1.01.00.00.00 Konstitutsiyaviy tuzum / 01.17.00.00 Nodavlat notijorat tashkilotlari (shuningdek, 03.03.10.03ga qarang) / 01.17.12.00 Boshqa birlashmalar, harakatlar, uyushmalar va oʻzga nodavlat notijorat tashkilotlari]
[TSZ:
1.Davlat va jamiyat qurilishi / Jamoat birlashmalari (jamgʻarmalari), diniy tashkilotlar, siyosiy partiyalar]
Oʻzbekiston Respublikasi Prezidentining
Qarori
Inson huquqlari boʻyicha Oʻzbekiston Respublikasi Milliy markazi faoliyatining moddiy-texnika taʼminotini yanada yaxshilash toʻgʻrisida
Inson huquqlari sohasida ilmiy-huquqiy bazaning tizimli shakllantirilishini tashkil etish, 2021 — 2023-yillarda Birlashgan Millatlar Tashkilotining Inson huquqlari boʻyicha kengashida Oʻzbekiston Respublikasining aʼzoligi samarali amalga oshirilishini taʼminlash doirasida Inson huquqlari boʻyicha Oʻzbekiston Respublikasi Milliy markazi faoliyatining moddiy-texnika taʼminotini yanada yaxshilash maqsadida:
[OKOZ:
1.01.00.00.00 Konstitutsiyaviy tuzum / 01.06.00.00 Inson va fuqaroning huquqlari, erkinliklari va burchlari / 01.06.05.00 Huquq va erkinlikning kafolati va himoyasi. Ombudsman;
2.02.00.00.00 Davlat boshqaruvi asoslari / 02.04.00.00 Mahalliy ijroiya organlari (Hokimliklar) (shuningdek, 01.15.03.00ga qarang) / 02.04.03.00 Mahalliy ijroiya organlarining tuzilmasi va shtatlari]
1. Inson huquqlari boʻyicha Oʻzbekiston Respublikasi Milliy markazi (keyingi oʻrinlarda — Markaz) tuzilmasida “Demokratlashtirish va inson huquqlari” jurnali tahririyatining 6 ta shtat birligini qisqartirish hisobiga:
2 ta shtat birligidan iborat Inson huquqlari boʻyicha axborot-kutubxona markazi — “Inson huquqlari uyi” tashkil etilsin;
matbuot kotibi lavozimi negizida Matbuot xizmati tashkil etilsin va qoʻshimcha 2 ta shtat birligi kiritilsin;
Inson huquqlari sohasidagi taʼlim va maʼrifat boʻlimi hamda Inson huquqlari boʻyicha xalqaro hamkorlik boʻlimiga qoʻshimcha 1 tadan shtat birligi kiritilsin.
[OKOZ:
1.01.00.00.00 Konstitutsiyaviy tuzum / 01.17.00.00 Nodavlat notijorat tashkilotlari (shuningdek, 03.03.10.03ga qarang) / 01.17.02.00 Nodavlat notijorat tashkilotlarini tashkil qilish va roʻyxatga olish tartibi. Diniy tashkilotlarni davlat roʻyxatiga olish]
2. Markazga quyidagi qoʻshimcha asosiy vazifalar yuklatilsin:
inson huquqlari sohasida ilmiy-huquqiy bazani tizimlashtirish, oʻquv, ilmiy-uslubiy va ommabop nashrlar hamda xalqaro shartnomalarning davlat tilidagi toʻplamlari doimiy chop etilishini taʼminlash;
inson huquqlarini taʼminlash sohasida amalga oshirilayotgan islohotlarning xronologiyasini yuritish, fuqarolar va ilmiy tadqiqotchilarga inson huquqlari boʻyicha tizimlashgan ilmiy-huquqiy manbalardan foydalanish uchun keng imkoniyatlar yaratish.
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.01.00 Umumiy masalalar;
2.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.02.00 Vazirliklar]
3. Yuqori kasb mahoratiga ega boʻlgan hamda Markaz faoliyati samaradorligini oshirishga katta hissa qoʻshayotgan xodimlarni yanada ragʻbatlantirish maqsadida Adliya organlari va muassasalarini rivojlantirish jamgʻarmasi mablagʻlari hisobidan yillik mehnatga haq toʻlash fondining 50 foizi miqdorida Inson huquqlari boʻyicha Oʻzbekiston Respublikasi Milliy markazi xodimlarini moddiy ragʻbatlantirish maxsus fondi tashkil etilsin.
Belgilansinki, maxsus fond mablagʻlari Markaz direktorining buyrugʻiga binoan Markazning boshqaruv, texnik va xizmat koʻrsatuvchi xodimlariga ularning mehnatga haq toʻlash fondining 100 foizigacha boʻlgan miqdorda har oylik ustamalar belgilash uchun yoʻnaltiriladi.
Markaz (A.X. Saidov) Adliya vazirligi (R.K. Davletov) va Moliya vazirligi (T.A. Ishmetov) bilan birgalikda ikki hafta muddatda maxsus fond mablagʻlaridan foydalanish tartibi, shuningdek, Markaz xodimlariga har oylik ustamalar belgilash mezonlarini tasdiqlasin.
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.09.00 Ijtimoiy-madaniy masalalar boʻyicha davlat siyosati / 02.08.09.01 Huquqiy targʻibot;
2.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.07.00 Huquqiy axborot]
4. Markaz direktoriga belgilangan mehnatga haq toʻlash fondidan tejab qolingan, shuningdek, tasdiqlangan shtatlar jadvalida nazarda tutilgan shtat birliklari toʻldirilmaganligi sababli boʻshab qolgan mablagʻlarni Markaz xodimlarini moddiy ragʻbatlantirishga yoʻnaltirish huquqi berilsin.
[OKOZ:
1.02.00.00.00 Davlat boshqaruvi asoslari / 02.01.00.00 Oʻzbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.02.00 Vazirlar Mahkamasi vakolatlari;
2.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.02.00 Vazirliklar;
3.19.00.00.00 Xalqaro munosabatlar. Xalqaro huquq / 19.05.00.00 Aholi / 19.05.09.00 Inson huquqlarini xalqaro himoya qilish (qiynashni taqiqlash. Diskriminatsiya. Bolalar huquqini himoya qilish. Ayollar huquqini himoya qilish)]
5. Vazirlar Mahkamasi bir oy muddatda:
Toshkent shahar, Mirobod tumani, Islom Karimov koʻchasi, 15-uy manzilida joylashgan Markaz binosining “B” korpusini rekonstruksiya qilish ishlarini tashkillashtirsin;
Markazni Inson huquqlari boʻyicha axborot-kutubxona markazi — “Inson huquqlari uyi” faoliyatini tashkil etish uchun zarur boʻlgan axborot-kutubxona dasturiy taʼminoti, multimedia mahsulotlari, mebel, kompyuter texnikasi va boshqa asbob-uskunalar bilan taʼminlash choralarini koʻrsin.
[OKOZ:
1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.02.00.00 Oʻzbekiston Respublikasi Prezidentining farmon va qarorlari]
6. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga ilovaga muvofiq qoʻshimcha va oʻzgartirishlar kiritilsin.
7. Mazkur qarorning ijrosini samarali tashkil qilishga masʼul va shaxsiy javobgar etib Markaz direktori A.X. Saidov belgilansin.
Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 25-mart,
PQ-180-son
Oʻzbekiston Respublikasi Prezidentining 2022-yil 25-martdagi PQ-180-son qaroriga ILOVA
[OKOZ:
1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.02.00.00 Oʻzbekiston Respublikasi Prezidentining farmon va qarorlari]
Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan qoʻshimcha va oʻzgartirishlar
1. Oʻzbekiston Respublikasi Prezidentining 2018-yil 10-dekabrdagi “Inson huquqlari boʻyicha Oʻzbekiston Respublikasi Milliy markazi faoliyatini takomillashtirish toʻgʻrisida”gi PQ-4056-son qarorida:
a) 2-band quyidagi mazmundagi xatboshilar bilan toʻldirilsin:
“inson huquqlari sohasida ilmiy-huquqiy bazani tizimlashtirish, oʻquv, ilmiy-uslubiy va ommabop nashrlar hamda xalqaro shartnomalarning davlat tilidagi toʻplamlari doimiy chop etilishini taʼminlash;
inson huquqlarini taʼminlash sohasida amalga oshirilayotgan islohotlarning xronologiyasini yuritish, fuqarolar va ilmiy tadqiqotchilarga inson huquqlari boʻyicha tizimlashgan ilmiy-huquqiy manbalardan foydalanish uchun keng imkoniyatlar yaratish”;
b) 7-bandning ikkinchi xatboshisidagi “35 nafar” soʻzlari “41 nafar” soʻzlari bilan almashtirilsin;
quyidagi mazmundagi uchinchi xatboshi bilan toʻldirilsin:
“belgilangan mehnatga haq toʻlash fondidan tejab qolingan mablagʻlarni, shuningdek, tasdiqlangan shtatlar jadvalida nazarda tutilgan birliklar toʻldirilmaganligi sababli boʻshab qolgan mablagʻlarni Markaz xodimlarini moddiy ragʻbatlantirish uchun sarflash”;
“211. Yuqori kasb mahoratiga ega boʻlgan, Markaz faoliyatining samaradorligini oshirishga hissa qoʻshayotgan xodimlarni ragʻbatlantirish maqsadida Adliya organlari va muassasalarini rivojlantirish jamgʻarmasi mablagʻlari hisobidan yillik mehnatga haq toʻlash fondining 50 foizi miqdorida Inson huquqlari boʻyicha Oʻzbekiston Respublikasi Milliy markazi xodimlarini moddiy ragʻbatlantirish maxsus fondi (keyingi oʻrinlarda — Maxsus fond) tashkil etiladi.
Bunda:
Maxsus fond mablagʻlari Markaz direktorining buyrugʻiga binoan Markazning boshqaruv, texnik va xizmat koʻrsatuvchi xodimlariga ularning mehnatga haq toʻlash fondining 100 foizigacha boʻlgan miqdorda har oylik ustamalar belgilash uchun yoʻnaltiriladi;
Maxsus fond mablagʻlaridan foydalanish tartibi, shuningdek, Markaz xodimlariga har oylik ustamalar belgilash mezonlari Markaz direktori tomonidan belgilanadi”;
“231. Markaz xodimlarining, shu jumladan yordamchi xodimlarning lavozim maoshiga ragʻbatlantirish koeffitsiyenti va Maxsus fonddan har oylik ustamalar hisobga olingan holda, davlat organlaridagi koʻp yillik mehnati uchun 2 yildan 5 yilgacha — 0,1; 5 yildan 10 yilgacha — 0,2; 10 yildan 15 yilgacha — 0,3; 15 yildan 20 yilgacha — 0,4; 20 yildan ortiq — 0,5 koeffitsiyentlarda har oylik ustamalar toʻlanadi. Bunda, qonunchilik hujjatlariga asosan xodimning oldingi ish joyi boʻyicha Oʻzbekiston Respublikasi Prezidentining 2020-yil 22-iyundagi “Inson huquqlari boʻyicha Oʻzbekiston Respublikasining Milliy strategiyasini tasdiqlash toʻgʻrisida”gi PF-6012-son Farmonida belgilangan miqdordan yuqoriroq ustama belgilangan taqdirda, mazkur ustama yuqoriroq miqdor boʻyicha toʻlanadi”;
j) 3-ilovaning matni quyidagi tahrirda bayon qilinsin:
“Inson huquqlari boʻyicha Oʻzbekiston Respublikasi Milliy markazi xodimlarining Yagona tarif setkasi boʻyicha mehnatga haq toʻlash razryadlari
Lavozimning nomlanishi
Mehnatga haq toʻlash razryadlari
Direktor
19
Direktorning birinchi oʻrinbosari
18
Direktor oʻrinbosari
17
Matbuot kotibi
17
Direktor yordamchisi
15
Boʻlim boshligʻi
15
Bosh buxgalter
15
Bosh yuriskonsult
14
Bosh mutaxassis
12
Kadrlar boʻyicha bosh inspektor
12
Yetakchi mutaxassis
11
1-toifali ish yurituvchi
8
2-toifali ish yurituvchi
7
Gʻaznachi
7
Xoʻjalik ishlari mudiri
7
”.
2. Vazirlar Mahkamasining 2019-yil 21-noyabrdagi “Demokratlashtirish va inson huquqlari” jurnali tahririyatining faoliyatini qoʻllab-quvvatlash toʻgʻrisida”gi 932-son qarorida:
a) 2-bandning ikkinchi xatboshisidagi “24 nafar” soʻzlari “18 nafar” soʻzlari bilan almashtirilsin;
b) 1-ilovaning matni quyidagi tahrirda bayon etilsin:
“Demokratlashtirish va inson huquqlari” jurnali tahririyati
TUZILMASI
Bosh muharrir
Masʼul kotib
Bosh muharrir oʻrinbosari
Axborot kommunikatsiya texnologiyalari va bosma nashrlarning elektron shakli xizmati boʻlimi
2
Buxgalteriya
2
Tashkiliy ijodiy guruh
3
Kadrlar boʻyicha inspektor
Marketing, reklama va targʻibot boʻlimi
3
Tahririyatning texnik guruhi
3
Xoʻjalik ishlari mudiri
Tahririyat xodimlarining umumiy cheklangan soni 18 nafar”;
v) 2-ilovaning matni quyidagi tahrirda bayon etilsin:
“Demokratlashtirish va inson huquqlari” jurnali tahririyati xodimlari mehnatiga haq toʻlash
RAZRYADLARI
T/r
Lavozim
Mehnatga haq toʻlash razryadlari
1.
Bosh muharrir
16
2.
Bosh muharrir oʻrinbosari
15
3.
Masʼul kotib
14
4.
Bosh hisobchi
13
5.
Ijodiy (texnik) guruh rahbari
13
6.
Boʻlim boshligʻi
13
7.
Katta tahrirchi
11
8.
Katta muharrir
11
9.
Tarjimon
11
11.
Bosh mutaxassis
11
12.
Yetakchi mutaxassis
10
13.
Mutaxassis (iqtisodchi)
9
14.
Texnik mutaxassis
6
15.
Kadrlar boʻyicha inspektor
4
16.
Xoʻjalik ishlari mudiri
3
”.
(Qonunchilik maʼlumotlari milliy bazasi, 25.03.2022-y., 07/22/180/0240-son)
