Oʻzbekiston Respublikasi Prezidentining 2022-yil 21-dekabrdagi PF-269-son “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi Farmoni va 2023-yil 20-iyundagi PQ-197-son “Maʼmuriy islohotlar doirasida sogʻliqni saqlash sohasida davlat boshqaruvini samarali tashkil qilish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi sogʻliqni saqlash vazirining 2014-yil 18-dekabrdagi 21-son buyrugʻi (roʻyxat raqami 2649, 2015-yil 19-yanvar) (Oʻzbekiston Respublikasi qonun hujjatlari toʻplami, 2015-y., 3-son, 32-modda) bilan tasdiqlangan Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Muqaddimadan “Oʻzbekiston Respublikasining “Fuqarolar sogʻligʻini saqlash toʻgʻrisida”gi, “Dori vositalari va farmatsevtika faoliyati toʻgʻrisida”gi qonunlari va Oʻzbekiston Respublikasi Prezidentining 2019-yil 6-maydagi PQ-4310-son “Tibbiyot va farmatsevtika taʼlimi va ilm-fani tizimini yanada rivojlantirish chora-tadbirlari toʻgʻrisida”gi, 2020-yil 7-apreldagi PQ-4666-son “Tibbiy-sanitariya sohasida kadrlarni tayyorlash va uzluksiz kasbiy rivojlantirishning mutlaqo yangi tizimini joriy etish chora-tadbirlari toʻgʻrisida”gi qarorlari hamda Oʻzbekiston Respublikasi Vazirlar Mahkamasining 2005-yil 21-dekabrdagi 276-son “Tibbiyot xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi, 2009-yil 18-dekabrdagi 319-son “Tibbiyot xodimlari malakasini oshirish va ularni qayta tayyorlash tizimini takomillashtirish toʻgʻrisida”gi qarorlariga muvofiq” degan soʻzlar chiqarib tashlansin.

2. 7-bandning oltinchi xatboshisidagi “Sanitariya-epidemiologik osoyishtalik va jamoat salomatligi xizmati” degan soʻzlar “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” degan soʻzlar bilan almashtirilsin.

3. 10-bandning ikkinchi xatboshisidagi “Sogʻliqni saqlash vazirligi huzuridagi Innovatsion sogʻliqni saqlash milliy palatasining (bundan buyon matnda Palata deb yuritiladi) Qoraqalpogʻiston Respublikasi, viloyatlar hududiy boʻlinmalari hamda Palata (bundan buyon matnda attestatsiyadan oʻtkazuvchi organlar deb yuritiladi) huzurida” degan soʻzlar “Tibbiyot va farmatsevtika xodimlarining malakasini baholash markazi (bundan buyon matnda Markaz deb yuritiladi) huzurida hamda uning Qoraqalpogʻiston Respublikasi va viloyatlarda” degan soʻzlar bilan almashtirilsin.

4. 11-bandda:

birinchi xatboshi quyidagi tahrirda bayon etilsin:

“11. Attestatsiya komissiyalarini tashkil etish uchun Markaz tomonidan kamida yetti nafar aʼzodan, shu jumladan attestatsiya komissiyasi raisi, rais oʻrinbosari va kotibidan iborat tarkibda nomzodlar roʻyxatlari shakllantiriladi.”;

ikkinchi xatboshidagi “Palata raisi” degan soʻzlar “Markaz direktori” degan soʻzlar bilan almashtirilsin.

5. 12-bandning birinchi xatboshisidagi “Attestatsiyadan oʻtkazuvchi organlar huzurida tashkil etiladigan attestatsiya” degan soʻzlar “Attestatsiya” degan soʻz bilan almashtirilsin.

6. 13-bandda:

birinchi xatboshidagi “Palata” hamda “Sanitariya-epidemiologik osoyishtalik va jamoat salomatligi xizmati” degan soʻzlar tegishli ravishda “Markaz” va “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi” degan soʻzlar bilan almashtirilsin;

ikkinchi xatboshidagi “Hududiy boʻlinmalar huzurida” hamda “Sanitariya-epidemiologik osoyishtalik va jamoat salomatligi xizmatining” degan soʻzlar tegishli ravishda “Markazning Qoraqalpogʻiston Respublikasi va viloyatlarda” va “Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining” degan soʻzlar bilan almashtirilsin.

7. 14-bandning birinchi xatboshisidagi “Hududiy boʻlinmalar huzurida” degan soʻzlar “Markazning Qoraqalpogʻiston Respublikasi va viloyatlarda” degan soʻzlar bilan almashtirilsin.

8. 15-banddagi “Palata” degan soʻz “Markaz” degan soʻz bilan almashtirilsin.

9. 16-bandda:

birinchi xatboshidagi “Palata” degan soʻz “Markaz” degan soʻz bilan almashtirilsin;

beshinchi xatboshidagi “hududiy boʻlinmalar huzurida” degan soʻzlar “Markazning Qoraqalpogʻiston Respublikasi va viloyatlarda” degan soʻzlar bilan almashtirilsin.

10. 18-bandning birinchi xatboshisi quyidagi tahrirda bayon etilsin:

“18. Markaz huzuridagi attestatsiya komissiyasining doimiy ishchi organi Markazning tegishli tarkibiy boʻlinmasi hisoblanadi.”.

11. 20-band quyidagi tahrirda bayon etilsin:

“20. Markazning Qoraqalpogʻiston Respublikasi va viloyatlarda tashkil etilgan attestatsiya komissiyalarida doimiy ishchi organning vazifalari tegishliligi boʻyicha Markazning mazkur hududlardagi mutaxassislari tomonidan amalga oshiriladi.”.

12. 21-bandda:

birinchi xatboshidagi “attestatsiyadan oʻtkazuvchi organ” degan soʻzlar “Markaz” degan soʻz bilan almashtirilsin;

ikkinchi xatboshidagi “Palata va uning hududiy boʻlinmalari huzurida” degan soʻzlar “Markaz huzurida hamda uning Qoraqalpogʻiston Respublikasi va viloyatlarda” degan soʻzlar bilan almashtirilsin.

13. 40-bandda:

birinchi xatboshidagi “Palata” degan soʻz “Markaz” degan soʻz bilan almashtirilsin;

ikkinchi xatboshidagi “Palata raisi” degan soʻzlar “Markaz direktori” degan soʻzlar bilan almashtirilsin.

14. 45-banddagi “Palataning budjetdan tashqari maxsus hisob raqamiga” degan soʻzlar “Markazning shaxsiy hisobvaragʻiga” degan soʻzlar bilan almashtirilsin.

15. 46-bandda:

birinchi xatboshidagi “Hududiy boʻlinmalar huzurida” va “Palataga” degan soʻzlar tegishli ravishda “Markazning Qoraqalpogʻiston Respublikasi va viloyatlarda” hamda “Markazga” degan soʻzlar bilan almashtirilsin;

ikkinchi xatboshidagi “Palata” degan soʻz “Markaz” degan soʻz bilan almashtirilsin.