T/r | Chora-tadbirlar | Amalga oshirish mexanizmlari | Bajarish muddati | Moliyalashtirish manbalari | Ijro uchun mas’ullar |
I. Mahallalarda yoshlarning ommaviy sport bilan shug‘ullanishlari uchun moddiy-texnik bazani mustahkamlash va sport inshootlarini zamonaviy sport jihozlari bilan ta’minlash | |||||
1. | Hududlardagi mavjud sport inshootlarini xatlovdan o‘tkazish. | 1. Xatlov o‘tkazish bo‘yicha ishchi guruh shakllantirish. 2. Ishchi guruh faoliyatini yo‘lga qo‘yish bo‘yicha uslubiy yordam ko‘rsatish. 3. Xatlov natijalari yuzasidan o‘tkaziladigan sport turlari bo‘yicha inshootlarning moddiy-texnik bazasini ta’minlash uchun tegishli vazirlik va idoralarga taklif yuborish. 4. Sport inshootlarining zarur moddiy-texnik baza bilan ta’minlanganlik holatini monitoring qilib borish. | 2022-yil noyabr | - | Sportni rivojlantirish vazirligi (A. Aslonov), Oliy va o‘rta maxsus ta’lim vazirligi (Yu. Absoatov), Xalq ta’limi vazirligi (R. Karimjonov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
2. | Sport musobaqalarining respublika final bosqichlari bo‘lib o‘tadigan hududlar va u yerda joylashgan infratuzilma obyektlarini talab darajasida tayyorlash. | 1. Ommaviy sport musobaqalarini o‘tkazish joylarini aniqlash. 2. Musobaqalarni sifatli o‘tkazish uchun maqbul sport inshootlari va yotoqxonalarni tanlab olish hamda belgilangan tartibda musobaqa jarayonlariga tayyorlash. | 2022-yil iyun — dekabr | Homiylik xayriyalari hamda budjetdan tashqari mablag‘lar | Sportni rivojlantirish vazirligi (A. Aslonov), Oliy va o‘rta maxsus ta’lim vazirligi (Yu. Absoatov), Yoshlar ishlari agentligi (A. Sa’dullayev), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
3. | Mahallalarda ommaviy sport musobaqalarini tashkil etish va o‘tkazish bo‘yicha musobaqalar samaradorligini baholash reytingini joriy etish. | 1. Mahallalarda ommaviy sport musobaqalarini tashkil etish va o‘tkazish bo‘yicha ishchi guruhlarni shakllantirish. | 2022-yil may | - | Sportni rivojlantirish vazirligi (A. Aslonov), Yoshlar ishlari agentligi (A. Sa’dullayev), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
2. Baholash mezonini ishlab chiqish. Bunda, har bir mahalladagi yoshlar ishtirokiga qarab, ularni “namunaviy”, “qoniqarli” va “qoniqarsiz” toifalarga ajratish. | 2022-yil may | ||||
3. Baholash mezoniga asosan mahallalar reytinglarini belgilash. | 2022-yil iyul — dekabr | ||||
4. Mahallalar reytingini yuritish uchun maxsus axborot dasturini ishga tushirish. | 2022-yil sentabr | ||||
5. Reyting natijalariga ko‘ra mahallalar samaradorligini ko‘rib chiqish. | 2022-yil dekabr | ||||
6. “Qoniqarsiz” deb topilgan mahallalarda ommaviy sportni rivojlantirish bo‘yicha alohida dastur ishlab chiqish va amalga oshirish. | 2022-yil dekabr | ||||
4. | Yoshlar o‘rtasida ommaviy sport musobaqalarini ommalashtirish va ularning qiziqishlarini kuchaytirish maqsadida tajribali va taniqli sportchilar ishtirokida motivatsion uchrashuvlar tashkil etish tizimini joriy etish. | 1. Tajribali va taniqli sportchilar ro‘yxatlarini shakllantirish. 2. Motivatsion uchrashuvlar reja-grafigini ishlab chiqish va tasdiqlash. 3. Hududlarda master-klass ko‘rgazmali chiqishlarni tashkil etish. | Har yili may — iyul | - | Yoshlar ishlari agentligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
5. | “Besh tashabbus olimpiadasi” doirasidagi g‘olib va sovrindor bo‘lgan hamda hududida sport infratuzilmasi mavjud bo‘lmagan mahalla terma jamoalari uchun stritbol, vorkaut va universal sport maydonchalarini qurish. | 1. Stritbol, vorkaut va universal sport maydonchalarini qurish. 2. Sport maydonchalarida mini-futbol, basketbol, voleybol, gandbol va badminton kabi sport turlaridan foydalanish imkoniyatini yaratish. 3. Sport maydonchalari atrofini ipli himoya to‘rlari bilan o‘rash, yer maydonini qayta ishlangan shina mahsulotlaridan olingan rezina bilan qoplash va foydalanishga topshirish. | 2022-yil davomida reja-grafik asosida | Sportni rivojlantirish vazirligi mablag‘lari | Ichki ishlar vazirligi (P. Bobojonov), Sportni rivojlantirish vazirligi (A. Aslonov) |
II. Aholining keng qatlamlari, ayniqsa, o‘quvchi va talaba yoshlarni sog‘lomlashtirish hamda ular o‘rtasida ommaviy sport musobaqalarini tizimli tashkil etish | |||||
6. | An’anaviy tarzda ikki mavsumda o‘tkaziladigan (1-mavsum 30-iyun — Yoshlar kuniga hamda 2-mavsum — Yoshlar forumiga bag‘ishlangan) ommaviy sport musobaqalarining besh bosqichli tizimini joriy etish. | 1. An’anaviy tarzda ikki mavsumda o‘tkaziladigan ommaviy sport musobaqalarining nizomini ishlab chiqish. | Har yili 1-fevral | - | Yoshlar ishlari agentligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
2. Musobaqani o‘tkazish bo‘yicha hamkor tashkilotlar bilan qo‘shma qaror loyihasini ishlab chiqish va tasdiqlash. | Har yili 1-mart | ||||
3. Musobaqalarni o‘tkazish muddati, joyi va sanasini belgilash. Bunda, sport musobaqalari sport maktablari va umumiy o‘rta ta’lim maktablarining sport inshootlarida o‘tkazilishini nazarda tutish. | Har yili 1-aprel | ||||
4. Cport maktablarining trenerlari va umumiy o‘rta ta’lim maktablarining jismoniy tarbiya fani o‘qituvchilarini har bir mahalla ko‘chalariga biriktirish. | Har yili 1-aprel | ||||
7. | “Besh tashabbus olimpiadasi” doirasida olimpiya, noolimpiya va milliy sport turlari bo‘yicha besh bosqichli umumrespublika musobaqalarini tashkil etish. | 1. Sport musobaqalarini o‘tkazish dasturini ishlab chiqish. | 2023-yildan boshlab | Sport va ommaviy jismoniy tarbiya tadbirlarining kalendar rejasida nazarda tutilgan mablag‘lar doirasida | Sport vazirligi (A. Ikramov), Yoshlar ishlari agentligi (A. Sa’dullayev), sport federatsiya (assotsiatsiya)lari |
2. Sport musobaqalari o‘tkaziladigan sport obyektlari infratuzilmasini yaxshilash va zarur sport inventarlari bilan jihozlash. | 2023-yil mart | ||||
3. Sport musobaqalarini yuqori darajada tashkil etish hamda g‘olib va sovrindorlarni munosib rag‘batlantirishga asosiy e’tibor qaratish. | 2023-yil aprel | ||||
8. | Bolalar-o‘smirlar sport maktablarining yo‘riqchi-uslubchi shtat birliklari doirasida bolalar-o‘smirlar sport maktabi direktorining ommaviy sportni rivojlantirish va seleksiya bo‘yicha o‘rinbosari lavozimini joriy etish. | 1. Bolalar-o‘smirlar sport maktablarida yo‘riqchi-uslubchi shtat birliklarida faoliyat yuritayotgan xodimlarni tahlil qilish. 2. Tegishli Hukumat qarori va loyihalariga bolalar-o‘smirlar sport maktabi direktorining ommaviy sportni rivojlantirish va seleksiya bo‘yicha o‘rinbosari lavozimiga ustama haqlarini belgilash bo‘yicha o‘zgartirishlar kiritish. 3. Bolalar-o‘smirlar sport maktabi direktorining ommaviy sportni rivojlantirish va seleksiya bo‘yicha o‘rinbosari lavozimiga namunaviy yo‘riqnomani ishlab chiqish. | 2022-yil iyun | - | Sportni rivojlantirish vazirligi (A. Aslonov), Moliya vazirligi (J. Abruyev), Bandlik va mehnat munosabatlari vazirligi (B. Umurzakov) |
9. | Sport turlari bo‘yicha tuman (shahar)larning terma va sektor jamoalarini shakllantirish va sport-ta’lim muassasalariga yashirin iqtidor egalarinisaralab olish bo‘yicha tizim yaratish. | 1. Sport musobaqalarida iqtidorli yoshlarni saralash (seleksiya) tizimini yaratish. 2. Seleksiya bo‘yicha trener hamda sport maktabi direktorining ommaviy sportni rivojlantirish va seleksiya bo‘yicha o‘rinbosari bilan hamkorlikda ish faoliyatini olib borish. 3. Ommaviy sport musobaqalaridan tanlab olingan yoshlarni sport maktablariga sport turlari bo‘yicha seksiyalarga jalb etish. | 2022/2023 o‘quv yilidan boshlab | - | Sport vazirligi (A. Ikramov), Yoshlar ishlari agentligi (A. Sa’dullayev), sport federatsiya (assotsiatsiya)lari |
III. Ommaviy sport tadbirlarini tashkillashtirishda faollik ko‘rsatgan tadbir ishtirokchilarini munosib rag‘batlantirish | |||||
10. | Musobaqalarda g‘olib va sovrindor bo‘lgan o‘quvchilarni tayyorlagan jismoniy tarbiya fani o‘qituvchilari hamda trenerlarni rag‘batlantirish tizimini joriy etish. | Musobaqalarning respublika bosqichida g‘olib va sovrindor bo‘lgan mahalla terma jamoasini tayyorlagan jismoniy tarbiya fani o‘qituvchilari va trenerlarni rag‘batlantirish sifatida; ularning malaka toifalarini ko‘tarish; “Jismoniy tarbiya va sport a’lochisi” ko‘krak nishoniga tavsiya etish; bir martalik sport anjomlari to‘plamlarini ajratish; ish joyi hisobidan dam olish va sog‘lomlashtirish maskanlariga bir martalik bepul yo‘llanmalar taqdim etish. | 2022-yildan boshlab doimiy | Mahalliy va ijrochilar budjet mablag‘lari | Maktabgacha va maktab ta’limi vazirligi Sport vazirligi O‘zbekiston kasaba uyushmalari federatsiyasi Kengashi (Q. Rafikov), Iqtisodiyot va moliya vazirligi |
11. | Musobaqalarning birinchi bosqichi (mahalla bosqichi)ni namunali tashkil etgan tashkilotchi va hakamlarni munosib rag‘batlantirish. | 1. Tashkilotchi va hakamlarni diplom va tashakkurnoma bilan taqdirlash. 2. Esdalik sovg‘alar (futbolka va kepka) bilan taqdirlash. | Mahalliy bosqich yakuni bilan | Ijrochilar budjet mablag‘lari | Sportni rivojlantirish vazirligi (A. Aslonov), Yoshlar ishlari agentligi (A. Sa’dullayev) |
12. | Musobaqalarda g‘olib va sovrindor bo‘lgan ishtirokchilarni va mahalla yoshlar yetakchilarini rag‘batlantirish tizimini joriy etish. | Musobaqalarning respublika bosqichida g‘olib va sovrindor bo‘lgan mahalla terma jamoa ishtirokchilarini hamda mahalla yoshlar yetakchilarini esdalik va qimmatbaho sovg‘alar bilan taqdirlash. | Musobaqalar o‘tkazish grafigi asosida | Ijrochilar va mahalliy budjet mablag‘lari | Yoshlar ishlari agentligi (A. Sa’dullayev), Sportni rivojlantirish vazirligi (A. Aslonov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
13. | Ommaviy sport musobaqalari davomida o‘rnak ko‘rsatgan jismoniy tarbiya fani o‘qituvchilari, trenerlar, yoshlar yetakchilari va sportchilar faoliyatini yoritish. | Musobaqalar davomida o‘zining tashabbuskorligi va tashkilotchiligi bilan alohida o‘rnak ko‘rsatgan jismoniy tarbiya fani o‘qituvchilari, trenerlar, yoshlar yetakchilari va sportchilar to‘g‘risida teleko‘rsatuvlar tayyorlash. | Media-rejaga asosan 2022-yil davomida Rejani tasdiqlash — 2022-yil aprel | Ijrochilar mablag‘lari | Milliy teleradiokompaniya (A. Xadjayev), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
14. | Hududlarda ommaviy sport musobaqalarini tizimli ravishda o‘tkazish. | Ommaviy sport musobaqalarini o‘tkazish yuzasidan quyidagilarni nazarda tutuvchi chora-tadbirlar dasturini ishlab chiqish va tasdiqlash: musobaqalarda g‘olib va sovrindorlarni diplom, medal, kubok, esdalik sovg‘alari bilan taqdirlash; sport musobaqalarining respublika (final) bosqichlari bo‘lib o‘tadigan hududlar infratuzilmalarini talab darajasida tayyorlash; sport inshootlarini sport jihozlari bilan ta’minlash; tuman (shahar) va viloyat bosqichi g‘oliblari uchun hokim sovrinini ta’sis etish. | Har yili 1-fevral | Mahalliy va ijrochilar budjet mablag‘lari | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Sport vazirligi (A. Ikramov) |
15. | Sport musobaqalarini namunali tashkil etgan yoshlar yetakchilari va boshqa mas’ullar uchun o‘quv seminarlari tashkil etish va maxsus sertifikat berish tizimini yo‘lga qo‘yish. | 1. Ommaviy tadbirlarni tashkil etish maqsadida qisqa muddatlarda o‘quv seminari va leksiyalar metodikasini ishlab chiqish. 2. Onlayn tizim orqali o‘quv seminarlarini tashkil etish. 3. O‘quv seminarlarini muvaffaqiyatli yakunlagan tinglovchilarga QR-kodli sertifikatlarni joriy etish. | 2022/2023 o‘quv yilidan boshlab | - | Sportni rivojlantirish vazirligi (A. Aslonov), Xalq ta’limi vazirligi (R. Karimjonov), Yoshlar ishlari agentligi (A. Sa’dullayev) |
IV. Jismoniy tarbiya va sport bilan muntazam shug‘ullanadigan fuqarolar, o‘quvchi va talabalarning umumiy sonini oshirish | |||||
16. | Umumiy o‘rta ta’lim maktablarida jismoniy tarbiya fani o‘qituvchisi tomonidan kamida 1 ta sport turi bo‘yicha bepul to‘garaklar faoliyatini tashkil etish. | 1. Umumiy o‘rta ta’lim maktablarida ommaviylashgan va o‘quvchilar tomonidan shug‘ullanishga ishtiyoq bildirilgan sport turlarini aniqlash. 2. Umumiy o‘rta ta’lim maktablarida belgilangan sport turlari bo‘yicha sport to‘garaklarini tashkil etish. 3. Barcha umumiy o‘rta ta’lim maktablarida sport to‘garaklari jadvalini ishlab chiqish. | 2022/2023 o‘quv yilidan boshlab | - | Maktabgacha va maktab ta’limi vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
17. | Har bir umumiy o‘rta ta’lim maktabida futbol, basketbol, voleybol, gandbol va boshqa jamoaviy o‘yin turlari bo‘yicha jamoalar tuzish hamda muntazam ravishda maktab jamoalari o‘rtasida musobaqalar o‘tkazish. | 1. Sport turlari bo‘yicha musobaqalarni o‘tkazish dasturini ishlab chiqish. 2. Musobaqalarni o‘tkazish bo‘yicha hamkor tashkilotlar bilan birgalikda nizom ishlab chiqish. 3. Maktablarning jamoalari o‘rtasida doimiy musobaqalar o‘tkazish. | 2022/2023 o‘quv yilidan boshlab | Ijrochilar mablag‘lari | Maktabgacha va maktab ta’limi vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
18. | Talabalar sportini yanada rivojlantirish maqsadida oliy ta’lim muassasalarida tashkil etilgan sport klublari o‘rtasida musobaqalar o‘tkazish. | 1. Oliy ta’lim muassasalarida tashkil etilgan sport klublarini xatlovdan o‘tkazish. 2. Sport turlari bo‘yicha musobaqalarni o‘tkazish dasturini ishlab chiqish. 3. Musobaqalarni o‘tkazish bo‘yicha hamkor tashkilotlar bilan birgalikda nizom ishlab chiqish. 4. Oliy ta’lim muassasalari talabalarining xohish va istaklariga qarab sport klublari o‘rtasida doimiy ravishda sport musobaqalarini tashkil qilish. | 2022/2023 o‘quv yilidan boshlab | Ijrochilar mablag‘lari | Oliy ta’lim, fan va innovatsiyalar vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
19. | Yoshlar orasida “Besh tashabbus olimpiadasi”, xususan, ommaviy sportni targ‘ib qiluvchi materiallarni (buklet, banner va boshqalar) kreativ vositalardan foydalangan holda tayyorlash va mahallalarga tarqatish choralarini ko‘rish. | 1. Mahallalarda istiqomat qiluvchi oilalarga, xususan yoshlarga tarqatiladigan ommaviy sportni targ‘ib qiluvchi bukletlar namunalarini ishlab chiqish. 2. Ommaviy sportni targ‘ib qiluvchi bukletlarni mahallalarda istiqomat qiluvchi yoshlarga tarqatish. | 2022-yil iyun | Ijrochilar mablag‘lari | Yoshlar ishlari agentligi (A. Sa’dullayev), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
20. | Ijtimoiy tarmoqlarda yoshlarni jismoniy tarbiya va sportga keng jalb etish, ular o‘rtasida ommaviy sport musobaqalarini ommalashtirishga qaratilgan motivatsion roliklar tayyorlash. | 1. Olimpiya, Paralimpiya, Jahon va Osiyo musobaqalarida g‘olib va sovrindor bo‘lgan taniqli sportchilarni jalb qilgan holda yoshlar orasida “Besh tashabbus olimpiadasi”da ishtirok etishga chorlovchi roliklarni tasvirga olish. 2. Sport orqali yuqori darajaga erishgan sportchilarning hayot tarzini aks ettiruvchi teleko‘rsatuvlar sonini oshirish. 3. Ommaviy axborot vositalari orqali muntazam ravishda yoritib borish. | 2022-yil iyun | Ijrochilar mablag‘lari | Milliy teleradiokompaniya (A. Xadjayev), Yoshlar ishlari agentligi (A. Sa’dullayev), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
21. | Oliy ta’lim muassasalarini sport turlariga ixtisoslashtirish ro‘yxatini talabalarning xohish va istaklarini inobatga olgan holda qat’iy ravishda qayta ko‘rib chiqish. | 1. Oliy ta’lim muassasalarini sport turlariga ixtisoslashtirish bo‘yicha ishchi guruh shakllantirish. 2. Oliy ta’lim muassasalarini sport turlariga ixtisoslashtirish bo‘yicha ro‘yxatni talabalarning xohish va istaklarini inobatga olgan holda qayta ko‘rib chiqish. 3. O‘rganish natijalariga ko‘ra oliy ta’lim muassasalarini ixtisoslashtirish bo‘yicha normativ-huquqiy hujjatlarga o‘zgartirish kiritgan holda oliy ta’lim muassasalarini qayta ixtisoslashtirish. | 2022/2023 o‘quv yilidan boshlab | - | Sport vazirligi Oliy ta’lim, fan va innovatsiyalar vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |