Oʻzbekiston Respublikasi Oliy Majlisi qaror qiladi:

1. 1-oktabr “Oʻqituvchi va murabbiylar kuni” deb belgilansin hamda u bayram (dam olish) kuni deb hisoblansin.

2. Oʻzbekiston Respublikasining 1995-yil 21-dekabrdagi Qonuni bilan tasdiqlangan Oʻzbekiston Respublikasi Mehnat kodeksining (Oʻzbekiston Respublikasi Oliy Majlisining Axborotnomasi, 1996-yil, 1-songa ilova) 131-moddasi oltinchi xatboshidan keyin quyidagi mazmundagi yangi xatboshi bilan toʻldirilsin:

“1-oktabr — Oʻqituvchi va murabbiylar kuni;”

Shu moddaning yettinchi, sakkizinchi va toʻqqizinchi xatboshilari tegishli ravishda sakkizinchi, toʻqqizinchi va oʻninchi xatboshilar deb hisoblansin.

3. Oʻzbekiston Respublikasining “Xalq taʼlimi xodimlari kunini belgilash toʻgʻrisida”gi 1993-yil 29-dekabr Qonuni (Oʻzbekiston Respublikasi Oliy Kengashining Axborotnomasi, 1994-yil, № 1, 26-modda) oʻz kuchini yoʻqotgan deb hisoblansin.