshqarmalari va tuman (shahar) adliya boʻlimlari Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YIDXP orqali, doimiy nazoratni va monitoringni amalga oshiradi.
Bunda, “Inson” markazlari va YAMIH AT orqali davlat xizmatini koʻrsatishda mazkur Reglament talablariga rioya etilishi Agentlik va Ijtimoiy inspeksiya tomonidan nazorat qilinadi”;
1-ilova quyidagi tahrirda bayon etilsin:

“

Bosqichlar

Subyektlar

Tadbirlar

Muddatlar

1-bosqich

Keksalar va nogironligi boʻlgan shaxslar

Yoʻllanma olish uchun Davlat xizmatlari markazi yoki “Inson” ijtimoiy xizmatlar markaziga murojaat qilish yoxud Yagona interaktiv davlat xizmatlari portali yoki “Yagona milliy ijtimoiy himoya” axborot tizimida roʻyxatdan oʻtish

Xohishiga koʻra

2-bosqich

1. Davlat xizmatlari markazi yoki “Inson” ijtimoiy xizmatlar markazi

Soʻrovnomani axborot tizimida shakllantirish hamda “IHMA Sanatoriy” moduliga yuborish

1. Soʻrovnoma toʻldirilgandan keyin 10 daqiqa ichida

2. Yagona interaktiv davlat xizmatlari portali yoki “Yagona milliy ijtimoiy himoya” axborot tizimi

2. Avtomatik tarzda

3-bosqich

“IHMA Sanatoriy” moduli

1. Soʻrovnoma tushganidan soʻng uni elektron reyestrda qayd etish.

1. Avtomatik tarzda

2. Yoʻllanma berish rad etilgan taqdirda, rad etish sabablarini tegishli Davlat xizmatlari markaziga, “Inson” ijtimoiy xizmatlar markaziga yoki Yagona interaktiv davlat xizmatlari portali yoxud “Yagona milliy ijtimoiy himoya” axborot tizimiga elektron tarzda yuborish.

2. Avtomatik tarzda

3. Yoʻllanma rasmiylashtirilgan taqdirda, tegishli Davlat xizmatlari markaziga, “Inson” ijtimoiy xizmatlar markaziga, YIDXP va “Yagona milliy ijtimoiy himoya” axborot tizimiga elektron tarzda yuborish.

3. Navbati kelganda

4-bosqich

1. Davlat xizmatlari markazi yoki “Inson” ijtimoiy xizmatlar markazi

2. Yagona interaktiv davlat xizmatlari portali yoki “Yagona milliy ijtimoiy himoya” axborot tizimi

1. Yoʻllanma tushganidan soʻng uni keksalar va nogironligi boʻlgan shaxslarning elektron manziliga yuborish (mavjud boʻlganda) va ularni bu haqida axborot-kommunikatsiya tizimi orqali xabardor qilish.

2. Murojaatchi yoʻllanmani yagona interaktiv davlat xizmatlari portali yoki “Yagona milliy ijtimoiy himoya” axborot tizimidagi shaxsiy kabinetida yuklab oladi.

3. Oʻzi (yoki ishonchli vakili) kelib murojaat qilganda yoʻllanmani elektron yoki qogʻoz shaklida berish.

4. Yoʻllanma berish rad etilgan taqdirda, rad etish sabablari toʻgʻrisida keksalar va nogironligi boʻlgan shaxslarni xabardor qilish.

10 daqiqa ichida

”.
(Qonunchilik maʼlumotlari milliy bazasi, 26.01.2024-y., 09/24/46/0070-son; 23.12.2024-y., 09/24/848/1049-son; 28.12.2024-y., 09/24/893/1088-son; 01.03.2025-y., 09/25/126/0205-son; 26.11.2025-y., 09/25/740/1090-son; 25.12.2025-y., 09/25/818/1209-son; 22.05.2026-y., 09/26/271/0529-son)