toggle_night_mode
Hujjat kuchini yo‘qotgan 22.02.2021
Oʻzbekiston Respublikasi Vazirlar Mahkamasining
qarori
PROKURATURA ORGANLARINING MODDIY-TEXNIKA TAʼMINOTINI YaXShILASh hAMDA ShTATLARI SONINI KOʻPAYTIRISh TOʻGʻRISIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Prokuratura organlari uchun qonunchilikni va huquqiy targʻibotni yanada mustahkamlashni, shuningdek “Prokuratura toʻgʻrisi”da Oʻzbekiston Respublikasi Qonunidan kelib chiqadigan vazifalarni muvaffaqiyatli bajarishni taʼminlaydigan zarur shart-sharoitlar yaratish maqsadida Vazirlar Mahkamasi qaror qiladi:
1. Respublika prokuraturasining tergov-prokuratura xodimlari shtatini 150, shu jumladan markaziy apparat boʻyicha 45 nafarga hamda xizmat koʻrsatuvchi xodimlarni 30 nafarga koʻpaytirish toʻgʻrisidagi taklifi qabul qilinsin.
2. Oʻzbekiston Respublikasi Moliya vazirligi taqdim etilgan hisob-kitoblarga muvofiq 20 ta yengil avtomashina, ehtiyot qismlar, kompyuterlar, bosmaxona uchun asbob-uskunalar, kriminalistika texnikasi, mebellar, formali kiyimlar xarid qilish, shuningdek yangidan ajratilgan shtatlarni taʼminlash uchun zarur mablagʻlar ajratsin.
3. Vazirliklar, idoralar, birlashmalar rahbarlari, hokimlar prokuratura organlari joylashgan barcha binolar bir oy muddatda Respublika prokuraturasi balansiga bepul oʻtkazsinlar.
4. “Oʻzistiqbolstat” va Oʻzbekiston Respublikasi Moliya vazirligi 1994-yildan boshlab qonunchilikni mustahkamlash muammolari va prokuratura-tergov xodimlari malakasini oshirish markazi (yotoqxonasi bilan) qurilishi uchun belgilangan tartibda zarur mablagʻlap ajratsinlar.
5. Ushbu qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari oʻrtoq I.H Joʻrabekov zimmasiga yuklatilsin.
Vazirlar Mahkamasining Raisi I. KARIMOV
Toshkent sh.,
1993-yil 19-sentabr,
468-son