Bozor iqtisodiyotiga oʻtish sharoitlarida bank tizimi faoliyatini yanada rivojlantirish va takomillashtirish maqsadida va Oʻzbekiston Respublikasi Hukumatining 1994-yil 18-martdagi 146-son qaroriga muvofiq Vazirlar Mahkamasi qaror qiladi:

4. Respublika aksionerlik-tijorat banklari muassislariga banklarning Qoraqalpogʻiston Respublikasi, viloyatlar va Toshkent shahridagi hududiy boʻlinmalariga “mintaqaviy filial” maqomi berish hamda ularni quyidagi muddatlarda bosqichma-bosqich toʻla xoʻjalik hisobiga oʻtkazish tavsiya qilinsin:

“Oʻzsanoatqurilishbank” tizimini — 1995-yil 1-yanvargacha;

“Oʻzdehqonchiliksanoatbank”, “Oʻztadbirkorbank” tizimlarini — 1995-yil 1-iyulgacha.

5. “Oʻzjamgʻarmabank”:

moliyaviy barqaror boʻlinmalarga boshqa tijorat banklari bilan bir qatorda faol kredit faoliyati bilan shugʻullanishga eksperiment tariqasida ruxsat bersin;

kredit resurslari bozori konyunkturasidan kelib chiqqan holda viloyatlardagi filiallarga jalb etilgan mablagʻlarni tijorat banklariga va ularning joylardagi filiallariga quyishiga ruxsat bersin;

1994-yil 1-oktabrgacha oʻziga qarashli muassasalarda hisob va hisobotni bank tizimining birxillashtirilgan hisobi va hisobotiga oʻtkazsin.

6. Belgilab qoʻyilsinki:

ishlab turgan va yangidan tashkil etilgan tijorat banklari oʻz faoliyatini muvofiqlashtirish uchun respublika darajasida ittifoqlar va uyushmalar tashkil etish huquqiga egadirlar;

kredit resurslari, depozitlar va qiymatli qogʻozlarning banklararo bozorini rivojlantirish maqsadida tijorat banklari aksionerlik asosida kredit resurslari va qiymatli qogʻozlar birjalari (Bank uylari), kliring markazlari barpo etishlari mumkin.

7. Belgilab qoʻyilsinki, Tashqi iqtisodiy aloqalar vazirligi birlashmalari va firmalarining, uning viloyatlardagi boʻlinmalarining, shuningdek, davlat eksport-import operatsiyalarini taʼminlovchi boshqa tuzilmalarning toʻlov-hisob-kitob operatsiyalariga Oʻzbekiston Respublikasi Tashqi iqtisodiy faoliyat milliy bankida va uning respublika viloyatlaridagi filiallarida xizmat koʻrsatiladi.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B. S. Hamidov va Markaziy bank Boshqaruvining raisi F.M. Mullajonov zimmasiga yuklansin.