PQ-372-сон 08.09.2022. Abu Dabi taraqqiyot jamgʻarmasi ishtirokida “Samarqand shahrida suv taʼminoti tizimlari va yoʻl tarmoqlarini modernizatsiya qilish” loyihasini amalga oshirish chora-tadbirlari toʻgʻrisida

Oʻzbekiston Respublikasi Prezidentining

Qarori

Abu Dabi taraqqiyot jamgʻarmasi ishtirokida “Samarqand shahrida suv taʼminoti tizimlari va yoʻl tarmoqlarini modernizatsiya qilish” loyihasini amalga oshirish chora-tadbirlari toʻgʻrisida

Oʻzbekiston Respublikasi Prezidentining 2019-yil 2-apreldagi “Oʻzbekiston Respublikasi va Birlashgan Arab Amirliklari oʻrtasida ikki tomonlama hamkorlikni yanada mustahkamlash va kengaytirish chora-tadbirlari toʻgʻrisida”gi PQ-4256-son qaroriga muvofiq hamda Samarqand shahrida suv taʼminoti va yoʻl tarmogʻini modernizatsiya qilish, shahar infratuzilmasini takomillashtirish va samaradorligini oshirish maqsadida:

1. Quyidagilar:

Oʻzbekiston Respublikasi va Abu Dabi taraqqiyot jamgʻarmasi oʻrtasida “Samarqand shahrida suv taʼminoti tizimlari va yoʻl tarmoqlarini modernizatsiya qilish” loyihasini (keyingi oʻrinlarda — Loyiha) amalgaoshirish uchun 4 yillik imtiyozli davrni oʻz ichiga olgan holda 17 yilda qaytarish muddati bilan 1 101 900 000 Birlashgan Arab Amirliklari dirhami miqdorida qarz bitimi imzolanganligi;

Loyihani amalga oshirish davri 4 yilni (2022 — 2026-yillar) tashkil etishi maʼlumot uchun qabul qilinsin.

2. Belgilab qoʻyilsinki:

a) Loyiha Abu Dabi taraqqiyot jamgʻarmasi tomonidan ajratiladigan qarz mablagʻlari hisobidan moliyalashtiriladi;

b) Samarqand viloyati hokimligi Abu Dabi taraqqiyot jamgʻarmasi tomonidan ajratiladigan qarz mablagʻlarining maqsadli va samarali sarflanishi hamda Loyihaning oʻz vaqtida va sifatli amalga oshirilishi uchun masʼul ijro etuvchi organ hisoblanadi;

v) Loyiha doirasida Abu Dabi taraqqiyot jamgʻarmasining asosiy qarzini qaytarish, foizlar, qarzga xizmat koʻrsatish toʻlovi va boshqa xarajatlar:

suv taʼminoti tizimlarini modernizatsiya qilish qismi boʻyicha “Samarqand suv taʼminoti” MCHJ va Samarqand viloyati mahalliy budjeti hisobidan;

yoʻl tarmoqlarini modernizatsiya qilish qismi boʻyicha Respublika budjeti mablagʻlari hisobidan qoplanadi.

3. Quyidagilar:

Abu Dabi taraqqiyot jamgʻarmasi ishtirokida “Samarqand shahrida suv taʼminoti tizimlari va yoʻl tarmoqlarini modernizatsiya qilish” loyihasi texnik-iqtisodiy asosining asosiy koʻrsatkichlari 1-ilovaga muvofiq;

“Samarqand shahrida suv taʼminoti tizimlari va yoʻl tarmoqlarini modernizatsiya qilish” loyihasi boʻyicha jalb qilingan Abu Dabi taraqqiyot jamgʻarmasining qarz mablagʻlarini qaytarish, foizlar, qarzga xizmat koʻrsatish toʻlovi va boshqa xarajatlarni toʻlashning prognoz jadvali 2-ilovaga muvofiq;

“Samarqand shahrida suv taʼminoti tizimlari va yoʻl tarmoqlarini modernizatsiya qilish” loyihasi doirasida Abu Dabi taraqqiyot jamgʻarmasining qarz mablagʻlari hisobidan suv taʼminoti tizimini modernizatsiya qilish xarajatlarini qoplash boʻyicha ulushlar taqsimotining prognoz jadvali 3-ilovaga muvofiq tasdiqlansin.

4. Moliya vaziriga “Oʻzsuvtaʼminot” AJ, Samarqand viloyati hokimligi va “Samarqand suv taʼminoti” MCHJ bilan Abu Dabi taraqqiyot jamgʻarmasining qarz mablagʻlarini suv taʼminoti tizimini modernizatsiya qilish qismi boʻyicha qayta kreditlash toʻgʻrisidagi bitimni imzolash, shuningdek, zarur hollarda, ushbu bitimga oʻzgartirish va qoʻshimchalar kiritish vakolati berilsin.

5. Oʻzbekiston Respublikasi Bojxona kodeksiga asosan Oʻzbekiston Respublikasining xalqaro shartnomalari boʻyicha xalqaro moliya institutlari va xorijiy hukumat moliya tashkilotlari tomonidan berilgan qarzlar (kreditlar) hisobidan yuridik shaxslar tomonidan bojxona hududiga olib kiriladigan tovarlar bojxona bojidan ozod qilinganligi maʼlumot uchun qabul qilinsin.

Belgilansinki, Loyihani amalga oshirish doirasida hosil boʻladigan qoʻshilgan qiymat soligʻi summasi xoʻjalik yurituvchi subyektlar mablagʻlari hisobidan toʻlanadi, toʻlangan qoʻshilgan qiymat soligʻi summasi xoʻjalik yurituvchi subyektlarga respublika budjeti mablagʻlari hisobidan qoplab beriladi.

6. Adliya vazirligi Oʻzbekiston Respublikasi va Abu Dabi taraqqiyot jamgʻarmasi oʻrtasida qarz bitimi hamda Moliya vazirligi bilan tegishincha “Oʻzsuvtaʼminot” AJ, Samarqand viloyati hokimligi va “Samarqand suv taʼminoti” MCHJ oʻrtasida Abu Dabi taraqqiyot jamgʻarmasi qarz mablagʻlarini qayta kreditlash toʻgʻrisidagi bitim, shuningdek, ushbu bitimga oʻzgartirish va qoʻshimchalar kiritish haqidagi bitimlarga belgilangan tartibda yuridik xulosa bersin.

7. Investitsiyalar va tashqi savdo vazirligi Moliya vazirligi bilan birgalikda belgilangan tartibda Oʻzbekiston Respublikasining Investitsiya dasturlarida har bir yil uchun asosiy koʻrsatkichlarni aniqlashtirib va yangilab borgan holda Loyiha doirasida ajratiladigan mablagʻlarni inobatga olsin.

8. Samarqand viloyati hokimligi:

Investitsiyalar va tashqi savdo vazirligi hamda Moliya vazirligi bilan kelishgan holda bir oy muddatda Samarqand viloyati hokimligi huzurida Loyihani amalga oshirish guruhi tashkil etilishini;

Loyihani amalga oshirish davrida Loyihani amalga oshirish guruhi faoliyatini moliyalashtirish boʻyicha har yillik xarajatlar smetasi hamda shtatlar jadvalining Moliya vazirligi bilan kelishgan holda tasdiqlanishini;

Loyiha boʻyicha oʻzlashtirilgan mablagʻlar hamda erishilgan natijalar yuzasidan maʼlumotlar majburiy tarzda Samarqand viloyati hokimligining rasmiy veb-saytida muntazam eʼlon qilib borilishini;

suv inshootlari va tarmoqlarini qurish uchun zarur boʻlgan yer maydoni oʻrnatilgan tartibda oʻz vaqtida ajratilishini;

Loyiha doirasida obyektlar qurilishi rejalashtirilgan hududlardagi jismoniy va yuridik shaxslarga tegishli koʻchmas mulk obyektlarini koʻchirish va mulkdorga yetkazilgan zararning oʻrnini qoplashni taʼminlash Vazirlar Mahkamasining 2019-yil 16-noyabrdagi “Jismoniy va yuridik shaxslarning mulk huquqlari kafolatlarini taʼminlash hamda yer uchastkalarini olib qoʻyish va kompensatsiya berish tartibini takomillashtirishga doir qoʻshimcha chora-tadbirlar toʻgʻrisida”gi 911-son qarori talablariga muvofiq amalga oshirilishini taʼminlasin.

9. Davlat dasturlari ijro etilishini nazorat qilish va muvofiqlashtirish boʻyicha respublika shtabi (E.T. Yuldashev) Loyiha doirasidagi mablagʻlarning maqsadli ajratilishi va sarflanishi ustidan doimiy nazorat oʻrnatsin hamda har yarim yilda Oʻzbekiston Respublikasi Prezidenti Administratsiyasiga axborot kiritib borsin.

Korrupsiyaga qarshi kurashish agentligi (A.E. Burxanov) Loyiha doirasida ajratilgan mablagʻlarning maqsadli ishlatilishi jarayonida ochiqlik va oshkoralikni taʼminlash ustidan doimiy nazorat oʻrnatsin.

10. Quyidagilarga:

Samarqand viloyati hokimligiga Uy-joy kommunal xizmat koʻrsatish vazirligi va Avtomobil yoʻllari qoʻmitasi bilan birgalikda — obyektlarning loyiha-smeta hujjatlari ishlab chiqilishini va vakolatli organlardan oʻrnatilgan tartibda ekspertizadan oʻtkazilishini taʼminlash;

Qurilish vazirligiga — obyektlarda olib boriladigan qurilish-montaj ishlari sifatli bajarilishi ustidan nazoratni amalga oshirish;

Ekologiya va atrof-muhitni muhofaza qilish davlat qoʻmitasiga — obyektlarning loyiha hujjatlari belgilangan tartibda davlat ekologik ekspertizasidan oʻtkazilishini va Loyiha doirasida tabiatni muhofaza qilishga oid qonunchilik hujjatlariga rioya etilishi ustidan nazorat oʻrnatilishini hamda daraxtlar koʻchirilgan hududlarda qoʻshimcha ekilishini taʼminlash;

Turizm va madaniy meros vazirligi huzuridagi Madaniy meros agentligiga — madaniy meros obyektlari bilan bogʻliq Loyiha doirasida amalga oshiriladigan ishlar belgilangan tartibda kelishilishini va madaniy meros obyektlarini muhofaza qilish va ulardan foydalanish toʻgʻrisidagi qonunchilik hujjatlariga rioya qilinishi ustidan nazorat oʻrnatish vazifalari yuklatilsin.

11. Samarqand viloyati hokimligining buyurtmanomalariga binoan:

Tashqi ishlar vazirligi — Loyihani amalga oshirishda ishtirok etadigan xorijiy mutaxassislar uchun kirish vizalarini konsullik yigʻimlari va haqiqiy xarajatlarning oʻrnini qoplash hisobidan yigʻimlar undirilmasdan, zarur hollarda, Islom Karimov nomidagi “Toshkent” xalqaro aeroportida rasmiylashtirilishini (muddati uzaytirilishini);

Oldingi tahrirga qarang.

Ichki ishlar vazirligi — Loyihani amalga oshirishda ishtirok etadigan xorijiy mutaxassislarga davlat boji undirmasdan koʻp martalik vizalar rasmiylashtirilishi (muddati uzaytirilishi) hamda turgan joyi boʻyicha roʻyxatdan oʻtkazilishi va uning muddati uzaytirilishini;

(11-bandning uchinchi xatboshisi Oʻzbekiston Respublikasi Prezidentining 2026-yil 9-iyundagi PF-109-sonli Farmoni tahririda — Qonunchilik maʼlumotlari milliy bazasi, 10.06.2026-y., 06/26/109/0580-son)

Bandlik va mehnat munosabatlari vazirligi — oʻrnatilgan tartibda xorijiy mutaxassislarni (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasiga jalb etishga ruxsatnomalar berilishi (muddati uzaytirilishi), shuningdek, koʻrsatib oʻtilgan xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishi) belgilangan tartibda taʼminlasin.

12. Mazkur qaror ijrosini samarali tashkil qilishga masʼul va shaxsiy javobgar etib Samarqand viloyati hokimi E.O. Turdimov belgilansin.

Qaror ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vazirining oʻrinbosarlari A.J. Ramatov va J.A. Xodjayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 8-sentabr,

PQ-372-son

Oʻzbekiston Respublikasi Prezidentining 2022-yil 8-sentabrdagi PQ-372-son qaroriga
1-ILOVA

Abu Dabi taraqqiyot jamgʻarmasi ishtirokida “Samarqand shahrida suv taʼminoti tizimlari va yoʻl tarmoqlarini modernizatsiya qilish” loyihasi texnik-iqtisodiy asosining

ASOSIY KOʻRSATKICHLARI

T/r	Koʻrsatkich nomi	Oʻlchov birligi	Jami qiymati	shu jumladan:
T/r	Koʻrsatkich nomi	Oʻlchov birligi	Jami qiymati	Abu Dabi rivojlanish jamgʻarmasi qarzi	Oʻzbekiston Respublikasi ulushi
1.	Loyihaning umumiy qiymati	ming BAA dirhami	1 316 064,9	1 101 900,0	214 164,9
1.	Loyihaning umumiy qiymati	ming AQSH dollari ekvivalentida	358 307,9	300 000,0	58 307,9
	suv taʼminoti tizimlarini modernizatsiya qilish	ming AQSH dollari ekvivalentida	53 075,3	53 075,3
	yoʻl tarmoqlarini modernizatsiya qilish	ming AQSH dollari ekvivalentida	246 924,7	246 924,7
2.	Kapital quyilmalar, jami	ming BAA dirhami	1 316 064,9	1 101 900,0	214 164,9
2.	Kapital quyilmalar, jami	ming AQSH dollari ekvivalentida	358 307,9	300 000,0	58 307,9
	shu jumladan:
2.1.	Mashina va uskunalar	ming AQSH dollari ekvivalentida	9 793,0	9 793,0
2.2.	Qurilish-montaj ishlari	ming AQSH dollari ekvivalentida	275 307,1	275 307,1
	shundan:
	suv taʼminoti tizimlarini modernizatsiya qilish	ming AQSH dollari ekvivalentida	43 272,8	43 272,8
	yoʻl tarmoqlarini modernizatsiya qilish	ming AQSH dollari ekvivalentida	232 034,4	232 034,4
2.3.	Investitsiya davridagi moliyaviy xarajatlar	ming AQSH dollari ekvivalentida	15 542,8		15 542,8
2.4.	Boshqa xarajatlar	ming AQSH dollari ekvivalentida	14 899,8	14 899,8
2.5.	Qoʻshilgan qiymat soligʻini qoplash	ming AQSH dollari ekvivalentida	42 765,1		42 765,1
3.	Korxona quvvati, jumladan:
	Mahsulot ishlab chiqarish hajmi
	Ichimlik suv, jami	ming m3	51 508
	Oqova suv xizmati, jami	ming m3	25 381
	Kutilayotgan eksport hajmi	Koʻzda tutilmagan
4.	Loyiha doirasida band qilinadigan ishchilarning taxminiy soni	nafar	Oʻzgarishsiz
5.	Loyihani taxminiy qoplanish muddati	yillar	Belgilangan hisob-kitob davridan tashqarida
6.	Investitsiyalash davri	oylar	48
7.	Yaratiladigan ishlab chiqarish fondlarining qiymati	ming AQSH dollari ekvivalentida	365 043,4
8.	Kredit va boshqa qarz mablagʻlarni qaytarish muddati	yillar		17
	Shu jumladan valyuta qarzlari boʻyicha	yillar		17

Izoh: loyihada tarkibiy qismlardan hadli yondashuvi qoʻllaniladi va ularning narxlari oʻzgarishi mumkin.

Yakuniy koʻrsatkichlar, shu jumladan davlat budjetidan ajratiladigan zarur mablagʻlar miqdori texnik-iqtisodiy asosni ishlab chiqish natijalari boʻyicha aniqlanadi.

Oʻzbekiston Respublikasi Prezidentining 2022-yil 8-sentabrdagi PQ-372-son qaroriga
2-ILOVA

PROGNOZ JADVALI

	Kredit miqdori		—	1 101 900 000,00	BAA dirhami	1 101 900 000,00
	Kreditni qaytarish muddati		—	17	yil	17,00
	Imtiyozli davr		—	4	yillik	4,00
	Yillik foiz stavkasi		—	2,5	foiz	2,50
	Qarzga xizmat koʻrsatish toʻlovi		— Yillik	0,5	foiz	0,50
							BAA dirhamida
T/r	Toʻlov davri	Qarzni oʻzlashtirish	Qarz qoldigʻi	Asosiy qarzni toʻlash	Foiz toʻlovi	Qarzga xizmat koʻrsatish toʻlovi	Jami toʻlanadigan summa
1.	05.10.2022	78 707 142,85	78 707 142,85
2.	05.04.2023	157 414 285,71	236 121 428,56		349 809,52	69 961,90	419 771,42
3.	05.10.2023	157 414 285,71	393 535 714,27		2 951 517,86	590 303,57	3 541 821,43
4.	05.04.2024	157 414 285,71	550 949 999,98		4 919 196,43	983 839,29	5 903 035,72
5.	05.10.2024	157 414 285,71	708 364 285,69		6 886 875,00	1 377 375,00	8 264 250,00
6.	05.04.2025	157 414 285,71	865 778 571,40		8 854 553,57	1 770 910,71	10 625 464,28
7.	05.10.2025	157 414 285,71	1 023 192 857,11		10 822 232,14	2 164 446,43	12 986 678,57
8.	05 04.2026	78 707 142,89	1 101 900 000,00		12 789 910,71	2 557 982,14	15 347 892,85
9.	05.10.2026		1 059 519 230,00	42 380 770,00	13 773 750,00	2 754 750,00	58 909 270,00
10.	05.04.2027		1 017 138 460,00	42 380 770,00	13 243 990,38	2 648 798,08	58 273 558,46
11.	05.10.2027		974 757 690,00	42 380 770,00	12 714 230,75	2 542 846,15	57 637 846,90
12.	05.04.2028		932 376 920,00	42 380 770,00	12 184 471,13	2 436 894,23	57 002 135,36
13.	05.10.2028		889 996 150,00	42 380 770,00	11 654 711,50	2 330 942,30	56 366 423,80
14.	05.04.2029		847 615 380,00	42 380 770,00	11 124 951,88	2 224 990,38	55 730 712,26
15.	05.10.2029		805 234 610,00	42 380 770,00	10 595 192,25	2 119 038,45	55 095 000,70
16.	05.04.2030		762 853 840,00	42 380 770,00	10 065 432,63	2 013 086,53	54 459 289,16
17.	05.10.2030		720 473 070,00	42 380 770,00	9 535 673,00	1 907 134,60	53 823 577,60
18.	05.04.2031		678 092 300,00	42 380 770,00	9 005 913,38	1 801 182,68	53 187 866,06
19.	05.10.2031		635 711 530,00	42 380 770,00	8 476 153,75	1 695 230,75	52 552 154,50
20.	05.04.2032		593 330 760,00	42 380 770,00	7 946 394,13	1 589 278,83	51 916 442,96
21.	05.10.2032		550 949 990,00	42 380 770,00	7 416 634,50	1 483 326,90	51 280 731,40
22.	05.04.2033		508 569 220,00	42 380 770,00	6 886 874,88	1 377 374,98	50 645 019,86
23.	05.10.2033		466 188 450,00	42 380 770,00	6 357 115,25	1 271 423,05	50 009 308,30
24.	05.04.2034		423 807 680,00	42 380 770,00	5 827 355,63	1 165 471,13	49 373 596,76
25.	05.10.2034		381 426 910,00	42 380 770,00	5 297 596,00	1 059 519,20	48 737 885,20
26.	05.04.2035		339 046 140,00	42 380 770,00	4 767 836,38	953 567,28	48 102 173,66
27.	05.10.2035		296 665 370,00	42 380 770,00	4 238 076,75	847 615,35	47 466 462,10
28.	05.04.2036		254 284 600,00	42 380 770,00	3 708 317,13	741 663,43	46 830 750,56
29.	05.10.2036		211 903 830,00	42 380 770,00	3 178 557,50	635 711,50	46 195 039,00
30.	05.04.2037		169 523 060,00	42 380 770,00	2 648 797,88	529 759,58	45 559 327,46
31.	05.10.2037		127 142 290,00	42 380 770,00	2 119 038,25	423 807,65	44 923 615,90
32.	05.04.2038		84 761 520,00	42 380 770,00	1 589 278,63	317 855,73	44 287 904,36
33.	05.10.2038		42 380 750,00	42 380 770,00	1 059 519,00	211 903,80	43 652 192,80
34.	05.04.2039		0,00	42 380 750,00	529 759,38	105 951,88	43 016 461,26
Jami		1 101 900 000,00	0,00	1 101 900 000,00	233 519 717,17	46 703 943,48	1 382 123 660,65

Izoh:

* Abu Dabi taraqqiyot jamgʻarmasining qarz bitimi boʻyicha asosiy qarzni, foizlarni, boshqa toʻlovlarni toʻlash qiymati va qarzni qaytarish sanalari qarz mablagʻlari yechilgan kundan boshlab aniqlanadi.

** Qarz mablagʻlarining suv taʼminoti tizimlariga ajratilayotgan qismidan tashqari qismi toʻliq Oʻzbekiston Respublikasi Respublika budjeti hisobidan qoplanadi.

Oʻzbekiston Respublikasi Prezidentining 2022-yil 8-sentabrdagi PQ-372-son qaroriga
3-ILOVA

“Samarqand shahrida suv taʼminoti tizimlari va yoʻl tarmoqlarini modernizatsiya qilish” loyihasi doirasida Abu Dabi taraqqiyot jamgʻarmasining qarz mablagʻlariga suv taʼminoti tizimini modernizatsiya qilish xarajatlarini qoplash boʻyicha ulushlar taqsimotining

PROGNOZ JADVALI*

T/r	Yillar	“Samarqand suv taʼminoti” MCHJning ulushi	Samarqand viloyati mahalliy budjeti ulushi
1.	2022	16%	84%
2.	2023	22%	78%
3.	2024	32%	68%
4.	2025	38%	62%
5.	2026	33%	67%
6.	2027	34%	66%
7.	2028	42%	58%
8.	2029	47%	53%
9.	2030	40%	60%
10.	2031	44%	56%
11.	2032	47%	53%
12.	2033	52%	48%
13.	2034	60%	40%
14.	2035	72%	28%
15.	2036	80%	20%
16.	2037	86%	14%
17.	2038	92%	8%
18.	2039	100%	0%
Jami		52	48

* Mazkur qarz mablagʻlarini qaytarish ulushlari “Samarqand suv taʼminoti” MCHJga xalqaro moliya institutlaridan jalb qilingan barcha kreditlarni inobatga olgan holda hisob-kitob qilingan.

(Qonunchilik maʼlumotlari milliy bazasi, 09.09.2022-y., 07/22/372/0806-son; 10.06.2026-y., 06/26/109/0580-son)