toggle_night_mode
Hujjat 06.05.2022 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
Vazirlar Mahkamasining “Qishloq xoʻjaligiga moʻljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash toʻgʻrisida” 2021-yil 24-noyabrdagi 709-son qaroriga oʻzgartirish va qoʻshimchalar kiritish haqida
Oʻzbekiston Respublikasi Prezidentining “Qishloq xoʻjaligiga moʻljallangan yer uchastkalarini ijaraga berish tartibini soddalashtirish chora-tadbirlari toʻgʻrisida” 2022-yil 24-martdagi PF-91-son Farmoniga muvofiq Vazirlar Mahkamasi qaror qiladi:
1. Vazirlar Mahkamasining “Qishloq xoʻjaligiga moʻljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash toʻgʻrisida” 2021-yil 24-noyabrdagi 709-son qaroriga ilovaga muvofiq oʻzgartirish va qoʻshimchalar kiritilsin.
2. Oʻzbekiston Respublikasi Qishloq xoʻjaligi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 6-may,
237-son

Vazirlar Mahkamasining 2022-yil 6-maydagi 237-son qaroriga

ILOVA
Vazirlar Mahkamasining “Qishloq xoʻjaligiga moʻljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash toʻgʻrisida” 2021-yil 24-noyabrdagi 709-son qaroriga kiritilayotgan oʻzgartirish va qoʻshimchalar
1. Quyidagi mazmundagi 21-band bilan toʻldirilsin:
“21. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Qishloq xoʻjaligi vazirligi bilan birgalikda takroran oʻtkazilgan ochiq elektron tanlovda ham gʻolib aniqlanmagan yer uchastkalari boʻyicha yer tuzish loyihalarini yangidan shakllantirish, zaruratga koʻra, yer uchaskasining maydoni, ixtisosligini oʻzgartirgan holda talab yuqori boʻlgan boshqa yoʻnalishlar boʻyicha ochiq elektron tanlovga chiqarilishini taʼminlasin”.
Keyingi tahrirga qarang.
2. 3-bandning ikkinchi xatboshidagi “30 yil muddatga” soʻzlari “yer uchastkasining ijara muddatiga” soʻzlari bilan almashtirilsin.
3. 1-ilovada:
a) 2-bandda:
quyidagi mazmundagi oʻn toʻrtinchi xatboshi bilan toʻldirilsin:
“shaxsiy hisobvaraq — savdo platformasi maʼlumotlar bazasida talabgor roʻyxatdan oʻtganda avtomatik ravishda ochiladigan hisobvaraq”;
oʻn toʻrtinchi — oʻn yettinchi xatboshilar tegishlicha oʻn beshinchi — oʻn sakkizinchi xatboshilar deb hisoblansin;
b) 7-bandda:
birinchi xatboshi quyidagi tahrirda bayon etilsin:
“7. Ijrochi uch ish kuni ichida “E-IJARA” AT orqali yuklab olingan tuman (shahar) hokimliklari nomiga davlat roʻyxatidan oʻtkazilgan qishloq xoʻjaligi yer uchastkalarini joyiga chiqqan holda oʻrganadi va yer uchastkasining haqiqiy holati (loyihalashtirilayotgan yer uchastkasining holati, hududning ixtisosligi, suv bilan taʼminlanganlik darajasi va irrigatsiya tizimining holati, ball-boniteti, shoʻrlanish darajasi toʻgʻrisidagi maʼlumotlar)dan kelib chiqib, yer uchastkasining yer tuzish loyihasini ishlab chiqadi”;
quyidagi mazmundagi xatboshi bilan toʻldirilsin:
“Bitta yaxlit konturdagi bir nechta lotlar uchun umumlashgan yagona yer tuzish loyihasi ishlab chiqilishi mumkin. Bunda ijrochi tomonidan har bir lotning buyurtmasiga yer uchastkasini identifikatsiya qilish imkonini beruvchi maʼlumotlar kiritiladi”;
v) 9-band quyidagi tahrirda bayon etilsin:
“9. “E-IJARA” ATga yer tuzish loyihalari joylashtirilgan kundan boshlab uch ish kuni ichida:
a) vakolatli tashkilotlar tomonidan ushbu loyihalar kelishiladi yoki kelishish rad etiladi, bunda:
“E-IJARA” AT da qabul qilingan tegishli qaror haqida elektron raqamli imzo bilan tasdiqlanadigan belgi qoʻyiladi;
kelishuv hech qanday eʼtiroz va shartlarsiz amalga oshiriladi;
kelishish rad etilganda, sohaga oid qonunchilik hujjatlari normalariga havolalar qilingan holda, taqdim etilgan yer tuzish loyihasini amalga oshirish imkoni yoʻqligining asoslangan sabablari koʻrsatiladi hamda mazkur loyiha aynan qaysi jihatdan ushbu normalarga muvofiq emasligi koʻrsatiladi;
belgilangan muddatda javob berilmagan hollarda yer tuzish loyihalari kelishilgan hisoblanadi;
Kadastr agentligiga kelishish uchun maʼlumotlar elektron axborot almashinuvi orqali yuboriladi;
b) tuman (shahar) hokimligi taqdim etilgan yer tuzish loyihasini koʻrib chiqib, ERI bilan tasdiqlaydi hamda “E-IJARA” AT orqali ijrochiga yuboradi, bunda:
tuman (shahar) hokimligi ochiq elektron tanlovga qoʻyilayotgan yer uchastkasining ixtisoslashuvi va yoʻnalishiga oʻzgartirish kiritish haqida yoki ochiq elektron tanlovda ishtirok etuvchi shaxslar (ochiq elektron tanlovga quyilgan yer uchastkasi joylashgan hududdagi jismoniy shaxslar) doirasini belgilagan holda yer tuzish loyihasini unga tuzatishlar kiritish uchun ijrochiga qaytarishi mumkin, boshqa sabablar bilan yer tuzish loyihasini qaytarishga yoʻl qoʻyilmaydi”;
g) 10-bandda birinchi xatboshi quyidagi tahrirda bayon etilsin:
“Ishlab chiqilgan yer tuzish loyihasiga quyidagi hujjatlar ilova qilinadi:”;
d) 11-band oʻz kuchini yoʻqotgan deb hisoblansin;
e) 14-band quyidagi mazmundagi uchinchi xatboshi bilan toʻldirilsin:
“Bunda, lotlarga boʻlingan konturning yaxlitligini taʼminlagan holda bir xil turdagi mahsulot ekish boʻyicha yer tuzish loyihasi tayyorlanib, bir yoʻla yuboriladigan buyurtmanoma bilan ochiq elektron tanlovga chiqariladi”;
j) 22-bandda ikkinchi va uchinchi xatboshilari quyidagi tahrirda bayon etilsin:
“savdo platformasi orqali ushbu Reglamentga 3-ilovada keltirilgan shakldagi arizani ERI bilan yoki platformada yaratilgan maxsus identifikatsiyalash imkoniyatidan foydalangan holda tasdiqlab yuboradi;
bazaviy hisoblash miqdorining bir baravari miqdoridagi zakalat pulni operatorning maxsus depozit hisobvaragʻiga kiritadi, “Temir daftar”, “Ayollar daftari”, “Yoshlar daftari”ga va 2022-yil 1-mart sanasidan keyin xorijdan qaytib kelgan mehnat migrantlari roʻyxatiga kiritilgan talabgorlar ushbu toʻlovdan ozod qilinadi”;
z) 25-bandda “soat 10:00” soʻzlari “soat 09:30” soʻzlari bilan almashtirilsin;
i) 27-bandda toʻrtinchi xatboshi quyidagi tahrirda bayon etilsin:
“ochiq elektron tanlovda ishtirok etish uchun faqat bir nafar ishtirokchi ariza topshirgan boʻlsa (bundan tanlovga chiqarilgan lot boʻyicha tanlov oʻtmagan deb eʼtirof etilgan va mazkur lot takroriy tanlovga qoʻyilganda bitta talabgor ishtirok etish hollari mustasno)”;
k) 28-band quyidagi tahrirda bayon etilsin:
“28. Tegishli lot boʻyicha tanlov oʻtkazilmagan deb eʼtirof etilganda besh kundan soʻng takroriy tanlov oʻtkaziladi”;
l) 33-band “bayonnomani rasmiylashtiradi” soʻzlaridan keyin “va ushbu bayonnoma bilan birga yer uchastkasini ijaraga olish shartnomasini ERI bilan tasdiqlash uchun” soʻzlari bilan toʻldirilsin;
m) 35-bandning uchinchi xatboshi “zakalat puli qaytarilmaydi” soʻzlaridan keyin “(talabgor (salohiyatli gʻolib) bir nechta lot boʻyicha gʻolib boʻlgan taqdirda uning kalendar tartibida birinchi lotga topshirilgan arizasi boʻyicha zakalat puli qaytarilmaydi)” soʻzlari bilan toʻldirilsin;
n) 36-bandda “tanlov natijalarini tasdiqlash haqidagi qarorda” soʻzlari “ijara shartnomasida” soʻzlari bilan almashtirilsin;
o) 37-bandda toʻrtinchi va beshinchi xatboshilari quyidagi tahrirda bayon etilsin:
“Tanlov gʻolibidan keyingi eng koʻp ballni toʻplagan talabgorga (salohiyatli gʻolib) zakalat puli tanlov gʻolibi tomonidan yer uchastkasini ijaraga olish shartnomasi imzolanganidan soʻng avtomatik ravishda ularning shaxsiy hisobvaragʻiga toʻliq qaytariladi.
Boshqa talabgorlarga operatorning maxsus depozit hisobvaragʻiga kiritilgan pul tanlov gʻolibi (salohiyatli gʻolib) tomonidan yer uchastkasini ijaraga olish shartnomasi imzolangandan soʻng avtomatik ravishda shaxsiy hisobvaragʻiga toʻliq qaytariladi”;
p) 39-band oʻz kuchini yoʻqotgan deb hisoblansin;
r) 40 — 42-bandlar quyidagi tahrirda bayon etilsin:
“40. Savdo platformasida tanlov gʻolibi tomonidan bir tomonlama imzolangan qishloq xoʻjaligiga moʻljallangan yer uchastkasining ijara shartnomasi bir ish kuni ichida tuman (shahar) hokimligiga tasdiqlash uchun “E-IJARA” AT orqali yuboriladi.
41. “E-IJARA” AT orqali yuborilgan qishloq xoʻjaligiga moʻljallangan yer uchastkasi ijara shartnomasi tuman (shahar) hokimligi tomonidan bir ish kuni ichida ERI bilan tasdiqlanadi.
Tuman (shahar) hokimligi tomonidan qishloq xoʻjaligiga moʻljallangan yer uchastkasi ijara shartnomasi belgilangan muddat ichida tasdiqlanmagan taqdirda ijara shartnomasi tasdiqlangan hisoblanadi va davlat roʻyxatidan oʻtkazish uchun asos boʻladi.
Bunda ijara shartnomasiga u oʻz vaqtida tasdiqlanmaganligi toʻgʻrisida operatorning QR-kodi tushiriladi va savdo platformasida mazkur toifadagi shartnomalar reyestrida aks ettiriladi.
42. Qishloq xoʻjaligiga moʻljallangan yer uchastkasiga boʻlgan ijara huquqini davlat roʻyxatidan oʻtkazish uchun ijrochi tomonidan yer tuzish hujjatlari va ijara shartnomasi “E-IJARA” ATda elektron axborot almashinuvi orqali bir ish kuni ichida Kadastr agentligining Davlat kadastrlari palatasi hududiy boshqarmasiga yuboriladi”;
s) 44-band quyidagi tahrirda bayon etilsin:
“44. Ijrochi ochiq elektron tanlov gʻolibining yer uchastkasiga boʻlgan ijara huquqi davlat roʻyxatidan oʻtkazilgan kunning oʻzida qishloq xoʻjaligiga moʻljallangan yer uchastkasining ijara shartnomasini hamda tanlov gʻolibining yer uchastkasiga boʻlgan ijara huquqini davlat roʻyxatidan oʻtkazish boʻyicha reyestrdan koʻchirmani tanlov gʻolibiga “E-IJARA” AT orqali yuboradi”;
t) 45-band “va bu haqida tegishli maʼlumotlarni “E-IJARA” ATga joylashtiradi” soʻzlari bilan toʻldirilsin;
u) 1-ilova quyidagi tahrirda bayon etilsin:

“Dehqon xoʻjaligi yuritish uchun yer uchastkalarini ochiq elektron tanlov orqali ijaraga berish

SXEMASI

Bosqichlar

Subyektlar

Tadbirlar

Muddatlar

I. Qishloq xoʻjaligiga moʻljallangan yer maydonlaridan samarali foydalanish va hududlarni ixtisoslashtirish boʻyicha loyihalarni ishlab chiqish va tasdiqlash tartib-taomillari

1-bosqich

Tuman (shahar) hokimliklari

1. Qishloq xoʻjaligiga moʻljallangan yer maydonlaridan samarali foydalanish, hududlarni ixtisoslashtirish, boʻsh turgan, zaxiradagi va kelgusida zaxiraga olinadigan yer maydonlarini qishloq xoʻjaligi korxonasi yoki dehqon xoʻjaligi tashkil etish uchun ochiq elektron tanlovga chiqarish boʻyicha loyihalarni tayyorlaydi.

2. Tayyorlangan loyihalarni koʻrib chiqish va tasdiqlash uchun xalq deputatlari tuman (shahar) Kengashining navbatdan tashqari sessiyasiga kiritadi.

Har yili 1-noyabrgacha, zaruratga koʻra, yilning boshqa davrlarida

2-bosqich

Xalq deputatlari tuman (shahar) Kengashlari

Tuman (shahar) hokimliklari tomonidan kiritilgan loyihalarni koʻrib chiqadi va maqullaydi.

Har yili noyabr oyida, zaruratga koʻra, yilning boshqa davrlarida

II. Dehqon xoʻjaligi yuritish uchun yer uchastkalarini tanlovga qoʻyish tartib-taomillari

1-bosqich

Kadastr agentligining Davlat kadastrlari palatasi

Tuman (shahar) hokimliklari nomiga davlat roʻyxatidan oʻtkazilgan, yuridik va jismoniy shaxslarga berilmagan qishloq xoʻjaligiga moʻljallangan qishloq xoʻjaligi yer uchastkalari toʻgʻrisidagi maʼlumotlarni elektron axborot almashinuv orqali “Oʻzdaverloyiha” davlat ilmiy-loyihalash institutiga yuboradi.

Doimiy

1a-bosqich

Jismoniy va yuridik shaxslar

Boʻsh turgan yer uchastkasi toʻgʻrisidagi maʼlumotlarni ochiq elektron tanlovga qoʻyish yuzasidan “E-IJARA” ATga takliflar kiritadi.

Zaruratga koʻra

“Oʻzdaverloyiha” davlat ilmiy-loyihalash instituti

Jismoniy yoki yuridik shaxsning taklifini oʻrganib chiqadi, yer uchastkasiga kadastr hujjatlarini rasmiylashtirish uchun tuman (shahar) hokimliklariga yuboradi yoki taklifni rad etadi.

5 ish kuni ichida

Tuman (shahar) hokimliklari

Taklif etilgan yer uchastkasiga kadastr hujjatlarini rasmiylashtirish yuzasidan Davlat kadastrlari palatasi hududiy boshqarmalariga elektron axborot almashinuv orqali buyurtma beradi.

3 ish kuni ichida

Kadastr agentligining Davlat kadastrlari palatasi
hududiy boshqarmalari

Mazkur yer uchastkasining kadastr hujjatlarini tuman (shahar) hokimligi nomiga rasmiylashtiradi, natijasi boʻyicha taklif etilgan yer uchastkasi toʻgʻrisidagi maʼlumotlarni yoki rad etish sabablarini elektron axborot almashinuvi orqali “E-IJARA” ATga joylashtiradi.

5 ish kuni ichida

2-bosqich

“Oʻzdaverloyiha” davlat ilmiy-loyihalash instituti

1. Tuman (shahar) hokimliklari nomiga davlat roʻyxatidan oʻtkazilgan qishloq xoʻjaligi yerlari toʻgʻrisidagi maʼlumotlarni “E-IJARA” AT orqali yuklab oladi.

2. Yer uchastkasini joyiga chiqqan holda oʻrganadi va yer tuzish loyihasini ishlab chiqadi.

3. Har bir loyihani kelishish uchun vakolatli tashkilotlarga “E-IJARA” AT orqali yuboradi.

4. Yer tuzish loyihasini “E-IJARA” AT orqali tasdiqlash uchun tuman (shahar) hokimligiga yuboradi.

3 ish kuni ichida

3-bosqich

Qishloq xoʻjaligi vazirligi, Suv xoʻjaligi vazirligi, Kadastr agentligining Davlat kadastrlari palatasi hududiy boʻlinmalari

Tuman (shahar) hokimligi

Yer tuzish loyihasini “E-IJARA” AT orqali kelishadi yoki kelishishni rad etadi.

Taqdim etilgan yer tuzish loyihasini ERI bilan tasdiqlaydi hamda “E-IJARA” AT orqali “Oʻzdaverloyiha” davlat ilmiy-loyihalash institutiga yuboradi.

3 ish kuni ichida

“Oʻzdaverloyiha” davlat ilmiy-loyihalash instituti

Yer uchastkasini ochiq elektron tanlovga qoʻyish toʻgʻrisidagi buyurtmani “E-IJARA” AT orqali “E-AUKSION” elektron savdo platformasiga yuboradi.

1 ish kuni ichida

III. Tanlov oʻtkazish tartib-taomillari

1-bosqich

“Elektron onlayn-auksionlarni tashkil etish markazi” davlat unitar korxonasi

Ochiq elektron tanlov oʻtkazish toʻgʻrisidagi xabarnoma va lot haqidagi maʼlumotlarni, shuningdek, qishloq xoʻjaligi yer uchastkasi ijara shartnomasi loyihasini “E-AUKSION” elektron savdo platformasida eʼlon qiladi.

2 ish kuni ichida

2-bosqich

Talabgorlar (jismoniy shaxslar)

Belgilangan zakalat mablagʻlarni “Elektron onlayn-auksionlarni tashkil etish markazi” davlat unitar korxonasining maxsus depozit hisobvaragʻiga kiritadi va ariza yuboradi.

15 kun ichida

3-bosqich

“Elektron onlayn-auksionlarni tashkil etish markazi” davlat unitar korxonasi

1. Ochiq elektron tanlov ishtirokchilariga “E-AUKSION” elektron savdo platformasida tanlovni tashkil etadi.

2. Ochiq tanlov gʻolibini eʼlon qiladi va bu haqda tanlov gʻolibining shaxsiy kabineti, uyali aloqa telefoniga va elektron pochta manziliga xabar yuboradi.

3. Tanlov natijalari toʻgʻrisidagi elektron bayonnomani rasmiylashtiradi va qishloq xoʻjaligi yer uchastkasi ijara shartnomasi bilan birga tanlov gʻolibining shaxsiy kabinetiga yuboradi.

Tanlov oʻtkazilgan kuni soat 09:30 da (GMT+5) Tanlovdan keyingi kun

4-bosqich

Ochiq elektron
tanlov gʻolibi

1. Qishloq xoʻjaligi yer uchastkasi ijara shartnomasini imzolaydi.

2. Bayonnomaga qoʻyilgan maxsus raqamni kiritish orqali belgilangan tartibda davlat roʻyxatidan oʻtadi (dehqon xoʻjaligini yuridik shaxs tashkil etgan holda amalga oshirish istagini bildirgan taqdirda).

5 ish kuni ichida

2 ish kuni ichida

5-bosqich

“Oʻzdaverloyiha” davlat ilmiy-loyihalash instituti

Qishloq xoʻjaligi yer uchastkasi ijara shartnomasini tasdiqlash uchun tuman (shahar) hokimligiga yuboradi.

1 ish kuni ichida

Tuman (shahar) hokimligi

Qishloq xoʻjaligi yer uchastkasi ijara shartnomasini tasdiqlaydi.

1 ish kuni

ichida

“Oʻzdaverloyiha” davlat ilmiy-loyihalash instituti

Qishloq xoʻjaligi yer uchastkasiga boʻlgan ijara huquqini davlat roʻyxatidan oʻtkazish uchun yer tuzish hujjatlari va ijara shartnomasini Davlat kadastrlari palatasining hududiy boshqarmasiga yuboradi.

1 ish kuni ichida

6-bosqich

Kadastr agentligining Davlat kadastrlari palatasining hududiy boshqarmasi

1. Tanlov gʻolibining yer uchastkasiga boʻlgan ijara huquqini davlat roʻyxatidan oʻtkazadi.

2. Reyestrdan koʻchirmani elektron axborot almashinuvi orqali “Oʻzdaverloyiha” davlat ilmiy-loyihalash institutiga yuboradi.

2 ish kuni ichida

7-bosqich

“Oʻzdaverloyiha” davlat ilmiy-loyihalash instituti

Tanlov gʻolibiga yer uchastkasining chegarasini koʻrsatib beradi va bu haqida tegishli maʼlumotlarni “E-IJARA” ATga joylashtiradi.

3 ish kuni ichida
f) 4-ilova quyidagi tahrirda bayon etilsin:
““___”-lot boʻyicha dehqon xoʻjaligini yuritish uchun yer uchastkalarini ijaraga olish uchun oʻtkazilgan tanlovda ishtirok etgan talabgorlarning jamgʻargan ballarini jamlash
VARAQASI

T/r

Ball berish mezonlari

Reyting ballari

Talabgor

(F.I.O)

A-BLOK. Qishloq xoʻjaligi maqsadlari uchun yer uchastkalarini ijaraga olish boʻyicha majburiyatlar

1.

Ijara huquqini yutib olish uchun toʻlanadigan toʻlov (mazkur summa tanlov oʻtkazilgan sanadagi normativ qiymat boʻyicha hisoblanadi hamda yer uchastkasining ijara muddatiga teng taqsimlanadi)

er normativ qiymatining 10 barobaridan yuqori (har bir normativ qiymat uchun)

10

er normativ qiymatining 0 barobaridan 10 barobarigacha (har bir normativ qiymat uchun)

5

B-BLOK. Talabgor haqida maʼlumotlar

2.

Talabgorning kredit tarixi

Aʼlo koʻrsatkich

8

Yaxshi koʻrsatkich

6

Oʻrtacha koʻrsatkich

4

Zaif koʻrsatkich

2

Yomon koʻrsatkich

0

3.

Talabgorning agrar soha boʻyicha mutaxassisligi va aniq rejalarning mavjudligi

Oliy va oʻrta maxsus maʼlumot

5

Yangi tartibda tashkil qilingan kasbga oʻqitish markazlarida, malaka va bilimga egaligi (mono-markaz, agroxizmatlar markazi, fermerlar maktabi, maslahat ofislari va boshqa)

3

Mavjud emas

0

4.

Talabgorning oʻz tomorqasidan samarali foydalanayotganligi (mahalladagi hokim yordamchisi tomonidan “E-AUKSION” elektron savdo platformasi orqali ERI bilan tasdiqlash yoʻli bilan baholanadi)

aʼlo

8

yaxshi*

4

qoniqarli

0

qoniqarsiz

-5

5.

Ishsiz oila aʼzolari soni (ota-onasi, er-xotini, farzandlari)

4 kishi va undan koʻp

15

3 kishi

10

2 kishi

7

1 kishi

3

V-BLOK. Qoʻshimcha imkoniyatlar beruvchi koeffitsiyentlar (avtomatik ravishda baholanadi)

6.

Yer uchastkasi joylashgan tuman (shahar)da yashovchi talabgor

1,5

Yer uchastkasi joylashgan viloyatda, biroq boshqa tuman (shahar)da yashovchi talabgor

1,1

7.

“Temir daftar”, “Ayollar daftari”, “Yoshlar daftari”ga va 2022-yil 1-mart sanasidan keyin xorijdan qaytgan mehnat migrantlari roʻyxatiga kiritilgan talabgor

1,3

Jami
Izoh. *Tomorqasi mavjud boʻlmagan uylarda, shu jumladan, koʻp qavatli uylarda yashovchi talabgorlarga “yaxshi” baho beriladi.”
Keyingi tahrirga qarang.
4. 2-ilovada:
a) 3-bandda:
quyidagi mazmundagi oʻn toʻrtinchi xatboshi bilan toʻldirilsin:
“shaxsiy hisobvaraq — savdo platformasi maʼlumotlar bazasida talabgor roʻyxatdan oʻtganda avtomatik ravishda ochiladigan hisobvaraq”;
oʻn toʻrtinchi — oʻn yettinchi xatboshilar tegishlicha oʻn beshinchi — oʻn sakkizinchi xatboshilar deb hisoblansin;
b) 8-bandda:
birinchi xatboshi quyidagi tahrirda bayon etilsin:
“Ijrochi toʻrt ish kuni ichida “E-IJARA” AT orqali yuklab olingan tuman (shahar) hokimliklari nomiga davlat roʻyxatidan oʻtkazilgan qishloq xoʻjaligi yer uchastkalarini joyiga chiqqan holda oʻrganadi va yer uchastkasining haqiqiy holati (loyihalashtirilayotgan yer uchastkasining holati, hududning ixtisosligi, suv bilan taʼminlanganlik darajasi va irrigatsiya tizimining holati, ball-boniteti, shoʻrlanish darajasi toʻgʻrisidagi maʼlumotlar)dan kelib chiqib, yer uchastkasining yer tuzish loyihasini ishlab chiqadi”;
quyidagi mazmundagi xatboshi bilan toʻldirilsin:
“Bunda bir nechta konturlar uchun umumlashgan yagona loyiha ishlab chiqilishi mumkin”;
v) 9-10-bandlar quyidagi tahrirda bayon etilsin:
“9. Ijrochi har bir yer tuzish loyihasini Kadastr agentligining Davlat kadastrlari palatasi hududiy boshqarmasidan olingan dastlabki formatlarda kelishish uchun vakolatli tashkilotlarga hamda quyidagi maʼlumotlardan tashkil topgan yer tuzish loyihasini tasdiqlash uchun tuman (shahar) hokimligiga “E-IJARA” AT orqali yuboradi:
a) yer uchastkasining maydoni (gektarda) va toifasi hamda yer turlari konturlar kesimida jadval shaklidagi maʼlumot;
b) infratuzilma obyektlari mavjudligi toʻgʻrisida maʼlumot;
v) yer uchastkasining qishloq xoʻjaligi elektron xaritasidan koʻchirmasi, yer tuzish loyihasining chegaralari va manzili;
g) chegaradosh yer uchastkalari foydalanuvchilari haqida maʼlumotlar.
Ochiq elektron tanlovga qoʻyilayotgan yer uchastkasida davlat kadastrlari obyektlari (gaz, aloqa va energetika obyektlari, avtomobilʼ va temir yoʻllar, tabiiy va texnogen xavfi yuqori boʻlgan tegralar, transport quvurlari, melioratsiya va irrigatsiya inshootlari, muhofaza qilinadigan obyekt va hududlar hamda boshqalar) mavjud boʻlgan holatlarda yer tuzish loyihasi qoʻshimcha ravishda davlat kadastrlarini yuritish sohasidagi vakolatli organlar bilan ham kelishiladi.
10. “E-IJARA” ATga yer tuzish loyihalari joylashtirilgan kundan boshlab uch ish kuni ichida:
a) vakolatli tashkilotlar tomonidan ushbu loyihalar kelishiladi yoki kelishish rad etiladi, bunda:
“E-IJARA” AT da qabul qilingan qaror haqida elektron raqamli imzo bilan tasdiqlanadigan tegishli belgi qoʻyiladi;
kelishuv hech qanday eʼtiroz va shartlarsiz amalga oshiriladi;
kelishish rad etilganda, sohaga oid qonunchilik hujjatlari normalariga havolalar qilingan holda, taqdim etilgan yer tuzish loyihasini amalga oshirish imkoni yoʻqligining asoslangan sabablari koʻrsatiladi hamda mazkur loyiha aynan qaysi jihatdan ushbu normalarga muvofiq emasligi koʻrsatiladi;
belgilangan muddatda javob berilmagan hollarda yer tuzish loyihalari kelishilgan hisoblanadi;
Kadastr agentligining Davlat kadastrlari palatasiga kelishish uchun maʼlumotlar elektron axborot almashinuvi orqali yuboriladi;
b) tuman (shahar) hokimligi taqdim etilgan yer tuzish loyihasini koʻrib chiqib, ERI bilan tasdiqlaydi hamda “E-IJARA” AT orqali ijrochiga yuboradi, bunda tuman (shahar) hokimligi ochiq elektron tanlovga qoʻyilayotgan yer uchastkasining ixtisoslashuvi va yoʻnalishiga oʻzgartirish kiritish haqida yoki ochiq elektron tanlovda ishtirok etuvchi shaxslar (ochiq elektron tanlovga quyilgan yer uchastkasi joylashgan hududdagi jismoniy shaxslar) doirasini belgilagan holda yer tuzish loyihasini unga tuzatishlar kiritish uchun ijrochiga qaytarishi mumkin. Boshqa sabablar bilan yer tuzish loyihasini qaytarishga yoʻl qoʻyilmaydi”;
g) 11-12-bandlar oʻz kuchini yoʻqotgan deb hisoblansin;
d) 20-bandda uchinchi xatboshi quyidagi tahrirda bayon etilsin:
“ochiq elektron tanlovda bir marotaba gʻolib boʻlgan shaxs keyingi tanlovlarda faqat bir yil oʻtgandan soʻng ishtirok etishiga ruxsat beriladi”;
e) 26-bandning birinchi xatboshida “soat 10:00” soʻzlari “soat 09:30” soʻzlari bilan almashtirilsin;
j) 28-bandning toʻrtinchi xatboshi quyidagi tahrirda bayon etilsin:
“ochiq elektron tanlovda ishtirok etish uchun faqat bir nafar ishtirokchi ariza topshirgan boʻlsa (bundan tanlovga chiqarilgan lot boʻyicha tanlov oʻtmagan deb eʼtirof etilgan va mazkur lot takroriy tanlovga qoʻyilganda bitta talabgor ishtirok etish hollari mustasno)”;
z) 29-band quyidagi tahrirda bayon etilsin:
“29. Tegishli lot boʻyicha tanlov oʻtkazilmagan deb eʼtirof etilganda besh kundan soʻng takroriy tanlov oʻtkaziladi”;
i) 34-band “bayonnomani rasmiylashtiradi” soʻzlaridan keyin “va ushbu bayonnoma bilan birga yer uchastkasini ijaraga olish shartnomasini ERI bilan tasdiqlash uchun” soʻzlari bilan toʻldirilsin;
k) 36-bandning uchinchi xatboshi “zakalat puli qaytarilmaydi” soʻzlaridan keyin “(talabgor (salohiyatli gʻolib) bir nechta lot boʻyicha gʻolib boʻlgan taqdirda uning kalendar tartibida birinchi lotga topshirilgan arizasi boʻyicha zakalat puli qaytarilmaydi)” soʻzlari bilan toʻldirilsin;
l) 37-bandning ikkinchi xatboshida “tanlov natijalarini tasdiqlash haqidagi qarorda” soʻzlari “ijara shartnomasida” soʻzlari bilan almashtirilsin;
m) 38-bandda oltinchi-yettinchi xatboshilari quyidagi tahrirda bayon etilsin:
“Tanlov gʻolibidan keyingi eng koʻp ballni toʻplagan talabgorga (salohiyatli gʻolib) zakalat puli tanlov gʻolibi tomonidan yer uchastkasini ijaraga olish shartnomasi imzolangandan soʻng avtomatik ravishda uning shaxsiy hisobvaragʻiga toʻliq qaytariladi.
Boshqa talabgorlarga operatorning maxsus depozit hisobvaragʻiga kiritilgan pul tanlov gʻolibi (salohiyatli gʻolib) tomonidan yer uchastkasini ijaraga olish shartnomasi imzolangandan soʻng avtomatik ravishda shaxsiy hisobvaragʻiga toʻliq qaytariladi”;
n) 40-band oʻz kuchini yoʻqotgan deb hisoblansin;
o) 41 — 43-bandlar quyidagi tahrirda bayon etilsin:
“41. Savdo platformasida tanlov gʻolibi tomonidan bir tomonlama imzolangan qishloq xoʻjaligiga moʻljallangan yer uchastkasining ijara shartnomasi bir ish kuni ichida tuman (shahar) hokimligiga tasdiqlash uchun “E-IJARA” AT orqali yuboriladi.
42. “E-IJARA” AT orqali yuborilgan qishloq xoʻjaligiga moʻljallangan yer uchastkasi ijara shartnomasi tuman (shahar) hokimligi tomonidan bir ish kuni ichida ERI bilan tasdiqlanadi.
Tuman (shahar) hokimligi tomonidan qishloq xoʻjaligiga moʻljallangan yer uchastkasi ijara shartnomasi belgilangan muddat ichida tasdiqlanmagan taqdirda ijara shartnomasi tasdiqlangan hisoblanadi va davlat roʻyxatidan oʻtkazish uchun asos boʻladi.
Bunda ijara shartnomasiga u oʻz vaqtida tasdiqlanmaganligi toʻgʻrisida operatorning QR-kodi tushiriladi va savdo platformasida mazkur toifadagi shartnomalar reyestrida aks ettiriladi.
43. Qishloq xoʻjaligiga moʻljallangan yer uchastkasiga boʻlgan ijara huquqini davlat roʻyxatidan oʻtkazish uchun ijrochi tomonidan yer tuzish hujjatlari va ijara shartnomasi “E-IJARA” ATda elektron axborot almashinuvi orqali bir ish kuni ichida Kadastr agentligining Davlat kadastrlari palatasi hududiy boshqarmasiga yuboriladi”;
p) 45-46-bandlar quyida tahrirda bayon etilsin:
“45. Ijrochi ochiq elektron tanlov gʻolibining yer uchastkasiga boʻlgan ijara huquqi davlat roʻyxatidan oʻtkazilganligi toʻgʻrisida reyestrdan koʻchirmani olgan kunning oʻzida qishloq xoʻjaligiga moʻljallangan yer uchastkasining ijara shartnomasini hamda tanlov gʻolibining yer uchastkasiga boʻlgan ijara huquqini davlat roʻyxatidan oʻtkazish boʻyicha reyestrdan koʻchirmani tanlov gʻolibiga “E-IJARA” AT orqali yuboradi.
46. Ijrochi uch ish kuni ichida ochiq elektron tanlov gʻolibiga yer uchastkasining chegarasini joyida koʻrsatib beradi va bu haqida tegishli maʼlumotlarni “E-IJARA” ATga joylashtiradi”;
r) 1-ilova quyidagi tahrirda bayon etilsin:
“Yuridik shaxslarga qishloq xoʻjaligi maqsadlari uchun yer uchastkalarini ochiq elektron tanlov orqali ijaraga berish
SXEMASI

Bosqichlar

Subyektlar

Tadbirlar

Muddatlar

I. Qishloq xoʻjaligiga moʻljallangan yer maydonlaridan samarali foydalanish va hududlarni ixtisoslashtirish boʻyicha loyihalarni ishlab chiqish va tasdiqlash tartib-taomillari

1-bosqich

Tuman (shahar) hokimliklari

1. Qishloq xoʻjaligiga moʻljallangan yer maydonlaridan samarali foydalanish, hududlarni ixtisoslashtirish, boʻsh turgan, zaxiradagi va kelgusida zaxiraga olinadigan yer maydonlarini qishloq xoʻjaligi korxonasi yoki dehqon xoʻjaligi tashkil etish uchun ochiq elektron tanlovga chiqarish boʻyicha loyihalarni tayyorlaydi.

2. Tayyorlangan loyihalarni koʻrib chiqish va tasdiqlash uchun xalq deputatlari tuman (shahar) Kengashining navbatdan tashqari sessiyasiga kiritadi.

Har yili
1-noyabrgacha, zaruratga koʻra, yilning boshqa davrlarida

2-bosqich

Xalq deputatlari tuman (shahar) Kengashlari

Tuman (shahar) hokimliklari tomonidan kiritilgan loyihalarni koʻrib chiqadi va maqullaydi.

Har yilinoyabr oyida, zaruratga koʻra, yilning boshqa davrlarida

II. Qishloq xoʻjaligi maqsadlari uchun yer uchastkalarini tanlovga qoʻyish tartib-taomillari

1-bosqich

Kadastr agentligining Davlat kadastrlari palatasi

Tuman (shahar) hokimliklari nomiga davlat roʻyxatidan oʻtkazilgan, yuridik va jismoniy shaxslarga berilmagan qishloq xoʻjaligiga moʻljallangan qishloq xoʻjaligi yer uchastkalari toʻgʻrisidagi maʼlumotlarni elektron axborot almashinuv orqali “Oʻzdaverloyiha” davlat ilmiy-loyihalash institutiga yuboradi.

Doimiy

1a-bosqich

Jismoniy va yuridik shaxslar

Boʻsh turgan yer uchastkasi toʻgʻrisidagi maʼlumotlarni ochiq elektron tanlovga qoʻyish yuzasidan “E-IJARA” ATga takliflar kiritadi.

Zaruratga
koʻra

“Oʻzdaverloyiha” davlat ilmiy-loyihalash instituti

Jismoniy yoki yuridik shaxsning taklifini oʻrganib chiqadi, yer uchastkasiga kadastr hujjatlarini rasmiylashtirish uchun tuman (shahar) hokimliklariga yuboradi yokitaklifni rad etadi.

5 ish kuni
ichida

Tuman (shahar) hokimliklari

Taklif etilgan yer uchastkasiga kadastr hujjatlarini rasmiylashtirish yuzasidan Davlat kadastrlari palatasi hududiy boshqarmalariga elektron axborot almashinuv orqali buyurtma beradi.

3 ish kuni
ichida

Kadastr agentligining Davlat kadastrlari palatasi hududiy boshqarmalari

Mazkur yer uchastkasining kadastr hujjatlarini tuman (shahar) hokimligi nomiga rasmiylashtiradi, natijasi boʻyicha taklif etilgan yer uchastkasi toʻgʻrisidagi maʼlumotlarni yoki rad etish sabablarini elektron axborot almashinuvi orqali “E-IJARA” ATga joylashtiradi.

5 ish kuni
ichida

2-bosqich

“Oʻzdaverloyiha” davlat ilmiy-loyihalash instituti

1. Tuman (shahar) hokimliklari nomiga davlat roʻyxatidan oʻtkazilgan qishloq xoʻjaligi yerlari toʻgʻrisidagi maʼlumotlarni “E-IJARA” AT orqali yuklab oladi.

2. Yer uchastkasini joyiga chiqqan holda oʻrganadi va er tuzish loyihasini ishlab chiqadi.

3. Har bir loyihani kelishish uchun vakolatli tashkilotlarga “E-IJARA” AT orqali yuboradi.

4. Yer tuzish loyihasini “E-IJARA” AT orqali tasdiqlash uchun tuman (shahar) hokimligiga yuboradi.

4 ish kuni
ichida

3-bosqich

Qishloq xoʻjaligi vazirligi, Suv xoʻjaligi vazirligi, Kadastr agentligining Davlat kadastrlari palatasi hududiy boʻlinmalari

Tuman (shahar) hokimligi

Yer tuzish loyihasini “E-IJARA” AT orqali kelishadi yoki kelishishni rad etadi.

Taqdim etilgan yer tuzish loyihasini ERI bilan tasdiqlaydi hamda “E-IJARA” AT orqali “Oʻzdaverloyiha” davlat ilmiy-loyihalash institutiga yuboradi.

3 ish kuni
ichida

“Oʻzdaverloyiha” davlat ilmiy-loyihalash instituti

Yer uchastkasini ochiq elektron tanlovga qoʻyish toʻgʻrisidagi buyurtmani “E-IJARA” AT orqali “E-AUKSION” elektron savdo platformasiga yuboradi.

1 ish kuni
ichida

III. Tanlov oʻtkazish tartib-taomillari

1-bosqich

“Elektron onlayn-auksionlarni tashkil etish markazi” davlat unitar korxonasi

Ochiq elektron tanlov oʻtkazish toʻgʻrisidagi xabarnoma va lot haqidagi maʼlumotlarni, shuningdek, qishloq xoʻjaligi yer uchastkasi ijara shartnomasi loyihasini “E-AUKSION” elektron savdo platformasida eʼlon qiladi.

2 ish kuni
ichida

2-bosqich

Talabgorlar (jismoniy va yuridik shaxslar)

Belgilangan zakalat mablagʻlarni “Elektron onlayn-auksionlarni tashkil etish markazi” davlat unitar korxonasining maxsus depozit hisobvaragʻiga kiritadi va ariza yuboradi.

15 kun
ichida

3-bosqich

“Elektron onlayn-auksionlarni tashkil etish markazi” davlat unitar korxonasi

1. Ochiq elektron tanlov ishtirokchilariga “E-AUKSION” elektron savdo platformasida tanlovni tashkil etadi.

2. Ochiq tanlov gʻolibini eʼlon qiladi va bu haqda tanlov gʻolibining shaxsiy kabineti, uyali aloqa telefoniga va elektron pochta manziliga xabar yuboradi.

3. Tanlov natijalari toʻgʻrisidagi elektron bayonnomani rasmiylashtiradi va qishloq xoʻjaligi yer uchastkasi ijara shartnomasi bilan birga tanlov gʻolibining shaxsiy kabinetiga yuboradi.

Tanlov oʻtkazilgan kuni soat 09:30 da (GMT+5) Tanlovdan keyingi kun

4-bosqich

Ochiq elektron
tanlov gʻolibi

1. Qishloq xoʻjaligi yer uchastkasi ijara shartnomasini imzolaydi.

2. Bayonnomaga qoʻyilgan maxsus raqamni kiritish orqali belgilangan tartibda davlat roʻyxatidan oʻtadi (yuridik shaxslar bundan mustasno).

5 ish kuni
ichida

2 ish kuni
ichida

5-bosqich

“Oʻzdaverloyiha” davlat ilmiy-loyihalash instituti

Tasdiqlangan qaror va qishloq xoʻjaligi yer uchastkasi ijara shartnomasini tasdiqlash uchun tuman (shahar) hokimligiga yuboradi.

1 ish kuni
ichida

Tuman (shahar) hokimligi

Qishloq xoʻjaligi yer uchastkasi ijara shartnomasini tasdiqlaydi.

1 ish kuni
ichida

“Oʻzdaverloyiha” davlat ilmiy-loyihalash instituti

Qishloq xoʻjaligi yer uchastkasiga boʻlgan ijara huquqini davlat roʻyxatidan oʻtkazish uchun yer tuzish hujjatlari va ijara shartnomasini Davlat kadastrlari palatasining hududiy boshqarmasiga yuboradi.

1 ish kuni
ichida

6-bosqich

Kadastr agentligining Davlat kadastrlari palatasining hududiy boshqarmasi

1. Tanlov gʻolibining yer uchastkasiga boʻlgan ijara huquqini davlat roʻyxatidan oʻtkazadi.

2. Reyestrdan koʻchirmani elektron axborot almashinuvi orqali “Oʻzdaverloyiha” davlat ilmiy-loyihalash institutiga yuboradi.

2 ish kuni
ichida

7-bosqich

“Oʻzdaverloyiha” davlat ilmiy-loyihalash instituti

Tanlov gʻolibiga yer uchastkasining chegarasini koʻrsatib beradi va bu haqida tegishli maʼlumotlarni “E-IJARA” ATga joylashtiradi.

3 ish kuni
ichida

s) 4-ilova quyidagi tahrirda bayon etilsin:
““___”-lot boʻyicha dehqon xoʻjaligini yuritish uchun yer uchastkalarini ijaraga olish uchun oʻtkazilgan tanlovda ishtirok etgan talabgorlarning jamgʻargan ballarini jamlash
VARAQASI

T/r

Ball berish mezonlari

Amalga oshirish muddati

Reyting ballari

Talabgor

(F.I.O)

A-BLOK. Qishloq xoʻjaligi maqsadlari uchun yer uchastkalarini ijaraga olish boʻyicha majburiyatlar

Qishloq xoʻjaligi yer maydonlarini ijaraga olish huquqini qoʻlga kiritish uchun erning normativ qiymatidan kelib chiqib, 30 yil muddatga hisoblanadigan qoʻshimcha toʻlovlar

1.

Ijara huquqini yutib olish uchun toʻlanadigan toʻlov (mazkur summa tanlov oʻtkazilgan sanadagi normativ qiymat boʻyicha hisoblanadi hamda 30 yilga teng taqsimlanadi)

er normativ qiymatining 10 barobaridan yuqori (har bir normativ qiymat uchun)

10

er normativ qiymatining 0 barobaridan10 barobarigacha (har bir normativ qiymat uchun)

5

B-BLOK. Talabgor haqida maʼlumot (avtomatik ravishda baholanadi)

2.

Talabgorning kredit tarixi

aʼlo koʻrsatkich

10

yaxshi koʻrsatkich

6

oʻrtacha koʻrsatkich

3

zaif koʻrsatkich

2

yomon koʻrsatkich

0

3.

Talabgorning mutaxassisligi

agronom, fermer xoʻjaligini boshqarish

5

seleksiya va urugʻchilik, oʻsimliklarni himoya qilish, yer tuzish

4

qishloq xoʻjaligini mexanizatsiyalash, agroiqtisodiyot

3

mexanik, zootexnik, veterinar

2

boshqa mutaxassis

1

mutaxassisligi mavjud boʻlmaganda

0

4.

Talabgor (yuridik shaxs rahbari)ning agrar sohadagi ish staji

15 yil va undan yuqori

10

10 yildan 15 yilgacha

9

5 yildan 10 yilgacha

8

3 yildan 5 yilgacha

7

1 yildan 3 yilgacha

6

ish staji boʻlmaganda

0

5.

Mavjud qishloq xoʻjaligi texnikasi (xizmat muddati 15 yildan kam va texnik soz texnikalar hisobga olinadi)

yuqori unumli texnika (haydov traktor yoki kombayn yoki PTM)

10

universal chopiq traktori

8

ishlov berish traktori

5

kombinatsiyalashgan agregat

4

yuk mashinasi

2

boshqa qishloq xoʻjaligi texnikasi

1

6.

Mavjud chorva boshi soni (shartli bosh)

1 gektar yer uchun 5 bosh va undan koʻp

15

1 gektar yer uchun 4 bosh

10

1 gektar yer uchun 3 bosh

5

V-BLOK. Talabgorning kelgusidagi rejalari

Yaratiladigan ish oʻrni

7.

Paxta-gʻallachilik yoʻnalishida

1 yil davomida har 2 gektar maydon uchun 1 ta doimiy ish oʻrni

3

1 yil davomida har 3 gektar maydon uchun 1 ta doimiy ish oʻrni

2

1 yil davomida har 5 gektar maydon uchun 1 ta doimiy ish oʻrni

1

8.

Gʻallachilik (sholichilik) yoʻnalishida

1 yil davomida har 5 gektar maydon uchun 1 ta doimiy ish oʻrni

3

1 yil davomida har 10 gektar maydon uchun 1 ta doimiy ish oʻrni

2

1 yil davomida har 15 gektar maydon uchun 1 ta doimiy ish oʻrni

1

9.

Bogʻdorchilik-uzumchilik yoʻnalishida

1 yil davomida har 1 gektar maydon uchun 1 ta doimiy ish oʻrni

3

1 yil davomida har 2 gektar maydon uchun 1 ta doimiy ish oʻrni

2

1 yil davo�ida har 3 gektar maydon uchun 1 ta doimiy ish oʻrni

1

10.

Sabzavot-polizchilik, kartoshkachilik va boshqa yoʻnalishlarda

1 yil davomida har 1 gektar maydon uchun 3 ta doimiy ish oʻrni

3

1 yil davomida har 1 gektar maydon uchun 2 ta doimiy ish oʻrni

2

1 yil davomida har 1 gektar maydon uchun 1 ta doimiy ish oʻrni

1

Suv tejovchi texnologiyalarni joriy etish

11.

Suv tejovchi texnologiyalar joriy etish

10 yil davomida 100 foiz maydonga

20

9 yil davomida 90 foiz maydonga

18

8 yil davomida 80 foiz maydonga

16

7 yil davomida 70 foiz maydonga

14

6 yil davomida 60 foiz maydonga

12

5 yil davomida 50 foiz maydonga

10

4 yil davomida 40 foiz maydonga

8

3 yil davomida 30 foiz maydonga

6

2 yil davomida 20 foiz maydonga

4

1 yil davomida 10 foiz maydonga

2

Mexanizatsiyalashtirish darajasi

12.

Paxtachilik va gʻallachilik (kamida 30 gektar uchun) yoʻnalishida

15 yil davomida kamida 1 dona yuqori unumli texnika (150 ot kuchidan yuqori)

10

10 yil davomida kamida 1 dona universal chopiq traktori

8

7 yil davomida kamida 1 dona ishlov berish traktori

6

5 yil davomida kamida 1 dona kombinatsiyalashgan agregat

4

5 yil davomida kamida 1 dona yuk mashinasi

3

3 yil davomida kamida 1 dona boshqa qishloq xoʻjaligi texnikasi

1

13.

Chorvachilik (kamida 10 gektar uchun) yoʻnalishida

15 yil davomida kamida 1 dona yuqori unumli texnika (haydov traktori yoki kombayn)

10

10 yil davomida kamida 1 dona universal chopiq traktori

8

7 yil davomida kamida 1 dona ishlov berish traktori

6

5 yil davomida kamida 1 dona kombinatsiyalashgan agregat

4

5 yil davomida kamida 1 dona yuk mashinasi

3

3 yil davomida kamida 1 dona boshqa qishloq xoʻjaligi texnikasi

1

14.

Sabzavot-polizchilik va kartoshkachilik (kamida 5 gektar uchun) yoʻnalishida

15 yil davomida kamida 1 dona haydov traktori

10

10 yil davomida kamida 1 dona maxsus texnikalar

8

7 yil davomida kamida 1 dona universal chopiq traktori

5

5 yil davomida kamida 1 dona kombinatsiyalashgan agregat

4

5 yil davomida kamida 1 dona yuk mashinasi

3

3 yil davomida kamida 1 dona boshqa qishloq xoʻjaligi texnikasi

1

15.

Bogʻdorchilik-uzumchilik (kamida 5 gektar uchun) yoʻnalishida

15 yil davomida kamida 1 dona maxsus mini traktor

10

10 yil davomida kamida 1 dona maxsus texnika

8

7 yil davomida kamida 1 dona kombinatsiyalashgan agregat

6

5 yil davomida kamida 1 dona yuk mashinasi

5

3 yil davomida kamida 1 dona boshqa qishloq xoʻjaligi texnikasi

1

Chorvachilik yoʻnalishi uchun

16.

Sugʻoriladigan ekin yerlarida 1 gektar maydon uchun chorva mol bosh sonini oshirish

5 yil davomida 5 bosh va undan koʻpaytirish

10

3 yil davomida 4 boshga yetkazish

5

1 yil davomida 3 boshga yetkazish

3

17.

Sugʻorilmaydigan (lalmikor) yerlarda 1 gektar maydon uchun chorva mol boshi sonini oshirish

5 yil davomida 3 boshga va undan koʻpaytirish

10

3 yil davomida 2 boshga yetkazish

5

1 yil davomida 1 boshga yetkazish

3

18.

Yaylov va pichanzorlarda 2 gektar maydon uchun chorva mol bosh sonini oshirish

5 yil davomida 3 boshga va undan koʻpaytirish

10

3 yil davomida 2 boshga yetkazish

5

1 yil davomida 1 boshga yetkazish

3

G-BLOK. Umumiy ballarni oshiruvchi koeffitsiyentlar (avtomatik ravishda baholanadi)

19.

Yer uchastkasi joylashgan tuman (shahar)da yashovchi talabgor

1,3

20.

Yer uchastkasi joylashgan viloyatda, biroq boshqa tuman (shahar)da yashovchi talabgor

1,1

JAMI

Izoh. Tanlovga qoʻyilayotgan yer maydoni normativ qiymatining joriy narxi belgilangan tartibda har bir ekin turi boʻyicha hisob-kitob qilingan holda yer tuzish loyihasi bilan birga taqdim etiladi.
2025-yil 1-yanvarga qadar Qoraqalpogʻiston Respublikasining Boʻzatov, Qoraoʻzak, Kegeyli, Qoʻngʻirot, Qonlikoʻl, Moʻynoq, Nukus, Taxiatosh, Taxtakoʻpir, Xoʻjayli, Chimboy, Shumanay tumanlaridagi qishloq xoʻjaligi oborotidan chiqib ketgan hamda yangi oʻzlashtirilgan yerlarni ijaraga berish boʻyicha ochiq elektron tanlovlarda talabgorlarning kredit tarixi, mutaxassisligi, agrar sohadagi ish staji mavjudligi talab etilmaydi hamda ushbu mezonlar boʻyicha ball qoʻyilmaydi.
Keyingi tahrirga qarang.
(Qonunchilik maʼlumotlari milliy bazasi, 06.05.2022-y., 09/22/237/0390-son; 22.04.2024-y., 09/24/223/0292-son)