|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
QIShLOQ XOʻJALIGI IShLAB ChIQARIShINING TEXNIK JIHATDAN TAʼMINLANGANLIGI DARAJASINI OShIRIShGA OID ChORA-TADBIRLAR TOʻGʻRISIDA
[Koʻchirma]
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
1997-1998-yillarda qishloq xoʻjaligini yuqori unumli mashina-traktor, yerga ishlov beruvchi va oʻrim-yigʻim texnikasi bilan taʼminlash maqsadida Vazirlar Mahkamasi qaror qiladi:
1. Quyidagilar:
hukumat komissiyasi tomonidan mavjud parkning qishloq xoʻjaligi texnikasi ahvoli kompleks tadqiq etilganligi, respublika agrar sektorini tubdan texnika qayta jihozlashni taʼminlovchi mashinalar bilan har yili toʻldirib borish normativlari belgilanganligi;
Tashqi iqtisodiy faoliyat milliy banki “Oʻzqishloqxoʻjalik-taʼminottuzatish” davlat-kooperativ qoʻmitasi tomonidan AQSh Eksimbanki va “Oʻzkeysagrolizing” qoʻshma korxonasi bilan birgalikda kredit va moliyaviy lizing shartlarida import qilinadigan texnikaning ayrim turlarini yetkazib berish masalalari ishlab chiqilganligi;
“Oʻzqishloqxoʻjalikmash-xolding” kompaniyasi va “Oʻzqishloqxoʻjaliktaʼminottuzatish” davlat-kooperativ qoʻmitasi tomonidan bir qancha yetakchi xorijiy kompaniyalar bilan birgalikda yangi qishloq xoʻjaligi mashinalari ishlab chiqarishga tayyorgarlik koʻrish, tuzilayotgan qoʻshma korxonalar doirasida xizmat koʻrsatuvchi servis markazlarini tashkil etish nihoyasiga yetkazilayotganligi maʼlumot uchun qabul qilinsin.
2. “Oʻzqishloqxoʻjalikmash-xolding” kompaniyasining:
import boʻyicha xarid qilinadigan qishloq xoʻjaligi mashinalari uchun ulardan foydalanishdagi ishonchlilikni oshirish va respublikada mukammal tuzatish-tiklash ishlarini olib borish uchun baza yaratish maqsadida ehtiyot qismlar va ishchi organlari ishlab chiqarishni sanoat asosida oʻzlashtirish toʻgʻrisidagi taklifi 1-ilovaga* muvofiq;
xolding tarkibiga kiruvchi korxonalar va xorijiy firmalar bilan qoʻshma korxonalarning qishloq xoʻjaligi mashinalarining asosiy turlarini ishlab chiqarish dasturi toʻgʻrisidagi taklifi 2-ilovaga* muvofiq;
qishloq xoʻjaligi mashinalari va agregatlari ishlab chiqaruvchi yangi qoʻshma korxonalar tashkil etish boʻyicha investitsiyaga oid hamkorlikni kengaytirish toʻgʻrisidagi taklifi 3-ilovaga* muvofiq qabul qilinsin.
* 1—3-ilovalar berilmaydi.
5. “Oʻzqishloqxoʻjaliktaʼminottuzatish” davlat-kooperativ qoʻmitasi, Qishloq va suv xoʻjaligi vazirligining 1997/98 yillarda respublika sharoitlarida sinab koʻrilgan qishloq xoʻjaligi texnikasini 4-ilovaga* muvofiq xarid qilishga oid taklifiga rozilik berilsin, bunda quyidagilar nazarda tutilsin:
* 4-ilova berilmadi.
sholi oʻrish kombaynlarini yetkazib berish “Oʻzkeysagrolizing” qoʻshma korxonasi tomonidan taʼminlanadigan lizing operatsiyasi shartlarida amalga oshiriladi;
haydov traktorlari, shuningdek, gʻalla oʻrish kombaynlari yetkazib berish boʻyicha kontraktlar qiymatining 85 foizi AQSh Eksimbankining sugʻurta qoplamasi ostida xorijiy banklarning toʻlov muddati 5 yil boʻlgan kreditlari hisobiga mablagʻ bilan taʼminlanadi;
kontrakt qiymatining 15 foizi miqdoridagi avans toʻlovi hamda haydov traktorlari va gʻalla oʻrish kombaynlari xarid qilish uchun mablagʻ bilan taʼminlashni tashkil etish xarajatlari “Oʻzqishloqxoʻjaliktaʼminottuzatish” davlat-kooperativ qoʻmitasi mablagʻlari hisobiga amalga oshiriladi;
Oldingi tahrirga qarang.
xorijiy banklar kreditlarini va ular boʻyicha foizlarni toʻlash “Oʻzqishloqxoʻjaliktaʼminottuzatish” davlat-kooperativ qoʻmitasi daromadlari hamda respublika budjeti mablagʻlari hisobiga amalga oshiriladi.
(5-bandning beshinchi xatboshisi Oʻzbekiston Respublikasi Vazirlar Mahkamasining 2003-yil 25-dekabrdagi 567-sonli qarori tahririda — OʻR QHT, 2003-y., 24-son, 241-modda)
Oldingi tahrirga qarang.
(6-band Oʻzbekiston Respublikasi Vazirlar Mahkamasining 2003-yil 25-dekabrdagi 567-sonli qaroriga asosan oʻz kuchini yoʻqotgan — OʻR QHT, 2003-y., 24-son, 241-modda)
7. Oʻzbekiston Respublikasi Moliya vaziri jalb qilinadigan kreditlar boʻyicha AQSh Eksimbankiga va Tashqi iqtisodiy faoliyat milliy bankiga Oʻzbekiston Respublikasi Hukumati kafolatini belgilangan tartibda berishga vakil qilinsin.
8. Oʻzbekiston Respublikasi Adliya vazirligi Oʻzbekiston Respublikasi Hukumatining kafolati boʻyicha yuridik xulosani belgilangan tartibda bersin.
9. Oʻzbekiston Respublikasi Tashqi iqtisodiy faoliyat milliy banki belgilangan tartibda kredit bitimini tuzsin va AQSh Eksimbanki sugʻurta qoplamasi ostidagi xorijiy bank mablagʻlari “Oʻzqishloqxoʻjaliktaʼminottuzatish” davlat-kooperativ qoʻmitasiga qayta moliyalashtirilishini taʼminlasin.
11. “Oʻzqishloqxoʻjaliktaʼminottuzatish” davlat-kooperativ qoʻmitasi respublikaga import boʻyicha keltiriladigan traktorlar va kombaynlar uchun boj poshlinalari hamda yigʻimlar toʻlashdan ozod qilinsin.
12. “Oʻzqishloqxoʻjaliktaʼminottuzatish” davlat-kooperativ qoʻmitasi, Qishloq va suv xoʻjaligi vazirligi va boshqa manfaatdor tashkilotlar 1998-yildan boshlab qishloq xoʻjaligi mashinalarining yangi turlarini xarid qilishni qatʼiy ravishda tanlov asosida amalga oshirsinlar. Tushadigan takliflarni tanlov asosida tanlab olish maqsadida maxsus qoʻshma ishchi komissiyasi tuzilsin.
13. Belgilansinki, mazkur qarorga muvofiq qishloq xoʻjaligiga yetkazib beriladigan barcha texnika mashina-traktor parklari balansiga beriladi.
Ushbu texnikalarni ajratish koʻrsatib oʻtilgan parklarning texnik bazasi, servis holati va umuman taʼminlanganligi bilan bogʻliq ravishda amalga oshirilsin.
14. Belgilansinki, Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari xoʻjaliklar tomonidan ishlab turgan qishloq xoʻjaligi parkidan maqsadli va samarali foydalanilishi, qishloq xoʻjaligi mashinalarining asoslangan holda hisobdan chiqarilishi va yangilanishining nazorat qilinishi uchun shaxsan javob beradilar.
15. Qishloq va suv xoʻjaligi vazirligi va “Oʻzqishloqxoʻjaliktaʼminottuzatish” davlat-kooperativ qoʻmitasining Toshkent qishloq xoʻjaligini irrigatsiyalash va mexanizatsiyalash muhandislari instituti huzurida zamonaviy qishloq xoʻjaligi texnikasidan foydalanish va unga servis xizmati koʻrsatish uchun muhandis-texnik xodimlar tayyorlash va ularning malakasini oshirish boʻyicha oʻquv markazi tashkil etish toʻgʻrisidagi taklifiga rozilik berilsin.
Qishloq va suv xoʻjaligi vazirligi Qoraqalpogʻiston Respublikasida va viloyatlarda chet ellardan sotib olinadigan va chet el texnologiyasidan foydalangan holda qoʻshma korxonalarda tayyorlanadigan traktorlar va murakkab mashinalarda ishlash uchun mexanizatorlar tayyorlovchi hamda ularning malakasini oshiruvchi doimiy ishlaydigan kurslar tashkil etsin.
16. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1997-yil 20-avgust,
410-son
