PQ-329-сон 10.10.2023. Oʻzbekiston Respublikasi temir yoʻl transporti sohasini tubdan isloh qilish chora-tadbirlari toʻgʻrisida

O‘zbekiston Respublikasi Prezidentining

qarori

O‘zbekiston Respublikasi temir yo‘l transporti sohasini tubdan isloh qilish chora-tadbirlari to‘g‘risida

Temir yo‘l transporti sohasini isloh qilish, sog‘lom raqobat muhitini yaratish, sohaga xususiy sektorni keng jalb qilish, biznes jarayonlarini raqamlashtirish, boshqaruvning zamonaviy usullarini joriy etish hamda respublikaning tranzit salohiyatidan samarali foydalanish maqsadida:

1. Quyidagilar temir yo‘l transporti sohasini bosqichma-bosqich isloh qilishning ustuvor vazifalari etib belgilansin:

temir yo‘lda tashish xizmatlari bozorida raqobatni shakllantirish va jozibador investitsiya muhitini yaratish orqali tashish jarayonlariga xususiy investitsiyalarni jalb qilish;

temir yo‘l sohasini transformatsiya qilish va raqamlashtirish ishlarini jadallashtirish, xizmatlar ko‘rsatish jarayonining uzluksizligi, sifatliligi, xavfsizligi, barqarorligi va ishonchliligini ta’minlash;

temir yo‘l korxonalarining moliyaviy holatini mustahkamlash, yo‘lovchi va yuk tashishda tannarx va xarajatlarni kamaytirish, operatsion samaradorlikni ta’minlash borasida hisobdorlik va rag‘batlantiruvchi muhitni yaratish;

tadbirkorlik subyektlari uchun temir yo‘l orqali yuk tashish xizmatini ko‘rsatuvchi vagon operatorlarini erkin tanlash huquqini ta’minlash;

temir yo‘l xizmatlarini ko‘rsatishda iqtisodiy va moliyaviy salohiyati yuqori bo‘lgan yo‘nalish va sohalarga mustaqil rivojlanish, shu jumladan mahalliy va xalqaro moliya bozorlariga chiqish hamda davlat ko‘magisiz kredit resurslarini jalb qilish uchun imkoniyat yaratish;

temir yo‘l sohasidagi davlat ulushi mavjud kompaniyalarda korporativ boshqaruv tizimini tubdan yaxshilash, sohaga malakali xorijiy menejerlar va mutaxassislarni jalb qilish.

2. Iqtisodiyot va moliya vazirligi hamda Transport vazirligining “O‘zbekiston temir yo‘llari” AJ va uning tarkibidagi korxonalar negizida 2024-yil 1-yanvarga qadar alohida yo‘nalishlar bo‘yicha quyidagilarni tashkil etish to‘g‘risidagi taklifi ma’qullansin:

yo‘l xo‘jaligi, elektr ta’minoti, signallashtirish va aloqa, lokomotiv xo‘jaligi, yagona dispetcherlik markazi va yuk stansiyalari ish faoliyatini ta’minlash hamda mazkur infratuzilma obyektlarini rivojlantirish bo‘yicha “Temiryo‘linfratuzilma” AJ;

yuk tashish xizmatlarini amalga oshirish, yuk vagon va konteyner xo‘jaligini saqlash va rivojlantirish, multimodal “eshikdan eshikkacha” tashuvlarni yo‘lga qo‘yish, logistika markazlari va terminallarini tashkil etish bo‘yicha “Temiryo‘lkargo” AJ;

LexUZ sharhi

Qarang: O‘zbekiston Respublikasi transport vazirining 2023-yil 5-avgustdagi 22-sonli buyrug‘i bilan tasdiqlangan O‘zbekiston Respublikasi temir yo‘l transportida yuk tashish qoidalari (ro‘yxat raqami 3457, 21.09.2023-y.).

yuqori tezlikda harakatlanuvchi elektropoyezdlarda yo‘lovchilarni tashish xizmatini ko‘rsatish hamda yuqori tezlikda harakatlanuvchi elektropoyezdlar xo‘jaligini saqlash va rivojlantirish bo‘yicha “Temiryo‘lekspress” AJ;

“O‘ztemiryo‘lyo‘lovchi” AJ tarkibida vokzallar faoliyatini ta’minlash bo‘yicha “Temir yo‘l vokzallari” MCHJ va shahar atrofida yo‘lovchilar tashish bo‘yicha “Shahar atrofida yo‘lovchi tashish” MCHJ;

bolalar oromgohlari, sog‘liqni saqlash, madaniy-ma’rifiy va sport obyektlarini saqlash, aholiga ko‘rsatiladigan xizmatlardan tushadigan tushumlarni oshirish hamda ularni bosqichma-bosqich o‘zini o‘zi moliyalashtirishga o‘tkazish yuzasidan tizimli ishlarni amalga oshirish bo‘yicha “Temir yo‘l ijtimoiy xizmatlar” muassasasi.

Mazkur band bilan tashkil etilayotgan aksiyadorlik jamiyatlari va muassasaning ta’sischisi (aksiyadori, mulkdori) etib xolding sifatida “O‘zbekiston temir yo‘llari” AJ belgilansin.

3. “O‘zbekiston temir yo‘llari” AJga o‘zining tarkibidagi korxonalarga buxgalteriya hisobi, moliya, menejment, raqamlashtirish, xaridlar, kadrlar malakasini oshirish va boshqa yo‘nalishlarda xizmat ko‘rsatish vazifasi yuklansin.

4. Quyidagilar:

2023 — 2026-yillarda temir yo‘l transporti sohasini isloh qilish bo‘yicha “yo‘l xaritasi” 1-ilovaga muvofiq;

temir yo‘l transporti sohasida islohotlarning qisqa muddatlarda va samarali amalga oshirilishini ta’minlash yo‘lida barcha mavjud to‘siqlarni bartaraf etish vakolatiga ega bo‘lgan Temir yo‘l transporti sohasida islohotlarni muvofiqlashtirish bo‘yicha idoralararo komissiya va uning huzuridagi ishchi guruh tarkiblari 2 va 2a-ilovalarga muvofiq;

2023 — 2025-yillarda “O‘zbekiston temir yo‘llari” AJda raqamli transformatsiya jarayonlarini jadallashtirish bo‘yicha “yo‘l xaritasi” 3-ilovaga muvofiq;

“O‘zbekiston temir yo‘llari” AJ tarkibidagi ayrim xo‘jalik jamiyatlari va korxonalarni qayta tashkil etish mexanizmlari 4-ilovaga muvofiq;

“O‘zbekiston temir yo‘llari” AJ tarkibidagi korxonalarning ommaviy savdolar orqali sotiladigan aksiya paketlari (ulushlari) ro‘yxati 5-ilovaga muvofiq;

“O‘zbekiston temir yo‘llari” AJ va uning tarkibidagi korxonalarning ommaviy savdolar orqali sotiladigan ko‘chmas mulk obyektlari ro‘yxati 6-ilovaga muvofiq;

“O‘zbekiston temir yo‘llari” AJ va uning tarkibidagi korxonalarning davlat boshqaruvi organlari, mahalliy ijro etuvchi hokimiyat organlari hamda boshqa tashkilotlarga keyinchalik samarali foydalanish uchun balans qiymatida tekinga o‘tkaziladigan aktivlari ro‘yxati 7-ilovaga muvofiq;

“O‘zbekiston temir yo‘llari” AJ va uning tarkibidagi korxonalarning “Temir yo‘l ijtimoiy xizmatlar” muassasasiga balans qiymatida o‘tkaziladigan mol-mulklari ro‘yxati 8-ilovaga muvofiq;

yuk tashish hajmini oshirish va xizmat ko‘rsatish sifatini yaxshilash sharti bilan auksion orqali ijaraga taklif etiladigan temir yo‘l stansiyalari hududi ro‘yxati 9-ilovaga muvofiq;

“O‘zbekiston temir yo‘llari” AJ va uning tarkibidagi korxonalarni qayta tashkil etishda mol-mulklarni berish, sotish hamda saqlashning alohida tartibi 10-ilovaga* muvofiq;

* 10-ilova berilmaydi.

temir yo‘l transporti sektorini isloh qilish va yanada rivojlantirish jarayonlarida ishtirok etuvchi mutasaddi tashkilotlar va ularning asosiy vazifalari 11-ilovaga muvofiq tasdiqlansin.

5. Transport vazirligi, Iqtisodiyot va moliya vazirligi, Investitsiyalar, sanoat va savdo vazirligi, Davlat aktivlarini boshqarish agentligi va Toshkent shahar hokimligi uch oy muddatda quyidagilarni nazarda tutuvchi dasturlarni Vazirlar Mahkamasiga kiritsin:

“O‘zbekiston temir yo‘llari” AJ va uning tarkibidagi korxonalarni modernizatsiya qilish, temir yo‘l infratuzilmasini rivojlantirish, lokomotiv va vagonlar parkini yangilash;

tegishli infratuzilmani yaratgan holda Toshkent shahri hududida joylashgan stansiyalarni shahardan tashqariga chiqarish va bo‘shaydigan yer uchastkalarini onlayn auksion orqali sotish hamda tushadigan mablag‘larni (sotish xarajatlarini chegirgan holda) teng ulushlarda temir yo‘l sohasi infratuzilmasini rivojlantirishga va respublika budjetiga yo‘naltirish.

6. Temir yo‘lda yuklarni mahalliy, eksport va import yo‘nalishlarida tashish tariflariga taqdim etilgan chegirmalar (ikki yoki undan ko‘p xorijiy mamlakatlarning temir yo‘l ma’muriyatlari bilan kelishuvlarga asosan taqdim etilgan chegirmalar bundan mustasno) 2024-yil 1-yanvardan bekor qilinsin hamda ularni faqat Vazirlar Mahkamasi qarori bilan taqdim etish tartibi joriy etilsin.

Vazirlar Mahkamasi (A. Aripov) 2023-yil 1-dekabrga qadar temir yo‘llarda yuklarni tashish tariflariga taqdim etiladigan chegirmalar ro‘yxatini tasdiqlasin.

7. Iqtisodiyot va moliya vazirligi hamda Transport vazirligining quyidagi takliflariga rozilik berilsin:

2024-yil 1-yanvardan boshlab yuk vagonlari va konteynerlarni taqdim etish hamda yuqori tezlikda harakatlanadigan va tezyurar poyezdlarda yo‘lovchilarni tashish xizmatlari tariflarini davlat tomonidan tartibga solish amaliyotidan voz kechib, ularni bozor tamoyillari asosida tartibga solish mexanizmiga o‘tish;

2025-yil 1-yanvardan boshlab mahalliy yo‘nalishlarda yo‘lovchilarni tashish xizmatlarini (yuqori tezlikda harakatlanadigan va tezyurar poyezdlarda yo‘lovchilarni tashish bundan mustasno) ko‘rsatishdan ko‘rilgan zararlar, shuningdek, Vazirlar Mahkamasi qarorlari bilan temir yo‘l transportida yuk tashish xizmatlariga berilgan chegirmalarni Davlat budjeti hisobidan kompensatsiya qilish.

Transport vazirligi Iqtisodiyot va moliya vazirligi bilan birgalikda uch oy muddatda mahalliy yo‘nalishlarda yo‘lovchilarni tashish xizmatlarini ko‘rsatishdan ko‘rilgan zararlar hamda temir yo‘l transportida yuk tashish xizmatlariga berilgan chegirmalarni (Public service obligation) Davlat budjeti hisobidan kompensatsiya qilish tartibini tasdiqlash uchun Vazirlar Mahkamasiga kiritsin.

8. Belgilansinki:

umumiy foydalanishdagi temir yo‘l transporti infratuzilmasi obyektlari, magistral lokomotiv va ro‘yxati Transport vazirligi tomonidan tasdiqlanadigan maxsus vagonlarning uchinchi shaxslarga sotilishi, begonalashtirilishi yoki boshqaruvga o‘tkazilishiga ruxsat etilmaydi;

umumiy foydalanishdagi temir yo‘l transporti infratuzilmasi obyektlari, lokomotivlarni taqdim etish, mahalliy yo‘nalishlarda yo‘lovchilarni tashish xizmatlari (yuqori tezlikda harakatlanadigan va tezyurar poyezdlarda yo‘lovchilarni tashish bundan mustasno) tariflari Vazirlar Mahkamasi huzuridagi Idoralararo tarif komissiyasi tomonidan tartibga solinadi.

9. Davlat aktivlarini boshqarish agentligi “O‘zbekiston temir yo‘llari” AJning aktivlarini savdoga chiqarishda xarid to‘lovlarini, miqdoridan qat’i nazar, 5 yilgacha bo‘lib-bo‘lib to‘lash imkoniyatini nazarda tutsin hamda uch oydan ortiq muddat mobaynida sotilmasdan turgan aktivlarning boshlang‘ich bahosini 30 foizigacha pasaytirish, zarur hollarda balans (qoldiq) qiymatida sotish choralarining ko‘rilishini ta’minlasin.

10. Tiklanish va taraqqiyot jamg‘armasi Sanoatni rivojlantirish jamg‘armasi hisobidan, istisno tariqasida, eksportni ko‘paytirish uchun “O‘zbekiston temir yo‘llari” AJga uning tarkibidagi korxonalarning kafilligi asosida yuk va yo‘lovchi vagonlarini ishlab chiqarish hamda mavjud quvvatlarni oshirish uchun jami 150 million dollar miqdoridagi kredit mablag‘larini yillik 5 foiz stavkada, 3 yillik imtiyozli davr bilan 10 yil muddatga to‘g‘ridan-to‘g‘ri ajratsin.

Belgilansinki, loyihalarning texnik-iqtisodiy asoslari va ular doirasida tuzilgan shartnomalar “Loyihalar va import kontraktlarini kompleks ekspertiza qilish markazi” DUK tomonidan ekspertizadan o‘tkaziladi.

11. Transport vazirligi hamda Iqtisodiyot va moliya vazirligining “O‘zbekiston temir yo‘llari” AJ tomonidan “Tashqi iqtisodiy faoliyat milliy banki” AJ va “O‘zsanoatqurilishbank” ATB orqali jalb qilingan Tiklanish va taraqqiyot jamg‘armasi kreditlari bo‘yicha asosiy qarzni qaytarish muddatini, foiz stavkalarini o‘zgartirmagan holda, besh yilga uzaytirish to‘g‘risidagi taklifi ma’qullansin.

Bunda, Markaziy bankka, istisno tariqasida, “Tashqi iqtisodiy faoliyat milliy banki” AJga nisbatan kreditlar bo‘yicha asosiy qarzni qaytarish muddatini uzaytirish natijasida aktivlar sifatini tasniflash bo‘yicha talablarni va jarimalarni qo‘llamaslik tavsiya etilsin.

12. Transport vazirligi, “O‘zbekiston temir yo‘llari” AJ ikki oy muddatda:

a) Tog‘-kon sanoati va geologiya vazirligi bilan birgalikda quyidagi loyihalarning samaradorligini o‘rganib, Vazirlar Mahkamasiga tegishli takliflar kiritsin:

“Navoiy KMK” AJ bilan birgalikda “Navoiy-Uchquduq” temir yo‘l uchastkasini elektrlashtirish;

“Olmaliq KMK” AJ bilan birgalikda “Toshkent-Angren” temir yo‘l uchastkasida ikkinchi elektrlashtirilgan temir yo‘l liniyasini qurish, mavjud yo‘l uchastkasini modernizatsiya qilish hamda mazkur yo‘nalishda joylashgan sanoat korxonalari eksport yuklariga logistika xizmatlarini yo‘lga qo‘yish uchun terminal hamda Toshkent viloyati Ohangaron tumanida multimodal transport logistika markazini tashkil etish;

“Navoiy KMK” AJ, “Olmaliq KMK” AJ, “O‘zmetkombinat” AJ, “O‘zkimyosanoat” AJ va boshqa eksportyor korxonalar tomonidan temir yo‘l xizmatlaridan foydalanish darajasini oshirish maqsadida transport logistika kompaniyalarini tashkil qilish;

b) Iqtisodiyot va moliya vazirligi bilan birgalikda Toshkent, Samarqand va Qo‘qon shaharlarida joylashgan temir yo‘l vokzallarini davlat-xususiy sheriklik asosida rivojlantirish yuzasidan qaror loyihasini Vazirlar Mahkamasiga kiritsin.

13. 2027-yil 1-yanvarga qadar temir yo‘l transporti xizmatlarini ko‘rsatuvchi korxonalar tomonidan belgilangan tartibda shakllantiriladigan ro‘yxat bo‘yicha olib kiriladigan ortish-tushirish ishlari uchun mo‘ljallangan mexanizm va uskunalarga (TIF TN kodi 8425 11 000 0, 8425 42 000 0, 8425 49 000 0) bojxona bojining nol stavkasi qo‘llanilsin.

14. Belgilansinki, 2026-yil 1-yanvarga qadar:

“O‘zbekiston temir yo‘llari” AJ va uning tarkibidagi korxonalarga o‘zaro to‘g‘ridan-to‘g‘ri shartnomalar asosida tovarlarni sotish, ijaraga berish, xarid qilish, yetkazish, ish (xizmat)larni bajarishga;

“O‘zbekiston temir yo‘llari” AJga, istisno tariqasida, ishlab chiqaruvchi korxonalar va ularning rasmiy dilerlari (distribyutorlari) bilan to‘g‘ridan-to‘g‘ri shartnomalar asosida harakat tarkibini ishlab chiqarish va ta’mirlash uchun zarur bo‘ladigan asbob-uskunalar, tovar (ish, xizmat)lar, butlovchi va ehtiyot qismlar, temir yo‘llarni ta’mirlash, qurish uchun zarur bo‘lgan ehtiyot qismlar va texnikalar hamda dasturiy mahsulotlarni xarid qilishga ruxsat beriladi.

15. Iqtisodiyot va moliya vazirligi, Transport vazirligi va “O‘zbekiston temir yo‘llari” AJga 2026-yil 1-yanvarga qadar temir yo‘l transporti sohasini isloh qilish doirasida xalqaro ekspertlarni, konsalting, auditorlik va investitsiya maslahatchilarini, investitsiya banklari va boshqa ixtisoslashgan kompaniyalarni, istisno tariqasida, eng yaxshi takliflarni saralab olish orqali to‘g‘ridan-to‘g‘ri shartnomalar asosida jalb etishga ruxsat etilsin. Bunda, ular bilan tuziladigan shartnomalarni va shartnomaga oid qo‘shimcha kelishuvlarni majburiy ekspertizadan o‘tkazish talab etilmaydi.

16. Temir yo‘l transporti sohasida islohotlarni muvofiqlashtirish bo‘yicha idoralararo komissiya:

bir oy muddatda belgilangan ustuvor vazifalarga muvofiq temir yo‘l transporti sohasida islohotlarni amalga oshirish, jumladan “O‘zbekiston temir yo‘llari” AJni transformatsiya qilish bo‘yicha chora-tadbirlar tasdiqlanishini ta’minlasin;

“O‘zbekiston temir yo‘llari” AJ tomonidan xususiy vagon va konteyner operatorlariga temir yo‘l infratuzilmasi va lokomotiv xizmatlari teng huquq asosida ko‘rsatilishini qat’iy nazorat qilsin.

17. O‘zbekiston Respublikasi Prezidentining ayrim qarorlariga 12-ilovaga muvofiq o‘zgartirishlar kiritilsin.

18. Transport vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.

19. Mazkur qarorning ijrosini samarali tashkil qilishga mas’ul va shaxsiy javobgar etib Bosh vazir o‘rinbosarlari A.J. Ramatov va J.A. Qo‘chqorov hamda transport vaziri I.R. Maxkamov belgilansin.

Qaror ijrosini muhokama qilib borish, mas’ul tashkilotlar faoliyatini muvofiqlashtirish va nazorat qilish O‘zbekiston Respublikasining Bosh vaziri A.N. Aripov zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2023-yil 10-oktabr,

PQ-329-son

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
1-ILOVA

2023 — 2026-yillarda temir yo‘l transporti sohasini isloh qilish bo‘yicha

“YO‘L XARITASI”

T/r	Tadbirlar nomi	Amalga oshirish mexanizmi	Ijro muddatlari	Mas’ul ijrochilar
I. “O‘zbekiston temir yo‘llari” AJ va uning korxonalarida korporativ boshqaruv tizimini rivojlantirish
1.	Transformatsiya jarayonlarini muvofiqlashtirish uchun professional tashkilotni jalb etish.	“O‘zbekiston temir yo‘llari” AJ (“O‘TY” AJ) va uning tarkibidagi tashkilotlarni tashkil etish jarayonlariga hamrohlik qilish va ushbu yo‘nalishdagi chora-tadbirlarni muvofiqlashtirib borish hamda zamonaviy korporativ boshqaruvni joriy etish uchun jamiyat hisobidan nufuzli xalqaro konsalting tashkilotlari va konsultantlarni to‘g‘ridan-to‘g‘ri jalb qilish.	2023-yil noyabr	Iqtisodiyot va moliya vazirligi, Transport vazirligi, “O‘zbekiston temir yo‘llari” AJ
2.	“O‘zbekiston temir yo‘llari” AJ va uning tarkibidagi aksiyadorlik jamiyatlarining moliyaviy hisobotlarini xalqaro standartlar asosida tuzish va auditdan o‘tkazish.	1. Mahalliy va xalqaro konsalting tashkilotlarini jalb qilish.	2024-yil yanvar	Iqtisodiyot va moliya vazirligi, Transport vazirligi, “O‘zbekiston temir yo‘llari” AJ
		2. “O‘TY” AJ va uning tarkibidagi aksiyadorlik jamiyatlarining moliyaviy hisobotlarini moliyaviy hisobotning xalqaro standartlariga muvofiq yuritish va e’lon qilish bo‘yicha grafik va chora-tadbirlar rejasini tasdiqlash.	2024-yil fevral
		3. “Katta to‘rtlik”ka kiruvchi auditorlik kompaniyalarini jalb qilish.	2025-yil aprel
		4. “O‘TY” AJ va uning tarkibidagi aksiyadorlik jamiyatlarining moliyaviy hisobotlarini auditning xalqaro standartlariga muvofiq “katta to‘rtlik”ka kiruvchi auditorlik kompaniyalari tomonidan tashqi auditdan o‘tkazish.	2025-yil iyun
3.	“O‘TY” AJ va uning tarkibidagi korxonalarga nisbatan notijorat maqsadlarni belgilash.	1. “O‘TY” AJ va uning tarkibidagi korxonalarning funksiya va vazifalarini xatlovdan o‘tkazish hamda ularga nisbatan notijorat maqsadlarni aniqlash. 2. “O‘TY” AJ va uning tarkibidagi korxonalarga nisbatan davlatning notijorat maqsadlari (PSO) va uni amalga oshirish shartlarini tasdiqlash. 3. “O‘TY” AJ va uning tarkibidagi korxonalarga nisbatan notijorat maqsadlar va ularni moliyalashtirish manbalarini jamiyat saytiga joylashtirish.	2024-yil fevral	Iqtisodiyot va moliya vazirligi, Transport vazirligi, “O‘zbekiston temir yo‘llari” AJ
4.	“O‘TY” AJ va uning tarkibidagi aksiyadorlik jamiyatlarida boshqaruvning zamonaviy tizimlarini joriy qilish.	1. Mahalliy va xalqaro konsalting tashkilotlarni jalb qilgan holda “O‘TY” AJ va uning tarkibidagi tashkilotlarning boshqaruv tizimlarini tahlil qilish.	2024-yil mart	Iqtisodiyot va moliya vazirligi, Transport vazirligi, “O‘zbekiston temir yo‘llari” AJ
		2. “O‘TY” AJ va uning tizimidagi aksiyadorlik jamiyatlari kesimida ISO, ERP va boshqaruvning boshqa zamonaviy tizimlarini joriy qilish grafigi va chora-tadbirlar rejasini tasdiqlash.	2024-yil iyul
		3. ISO, ERP va boshqaruvning boshqa zamonaviy tizimlarini joriy qilish.	2025-yil dekabr
5.	“O‘TY” AJ va uning tarkibidagi aksiyadorlik jamiyatlarida raisning moliya va transformatsiya masalalari bo‘yicha maslahatchisi lavozimiga yuqori malakali va xorijiy tajribaga ega nomzodlarni tayinlash.	1. Moliya va transformatsiya bo‘yicha maslahatchi lavozimiga nomzodlarga qo‘yiladigan talablarni ishlab chiqish.	2023-yil noyabr	Iqtisodiyot va moliya vazirligi, Transport vazirligi, “O‘zbekiston temir yo‘llari” AJ
		2. Xedxanter tashkilotlar va xalqaro qidiruv tizim platformalari orqali xorijiy mutaxassislarni jalb etish bo‘yicha tanlov e’lon qilish.	2023-yil dekabr
		3. Tanlov yakunlariga ko‘ra yuqori malakali va xorijiy tajribaga ega mutaxassislarni jalb etish.	2024-yil mart
6.	“O‘TY” AJ kuzatuv kengashi va boshqaruvi tarkibini xorijiy tajribaga ega a’zolar bilan to‘ldirish.	1. Jalb qilinadigan mutaxassislarga qo‘yiladigan talablarni ishlab chiqish.	2023-yil noyabr	Iqtisodiyot va moliya vazirligi, Transport vazirligi, “O‘zbekiston temir yo‘llari” AJ
		2. Xedxanter tashkilotlar va xalqaro qidiruv tizim platformalari orqali xorijiy mutaxassislarni (jumladan, vatandoshlarni) jalb etish bo‘yicha tanlov e’lon qilish.	2023-yil dekabr
		3. “O‘TY” AJ kuzatuv kengashi va boshqaruvi tarkibiga kamida bir nafar xorijiy mutaxassisni jalb etish.	2024-yil iyun
		4. “O‘TY” AJ kuzatuv kengashi tarkibining kamida 30 foizini va korxona boshqaruvining kamida 2 nafar rahbar xodimini malakali xalqaro mutaxassislar orasidan to‘ldirish.	2025-yil dekabr
7.	“O‘TY” AJ va uning tarkibidagi korxonalarning dividend siyosatini belgilash.	1. Tashkilotlarning daromadlari, xarajatlari, investitsiya loyihalari va kredit to‘lovi yukidan kelib chiqib, dividend siyosati loyihasini ishlab chiqish.	2024-yil mart	Iqtisodiyot va moliya vazirligi, Transport vazirligi, “O‘zbekiston temir yo‘llari” AJ
7.		2. Dividend siyosatini tasdiqlash uchun aksiyadorlar umumiy yig‘ilishiga kiritish.	2024-yil iyun
II. Temir yo‘l transporti xizmatlari bozorida raqobatni rivojlantirishga qaratilgan shaffof va moslashuvchan tarif tizimini yaratish yo‘li bilan tarif siyosatini takomillashtirish
8.	Tarifning tarkibiy qismlari bo‘yicha uning shaffofligini ta’minlovchi tarif siyosatini takomillashtirish.	Tarifning tarkibiy qismlari (infratuzilma, lokomotiv va vagon) bo‘yicha daromad va xarajatlarni hisobga olish tartibini nazarda tutuvchi tarifni tarkibiy qismlarga bo‘lish metodikasini ishlab chiqish va tasdiqlash.	2024-yil iyun	Transport vazirligi, “O‘zbekiston temir yo‘llari” AJ, Iqtisodiyot va moliya vazirligi
9.	Monopol va raqobatdosh xizmat turlarida davlat tomonidan tartibga solishning asosiy tamoyil va mexanizmlarini ishlab chiqish.	Temir yo‘l transporti sohasining raqobatbardosh xizmat turlari tariflarini erkinlashtirish (xalqaro yo‘nalishlarda, yuqori tezlikda harakatlanadigan va tezyurar poyezdlarda yo‘lovchilarni tashish, vagon parki, konteynerlarni boshqarish bo‘yicha xizmatlar tariflari) mexanizmini ishlab chiqish.	2024-yil mart	Transport vazirligi, Raqobatni rivojlantirish va iste’molchilar huquqlarini himoya qilish qo‘mitasi, “O‘zbekiston temir yo‘llari” AJ, Iqtisodiyot va moliya vazirligi, manfaatdor vazirliklar va idoralar
9.		Temir yo‘l transporti korxonalari foydalanadigan asosiy tovar-xomashyo resurslari narxlarini aks ettiruvchi makroiqtisodiy ko‘rsatkichlar o‘zgarishi sharoitida temir yo‘l transportida tashish tariflarini qayta ko‘rib chiqish.	doimiy
10.	Imtiyozli tariflar asosida yuk (import, tranzit va eksport yo‘nalishlarida) va yo‘lovchilar tashish natijasida yo‘qotilgan daromadlarni qoplash mexanizmini ishlab chiqish.	Yuk va yo‘lovchi tashishlar uchun berilgan imtiyozlarni tahlil qilish. Imtiyozli tariflar bo‘yicha yuk va yo‘lovchilar tashish natijasida yo‘qotilgan daromadlarni qoplash mexanizmini ishlab chiqish.	2024-yil mart	Transport vazirligi, “O‘zbekiston temir yo‘llari” AJ, Iqtisodiyot va moliya vazirligi
11.	Temir yo‘l infratuzilmasi va lokomotivlardan foydalanuvchilarga teng huquqlar asosida xizmatlarni taqdim etishni ta’minlash.	“O‘zbekiston temir yo‘llari” AJ tomonidan xususiy operatorlarga temir yo‘l infratuzilmasi va lokomotiv xizmatlari teng huquq asosida taqdim etilishini nazorat qilish mexanizmini ishlab chiqish; Lokomotiv, infratuzilma va vagon xizmatlaridan foydalanish tariflarining taqsimot metodikasini ishlab chiqish; Vazirlar Mahkamasining qarori loyihasini ishlab chiqish.	2024-yil sentabr	Transport vazirligi, Iqtisodiyot va moliya vazirligi, Raqobatni rivojlantirish va iste’molchilar huquqlarini himoya qilish qo‘mitasi, “O‘zbekiston temir yo‘llari” AJ
III. Yo‘lovchi tashishni rivojlantirish
12.	6 (olti)ta yuqori tezlikda harakatlanuvchi elektropoyezdlarni xarid qilish.	6 ta yuqori tezlikda harakatlanuvchi elektropoyezdlarni xarid qilish bo‘yicha “Nyundai Rotem” (Janubiy Koreya) kompaniyasi bilan to‘g‘ridan-to‘g‘ri shartnoma tuzish;	2023-yil oktabr	“O‘zbekiston temir yo‘llari” AJ Transport vazirligi
		moliyalashtirish bo‘yicha Janubiy Koreya Iqtisodiy hamkorlikni rivojlantirish jamg‘armasining (EDCF) 35 yil muddatga, shu jumladan 10 yil imtiyozli muddat bilan yillik 0,1 foiz stavkada beriladigan 185,0 mln. yevro miqdoridagi kreditini jalb qilish;	2023-yil noyabr	“O‘zbekiston temir yo‘llari” AJ, Iqtisodiyot va moliya vazirligi
		elektropoyezdlar xarid qilish loyihasini 2024-yilda O‘zbekiston Respublikasi kafolati ostida xorijiy kreditlar jalb qilingan holda amalga oshiriladigan investitsiya loyihalarining manzilli ro‘yxatiga kiritish;	2023-yil dekabr	Investitsiyalar, sanoat va savdo vazirligi, Transport vazirligi
		elektropoyezdlarni xarid qilish bo‘yicha O‘zbekiston Respublikasi nomidan qarz bitimlarini imzolash va davlat kafolatini berish;	2024-yil fevral	Iqtisodiyot va moliya vazirligi, Transport vazirligi
		elektropoyezdlarni xarid qilish doirasida qarz shartnomada nazarda tutilgan shakldagi O‘zbekiston Respublikasining davlat kafolatlari bo‘yicha yuridik xulosalar berish.	Qarz bitimi imzolanganidan so‘ng	Adliya vazirligi
13.	30 ta elektropoyezdlarini xarid qilish	30 ta zamonaviy elektropoyezdlarini xarid qilish bo‘yicha “Skoda Transportation” (Chexiya Respublikasi) kompaniyasi bilan to‘g‘ridan-to‘g‘ri shartnoma tuzish;	2023-yil noyabr	“O‘zbekiston temir yo‘llari” AJ Transport vazirligi
		elektropoyezdlar xaridini moliyalashtirish bo‘yicha Chexiya banklarining kreditlarini jalb qilish (15 yil muddatga, shu jumladan 3 yil imtiyozli muddat bilan yillik 5,5 foiz stavkada beriladigan 350,0 mln yevro);	2023-yil dekabr	“O‘zbekiston temir yo‘llari” AJ Iqtisodiyot va moliya vazirligi
		elektropoyezdlarini xarid qilish loyihasini O‘zbekiston Respublikasi kafolati ostida xorijiy kreditlar jalb qilingan holda amalga oshiriladigan investitsiya loyihalarining manzilli ro‘yxatiga kiritish;	2023-yil dekabr	Investitsiyalar, sanoat va savdo vazirligi
		elektropoyezdlar xarid qilish bo‘yicha O‘zbekiston Respublikasi nomidan qarz bitimlarini imzolash va davlat kafolatini berish;	2024-yil mart	Iqtisodiyot va moliya vaziri, “O‘zbekiston temir yo‘llari” AJ
		elektropoyezdlarni xarid qilish doirasida qarz shartnomada nazarda tutilgan shakldagi O‘zbekiston Respublikasining davlat kafolatlari bo‘yicha yuridik xulosalar berish.	Qarz bitimi imzolanganidan so‘ng	Adliya vazirligi
14.	Barcha temir yo‘l vokzallarida savdo va xizmat ko‘rsatish nuqtalarini tashkil qilish.	Barcha temir yo‘l vokzallaridagi maydonlarni optimizatsiya qilish hisobiga bo‘shaydigan hududlarda savdo va xizmat ko‘rsatish nuqtalarini tashkil qilish maqsadida tadbirkorlik subyektlariga auksion orqali ijaraga berish.	2024-yil 1-dekabr, doimiy ravishda	“O‘zbekiston temir yo‘llari” AJ, Davaktiv agentligi
15.	Markaziy vokzallarning kirish joylarigacha yo‘lovchi avtotransport vositalarining kirishiga ruxsat berish masalasini ko‘rib chiqish.	Markaziy vokzallarning kirish joylarigacha barcha turdagi yo‘lovchi avtotransport vositalarining kirishiga ruxsat berish bo‘yicha taklif ishlab chiqish.	2024-yil 10-mart	Ichki ishlar vazirligi, Milliy gvardiya, Transport vazirligi, “O‘zbekiston temir yo‘llari” AJ
IV. Sohada operatsion samaradorlikni va tranzit salohiyatni oshirish
16.	Chegara hududi stansiyalarini rivojlantirish.	“Oqko‘prik” stansiyasining o‘tkazuvchanlik qobiliyatini oshirish.	2023-2024 yy.	Vazirlar Mahkamasi, Transport vazirligi, Toshkent viloyati hokimligi, “O‘zbekiston temir yo‘llari” AJ
17.	Poyezdlar harakati jarayonini optimallashtirish.	Zarur bo‘lgan uchastkalarda qo‘shimcha razyezdlar qurish.	2023 — 2026 yy.	“O‘zbekiston temir yo‘llari” AJ
17.	Poyezdlar harakati jarayonini optimallashtirish.	Lokomotivlarning almashish yelkasini uzaytirish yo‘li bilan uzaytirilgan marshrutli poyezdlar harakatini tashkil qilish.	doimiy ravishda	“O‘zbekiston temir yo‘llari” AJ
18.	Logistika markazlari va shoxobcha yo‘llarni rivojlantirish.	Tegishli vazirliklar va idoralararo ishchi guruhlar tuzish.	2023-yil oktabr	Transport vazirligi, “O‘zbekiston temir yo‘llari” AJ, tegishli vazirliklar va idoralar
		Logistika markazlari va shoxobcha yo‘llaridagi ortib — tushirish mexanizmlari, infratuzilmasi holatini o‘rganib chiqish va tahlil qilish.	2023-yil noyabr
		Xalqaro tajribani o‘rgangan holda Vazirlar Mahkamasiga asoslangan taklif kiritish.	2023-yil dekabr
19.	Temir yo‘l va avtomobil yo‘llari kesishmalarida xavfsizlik darajasini oshirish.	Yo‘l harakati qoidalarni nazorat qiluvchi “aqlli” qurilmalarni temir yo‘l kesishmalarida o‘rnatish bo‘yicha Hukumat qarori loyihasini ishlab chiqib, Vazirlar Mahkamasiga kiritish.	2024-yil yanvar	Ichki ishlar vazirligi, Transport vazirligi, Soliq qo‘mitasi
20.	DXSH ishtirokida temir yo‘l infratuzilmasini rivojlantirish loyihalarini amalga oshirish.	Toshkent — Samarqand yo‘nalishida yuqori tezlikdagi alohida yo‘lovchi tashish temir yo‘lini qurish loyihasini DXSH shartlari asosida berish bo‘yicha loyihaning TIAsi ishlab chiqilishini ta’minlash.	2024-yil dekabr	Transport vazirligi, “O‘zbekiston temir yo‘llari” AJ
21.	Logistika xizmatlarini rivojlantirish maqsadida Toshkent shahrida yuk omborlari qurish.	Logistika xizmatlarini rivojlantirish maqsadida Toshkent shahri Yangihayot tumanida 100 gektargacha maydonda yuk omborlarini qurish bo‘yicha takliflarni Vazirlar Mahkamasiga kiritish.	2024-yil fevral	Toshkent shahri hokimligi, Investitsiyalar, savdo va sanoat vazirligi
22.	Andijon logistika markazi hududida xalqaro standartlarga muvofiq logistika markazini qurish.	“O‘zbekiston temir yo‘llari” AJ va “Rhenus Group” kompaniyasi (Germaniya) tomonidan qo‘shma korxona tashkil etgan holda Andijon logistika markazi hududida xalqaro standartlarga muvofiq logistika markazini qurish bo‘yicha boshqaruv organlari qarorini qabul qilish.	2023-yil oktabr	“O‘zbekiston temir yo‘llari” AJ, Andijon viloyati hokimligi
V. “O‘zbekiston temir yo‘llari” AJni moliyaviy sog‘lomlashtirish
23.	Tijorat banklaridan jalb qilingan kreditlar bo‘yicha garov ta’minoti sifatida “O‘zbekiston temir yo‘llari” AJ tomonidan taqdim etilgan kafillik shartnomalari va yuzaga kelgan majburiyatlar bo‘yicha garovlarni qayta rasmiylashtirish.	“O‘zbekko‘mir” AJ, “Ko‘prikqurilish tresti” UK, “Sardoba baliqchi xo‘jaligi” MCHJ, “O‘ztemiryo‘lyo‘lovchi” AJ, “O‘ztemiryo‘lqurilishmontaj” UK, “Maxsus mexanizatsiyalashgan yo‘l stansiyasi” MCHJ, “Eyvalek maxsus temir beton” UK va “Sardoba temir yo‘l agrosanoat majmuasi” UKlarning tijorat banklaridan jalb qilgan kreditlari bo‘yicha garov ta’minoti sifatida “O‘zbekiston temir yo‘llari” AJ tomonidan taqdim etilgan kafillik shartnomalari va yuzaga kelgan majburiyatlar bo‘yicha tegishincha ushbu korxonalarning mol-mulklarini garov sifatida qayta rasmiylashtirish.	2023-yil noyabr	Transport vazirligi, “O‘zbekiston temir yo‘llari” AJ, tijorat banklar
24.	“O‘zbekiston temir yo‘llari” AJ tomonidan investitsiya loyihalarini amalga oshirish uchun jalb etilgan kredit majburiyatlarini mazkur qarorga muvofiq qayta va yangi tashkil etilayotgan korxonalarga qayta rasmiylashtirish.	“O‘zbekiston temir yo‘llari” AJ tomonidan investitsiya loyihalarini amalga oshirish uchun jalb etilgan kredit majburiyatlarini mazkur qarorga muvofiq qayta va yangi tashkil etilayotgan korxonalarga qayta rasmiylashtirish.	2023-yil noyabr	Iqtisodiyot va moliya vazirligi
24.		Bunda, “O‘zbekiston temir yo‘llari” AJ Iqtisodiyot va moliya vazirligi bilan birgalikda uch oy muddatda xalqaro moliya institutlari va tijorat banklari tomonidan jalb qilingan kreditlar bo‘yicha tuzilgan shartnomalarni belgilangan tartibda tegishli korxonalarga qarz oluvchi sifatida hamda Iqtisodiyot va moliya vazirligi tomonidan berilgan davlat kafolatlarini qayta rasmiylashtirish.	2023-yil dekabr	Iqtisodiyot va moliya vazirligi
25.	“Sharg‘unko‘mir” AJni modernizatsiya qilish loyihasini amalga oshirish uchun XXR Eksimbankining jalb qilingan krediti bo‘yicha barcha majburiyatlarni “O‘zbekiston temir yo‘llari” AJdan “Sharg‘unko‘mir” AJga o‘tkazish.	“Sharg‘unko‘mir” AJni modernizatsiya qilish va loyiha quvvatini yiliga 900 ming tonnagacha toshko‘mir qazib olishga yetkazish” loyihasini amalga oshirish uchun Xitoy Xalq Respublikasi Eksimbankining “O‘zsanoatqurilishbank” ATB orqali qayta moliyalashtirilgan krediti bo‘yicha barcha majburiyatlarni “O‘zbekiston temir yo‘llari” AJdan “Sharg‘unko‘mir” AJga o‘tkazish. Kredit majburiyatlari bajarilishi yuzasidan berilgan davlat kafolatini qayta rasmiylashtirish.	uch oy muddatda	Tog‘-kon sanoati va geologiya vazirligi, Iqtisodiyot moliya vazirligi, Davaktiv agentligi, “O‘zbekiston temir yo‘llari” AJ, “O‘zsanoatqurilish-bank” ATB
VI. Respublika temir yo‘l transportida tuzilmaviy islohotlarni amalga oshirishga qaratilgan temir yo‘l transportiga oid normativ-huquqiy bazani takomillashtirish
26.	“Temir yo‘l transporti to‘g‘risida”gi Qonunni yangi tahrirda qabul qilish.	“Temir yo‘l transporti to‘g‘risida”gi Qonun loyihasini yangi tahrirda ishlab chiqish.	2023-yil noyabr	Transport vazirligi, “O‘zbekiston temir yo‘llari” AJ, Adliya vazirligi, tegishli vazirliklar va idoralar
		Qonun loyihasini tegishli vazirliklar va idoralar bilan kelishish.	2023-yil dekabr
		Qonun loyihasini Vazirlar Mahkamasiga kiritish.	2024-yil yanvar
27.	O‘zbekiston Respublikasi temir yo‘l ustavini yangi tahrirda tasdiqlash.	O‘zbekiston Respublikasi temir yo‘l ustavini quyidagilarni nazarda tutgan holda yangi tahrirda ishlab chiqish: vazirlik va idoralar, xususiy vagon va konteyner operatorlari hamda boshqa subyektlarning temir yo‘l transporti sohasidagi vazifalari, funksiyalari, huquq va majburiyatlari; “O‘zbekiston temir yo‘llari” AJning temir yo‘l transporti sohasidagi, temir yo‘l transporti xizmatlari bozori segmentlarida alohida o‘rnini ta’minlash mexanizmlari, shu jumladan temir yo‘l transporti sohasidagi davlat aktivlarini jamlash va boshqarish; temir yo‘l transporti xizmatlari bozori segmentlarini tashkiliy-huquqiy jihatdan ajratish, ko‘rsatilayotgan xizmatlarning samaradorligi va shaffofligini ta’minlash, barcha xarajatlar va daromadlar shakllantiriladigan markazlarining, ayniqsa, davlat budjetidan to‘g‘ridan-to‘g‘ri moliyalashtirishni talab qiladigan xizmatlar turlari bo‘yicha moliyaviy hisobotning xalqaro standartlariga asoslangan mustaqil auditini o‘tkazish.	2024-yil mart	Transport vazirligi, “O‘zbekiston temir yo‘llari” AJ, Adliya vazirligi, tegishli vazirliklar va idoralar
		Hujjat loyihasini tegishli vazirliklar va idoralar bilan kelishish.	2024-yil mart
		Hujjat loyihasini Vazirlar Mahkamasiga kiritish.	2024-yil iyun
28.	Respublikada yo‘lovchi va yuk tashuvlarni rivojlantirishga qaratilgan transport modelini ishlab chiqish.	Transport modelini ishlab chiqish bo‘yicha ishchi guruhni shakllantirish.	2023-yil oktabr	Transport vazirligi, Iqtisodiyot va moliya vazirligi, “O‘zbekiston temir yo‘llari” AJ, “Uzbekistan Airways” AJ, “Uzbekistan Airports” AJ, tegishli vazirlik va idoralar
		Ishchi guruh tomonidan Germaniya, Yaponiya va Xitoy davlatlarining transport modellari bo‘yicha tajribasini o‘rganish.	2023-yil dekabr
		Transport modelini ishlab chiqish.	2024-yil dekabr
29.	Yuk vagonlarini ijaraga berish tartibini soddalashtirish.	Temir yo‘llarda ijtimoiy va eksportbop yuklarni tashish bilan bog‘liq bo‘lgan asosiy vosita (yuk vagon)larni tadbirkorlarga ijaraga berish tartibini soddalashtirish bo‘yicha taklifni Vazirlar Mahkamasiga kiritish.	2023-yil noyabr	Transport vazirligi, “O‘zbekiston temir yo‘llari” AJ, Adliya vazirligi, tegishli vazirlik va idoralar
30.	Temir yo‘l transporti yerlarining muhofaza zonalari va ajratilgan chegara mintaqalaridan maqsadli foydalanilishini ta’minlash.	Temir yo‘l transporti yerlarining muhofaza zonalari va ajratilgan chegara mintaqalaridan foydalanish tartibini tasdiqlash uchun Vazirlar Mahkamasiga kiritish.	2023-yil noyabr	Transport vazirligi, Iqtisodiyot va moliya vazirligi huzuridagi Kadastr agentligi, “O‘zbekiston temir yo‘llari” AJ
VII. Sohaning kadrlar salohiyatini yanada mustahkamlash va rivojlantirish
31.	Professional ta’lim tizimida malakali kadrlar tayyorlash.	“O‘zbekiston temir yo‘llari” AJ tasarrufidagi: professional ta’lim muassasalari o‘quv rejalarini sohaningrivojlanish istiqbollaridan kelib chiqib, takomillashtirish; professional ta’lim muassasalariga o‘quvchilarni qabul qilish kvotasini sohaning rivojlanish istiqbolidan kelib chiqib belgilash.	har yili	“O‘zbekiston temir yo‘llari” AJ
32.	Oliy ta’lim tizimida malakali kadrlar tayyorlash.	Toshkent davlat transport universiteti bilan hamkorlikda universitetda mavjud temir yo‘l transportiga oid ta’lim yo‘nalishlari va mutaxassisliklarning o‘quv rejalarini sohaning texnik-texnologik va iqtisodiy rivojlanish istiqbollarini inobatga olib takomillashtirish va yangi ta’lim yo‘nalishlari va mutaxassisliklarni ochish.	har yili	Transport vazirligi, “O‘zbekiston temir yo‘llari” AJ
32.	Oliy ta’lim tizimida malakali kadrlar tayyorlash.	Toshkent davlat transport universitetida talabalarni qabul qilish kvotasini shakllantirishda sohaning texnik-texnologik va ijtimoiy-iqtisodiy rivojlanish istiqbollaridan kelib chiqib, Vazirlar Mahkamasiga takliflar kiritish.	har yili	Transport vazirligi, “O‘zbekiston temir yo‘llari” AJ
33.	Xorijning yetakchi oliy ta’lim muassasalarida mutaxassislar tayyorlash ko‘lamini yanada kengaytirish.	Uzoq va yaqin xorijiy oliy ta’lim muassasalari bilan hamkorlik ko‘lamini yanada kengaytirish va aloqalarni mustahkamlash.	2023-2024 yy.	Transport vazirligi, “O‘zbekiston temir yo‘llari” AJ
33.		Sohaning texnik-texnologik va iqtisodiy rivojlanish istiqbollaridan kelib chiqib xorijning yetakchi oliy ta’lim muassasalarida tor doiradagi mutaxassisliklar bo‘yicha kadrlar tayyorlash.	2023 — 2026 yy.	Transport vazirligi, “O‘zbekiston temir yo‘llari” AJ
34.	Sohada amalga oshirilayotgan islohotlar talablaridan kelib chiqib, kadrlarni (yuqori va o‘rta bo‘g‘in rahbarlari, ommaviy kasb ishchi-xizmatchilari) qayta tayyorlash va malakasini oshirish.	Sohaning texnik-texnologik va iqtisodiy rivojlanish istiqbollaridan kelib chiqib, tasarrufidagi Kadrlar malakasini oshirish, tayyorlash va qayta tayyorlash markazida mavjud o‘quv dasturlarini qayta ko‘rib chiqish va takomillashtirish.	2023-yil dekabr	“O‘zbekiston temir yo‘llari” AJ
		Mintaqaviy temir yo‘l uzellarida tashkil qilingan texnik-o‘quv mashg‘ulotlari markazlari faoliyati ko‘lamini kengaytirish va ulardan foydalanish samaradorligini oshirish.	2023-2024 yy.
		O‘zbekiston Respublikasi va Germaniya Federativ Respublikasi o‘rtasidagi ta’lim dasturi bo‘yicha dual ta’lim shaklida “O‘zbekiston temir yo‘llari” AJ xodimlarini Germaniyaning “KfW” bankining grant mablag‘lari hisobidan o‘qitish va malakasini oshirish.	2023-2024 yy.
35.	Temir yo‘l transporti sohasida xorijiy professional ta’lim muassasalari bilan qo‘shma ta’lim dasturlarini tashkil etish.	Xorijning yetakchi professional ta’lim muassasalari bilan hamkorlik aloqalarini yo‘lga qo‘yish, maxsus ta’lim dasturlari bo‘yicha ilg‘or xalqaro tajribani o‘rganish.	2023-yil noyabr	“O‘zbekiston temir yo‘llari” AJ
36.	“O‘zbekiston temir yo‘llari” AJ da AKTni rivojlantirish va raqamlashtirish sohasida faoliyat yuritayotgan xodimlar malakasini oshirish.	“O‘zbekiston temir yo‘llari” AJda AKTni rivojlantirish va raqamlashtirish sohasida faoliyat yuritayotgan xodimlar malakasini oshirish.	2023 — 2026 yy.	“O‘zbekiston temir yo‘llari” AJ

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
2-ILOVA

Temir yo‘l transporti sohasida islohotlarni muvofiqlashtirish bo‘yicha idoralararo komissiya

TARKIBI

A.J. Ramatov	—	Bosh vazirning o‘rinbosari, Idoralararo komissiya raisi
J.A. Qo‘chqorov	—	Bosh vazirning o‘rinbosari — iqtisodiyot va moliya vaziri, Idoralararo komissiya raisining o‘rinbosari
I.R. Maxkamov	—	transport vaziri
A.D. Tashkulov	—	adliya vaziri
A.J. Ortikov	—	Davlat aktivlarini boshqarish agentligi direktori
Sh.Sh. Sharaxmetov	—	Raqobatni rivojlantirish va iste’molchilar huquqlarini himoya qilish qo‘mitasi raisi
B.B. Xodjayev	—	iqtisodiyot va moliya vazirining o‘rinbosari
I.Sh. Narimov	—	Transport prokurori
Z.G. Narzullayev	—	“O‘zbekiston temir yo‘llari” AJ boshqaruvi raisi v.b.
M.B. Jumaniyazov	—	Vazirlar Mahkamasi kotibiyati mudiri, Idoralararo komissiya kotibi

Izoh. Idoralararo komissiya a’zolari boshqa ishga o‘tgan taqdirda, uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaxslar kiritiladi.

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
2a-ILOVA

Temir yo‘l transporti sohasida islohotlarni muvofiqlashtirish bo‘yicha idoralararo komissiya huzuridagi ishchi guruh

TARKIBI

B.B. Xodjayev	—	iqtisodiyot va moliya vaziri o‘rinbosari, Idoralararo komissiya huzuridagi ishchi guruh rahbari
M.B. Jumaniyazov	—	Vazirlar Mahkamasi kotibiyati mudiri, Idoralararo komissiya huzuridagi ishchi guruh rahbarining o‘rinbosari
B.D. Maksimkulov	—	O‘zbekiston Respublikasi Prezidenti Administratsiyasi mas’ul xodimi
O.A. Pekos	—	raqamli texnologiyalar vazirining birinchi o‘rinbosari
A.N. Karimov	—	adliya vaziri o‘rinbosari
J.E. Choriyev	—	transport vaziri o‘rinbosari
A.E. Miraliyev	—	Davlat aktivlarini boshqarish agentligi direktori o‘rinbosari
A.U. Kayumov	—	Raqobatni rivojlantirish va iste’molchilar huquqlarini himoya qilish qo‘mitasi raisining birinchi o‘rinbosari
F.J. Pulatov	—	Kadastr agentligi direktori
X.N. Raxmetov	—	“O‘zbekiston temir yo‘llari” AJ boshqaruvi raisining birinchi o‘rinbosari v.b.
Z.M. Astanov	—	Iqtisodiyot va moliya vazirligi boshqarma boshlig‘i, Idoralararo komissiya huzuridagi ishchi guruh kotibi

Izoh. Idoralararo komissiya huzuridagi ishchi guruh a’zolari boshqa ishga o‘tgan taqdirda, uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaxslar kiritiladi.

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
3-ILOVA

2023 — 2025-yillarda “O‘zbekiston temir yo‘llari” AJda raqamli transformatsiya jarayonlarini jadallashtirish bo‘yicha

“YO‘L XARITASI”

T/r	Chora-tadbirlar nomi	Amalga oshirish mexanizmi	Muddati	Mas’ullar
I. Umumiy masalalar
1.	Xalqaro konsultantni jalb qilgan holda temir yo‘l transport sohasini raqamlashtirish darajasini aniqlash bo‘yicha audit o‘tkazish hamda raqamli temir yo‘l strategiyasi loyihasini ishlab chiqish.	1. Loyihaning texnik va tender hujjatlarini ishlab chiqish hamda o‘rnatilgan tartibda tasdiqlash.	2024-yil yanvar	Transport vazirligi, Raqamli texnologiyalar vazirligi, “O‘zbekiston temir yo‘llari” AJ
		2. Xalqaro konsalting kompaniyasini jalb qilish maqsadida tender savdolarini o‘tkazish va g‘olib kompaniya bilan shartnoma imzolash.	2024-yil mart
		3. Temir yo‘l transport sohasini raqamlashtirish darajasini aniqlash bo‘yicha audit o‘tkazish.	Shartnoma asosida
		4. Audit hisoboti asosida Raqamli temir yo‘l strategiyasi loyihasini ishlab chiqish.	2024-yil avgust
II. Yo‘lovchilarga xizmat ko‘rsatish jarayonlarini raqamlashtirish
2.	Yo‘lovchi tashishni boshqarishning avtomatlashtirilgan milliy tizimini joriy qilish.	1. Loyihaning texnik hujjatlarini ishlab chiqish hamda o‘rnatilgan tartibda tasdiqlash.	2024-yil avgust	“O‘zbekiston temir yo‘llari” AJ
		2. Loyiha texnik hujjatlariga muvofiq avtomatlashtirilgan milliy tizimni ishlab chiqish.	2025-yil iyun
		3. Avtomatlashtirilgan milliy tizimni amaliyotga tatbiq etish.	2025-yil dekabr
III. Yuk tashish jarayonlarini raqamlashtirish
3.	Yuk tashishlarni tezkor boshqarish avtomatlashtirilgan milliy axborot tizimini joriy qilish.	1. Loyiha texnik hujjatlarini ishlab chiqish maqsadida tender savdolarini o‘tkazish va g‘olib kompaniya bilan shartnoma imzolash.	2024-yil fevral	“O‘zbekiston temir yo‘llari” AJ
		2. Loyiha texnik hujjatlarini ishlab chiqish va o‘rnatilgan tartibda tasdiqlash.	2024-yil dekabr
		3. Loyiha texnik hujjatlariga muvofiq axborot tizimini ishlab chiqish.	Alohida rejaga muvofiq
4.	“Yagona darcha” tamoyili asosida yuk tashish sohasida xizmatlar ko‘rsatish bo‘yicha mijozlar bilan o‘zaro hamkorlik axborot tizimini (keyingi o‘rinlarda — “Yagona darcha” axborot tizimi) xalqaro tashishlar bo‘yicha kelishuv mavjud bo‘lgan “Mesplan” axborot tizimi bilan integratsiya qilish.	1. Qo‘shni mamlakatlar temir yo‘l ma’muriyatlarining axborot tizimlari bilan tashish hujjatlarining elektron almashinuvini yo‘lga qo‘yish.	2023-yil dekabr	“O‘zbekiston temir yo‘llari” AJ
		2. Xalqaro tashishlarda hujjatlarning kelishuvini elektron ko‘rinishda amalga oshirish maqsadida xalqaro “Mesplan” axborot tizimi bilan integratsiya qilish.	2024-yil dekabr
5.	“Yagona darcha” axborot tizimini Bojxona qo‘mitasining axborot tizimlari bilan integratsiya qilish, jumladan: yuk tashishda tovarga ilova qilinadigan hujjatlarni; Bojxona qo‘mitasining “E-tranzit” axborot tizimi ma’lumotlarini “O‘zbekiston temir yo‘llari” AJning tegishli axborot tizimlariga integratsiya qilish.	1. Texnologik yo‘riqnomani ishlab chiqish va o‘rnatilgan tartibda tasdiqlash.	2023-yil dekabr	“O‘zbekiston temir yo‘llari” AJ, Bojxona qo‘mitasi
		2. Texnologik yo‘riqnomaga asosan ma’lumotlar almashinuvini yo‘lga qo‘yish.	2024-yil mart
6.	“Yagona darcha” axborot tizimida “O‘zbekiston temir yo‘llari” AJning tijoriy, moliyaviy va statistik ko‘rsatkichlarini nazorat qiluvchi “nozirlar” modulini yaratish.	1. Loyiha texnik hujjatlarini ishlab chiqish va o‘rnatilgan tartibda tasdiqlash.	2024-yil fevral	“O‘zbekiston temir yo‘llari” AJ
		2. Loyihani amaliyotga joriy etish.	2024-yil dekabr
7.	“Yagona darcha” axborot tizimi doirasida stansiya boshlig‘i tomonidan yuk tashuvchilardan kelib tushgan arizalarni tasdiqlashni avtomatlashtirish natijasida mahalliy yuk tashuvchilar uchun tashuvlar jarayonining bosqichlarini qisqartirish va stansiya faol holatda ekanligini avtomatik tekshirishni yo‘lga qo‘yish.	1. Tegishli normativ-huquqiy hujjatlarga o‘zgartirish va qo‘shimchalar kiritish.	2024-yil dekabr	Transport vazirligi, “O‘zbekiston temir yo‘llari” AJ
		2. “Yagona darcha” axborot tizimiga tegishli o‘zgartirishlar kiritish.	2025-yil may
IV. Ichki jarayonlarni raqamlashtirish
8.	“O‘zbekiston temir yo‘llari” AJ axborot tizimlari ma’lumotlarining yagona “BI” modulini yaratish.	1. Loyiha texnik hujjatlarini ishlab chiqish va o‘rnatilgan tartibda tasdiqlash.	2025-yil mart	“O‘zbekiston temir yo‘llari” AJ
		2. Loyihani amaliyotga joriy etish.	2025-yil dekabr
9.	Lokomotiv deposini boshqarish axborot tizimini (“Smart Depo”) takomillashtirish.	1. “Smart Depo” axborot tizimining yangi modullarini ishlab chiqish va amaliyotga joriy etish. 2. Lokomotiv brigadalari tomonidan topshirilgan imtihon ma’lumotlari bo‘yicha “E-xodim” tizimining modulini yaratish.	2025-yil dekabr	“O‘zbekiston temir yo‘llari” AJ
10.	“E-Transport” axborot tizimini joriy etish.	1. Loyiha texnik hujjatlarini ishlab chiqish va o‘rnatilgan tartibda tasdiqlash.	2024-yil yanvar	“O‘zbekiston temir yo‘llari” AJ
		2. Axborot tizimini bosqichma-bosqich amaliyotga tatbiq etish.	2024-yil dekabr
11.	“O‘zbekiston temir yo‘llari” AJning stansiyalarini bog‘lovchi optik tolali aloqa liniyalarini rivojlantirish.	1. Optik tolali tarmoqlarni ijaraga berish bo‘yicha boshqa temir yo‘l ma’muriyatlari tajribasini o‘rganish va tahlil qilish hamda tijoriy foydalanish yuzasidan taklif ishlab chiqish.	2023-yil noyabr	“O‘zbekiston temir yo‘llari” AJ
		2. “O‘zbekiston temir yo‘llari” AJning optik tolali tarmoq bilan qamrab olingan hududlarida tarmoqdan tijoriy maqsadlarda foydalanishni belgilangan tartibda joriy qilish.	2024-yil yanvar
		3. Qamrab olinmagan hududlarni optik tolali tarmoq infratuzilmasi bilan qamrab olish chora-tadbirlarini ishlab chiqish, hisob kitoblar natijasiga muvofiq qamrab olishni bosqichma-bosqich tashkil etish.	2024-2025-yillar
12.	Raqamli metrologiya — sinov uskunalari va o‘lchov vositalarini qiyoslov muddatlarini onlayn nazorat qilish tizimini yaratish.	1. Loyiha texnik hujjatlarini ishlab chiqish va o‘rnatilgan tartibda tasdiqlash.	2024-yil fevral	“O‘zbekiston temir yo‘llari” AJ
		2. Axborot tizimini amaliyotga tatbiq etish.	2024-yil noyabr
13.	Raqamli sanoat xavfsizligi axborot tizimini yaratish.	1. Loyiha texnik hujjatlarini ishlab chiqish va o‘rnatilgan tartibda tasdiqlash.	2024-yil iyun	“O‘zbekiston temir yo‘llari” AJ
		2 Texnik uskunalarni belgilangan tartibda xarid qilish va o‘rnatish.	2024-yil avgust
		3. Axborot tizimini amaliyotga tatbiq etish.	2024-yil dekabr
14.	Tezkor telegraf telegrammalari aylanmasining onlayn platformasini yaratish.	1. Loyiha texnik hujjatlarini ishlab chiqish va o‘rnatilgan tartibda tasdiqlash.	2024-yil mart	“O‘zbekiston temir yo‘llari” AJ
		2. Axborot tizimini amaliyotga tatbiq etish.	2024-yil iyul
15.	Oylik nazorat ko‘rikni (KMO) o‘tkazishini onlayn nazoratga olish platformasini yaratish.	1. Loyiha texnik hujjatlarini ishlab chiqish va o‘rnatilgan tartibda tasdiqlash.	2024-yil may	“O‘zbekiston temir yo‘llari” AJ
		2. Axborot tizimini joriy qilish.	2024-yil noyabr
16.	Yo‘l xo‘jaligi tizimini onlayn nazorat qilish platformasini yaratish.	1. Loyiha texnik hujjatlarini ishlab chiqish va o‘rnatilgan tartibda tasdiqlash.	2024-yil avgust	“O‘zbekiston temir yo‘llari” AJ
		2. Axborot tizimini amaliyotga tatbiq etish.	2025-yil fevral
17.	“O‘zbekiston temir yo‘llari” AJ resurslarini rejalashtirishning avtomatlashtirilgan tizimini (ERP) joriy etish bo‘yicha takliflarni ishlab chiqish.	1. Xalqaro tajribani o‘rganish va loyihani joriy qilish bo‘yicha takliflar ishlab chiqish.	2024-yil mart	“O‘zbekiston temir yo‘llari” AJ
		2. Tizimni joriy qilish bo‘yicha takliflarni Vazirlar Mahkamasiga kelishish uchun kiritish.	2024-yil iyun
V. Tashkiliy masalalar
18.	“O‘zbekiston temir yo‘llari” AJning raqamlashtirish jarayonlarini jadallashtirish, axborot tizimlarini ishlab chiqish va qo‘llab-quvvatlash maqsadida IT-mutaxassislar shtat birligini ko‘paytirish.	Shtat birligini ko‘paytirish bo‘yicha tegishli ichki hujjatni tasdiqlash va qo‘shimcha shtat birliklarini joriy etish.	2023-yil dekabr	“O‘zbekiston temir yo‘llari” AJ
19.	“O‘zbekiston temir yo‘llari” AJda AKTni rivojlantirish va raqamlashtirish sohasida faoliyat yuritayotgan xodimlar ish haqiga ustama haq to‘lash tartibini joriy etish.	Xodimlarning ish haqiga ustama haq to‘lash tartibini joriy etish yuzasidan ichki hujjatlarni qabul qilish.	2023-yil dekabr	“O‘zbekiston temir yo‘llari” AJ

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
4-ILOVA

“O‘zbekiston temir yo‘llari” AJ tarkibidagi ayrim xo‘jalik jamiyatlari va korxonalarni qayta tashkil etish

MEXANIZMLARI

Oldingi tahrirga qarang.

T/r	Korxonalar va ularni qayta tashkil etish shakli	Amalga oshirish mexanizmi	Muddat	Mas’ullar
1.	Quyidagi korxonalarni “O‘zbekiston temir yo‘llari” AJ (keyingi o‘rinlarda — “O‘TY” AJ) filiali sifatida qayta tashkil etish: “Toshkent mintaqaviy temir yo‘l uzeli” UK; “Qo‘qon mintaqaviy temir yo‘l uzeli” UK; “Buxoro mintaqaviy temir yo‘l uzeli” UK; “Qarshi mintaqaviy temir yo‘l uzeli” UK; “Termiz mintaqaviy temir yo‘l uzeli” UK; “Qo‘ng‘irot mintaqaviy temir yo‘l uzeli” UK.	1. Korxonalarni qayta tashkil etish bo‘yicha komissiya tuzish.	2023-yil oktabr	“O‘zbekiston temir yo‘llari” AJ, Iqtisodiyot va moliya vazirligi, Davaktiv agentligi, Adliya vazirligi
		2. Korxonalarning mol-mulklari, huquq va majburiyatlarini xatlovdan o‘tkazish.	2023-yil oktabr
		3. Korxonalarni “O‘TY” AJga balans qiymatida qo‘shib olish, ularning huquq va majburiyatlarini “O‘TY” AJga o‘tkazish hamda jamiyatning ustavini tasdiqlash to‘g‘risida yagona aksiyador qarorini qabul qilish.	2023-yil oktabr
		4. “O‘TY” AJning yangi tahrirdagi ustavini davlat ro‘yxatidan o‘tkazish va korxonalarni davlat reyestridan chiqarish.	2023-yil noyabr
2.	“O‘TY” AJ mol-mulklari, huquq va majburiyatlarining bir qismini o‘tkazgan holda “Temiryo‘linfratuzilma” AJni tashkil etish.	1. Korxonalarni qayta tashkil etish bo‘yicha komissiya tuzish.	2023-yil oktabr	“O‘zbekiston temir yo‘llari” AJ, Iqtisodiyot va moliya vazirligi, Davaktiv agentligi, Adliya vazirligi
		2. “O‘TY” AJning yo‘l xo‘jaligi, elektr ta’minoti, signallashtirish va aloqa, yagona dispetcherlik markazi, lokomotiv xo‘jaligi, yuk stansiyalari va yuk peregonlarini saqlash, ish faoliyatini ta’minlash, mazkur infratuzilma obyektlarini rivojlantirish bilan bog‘liq bo‘lgan mol-mulklari, huquq va majburiyatlarini xatlovdan o‘tkazish.	2023-yil noyabr
		3. “O‘TY” AJdan ajratib chiqarish tartibi va shartlari, “Temiryo‘linfratuzilma” AJni tashkil etish, jamiyatning aksiyalarini ajralib chiqayotgan yuridik shaxsning aksiyalariga ayirboshlash imkoniyatlari hamda bunday ayirboshlash tartibi, taqsimlash balansini tasdiqlash to‘g‘risida yagona aksiyador qarorini qabul qilish.	2023-yil noyabr
		4. “Temiryo‘linfratuzilma” AJni davlat ro‘yxatidan o‘tkazish.	2023-yil dekabr
		5. “Temiryo‘linfratuzilma” AJ aksiyalarini davlat ro‘yxatidan o‘tkazish va aksiyalarni joylashtirish.	2023-yil dekabr
		6. “O‘zbekiston temir yo‘llari” AJ tomonidan investitsiya loyihalarini amalga oshirish uchun jalb etilgan kredit majburiyatlarining tegishli qismini qayta rasmiylashtirish.	2024-yil fevral
3.	“O‘TY” AJ mol-mulklari, huquq va majburiyatlarining bir qismini o‘tkazgan holda “Temiryo‘lkargo” AJni tashkil etish.	1. “O‘ztemiryo‘lkonteyner” AJdagi 39 foiz davlat aksiya paketlarini “O‘TY” AJga o‘tkazish.	2023-yil oktabr	“O‘zbekiston temir yo‘llari” AJ, Iqtisodiyot va moliya vazirligi, Davaktiv agentligi, Adliya vazirligi
		2. “O‘TY” AJning yuk tashish xizmatlarini amalga oshirish, yuk vagon va konteyner xo‘jaligini saqlash va rivojlantirish, multimodal “eshikdan-eshikkacha” logistika tashuvlarni yo‘lga qo‘yish, mahalliy va xorijiy logistik markaz va terminallarni tashkil qilish bilan bog‘liq bo‘lgan mol-mulklari, huquq va majburiyatlarini xatlovdan o‘tkazish.	2023-yil oktabr
		3. Tegishli mol-mulklar, huquq va majburiyatlarni “O‘ztemiryo‘lkonteyner” AJga o‘tkazish to‘g‘risida boshqaruv organlari qarorlarini qabul qilish.	2023-yil noyabr
		4. “O‘ztemiryo‘lkonteyner” AJ nomini “Temiryo‘lkargo” AJga o‘zgartirish va uni davlat ro‘yxatidan o‘tkazish.	2023-yil noyabr
		5. “Temiryo‘lkargo” AJ aksiyalarini davlat ro‘yxatidan o‘tkazish va aksiyalarni joylashtirish.	2023-yil noyabr
		6. “O‘zbekiston temir yo‘llari” AJ tomonidan investitsiya loyihalarini amalga oshirish uchun jalb etilgan kredit majburiyatlarining tegishli qismini qayta rasmiylashtirish.	2024-yil fevral
		7. “Temiryo‘lkargo” AJning 4 foiz aksiyalarini ommaviy joylashtirish (IPO).	2024-yil mart
4.	“O‘TY” AJ mol-mulklari, huquq va majburiyatlarining bir qismini o‘tkazgan holda “Temiryo‘lekspress” AJni tashkil etish.	1. Korxonani qayta tashkil etish bo‘yicha komissiya tuzish.	2023-yil oktabr	“O‘zbekiston temir yo‘llari” AJ, Iqtisodiyot va moliya vazirligi, Davaktiv agentligi, Adliya vazirligi
		2. “O‘TY” AJning yuqori tezlikda harakatlanuvchi elektropoyezdlarda yo‘lovchilarni tashish xizmatini ko‘rsatish, elektropoyezdlar xo‘jaligini saqlash va rivojlantirish bilan bog‘liq bo‘lgan mol-mulklari, huquq va majburiyatlarini xatlovdan o‘tkazish.	2023-yil noyabr
		3. “O‘TY” AJdan ajratib chiqarish tartibi va shartlari, “Temiryo‘lekspress” AJni tashkil etish, jamiyatning aksiyalarini ajralib chiqayotgan yuridik shaxsning aksiyalariga ayirboshlash imkoniyatlari hamda bunday ayirboshlash tartibi, taqsimlash balansini tasdiqlash to‘g‘risida yagona aksiyador qarorini qabul qilish.	2023-yil noyabr
		4. “Temiryo‘lekspress” AJni davlat ro‘yxatidan o‘tkazish.	2023-yil dekabr
		5. “Temiryo‘lekspress” AJ aksiyalarini davlat ro‘yxatidan o‘tkazish va aksiyalarni joylashtirish.	2023-yil dekabr
		6. “O‘zbekiston temir yo‘llari” AJ tomonidan investitsiya loyihalarini amalga oshirish uchun jalb etilgan kredit majburiyatlarining tegishli qismini qayta rasmiylashtirish.	2024-yil fevral
5.	“O‘ztemiryo‘lyo‘lovchi” AJ tarkibida uning mol-mulklarining bir qismi hisobidan “Temir yo‘l vokzallari” MCHJ va “Shahar atrofida yo‘lovchi tashish” MCHJni tashkil etish.	1. Jamiyatni qayta tashkil etish bo‘yicha komissiya tuzish.	2023-yil oktabr	“O‘zbekiston temir yo‘llari” AJ, Iqtisodiyot va moliya vazirligi, Davaktiv agentligi, Adliya vazirligi
		2. Korxonalarning mol-mulklari, huquq va majburiyatlarini xatlovdan o‘tkazish.	2023-yil oktabr
		3. Vokzallar kompleksi hamda shahar atrofida yo‘lovchilar tashish xizmati bilan bog‘liq mol-mulklar, huquq va majburiyatlarni ajratish hamda taqsimlash balansini tayyorlash.	2023-yil noyabr
		4. Jamiyat aksiyalarining bozor qiymatini aniqlash.	2023-yil oktabr
		5. Jamiyatni qayta tashkil etish va jamiyat minoritar aksiyadorlarining aksiyalarini qaytarib sotib olish to‘g‘risida aksiyadorlar umumiy yig‘ilishi qarorini qabul qilish.	2023-yil noyabr
		6. Aksiyalarni qaytarib sotib olishni talab qilgan aksiyadorlardan aksiyalarni sotib olish.	2023-yil dekabr
		7. Yangi tashkil etilgan mas’uliyati cheklangan jamiyatlarni ro‘yxatdan o‘tkazish.	2023-yil dekabr
		8. “O‘ztemiryo‘lyo‘lovchi” AJ ustav kapitalini kamaytirish.	2023-yil dekabr
6.	“Temiryo‘l ijtimoiy xizmatlar” muassasasini tashkil etish.	1. “Temir yo‘l ijtimoiy xizmatlar” muassasasini davlat ro‘yxatidan o‘tkazish.	2023-yil oktabr	“O‘zbekiston temir yo‘llari” AJ
		2. Muassasaga o‘tkaziladigan mol-mulklar va tashkilotlar ro‘yxatini shakllantirish.	2023-yil noyabr
		3. Mol-mulklar va tashkilotlar kesimida eng muhim samaradorlik ko‘rsatkichlarini belgilash.	2023-yil noyabr
		4. Muassasaga ajratiladigan homiylik mablag‘larini berish tartibini tasdiqlash va moliyalashtirishning boshqa manbalarini aniqlash.	2023-yil dekabr
7.	Quyidagi unitar korxonalarni mas’uliyati cheklangan jamiyatiga aylantirish: “Sogdiana trans” SHK; “1-son energomontaj poyezdi” UK; “406-son ixtisoslashtirilgan qurilish-montaj poyezdi” UK; “O‘ztemiryo‘lekspeditsiya” UK; “14-son rels payvandlash poyezdi” UK.	1. Korxonalarni amaldagi ustav kapitali miqdorida mas’uliyati cheklangan jamiyati sifatida qayta tashkil etish to‘g‘risida yagona ishtirokchi qarorini qabul qilish.	2023-yil oktabr	“O‘zbekiston temir yo‘llari” AJ, Adliya vazirligi
7.		2. Korxonalarni mas’uliyati cheklangan jamiyat sifatida davlat ro‘yxatidan o‘tkazish.	2023-yil noyabr	“O‘zbekiston temir yo‘llari” AJ, Adliya vazirligi
8.	Quyidagi unitar korxonalarni aksiyadorlik jamiyatiga aylantirish: “O‘ztemiryo‘lmashta’mir” UK; “Quyuv mexanika zavodi” SHK; “Andijon mexanika zavodi” SHK.	1. Korxonalarni aksiyadorlik jamiyati sifatida qayta tashkil etish to‘g‘risida yagona ishtirokchining qarorini qabul qilish.	2023-yil noyabr	“O‘zbekiston temir yo‘llari” AJ, Iqtisodiyot va moliya vazirligi
		2. Korxonalarni aksiyadorlik jamiyati sifatida davlat ro‘yxatidan o‘tkazish.	2023-yil noyabr
		3. Aksiyalar chiqariluvini davlat ro‘yxatidan o‘tkazish.	2024-yil yanvar
9.	“Temir yo‘l ijtimoiy xizmatlar” MCHJni moliyaviy sog‘lomlashtirish, xarajatlarini maqbullashtirish hamda zamonaviy boshqaruv tizimini joriy etish.	1. Jamiyat tarkibidagi Markaziy poliklinikani jamiyat tarkibidagi Markaziy klinik kasalxona tarkibiga o‘tkazish.	2026-yil yanvar-fevral	“O‘zbekiston temir yo‘llari” AJ
9.		2. Bir-birini takrorlovchi shtat birliklari va xarajatlarni maqbullashtirish.	2026-yil yanvar-fevral	“O‘zbekiston temir yo‘llari” AJ

Izoh: Temir yo‘l transporti sohasida islohotlarni muvofiqlashtirish bo‘yicha idoralararo komissiyasi tomonidan mahalliy va xalqaro konsultantlar tavsiyalariga asosan mazkur ilovada ko‘rsatilgan korxona va tashkilotlarni tashkil etish va qayta tashkil etish mexanizmlari hamda ularning muddatlariga o‘zgartirish va qo‘shimchalar kiritilishi mumkin.

(4-ilova O‘zbekiston Respublikasi Prezidentining 2025-yil 27-dekabrdagi PQ-391-sonli qarori tahririda — Qonunchilik ma’lumotlari milliy bazasi, 30.12.2025-y., 07/25/391/1238-son)

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
5-ILOVA

“O‘zbekiston temir yo‘llari” AJ tarkibidagi korxonalarning ommaviy savdolar orqali sotiladigan aksiya paketlari (ulushlari)

RO‘YXATI

T/r	STIR	Nomi	Hudud	Sotiladigan ulush (foizda)
1.	306682682	“Best harvest garden” MCHJ	Sirdaryo viloyati	100
2.	200608454	“Eyvalek maxsus temir beton” AJ	Toshkent viloyati	49
3.	200409060	“Urganch ekskavator” AJ*	Xorazm viloyati	49,1
4.	302821203	“UzXCMG” MCHJ QK*	Xorazm viloyati	49
5.	201052150	“Boshtransloyiha” AJ	Toshkent shahri	48,2
6.	201051975	“Toshtemiryo‘lloyiha” MCHJ	Toshkent shahri	25,4
7.	310037596	“Maxsus mexanizatsiyalashgan yo‘l stansiyasi” UK	Toshkent shahri	100
8.	310182932	“Transport tarmoqlarini qurish” UK	Toshkent shahri	100

* Mazkur korxonalar birlashtirilgandan so‘ng, xorijiy investor bilan kelishilgan holda, sotiladigan ulush belgilangan tartibda savdolarga chiqariladi.

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
6-ILOVA

“O‘zbekiston temir yo‘llari” AJ va uning tarkibidagi korxonalarning ommaviy savdolar orqali sotiladigan ko‘chmas mulk obyektlari

RO‘YXATI

Oldingi tahrirga qarang.

T/r	Obyektning nomi	Manzili	Egallagan maydoni (ga)	Bino va inshoot maydoni (m²)	Balansda saqlovchi
1.	Lokomotiv mehmonxonasi	Toshkent shahri, Mirobod tumani, Sarako‘l ko‘chasi, 3-uy	0,12 ga	5 400	“Toshkent MTU” UK
2.	Avtoturargoh va savdo shoxobchasi	Toshkent viloyati, Bo‘stonliq tumani, “Xo‘jakent” MFY, 127-uy	0,7	817,6	“Toshkent MTU” UK
3.	Dam olish oromgohi	Toshkent viloyati, Bo‘stonliq tumani, “Qoronqul” MFY	0,86	360,38	“Toshkent MTU” UK
4.	Temiryo‘lchilar yotoqxona binosi	Sirdaryo viloyati, Xovos tumani, “Do‘stlik” MFY, Al-Buxoriy ko‘chasi, 40-uy	0,21	1 013,8	“Toshkent MTU” UK
5.	Sport klubi	Samarqand viloyati, Samarqand shahri, Rudakiy ko‘chasi, 44-uy	0,08	612,8	“Buxoro MTU” UK
6.	Samarqand “Lokomotiv” “stadioni	Samarqand viloyati, Samarqand shahri, Depo ko‘chasi, 79-uy	3,0	491,7	“Buxoro MTU” UK
7.	Savdo do‘koni	Buxoro viloyati, Kogon shahri, “Temiryo‘lchi” MFY, Yangihayot ko‘chasi, 123-uy	0,06	348,6	“Buxoro MTU” UK
8.	5 ta 2 xonali turar joy	Buxoro viloyati, Qorovulbozor tumani, “Bo‘zachi” MFY	0,30	240	“Buxoro MTU” UK
9.	Marjonbuloq temir yo‘l bekati hududidagi ikki oilaga mo‘ljallangan 7 ta kottej (turar joy)	Jizzax viloyati, G‘allaorol tumani, Marjonbuloq shahri, Nurchilar mahallasi	2,23	2 200	“Buxoro MTU” UK
10.	Kottej binosi (turar joy)	Samarqand viloyati, Samarqand shahri, Depo ko‘chasi, 73 uy	0,06	172,6	“Buxoro MTU” UK
12.	“Lokomotiv” sport majmuasi	Farg‘ona viloyati, Qo‘qon shahri, A. Yassaviy ko‘chasi, 39 uy	0,63	2043	“Qo‘qon MTU” UK
13.	Oilaviy yotoqxona	Farg‘ona viloyati, Qo‘qon shahri, “Istiqlol” MFY, Naymancha ko‘chasi , 32-uy	-	-	“Qo‘qon MTU” UK
16.	2 qavatli yerto‘lali savdo do‘koni binosi	Surxondaryo viloyati, Termiz shahri, “Alpomish” MFY, At-Termiziy ko‘chasi, 28-uy	0,02	170,6	“Termiz MTU” UK
17.	Ellikqal’a stansiyasida muzlatkich uskunasi qurilishi	Qoraqalpog‘iston Respublikasi, Ellikqal’a tumani, “Dumanqal’a” QFY	1,035	1,035	“Qo‘ng‘irot MTU” UK
18.	Zargarlik korxonasi	Xorazm viloyati, Xiva shahri, “Qumyaska” MFY, P. Koriy ko‘chasi, 46-uy	0,12	700	“Qo‘ng‘irot MTU” UK
19.	Turar joy	Qoraqalpog‘iston Respublikasi, Beruniy tumani, “Abay” MFY, Boyterak ko‘chasi, 27-uy	0,01	137,75	“Qo‘ng‘irot MTU” UK
20.	Turar joy	Qoraqalpog‘iston Respublikasi Beruniy tumani, “Abay” MFY, Boyterak ko‘chasi, 40-uy	0,02	137,75	“Qo‘ng‘irot MTU” UK
21.	Turar joy	Qoraqalpog‘iston Respublikasi, Beruniy tumani, “Abay” MFY, Boyterak ko‘chasi, 44-uy	0,01	137,75	“Qo‘ng‘irot MTU” UK
22.	Turar joy	Qoraqalpog‘iston Respublikasi, Ellikqal’a tumani, “Dumanqal’a” MFY, Ajdodlar ko‘chasi, 56-uy	0,03	283,05	“Qo‘ng‘irot MTU” UK
23.	Turar joy	Qoraqalpog‘iston Respublikasi, Ellikqal’a tumani, “Dumanqal’a” MFY, Ajdodlar ko‘chasi, 58-uy	0,03	283,05	“Qo‘ng‘irot MTU” UK
24.	Turar joy	Qoraqalpog‘iston Respublikasi, Ellikqal’a tumani, “Dumanqal’a” MFY, Ajdodlar ko‘chasi, 60-uy	0,01	149,94	“Qo‘ng‘irot MTU” UK
25.	Turar joy	Qoraqalpog‘iston Respublikasi, Ellikqal’a tumani, “Dumanqal’a” MFY, Ajdodlar ko‘chasi, 62-uy	0,01	149,94	“Qo‘ng‘irot MTU” UK
26.	Turar joy	Qoraqalpog‘iston Respublikasi, Ellikqal’a tumani, “Dumanqal’a” MFY, Ajdodlar ko‘chasi, 70-uy	0,01	149,94	“Qo‘ng‘irot MTU” UK
27.	Turar joy	Qoraqalpog‘iston Respublikasi, Ellikqal’a tumani, “Dumanqal’a” MFY, Ajdodlar ko‘chasi, 64-uy	0,01	149,94	“Qo‘ng‘irot MTU” UK
28.	Yotoqxona	Qoraqalpog‘iston Respublikasi, Qorao‘zak tumani, “Koybag‘” MFY, Bestobe ko‘chasi, 20/1-uy	0,03	347,88	“Qo‘ng‘irot MTU” UK
29.	Yotoqxona	Qoraqalpog‘iston Respublikasi, Qorao‘zak tumani, “Koybag‘” MFY, Bestobe ko‘chasi, 20/2-uy	0,01	92,13	“Qo‘ng‘irot MTU” UK
30.	Yotoqxona	Qoraqalpog‘iston Respublikasi, Qorao‘zak tumani, Koybag‘ MFY, Bestobe ko‘chasi, 20/3-uy	0,01	92,88	“Qo‘ng‘irot MTU” UK
31.	Yotoqxona	Qoraqalpog‘iston Respublikasi, Qorao‘zak tumani, “Koybag‘” MFY, Bestobe ko‘chasi, 20/4-uy	0,01	92,88	“Qo‘ng‘irot MTU” UK
32.	Yotoqxona	Qoraqalpog‘iston Respublikasi, Qorao‘zak tumani, “Koybag‘” MFY, Bestobe ko‘chasi, 20/5-uy	0,01	92,88	“Qo‘ng‘irot MTU” UK
33.	Yotoqxona	Qoraqalpog‘iston Respublikasi, Qorao‘zak tumani, “Koybag‘” MFY, Bestobe ko‘chasi, 20/6-uy	0,01	92,88	“Qo‘ng‘irot MTU” UK
34.	Dam olish oromgohi	Toshkent viloyati, Bo‘stonliq tumani, “Qoronqul” MFY, Xo‘jakent ko‘chasi, 95-uy	0,12	736,8	“O‘ztemiryo‘lyo‘lovchi” AJ
35.	Savdo va maishiy xizmat ko‘rsatish binosi	Samarqand viloyati, Samarqand shahri, “Xo‘ja Yusuf” MFY, Bo‘stonsaroy ko‘chasi, 34 a-uy	0,04	373,2	“O‘ztemiryo‘lyo‘lovchi” AJ
36.	Savdo do‘koni	Samarqand viloyati, Samarqand shahri, Beruniy ko‘chasi, 69 uy	0,02	149,2	“O‘ztemiryo‘lyo‘lovchi” AJ
37.	Hammom binosi	Buxoro viloyati, Kogon shahri, “Adolat” MFY, Adolat ko‘chasi, 70-uy	0,07	199,1	“O‘ztemiryo‘lyo‘lovchi” AJ
38.	Qidiruvchi nomli dam olish maskani	Toshkent viloyati, Bo‘stonliq tumani, “Xo‘jakent” MFY, 38-uy “Xo‘jakent” QFY hududi	1,0	1084,0	“Boshtransloyiha” AJ
39.	Sement tushirish va qadoqlash binosi	Surxondaryo viloyati, Termiz tumani, “Yangiyer” MFY, 20a-uy	0,11	611,6	“O‘zbekiston temir yo‘llari” AJ
40.	Qurilishi tugallanmagan oromgoh	Toshkent viloyati, “Qoronqul” MFY	0,04	815	“O‘zbekiston temir yo‘llari” AJ

Izoh.

Ushbu ro‘yxatda keltirilgan aktivlarning nomlanishida, bino va inshootlarning egallagan maydoni o‘lchamlarida yoki ularning balansda saqlovchisida tafovut mavjud bo‘lgan taqdirda, mazkur aktivlar kadastr hujjatlari asosida sotiladi.

Ushbu ro‘yxatdagi turar joy va yotoqxona obyektlari “O‘zbekiston temir yo‘llari” AJda belgilangan ichki tartibga ko‘ra ularda istiqomat qiluvchi xodimlarga xususiylashtirib beriladi. Xatlov natijasida aniqlanadigan qo‘shimcha turar joy va yotoqxona obyektlari ham ushbu tartibga ko‘ra xususiylashtiriladi.

(6-ilova O‘zbekiston Respublikasi Prezidentining 2025-yil 21-apreldagi PF-70-sonli Farmoni tahririda — Qonunchilik ma’lumotlari milliy bazasi, 22.04.2025-y., 06/25/70/0375-son)

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
7-ILOVA

RO‘YXATI

Oldingi tahrirga qarang.

T/r	Aktiv nomi	Manzili	Balansda saqlovchi tashkilot	Aktivni qabul qilib oluvchi davlat organi
I. Tashkilotlar
1.	“Sharg‘unko‘mir” AJdagi 99,9 foiz aksiya paketi	Surxondaryo viloyati, Sariosiyo tumani, Sharg‘un shahri, Feruz MFY, Hurriyat ko‘chasi, 50-uy	“O‘zbekiston temir yo‘llari” AJ	Davlat aktivlarini boshqarish agentligi
2.	“Navro‘z bog‘i” MCHJdagi 50 foiz ulush	Toshkent shahri, Shayxontohur tumani, Labzak ko‘chasi, 12/1	“O‘zbekiston temir yo‘llari” AJ	Davlat aktivlarini boshqarish agentligi
3.	Temir yo‘l o‘latga qarshi stansiyasi*	Toshkent shahri, Sergeli tumani, Jaloyir ko‘chasi, 3-uy	“O‘zbekiston temir yo‘llari” AJ	Sog‘liqni saqlash vazirligi
4.	Xo‘jayli temir yo‘l shifoxonasi*	Qoraqalpog‘iston Respublikasi, Xo‘jayli tumani, Furqat ko‘chasi, 1-uy	“O‘zbekiston temir yo‘llari” AJ	Sog‘liqni saqlash vazirligi
5.	Samarqand temir yo‘l texnikumi*	Samarqand viloyati Samarqand shahri, Ibn-Xoldun ko‘chasi, 79-uy	“O‘zbekiston temir yo‘llari” AJ	Transport vazirligi
6.	Toshkent temir yo‘l texnikumi*	Toshkent shahri, Mirobod tumani, G. Aliyev ko‘chasi, 89-uy	“O‘zbekiston temir yo‘llari” AJ	Transport vazirligi
7.	Qo‘qon temir yo‘l texnikumi*	Farg‘ona viloyati, Qo‘qon shahri, Mehrjon ko‘chasi, 22-uy	“O‘zbekiston temir yo‘llari” AJ	Transport vazirligi
II. Mulkiy majmua va boshqa mulklar
8.	Savdo do‘koni	Toshkent viloyati, Toshkent tumani, Oqibat MFY, Oqibat ko‘chasi, 3-tor-uy	“Toshkent MTU” UK	Bojxona qo‘mitasi
9.	“Lokomotiv” stadioni**	Buxoro viloyati, Kogon shahri, Alisher Navoiy MFY, Do‘stlik ko‘chasi, 80-uy	“Buxoro MTU” UK	Yoshlar siyosati va sport vazirligi
10.	Suv minorasi***	Samarqand viloyati, Pastdarg‘om tumani, Charxin MFY, Ulug‘bek stansiyasi	“Buxoro MTU” UK	“O‘zsuvta’minot” AJ
11.	Suv qabul qilish qudug‘i***	Samarqand viloyati, Pastdarg‘om tumani, Gulobod MFY	“Buxoro MTU” UK	“O‘zsuvta’minot” AJ
12.	Artezian suv chiqarish qudug‘i***	Samarqand viloyati, Pastdarg‘om tumani, Juma shaharchasi	“Buxoro MTU” UK	“O‘zsuvta’minot” AJ
13.	KNS-1, 2, 3, 4	Samarqand viloyati, Samarqand shahri	“Buxoro MTU” UK	Samarqand shahri hokimligi
14.	Qishloq xo‘jaligi yer maydonlari va bog‘lar	Buxoro viloyati, Kogon tumani, Yangi-Hayot MFY	“Buxoro MTU” UK	Kogon tuman hokimligi
15.	Ma’muriy bino-inshoot	Buxoro viloyati, Kogon shahri, Temiryo‘lchi MFY, Temiryo‘lchi ko‘chasi, 18-uy	“Buxoro MTU” UK	Davlat xavfsizlik xizmati
16.	Qorabayir otchilik majmuasi*	Qashqadaryo viloyati, Yakkabog‘ tumani, Navro‘z MFY, Anbar Otin ko‘chasi, 257-uy	“Qarshi MTU” UK	Milliy gvardiya
17.	Kitob mevali bog‘i*	Qashqadaryo viloyati, Kitob tumani, Paxtaobod MFY, Boboyev massivi	“Qarshi MTU” UK	Milliy gvardiya
18.	Qo‘ng‘irot stansiyasidagi Transport ichki ishlar bo‘limi ma’muriy binosi	Qoraqalpog‘iston Respublikasi, Qo‘ng‘irot tumani, O‘zbekiston ko‘chasi	“Qo‘ng‘irot MTU” UK	Ichki ishlar vazirligi
19.	Suv tozalash va suv nasos inshootlari***	Toshkent viloyati, Ohangaron tumani, Eyvalek qo‘rg‘oni	“Eyvalek Maxsus Temir Beton” MCHJ	“O‘zsuvta’minot” AJ
20.	Temiryo‘lchilar madaniyat saroyi	Andijon viloyati, Andijon shahri, Mustaqillik MFY, Istiqlol ko‘chasi, 7-uy	Davlat aktivlarini boshqarish agentligi	Andijon viloyati yoshlar teatri
21.	Sport majmuasi	Qashqadaryo viloyati Qarshi shahri Islom Karimov ko‘chasi 20-uy	“Temiryo‘linfratuzilma” AJ “Qarshi MTU” filiali	Qarshi shahri hokimligi
22.	Dehqonobod sport majmuasi	Qashqadaryo viloyati Dehqonobod tumani “Beshbuloq” MFY Beshbuloq qishlog‘i	“Temiryo‘linfratuzilma” AJ “Qarshi MTU” filiali	Dehqonobod tumani hokimligi
23.	Qorovulbozor temir yo‘l bekatidagi 2 xonali 5 dona kottej binosi	Korovulbozor tumani “Bo‘zachi” MFY Sardoba qishlog‘i	“Temiryo‘linfratuzilma” AJ “Buxoro MTU” filiali	Qorovulbozor tumani hokimligi
24.	Dehqonobod stansiyasidagi bo‘sh turgan yer maydoni	Dehqonobod tumani “Beshbuloq” MFY Abu-Rayxon Beruniy ko‘chasi 193-uy	“Temiryo‘linfratuzilma” AJ “Qarshi MTU” filiali	Dehqonobod tumani hokimligi
25.	Yuk tashish va boshqa transport ekspeditsiya xizmatlari uchun bo‘sh yer maydoni	Shumanay tumani “Qarabayli” MFY	“Temiryo‘linfratuzilma” AJ “Qo‘ng‘irot MTU” filiali	Shumanay tumani hokimligi
26.	Yuk tashish va boshqa transport ekspeditsiya xizmatlari uchun bo‘sh yer maydoni	Qo‘ng‘irot tumani Qirqqiz stansiyasi	“Temiryo‘linfratuzilma” AJ “Qo‘ng‘irot MTU” filiali	Qo‘ng‘irot tumani hokimligi
27.	Yuk tashish va boshqa transport ekspeditsiya xizmatlari uchun bo‘sh yer maydoni	Qo‘ng‘irot tumani “Oqqamish” MFY Qorabuloq ko‘chasi 23-uy	“Temiryo‘linfratuzilma” AJ “Qo‘ng‘irot MTU” filiali	Qo‘ng‘irot tumani hokimligi
28.	Vertolyot qo‘nish maydoni	Qorao‘zak tumani	“Temiryo‘linfratuzilma” AJ “Qo‘ng‘irot MTU” filiali	Qorao‘zak tumani hokimligi
30.	“Bekobod” stansiyasidagi ichki ishlar bo‘limi binosi	Bekobod tumani Istiqlol ko‘chasi	“Temiryo‘linfratuzilma” AJ “Toshkent MTU” filiali	Ichki ishlar vazirligi
31.	“Bekobod” stansiyasidagi chegarachilar binosi va 0,01 ga yer maydoni	Bekobod tumani Istiqlol ko‘chasi	“Temiryo‘linfratuzilma” AJ “Toshkent MTU” filiali	Davlat xavfsizlik xizmati
32.	Bojxona binosi va 0,02 ga yer maydoni (“Oqko‘prik” stansiyasi)	Toshkent tumani “Zax ariq” MFY	“Temiryo‘linfratuzilma” AJ “Toshkent MTU” filiali	Bojxona qo‘mitasi
33.	“Oqko‘prik” stansiyasidagi chegarachilar binosi va 0,08 ga yer maydoni	Toshkent tumani “Zax ariq” MFY	“Temiryo‘linfratuzilma” AJ “Toshkent MTU” filiali	Davlat xavfsizlik xizmati
36.	Transportda jamoat xavfsizligini ta’minlash bo‘limi bino va inshootlari	Andijon shahri “O‘zbegim” MFY A.Temur shoh ko‘chasi 11-uy	“Temiryo‘linfratuzilma” AJ “Qo‘qon MTU” filiali	Ichki ishlar vazirligi
37.	Bojxona binosi	Andijon shahri “O‘zbegim” MFY A.Temur shoh ko‘chasi 10-uy	“Temiryo‘linfratuzilma” AJ “Qo‘qon MTU” filiali	Bojxona qo‘mitasi
38.	Tarmoq ichki ishlar bo‘limi binosi (“Urganch” bekati)	Urganch shahri “Temiryo‘l” MFY	“Temiryo‘linfratuzilma” AJ “Qo‘ng‘irot MTU” filiali	Ichki ishlar vazirligi
39.	Tarmoq ichki ishlar bo‘limi binosi (“Surxonobod” stansiyasi)	Muzrabot tumani “Chegarachi” MFY, “Temir yo‘lchilar” ko‘chasi 31-uy	“Temiryo‘linfratuzilma” AJ “Termiz MTU” filiali	Ichki ishlar vazirligi
40.	Chegara xodimlari binolari (“Surxonobod” stansiyasi)	Muzrabot tumani “Chegarachi” MFY Temir yo‘lchilar ko‘chasi 31-uy	“Temiryo‘linfratuzilma” AJ “Termiz MTU” filiali	Davlat xavfsizlik xizmati
41.	Bojxona xodimlari binolari (“Surxonobod” stansiyasi)	Muzrabot tumani “Chegarachi” MFY Temir yo‘lchilar ko‘chasi 31-uy	“Temiryo‘linfratuzilma” AJ “Termiz MTU” filiali	Bojxona qo‘mitasi
42.	Pavilyon binosi (“G‘alaba” bojxona ko‘rigidan o‘tkazish punkti)	Termiz tumani “Gulbahor” MFY Kunchiqar ko‘chasi	“Temiryo‘linfratuzilma” AJ “Termiz MTU” filiali	Davlat xavfsizlik xizmati
43.	Chegara posti binosi (“G‘alaba bojxona ko‘rigidan o‘tkazish punkti)	Termiz tumani “Gulbahor” MFY Kunchiqar ko‘chasi	“Temiryo‘linfratuzilma” AJ “Termiz MTU” filiali	Davlat xavfsizlik xizmati
44.	Bojxona xodimlari binosi (“G‘alaba” bojxona ko‘rigidan o‘tkazish punkti)	Termiz tumani “Gulbahor” MFY Kunchiqar ko‘chasi	“Temiryo‘linfratuzilma” AJ “Termiz MTU” filiali	Bojxona qo‘mitasi
45.	Bostirma chegara posti (“G‘alaba” bojxona ko‘rigidan o‘tkazish punkti)	Termiz tumani “Gulbahor” MFY Kunchiqar ko‘chasi	“Temiryo‘linfratuzilma” AJ “Termiz MTU” filiali	Davlat xavfsizlik xizmati
47.	Chegara punkti binosi (“Amuzang” stansiyasi)	Termiz tumani “Gulbahor” MFY Kunchiqar ko‘chasi 3a-yer uchastkasi	“Temiryo‘linfratuzilma” AJ “Termiz MTU” filiali	Davlat xavfsizlik xizmati
49.	Tarmoq ichki ishlar bo‘limi binosi (“Quduqli” stansiyasi)	Termiz tumani “Gulbahor” MFY Kunchiqar ko‘chasi 3a-yer uchastkasi	“Temiryo‘linfratuzilma” AJ “Termiz MTU” filiali	Ichki ishlar vazirligi
50.	Chegara xodimlari binosi (“Quduqli” stansiyasi)	Uzun tumani “Xatib Qahramon” MFY, Navro‘z ko‘chasi 75-uy	“Temiryo‘linfratuzilma” AJ “Termiz MTU” filiali	Davlat xavfsizlik xizmati
51.	Bojxona xodimlari binosi (“Quduqli” stansiyasi)	Uzun tumani “Xatib Qahramon” MFY Navro‘z ko‘chasi 75-uy	“Temiryo‘linfratuzilma” AJ “Termiz MTU” filiali	Bojxona qo‘mitasi
52.	Avtogaraj (“Quduqli” stansiyasi)	Uzun tumani “Xatib Qahramon” MFY Navro‘z ko‘chasi 75-uy	“Temiryo‘linfratuzilma” AJ “Termiz MTU” filiali	Davlat xavfsizlik xizmati
53.	Nazorat o‘tish joyi (“Quduqli” stansiyasi)	Uzun tumani “Xatib Qahramon” MFY Navro‘z ko‘chasi 75-uy	“Temiryo‘linfratuzilma” AJ “Termiz MTU” filiali	Davlat xavfsizlik xizmati
54.	Valer-1 (“Quduqli” stansiyasi)	Uzun tumani “Xatib Qahramon” MFY Navro‘z ko‘chasi 75-uy	“Temiryo‘linfratuzilma” AJ “Termiz MTU” filiali	Davlat xavfsizlik xizmati
55.	Valer-2 (“Quduqli” stansiyasi)	Uzun tumani “Xatib Qahramon” MFY Navro‘z ko‘chasi 75-uy	“Temiryo‘linfratuzilma” AJ “Termiz MTU” filiali	Davlat xavfsizlik xizmati
56.	Foydalanilmayotgan bo‘sh yer maydon	Ko‘kdala tumani, “Eski anhor” MFY	“Temiryo‘linfratuzilma” AJ “Qarshi MTU” filiali	Ko‘kdala tumani hokimligi
57.	“UzXSMG” MCHJ QK “Butlovchi qismlarni ishlab chiqaruvchi tayyorlov uchastkasi qurilishi”	Urganch shahri	“O‘zbekiston temir yo‘llari” AJ Kapital qurilish direksiyasi	Davlat aktivlari agentligi
58.	“Lokomotiv istirohat bog‘i” MCHJning 24,2 foiz ulushi	Mirzo Ulug‘bek tumani Temur Malik ko‘chasi	“Toshkent mexanika zavodi” AJ	Davlat aktivlari agentligi
59.	“Lokomotiv istirohat bog‘i” MCHJning 76,8 foiz ulushi	Mirzo Ulug‘bek tumani Temur Malik ko‘chasi	“Temiryo‘linfratuzilma” AJ	Davlat aktivlari agentligi

Izoh:

Mazkur ilovada nazarda tutilgan korxona va tashkilotlar hamda ulardagi ulushlar, shuningdek, ko‘chmas mulk va boshqa aktivlar balans qiymatida davlat ulushi va xo‘jalik boshqaruvi organi ulushini kamaytirish hisobiga beriladi;

* mazkur tashkilotlarning xarajatlari 2024-yil va kelgusi yillar uchun Davlat budjeti xarajatlari tarkibida aks ettiriladi;

** obyekt negizida sport kompleksini barpo etish bo‘yicha DXSH loyihasi amalga oshiriladi.

*** aktivlar “O‘zsuvta’minot” AJ ustav kapitalidagi davlat ulushini ushbu aktivlarning balans (qoldiq) qiymati miqdoriga oshirish hisobiga o‘tkaziladi.

(7-ilova O‘zbekiston Respublikasi Prezidentining 2025-yil 17-dekabrdagi PF-250-sonli Farmoni tahririda — Qonunchilik ma’lumotlari milliy bazasi, 23.12.2025-y., 06/25/250/1197-son)

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
8-ILOVA

“O‘zbekiston temir yo‘llari” AJ va uning tarkibidagi korxonalarning “Temir yo‘l ijtimoiy xizmatlar” muassasasiga balans qiymatida o‘tkaziladigan mol-mulklari

RO‘YXATI

Oldingi tahrirga qarang.

T/r	Aktiv nomi	Joylashgan hudud	Balansda saqlovchi tashkilot
I. Tashkilotlar
1.	Markaziy klinik kasalxonasi	Toshkent shahri	“O‘zbekiston temir yo‘llari” AJ
3.	Bolalar kasalxonasi	Toshkent shahri	“O‘zbekiston temir yo‘llari” AJ
4.	“Salomatlik” Medik-sanitariya yordam poyezdi	Toshkent shahri	“O‘zbekiston temir yo‘llari” AJ
5.	Qo‘qon bekati kasalxonasi	Farg‘ona viloyati	“O‘zbekiston temir yo‘llari” AJ
6.	Andijon bekati birlashgan shifoxonasi	Andijon viloyati	“O‘zbekiston temir yo‘llari” AJ
7.	Samarqand bekati birlashgan kasalxonasi	Samarqand viloyati	“O‘zbekiston temir yo‘llari” AJ
8.	Buxoro 1-bekatidagi kasalxona	Buxoro viloyati	“O‘zbekiston temir yo‘llari” AJ
9.	Qarshi shahar temir yo‘l shifoxonasi	Qashqadaryo viloyati	“O‘zbekiston temir yo‘llari” AJ
10.	Termiz bekati kasalxonasi	Surxondaryo viloyati	“O‘zbekiston temir yo‘llari” AJ
11.	Urganch bekati shifoxonasi	Xorazm viloyati	“O‘zbekiston temir yo‘llari” AJ
12.	Orolbo‘yi temir yo‘l shifoxonasi	Qoraqalpog‘iston Respublikasi	“O‘zbekiston temir yo‘llari” AJ
13.	Qo‘ng‘irot sanatoriy-profilaktoriysi	Qoraqalpog‘iston Respublikasi	“O‘zbekiston temir yo‘llari” AJ
14.	Markaziy sanitariya-epidemiologiya nazorat stansiyasi	Toshkent shahri	“O‘zbekiston temir yo‘llari” AJ
15.	Andijon tarmoq sanitariya-epidemiologiya nazorat stansiyasi	Andijon viloyati	“O‘zbekiston temir yo‘llari” AJ
16.	Samarqand tarmoq sanitariya-epidemiologiya nazorat stansiyasi	Samarqand viloyati	“O‘zbekiston temir yo‘llari” AJ
17.	Qo‘ng‘irot tarmoq sanitariya-epidemiologiya nazorat stansiyasi	Qoraqalpog‘iston Respublikasi	“O‘zbekiston temir yo‘llari” AJ
18.	Xovos tarmoq sanitariya-epidemiologiya nazorat stansiyasi	Sirdaryo viloyati	“O‘zbekiston temir yo‘llari” AJ
19.	Qarshi tarmoq sanitariya-epidemiologiya nazorat stansiyasi	Qashqadaryo viloyati	“O‘zbekiston temir yo‘llari” AJ
20.	Urganch tarmoq sanitariya-epidemiologiya nazorat stansiyasi	Xorazm viloyati	“O‘zbekiston temir yo‘llari” AJ
21.	Qo‘qon tarmoq sanitariya-epidemiologiya nazorat stansiyasi	Farg‘ona viloyati	“O‘zbekiston temir yo‘llari” AJ
22.	Buxoro tarmoq sanitariya-epidemiologiya nazorat stansiyasi	Buxoro viloyati	“O‘zbekiston temir yo‘llari” AJ
23.	Termiz tarmoq sanitariya-epidemiologiya nazorat stansiyasi	Surxondaryo viloyati	“O‘zbekiston temir yo‘llari” AJ
24.	“Lokomotiv” PFK	Toshkent shahri	“O‘zbekiston temir yo‘llari” AJ
25.	“Ugam-Chotqol davlat biosfera rezervati” UK*	Toshkent viloyati	“O‘zbekiston temir yo‘llari” AJ
II. Mulkiy majmua va boshqa mulklar
26.	Turar joy	Toshkent viloyati	“Toshkent MTU” UK
27.	Qibray bolalar dam olish oromgohi	Toshkent viloyati	“Toshkent MTU” UK
28.	Yangi avlod bolalar dam olish oromgohi	Toshkent viloyati	“Toshkent MTU” UK
29.	Temiryo‘lchi bolalar oromgohi	Namangan viloyati	“Qo‘qon MTU” UK
30.	Oloviddin bolalar oromgohi	Andijon viloyati	“Qo‘qon MTU” UK
31.	Turar joy	Namangan viloyati	“Qo‘qon MTU” UK
32.	Turar joy	Namangan viloyati	“Qo‘qon MTU” UK
33.	Turar joy	Namangan viloyati	“Qo‘qon MTU” UK
34.	Turar joy	Namangan viloyati	“Qo‘qon MTU” UK
35.	Turar joy	Namangan viloyati	“Qo‘qon MTU” UK
36.	Turar joy	Namangan viloyati	“Qo‘qon MTU” UK
37.	Turar joy	Qashqadaryo viloyati	“Qarshi MTU” UK
38.	Dehkonobod temir yo‘l bekatiga tegishli 2 qavatli 5 xonali 1-son xizmat ko‘rsatish turar joy binosi	Qashqadaryo viloyati	“Qarshi MTU” UK
39.	Dehkonobod temir yo‘l bekatiga tegishli 2 qavatli 5 xonali xizmat ko‘rsatish turar joy binosi	Qashqadaryo viloyati	“Qarshi MTU” UK
40.	Dehkonobod temir yo‘l bekatiga tegishli 2 qavatli 5 xonali 3-son xizmat ko‘rsatish turar joy binosi	Qashqadaryo viloyati	“Qarshi MTU” UK
41.	Dexqonobod temir yo‘l bekatiga tegishli 2 qavatli 5 xonali 4-son xizmat ko‘rsatish turar joy binosi	Qashqadaryo viloyati	“Qarshi MTU” UK
42.	Dexqonobod temir yo‘l bekatiga tegishli 1 qavatli xizmat ko‘rsatish turar joy binosi	Qashqadaryo viloyati	“Qarshi MTU” UK
43.	Xizmat ko‘rsatish turar joy binosi	Qashqadaryo viloyati	“Qarshi MTU” UK
44.	Xizmat ko‘rsatish turar joy binosi	Qashqadaryo viloyati	“Qarshi MTU” UK
45.	Temir yo‘l ishchilari dam olish maskani	Qashqadaryo viloyati	“Qarshi MTU” UK
46.	Temir yo‘l ishchilari dam olish maskani	Qashqadaryo viloyati	“Qarshi MTU” UK
47.	Turar joy	Qashqadaryo viloyati	“Qarshi MTU” UK
48.	Turar joy	Qashqadaryo viloyati	“Qarshi MTU” UK
49.	Dam olish uyi bino va inshootlari	Qashqadaryo viloyati	“Qarshi MTU” UK
50.	“BURCNMULLO” bolalar sog‘lomlashtirish oromgohi	Toshkent viloyati	“O‘ztemiryo`lmashta`mir” UK
51.	“Temiryo‘lchilar” madaniyat saroyi	Toshkent shahri	“O‘zbekiston temir yo‘llari” AJ
52.	Lokomotiv jismoniy sport klubi	Toshkent shahri	“Toshkent MTU” UK
53.	Maxsus direksiya	Toshkent shahri	“O‘zbekiston temir yo‘llari” AJ
54.	Poliklinika	Toshkent shahri	“TYVQTZ” AJ
55.	Rentgen kabinet	Toshkent shahri	“TYVQTZ” AJ

Izoh: Transformatsiya jarayonida aniqlanadigan, Xolding faoliyati sohasiga to‘liq mos kelmagan qo‘shimcha aktivlar “O‘zbekiston temir yo‘llari” AJ kuzatuv kengashi qaroriga asosan “Temiryo‘l ijtimoiy xizmatlar” muassasasiga berilishi mumkin.

(8-ilova O‘zbekiston Respublikasi Prezidentining 2025-yil 27-dekabrdagi PQ-391-sonli qarori tahririda — Qonunchilik ma’lumotlari milliy bazasi, 30.12.2025-y., 07/25/391/1238-son)

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
9-ILOVA

Yuk tashish hajmini oshirish va xizmat ko‘rsatish sifatini yaxshilash sharti bilan auksion orqali ijaraga taklif etiladigan temir yo‘l stansiyalari hududi

RO‘YXATI

T/r	Stansiyaning nomi	Manzili	Ijaraga beriladigan maydon (ga)
1.	Bekobod*	Toshkent viloyati, Bekobod shahri	0,47
2.	Kuchlik*	Toshkent viloyati, O‘rtachirchiq tumani	1,17
3.	Olmazor*	Toshkent viloyati, Chinoz tumani	0,29
4.	Chinoz*	Toshkent viloyati, Chinoz tumani	0,6
5.	Aqcha*	Toshkent viloyati, Ohangaron tumani	1,06
6.	Yangiyer*	Sirdaryo viloyati, Yangiyer tumani	0,49
7.	To‘raqo‘rg‘on	Namangan viloyati, To‘raqo‘rg‘on tumani	1,8
8.	Qaqir	Farg‘ona viloyati, Uchko‘prik tumani	3,4
9.	Shahrixon	Andijon viloyati, Shahrixon tumani	0,18
10.	G‘allaorol	Jizzax viloyati, G‘allaorol tumani	0,3
11.	Zarafshon	Samarqand viloyati, Samarqand shahri	1,3
12.	Kattaqo‘rg‘on	Samarqand viloyati, Kattaqo‘rg‘ontumani	0,31
13.	Tinchlik	Navoiy viloyati, Navoiy tumani	0,14
14.	Navoiy	Navoiy viloyati, Navoiy shahri	0,35
15.	Buxoro-1	Buxoro viloyati, Kogon shahri	0,24
16.	To‘rtko‘l	Qoraqalpog‘iston Respublikasi, To‘rtko‘l tumani	1,7
17.	Shumanay	Qoraqalpog‘iston Respublikasi, Shumanay tumani	0,07
18.	Qirqqiz	Qoraqalpog‘iston Respublikasi, Qo‘ng‘irot tumani	0,1
19.	Miskin	Qoraqalpog‘iston Respublikasi, To‘rtko‘l tumani	3,6
20.	Mash’al	Qashqadaryo viloyati, Muborak tumani	1
21.	Qarshi	Qashqadaryo viloyati, Qarshi shahri	2
22.	Kitob	Qashqadaryo viloyati, Shahrisabz shahri	1
23.	Qashqadaryo	Qashqadaryo viloyati, Qarshi shahri	1
24.	Muborak	Qashqadaryo viloyati, Muborak tumani	0,5
25.	Ayritom	Qashqadaryo viloyati, Ko‘kdala tumani	0,5
26.	Boldir	Surxondaryo viloyati, Muzrabot tumani	0,75
27.	Sherobod	Surxondaryo viloyati, Muzrabot tumani	1,16
28.	Novshahar	Surxondaryo viloyati, Angor tumani	1,1
29.	Uchqizil	Surxondaryo viloyati, Termiz tumani	0,65
30.	Jarqo‘rg‘on	Surxondaryo viloyati, Jarqo‘rg‘on tumani	0,45
31.	Elbayon	Surxondaryo viloyati, Qumqo‘rg‘on tumani	0,35
32.	Sho‘rchi	Surxondaryo viloyati, Sho‘rchi tumani	1,24
33.	Xayrobod	Surxondaryo viloyati, Denov tumani	0,34
34.	Boysun	Surxondaryo viloyati, Boysun tumani	1,12
35.	Darband	Surxondaryo viloyati, Boysun tumani	1,2
36.	Rovuston*	Namangan viloyati, Namangan shahri	0,86
37.	Yaypan*	Farg‘ona viloyati, Furqat tumani	0,92
38.	Uychi*	Namangan viloyati, Uychi tumani	1,3
39.	Chust*	Namangan viloyati, Pop tumani	0,7
40.	Dehqonobod*	Qashqadaryo viloyati Dehqonobod tumani	5
41.	Koson*	Qashqadaryo viloyati, Koson tumani	2,5
42.	Nishon*	Qashqadaryo viloyati, Nishon tumani	2
Jami			33,5

Izoh:

Mazkur ilovada nazarda tutilgan maydonlarga kadastr hujjatlariga asosan aniqlik kiritiladi.

* Temir yo‘l stansiyasi atrofidagi qishloq xo‘jaligiga mo‘ljallanmagan va xususiy sektorga tegishli bo‘lmagan yer uchastkalari xatlov natijalariga ko‘ra Qoraqalpog‘iston Respublikasi Vazirlar Kengashi raisi va viloyatlar hokimlarining qarori asosida Davlat aktivlarini boshqarish agentligiga doimiy foydalanish huquqi asosida ajratiladi va keyinchalik ijara huquqi asosida “O‘zbekiston temir yo‘llari xolding” AJga beriladi.

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
11-ILOVA

Temir yo‘l transporti sektorini isloh qilish va yanada rivojlantirish jarayonlarida ishtirok etuvchi mutasaddi tashkilotlar va ularning asosiy vazifalari

Transport vazirligi — temir yo‘l transporti sohasida yagona davlat siyosatini yuritadi, temir yo‘l transportida xavfsizlikni nazorat qiladi, sohada izchil islohotlarni amalga oshirishga mas’ul hisoblanadi;

Iqtisodiyot va moliya vazirligi — temir yo‘l transporti sohasidagi islohotlarni amalga oshirish davrida vazirlik va idoralar faoliyatini muvofiqlashtiradi hamda “O‘zbekiston temir yo‘llari” AJni transformatsiya qilish uchun javobgar hisoblanadi;

Raqamli texnologiyalar vazirligi — “O‘zbekiston temir yo‘llari” AJda raqamli transformatsiya jarayonlarini jadallashtirish va ularni muvofiqlashtirish bo‘yicha mas’ul hisoblanadi;

Vazirlar Mahkamasi huzuridagi Idoralararo tarif komissiyasi — temir yo‘l infratuzilmasi va lokomotivlardan foydalanish uchun tariflarni tartibga soladi;

Raqobatni rivojlantirish va iste’molchilar huquqlarini himoya qilish qo‘mitasi — temir yo‘l transporti sohasida raqobatni rivojlantirish bo‘yicha choralar ko‘radi hamda soha subyektlari faoliyatini monopoliyaga qarshi tartibga soladi;

“O‘zbekiston temir yo‘llari” AJ — respublikada umumiy foydalanishdagi temir yo‘l transporti infratuzilmasi va tashish jarayonini ta’minlash operatori hisoblanadi.

O‘zbekiston Respublikasi Prezidentining 2023-yil 10-oktabrdagi PQ-329-son qaroriga
12-ILOVA

O‘zbekiston Respublikasi Prezidentining ayrim qarorlariga kiritilayotgan o‘zgartirishlar

1. O‘zbekiston Respublikasi Prezidentining 2017-yil 13-yanvardagi “Sharg‘unko‘mir” UKni modernizatsiya qilish va loyiha quvvatini yiliga 900 ming tonnagacha toshko‘mir qazib olishga yetkazish” investitsiya loyihasini amalga oshirish chora-tadbirlari to‘g‘risida”gi PQ-2727-son qarorida:

a) tegishli kelishikdagi “O‘zbekko‘mir” UK” va “Sharg‘unko‘mir” UK” so‘zlari tegishincha tegishli kelishikdagi “O‘zbekko‘mir” AJ” va “Sharg‘unko‘mir” AJ” so‘zlari bilan almashtirilsin;

b) 4-bandning ikkinchi va uchinchi xatboshilari quyidagi tahrirda bayon etilsin:

“XXR Eksimbankining jalb etiladigan zayomi bo‘yicha “Sharg‘unko‘mir” AJ qarz oluvchi hamda zayomdan maqsadli va samarali foydalanish uchun mas’ul bo‘lgan ijro organi hisoblanadi;

investitsiya loyihasini amalga oshirish doirasida XXR Eksimbankining jalb etiladigan va “O‘zsanoatqurilishbank” ATB tomonidan qayta moliyalashtiriladigan zayomini qaytarish hamda xizmat ko‘rsatish bilan bog‘liq xarajatlar “O‘zbekko‘mir” AJ va “Sharg‘unko‘mir” AJning o‘z mablag‘lari hisobidan amalga oshiriladi”;

v) 8-bandning birinchi xatboshisi quyidagi tahrirda bayon etilsin:

“8. “O‘zbekko‘mir” AJ va “Sharg‘unko‘mir” AJga investitsiya loyihasini amalga oshirish doirasida istisno tariqasida”;

g) 10-bandning ikkinchi xatboshisidan, 11-bandning ikkinchi va oltinchi xatboshilaridan, 13-bandning birinchi xatboshisidan, 15 va 16-bandlardan, 17-bandning birinchi xatboshisidan “O‘zbekiston temir yo‘llari” AJ,” so‘zlari chiqarib tashlansin.

2. O‘zbekiston Respublikasi Prezidentining 2020-yil 12-avgustdagi “Kimyo va biologiya yo‘nalishlarida uzluksiz ta’lim sifatini va ilm-fan natijadorligini oshirish chora-tadbirlari to‘g‘risida”gi PQ-4805-son qaroriga 6-ilovaning 6-pozitsiyasi “Amalga oshiriladigan ishlar” ustunidan “1. Toshkent-Samarqand temir yo‘l uchastkasida elektr ta’minoti qurilmalarini boshqarish SCADA tizimini ishlab chiqish” so‘zlari chiqarib tashlansin.

3. O‘zbekiston Respublikasi Prezidentining 2022-yil 18-martdagi PQ-168-son qarori bilan tasdiqlangan Xo‘jalik jamiyatlari ustav kapitalidagi xususiylashtiriladigan aksiya paketlari (ulushlari) ro‘yxatining 3-pozitsiyasi chiqarib tashlansin.

4. O‘zbekiston Respublikasi Prezidentining 2022-yil 6-iyuldagi “2022 — 2026-yillarda O‘zbekiston Respublikasining innovatsion rivojlanish strategiyasini amalga oshirish bo‘yicha tashkiliy chora-tadbirlar to‘g‘risida”gi PQ-307-son qaroriga 3-ilovaning 225-pozitsiyasi va 4-ilovaning 158-pozitsiyasi chiqarib tashlansin.

5. O‘zbekiston Respublikasi Prezidentining 2022-yil 2-dekabrdagi “2030-yilgacha O‘zbekiston Respublikasining “yashil” iqtisodiyotga o‘tishiga qaratilgan islohotlar samaradorligini oshirish bo‘yicha chora-tadbirlar to‘g‘risida”gi PQ-436-son qaroriga 3-ilovaning 64-pozitsiyasi “Ijro muddati” ustunidagi “2023-yil sentabr” so‘zlari “2023-yil noyabr” so‘zlari bilan almashtirilsin.

6. O‘zbekiston Respublikasi Prezidentining 2023-yil 24-martdagi PQ-102-son qarori bilan tasdiqlangan Ommaviy savdolar orqali to‘liqligicha sotiladigan korxonalarning aksiya paketlari (ulushlari) ro‘yxatining 48-pozitsiyasi chiqarib tashlansin.

7. O‘zbekiston Respublikasi Prezidentining 2023-yil 1-apreldagi “Suv resurslaridan foydalanish samaradorligini oshirish bo‘yicha kechiktirib bo‘lmaydigan chora-tadbirlar to‘g‘risida”gi PQ-107 son qarori 6-bandining birinchi xatboshisidagi “2023-yil 1-oktabrga qadar” so‘zlari “2023-yil 31-dekabrga qadar” so‘zlari bilan almashtirilsin.

(Qonunchilik ma’lumotlari milliy bazasi, 11.10.2023-y., 07/23/329/0765-son; 04.12.2024-y., 07/24/399/1000-son; 22.04.2025-y., 06/25/70/0375-son; 23.12.2025-y., 06/25/250/1197-son; 30.12.2025-y., 07/25/391/1238-son)