532-сон 20.08.2021. Oʻzbekiston Respublikasida koronavirus infeksiyasi bilan bogʻliq epidemiologik vaziyat barqarorligini taʼminlash boʻyicha qoʻshimcha chora-tadbirlar toʻgʻrisida

Oʻzbekiston Respublikasi Vazirlar Mahkamasining

qarori

Oʻzbekiston Respublikasida koronavirus infeksiyasi bilan bogʻliq epidemiologik vaziyat barqarorligini taʼminlash boʻyicha qoʻshimcha chora-tadbirlar toʻgʻrisida

Oʻzbekiston Respublikasida koronavirus infeksiyasi bilan bogʻliq epidemiologik vaziyat barqarorligini taʼminlash, infeksiya profilaktikasi hamda davolashda dori vositalari va tibbiy buyumlar taʼminotida uzluksizlikni taʼminlash, shuningdek, ushbu yoʻnalishlarda faoliyat koʻrsatayotgan tibbiyot va boshqa xodimlar mehnatini munosib ragʻbatlantirish maqsadida Vazirlar Mahkamasi qaror qiladi:

1. Quyidagilar:

a) “Jurabek Laboratories” MCHJ QK (Oʻzbekiston) tomonidan:

“Anhui Zhifei Longcom Biopharmaceutical Co., Ltd” (Xitoy Xalq Respublikasi) kompaniyasi (keyingi oʻrinlarda — xitoylik hamkorlar) bilan “ZF-UZ-VAC 2001” (Recombinant Novel Coronavirus Vaccine (CHO Cell) vaksinasini (keyingi oʻrinlarda — “ZF-UZ-VAC 2001” vaksinasi) Oʻzbekiston Respublikasida ishlab chiqarish boʻyicha kelishuvga erishilganligi va dastlabki bosqichda xitoylik hamkorlar tomonidan “ZF-UZ-VAC 2001” vaksinasi substansiyasini yetkazib berish belgilanganligi;

“Vaksina cheloveka” MCHJ (Rossiya Federatsiyasi) (keyingi oʻrinlarda — rossiyalik hamkorlar) bilan “Gam-KOVID-Vak” va Gam-KOVID-Vak-Lio kombinirlangan vektor vaksinasini (keyingi oʻrinlarda — “Sputnik V” vaksinasi) Oʻzbekiston Respublikasida ishlab chiqarish boʻyicha kelishuvga erishilganligi hamda rossiyalik hamkorlar tomonidan dastlabki bosqichda “Sputnik V” vaksinasi substansiyasini yetkazib berish masalasi koʻrib chiqilayotganligi;

b) “ZF-UZ-VAC 2001” vaksinasi Xitoy Xalq Respublikasi va Oʻzbekiston Respublikasida hamda “Sputnik V” vaksinasi Rossiya Federatsiyasi va boshqa mamlakatlarda davlat roʻyxatidan oʻtkazilganligi maʼlumot uchun qabul qilinsin.

2. Oʻzbekiston Respublikasi Sogʻliqni saqlash vazirligi hamda vazirlik huzuridagi Farmatsevtika tarmogʻini rivojlantirish agentligining “Jurabek Laboratories” MCHJ QK tomonidan ishlab chiqariladigan “ZF-UZ-VAC 2001” hamda “Sputnik V” vaksinalarini davlat roʻyxatidan oʻtkazish hujjatlarini, shu jumladan, ishlab chiqarish jarayonlariga doir texnik jihatdan tartibga solish sohasidagi normativ hujjatlarni, “ZF-UZ-VAC 2001” hamda “Sputnik V” vaksinalarining substansiyalari va/yoki “in bulk” ishlab chiqaruvchilarining klinik oldi va klinik tadqiqotlari ijobiy xulosalarini tan olgan holda ushbu vaksinalarni, istisno tariqasida, taqdim etilgan hujjat hamda sertifikatlar asosida Oʻzbekiston Respublikasida davlat roʻyxatidan oʻtkazishga ruxsat berish toʻgʻrisidagi taklifiga rozilik berilsin.

Bunda, Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining “Dori vositalari, tibbiy buyumlar va tibbiy texnika ekspertizasi va standartlashtirish davlat markazi” DUK tomonidan “Jurabek Laboratories” MCHJ QK tomonidan ishlab chiqariladigan tegishli vaksinalarning laboratoriya sinovlari va roʻyxatdan oʻtkazish hujjatlarining ekspertizasini besh ish kunida amalga oshirilishi taʼminlansin.

3. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

4. Oʻzbekiston Respublikasi Sogʻliqni saqlash vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev hamda Oʻzbekiston Respublikasi sogʻliqni saqlash vaziri A.M. Xadjibayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 20-avgust,

532-son

Vazirlar Mahkamasining 2021-yil 20-avgustdagi 532-son qaroriga
ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Bojxona toʻlovlaridan ozod qilinadigan texnologik va laboratoriya uskunalari, ularning butlovchi va ehtiyot qismlari, shuningdek, xom ashyo va materiallar, tibbiyot buyumlari va qadoqlash materiallari roʻyxatini tasdiqlash toʻgʻrisida” 2019-yil 17-dekabrdagi 1008-son qaroriga ilovaning rus tili matniga:

a) “Naimenovaniya sirya i materialov, ispolzuyemix dlya proizvodstva lekarstvennix sredstv (v tom chisle vnutriaptechnogo izgotovleniya), izdeliy meditsinskogo naznacheniya i upakovochnix materialov” blokida:

quyidagi mazmundagi 1383 — 1405-pozitsiyalar qoʻshilsin:

“
1383.	Adrenalin gidroxlorid (adrenalin; epinefrin; epinefrin gidroxlorid)	2937 90 000 0
1384.	Albumin	3502 90 700 0
1385.	Apiksaban	2933 79 000 0
1386.	Dopamin (Dopamina gidroxlorid)	2922 29 000 0
1387.	Kolxitsin	2939 79 000 0
1388.	Meropenem (Meropenem trigidrat)	2941 90 000 9
1389.	Metilprednizolon natriya suksinat	2937 29 000 0
1390.	Norepinefrin (norepinefrin bitartrat)	2937 90 000 0
1391.	Pipekuroniya bromid	2933 59 950 0
1392.	Rastvor albumina v pereschete na suxoy albumin	3502 90 200 0
1393.	Rezinovie probki dlya liofilizirovannix preparatov	4016 99 970 9
1394.	Remdesivir	2934 99 900 0
1395.	Rivaroksaban	2934 99 900 0
1396.	Steklyannie ampuli (borosilikatnogo stekla,) 1 ml, 2 ml, 3 ml, 5 ml, 10 ml, 15 ml, 20 ml	7010 90 710 0 7010 10 000 0
1397.	Steklyannie Flakoni (borosilikatnogo stekla,) 1 ml, 2 ml, 3 ml, 5 ml, 10 ml, 15 ml, 20 ml, 30ml, 50 ml, 100 ml	7010 90 710 0 7010 90 790 0
1398.	Strofantin (Strofantin k)	2938 90 900 0
1399.	Favipiravir	2933 99 800 0
1400.	Steklyannie Flakoni 1 ml, 2 ml, 3 ml, 5 ml, 10 ml, 15 ml, 20 ml, 30 ml, 50 ml, 100 ml dlya liofilizirovannix preparatov	7010 90 210 0 7010 90 710 0 7010 90 790 0
1401.	Sefepim sulbaktam	2941 90 000 9 3003 20 000 0
1402.	Rastvor kombinirovannoy vektornoy vaksini Gam-KOVID-Vak, (KOMPONENT I; KOMPONENT II), Gam-KOVID-Vak-Lio	3002 20 000 9
1403.	Substansiyaili in-bulk dlyaproizvodstvaVaksini COVID-19 (Recombinant Novel Coronavirus Vaccine (CHO Cell)	3002 20 000 9
1404.	Gidroksixloroxin	2933 49 900 0
1405.	Gidroksixloroxina sulfat	2933 49 900 0
		”;

havoladagi “ispolzuyemie” soʻzidan keyin “v tom chisle i” soʻzlari qoʻshilsin;

b) “Naimenovaniya texnologicheskogo i laboratornogo oborudovaniya, komplektuyushix i zapasnix chastey k nim” blokiga kuyidagi mazmundagi 601 — 611-pozitsiyalar qoʻshilsin:

“
601.	Probki rezinovie dlya vaksini	4016 99 970 9
602.	Alyuminiyevie kolpachki kombinirovanniy	8309 90 900 0
603.	Kulturi mikroorganizmov	3002 90 500 0
604.	Bevatsizumab	3002 13 000 0
605.	Rituksimab	3002 13 000 0
606.	Trastuzumab	3002 13 000 0
607.	Kletochnaya liniya (KJI)	3001 20 900 0
608.	Biologicheskaya test-sistema	3822 00 000 0 3002 15 000 0
609.	Termokonteyner mnogorazovogo ispolzovaniya dlya vremennogo xraneniya i transportirovaniya vaksin, sivorotok i drugix lekarstvennix sredstv v komplekte s xladoelementom	3923 10 000 0
610.	Termoregistrator-indikator porogovoy	9025 19 200 0
611.	Termoindikator	9025 19 200 0
		”;

Oldingi tahrirga qarang.

(2-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2025-y., 09/25/791/1167-son)

Oldingi tahrirga qarang.

(3-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2025-y., 09/25/791/1167-son)

4. Vazirlar Mahkamasining 2020-yil 24-sentabrdagi 583-son qarori bilan tasdiqlangan Koronavirus infeksiyasi bilan kasallangan bemorlarni davolash obyektlarida hamda koronavirus infeksiyasini aniqlash laboratoriyalarida faoliyat olib borayotgan xodimlarga maxsus ragʻbatlantirish toʻlovlarini toʻlash tartibi toʻgʻrisidagi nizomning 6-bandi uchinchi xatboshisi kuyidagi mazmundagi uchinchi va toʻrtinchi xatboshilar bilan almashtirilsin:

“Xodim tomonidan 30 kun davomida bajarilgan ish hajmidan kelib chiqib ish soatlariga nisbatan mutanosib ravishda, biroq tegishli lavozimlardan kelib chiqib vrach-laborant, oʻrta tibbiyot xodimi, hamshira-laborant, provizor-farmatsevt xodim, dezinfektor va kichik tibbiyot xodimlari va boshqa xodimlar koʻpi bilan 4 million soʻm, 6 million soʻm, 10 million soʻm va 15 million soʻm miqdorida toʻlanadi.

Bunda vrach xodimlar va boshqaruv xodimlari tomonidan 30 kun davomida bajarilgan ish hajmi belgilangan ish yuklama meʼyoridan kam yoki koʻp boʻlgan taqdirda, maxsus toʻlovlar haqiqatda bajarilgan ish soatlariga nisbatan mutanosib ravishda toʻlanadi”.

(Qonunchilik maʼlumotlari milliy bazasi, 21.08.2021-y., 09/21/532/0810-son; 16.12.2025-y., 09/25/791/1167-son)