Oʻzbekiston Respublikasi Prezidentining “Respublika pul-kredit siyosati komissiyasining tarkibini oʻzgartirish toʻgʻrisida” 1997-yil 1-avgustdagi PF-1827-son Farmonini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining “Muomaladagi naqd pullarni kamaytirishga oid chora-tadbirlar toʻgʻrisida” 1994-yil 11-iyuldagi 356-son qaroriga quyidagi qoʻshimchalar kiritilsin:

a) 3-badning birinchi xatboshidagi birinchi gap quyidagi mazmundagi soʻzlar bilan toʻldirilsin:

“Respublika pul-kredit siyosati komissiyasining qarori bilan ularga hisob-kitoblarni naqd pul mablagʻlari bilan amalga oshirish huquqi berilgan hollardan tashqari”;

b) 3-bandning uchinchi xatboshi “respublika Hukumatining” soʻzlaridan keyin “yoki Respublika pul kredit siyosati komissiyasi” soʻzlari bilan toʻldirilsin;

v) 4-bandning birinchi xatboshi quyidagi mazmundagi soʻzlar bilan toʻldirilsin:

“Respublika pul-kredit siyosati komissiyasining qarori bilan ularga hisob-kitoblarni naqd pul mablagʻlari bilan amalga oshirish huquqi berilgan hollardan tashqari”;

g) 5-band quyidagi mazmundagi xatboshi bilan toʻldirilsin:

“Respublika pul-kredit siyosati komissiyasi asoslangan hisob-kitoblardan kelib chiqib hamda tegishli vazirliklar va idoralarning xulosalari boʻyicha ayrim xoʻjalik yurituvchi subyektlarning mehnatga haq toʻlash fondini tartibga solish masalalari boʻyicha qarorlar qabul qilishi”.

2. Oʻzbekiston Respublikasi Vazirlar Mahkamasining “Naqd pul tushumidan foydalanishni tartibga solish toʻgʻrisida” 1995-yil 3-fevraldagi 29-son qarorining 2-bandi quyidagi mazmundagi xatboshi bilan toʻldirilsin:

“Istisno hollarda Respublika pul-kredit siyosati komissiyasi naqd pul massasini tartibga solish va hisob-kitoblarni naqd pul mablagʻlari bilan amalga oshirish, shuningdek mayda ulgurji operatsiyalar boʻyicha qaror qabul qilishi mumkin”.