1. Mazkur Yoʻriqnoma Oʻzbekiston Respublikasining “Aholi bandligi toʻgʻrisida”gi Qonuni 49-moddasining sakkizinchi qismi va Oʻzbekiston Respublikasi “Fuqarolarning davlat pensiya taʼminoti toʻgʻrisida”gi Qonunining 14-moddasiga muvofiq, Oʻzbekiston Respublikasi Mehnat kodeksining 100-moddasi ikkinchi qismining 1-bandida koʻrsatilgan sabablarga koʻra mehnat shartnomasi bekor qilingan xodimlarga muddatidan oldin pensiya tayinlash va toʻlash tartibini belgilaydi.
(1-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
2. Muddatidan oldin yoshga doir pensiya texnologiyadagi, ishlab chiqarish va mehnatni tashkil etishdagi oʻzgarishlar, xodimlar soni (shtati) yoki ish xususiyatining oʻzgarishiga olib kelgan ishlar hajmining qisqarganligi, yoxud korxonaning tugatilganligi munosabati bilan ishdan ozod etilgan va tuman (shahar) aholi bandligiga koʻmaklashish markazi tomonidan belgilangan tartibda ishsiz deb eʼtirof etilgan, pensiya taʼminoti toʻgʻrisidagi qonunchilik hujjatlariga muvofiq pensiyaga chiqish uchun talab etiladigan umumiy mehnat stajiga ega boʻlgan shaxslarga muddatidan oldin (qonunchilik hujjatlarida belgilangan umumiy asoslarga koʻra pensiya tayinlash muddatidan ikki yil oldin) pensiya tayinlanadi.
(2-band Oʻzbekiston Respublikasi adliya vazirining 2021-yil 28-iyuldagi 16-mh-sonli buyrugʻi (roʻyxat raqami 3313, 28.07.2021-y.) tahririda — Qonunchilik maʼlumotlari milliy bazasi, 28.07.2021-y., 10/21/3313/0724-son)
3. Muddatidan oldin pensiya sugʻurta qilingan va mazkur Yoʻriqnomaning 2-bandiga muvofiq ishdan ozod etilgan (yoki belgilangan tartibda ishsiz deb eʼtirof etilgan) xodimlarga: erkaklar — 58 yoshdan 60 yoshgacha boʻlib, umumiy mehnat staji yigirma besh yildan kam boʻlmagan taqdirda, ayollar — 53 yoshdan 55 yoshgacha boʻlib, umumiy mehnat staji yigirma yildan kam boʻlmagan taqdirda tayinlanadi.
(3-band Oʻzbekiston Respublikasi mehnat va aholini ijtimoiy muhofaza qilish vazirining 2008-yil 20-noyabrdagi 71-sonli buyrugʻi (roʻyxat raqami 588-2, 09.12.2008-y.) tahririda — OʻR QHT, 2008-y., 50-son, 498-modda)
(4-band Oʻzbekiston Respublikasi mehnat va aholini ijtimoiy muhofaza qilish vazirining 2008-yil 20-noyabrdagi 71-sonli buyrugʻi (roʻyxat raqami 588-2, 09.12.2008-y.) bilan oʻz kuchini yoʻqotgan — OʻR QHT, 2008-y., 50-son, 498-modda)
5. Ishsiz deb eʼtirof etilib muddatidan oldin pensiya tayinlash uchun taqdim etilgan fuqarolarga ishsizlik nafaqasi tayinlanmaydi. Agar fuqaroning muddatidan oldin pensiya olish huquqi ishsizlik nafaqasini olib turgan vaqtda vujudga kelsa, ishsizlik nafaqasi toʻlovi toʻxtatiladi.
6. Ishdan ozod etilgan shaxslar mehnat shartnomasi bekor qilingan kundan soʻng oʻttiz kalendar kun ichida oʻzlarining yashash joyidagi tuman (shahar) aholi bandligiga koʻmaklashish markaziga ish qidirayotgan shaxs sifatida murojaat qilsalar, markaz xodimlari bunday shaxslarga uch oylik davr ichida, agarda ular oʻttiz kalendar kundan keyin murojaat qilsalar oʻn kun muddat ichida maqbul keladigan ishni topishda yordam berishlari kerak.
(6-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
7. Agar ish qidiruvchi shaxslarga tuman (shahar) aholi bandligiga koʻmaklashish markazi tomonidan mazkur Yoʻriqnomaning 6-bandida koʻrsatib oʻtilgan muddatlar ichida ikki marta maqbul keladigan ish taklif qilinmasa, bunday holda ular tuman (shahar) aholi bandligiga koʻmaklashish markazida ish qidiruvchi shaxs sifatida roʻyxatga olingan kundan boshlab ishsiz deb eʼtirof etiladilar.
(7-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
8. Tuman (shahar) aholi bandligiga koʻmaklashish markazi ishsiz deb eʼtirof etilgan va muddatidan oldin yoshga doir pensiyaga chiqish huquqiga ega boʻlgan fuqarolarga 4-shakldagi taqdimnoma (1-ilovaga muvofiq) tayyorlaydi va 5 kun muddat ichida tegishli Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tuman (shahar) boʻlimiga (keyingi oʻrinlarda budjetdan tashqari Pensiya jamgʻarmasining tuman (shahar) boʻlimi deb yuritiladi) topshiradi.
(8-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
9. Tuman (shahar) aholi bandligiga koʻmaklashish markazi tomonidan berilgan (4-shakl boʻyicha) taqdimnoma budjetdan tashqari Pensiya jamgʻarmasining tuman (shahar) boʻlimi tomonidan muddatidan oldin yoshga doir pensiya tayinlashga asos boʻlib hisoblanadi.
(9-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
10. Muddatidan oldin yoshga doir pensiya quyidagi muddatdan tayinlanadi:
ishsiz deb eʼtirof etilgan kundan agar tuman (shahar) aholi bandligiga koʻmaklashish markazida ish qidiruvchi shaxs sifatida roʻyxatga olingan kun holatiga yoki undan oldin erkaklar 58 yoshga, ayollar 53 yoshga toʻlgan boʻlsalar;
erkaklar 58 yoshga, ayollar 53 yoshga toʻlgan kundan agarda tuman (shahar) aholi bandligiga koʻmaklashish markazida ish qidiruvchi shaxs yoki ishsiz shaxs sifatida roʻyxatda turgan davrda shu yoshga toʻlgan boʻlsalar.
(10-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
12. Muddatidan oldin tayinlangan pensiyalarni toʻlash budjetdan tashqari Pensiya jamgʻarmasiga ajratiladigan Oʻzbekiston Respublikasi Bandlikka koʻmaklashish davlat jamgʻarmasi mablagʻlari hisobidan amalga oshiriladi.
(12-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
13. Muddatidan oldin tayinlangan pensiyalar ishlamaydigan fuqarolarga toʻlanadi. Bunday pensiyani olayotgan fuqarolar umumiy asoslarda pensiya olish yoshiga (erkaklar 60 yoshga, ayollar 55 yoshga) yetgunga qadar ishga kirgan hollarda muddatidan oldin pensiya toʻlash toʻxtatiladi.
14. Muddatidan oldin pensiya tayinlangandan soʻng fuqarolar ishga kirib, soʻngra belgilangan umumiy pensiya yoshiga yetgunlariga qadar ishdan boʻshasalar, mehnat shartnomasining bekor qilinish sababiga bogʻliq ravishda quyidagi tartib qoʻllaniladi:
agar mehnat shartnomasi Mehnat kodeksi 100-moddasining ikkinchi qismi 1-bandida koʻrsatilgan sabablarga koʻra bekor qilinsa muddatidan oldin pensiya mazkur Yoʻriqnomada belgilangan shartlar va tartib asosida qayta tayinlanadi;
agarda mehnat shartnomasi boshqa sabablarga koʻra bekor qilinsa muddatidan oldin pensiya qayta tayinlanmaydi va avval tayinlangan pensiya toʻlovi ham tiklanmaydi.
III. MUDDATIDAN OLDIN TAYINLANGAN PENSIYALAR BOʻYICHA HISOB VA HISOBOT
15. Budjetdan tashqari Pensiya jamgʻarmasining tuman (shahar) boʻlimlari har oyda muddatidan oldin pensiya tayinlangan fuqarolar roʻyxatini, tayinlangan pensiyaning bir oylik miqdorini, pensiya toʻlangan davr va Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilishi lozim boʻlgan mablagʻ miqdorini koʻrsatgan holda (2-ilovaga muvofiq), toʻlangan pensiyalar xarajatlarini qoplash uchun keyingi oyning 5 sanasiga qadar tegishli tuman (shahar) aholi bandligiga koʻmaklashish markazlariga yuboradilar.
(15-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
16. Tuman (shahar) aholi bandligiga koʻmaklashish markazlari Oʻzbekiston Respublikasi Bandlikka koʻmaklashish davlat jamgʻarmasi hisobidan muddatidan oldin tayinlangan pensiyalarni toʻlash xarajatlarini qoplash uchun pensiya toʻlangan oydan keyingi oyning 10-kunigacha budjetdan tashqari Pensiya jamgʻarmasining tegishli boʻlimiga mablagʻ oʻtkazadilar.
(16-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
17. Muddatidan oldin pensiya olayotgan fuqaro umumiy asoslarda pensiya olish yoshiga yetganda, pensiya toʻlovi belgilangan tartibda budjetdan tashqari Pensiya jamgʻarmasining oʻz mablagʻlari hisobiga amalga oshiriladi.
(17-band Oʻzbekiston Respublikasi mehnat va aholini ijtimoiy muhofaza qilish vazirligining 2001-yil 16-maydagi 6-sonli buyrugʻi (roʻyxat raqami 588-1, 19.05.2001-y.) tahririda — Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari Axborotnomasi, 2001-yil 9-10-son)
18. Budjetdan tashqari Pensiya jamgʻarmasining tuman (shahar) boʻlimlari Oʻzbekiston Respublikasi Bandlikka koʻmaklashish davlat jamgʻarmasidan mablagʻlarni muddatidan oldin tayinlangan pensiyalarning haqiqiy toʻlangan miqdorlari boʻyicha undirib oladilar.
(18-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
19. Tuman (shahar) aholi bandligiga koʻmaklashish markazlari hamda budjetdan tashqari Pensiya jamgʻarmasining tuman (shahar) boʻlimlari har bir oy yakuni boʻyicha oʻzaro hisob-kitoblarni taqqoslash dalolatnomasini (3-ilovaga muvofiq) tuzadilar.
(19-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
20. Tuman (shahar) aholi bandligiga koʻmaklashish markazlari muddatidan oldin tayinlangan pensiyalarni toʻlash xarajatlarini belgilangan muddatlarda qoplamagan hollarda, budjetdan tashqari Pensiya jamgʻarmasiga muddati oʻtkazib yuborilgan har bir kun uchun oʻtkazilishi lozim boʻlgan summaning 0,15 foizi miqdorida penya toʻlaydilar.
(20-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
21. Tuman (shahar) aholi bandligiga koʻmaklashish markazlari hamda budjetdan tashqari Pensiya jamgʻarmasining tuman (shahar) boʻlimlari tasdiqlangan davlat statistika hisoboti shakliga asosan muddatidan oldin pensiya olayotgan shaxslar soni va toʻlangan mablagʻlar miqdori haqidagi maʼlumotlarni belgilangan muddatlarda hududiy bandlik bosh boshqarmalariga, ular esa oʻz navbatida Oʻzbekiston Respublikasi Bandlik va mehnat munosabatlari vazirligiga taqdim etadilar.
(21-band Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
Mazkur Yoʻriqnoma tasdiqlanishi munosabati bilan quyidagilar oʻz kuchini yoʻqotgan deb hisoblanadi:
1. Oʻzbekiston Respublikasi Ijtimoiy taʼminot vazirligi va Oʻzbekiston Respublikasi Mehnat vazirligi tomonidan 1992-yil 10-iyulda tasdiqlangan “Korxonalar, muassasalar va tashkilotlarning qayta tashkil etilishi, tugatilishi yoki xodimlar soni (shtati)ning qisqarishi natijasida pensiya yoshi arafasida ishdan boʻshatilgan xodimlarga pensiya tayinlash va toʻlash tartibi toʻgʻrisida”gi 05-1209/50-sonli Nizom.
2. Oʻzbekiston Respublikasi Ijtimoiy taʼminot vazirligi va Oʻzbekiston Respublikasi Mehnat vazirligining 1992-yil 27-iyuldagi 976/16-sonli tushuntirish xati.
Alohida asoslarga koʻra mehnat shartnomasi bekor qilinganda ishdan boʻshatilgan xodimlarga muddatidan oldin pensiya tayinlash tartibi toʻgʻrisidagi yoʻriqnomaga 1-ILOVA
4-shakl
M.Oʻ.
-----------------------------------
_______________tuman (shahar) aholi bandligiga koʻmaklashish markazi 202___yil “___”______________ ____________-son
Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining ________________ tuman (shahar) boʻlimiga
Oʻzbekiston Respublikasining “Aholi bandligi toʻgʻrisida”gi Qonuni 49-moddasiga asosan va Alohida asoslarga koʻra mehnat shartnomasi bekor qilinganda ishdan boʻshatilgan xodimlarga muddatidan oldin pensiya tayinlash tartibi toʻgʻrisidagi yoʻriqnomani (roʻyxat raqami 588, 1999-yil 7-yanvar) qoʻllagan holda,____ yil “____”_____________ da tugʻilgan_____________________________________________________
ishdan boʻshatilgan va 20__ yil “___” ________________ dan ishsiz deb eʼtirof etilgan.
Aholi bandligiga koʻmaklashish markazi direktori
_______________ (imzo)
___________________ (F.I.O.).
(1-ilova Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
Alohida asoslarga koʻra mehnat shartnomasi bekor qilinganda ishdan boʻshatilgan xodimlarga muddatidan oldin pensiya tayinlash tartibi toʻgʻrisidagi yoʻriqnomaga 2-ILOVA
____________________________Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tuman (shahar) boʻlimi 20__yil “____”______________ ________________________-son _______
____________________tuman (shahar) aholi bandligiga koʻmaklashish markaziga
Muddatidan oldin pensiya olayotgan fuqarolarning F.I.O
Tugʻilgan yili, oyi, kuni
JSHSHIR (PINFL)
maʼlumotlari
Pensioner shaxsiy varagʻining soni
Pensiya tayinlangan kun
Pensiyaning bir oylik miqdori
Pensiya toʻlangan davr
Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilishi lozim boʻlgan mablagʻ miqdori
Jami:
X
X
X
X
X
X
Boʻlim boshligʻi
____________
Bosh hisobchi
(imzo)
(imzo).
M.Oʻ.
(2-ilova Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
Alohida asoslarga koʻra mehnat shartnomasi bekor qilinganda ishdan boʻshatilgan xodimlarga muddatidan oldin pensiya tayinlash tartibi toʻgʻrisidagi yoʻriqnomaga 3-ILOVA
Muddatidan oldin tayinlangan pensiyalarning 20___yil ______ oy yakuni boʻyicha oʻzaro hisob-kitoblarni
TAQQOSLASH DALOLATNOMASI
T/r
Qaysi oy uchun
Muddatidan oldin pensiya olayotgan fuqarolar soni
Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilishi lozim boʻlgan mablagʻ miqdori
Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilgan mablagʻ miqdori
Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga mablagʻ oʻtkazilganligi haqida toʻlov topshiriqnomasi
__________________________tuman (shahar) aholi bandligiga koʻmaklashish markazi boshligʻi
Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining ________________tuman (shahar) boʻlimi boshligʻi
_____________
_____________
(imzo)
(imzo)
Bosh hisobchi
Bosh hisobchi
____________
____________
(imzo)
(imzo)
M.Oʻ.
M.Oʻ.
(3-ilova Oʻzbekiston Respublikasi bandlik va mehnat munosabatlari vazirining 2021-yil 7-apreldagi 18-2021-B-sonli buyrugʻi (roʻyxat raqami 588-4, 04.05.2021-y.) tahririda — Qonunchilik maʼlumotlari milliy bazasi, 04.05.2021-y., 10/21/588-4/0437-son)
