O‘zbekiston Respublikasi Vazirlar Mahkamasining
qarori
Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatishning ma’muriy reglamentini tasdiqlash to‘g‘risida
O‘zbekiston Respublikasining “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi Qonuniga muvofiq, shuningdek, O‘zbekiston Respublikasi Prezidentining “Intellektual mulk sohasini yanada rivojlantirishga oid qo‘shimcha chora-tadbirlar to‘g‘risida” 2022-yil 26-apreldagi 221-son qarori ijrosi yuzasidan Vazirlar Mahkamasi qaror qiladi:
1. Quyidagilarni nazarda tutuvchi Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatishning ma’muriy reglamenti ilovaga muvofiq tasdiqlansin:
tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatish tartibi;
yuridik yoki jismoniy shaxs (talabnoma beruvchi) tomonidan tovar belgilari va xizmat ko‘rsatish belgilarini ro‘yxatdan o‘tkazishga doir talabnomani O‘zbekiston Respublikasi Adliya vazirligiga (keyingi o‘rinlarda — vakolatli organ) topshirish tartibi va shartlari;
Oldingi tahrirga qarang.
talabnomani rezidentlar uchun — davlat xizmatlari markazi, vakolatli organning maxsus axborot tizimi yoki O‘zbekiston Respublikasi Yagona interaktiv davlat xizmatlari portali, norezidentlar uchun — davlat xizmatlari markazi, vakolatli organning maxsus axborot tizimi orqali topshirish, pochta aloqasi orqali topshirish bundan mustasno;
(1-bandning to‘rtinchi xatboshisi O‘zbekiston Respublikasi Vazirlar Mahkamasining 2026-yil 9-iyuldagi 375-sonli qarori tahririda — Qonunchilik ma’lumotlari milliy bazasi, 13.07.2026-y., 09/26/375/0726-son)
talabnoma topshirilgandan keyingi barcha harakatlarni vakolatli organning maxsus axborot tizimi orqali amalga oshirish;
davlat xizmatini ko‘rsatishda talabnoma beruvchi tomonidan O‘zbekiston Respublikasining “Davlat boji to‘g‘risida”gi Qonunida belgilangan miqdorlarda patent bojini to‘lash tartibi;
vakolatli organ tomonidan talabnomani davlat ekspertizasidan (bunda rasmiy ekspertiza — o‘ttiz kun, talabnomada ko‘rsatilgan belgining ekspertizasi yetti oy ichida biroq kamida olti oydan keyin amalga oshiriladi, ekspertizani tezkor tartibda o‘tkazish bundan mustasno) o‘tkazish tartibi;
tovar belgilari va xizmat ko‘rsatish belgilarini belgilangan miqdordagi patent boji to‘langanda, tovar belgisi va xizmat ko‘rsatish belgisi davlat reyestrida avtomatik tarzda ro‘yxatdan o‘tkazish va vakolatli organning maxsus axborot tizimi orqali talabnoma beruvchiga ro‘yxatdan o‘tkazilganligi to‘g‘risidagi guvohnomani yuborish.
2. O‘zbekiston Respublikasi Adliya vazirligi manfaatdor vazirlik va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish O‘zbekiston Respublikasi adliya vaziri A.D. Tashkulov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2023-yil 19-sentabr,
480-son
Vazirlar Mahkamasining 2023-yil 19-sentabrdagi 480-son qaroriga
ILOVA
Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatishning
MA’MURIY REGLAMENTI
1-bob. Umumiy qoidalar
1. Mazkur Reglament O‘zbekiston Respublikasining “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi Qonuniga (keyingi o‘rinlarda — Qonun) asosan tovar belgilari va xizmat ko‘rsatish belgilarini (keyingi o‘rinlarda — tovar belgisi) ro‘yxatdan o‘tkazish bo‘yicha davlat xizmatini (keyingi o‘rinlarda — davlat xizmati) ko‘rsatish tartibini belgilaydi.
2. Davlat xizmatini ko‘rsatish O‘zbekiston Respublikasi Adliya vazirligi (keyingi o‘rinlarda — vakolatli organ) tomonidan amalga oshiriladi.
3. Tovar belgisini ro‘yxatdan o‘tkazishga doir talabnomani (keyingi o‘rinlarda — talabnoma) topshirish va davlat xizmatidan foydalanish bo‘yicha boshqa harakatlar nomiga ro‘yxatdan o‘tkazilishi so‘ralayotgan yuridik yoki jismoniy shaxs (keyingi o‘rinlarda — talabnoma beruvchi) tomonidan bevosita yoki vakili (patent vakili yoxud ishonchli shaxs) orqali amalga oshiriladi.
4. Davlat xizmati mazkur Reglamentga 1-ilovaga muvofiq sxema bo‘yicha ko‘rsatiladi.
2-bob. Tovar belgisining huquqiy muhofazaga layoqatliligi
5. Qonunning 3-moddasi beshinchi qismiga muvofiq tasvirlar, so‘zlar, muayyan shakl tarzidagi belgilar va boshqa belgilar yoki ularning istalgan bir rangdagi yoki turli rangdagi jamlama ifodasi tovar belgilari sifatida ro‘yxatdan o‘tkazilishi mumkin.
6. Tasviriy belgilarga jonli mavjudotlar, predmetlar, tabiiy va boshqa obyektlar tasvirlari, shuningdek, chiziqlar, dog‘lar, har qanday figuralarning tekislikdagi kompozitsiyalari (hajmlilaridan tashqari) kiradi.
So‘zli belgilarga so‘zlar, so‘z ko‘rinishiga ega bo‘lgan harfiy birikmalar (xususan, har qanday ketma-ketlikdagi unlilar va undosh tovushlarning bo‘g‘in hosil qiluvchi birikmalari), so‘z birikmalari, gaplar, shuningdek, ularning birikmalari kiradi.
Muayyan shakl tarzidagi belgilar hajmli belgilar hisoblanib, ularga fazoviy joylashgan uch o‘lchamli obyektlar, figuralar va chiziqlar hamda figuralarning kombinatsiyalari kiradi.
Jamlama belgilarga turli tavsifdagi tasviriy, so‘zli, hajmli va boshqa elementlar kombinatsiyasi kiradi.
Boshqa belgilarga pozitsion, tovushli, harakatli, yorug‘likdan iborat bo‘lgan, golografik, hidli kabi belgilar kiradi.
7. Quyidagilar tovar belgisi sifatida ro‘yxatdan o‘tkazilmaydi:
a) davlat gerblari, bayroqlari va davlat mukofotlarining tasviri tushirilgan belgilar;
b) davlatlarning rasmiy nomlari, xalqaro yoki hukumatlararo tashkilotlarning qisqartirilgan yoki to‘liq nomlari;
v) rasmiy nazorat, kafolat tamg‘alari va namuna yo‘sinidagi tamg‘alar, muhrlar;
g) davlat xizmatlarining O‘zbekiston Respublikasida qo‘llaniladigan ajratish va farqlash belgilari tasvirlari;
d) farqlash xususiyatiga ega bo‘lmagan belgilar, xususan:
o‘ziga xos grafik tasvirga ega bo‘lmagan alohida harflar, raqamlardan iborat bo‘lgan belgilar (raqamlarning so‘zli ifodasi bundan mustasno), so‘z ko‘rinishiga ega bo‘lmagan harflar birikmalari;
Oldingi tahrirga qarang.
(7-band “d” kichik bandining uchinchi xatboshisi O‘zbekiston Respublikasi Vazirlar Mahkamasining 2026-yil 9-iyuldagi 375-sonli qaroriga asosan chiqarilgan — Qonunchilik ma’lumotlari milliy bazasi, 13.07.2026-y., 09/26/375/0726-son)
chiziqlar, oddiy geometrik shakllar va ularning tarkibiga kirgan alohida elementlardan farqli, sifat jihatdan boshqa qabul qilish darajasini beradigan kompozitsiyalar hosil qilmaydigan birikmalar;
tovar belgisi sifatida tovar va xizmatlarni (keyingi o‘rinlarda — tovar) belgilash uchun ularning haqiqiy yoki sxematik tasvirlari;
shakli faqat funksional vazifasidan kelib chiqadigan uch o‘lchamli obyektlar;
Oldingi tahrirga qarang.
shakli jihatidan alohida farqlash xususiyatiga ega bo‘lmagan hajmli belgilar;
(7-band O‘zbekiston Respublikasi Vazirlar Mahkamasining 2026-yil 9-iyuldagi 375-sonli qaroriga asosan oltinchi xatboshi bilan to‘ldirilgan — Qonunchilik ma’lumotlari milliy bazasi, 13.07.2026-y., 09/26/375/0726-son)
tovarlarning shu tovarlarni belgilash uchun umume’tirof etilgan nomlari ushbu tovarlarni belgilash uchun;
tashkilot va sohalarning umumqabul qilingan qisqartirilgan nomlari va abbreviaturalari;
e) muayyan turdagi tovarlarning belgisi sifatida umumfoydalanishda bo‘lgan belgilar. Bunday belgilar deb ma’lum bir tovar yoki turli ishlab chiqaruvchilarning shunga o‘xshash tovarlari uchun uzoq vaqt ishlatilganligi tufayli tushuncha bo‘lib qolgan belgilar tushuniladi;
j) umume’tirof etilgan ramzlar va atamalar hisoblangan belgilar, bunda:
umume’tirof etilgan ramzlarga tovar belgisini ro‘yxatdan o‘tkazish so‘ralayotgan tovarlar ro‘yxatidagi tovarlarga oid bo‘lgan xo‘jalik yoki faoliyat sohasini aks ettiruvchi belgilar, shuningdek, fan va texnikada qo‘llaniladigan shartli belgilar kiradi;
umume’tirof etilgan atamalarga fan va texnikaning aniq bir sohasiga xos bo‘lgan so‘z birliklari kiradi;
z) tovarlarni, shu jumladan, ularning turi, sifati, soni, xususiyati, qanday maqsadga mo‘ljallanganligi va qiymatini, shuningdek, ularning ishlab chiqariladigan yoki o‘tkaziladigan joyi va vaqtini tavsiflash uchun foydalaniladigan belgilar. Bunga, jumladan, quyidagilar kiradi:
tovarlarning nomlari;
tovarlar sifat toifasining belgisi;
tovarlarning xususiyatini ko‘rsatuvchi (shu jumladan, maqtov tavsifiga ega bo‘lgan) belgilar;
xom ashyo materialini va tarkibini ko‘rsatuvchi belgilar;
tovarlarning og‘irligi, hajmi, narxi, ishlab chiqarilgan sanasini ko‘rsatuvchi belgilar;
umumiy nomlar;
ishlab chiqarishni yaratish tarixidan ma’lumotlar;
korxonalarning nomlari;
tovar tayyorlovchilarning va vositachilarning manzillari;
qisman yoki to‘liq geografik nomdan iborat bo‘lib, tovar tayyorlovchining joylashgan joyi sifatida qabul qilinishi mumkin bo‘lgan belgilar;
i) tovar yoki uning tayyorlovchisi to‘g‘risidagi yolg‘on yoki iste’molchini chalg‘itishi mumkin bo‘lgan belgilar (xususan, iste’molchining ongida tovarning haqiqatga to‘g‘ri kelmagan ma’lum bir sifati, uning tayyorlovchisi yoki kelib chiqqan joyi haqida yanglish tasavvur hosil qiladigan belgilar), bunda belgining kamida bitta elementi yolg‘on yoki iste’molchini chalg‘itishi mumkin bo‘lsa, belgi yolg‘on yoki iste’molchini chalg‘itishi mumkin deb e’tirof etiladi;
k) tovar kelib chiqqan haqiqiy joyni rasman ko‘rsatuvchi, lekin tovar boshqa hududda chiqarilayotganligi haqida yanglish tasavvur beruvchi belgilar;
l) ma’danli suvlar, vino yoki kuchli spirtli ichimliklarning asliyatini aks ettiruvchi geografik nomlar bo‘lgan yoki shunday nomlarni ifodalovchi belgilar, ushbu joyda chiqarilmagan tovarlarni belgilash uchun ishlatilgan belgilar, shuningdek, ular tarjima qilib yoki “ko‘rinishdagi”, “turdagi”, “usuldagi” va boshqa shunga o‘xshash so‘zlar bilan qo‘shilgan holda qo‘llanilganda;
m) jamiyat manfaatlariga, odamiylik va axloq qoidalariga zid bo‘lgan belgilar, ularga xususan, diniy atama, nishon va ramzlar, axloqsiz mazmundagi so‘z va tasvirlar, inson qadrini, diniy hissiyotlarni haqorat qiladigan insonparvarlikka zid tavsifdagi shiorlar va boshqalar. Bularga ma’lum bir tovar nomlari hamda uning sifatlarini ifodalovchi lug‘atda mavjud so‘zlarni qasddan imlo xatosi bilan ifodalash ham kiradi;
n) quyidagi belgilar bilan aynan bir xil yoki ularga adashtirib yuborish darajasida o‘xshash bo‘lgan belgilar:
ilgari O‘zbekiston Respublikasida boshqa shaxs nomiga ro‘yxatdan o‘tkazilgan yoki ro‘yxatdan o‘tkazish so‘rab talabnoma topshirilgan, shuningdek, O‘zbekiston Respublikasining xalqaro shartnomalariga muvofiq ro‘yxatdan o‘tkazilmay ham muhofaza qilinadigan yoki shu turdagi tovarlarga nisbatan ancha oldinroq ustuvorlikka ega bo‘lgan tovar belgilari bilan aynan bir xil yoki ularga adashtirib yuborish darajasida o‘xshash bo‘lgan belgilar;
har qanday tovarlarga nisbatan boshqa shaxslarning belgilangan tartibda umume’tirof etilgan tovar belgilari bilan aynan bir xil yoki ularga adashtirib yuborish darajasida o‘xshash bo‘lgan belgilar;
Qonunga muvofiq muhofaza qilinadigan geografik ko‘rsatkich va tovar kelib chiqqan joy nomi bo‘lgan belgilar bilan aynan bir xil yoki ularga adashtirib yuborish darajasida o‘xshash bo‘lgan belgilar, bu belgilar har qanday tovarlarga nisbatan shunday nomdan foydalanish huquqiga ega bo‘lgan shaxs nomiga ro‘yxatdan o‘tkaziladigan tovar belgisiga muhofaza qilinmaydigan qism sifatida kiritilgan hollar bundan mustasno;
belgilangan tartibda ro‘yxatdan o‘tkazilgan sertifikatlash belgilari;
o) quyidagi belgilar:
o‘zga shaxslarga tegishli va O‘zbekiston Respublikasi hududida taniqli bo‘lgan firma nomlarini (yoki ularning bir qismini), agar bu nomga bo‘lgan huquq bir turdagi tovarlarni belgilash uchun talabnoma kelib tushish sanasidan avvalroq olingan bo‘lsa, takrorlovchi belgilar;
sanoat namunalarini takrorlovchi belgilar ularga bo‘lgan huquq O‘zbekiston Respublikasida o‘zga shaxslarga tegishli bo‘lganda;
O‘zbekiston Respublikasida mashhur bo‘lgan ilmiy asarlar, adabiyot va san’at asarlarining nomlarini, ularning qahramonlarini yoki iboralarini, san’at asarlarini yoki ulardan ko‘rinishlarni mualliflik huquqiga ega bo‘lgan shaxs yoki uning huquqiy vorislari (merosxo‘rlari) roziligini olmagan tarzda takrorlovchi belgilar;
atoqli shaxslarning familiyalari, ismlari, taxalluslari va ulardan yasalgan so‘zlarni, bunday shaxslarning portretlarini hamda dastxatlarini, bular O‘zbekiston Respublikasining tarixiy va madaniy boyligi bo‘lganda, ana shu atoqli shaxslar, ularning merosxo‘rlari yoki davlat organi roziligini olmagan tarzda takrorlovchi belgilar.
LexUZ sharhiQarang: O‘zbekiston Respublikasi “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi Qonunining 10-moddasi.
8. Mazkur Reglamentning 7-bandi “a” — “g” kichik bandlarida ko‘rsatilgan belgilar, agar bunga tegishli davlat organining yoki belgi egasining roziligi bo‘lsa, tovar belgisiga muhofaza qilinmaydigan qismlar sifatida kiritilishi mumkin.
9. Mazkur Reglamentning 7-bandi “d” — “z” kichik bandlarida ko‘rsatilgan belgilarni ro‘yxatdan o‘tkazishga, agar bu belgilar amalda ulardan aniq tovarlar uchun foydalanish natijasida farqlanish xususiyatiga ega bo‘lganligi isbotlansa, yo‘l qo‘yilishi mumkin.
Isbot sifatida talabnoma topshirilgan sanagacha talabnomada ko‘rsatilgan belgidan foydalanilganligi natijasida farqlanish xususiyatiga ega ekanligini tasdiqlaydigan quyidagi ma’lumotlar taqdim etiladi:
talabnomada ko‘rsatilgan belgi bilan belgilangan tovarlarni ishlab chiqarish va sotish hajmi;
talabnomada ko‘rsatilgan belgi bilan belgilangan tovarlarning sotilish hududlari;
talabnomada ko‘rsatilgan tovarlarni belgilash uchun berilgan belgidan foydalanish muddati;
talabnomada ko‘rsatilgan belgi bilan belgilangan tovarlarning reklamasi uchun sarflanadigan xarajatlar hajmi;
talabnomada ko‘rsatilgan belgi va shu belgi bilan belgilangan tovarlarning ishlab chiqaruvchilari haqida iste’molchilarning xabardorlik darajasi to‘g‘risidagi ma’lumotlar, shu jumladan, ijtimoiy so‘rovlarning natijalari;
talabnomada ko‘rsatilgan belgi bilan belgilangan tovarlar haqidagi axborot ochiq matbuotda nashr qilinganligi to‘g‘risida ma’lumotlar;
talabnomada ko‘rsatilgan belgi bilan belgilangan tovarlar O‘zbekiston Respublikasi yoki chet mamlakatlardagi ko‘rgazmalarda namoyish qilinganligi to‘g‘risidagi ma’lumotlar va boshqa ma’lumotlar.
Mazkur Reglamentning 7-bandi “d” — “z” kichik bandlarida ko‘rsatilgan belgilar, agar ular tovar belgisida ustun mavqega ega bo‘lmasa, unga muhofaza qilinmaydigan qismlar sifatida kiritilishi mumkin.
10. Mazkur Reglament 7-bandi “n” kichik bandining ikkinchi va uchinchi xatboshilarida ko‘rsatilgan tovar belgilari bilan adashtirib yuborish darajasida ularga o‘xshash bo‘lgan belgilarni ro‘yxatdan o‘tkazishga tovar belgisi egasining bu belgini ro‘yxatga olish uchun roziligi bo‘lganda, yo‘l qo‘yiladi. Tegishli belgi egasining rozilik xatida quyidagi ma’lumotlar aks ettiriladi:
rozilik bergan tovar belgisi egasining to‘liq nomi (ismi) va manzili;
rozilik olgan shaxsning to‘liq nomi (ismi) va manzili;
rozilik bergan tovar belgisi egasining lavozimi (yuridik shaxs bo‘lganda), familiyasi va imzosi;
egasi rozilik bergan tovar belgisining tasviri;
rozilik olib talabnoma topshirilayotgan belgining ko‘rinishi;
rozilik berilgan tovar yoki tovarlarning ro‘yxati;
rozilik xatining sanasi.
Oldingi tahrirga qarang.
Rozilik xatidagi imzoning haqiqiyligi notarius tomonidan shahodatlantirilgan bo‘lishi lozim.
Xorijiy davlatda rasmiylashtirilgan rozilik xati belgilangan tartibda legalizatsiya qilingan yoki apostil qo‘yilgan holda taqdim etiladi.
(10-band O‘zbekiston Respublikasi Vazirlar Mahkamasining 2026-yil 9-iyuldagi 375-sonli qaroriga asosan xatboshilar bilan to‘ldirilgan — Qonunchilik ma’lumotlari milliy bazasi, 13.07.2026-y., 09/26/375/0726-son)
11. Mazkur Reglamentning 7-bandi “o” kichik bandida ko‘rsatilgan mashhurlik (taniqlilik va atoqlilik) tovar belgisi sifatida ro‘yxatdan o‘tkazishga taqdim etilgan belgining ustuvorlik sanasiga nisbatan aniqlanadi.
3-bob. Talabnomaga doir talablar
12. Qonunning 9-moddasi birinchi qismiga muvofiq talabnoma bitta tovar belgisiga taalluqli bo‘lishi kerak.
13. Talabnoma quyidagilarni o‘z ichiga oladi:
tovar belgisini ro‘yxatdan o‘tkazish uchun ariza (keyingi o‘rinlarda — ariza);
talabnomada ko‘rsatilgan belgining tasviri;
belgilarni ro‘yxatdan o‘tkazish uchun Tovarlar va xizmatlarning xalqaro tasnifiga (keyingi o‘rinlarda — TXXT) muvofiq guruhlangan tovar belgisini ro‘yxatdan o‘tkazish so‘ralayotgan tovarlarning ro‘yxati.
14. Talabnoma jamoaviy belgiga oid bo‘lganda, talabnomaga yuridik va (yoki) jismoniy shaxslar birlashmasi qatnashchilarining jamoaviy belgidan foydalanish to‘g‘risidagi kelishuvi (keyingi o‘rinlarda — kelishuv) ilova qilinadi.
15. Kelishuvda quyidagi ma’lumotlar bo‘lishi kerak:
jamoaviy belgini o‘zining nomiga ro‘yxatdan o‘tkazishga vakolat berilgan birlashmaning nomi;
jamoaviy belgidan foydalanish huquqiga ega bo‘lgan shaxslar ro‘yxati (STIR yoki JSHSHIR ko‘rsatilgan holda);
jamoaviy belgi bilan belgilanadigan tovarlarning ro‘yxati va yagona sifat yoki boshqa umumiy ko‘rsatkichlari;
jamoaviy belgidan foydalanish shartlari;
jamoaviy belgidan foydalanishni nazorat qilish tartibi haqidagi qoidalar.
Kelishuvda qatnashchilarning xohishiga ko‘ra boshqa ma’lumotlar ham bo‘lishi mumkin.
Kelishuv jamoaviy belgidan foydalanish huquqiga ega bo‘lgan shaxslar tomonidan imzolanadi.
16. Konvensiya ustuvorligi so‘rab topshirilgan talabnomaga (keyingi o‘rinlarda — konvensiya talabnomasi) talabnoma beruvchi tomonidan Sanoat mulkini muhofaza qilish bo‘yicha Parij konvensiyasi (1883-yil) (keyingi o‘rinlarda — Parij konvensiyasi) qatnashchisi bo‘lgan davlatda topshirilgan birinchi talabnomaning tasdiqlangan nusxasi va uning tarjimasi ilova qilinadi. Ular konvensiya talabnomasi vakolatli organga kelib tushgan sanadan boshlab uch oy muddatdan kechiktirilmay topshiriladi. Birinchi talabnoma nusxasining tarjimasi talabnoma beruvchi tomonidan imzolanadi.
Konvensiya ustuvorligini belgilash to‘g‘risidagi iltimosnoma talabnoma topshirishda (arizaning tegishli grafasida keltiriladi) yoki vakolatli organga talabnoma kelib tushgan sanadan boshlab ikki oy muddat davomida topshirilishi mumkin.
LexUZ sharhiQarang: O‘zbekiston Respublikasi “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi Qonunining 12-moddasi.
17. Ko‘rgazma ustuvorligini so‘rab topshirilgan talabnomaga bunday ustuvorlikni so‘rashning qonuniyligini tasdiqlovchi hujjat ilova qilinadi, u vakolatli organga talabnoma kelib tushgan sanadan boshlab uch oydan kechiktirilmay topshiriladi.
Talabnoma beruvchi tomonidan taqdim etilgan hujjat Parij konvensiyasining qatnashchisi bo‘lgan davlatlardan birining hududida tashkil etilgan ko‘rgazmaning maqomini, ya’ni rasmiy xalqaro ko‘rgazmalarni yoki rasmiy deb tan olingan shunday ko‘rgazmalarni tasdiqlashi va tovarlarni namoyish etgan shaxsning nomini (ismini), belgini, shu belgi qo‘yilgan tovarlar ro‘yxatini, shuningdek, eksponatlarni ochiq namoyish etish boshlangan sanani o‘z ichiga olishi kerak. Hujjat tegishli ko‘rgazmaning vakolatli shaxsi tomonidan tasdiqlangan bo‘lishi kerak.
Ko‘rgazma ustuvorligini belgilash haqidagi iltimosnoma talabnoma topshirishda (arizaning tegishli grafasida keltiriladi) yoki talabnoma vakolatli organga kelib tushgan sanadan so‘ng ikki oy mobaynida taqdim etilishi mumkin.
18. Tovar belgisi va xizmat ko‘rsatish belgisini ro‘yxatdan o‘tkazish uchun ariza mazkur Reglamentga 2-ilovaga muvofiq shaklda topshiriladi.
Boshqa tilda topshirilgan hujjatlar ularning tarjimalari boshqa tilda topshirilgan hujjatlar kelib tushgan sanadan boshlab ikki oy muddat ichida topshirilganda, vakolatli organga kelib tushgan sanadan boshlab topshirilgan deb hisoblanadi, aks holda hujjatlar ularning tarjimalari kelib tushgan sanadan boshlab topshirilgan deb hisoblanadi.
19. Arizaning 750-kodli “Yozishmalar uchun manzil” grafasida xat oluvchining nomi (yuridik shaxslar uchun) yoki ismi (jismoniy shaxslar uchun), shuningdek, to‘liq joylashgan joyi (pochta manzili), telefon raqami, elektron pochtasidan kamida biri ko‘rsatiladi. Ushbu ma’lumotlar uchinchi shaxslar huquq egasi bilan bog‘lanishi uchun ochiq hisoblanadi.
20. Arizaning 210-kodli “Talabnomaning qayd raqami” va 220-kodli “Talabnomaning kelib tushgan sanasi” grafalari ariza vakolatli organga kelib tushgandan keyin rekvizitlarni kiritish uchun mo‘ljallangan.
Ba’zi bir ma’lumotlarni tegishli grafalarda to‘liq joylashtirish imkoni bo‘lmaganda, ular o‘sha shakl bo‘yicha qo‘shimcha varaqda keltiriladi va talabnomaning tegishli grafasida “davomi qo‘shimcha varaqda” deb ko‘rsatiladi.
21. Arizaning 731-kodli “Talabnoma beruvchi” grafasida talabnoma beruvchi to‘g‘risidagi quyidagi ma’lumotlar keltiriladi:
yuridik shaxsning rasmiy nomi (ta’sis hujjati bo‘yicha) yoki jismoniy shaxsning to‘liq ismi, shuningdek:
rezidentlar uchun STIR yoki JSHSHIR, joylashgan joyi (pochta manzili) yoki turar joyi manzili;
norezidentlar uchun Butunjahon intellektual mulk tashkilotining (keyingi o‘rinlarda — BIMT) ST.3 standarti bo‘yicha mamlakat kodi (agar u belgilangan bo‘lsa).
22. Arizaning ustuvorligini belgilash to‘g‘risidagi iltimosnoma ko‘rsatilgan grafa vakolatli organga talabnoma kelib tushgan sanadan oldinroq ustuvorlik so‘ralayotganda, to‘ldiriladi.
Arizaning 310-kodli “Birinchi talabnoma raqami” grafasida konvensiya ustuvorligini so‘rashga asos bo‘layotgan birinchi talabnoma raqami ko‘rsatiladi.
Arizaning “So‘ralayotgan ustuvorlik sanasi” grafasida so‘ralayotgan ustuvorlik sanasi ko‘rsatiladi.
Arizaning 330-kodli “Talabnoma berilgan mamlakatning BIMTning ST.3 standarti bo‘yicha kodi” grafasida talabnoma berilgan mamlakatning BIMTning ST.3 standarti bo‘yicha kodi ko‘rsatiladi.
Arizaning 641-kodli “Dastlabki talabnoma raqami” grafasida ushbu talabnoma ajratib olingan dastlabki talabnoma raqami ko‘rsatiladi.
Arizaning 646-kodli “Xalqaro ro‘yxatdan o‘tkazish raqami” grafasida O‘zbekiston Respublikasi hududida avval muhofaza qilingan tovar belgisining xalqaro ro‘yxatdan o‘tkazish raqami ko‘rsatiladi.
23. Talabnoma beruvchi tomonidan ish olib borish uning vakili orqali amalga oshirilgan holda to‘ldiriladigan arizaning 740-kodli “Vakil” grafasida quyidagi ma’lumotlar keltiriladi: to‘liq nomi yoki ismi, ro‘yxat raqami (patent vakili bo‘lsa), joylashgan joyi (pochta manzili), telefon raqami.
24. Arizaning 540-kodli “Talabnomada ko‘rsatilgan belgining tasviri” grafasida talabnomada ko‘rsatilayotgan belgining fotosurati joylashtiriladi.
Ro‘yxatdan o‘tkazish uchun tovar belgisi sifatida etiketka ko‘rinishidagi belgiga talabnoma topshirilayotganda, belgining tasviri sifatida etiketkaning o‘zi topshirilishi mumkin.
Ro‘yxatdan o‘tkazish uchun tovar belgisi sifatida uch o‘lchamli shaklga ega bo‘lgan belgiga talabnoma topshirilayotganda, 540-kodli “Talabnomada ko‘rsatilgan belgining tasviri” grafasida shu belgining umumiy ko‘rinishdagi tasviri joylashtiriladi. Shuningdek, talabnomada ko‘rsatilgan belgi to‘g‘risida to‘liq tasavvur hosil qiluvchi barcha zarur proyeksiyalarning tasviri (3/4 proyeksiyadagi umumiy ko‘rinishi, old tomondan, orqa tomondan, yon tomondan, ustki tomondan, ostki tomondan) ham keltiriladi.
Talabnomada ko‘rsatilgan belgining tasviri tovar belgisini qaysi rang yoki ranglar birikmasida ro‘yxatdan o‘tkazish so‘ralayotganda, o‘sha rang va ranglar birikmasida topshiriladi.
Belgining tasviri uning barcha elementlarini yaqqol ko‘rish darajasida sifatli bo‘lishi kerak.
Tarkibida so‘zli element mavjud tovar belgisining nomi u berilgan alifboda arizaning 541-kodli “Tovar belgisining nomi” grafasida keltirilishi mumkin.
25. Arizaning 550-kodli “Belgi turiga taalluqli ko‘rsatmalar” grafasi tegishli kataklarda belgilanadi.
26. Arizaning 561-kodli “Belgi yoki uning qismlari transliteratsiyasi” grafasida chet tilida keltirilgan so‘zlarning transliteratsiyasi lotin grafikasiga asoslangan o‘zbek alifbosida keltiriladi.
27. Arizaning 571-kodli “Talabnoma topshirilayotgan belgining tavsifi” grafasida talabnomada ko‘rsatilgan belgining tarkibiy qismlari va har bir elementning to‘liq ta’rifi keltiriladi.
So‘zli belgi yoki uning bir qismi ma’noga ega bo‘lmaganda, uning vujudga kelish usuli quyidagicha keltiriladi: bir necha so‘zlarning boshlang‘ich bo‘g‘inlari, abbreviatura, to‘qib chiqarilgan so‘z va boshqalar.
Belgi yoki uning bir qismi tasviriy bo‘lganda, unga kiruvchi barcha elementlarning tavsifi keltiriladi, shuningdek, ma’nosi bo‘lganda, u ham ko‘rsatiladi.
Yorug‘lik, tovushli, hidli yoki boshqa belgilar grafik ko‘rinishida topshiriladi.
Tovar belgisi sifatida ro‘yxatdan o‘tkazish uchun pozitsion belgiga talabnoma topshirilganda, belgining mahsulotda joylashgan o‘rni keltiriladi.
Tovar belgisi sifatida ro‘yxatdan o‘tkazish uchun harakatdagi belgiga talabnoma topshirilganda, belgida harakatlar ketma-ketligi, vaqtining uzunligi va boshqa o‘ziga xos xususiyatlari keltiriladi.
Tovar belgisi sifatida ro‘yxatdan o‘tkazish uchun yorug‘lik belgisiga talabnoma topshirilganda, yorug‘lik ramzlarining (signallarining) tavsifi, ularning ketma-ketligi, yoritish vaqtining uzunligi va boshqa o‘ziga xos xususiyati keltiriladi.
Tovar belgisi sifatida ro‘yxatdan o‘tkazish uchun tovushli belgiga talabnoma topshirilganda, u tarkib topgan tovush (tovushlar) tavsifi, shuningdek, nota yozuvi yoki chastotalar diagrammasi keltiriladi.
Tovar belgisi sifatida ro‘yxatdan o‘tkazish uchun hidli belgiga talabnoma topshirilganda, kompozitsiya tarkibi va hidni tavsiflovchi kimyoviy birikma formulasi keltiriladi.
28. Rangli belgini ro‘yxatdan o‘tkazish so‘ralayotganda, arizaning 591-kodli “Rangi yoki ranglar uyg‘unligi” grafasida uning rangi yoki ranglar birikmasi ko‘rsatiladi.
Ranglarning tavsifi belgida foydalaniladigan ranglarga mos kelishi kerak. Oq-qora rangdagi belgini ro‘yxatdan o‘tkazish so‘ralayotganda, ko‘rsatilgan grafani to‘ldirish talab etilmaydi.
29. Arizaning 511-kodli “Belgilarni ro‘yxatdan o‘tkazish uchun TXXT sinflari bo‘yicha guruhlangan va davlat ro‘yxatidan o‘tkazish so‘ralayotgan tovarlar va xizmatlar” grafasida tovar belgisini ro‘yxatdan o‘tkazish so‘ralayotgan tovarlar ro‘yxati ko‘rsatiladi.
Arizaning ushbu grafasi ostida bevosita joylashgan “Sinfi” grafasida TXXT bo‘yicha sinf va “Tovarlar va xizmatlar nomi” grafasida tovarlarning nomlari ko‘rsatiladi.
TXXT sinflari bo‘yicha guruhlarga ajratilgan tovarlar birxillashtirish imkonini beruvchi amaldagi TXXT tahririga kiritilgan nomlarga mos bo‘lishi kerak.
30. Arizaning “Ilova qilingan hujjatlar” grafasida talabnomaga aloqador hujjatlar biriktiriladi.
31. Belgi Qonunning 10-moddasi birinchi qismi 1 — 4-bandlarida sanab o‘tilgan elementlarga ega bo‘lganda, talabnomaga tegishli davlat organining yoki belgi egasining ushbu tasvirlardan foydalanishga roziligini tasdiqlovchi hujjat ilova qilinadi.
32. Belgi tarkibida ishlab chiqarishga asos solingan sana, talabnoma beruvchi tomonidan ishlab chiqarilayotgan tovarlar yoki ko‘rsatilayotgan xizmatlarga berilgan mukofotlar, tasviriga oid ko‘rsatmalar bo‘lganda, talabnomaga asos solingan sana va talabnoma beruvchining mukofotlarga bo‘lgan huquqini tasdiqlovchi hujjatlar ilova qilinadi.
33. Vakil orqali topshirilgan talabnomaga unga talabnoma beruvchi tomonidan berilgan va uning vakolatlarini tasdiqlaydigan ishonchnoma ilova qilinadi.
Ishonchnoma talabnoma bilan bir vaqtning o‘zida yoki talabnoma topshirilgan sanadan ikki oydan kechiktirilmay taqdim etiladi.
4-bob. Hujjatlarni topshirish
34. Davlat xizmatidan foydalanishda:
Oldingi tahrirga qarang.
rezidentlar davlat xizmatlari markazi, vakolatli organning maxsus axborot tizimi (keyingi o‘rinlarda — axborot tizimi) yoki O‘zbekiston Respublikasi Yagona interaktiv davlat xizmatlari portali (keyingi o‘rinlarda — YIDXP) orqali;
(34-bandning ikkinchi xatboshisi O‘zbekiston Respublikasi Vazirlar Mahkamasining 2026-yil 9-iyuldagi 375-sonli qarori tahririda — Qonunchilik ma’lumotlari milliy bazasi, 13.07.2026-y., 09/26/375/0726-son)
norezidentlar axborot tizimi orqali vakolatli organga talabnoma topshiradi.
Talabnoma vakolatli organga pochta aloqasi orqali ham topshirilishi mumkin. Bunda talabnoma vakolatli organ tomonidan zudlik bilan axborot tizimiga kiritiladi.
35. Talabnoma topshirilgandan keyingi bosqichlardagi barcha harakatlar axborot tizimi orqali amalga oshiriladi.
36. Axborot tizimi va YIDXP o‘rtasida axborot almashinuvi elektron hukumatning idoralararo ma’lumotlarni uzatish tarmog‘i orqali real vaqt rejimida amalga oshiriladi.
37. Talabnoma beruvchi tomonidan arizani tasdiqlashning rad etilishi, shuningdek, davlat xizmatini ko‘rsatishda patent bojini to‘lamaslik davlat xizmati ko‘rsatishni rad etish uchun asos bo‘ladi.
Talabnomani qabul qilishni boshqa asoslar bo‘yicha rad etish taqiqlanadi.
38. Arizani axborot tizimi yoki YIDXP orqali topshirishda ariza shakli to‘ldirilganidan so‘ng talabnoma beruvchi ma’lumotlarning to‘g‘riligini tekshirib, arizani tasdiqlaydi.
Oldingi tahrirga qarang.
Talabnoma beruvchi davlat xizmatlari markaziga kelib murojaat etganda, ariza davlat xizmatlari markazi xodimi tomonidan to‘ldirilib, talabnoma beruvchi tomonidan tasdiqlangandan so‘ng vakolatli organga elektron shaklda yuboriladi.
(38-band O‘zbekiston Respublikasi Vazirlar Mahkamasining 2026-yil 9-iyuldagi 375-sonli qaroriga asosan ikkinchi xatboshi bilan to‘ldirilgan — Qonunchilik ma’lumotlari milliy bazasi, 13.07.2026-y., 09/26/375/0726-son)
Yuridik shaxs nomidan ariza tashkilot rahbari yoki boshqa vakil qilingan shaxs tomonidan tasdiqlanadi.
Ariza uni pochta aloqasi orqali topshirishda imzolash yo‘li bilan tasdiqlanadi. Bunda tegishli ma’lumotlar qo‘shimcha varaqlarda keltirilganda, ularning har biri imzolanadi.
39. Davlat xizmatini ko‘rsatishda O‘zbekiston Respublikasining “Davlat boji to‘g‘risida”gi Qonunida nazarda tutilgan miqdorda patent boji to‘lanadi va qonunchilik hujjatlarida belgilangan tartibda taqsimlanadi.
Patent boji to‘lovi yagona billing tizimi orqali elektron shaklda amalga oshiriladi.
40. Vakolatli organ talabnomani qabul qilib, ro‘yxatga olganidan so‘ng talabnoma beruvchiga talabnomaning qayd raqami va kelib tushgan sanasi ko‘rsatilgan xabarnomani tegishli ravishda axborot tizimi yoki YIDXP orqali avtomatik tarzda yoxud pochta aloqasi bo‘yicha yuboradi.
Vakolatli organ qabul qilingan talabnoma to‘g‘risidagi ma’lumotlarni bir ish kuni mobaynida axborot tizimiga barcha foydalanishi mumkin bo‘lgan ko‘rinishda joylashtiradi.
41. Talabnoma haqidagi ma’lumotlar axborot tizimiga joylashtirilgandan so‘ng ekspertiza qarori qabul qilingunga qadar manfaatdor shaxslar vakolatli organga nohalol topshirilgan talabnomalar haqidagi yozma e’tirozlarini taqdim etishlari mumkin.
Manfaatdor shaxsga yozma e’tiroz ko‘rib chiqish uchun qabul qilinganligi to‘g‘risida hamda talabnoma beruvchiga ushbu yozma e’tirozlar kelib tushganligi to‘g‘risida O‘zbekiston Respublikasi Adliya vazirligi huzuridagi “Intellektual mulk markazi” davlat muassasasi (keyingi o‘rinlarda — Markaz) tomonidan besh ish kuni mobaynida ma’lum qilinadi.
Yozma e’tirozda keltirilgan vajlarga belgining ekspertizasi davomida tegishli baho beriladi va yakunlari bo‘yicha e’tiroz bergan shaxsga ekspertiza qarori qabul qilingan kundan e’tiboran besh ish kuni davomida javob beriladi.
5-bob. Talabnoma bo‘yicha ishlarni olib borish
42. Talabnoma topshirilgandan keyin yuboriladigan materialda talabnoma raqami ko‘rsatilishi shart. Talabnoma raqami ko‘rsatilmagan materiallar ko‘rib chiqilmasdan qaytarib yuboriladi.
43. Talabnoma beruvchi talabnomaga kuyidagi tuzatish, aniqlik va to‘ldirishlar kiritishi mumkin:
talabnoma beruvchi nomini (ismini) yoki uning vakilini o‘zgartirish;
talabnoma beruvchi yoki uning vakili manzilini, yozishmalar olib boriladigan manzilni o‘zgartirish;
talabnoma beruvchini o‘zgartirish;
kelishuvga o‘zgartirish kiritish;
xatolarni tuzatish;
tovarlar ro‘yxatini qisqartirish.
44. Talabnoma materiallariga mazkur Reglamentning 47-bandida nazarda tutilgan o‘zgartirishlardan boshqa tuzatish, aniqlik va to‘ldirishlar kiritish talabnoma beruvchi tomonidan mazkur Reglamentga 3-ilovaga muvofiq ariza topshirish yo‘li bilan amalga oshiriladi.
45. Mazkur Reglamentga 3-ilovaga muvofiq topshirilgan ariza vakolatli organga kelib tushganligi va uni ko‘rib chiqish natijalari to‘g‘risida talabnoma beruvchiga xabar beriladi.
46. Talabnoma materiallariga tuzatish, aniqlik va to‘ldirishlar kiritish uchun patent boji to‘lanadi. Patent boji to‘lanmaganda, yoki to‘langan patent bojining miqdori belgilangan miqdordan kam bo‘lganda, materiallar ko‘rib chiqishga qabul qilinmaydi va bu haqda talabnoma beruvchiga xabar beriladi.
47. Talabnoma materiallariga talabnoma beruvchini o‘zgartirish to‘g‘risidagi yozuvlarni kiritish talabnoma beruvchi tomonidan ariza topshirish yo‘li bilan amalga oshiriladi. Arizada huquq o‘zga shaxsga o‘tkazilishi ko‘rsatilishida ushbu Reglamentning 19 va 21-bandlarida ko‘rsatilgan ma’lumotlar bo‘lishi kerak.
Ushbu ariza bilan birga huquqni topshiruvchi va huquqni qabul qilib oluvchi tomonidan imzolangan huquq o‘tkazilganligini tasdiqlovchi dalolatnoma mazkur Reglamentga 4-ilovaga muvofiq taqdim qilinadi.
Belgilangan talablarga rioya qilinganda, talabnoma beruvchiga talabnoma materiallariga talabnoma beruvchining o‘zgartirilganligi to‘g‘risida qayd kiritilganligi haqida xabar beriladi. Keyingi barcha yozishmalar yangi talabnoma beruvchi bilan olib boriladi.
Talabnoma beruvchiga talabnoma materiallariga o‘zgartirish kiritilganligi to‘g‘risidagi xabarnoma yuborilgan sana huquq yangi talabnoma beruvchiga o‘tgan sana deb hisoblanadi.
Belgilangan talablarga rioya qilinmaganda, talabnoma beruvchi va huquqni qabul qilib oluvchiga taqdim etilgan hujjatlarga aniqliklar va tuzatishlar kiritish zarurligi yoki talabnoma materiallariga talabnoma beruvchini o‘zgartirish haqidagi qaydni kiritish mumkin emasligi to‘g‘risida tegishli sabablar ko‘rsatilgan holda xabarnoma yuboriladi.
48. Bir nechta tovarlar keltirilgan talabnomani talabnoma beruvchining yozma iltimosnomasiga ko‘ra ikkita yoki bir nechta talabnomaga ajratish (keyingi o‘rinlarda — ajratilgan talabnoma) mumkin.
Bunda dastlabki talabnoma ko‘rib chiqishga qabul qilingan va chaqirib olinmagan bo‘lishi kerak, ajratilgan talabnoma talabnoma beruvchi tomonidan dastlabki talabnoma bo‘yicha qaror qabul qilingunga qadar topshiriladi, ajratilgan talabnomada ko‘rsatilgan tovarlar dastlabki talabnomada qoldirilgan tovarlar bilan bir xil bo‘lmasligi lozim.
Iltimosnomaga mazkur Reglamentning 13 — 17-bandlariga muvofiq rasmiylashtirilgan hujjatlar ilova qilinadi va talabnomani ajratish uchun belgilangan miqdorda patent boji to‘lanadi.
Mazkur band talablariga rioya qilinganda, talabnomani ajratish to‘g‘risidagi iltimosnoma qanoatlantiriladi va talabnoma beruvchi bu haqda xabardor qilinadi.
Iltimosnoma qanoatlantirilganda, dastlabki talabnomada ko‘rsatilgan tovarlar ro‘yxatiga ajratilgan talabnomaga kiritilgan tovarlar dastlabki talabnomadan chiqarib tashlanganligi haqida o‘zgartishlar kiritiladi.
49. Talabnoma beruvchi tomonidan taqdim etilgan qo‘shimcha materiallar mazkur Reglamentning 98-bandiga muvofiq ko‘rib chiqiladi.
50. Talabnoma bilan bog‘liq savollarni talabnoma beruvchi ishtirokida ko‘rib chiqish, qoida tariqasida, talabnoma topshirilgan belgi va tovarlar ro‘yxati bo‘yicha ekspertiza tomonidan qo‘shimcha tushuntirishlar olish zarurati paydo bo‘lgan holatda hamda belgining ro‘yxatdan o‘tkazish shartlariga muvofiqligi to‘g‘risida ekspertizaning va talabnoma beruvchining pozitsiyasini aniqlash uchun o‘tkaziladi.
Savollarni talabnoma beruvchi ishtirokida ko‘rib chiqish tomonlar savollar bilan tanishib chiqqandan so‘ng Markaz taklifiga yoki talabnoma beruvchining iltimosiga binoan o‘tkaziladi. Ekspertizaning savollari qo‘shimcha ravishda uchrashuvning maqsadga muvofiqligi xabar qilingan ekspertiza so‘rovnomasida, talabnoma beruvchining savollari esa bunday ko‘rib chiqishni o‘tkazish haqidagi iltimosnomada bayon etiladi.
Ekspertiza so‘rovnomasi yuborilganda, talabnoma beruvchi savollarni ko‘rib chiqishda qatnashish niyatidan qat’i nazar so‘rovnomaga Qonunda belgilangan muddatda javob berishi kerak.
51. Talabnoma beruvchi ishtirokida savollarni ko‘rib chiqish sanasi va vaqti oldindan kelishib olinadi.
52. Talabnoma beruvchi ishtirokida savollarni ko‘rib chiqish muzokaralar yo‘li bilan yoki ekspert kengashida amalga oshiriladi.
Savollar bevosita ekspert va talabnoma beruvchi tomonidan hal qilinishi mumkin bo‘lganda, ular o‘rtasida muzokaralar olib boriladi. Muzokaralar Markazning tegishli tarkibiy bo‘linmasi rahbari yoki Markaz rahbari tayinlagan boshqa mas’ul xodim ishtirokida o‘tkaziladi.
Savollarni hal qilish uchun mutaxassislar ishtiroki talab qilinganda, ekspert kengashi o‘tkaziladi.
Muzokaralar yoki ekspert kengashi natijalari bo‘yicha ikki nusxada belgilangan shakldagi bayonnoma tuziladi va unda qatnashchilar, tomonlar keltirgan dalil va takliflar haqidagi ma’lumotlar hamda keyingi ish yuritish haqida xulosalar keltiriladi.
Savollarni ko‘rib chiqishda qatnashuvchilarning barchasi bayonnomani imzolaydi. Bayonnomaning bir nusxasi talabnoma materiallariga qo‘shib qo‘yiladi, ikkinchisi talabnoma beruvchiga topshiriladi.
53. Muhokama qilinayotgan masalalar bo‘yicha bir xulosaga kelinmaganda, ko‘rib chiqishda qatnashuvchilarning alohida fikrlari bayonnomada qayd etiladi. Bayonnoma nusxasining talabnoma beruvchiga topshirilishi ish yuritish to‘xtatilganligi to‘g‘risidagi xabarnomaning (talabnoma chaqirib olinganda) yoki ekspertiza so‘rovnomasining o‘rnini bosishi mumkin (javob berishning belgilangan muddatlari buzilmaganda) va bu holat bayonnomada tegishli yozuv bilan rasmiylashtiriladi.
54. Talabnoma beruvchi talabnomani chaqirib olish huquqiga ega.
Talabnomani chaqirib olish to‘g‘risidagi ariza talabnomani ko‘rib chiqishning istalgan bosqichida, lekin tovar belgisini ro‘yxatdan o‘tkazish sanasiga qadar topshirilishi mumkin. Talabnoma beruvchiga talabnomani chaqirib olish to‘g‘risidagi ariza inobatga olinganligi haqida xabarnoma yuborilgan sanadan boshlab talabnoma chaqirib olingan deb hisoblanadi.
55. Jamoaviy tovar belgisiga talabnoma ushbu belgidan foydalanish huquqiga ega bo‘lgan yuridik va jismoniy shaxslarning kelishuviga muvofiq chaqirib olinishi mumkin.
56. Chaqirib olingan talabnoma bo‘yicha huquqiy ahamiyatga ega harakatlar amalga oshirilmaydi. Boshqa talabnomalarning ekspertizasini o‘tkazishda chaqirib olingan talabnoma e’tiborga olinmaydi.
6-bob. Talabnomani ko‘rib chiqish
57. Talabnomaga axborot tizimida avtomatik ravishda ikki harfli va to‘qqiz xonali ro‘yxat raqami beriladi, bunda harflar (TV) sanoat mulki obyekti — tovar belgisini, talabnoma raqamidagi dastlabki to‘rtta son — talabnoma topshirilgan yilni, keyingi beshta son — shu yildagi har yili birdan boshlanadigan tartib raqamini bildiradi.
58. Talabnomani davlat ekspertizasidan o‘tkazish rasmiy ekspertizadan o‘tkazish hamda talabnomada ko‘rsatilgan belgini ekspertizadan o‘tkazishdan iborat bo‘lib, Markaz tomonidan amalga oshiriladi.
Agar mazkur Reglamentda boshqacha tartib nazarda tutilgan bo‘lmasa, davlat ekspertizasi bosqichidagi talabnoma bo‘yicha yozishmalar Markaz bilan olib boriladi.
59. Rasmiy ekspertizaning vazifasi talabnoma materiallari tarkibi, zarur hujjatlar mavjudligi va ularning belgilangan talablarga muvofiqligini tekshirishdan iborat.
Rasmiy ekspertiza natijalari bo‘yicha talabnoma beruvchiga Markazning talabnomani ko‘rib chiqishga qabul qilinganligi yoki qabul qilishni rad etish haqidagi qarori yuboriladi.
60. Rasmiy ekspertiza talabnoma axborot tizimida qabul qilingan sanadan boshlab o‘ttiz kun davomida o‘tkaziladi.
61. Rasmiy ekspertiza jarayonida zarur hujjatlarning mavjudligi, shuningdek, ularning belgilangan talablarga muvofiqligi tekshiriladi.
Tekshirish quyidagi hujjatlar va ma’lumotlarga nisbatan o‘tkaziladi:
ariza;
talabnoma beruvchining to‘liq nomi (ismi) va manzili ko‘rsatilganligi;
vakilning to‘liq nomi yoki ismi (vakil mavjud bo‘lganda);
ro‘yxatdan o‘tkazish so‘ralayotgan belgining tasviri;
ro‘yxatdan o‘tkazish so‘ralayotgan tovarlar ro‘yxati;
konvensiya ustuvorligi so‘ralganda, birinchi talabnoma nusxasi;
ko‘rgazma ustuvorligini so‘rash qonuniyligini tasdiqlaydigan hujjat;
tovarlar ro‘yxatini va ularning TXXT sinflari bo‘yicha guruhlanishi to‘g‘riligini tekshirish;
patent bojining belgilangan miqdorga muvofiqligi;
kelishuv (talabnoma jamoaviy belgiga oid bo‘lganda);
ishonchnoma (vakil mavjud bo‘lganda);
ajratilgan talabnoma topshirilganda, talabnomani tovar belgisiga berilgan raqami ko‘rsatilgan dastlabki talabnomadan ajratish to‘g‘risidagi iltimosnoma;
boshqa tilda topshirilgan materiallarning tarjimasi.
62. Talabnoma topshirilgan sana u vakolatli organga kelib tushgan sanaga qarab belgilanadi.
63. Talabnoma materiallarida mazkur Reglamentning 61-bandi beshinchi, sakkizinchi, to‘qqizinchi, o‘n ikkinchi xatboshilarida ko‘rsatilgan ma’lumotlar va hujjatlarning mavjud emasligi yoki ularning ushbu Reglament talablariga muvofiq emasligi talabnomani ko‘rib chiqishga qabul qilinganligi haqida qaror chiqarish uchun to‘siq bo‘la olmaydi.
64. Talabnoma beruvchi tomonidan patent boji davlat ekspertizasini o‘tkazish uchun belgilangan miqdordan kam miqdorda to‘langanda, davlat ekspertizasini o‘tkazish talabnomada birinchi bo‘lib ko‘rsatilgan va patent boji yetarli miqdorda to‘langan TXXTning sinflariga nisbatan belgini ro‘yxatdan o‘tkazish uchun amalga oshiriladi.
Talabnoma beruvchi yetishmayotgan patent bojini qo‘shimcha ravishda to‘lanishi to‘g‘risida xabarnoma yuborilgan sanadan boshlab uch oy mobaynida zarur summani to‘lash huquqiga ega.
65. TXXTning talabnoma beruvchi tomonidan sanab o‘tilgan tovarlarga mos sinflari soni talabnoma topshirish uchun patent boji to‘langan sinflar sonidan ortiq bo‘lganda, talabnoma beruvchiga bojning yetishmagan qismini to‘lash yoki huquq hajmini cheklash (talabnomada keltirilgan TXXT sinflari sonini qisqartirish) to‘g‘risida xabarnoma yuboriladi.
Talabnoma beruvchi patent bojining yetishmagan qismini to‘lashdan yoki huquq hajmini kamaytirishdan bosh tortsa, talabnomada keltirilgan belgi ekspertizasi TXXTning birinchi bo‘lib keltirilgan sinflariga nisbatan o‘tkaziladi.
66. Rasmiy ekspertiza o‘tkazish jarayonida talabnoma materiallari mazkur Reglamentning talablariga rioya qilinmagan holda rasmiylashtirilganligi aniqlanganda, talabnoma beruvchiga ekspertiza so‘rovnomasi yuboriladi va so‘rovnomada aniqlangan kamchiliklar ko‘rsatiladi.
67. Taqdim etilgan hujjatlar ushbu Reglamentning 19 — 30-bandlaridagi talablarni buzgan holda rasmiylashtirilganligi, shuningdek, ushbu Reglamentning 61-bandida nazarda tutilgan hujjatlar va ma’lumotlarning mavjud emasligi rasmiy ekspertiza bosqichida so‘rovnoma yuborish uchun asos bo‘ladi.
68. Talabnoma beruvchi taqdim etgan javobda so‘ralgan barcha hujjatlar va ma’lumotlar bo‘lmaganda, ekspertiza so‘rovnomasi takroran yuboriladi.
69. Talabnoma materiallari belgilangan talablarga zid emasligi haqidagi xulosaga kelinganda, talabnoma topshirilgan sanani belgilash va talabnomani ko‘rib chiqishga qabul qilish to‘g‘risidagi rasmiy ekspertizaning qarori qabul qilinadi va talabnoma beruvchiga yuboriladi.
70. Rasmiy ekspertiza tomonidan talabnoma materiallarining Qonun va mazkur Reglament qoidalariga zid ekanligining aniqlanishi talabnomani ko‘rib chiqish uchun qabul qilishni rad etish to‘g‘risida qaror qabul qilishga asos bo‘ladi.
71. Talabnomani ko‘rib chiqishga qabul qilish yoki talabnomani ko‘rib chiqishga qabul qilishni rad etish to‘g‘risidagi qarorda tegishli qarorni qabul qilish asoslari keltiriladi.
72. Talabnomada ko‘rsatilgan belgi ekspertizasi davomida quyidagilar amalga oshiriladi:
talabnoma materiallari va unga ilova qilingan hujjatlarning mazkur Reglamentning 3-bobida nazarda tutilgan talabnoma mazmuni va rasmiylashtirilishiga bo‘lgan talablarga muvofiqligini qayta tekshirish;
Qonunning 12-moddasiga ko‘ra tovar belgisi ustuvorligini belgilash;
talabnomada ko‘rsatilgan belgi Qonunning 3, 10-moddalariga (Qonunning 10-moddasi birinchi qismi 14-bandi bundan mustasno) va mazkur Reglament 7 — 10-bandlariga (7-bandning “o” kichik bandi bundan mustasno) muvofiqligini tekshirish.
Talabnomada ko‘rsatilgan belgi ekspertizasi talabnoma topshirilgan sanadan e’tiboran yetti oy ichida, biroq olti oydan keyin amalga oshiriladi.
73. Tovarlar ro‘yxatini tekshirish davomida talabnoma beruvchi tomonidan tovarlarning TXXT sinflari bo‘yicha to‘g‘ri guruhlanganligi tekshirilib, tovarlarni belgilash uchun foydalanilgan atamalarni TXXTning biron bir sinfidagi aniq tovar bilan bir xil identifikatsiya qilish imkoniyati aniqlanadi.
Talabnomada ko‘rsatilgan tovarlar ro‘yxatini tuzatish zarurati tug‘ilganda, talabnoma beruvchiga ekspertiza so‘rovnomasi yuboriladi. So‘rovnomaga belgilangan muddat ichida javob berilmaganda, ro‘yxatdagi tuzatish talab etilmaydigan tovarlar bo‘yicha ekspertiza davom ettiriladi.
74. Ajratilgan talabnoma bo‘yicha tovarlar ro‘yxatini tekshirish davomida quyidagilar aniqlanadi:
ajratilgan talabnomada ko‘rsatilgan tovarlarning tovar belgisiga topshirilgan dastlabki talabnomada mavjudligi;
ajratilgan talabnomada ko‘rsatilgan tovarlarning tovar belgisiga topshirilgan dastlabki talabnomada qolganlari bilan bir turda emasligi.
75. Ekspertiza davomida talabnoma beruvchiga belgining belgilangan talablarga muvofiqligini tekshirish natijalari bo‘yicha ekspertiza so‘rovnomasi yuborilishi mumkin.
76. Tovar belgisining ustuvorligi talabnoma vakolatli organga kelib tushgan sanaga qarab belgilanadi.
Tovar belgisining ustuvorligi, shuningdek, Parij konvensiyasiga a’zo davlatda topshirilgan birinchi talabnoma sanasi bo‘yicha yoki Parij konvensiyasiga a’zo davlatlardan birining hududida tashkil qilingan rasmiy yoki rasmiy tan olingan xalqaro ko‘rgazmada ushbu belgi bilan belgilangan eksponatlarning ochiq namoyish qilingan sanasi bo‘yicha belgilanishi mumkin, agar Qonunning 12-moddasi ikkinchi, uchinchi va to‘rtinchi qismida nazarda tutilgan talablarga rioya qilingan bo‘lib, talabnoma beruvchi tomonidan so‘ralayotgan ustuvorlikni tasdiqlaydigan zarur hujjatlar taqdim etilgan bo‘lsa.
77. Qonunning 12-moddasi ikkinchi va to‘rtinchi qismlariga muvofiq konvensiya ustuvorligi so‘ralganda, quyidagilar tekshiriladi:
talabnoma beruvchi tomonidan Parij konvensiyasiga a’zo davlatda topshirilgan birinchi talabnomaning nusxasi mavjudligi, agar ko‘rsatilgan nusxa talabnoma vakolatli organga kelib tushgan sanadan keyin taqdim etilsa, talabnoma nusxasi taqdim etilishi kerak bo‘lgan uch oylik muddatga rioya qilinganligi;
birinchi talabnoma topshirilgan sanadan hisoblanadigan konvensiya ustuvorligi so‘ralgan talabnomaning topshirilishida olti oylik muddatga rioya qilinganligi;
konvensiya ustuvorligini belgilash haqidagi iltimosnoma vakolatli organga talabnoma topshirilgan sanadan boshlab ikki oy ichida berilganligi;
talabnomada ko‘rsatilgan belgi va tovarlar ro‘yxatining birinchi talabnomadagi belgi va tovarlar ro‘yxatiga muvofiqligi.
Bunda taqdim etilayotgan tovarlar ro‘yxati birinchi talabnomada ko‘rsatilgan tovarlarning hammasini ham o‘z ichiga olmagan bo‘lishi mumkin.
78. Ko‘rgazma ustuvorligi so‘ralganda, Qonunning 12-moddasi uchinchi va to‘rtinchi qismlariga muvofiq quyidagilar tekshiriladi:
ko‘rgazma ustuvorligini tasdiqlaydigan hujjat mavjudligi va mazkur Reglamentning 17-bandida nazarda tutilgan talablarga muvofiqligi;
talabnoma beruvchi tomonidan eksponat ko‘rgazmada ochiq namoyish etila boshlangan sanadan boshlab olti oylik muddatda talabnoma topshirilganligi;
ko‘rgazma ustuvorligini belgilash to‘g‘risidagi iltimosnomani vakolatli organga talabnoma kelib tushgan sanadan ikki oydan oshmagan muddatda taqdim etilganligi;
tovar ko‘rgazmada namoyish etilganda, talabnomada ko‘rsatilgan belgi namoyish etilgan tovarlardagi belgiga muvofiqligi.
79. Talabnoma beruvchi tomonidan ushbu Reglamentning 77 va 78-bandlarida ko‘rsatilgan talablarning birortasi bajarilmaganda, tovar belgisining ustuvorligi mazkur Reglamentning 76-bandiga muvofiq belgilanadi hamda bu haqda talabnoma beruvchiga xabarnoma yuboriladi.
80. Talabnoma beruvchining ajratilgan talabnoma bo‘yicha tovar belgisi ustuvorligi vakolatli organga dastlabki talabnoma topshirilgan sana bo‘yicha belgilanadi. Dastlabki talabnoma bo‘yicha oldinroq ustuvorlik belgilash huquqi mavjud bo‘lganda, agar ajratilgan talabnoma topshirilgan sanagacha dastlabki talabnoma chaqirib olingan bo‘lmasa va ajratilgan talabnoma dastlabki talabnoma bo‘yicha qaror qabul qilinishidan oldin topshirilgan bo‘lsa, ustuvorlik ushbu ustuvorlik sanasi bo‘yicha belgilanadi.
81. Ajratilgan talabnoma bo‘yicha ustuvorlikni belgilashda Qonunning 12-moddasi beshinchi qismiga muvofiq quyidagi shartlarga rioya qilinganligi tekshiriladi:
xuddi o‘sha talabnoma beruvchining tovar belgisiga topshirilgan dastlabki talabnomani ajratish to‘g‘risida iltimosnomaning mavjudligi;
dastlabki talabnoma chaqirib olinmaganligi;
ajratilgan talabnomaning dastlabki talabnoma bo‘yicha qaror qabul qilinmay turib amalga oshirilganligi;
talabnoma topshirilayotgan belgining dastlabki talabnomadagi belgiga muvofiqligi;
ajratilgan talabnomada ko‘rsatilgan tovarlar dastlabki talabnomada ko‘rsatilganligi.
82. Belgi Qonunning 3 va 10-moddalarida (10-modda birinchi qismining 14-bandi bundan mustasno) va ushbu Reglamentning 7 — 10-bandlarida (7-bandning “o” kichik bandi bundan mustasno) belgilangan talablarga muvofiq tekshiriladi.
Belgi faqat mazkur Reglament 7-bandining “a” — “z” kichik bandlarida ko‘rsatilgan belgilardan iborat bo‘lsa yoki uning elementlari sifatida mazkur Reglament 7-bandining “i” — “m” kichik bandlarida ko‘rsatilgan belgilardan birini o‘z ichiga olsa, shu belgini tovar belgisi sifatida ro‘yxatga olish mumkin emasligi haqida xulosa qilinadi.
Belgi faqat mazkur Reglament 7-bandining “a” — “z” kichik bandlarida nazarda tutilgan muhofazaga layoqatli bo‘lmagan belgilardan iborat bo‘lmasa, lekin ulardan birini o‘z ichiga olgan bo‘lsa:
mazkur Reglament 7-bandining “a” — “g” kichik bandlarida ko‘rsatilgan belgilar mavjud bo‘lganda, tegishli vakolatli organ yoki ularning egalarining roziligi tasdiqlangan hujjat mavjudligi tekshiriladi. Bunday roziliksiz tovar belgisini ro‘yxatdan o‘tkazishga yo‘l qo‘yilmaydi;
ushbu Reglament 7-bandining “d” — “z” kichik bandlarida ko‘rsatilgan belgilar mavjud bo‘lganda, ular tovar belgisida ustun mavqega egaligi tekshiriladi.
83. Barcha elementlarda belgi boshqa belgi bilan mos tushsa, aynan bir xil deb hisoblanadi.
Belgi belgiga umuman olganda, yoki qisman o‘xshash bo‘lsa, alohida farqlariga qaramasdan boshqa belgi bilan adashtirib yuborish darajasida o‘xshash deb hisoblanadi.
Belgilar o‘xshashligini baholash belgilarning har qanday xususiyatlari, shu jumladan, so‘zli yoki grafik elementlar, ularning kompozitsion va rang-grafik yechimi va boshqalar ta’siri ostida shakllanadigan umumiy tasavvur asosida amalga oshiriladi.
84. Aynan bir xillik va o‘xshashlikni tekshirishda quyidagi amallar bajariladi:
aynan bir xil va o‘xshash belgilarni izlash o‘tkaziladi;
talabnomada ko‘rsatilgan va izlashda topilgan belgilarning o‘xshashlik darajasi aniqlanadi;
izlashda aniqlangan tovar belgilari qaysi tovarlar uchun ro‘yxatga olingan (talabnoma topshirilgan) bo‘lsa, ushbu tovarlar bilan talabnomada ko‘rsatilgan tovarlarning turdoshligi aniqlanadi.
85. Qonunning 10-moddasi birinchi qismining 13-bandida sanab o‘tilgan belgilar orasida aynan bir xillik va adashtirib yuborish darajasida o‘xshashlik bo‘yicha izlash o‘tkaziladi.
86. So‘zli belgilarning o‘xshashligini aniqlash uchun ular quyidagilar bilan taqqoslanadi:
so‘zli belgilar bilan;
tarkibiga so‘zli belgilar kirgan jamlama belgilar bilan.
So‘zli belgilar o‘xshashligi tovushli (fonetik), grafik (ko‘z bilan ko‘radigan) va mazmunan (semantik) bo‘lishi mumkin.
87. Tovushli o‘xshashlik quyidagi alomatlar asosida aniqlanadi:
a) taqqoslanayotgan belgilarda yaqin va mos tushadigan tovushlar mavjudligi;
b) belgilarni tashkil qiluvchi tovushlarning yaqinligi;
v) yaqin tovushlar va tovush birikmalarining bir-biriga nisbatan joylashishi;
g) mos bo‘g‘inlar mavjudligi va ularning joylashishi;
d) belgilardagi bo‘g‘inlar soni;
e) mos tovush birikmalarining belgi tarkibidagi o‘rni;
j) unli tovushlar tarkibining yaqinligi;
z) undosh tovushlar tarkibining yaqinligi;
i) belgilari bir-biriga mos qismlarining tavsifi;
k) bir belgining ikkinchisiga kirishi;
l) urg‘u.
88. Grafik o‘xshashlik quyidagi alomatlar asosida aniqlanadi:
a) umumiy ko‘rish taassuroti;
b) shrift turi;
v) harflar tavsifini hisobga olgan holda grafik yozilishi (bosma yoki yozma, bosh yoki kichik harf);
g) harflarning bir-biriga nisbatan joylashishi;
d) so‘z harflari yozilgan alifbo;
e) rang yoki ranglar uyg‘unligi.
89. Mazmunan o‘xshashlik quyidagi alomatlar asosida aniqlanadi:
belgilarda ifodalangan tushunchalar, g‘oyalarning sinonim o‘xshashligi;
belgining mantiqiy urg‘u berilgan va mustaqil ahamiyatga ega bo‘lgan birorta elementga mos tushishi;
Oldingi tahrirga qarang.
(89-bandning to‘rtinchi xatboshisi O‘zbekiston Respublikasi Vazirlar Mahkamasining 2026-yil 9-iyuldagi 375-sonli qaroriga asosan chiqarilgan — Qonunchilik ma’lumotlari milliy bazasi, 13.07.2026-y., 09/26/375/0726-son)
Oldingi tahrirga qarang.
Agar so‘zli belgilar mazmunan (semantik) ma’noga ega bo‘lmasa, ushbu banddagi alomatlar qo‘llanilmaydi.
(89-band O‘zbekiston Respublikasi Vazirlar Mahkamasining 2024-yil 19-dekabrdagi 859-sonli qaroriga asosan xatboshi bilan to‘ldirilgan — Qonunchilik ma’lumotlari milliy bazasi, 23.12.2024-y., 09/24/859/1047-son)
90. Mazkur Reglamentning 87 — 89-bandlarida sanab o‘tilgan alomatlar har biri alohida va turli birikmalarda hisobga olinishi mumkin.
91. Tasviriy va hajmli belgilarning o‘xshashligini aniqlash uchun ular quyidagilar bilan taqqoslanadi:
tasviriy belgilar;
hajmli belgilar;
tarkibiga tasviriy yoki hajmli elementlar kirgan jamlama belgilar.
92. Tasviriy va hajmli belgilarning o‘xshashligi quyidagi alomatlar asosida aniqlanadi:
tashqi shakli;
simmetriya mavjudligi va mavjud emasligi;
mazmun-mohiyati;
tasvir ko‘rinishi va tavsifi (tabiiy ko‘rinishi, o‘ziga xosligi, hajviy va boshqalar);
ranglar va tuslar uyg‘unligi.
Mazkur bandda nazarda tutilgan alomatlarning har biri alohida va turli birikmalarda hisobga olinishi mumkin.
93. Jamlama belgining o‘xshashligini aniqlash uchun ular quyidagilar bilan taqqoslanadi:
jamlama belgilar;
tekshirilayotgan jamlama belgi tarkibiga uning elementi sifatida kiradigan belgilar turi.
Jamlama belgilarning o‘xshashligini aniqlashda mazkur Reglamentning 86 — 92-bandlarida keltirilgan alomatlardan foydalaniladi va aynan o‘xshash yoki o‘xshash elementning talabnomada ko‘rsatilgan belgidagi holatining ahamiyati tekshiriladi.
94. Tovarlarning turdoshliligini belgilashda iste’molchida shu tovarlar bitta ishlab chiqaruvchiga qarashli degan qat’iy tasavvur paydo bo‘lish imkoniyati aniqlanadi.
Tovarlar turdoshliligini belgilashda esa tovarlar turi, bajaradigan vazifasi, ular tayyorlangan material turi, tovarlarning o‘zaro bir-birini to‘ldirishi yoki o‘zaro bir-birining o‘rnini bosa olishi, tovarlarni sotish sharti, iste’molchilar doirasi va boshqa alomatlar hisobga olinadi.
95. Qo‘shimcha materiallarsiz talabnomada ko‘rsatilgan belgining ekspertizasini o‘tkazish mumkin bo‘lmaganda, Qonunning 13-moddasi to‘rtinchi qismiga muvofiq talabnoma beruvchiga ekspertiza so‘rovnomasi yuboriladi.
Ekspertiza so‘rovnomasini yuborish uchun quyidagi holatlar asos bo‘ladi:
ushbu Reglamentning 15 — 17, 31 — 33-bandlarida ko‘rsatilgan hujjatlarni taqdim etish zarurati;
tovar tasnifi va ro‘yxatini, shu jumladan, ajratilgan talabnomada ko‘rsatilgan tovarlar ro‘yxati ushbu Reglamentning 48-bandi ikkinchi xatboshisi talablariga mos kelmagan hollarda aniqlashtirish zarurati;
talabnomada ko‘rsatilgan tovarlar ro‘yxati tasnifini aniqlashtirish natijasida to‘langan patent boji TXXT sinflari soniga to‘g‘ri kelmasligi aniqlanganda, patent bojining yetishmagan qismini to‘lash zarurati;
talabnomada ko‘rsatilgan belgi tavsifiga aniqlik kiritish zarurati;
barcha tovarlar yoki ularning bir qismi uchun ro‘yxatdan o‘tkazishga avvalroq topshirilgan o‘xshash tovar belgilari yoki boshqa belgilar aniqlanganligi sababli yuzaga kelgan savollarni hal qilish zarurati.
Mazkur bandda nazarda tutilgan asoslar bo‘yicha tuzilgan ekspertiza so‘rovnomasiga talabnomani ko‘rib chiqishda kelib chiqqan boshqa xususiyatdagi savollar, shuningdek, ustuvorlikni belgilash bilan bog‘liq savollar kiritilishi mumkin.
96. Ekspertizaning so‘rovnomada keltirilgan fikri, xususan, Qonun moddalari, mazkur Reglament va boshqa normativ-huquqiy hujjatlarga izoh berilgan holda asoslangan bo‘lishi kerak.
97. Talabnoma beruvchi tomonidan ekspertiza so‘rovnomasi bo‘yicha taqdim etilgan qo‘shimcha materiallar ushbu Reglamentning 98-bandiga muvofiq ko‘rib chiqiladi.
98. Talabnoma beruvchi tomonidan ekspertiza so‘rovnomasi bo‘yicha yoki o‘z tashabbusiga ko‘ra qo‘shimcha materiallar taqdim etilsa, ular ko‘rib chiqishga qabul qilinadi va talabnoma mohiyatini o‘zgartirmasligi tekshiriladi.
Quyidagi hollarda qo‘shimcha materiallar talabnoma mohiyatini o‘zgartiradi deb e’tirof etiladi:
qo‘shimcha materiallar talabnomada ko‘rsatilgan belgini o‘zgartirishi mumkin bo‘lganda;
qo‘shimcha materiallar talabnomada ko‘rsatilmagan tovarlardan iborat bo‘lganda.
99. Talabnoma materiallari belgilangan talablarga zid emasligi haqidagi xulosaga kelinganda, tovar belgisini ro‘yxatdan o‘tkazish to‘g‘risidagi ekspertizaning qarori qabul qilinadi va talabnoma beruvchiga yuboriladi.
100. Ekspertiza tomonidan talabnoma materiallarining Qonun va mazkur Reglament qoidalariga zid ekanligining aniqlanishi tovar belgisini ro‘yxatdan o‘tkazishni rad etish to‘g‘risidagi qaror qabul qilishga asos bo‘ladi.
101. Tovar belgisini ro‘yxatdan o‘tkazish yoxud uni ro‘yxatdan o‘tkazishni rad etish to‘g‘risidagi qarorda tegishli qarorni qabul qilish asoslari keltiriladi.
102. Belgi Qonunning 3 va 10-moddalarida (10-modda birinchi qismining 14-bandi bundan mustasno) ko‘rsatilgan talablarga tovarlarning bir qismi uchun javob berganda, tovar belgisini ro‘yxatdan o‘tkazish to‘g‘risidagi qaror tovarlarning shu qismiga nisbatan qabul qilinadi.
103. Tovar belgisini ro‘yxatdan o‘tkazish to‘g‘risidagi qarorda tovar belgisida muhofaza qilinmaydigan elementlar ko‘rsatiladi.
Ro‘yxatdan o‘tkazish so‘ralgan belgi rangli tasvirda bo‘lganda, tovar belgisini ro‘yxatdan o‘tkazish to‘g‘risidagi qarorda belgidagi rang yoki ranglar uyg‘unligi ko‘rsatiladi.
104. Tovar belgisini ro‘yxatdan o‘tkazish to‘g‘risidagi qaror ro‘yxatdan o‘tkazish sanasiga qadar O‘zbekiston Respublikasining xalqaro shartnomalari asosida oldinroq ustuvorlikka ega bo‘lgan aynan bir xil yoki adashtirib yuborish darajasida o‘xshash tovar belgisiga talabnoma kelib tushish munosabati bilan qayta ko‘rib chiqilishi mumkin.
105. Talabnoma beruvchining xohishiga ko‘ra talabnomaning ekspertizasi Markaz tomonidan tezkor tartibda talabnoma ko‘rib chiqishga qabul qilinganligi to‘g‘risida qaror chiqarilgan kundan e’tiboran bir oy mobaynida o‘tkaziladi.
Talabnomaning ekspertizasini tezkor tartibda o‘tkazish talabnoma beruvchining bu haqdagi iltimosnomasiga asosan amalga oshiriladi. Bunda ekspertizani tezkor tartibda o‘tkazish haqidagi iltimosnoma talabnoma topshirilgan sanadan e’tiboran uch oy davomida Markazga taqdim qilinishi kerak.
106. Talabnomaning ekspertizasini tezkor tartibda o‘tkazishda axborotni izlash tovar belgisining huquqiy muhofazaga layoqatliligini tekshirishdan oldin amalga oshiriladi.
Axborotni izlash talabnoma beruvchi va Markaz o‘rtasida tuziladigan shartnoma asosida Markaz tomonidan o‘tkaziladi.
107. Axborotni izlash rasmiy ekspertiza yakunlangan kundan boshlab o‘n kun ichida amalga oshiriladi va uning natijalari bo‘yicha hisobot tuziladi.
Axborotni izlash natijalari bo‘yicha hisobotda quyidagi ma’lumotlar ko‘rsatiladi:
izlash o‘tkazilgan talabnoma raqami;
talabnoma topshirilgan sana;
talabnomada ko‘rsatilgan belgining TXXT bo‘yicha sinflari;
axborotni izlash o‘tkazilgan belgining tasviri;
ma’lumotlar bazalari, lug‘atlar, maxsus adabiyotlar ro‘yxati;
bibliografik ma’lumotlar ko‘rinishidagi axborotni izlashga aloqador hujjatlar, muayyan sinflarga havolalar. Agar talabnoma bo‘yicha ilgariroq ustuvorlik so‘ralayotgan bo‘lsa, talabnoma topshirilgan sanadan avval, lekin ustuvorlik belgilangan sanadan keyin e’lon qilingan belgilar alohida qayd qilinadi;
axborotni izlash yakunlangan sana.
Ommaga ma’lum bo‘lgan har qanday ma’lumotlar axborot izlashning hajmiga kiritilishi mumkin.
108. Axborotni izlash amalga oshirilgandan so‘ng uning natijalari bo‘yicha mazkur Reglamentga muvofiq talabnomada ko‘rsatilgan belgining ekspertizasi o‘tkaziladi.
109. Belgilangan patent boji to‘langanda vakolatli organ tovar belgisini mazkur Reglamentga 5-ilovaga muvofiq shakldagi Tovar belgisi va xizmat ko‘rsatish belgisining davlat reyestrida avtomatik tarzda ro‘yxatdan o‘tkazadi. Bunda tovar belgisi ro‘yxatdan o‘tkazilganligi to‘g‘risidagi guvohnoma elektron shaklda axborot tizimi orqali talabnoma beruvchiga yuboriladi.
Tovar belgisi ro‘yxatga olinganligi to‘g‘risidagi ma’lumotlar vakolatli organ tomonidan o‘zining rasmiy veb-saytida ham joylashtiriladigan rasmiy axborotnomasida e’lon qilinadi.
Talabnoma beruvchining xohishiga ko‘ra guvohnoma pochta aloqasi orqali ko‘rsatilgan manzilga yuborilishi mumkin.
7-bob. Xalqaro ro‘yxatdan o‘tkazilgan tovar belgisiga huquqiy muhofaza taqdim etish
110. Qonunning 4-moddasiga asosan O‘zbekiston Respublikasi hududida tovar belgisiga huquqiy muhofaza O‘zbekiston Respublikasining xalqaro shartnomalariga muvofiq ravishda taqdim etiladi.
111. Belgilarni xalqaro ro‘yxatdan o‘tkazish to‘g‘risidagi Madrid bitimiga doir Bayonnomaning (keyingi o‘rinlarda — Xalqaro bayonnoma) 3(4)-moddasiga muvofiq Butunjahon intellektual mulk tashkiloti Xalqaro byurosidan (keyingi o‘rinlarda — Byuro) kelgan Xalqaro bayonnomaga asosan tovar belgisini ro‘yxatdan o‘tkazish (keyingi o‘rinlarda — xalqaro ro‘yxatdan o‘tkazish) to‘g‘risidagi xabarnoma, shu jumladan, xalqaro ro‘yxatdan o‘tkazish natijasida yuzaga keladigan muhofazaning O‘zbekiston Respublikasiga taalluqli ekanligi to‘g‘risida Xalqaro bayonnomaning 3ter-moddasida nazarda tutilgan ariza bilan bog‘liq holda kelib tushgan Byuroning xabarnomasi xalqaro ro‘yxatdan o‘tkazilgan tovar belgisini davlat ekspertizasidan o‘tkazish uchun asos bo‘ladi.
112. Byuroning xabarnomalarida keltirilgan xalqaro ro‘yxatdan o‘tkazilgan tovar belgilari Qonunning 3-moddasi birinchi qismi va 10-moddasiga (10-moddasi birinchi qismining 14-bandi bundan mustasno) muvofiqligi tekshiriladi.
113. Xalqaro ro‘yxatdan o‘tkazilgan tovar belgisi belgilangan qoidalarga mos kelganda, unga O‘zbekiston Respublikasi hududida huquqiy muhofaza taqdim etiladi.
114. Xalqaro ro‘yxatdan o‘tkazilgan tovar belgisi belgilangan talablarga mos kelmaganda, Xalqaro bayonnomaning 5-moddasiga muvofiq Byuroga O‘zbekiston Respublikasi hududida unga huquqiy muhofaza taqdim etishning dastlabki rad etilishi to‘g‘risidagi xabarnoma (keyingi o‘rinlarda — dastlabki raddiya) rad etish sabablari ko‘rsatilgan holda yuboriladi.
Xalqaro ro‘yxatdan o‘tkazish egasi olti oy ichida dastlabki raddiyada keltirilgan sabablar bo‘yicha o‘z mulohazalarini taqdim etishga haqli ekanligi keltiriladi.
115. Xalqaro ro‘yxatdan o‘tkazish egasi dastlabki raddiyada keltirilgan sabablar bo‘yicha o‘z dalillarini belgilangan muddatda taqdim etganda, Byuroga ularni ko‘rib chiqish natijalari haqida xabarnoma yuboriladi.
116. Xalqaro ro‘yxatdan o‘tkazish egasi dastlabki raddiyada keltirilgan sabablar bo‘yicha o‘z dalillarini belgilangan muddatda taqdim etmaganda, Byuroga dastlabki raddiyani tasdiqlash haqida xabarnoma (uzil-kesil raddiya) yuboriladi.
8-bob. O‘zbekiston Respublikasining xalqaro shartnomasiga binoan avval muhofaza qilingan tovar belgisiga talabnoma
117. Qonunning 8-moddasiga asosan O‘zbekiston Respublikasining shartnomasiga binoan avval muhofaza qilingan va belgilarni xalqaro ro‘yxatdan o‘tkazish haqidagi ma’lumotlarning Byuro olib boradigan reyestridan chiqarilgan tovar belgisini ro‘yxatdan o‘tkazish haqidagi talabnoma vakolatli organga avval ushbu belgini xalqaro ro‘yxatdan o‘tkazish egasi bo‘lgan shaxs tomonidan topshiriladi.
118. Tovar belgisini ro‘yxatdan o‘tkazish uchun talabnoma topshirish sanasi va tovar belgisining ustuvorligi sanasi xalqaro ro‘yxatdan o‘tkazish sanasi hamda xalqaro ro‘yxatdan o‘tkazish ustuvorligi sanasi bo‘yicha quyidagi shartlarga rioya qilinganda, belgilanadi:
talabnoma xalqaro ro‘yxatdan o‘tkazish belgilarni xalqaro ro‘yxatdan o‘tkazish haqidagi ma’lumotlarning Byuro olib boradigan reyestridan chiqarilgan sanadan boshlab uch oy mobaynida topshirilganda;
tovar belgisini ro‘yxatdan o‘tkazish so‘ralayotgan tovarlar ro‘yxati O‘zbekiston Respublikasiga nisbatan xalqaro ro‘yxatdan o‘tkazish amal qilgan tovarlar ro‘yxatiga muvofiq kelganda;
talabnoma Qonunning 9-moddasi va mazkur Reglamentda nazarda tutilgan talablarga binoan rasmiylashtirilganda.
119. Talabnomani ko‘rib chiqishga qabul qilinganligi to‘g‘risidagi qaror qabul qilingan kundan boshlab bir oy mobaynida uning mazkur Reglamentning 118-bandida ko‘rsatilgan shartlarga rioya qilinganligi tekshiriladi.
120. Ko‘rsatilgan shartlarga rioya qilinganda, xalqaro ro‘yxatdan o‘tkazish sanasi yoki xalqaro ro‘yxatdan o‘tkazish ustuvorligi sanasi bo‘yicha talabnoma topshirilgan sana va tovar belgisining ustuvorligi belgilanadi hamda tovar belgisini ro‘yxatdan o‘tkazish haqida qaror qabul qilinadi.
121. Mazkur Reglamentning 118-bandida ko‘rsatilgan shartlarga rioya qilinmaganda, talabnoma beruvchiga ekspertiza so‘rovnomasi yuboriladi.
122. Talabnoma beruvchi belgilangan muddatda ekspertiza so‘rovnomasida ko‘rsatilgan hujjatlarni taqdim etganda, mazkur Reglamentning 120-bandiga muvofiq talabnomani ko‘rib chiqish davom etadi.
123. Talabnoma beruvchi so‘ralgan hujjatlarni belgilangan muddatda taqdim etmaganda, talabnoma topshirish sanasi va tovar belgisi ustuvorligi mazkur Reglamentning 76-bandiga muvofiq belgilanadi.
Talabnomani keyinchalik ko‘rib chiqish ushbu Reglament 59 — 104-bandlariga muvofiq amalga oshiriladi.
9-bob. Yakunlovchi qoidalar
124. Qonunning 13-moddasiga muvofiq ekspertiza so‘rovnomasiga talabnoma beruvchi tomonidan javob uch oy ichida taqdim etiladi. Ushbu muddat ichida so‘ralgan materiallarni taqdim etish imkoniyati bo‘lmaganda, talabnoma beruvchining iltimosnomasiga ko‘ra javob berish olti oydan oshmagan muddatga uzaytirilishi mumkin.
Muddatni uzaytirish to‘g‘risidagi iltimosnoma taqdim etilganda, belgilangan miqdorda patent boji to‘lanadi. Mazkur bandda nazarda tutilgan shartlarga rioya etilganda, muddat uzaytiriladi va bu haqda xabarnoma yuboriladi.
125. Talabnoma beruvchiga davlat ekspertizasi so‘rovnomasi yuborilganda, tegishli ekspertiza muddati to‘xtatib turiladi.
126. Davlat ekspertizasi so‘rovnomasiga belgilangan muddatda javob kelib tushmaganda, yoki to‘liq javob berilmaganda, yoxud javobni topshirish muddatini uzaytirish haqida iltimosnoma taqdim etilmaganda, talabnoma chaqirib olingan deb hisoblanib, talabnoma bo‘yicha ish yuritish to‘xtatiladi va bu haqda talabnoma beruvchiga xabarnoma yuboriladi, ushbu Reglament 73-bandining ikkinchi xatboshisi bundan mustasno.
127. Davlat ekspertizasi so‘rovnomasiga javob xatini taqdim etishning o‘tkazib yuborilgan muddatlari talabnoma beruvchining iltimosnomasiga ko‘ra tiklanishi mumkin. Iltimosnoma talabnoma chaqirib olingan sanadan boshlab ikki oy ichida topshiriladi.
Iltimosnoma bilan birgalikda ekspertiza so‘rovnomasiga to‘liq javob xati yoki ushbu materiallarni yuborish muddatlarini uzaytirish haqidagi iltimosnoma taqdim etiladi va belgilangan miqdorda patent boji to‘lanadi.
Iltimosnomani ko‘rib chiqish natijalari bo‘yicha uch ish kuni ichida xabarnoma yuboriladi.
128. So‘rovnoma, xabarnoma, davlat ekspertizasi qarorlari va tovar belgisiga beriladigan guvohnoma QR-kod (matrik shtrixli kodli) qo‘yish bilan tasdiqlanib yuboriladi.
129. Mazkur Reglament talablari buzilishida aybdor bo‘lgan shaxslar qonunchilik hujjatlarida belgilangan tartibda javob beradilar.
Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatishning ma’muriy reglamentiga
1-ILOVA
1-ILOVA
Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatish
SXEMASI
Oldingi tahrirga qarang.
Bosqichlar | Subyektlar | Tadbirlar | Bajarish muddatlari | |||
1-bosqich | Talabnoma beruvchi | Davlat xizmatidan foydalanish uchun davlat xizmatlari markazi, vakolatli organning axborot tizimi yoki YIDXP orqali yoxud pochta aloqasi bo‘yicha talabnoma topshiradi. | O‘z xohishiga ko‘ra | |||
2-bosqich | Talabnoma beruvchi | Talabnoma topshirish uchun patent boji to‘lovini amalga oshiradi. | 3 oy davomida | |||
3-bosqich | Vakolatli organ | 1. Talabnomani qabul qiladi. 2. Talabnomaning qayd raqami va kelib tushgan sanasi ko‘rsatilgan xabarnomani tegishli ravishda vakolatli organning axborot tizimi yoki YIDXP orqali talabnoma beruvchiga yuboradi. | Patent boji to‘langanidan so‘ng avtomatik tarzda | |||
4-bosqich | “Intellektual mulk markazi” davlat muassasasi | 1. Talabnomaning rasmiy ekspertizasini amalga oshiradi. 2. Rasmiy ekspertiza natijasi bo‘yicha talabnoma ko‘rib chiqish uchun qabul qilinganligi to‘g‘risidagi qarorni talabnoma beruvchiga yuboradi. | Talabnoma kelib tushgan sanadan boshlab 30 kun davomida | |||
5-bosqich | “Intellektual mulk markazi” davlat muassasasi | 1. Talabnomaning ekspertizasini amalga oshiradi. 2. Ekspertiza natijasi bo‘yicha tovar belgisini ro‘yxatdan o‘tkazish to‘g‘risidagi qarorni talabnoma beruvchiga yuboradi. | Talabnoma kelib tushgan sanadan boshlab 6 oydan so‘ng va 7 oydan oshmagan (ekspertizani tezkor tartibda o‘tkazishda talabnomani ko‘rib chiqishga qabul qilinganligi to‘g‘risidagi qaror sanasidan boshlab 1 oy) muddatda | |||
6-bosqich | Talabnoma beruvchi | Tovar belgisini ro‘yxatdan o‘tkazish, muhofaza hujjatini berish, e’lon qilish va muhofaza hujjatining amal qilish muddati uchun patent bojini to‘laydi. | Ro‘yxatdan o‘tkazish to‘g‘risidagi qaror jo‘natilgan sanadan boshlab 3 oy davomida | |||
7-bosqich | Vakolatli organ | Tovar belgisini ro‘yxatdan o‘tkazadi va muhofaza hujjatini beradi. | Patent boji to‘liq to‘langanda avtomatik tarzda. |
(1-ilova O‘zbekiston Respublikasi Vazirlar Mahkamasining 2026-yil 9-iyuldagi 375-sonli qarori tahririda — Qonunchilik ma’lumotlari milliy bazasi, 13.07.2026-y., 09/26/375/0726-son)
Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatishning ma’muriy reglamentiga
2-ILOVA
2-ILOVA
Tovar belgilarini va xizmat ko‘rsatish belgilarini ro‘yxatdan o‘tkazish uchun
ARIZA
| (220) Talabnomaning kelib tushgan sanasi: __________________________ (210) Talabnomaning qayd raqami: __________________________ |
(750) Yozishmalar uchun manzil: __________________________________ __________________________________ __________________________________ Telefon: ___________________________ | ||||||||||||||||||||
|
Tovar belgilari va xizmat ko‘rsatish belgilarini ro‘yxatdan o‘tkazish uchun |
O‘zbekiston Respublikasi | ||||||||||||||||||||
| (731) Talabnoma beruvchi: _________________________________________________ _________________________________________________ _________________________________________________ |
STIR yoki JSHSHIR (rezidentlar uchun); ____________________ ____________________ ____________________ BIMT ST. 3 standarti bo‘yicha mamlakat KODI (agar u belgilangan bo‘lsa); ____________________ ____________________ ____________________ | ||||||||||||||||||||
|
(yuridik shaxslarning ta’sis hujjatlari bo‘yicha to‘liq nomlari, joylashgan joyi yoki jismoniy shaxslar uchun F.I.O. hamda yashash joyi manzillari ko‘rsatiladi) | |||||||||||||||||||||
| Talabnoma beruvchining to‘liq pochta manzili: _________________________________________________ _________________________________________________ _________________________________________________ Telefon: __________________ | |||||||||||||||||||||
|
Tovar belgisi ustuvorligini quyidagi sanadan belgilashingizni so‘rayman: | |||||||||||||||||||||
| □ (310) birinchi talabnoma raqami; □ (641) dastlabki talabnoma raqami; □ (646) xalqaro ro‘yxatdan o‘tkazish raqami. |
So‘ralgan ustuvorlik sanasi: ______________________________ |
(330) Talabnoma topshirilgan mamlakatning BIMT ST. 3 standarti bo‘yicha kodi | |||||||||||||||||||
| (740) Vakil (F.I.O. yoki nomi, patent vakilining ro‘yxat raqami, to‘liq pochta manzili): ____________________________________________________________________ ____________________________________________________________________ Telefon: __________________ | |||||||||||||||||||||
|
(540) Talabnomada ko‘rsatilgan belgining tasviri: | |||||||||||||||||||||
| | | | | | | |
| | | | | | |||||||||
| | | | | | | | | | | | | | | | | | | | | | |
| (550) Belgi turiga taalluqli ko‘rsatmalar: □ (551) jamoaviy belgi; __________□ (555) golografik belgi; □ (552) pozitsion belgi;___________□ (556) tovushli belgi; □ (553) harakatdagi belgi;_________ □ (557) hidli belgi. □ (554) uch o‘lchamli (hajmli) belgi; | |||||||||||||||||||||
| (561) Belgi yoki uning qismlarining transliteratsiyasi: ________________________________________________________________________ ________________________________________________________________________ ________________________________________________________________________ ________________________________________________________________________ | |||||||||||||||||||||
| (571) Talabnoma topshirilayotgan belgining tavsifi (talabnoma topshirilayotgan belgining tarkibiy qismlari): ________________________________________________________________________ ________________________________________________________________________ ________________________________________________________________________ ________________________________________________________________________ ________________________________________________________________________ ________________________________________________________________________ | |||||||||||||||||||||
| (591) Rangi yoki ranglar uyg‘unligi (agar rangli tasvirda bajarilgan belgini ro‘yxatdan o‘tkazish so‘ralsa): _____________________________________________________________ _____________________________________________________________ _____________________________________________________________ _____________________________________________________________ _____________________________________________________________ | |||||||||||||||||||||
| (511) Belgilarni ro‘yxatdan o‘tkazish uchun TXXT sinflari bo‘yicha guruhlangan va davlat ro‘yxatidan o‘tkazish so‘ralayotgan tovarlar va xizmatlar: | |||||||||||||||||||||
|
Sinfi |
Tovarlar va xizmatlar nomi | ||||||||||||||||||||
| ______________________ ______________________ ______________________ ______________________ ______________________ ______________________ ______________________ ______________________ ______________________ ______________________ ______________________ ______________________ |
_____________________________________ _____________________________________ _____________________________________ _____________________________________ _____________________________________ _____________________________________ _____________________________________ _____________________________________ _____________________________________ _____________________________________ _____________________________________ _____________________________________ | ||||||||||||||||||||
| Ilova qilingan hujjatlar: ________________________________________ ________________________________________ | |||||||||||||||||||||
| | | | | | | | | | | | | | | | | | | | | | |
| _______________________________________________________ _______________________________________________________ |
|
|
| ||||||||||||||||||
|
(talabnoma beruvchi yoki vakili) |
| | |||||||||||||||||||
| | | | | | | | | | | | | | | | | | | | | | |
Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatishning ma’muriy reglamentiga
3-ILOVA
3-ILOVA
Talabnoma materiallariga tuzatish, aniqlik va to‘ldirishlar kiritish haqida
ARIZA
|
Kelib tushgan sanasi |
Qayd raqami | ||||||||||||||||||||
|
Talabnoma materiallariga tuzatish, aniqlik va to‘ldirishlar kiritish haqida |
O‘zbekiston Respublikasi | ||||||||||||||||||||
| Mazkur arizani taqdim etib, talabnoma materiallariga kuyidagi tuzatish,aniqlik va to‘ldirishlar kiritishingizni so‘rayman. | |||||||||||||||||||||
| Talabnomaning qayd raqami |
|||||||||||||||||||||
| Talabnomaning kelib tushgan sanasi |
|||||||||||||||||||||
| Tuzatish, aniqlik va to‘ldirishlar kiritilishi kerak bo‘lgan ma’lumotlar: ________________________________________________________________________ ________________________________________________________________________ _________________________________________________________ _________________________________________________________ Tuzatish, aniqlik va to‘ldirishlar kiritilgan ma’lumotlar: _________________________________________________________ _________________________________________________________ _________________________________________________________ | |||||||||||||||||||||
| Arizaga ilovalar: | |||||||||||||||||||||
| | | | | | | | | | | | | | | | | | | | | | |
| _________________________________________________________ _________________________________________________________ |
QR-kod |
| |||||||||||||||||||
|
(talabnoma beruvchi yoki vakili) |
| ||||||||||||||||||||
| | | | | | | | | | | | | | | | | | | | | | |
Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatishning ma’muriy reglamentiga
4-ILOVA
4-ILOVA
Tovar belgilarini va xizmat ko‘rsatish belgilarini ro‘yxatdan o‘tkazish uchun talabnomaga huquqni topshirish
DALOLATNOMASI
|
Tovar belgilarini va xizmat ko‘rsatish belgilarini ro‘yxatdan o‘tkazish uchun talabnomaga huquqni topshirish |
O‘zbekiston Respublikasi | ||||||||||||||||||||
| Talabnomaning qayd raqami |
|||||||||||||||||||||
| Talabnomaning kelib tushgan sanasi |
|||||||||||||||||||||
|
Quyida huquq topshirayotgan shaxs huquqni oluvchi shaxsga tovar belgisini ro‘yxatdan o‘tkazish uchun topshirilgan talabnomaga huquqni imzo chekkan holda topshiradi. | |||||||||||||||||||||
|
________________________Huquqni topshirayotgan shaxs: | |||||||||||||||||||||
|
_______________________Huquqni qabul qilib oluvchi shaxs: | |||||||||||||||||||||
|
Huquqni topshirayotgan shaxs imzosi* |
Huquqni qabul qilib oluvchi shaxs imzosi* | ||||||||||||||||||||
|
* Yuridik shaxs nomidan tashkilot rahbari tomonidan uning lavozimi va ismi ko‘rsatilgan holda imzolanadi. | |||||||||||||||||||||
Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatishning ma’muriy reglamentiga
5-ILOVA
5-ILOVA
Tovar belgisi va xizmat ko‘rsatish belgisi
DAVLAT REYESTRI
|
(111) |
Ro‘yxatdan o‘tkazish raqami |
|
(151) |
Ro‘yxatdan o‘tkazish sanasi |
|
(181) |
Ro‘yxatdan o‘tkazilgan belgining amal qilish muddatining tugashi |
|
(210) |
Talabnomaning qayd raqami |
|
(220) |
Talabnomaning kelib tushgan sanasi |
|
(230) |
Belgilangan ustuvorlik sanasi |
|
(310) |
Birinchi topshirilgan talabnomaning qayd raqami |
|
(320) |
Birinchi topshirilgan talabnomaning kelib tushgan sanasi |
|
(330) |
Birinchi talabnoma topshirilgan mamlakat kodi |
|
(400) |
Rasmiy axborotnoma raqami |
|
(731) |
Talabnoma beruvchi |
|
(732) |
Tovar belgisi egasining nomi (ismi), mamlakat kodi va manzili |
|
(740) |
Vakil |
|
(750) |
Yozishmalar uchun manzil |
|
(510) |
Belgilarni ro‘yxatdan o‘tkazish uchun TXXT sinflari |
|
(511) |
Tovarlar va xizmatlar ro‘yxati |
|
(526) |
Tovar belgisining muhofaza qilinmaydigan elementi |
|
(540) |
Talabnomada ko‘rsatilgan belgining tasviri |
|
(550) |
Belgi turiga taalluqli ko‘rsatmalar |
|
(551) |
Jamoaviy belgi ekanligiga ko‘rsatma |
|
(554) |
Uch o‘lchamli (hajmli) belgi ekanligiga ko‘rsatma |
|
(555) |
Golografik belgi ekanligiga ko‘rsatma |
|
(556) |
Ovozli belgi ekanligiga ko‘rsatma |
|
(557) |
Hidli belgi ekanligiga ko‘rsatma |
|
(561) |
Belgi yoki uning qismlarining transliteratsiyasi |
|
(562) |
Belgi yoki belgi elementlarining tarjimasi |
|
(571) |
Talabnoma topshirilayotgan belgining tavsifi |
|
(591) |
Talabnomada keltirilgan belgining ranglari |
Izoh. Mazkur reyestrda ishlatilayotgan kodlar Butunjahon intellektual mulk tashkilotining standartlari bilan belgilangan.
(Qonunchilik ma’lumotlari milliy bazasi, 20.09.2023-y., 09/23/480/0715-son; 23.12.2024-y., 09/24/859/1047-son; 13.07.2026-y., 09/26/375/0726-son)
