Oʻzbekiston Respublikasi Prezidentining Oʻzbekiston Respublikasi Prezidentining 2021-yil 23-martdagi PF-6191-son “Aholi va tadbirkorlik subyektlariga davlat xizmatlaridan foydalanishda yanada qulay sharoitlar yaratish, bu borada byurokratik toʻsiqlarni qisqartirish boʻyicha qoʻshimcha chora-tadbirlar toʻgʻrisida”gi, 2021-yil 24-iyuldagi PF-6269-son “Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida”gi hamda 2022-yil 11-apreldagi PF-102-son “Tibbiyotda xususiy sektor faoliyatiga qoʻshimcha qulayliklar yaratish va soha xodimlarini qoʻllab-quvvatlash chora-tadbirlari toʻgʻrisida”gi farmonlariga muvofiq buyuraman:

1. Oʻzbekiston Respublikasi sogʻliqni saqlash vazirining 2014-yil 18-dekabrdagi 21-son buyrugʻi (roʻyxat raqami 2649, 2015-yil 19-yanvar) (Oʻzbekiston Respublikasi qonun hujjatlari toʻplami, 2015-y., 3-son, 32-modda) bilan tasdiqlangan Tibbiyot va farmatsevtika xodimlarini attestatsiyadan oʻtkazish va ularga malaka toifalari berish tartibi toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 4-banddagi “besh yil” degan soʻzlar “uch yil” degan soʻzlar bilan almashtirilsin.

2. 5-banddagi “yetti yil” degan soʻzlar “besh yil” degan soʻzlar bilan almashtirilsin.

3. 6-banddagi “oʻn yil” degan soʻzlar “yetti yil” degan soʻzlar bilan almashtirilsin.

4. 22-bandda:

uchinchi — beshinchi xatboshilar chiqarib tashlansin;

oltinchi — oʻn beshinchi xatboshilar tegishli ravishda uchinchi — oʻn ikkinchi xatboshilar deb hisoblansin;

yettinchi va sakkizinchi xatboshilar chiqarib tashlansin;

toʻqqizinchi — oʻn ikkinchi xatboshilar tegishli ravishda yettinchi — oʻninchi xatboshilar deb hisoblansin;

quyidagi mazmundagi toʻqqizinchi xatboshi bilan toʻldirilsin:

“Talabgorning nikoh qayd etilganligi, nikohda turmasligi yoki nikohdan ajralganligi toʻgʻrisidagi maʼlumotlar (diplom yoki malaka toifasi olgandan soʻng familiyasi oʻzgargan talabgorlar uchun), tibbiy yoki farmatsevtik maʼlumoti toʻgʻrisidagi diplom maʼlumotlari, shuningdek ish stajini tasdiqlovchi maʼlumotlar “Elektron hukumat” tizimi idoralararo integratsiyalashuv platformasi orqali doimiy ishchi organ tomonidan mustaqil ravishda soʻrab olinadi.”;

toʻqqizinchi va oʻninchi xatboshilar tegishli ravishda oʻninchi va oʻn birinchi xatboshilar deb hisoblansin.