Oʻzbekiston Respublikasi Vazirlar Mahkamasining
qarori
Axborot-kommunikatsiya texnologiyalari sohasida “Mohir aloqachi” koʻkrak nishoni va “Oʻz kasbining ustasi” belgisini taʼsis etish toʻgʻrisida
Axborot texnologiyalari va kommunikatsiyalari sohasini rivojlantirishga katta hissa qoʻshayotgan, oʻzining bilimi va salohiyati hamda yuqori darajadagi kasbiy mahorati bilan boshqalarga namuna boʻlayotgan soha xodimlari mehnatini munosib ragʻbatlantirish maqsadida Vazirlar Mahkamasi qaror qiladi:
1. “Mohir aloqachi” koʻkrak nishoni va “Oʻz kasbining ustasi” belgisi taʼsis etilsin.
2. Quyidagilar:
“Mohir aloqachi” koʻkrak nishoni toʻgʻrisidagi nizom 1-ilovaga muvofiq;
“Mohir aloqachi” koʻkrak nishoni va uning guvohnomasi tavsiflari 1a va 1b-ilovalarga muvofiq;
“Oʻz kasbining ustasi” belgisi toʻgʻrisidagi nizom 2-ilovaga muvofiq;
“Oʻz kasbining ustasi” belgisi va uning guvohnomasi tavsiflari 2a va 2b-ilovalarga muvofiq tasdiqlansin.
Oldingi tahrirga qarang.
3. Oʻzbekiston Respublikasi Markaziy banki huzuridagi “Davlat belgisi” davlat unitar korxonasi Raqamli texnologiyalar vazirligining buyurtmasiga asosan “Mohir aloqachi” koʻkrak nishoni, “Oʻz kasbining ustasi” belgisi va ularning guvohnomalari tayyorlanishini belgilangan tartibda taʼminlasin.
(3-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Oldingi tahrirga qarang.
4. “Mohir aloqachi” koʻkrak nishoni, “Oʻz kasbining ustasi” belgisi hamda ularning guvohnomalarini tayyorlash bilan bogʻliq xarajatlar Oʻzbekiston Respublikasi Raqamli texnologiyalar vazirligining budjetdan tashqari jamgʻarmalari mablagʻlari hisobidan amalga oshirilishi, shuningdek mukofotlanganlarni taqdirlash bilan bogʻliq xarajatlar esa taqdirlanayotgan shaxslar faoliyat yuritayotgan tashkilotlarning oʻz mablagʻlari hisobidan qoplanishi inobatga olinsin.
(4-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
5. Mazkur qarorning bajarilishini nazorat qilish Oʻzbekiston Respublikasi axborot texnologiyalari va kommunikatsiyalarini rivojlantirish vaziri Sh.X. Shermatov zimmasiga hamda Vazirlar Mahkamasining IT-texnologiyalar, telekommunikatsiyalar va ilmiy faoliyatni rivojlantirish masalalari departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 29-noyabr,
681-son
Vazirlar Mahkamasining 2022-yil 29-noyabrdagi 681-son qaroriga
1-ILOVA
1-ILOVA
“Mohir aloqachi” koʻkrak nishoni toʻgʻrisida
NIZOM
1-bob. Umumiy qoidalar
1. Ushbu Nizom “Mohir aloqachi” koʻkrak nishoni (keyingi oʻrinlarda — koʻkrak nishoni) bilan taqdirlash tartibini belgilaydi.
2. Koʻkrak nishoni bilan axborot texnologiyalari va kommunikatsiyalari sohasini rivojlantirish, elektron davlat xizmatlarini koʻrsatishning yaxlit tizimini yaratish, davlat organlari va tashkilotlarining aholi bilan muloqot qilishining yangi mexanizmlarini joriy etish, pochta aloqasi xizmatlari va logistika tizimini modernizatsiya qilish ishlariga katta hissa qoʻshgan, oʻzining bilimi va salohiyati hamda yuqori kasbiy mahorati bilan boshqalarga namuna boʻlgan, yosh mutaxassis kadrlarni tayyorlash borasida samarali mehnat qilgan hamda axborot texnologiyalari va kommunikatsiyalari sohasida kamida 15 yil mehnat stajiga ega boʻlgan fuqarolar taqdirlanadi.
Koʻkrak nishoni bilan Oʻzbekiston Respublikasi fuqarosi boʻlmagan shaxslar ham taqdirlanishi mumkin.
3. Koʻkrak nishoni bilan taqdirlash ushbu Nizomga ilovada keltirilgan sxemaga muvofiq amalga oshiriladi.
2-bob. Koʻkrak nishoni bilan taqdirlash uchun hujjatlarni taqdim etish va koʻrib chiqish
Oldingi tahrirga qarang.
4. Oʻzbekiston Respublikasi Raqamli texnologiyalar vazirligi (keyingi oʻrinlarda — vazirlik) tizimidagi tashkilotlar koʻkrak nishoni bilan taqdirlash boʻyicha takliflarni har yili 1-aprelga qadar vazirlikka taqdim etadi.
(4-bandning birinchi xatboshisi Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Nomzodlar boʻyicha taqdim etilgan takliflarga ilova sifatida nomzod haqida maʼlumotnoma, uning soʻnggi uch yil davomida axborot texnologiyalari va kommunikatsiyalari sohasini rivojlantirish borasida amalga oshirgan ishlari aks ettirilgan tavsifnoma taqdim etiladi.
Oldingi tahrirga qarang.
5. Koʻkrak nishoni bilan taqdirlashga oid takliflarni koʻrib chiqish uchun Oʻzbekiston Respublikasi raqamli texnologiyalar vaziri tomonidan aʼzolari 7 nafardan iborat tarkibda komissiya (keyingi oʻrinlarda — Komissiya) tashkil etiladi.
(5-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Oldingi tahrirga qarang.
6. Komissiya tarkibi va Komissiya toʻgʻrisidagi nizom Oʻzbekiston Respublikasi raqamli texnologiyalar vaziri tomonidan tasdiqlanadi.
(6-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
7. Komissiya yigʻilishida nomzodlarning tegishli hujjatlari oʻrganilib, har yili 20-aprelga qadar eng munosib nomzodlar boʻyicha yakuniy xulosa qabul qilinadi.
3-bob. Koʻkrak nishoni bilan taqdirlash tartibi
Oldingi tahrirga qarang.
8. Komissiya xulosasi asosida Oʻzbekiston Respublikasi raqamli texnologiyalar vazirining koʻkrak nishoni bilan taqdirlash toʻgʻrisidagi buyrugʻi har yili 1-mayga qadar chiqariladi.
(8-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Oldingi tahrirga qarang.
9. Koʻkrak nishoni har yili 7-may — Oʻzbekiston Respublikasi axborot-kommunikatsiya texnologiyalari sohasi xodimlari kuni arafasida Oʻzbekiston Respublikasi raqamli texnologiyalar vaziri (yoki uning topshirigʻiga muvofiq boshqa masʼul shaxslar) tomonidan tantanali tarzda topshiriladi/
(9-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
10. Koʻkrak nishoni bilan taqdirlanganlarga bazaviy hisoblash miqdorining toʻrt yarim baravari miqdorida bir yoʻla toʻlanadigan pul mukofoti yoki esdalik sovgʻalari beriladi.
Oldingi tahrirga qarang.
11. Koʻkrak nishoni bilan taqdirlash, istisno tariqasida, Oʻzbekiston Respublikasi raqamli texnologiyalar vazirining buyrugʻiga asosan alohida holatlarda ham amalga oshirilishi mumkin.
(11-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
12. Koʻkrak nishoni bilan taqdirlanganlar roʻyxati vazirlikning rasmiy veb-saytida eʼlon qilinadi.
13. Bir shaxs koʻkrak nishoni bilan bir marta mukofotlanadi.
14. Koʻkrak nishoni davlat mukofotlaridan keyin koʻkrakning chap tomoniga taqiladi.
4-bob. Yakunlovchi qoidalar
15. Vazirlik ushbu Nizomga muvofiq koʻkrak nishoniga tavsiya etilgan nomzodlar hujjatlarining xolis koʻrib chiqilishi uchun bevosita masʼuldir.
16. Ushbu Nizom talablari buzilishida aybdor shaxslar qonunchilik hujjatlarida belgilangan tartibda javobgar boʻladilar.
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 209-moddasi.
Oldingi tahrirga qarang.
“Mohir aloqachi” koʻkrak nishoni toʻgʻrisidagi nizomga
ILOVA
ILOVA
“Mohir aloqachi” koʻkrak nishoni bilan taqdirlash
SXEMASI
Bosqichlar | Subyektlar | Tadbirlar | Bajarish muddatlari | |||
1-bosqich | Oʻzbekiston Respublikasi Raqamli texnologiyalar vazirligi tizimidagi tashkilotlar | Koʻkrak nishoni bilan taqdirlash boʻyicha takliflarni vazirlikka taqdim etadi. | Har yili 1-aprelga qadar | |||
2-bosqich | Koʻkrak nishoni bilan taqdirlashga oid takliflarni koʻrib chiqish boʻyicha komissiya | Koʻkrak nishoni bilan taqdirlash boʻyicha nomzodlar haqidagi tegishli hujjatlarni oʻrganib chiqadi va yakuniy xulosa qabul qiladi. | Har yili 20-aprelga qadar | |||
3-bosqich | Oʻzbekiston Respublikasi raqamli texnologiyalar vaziri | Koʻkrak nishoni bilan taqdirlash toʻgʻrisida buyruq chiqaradi. | Har yili 1-mayga qadar | |||
4-bosqich | Oʻzbekiston Respublikasi raqamli texnologiyalar vaziri (yoki uning topshirigʻiga muvofiq boshqa masʼul shaxslar) | “Mohir aloqachi” koʻkrak nishoni bilan taqdirlaydi. | Har yili 7-may — Oʻzbekiston Respublikasi axborot-kommunikatsiya texnologiyalari sohasi xodimlari kuni arafasida | |||
(ilovaning matni Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Vazirlar Mahkamasining 2022-yil 29-noyabrdagi 681-son qaroriga
1a-ILOVA
1a-ILOVA
“Mohir aloqachi” koʻkrak nishonining
TAVSIFI
“Mohir aloqachi” koʻkrak nishoni diametri 34 millimetrli doira shaklida boʻlib, mis qotishmasidan tayyorlanadi.
Koʻkrak nishonining qalinligi 2,5 millimetr.
Oldingi tahrirga qarang.
Koʻkrak nishonining old tomonida axborot-kommunikatsiya texnologiyalari sohasini anglatuvchi vertikal uzuq chiziqlar fonida Oʻzbekiston Respublikasi Raqamli texnologiyalar vazirligining rasmiy ramzi hamda uning ostida Oʻzbekiston Respublikasining xaritasi aks ettirilgan.
(uchinchi xatboshi Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Koʻkrak nishonining pastki qismida balandligi 2 millimetr boʻlgan “MOHIR ALOQACHI” soʻzlari yozilgan.
Koʻkrak nishonining yuqori tashqi cheti boʻylab aloqani anglatuvchi 2 ta yoysimon chiziqlar tasvirlangan.
Koʻkrak nishoni old va orqa tomonlarining chetlari qabariq doira bilan oʻralgan.
Koʻkrak nishonining orqa tomoni markazida olti qatorda harflarning balandligi 2 millimetr boʻlgan “AXBOROT”, “KOMMUNIKATSIYA”, “TEXNOLOGIYALARI”, “RIVOJIGA”, “QOʻSHGAN HISSASI”, “UCHUN” soʻzlari yozilgan.
Barcha yozuvlar va tasvirlar zarhal rangda boʻlib, qabariqdir.
Koʻkrak nishoni ilgakchalar va halqacha yordamida toʻrtburchak shaklidagi qadagʻichga ulangan.
Qadagʻichning eni — 26 millimetr, boʻyi — 17 millimetr. Qadagʻich eni 22 millimetrli moviy rangdagi shoyi lenta bilan qoplangan. Moviy rangdagi shoyi lentada axborot texnologiyalari va kommunikatsiyalari sohasida sunʼiy intellekt tizimlarini ishlab chiqishda foydalaniladigan neyron tarmoqlarining tasviri aks ettirilgan.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
Vazirlar Mahkamasining 2022-yil 29-noyabrdagi 681-son qaroriga
1b-ILOVA
1b-ILOVA
“Mohir aloqachi” koʻkrak nishoni guvohnomasining
TAVSIFI
“Mohir aloqachi” koʻkrak nishoni guvohnomasi (keyingi oʻrinlarda — guvohnoma) 160x110 millimetr oʻlchamdagi koʻk rangli ofset qogʻoz yoki qattiq charm muqovali kitobcha shaklida boʻladi.
Guvohnomaning old tomoni (birinchi beti) yuqori chekkasidan 29 millimetr pastda, markazda, koʻkrak nishonining qadagʻichsiz asliga teng oʻlchamdagi tasviri aks ettirilgan.
Koʻkrak nishoni tasviridan 10 millimetr pastda oraligʻi 5 millimetrli ikki satrdan iborat matn joylashgan. Birinchi satrda “MOHIR ALOQACHI” (katta harflarda, “Times new Roman Bolt” shrifti, 17 kegl), ikkinchi satrda “koʻkrak nishoni” (“Times new Roman Bolt” shrifti. 16 kegl) soʻzlari yozilgan. Undan 3 millimetr pastda “GUVOHNOMASI” (katta harflarda, “Times new Roman Bolt” shrifti, 17 kegl) soʻzi yozilgan.
Yozuvlar tilla rangda aks ettirilgan.
Guvohnomaning ichki tomoni (ikkinchi va uchinchi betlari) “Tangir” tasviri tushirilgan och kulrangda boʻlib, ofset usulida chop etilgan.
Ichki tomonining chap qismida (ikkinchi beti), markazda, koʻkrak nishonining asliga teng oʻlchamdagi rangli tasviri aks ettirilgan.
Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda, “GUVOHNOMA” (katta harflarda, “Times new Roman Bolt” shrifti, 10 kegl) soʻzi hamda guvohnomaning tartib raqami uchun “№” belgisi va 17 millimetrli chiziq joylashgan.
“GUVOHNOMA” soʻzidan 7 millimetr pastda mukofotlangan shaxsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.
Oldingi tahrirga qarang.
Pastki chiziqdan 12 millimetr quyida, markazda, oraligʻi 3 millimetrli uch satrdan iborat matn joylashgan. Birinchi satrda “Oʻzbekiston Respublikasi”, ikkinchi satrda “Raqamli texnologiyalar”, uchinchi satrda “vazirligi” (“Times new Roman Bolt” shrifti, 10 kegl) soʻzlari yozilgan.
(toʻqqizinchi xatboshi Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Undan 9 millimetr pastda oraligʻi 5 millimetr boʻlgan ikki satrdan iborat matn joylashgan. Birinchi satrda “20___ u. “___” __________dagi”, ikkinchi satrda “____-sonli buyrugʻiga asosan” (“Times new Roman Bolt” shrifti, 10 kegl) soʻzlari yozilgan.
Undan 8 millimetr pastda, markazda, oraligʻi 4 millimetrli ikki satrdan iborat matn joylashgan. Birinchi satrda “MOHIR ALOQACHI” (katta harflarda, “Times new Roman Bolt” shrifti, 12 kegl), ikkinchi satrda “koʻkrak nishoni bilan mukofotlandi” (“Times new Roman Bolt” shrifti, 10 kegl) soʻzlari yozilgan.
Soʻnggi soʻzlardan 12 millimetr pastda, chap tomonda, “Vazir” (“Times new Roman Bolt” shrifti, 10 kegl) soʻzi yozilgan.
Oldingi tahrirga qarang.
“Mohir aloqachi” koʻkrak nishoni
GUVOHNOMASI
(oʻn uchinchi xatboshi Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Vazirlar Mahkamasining 2022-yil 29-noyabrdagi 681-son qaroriga
2-ILOVA
2-ILOVA
“Oʻz kasbining ustasi” belgisi toʻgʻrisida
NIZOM
1-bob. Umumiy qoidalar
1. Ushbu Nizom “Oʻz kasbining ustasi” belgisi bilan taqdirlash tartibini belgilaydi.
2. “Oʻz kasbining ustasi” belgisi bilan axborot texnologiyalari va kommunikatsiyalari sohasida faoliyat koʻrsatayotgan muhandis, elektromontyor, kabelchi, pochtachi, antennachi-machtachi, operator, feldyeger kabi ommaviy kasb egalari oʻzining bilimi va salohiyati hamda yuqori kasbiy mahorati bilan sohani rivojlantirishga qoʻshgan munosib hissasi, yosh mutaxassis kadrlarni tayyorlash borasida samarali mehnatlari uchun taqdirlanadi.
3. “Oʻz kasbining ustasi” belgisi bilan taqdirlash ushbu Nizomga ilovada keltirilgan sxemaga muvofiq amalga oshiriladi.
2-bob. “Oʻz kasbining ustasi” belgisi bilan taqdirlash uchun hujjatlarni taqdim etish va koʻrib chiqish
Oldingi tahrirga qarang.
4. Oʻzbekiston Respublikasi Raqamli texnologiyalar vazirligi (keyingi oʻrinlarda — vazirlik) tizimidagi tashkilotlar “Oʻz kasbining ustasi” belgisi bilan taqdirlash boʻyicha takliflarni har yili 1-aprelga qadar vazirlikka taqdim etadi.
(4-bandning birinchi xatboshisi Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Nomzodlar boʻyicha taqdim etilgan takliflarga ilova sifatida nomzod haqida maʼlumotnoma, uning soʻnggi uch yil davomida axborot texnologiyalari va kommunikatsiyalari sohasini rivojlantirish borasida amalga oshirgan ishlari aks ettirilgan tavsifnoma taqdim etiladi.
Oldingi tahrirga qarang.
5. “Oʻz kasbining ustasi” belgisi bilan taqdirlashga oid takliflarni koʻrib chiqish uchun Oʻzbekiston Respublikasi raqamli texnologiyalar vaziri tomonidan aʼzolari 7 nafardan iborat tarkibda komissiya (keyingi oʻrinlarda — Komissiya) tashkil etiladi.
(5-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Oldingi tahrirga qarang.
6. Komissiya tarkibi va Komissiya toʻgʻrisidagi nizom Oʻzbekiston Respublikasi raqamli texnologiyalar vaziri tomonidan tasdiqlanadi.
(6-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
7. Komissiya yigʻilishida nomzodlarning tegishli hujjatlari oʻrganilib, har yili 20-aprelga qadar eng munosib nomzodlar boʻyicha yakuniy xulosa qabul qilinadi.
3-bob. “Oʻz kasbining ustasi” belgisi bilan taqdirlash tartibi
Oldingi tahrirga qarang.
8. Komissiya xulosasi asosida Oʻzbekiston Respublikasi raqamli texnologiyalar vazirining “Oʻz kasbining ustasi” belgisi bilan taqdirlash toʻgʻrisidagi buyrugʻi har yili 1-mayga qadar chiqariladi.
(8-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Oldingi tahrirga qarang.
9. “Oʻz kasbining ustasi” belgisi har yili 7-may — Oʻzbekiston Respublikasi axborot-kommunikatsiya texnologiyalari sohasi xodimlari kuni arafasida Oʻzbekiston Respublikasi raqamli texnologiyalar vaziri (yoki uning topshirigʻiga muvofiq boshqa masʼul shaxslar) tomonidan tantanali tarzda topshiriladi.
(9-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
10. “Oʻz kasbining ustasi” belgisi bilan taqdirlanganlarga bazaviy hisoblash miqdorining toʻrt baravari miqdorida bir yoʻla toʻlanadigan pul mukofoti yoki esdalik sovgʻalari beriladi.
Oldingi tahrirga qarang.
11. “Oʻz kasbining ustasi” belgisi bilan taqdirlash, istisno tariqasida, Oʻzbekiston Respublikasi raqamli texnologiyalar vazirining buyrugʻiga asosan alohida holatlarda ham amalga oshirilishi mumkin.
(11-band Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
12. “Oʻz kasbining ustasi” belgisi bilan taqdirlanganlar roʻyxati vazirlikning rasmiy veb-saytida eʼlon qilinadi.
13. Bir shaxs “Oʻz kasbining ustasi” belgisi bilan bir marta mukofotlanadi.
14. “Oʻz kasbining ustasi” belgisi davlat mukofotlaridan keyin koʻkrakning chap tomoniga taqiladi.
4-bob. Yakunlovchi qoidalar
15. Vazirlik ushbu Nizomga muvofiq “Oʻz kasbining ustasi” belgisiga tavsiya etilgan nomzodlar hujjatlarining xolis koʻrib chiqilishi uchun bevosita masʼuldir.
16. Ushbu Nizom talablari buzilishida aybdor shaxslar qonunchilik hujjatlarida belgilangan tartibda javobgar boʻladilar.
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 209-moddasi.
Oldingi tahrirga qarang.
“Oʻz kasbining ustasi” belgisi toʻgʻrisidagi nizomga
ILOVA
ILOVA
“Oʻz kasbining ustasi” belgisi bilan taqdirlash
SXEMASI
Bosqichlar | Subyektlar | Tadbirlar | Bajarish muddatlari | |||
1-bosqich | Oʻzbekiston Respublikasi Raqamli texnologiyalar vazirligi tizimidagi tashkilotlar | “Oʻz kasbining ustasi” belgisi bilan taqdirlash boʻyicha takliflarni vazirlikka taqdim etadi. | Har yili 1-aprelga qadar | |||
2-bosqich | “Oʻz kasbining ustasi” belgisi bilan taqdirlashga oid takliflarni koʻrib chiqish boʻyicha komissiya | “Oʻz kasbining ustasi” belgisi bilan taqdirlash boʻyicha nomzodlar haqidagi tegishli hujjatlarni oʻrganib chiqadi va yakuniy xulosa qabul qiladi. | Har yili 20-aprelga qadar | |||
3-bosqich | Oʻzbekiston Respublikasi raqamli texnologiyalar vaziri | “Oʻz kasbining ustasi” belgisi bilan taqdirlash toʻgʻrisida buyruq chiqaradi. | Har yili 1-mayga qadar | |||
4-bosqich | Oʻzbekiston Respublikasi raqamli texnologiyalar vaziri (yoki uning topshirigʻiga muvofiq boshqa masʼul shaxslar) | “Oʻz kasbining ustasi” belgisi bilan taqdirlaydi. | Har yili 7-may — Oʻzbekiston Respublikasi axborot-kommunikatsiya texnologiyalari sohasi xodimlari kuni arafasida | |||
(ilovaning matni Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Vazirlar Mahkamasining 2022-yil 29-noyabrdagi 681-son qaroriga
2a-ILOVA
2a-ILOVA
“Oʻz kasbining ustasi” belgisining
TAVSIFI
“Oʻz kasbining ustasi” belgisi yangilanish, yuksalish va yaratuvchilik kabi maʼnolarni anglatuvchi sakkiz qirrali yulduz shaklida boʻlib, 0,5 mikron qalinlikdagi nikel bilan qoplangan mis qotishmasidan tayyorlanadi.
“Oʻz kasbining ustasi” belgisining qalinligi 2,5 millimetr va diametri 32 millimetrni tashkil qiladi.
Oldingi tahrirga qarang.
“Oʻz kasbining ustasi” belgisining old tomonida axborot-kommunikatsiya texnologiyalari sohasini anglatuvchi vertikal uzuq chiziqlar fonida, markazda Oʻzbekiston Respublikasi Raqamli texnologiyalar vazirligining rasmiy ramzi aks ettirilgan.
(uchinchi xatboshi Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Rasmiy ramzning yuqori qismida “OʻZ KASBINING” va pastki qismida “USTASI” soʻzlari kumush rangda yozilgan boʻlib, harflarining balandligi 2 millimetr.
“Oʻz kasbining ustasi” belgisi old tomonining chetlari qabariq hoshiya bilan oʻralgan.
“Oʻz kasbining ustasi” belgisining orqa tomoniga kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
Vazirlar Mahkamasining 2022-yil 29-noyabrdagi 681-son qaroriga
2b-ILOVA
2b-ILOVA
“Oʻz kasbining ustasi” belgisi guvohnomasining
TAVSIFI
“Oʻz kasbining ustasi” belgisi guvohnomasi (keyingi oʻrinlarda — guvohnoma) 160x110 millimetr oʻlchamdagi koʻk rangli ofset qogʻoz yoki qattiq charm muqovali kitobcha shaklida boʻladi.
Guvohnomaning old tomoni (birinchi beti) yuqori chekkasidan 33 millimetr pastda, markazda, “Oʻz kasbining ustasi” belgisining asliga teng oʻlchamdagi tasviri aks ettirilgan.
“Oʻz kasbining ustasi” belgisi tasviridan 7 millimetr pastda oraligʻi 3 millimetrli uch satrdan iborat matn joylashgan. Birinchi satrda “OʻZ KASBINING USTASI” (katta harflarda, “Times new Roman Bolt” shrifti, 16 kegl), ikkinchi satrda “belgisi” (“Times new Roman Bolt” shrifti, 15 kegl), uchinchi satrda “GUVOHNOMASI” (katta harflarda, “Times new Roman Bolt” shrifti, 16 kegl) soʻzlari yozilgan.
Yozuvlar kumush rangda aks ettirilgan.
Guvohnomaning ichki tomoni (ikkinchi va uchinchi betlari) “Tangir” tasviri tushirilgan och kulrangda boʻlib, ofset usulida chop etilgan.
Ichki tomonining chap qismida (ikkinchi beti), markazda, koʻkrak nishonining asliga teng oʻlchamdagi rangli tasviri aks ettirilgan.
Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda, “GUVOHNOMA” (katta harflarda, “Times new Roman Bolt” shrifti, 10 kegl) soʻzi hamda guvohnomaning tartib raqami uchun “№” belgisi va 17 millimetrli chiziq joylashgan.
“GUVOHNOMA” soʻzidan 7 millimetr pastda mukofotlangan shaxsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.
Oldingi tahrirga qarang.
Pastki chiziqdan 12 millimetr quyida, markazda, oraligʻi 3 millimetrli uch satrdan iborat matn joylashgan. Birinchi satrda “Oʻzbekiston Respublikasi”, ikkinchi satrda “Raqamli texnologiyalar”, uchinchi satrda “vazirligi” (“Times new Roman Bolt” shrifti, 10 kegl) soʻzlari yozilgan.
(toʻqqizinchi xatboshi Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
Undan 9 millimetr pastda oraligʻi 5 millimetr boʻlgan ikki satrdan iborat matn joylashgan. Birinchi satrda “20___ u. “___” ________dagi”, ikkinchi satrda “____-sonli buyrugʻiga asosan” (“Times new Roman Bolt” shrifti, 10 kegl) soʻzlari yozilgan.
Undan 6 millimetr pastda, markazda, oraligʻi 3 millimetrli ikki satrdan iborat matn joylashgan. Birinchi satrda “OʻZ KASBINING USTASI” (katta harflarda, “Times new Roman Bolt” shrifti, 12 kegl), ikkinchi satrda “belgisi” bilan mukofotlandi” (“Times new Roman Bolt” shrifti, 10 kegl) soʻzlari yozilgan.
Soʻnggi soʻzlardan 12 millimetr pastda, chap tomonda, “Vazir” (“Times new Roman Bolt” shrifti, 10 kegl) soʻzi yozilgan.
Oldingi tahrirga qarang.
“Oʻz kasbining ustasi” belgisi
GUVOHNOMASI
(oʻn uchinchi xatboshi Oʻzbekiston Respublikasi Vazirlar Mahkamasining 2025-yil 15-sentabrdagi 584-sonli qarori tahririda — Qonunchilik maʼlumotlari milliy bazasi, 16.09.2025-y., 09/25/584/0830-son)
(Qonunchilik maʼlumotlari milliy bazasi, 30.11.2022-y., 09/22/681/1053-son; 16.09.2025-y., 09/25/584/0830-son)
