toggle_night_mode
Oʻzbekiston Respublikasi Prezidentining
Qarori
Kon-metallurgiya sanoati va unga bogʻliq sohalarni rivojlantirish boʻyicha qoʻshimcha chora-tadbirlar toʻgʻrisida
Kon-metallurgiya sanoati mahsulotlari negizida ilgʻor jahon amaliyoti asosida yuqori qoʻshilgan qiymatli tayyor mahsulotlar ishlab chiqarish quvvatlarini tashkil etish, unga bogʻliq boʻlgan tarmoqlarni rivojlantirish hamda ushbu yoʻnalishning investitsiyaviy jozibadorligini oshirish maqsadida:
1. Iqtisodiy taraqqiyot va kambagʻallikni qisqartirish vazirligi, Moliya vazirligi, Investitsiyalar va tashqi savdo vazirligi, Innovatsion rivojlanish vazirligi, Davlat geologiya va mineral resurslar qoʻmitasi, “Olmaliq KMK” AJ, “Oʻzeltexsanoat” uyushmasining quyidagilarni kon-metallurgiya sanoati va unga bogʻliq tarmoqlarni rivojlantirishning asosiy yoʻnalishlari etib belgilash toʻgʻrisidagi takliflari maʼqullansin:
“xom ashyodan tayyor mahsulotgacha” boʻlgan koʻp pogʻonali qoʻshilgan qiymat zanjirlarini yaratishga qaratilgan iqtisodiyotning drayveri sifatida respublikada mis mahsuloti va u bilan bogʻliq sohalarda yuqori qoʻshilgan qiymatli tayyor mahsulotlar ishlab chiqarish boʻyicha ilmiy-texnologik klasterni (keyingi oʻrinlarda — Mis sanoati klasteri) tashkil etish;
kon-metallurgiya sanoatini uzoq muddatli istiqbolda ishonchli resurs bazasi bilan taʼminlash uchun mis, rangli, nodir va noyob metallar boʻyicha geologiya-qidiruv ishlarini kengaytirish, geologiya fani va geologik xizmatlar bozorini rivojlantirish;
Mis sanoati klasteri doirasida loyiha va injiniring xizmatlari, ilmiy-tadqiqot va tajriba-konstruktorlik ishlarining oʻzaro bogʻliq tizimini rivojlantirish, zamonaviy texnologiyalarni transfer qilish, innovatsiyalarni va raqamli texnologiyalarni joriy etish hamda mavjudlarini takomillashtirish boʻyicha ilgʻor xorijiy tajribalar asosida fan va ishlab chiqarish oʻrtasidagi oʻzaro hamkorlikning yangi tizimini yoʻlga qoʻyish;
Mis sanoati klasteri uchun zarur boʻlgan kon-metallurgiya mashinalari, texnikalari, asbob-uskunalar, xom ashyoni chuqur qayta ishlash, kimyoviy mahsulotlarning yangi turlarini ishlab chiqarishni kengaytirish va oʻzlashtirish, mahalliy ixtisoslashgan tashkilotlar bilan kooperatsiya va autsorsing asosida xizmat koʻrsatish turlarini rivojlantirish;
kon-metallurgiya, elektrotexnika, mashinasozlik, dastgohsozlik sohalarida kadrlarni tayyorlash, qayta tayyorlash va ularning malakasini oshirish tizimini tubdan takomillashtirish, shuningdek, mavjud va yangi barpo etiladigan ishlab chiqarish quvvatlarini yuqori malakali mahalliy va xorijiy mutaxassislar bilan taʼminlash;
kon-metallurgiya sanoatini zarur infratuzilma bilan taʼminlash hamda milliy ekologik talablarni xalqaro standartlarga muvofiqlashtirish, atrof-muhitni muhofaza qilish va suvdan oqilona foydalanish;
davlatning kon-metallurgiya sanoati rivojlanishini taʼminlashga qaratilgan eng maqbul tartibga solish siyosatini shakllantirish, sanoat tarmoqlarida milliy raqobatbardoshlikni oshirish.
2. Quyidagilar:
Mis sanoati klasterini tashkil etish va rivojlantirish “yoʻl xaritasi” (keyingi oʻrinlarda — “yoʻl xaritasi”) 1-ilovaga muvofiq;
Mis sanoati klasterini tashkil etish va rivojlantirish boʻyicha maxsus komissiya (keyingi oʻrinlarda — Maxsus komissiya) tarkibi 2-ilovaga muvofiq tasdiqlansin.
Maxsus komissiyaga (A.N. Aripov) “yoʻl xaritasi”ga, zaruratga qarab, oʻzgartirish va qoʻshimchalar kiritish huquqi berilsin.
3. Maxsus komissiyaga quyidagi asosiy vazifalar yuklansin:
“yoʻl xaritasi”da belgilangan chora-tadbirlar amalga oshirilishida mutasaddi vazirlik, idora va tashkilotlar faoliyatini muvofiqlashtirish va ushbu jarayonni nazorat qilish;
mutasaddi vazirlik, idora va tashkilotlar tomonidan ishlab chiqilgan takliflarni koʻrib chiqish, ularni amaliyotga tatbiq etish boʻyicha qarorlar qabul qilish;
Mis sanoati klasterini tashkil etish va rivojlantirish hamda ushbu qaror ijrosini taʼminlash boʻyicha amalga oshirilayotgan chora-tadbirlar natijadorligini muhokama qilib borish, shuningdek, “yoʻl xaritasi”ni amalga oshirishda yuzaga keladigan masalalarni tezkor hal etish.
4. Iqtisodiy taraqqiyot va kambagʻallikni qisqartirish vazirligi, Moliya vazirligi, Investitsiyalar va tashqi savdo vazirligi, Innovatsion rivojlanish vazirligi, Davlat geologiya va mineral resurslar qoʻmitasi, “Navoiy KMK” AJ va “Olmaliq KMK” AJ:
Oʻzbekiston texnik jihatdan tartibga solish agentligi, “Oʻzeltexsanoat” uyushmasi bilan birgalikda 2021-yil 15-oktabrga qadar yetakchi xorijiy konsalting kompaniyalarini jalb qilgan holda, 2022 — 2026-yillarda kon-metallurgiya mashinalari, texnikalari va uskunalarining yangi turlarini ishlab chiqarishni rivojlantirish dasturini;
“Oʻzkimyosanoat” AJ bilan birgalikda 2021-yil 30-oktabrga qadar kon-metallurgiya sanoati uchun zarur boʻlgan kimyoviy mahsulotlarni ishlab chiqarishni kengaytirish boʻyicha chora-tadbirlar dasturini (“Navoiyazot” AJda tashkil etilayotgan texnologik kimyo klasterini hisobga olgan holda);
2021-yil 1-noyabrga qadar yetakchi xorijiy konsalting kompaniyalari hamda malakali mutaxassislarni jalb qilgan holda, Mis sanoati klasterini tashkil etish va rivojlantirish konsepsiyasini tasdiqlash uchun Vazirlar Mahkamasiga kiritsin.
5. Moliya vazirligi, Iqtisodiy taraqqiyot va kambagʻallikni qisqartirish vazirligi, “Navoiy KMK” AJ, “Olmaliq KMK” AJ, “Oʻzkimyosanoat” AJ va uning tarkibiga kiruvchi tashkilotlar, “Oʻzeltexsanoat” uyushmasining:
Mis sanoati klasterini tashkil etish va rivojlantirish konsepsiyasini hamda Kadrlar tayyorlash va ularning malakasini oshirish tizimini takomillashtirish dasturini ishlab chiqish, shu jumladan yetakchi xorijiy konsalting kompaniyalar hamda malakali mutaxassislarni jalb qilish, xorijiy davlatlar tajribasini oʻrganish, xizmat safarlarini tashkil etish bilan bogʻliq va boshqa tegishli xarajatlarni “Olmaliq KMK” AJ mablagʻlari;
2022 — 2026-yillarda kon-metallurgiya mashinalari, texnikalari va uskunalarining yangi turlarini ishlab chiqarishni rivojlantirish hamda kon-metallurgiya sanoati uchun zarur boʻlgan kimyoviy mahsulotlarni ishlab chiqarishni kengaytirish dasturlarini ishlab chiqish bilan bogʻliq va boshqa xarajatlarni tegishligicha “Navoiy KMK” AJ, “Olmaliq KMK” AJ, “Oʻzkimyosanoat” AJ va boshqa tarmoqlar korxonalarining mablagʻlari hisobidan amalga oshirish toʻgʻrisidagi takliflari maʼqullansin.
6. “Navoiy KMK” AJ, “Olmaliq KMK” AJ, “Oʻzkimyosanoat” AJ, “Oʻzeltexsanoat” uyushmasiga Moliya vazirligi hamda Iqtisodiy taraqqiyot va kambagʻallikni qisqartirish vazirligi bilan birgalikda yetakchi xorijiy konsalting kompaniyalar hamda malakali mutaxassislar bilan toʻgʻridan-toʻgʻri muzokaralar natijalariga koʻra eng maqbul taklifni tanlash asosida shartnomalar imzolashga ruxsat berilsin.
7. Davlat geologiya va mineral resurslar qoʻmitasi Iqtisodiy taraqqiyot va kambagʻallikni qisqartirish vazirligi, Moliya vazirligi, manfaatdor vazirlik, idora va tashkilotlar bilan birgalikda joriy yil 1-sentabrga qadar 2022 — 2026-yillarga moʻljallangan mis va boshqa rangli va noyob metallar uchun geologiya-qidiruv ishlarining maqsadli dasturini tasdiqlash uchun Vazirlar Mahkamasiga kiritsin.
8. Moliya vazirligi Investitsiyalar va tashqi savdo vazirligi, Davlat geologiya va mineral resurslar qoʻmitasi, Iqtisodiy taraqqiyot va kambagʻallikni qisqartirish vazirligi bilan birgalikda 2021-yil 1-sentabrga qadar xorijiy davlatlarning kam xarajatli injiniring xizmatlarini rivojlantirish boʻyicha ilgʻor tajribasini oʻrgangan holda, ularni respublikada qoʻllash toʻgʻrisidagi takliflarni Maxsus komissiyaga kiritsin.
9. Investitsiyalar va tashqi savdo vazirligi:
Moliya vazirligi, “Olmaliq KMK” AJ va “Oʻzeltexsanoat” uyushmasi bilan birgalikda 2021-yil 1-dekabrga qadar Mis sanoati klasteri faoliyatini tashkil etishga yetakchi xorijiy ishlab chiqaruvchilar va salohiyatli investorlarni jalb qilish tizimini joriy etsin;
Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda 2021-yil yakuniga qadar Mis sanoati klasterini tashkil etish uchun zarur investitsiya loyihalari roʻyxatini tarmoqlar kesimida tayyorlagan holda, maxsus sanoat zonalarini tashkil etish yuzasidan takliflarni Maxsus komissiyaga kiritsin.
10. Ekologiya va atrof-muhitni muhofaza qilish davlat qoʻmitasi:
ikki oy muddatda kon-metallurgiya sanoatida milliy ekologik talablarni xalqaro standartlarga muvofiqlashtirish boʻyicha amaliy chora-tadbirlar rejasi va xalqaro ekologik talablarni amalga oshirish jadvalini Vazirlar Mahkamasiga kiritsin;
uch oy muddatda kon-metallurgiya sanoati va boshqa bazaviy tarmoqlarning yirik korxonalarida atrof-muhitga chiqariladigan chiqindilarni kamaytirish dasturlarini ishlab chiqsin hamda ularning bajarilishini qatʼiy nazoratga olsin.
Bunda, kon-metallurgiya sanoatida milliy ekologik talablarni xalqaro standartlarga muvofiqlashtirish jarayoniga xalqaro moliya tashkilotlari va xorijiy donorlar grantlari va texnik yordamini jalb qilishga eʼtibor qaratsin.
11. Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda Energetika vazirligi, Transport vazirligi, Axborot texnologiyalari va kommunikatsiyalarini rivojlantirish vazirligi takliflari asosida 2021-yil 1-noyabrga qadar Mis sanoati klasterini zarur resurslar va infratuzilma bilan taʼminlash boʻyicha aniq hisob-kitoblarga asoslangan takliflarni Vazirlar Mahkamasiga kiritsin.
Bunda, Mis sanoati klasterini tashkil qilishda elektr energiyasini, shu jumladan qayta tiklanuvchi energiya manbalaridan foydalangan holda ishlab chiqarish va transportirovka qilish imkoniyatlari, suv taʼminoti, transport va muhandislik kommunikatsiyalarini yaratish, Mis sanoati klasteri korxonalarining faoliyatini raqamlashtirish va telekommunikatsiya texnologiyalarini joriy etish masalalari nazarda tutilsin.
12. Bosh vazir oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov Moliya vazirligi bilan birgalikda:
uch oy muddatda kon-metallurgiya sanoati boʻyicha jahon amaliyotini oʻrganish, eng maqbul tajribalarni respublika amaliyotiga tatbiq etish, ishlab chiqarish zanjirlarini tahlil qilish va rivojlantirish, qazib olish tannarxini kamaytirish va qoʻshimcha qiymat yaratish masalalari bilan shugʻullanuvchi Kon-metallurgiya sanoati iqtisodiyotini oʻrganish markazini tashkil etish boʻyicha takliflarni;
2021-yil 1-oktabrga qadar yer qaʼridan foydalanish va geologiya sohasida, shuningdek, kon-metallurgiya sanoatida soliq tizimini takomillashtirish boʻyicha tegishli qonunchilik hujjatlari loyihalarini;
2021-yil 1-noyabrga qadar Sanoat tarmoqlarida milliy raqobatbardoshlikni, shu jumladan mehnat unumdorligini oshirish dasturini amalga oshirish boʻyicha takliflarni Oʻzbekiston Respublikasi Prezidenti Administratsiyasiga kiritsin.
13. Quyidagilar:
a) Suv xoʻjaligi vazirligi Davlat geologiya va mineral resurslar qoʻmitasi, Iqtisodiy taraqqiyot va kambagʻallikni qisqartirish vazirligi, Sanoat xavfsizligi davlat qoʻmitasi bilan birgalikda ikki oy muddatda “Navoiy KMK” AJ va “Olmaliq KMK” AJning suv resurslariga boʻlgan ehtiyojini hisobga olgan holda, ushbu kombinatlarda suv resurslaridan tejamkor foydalanish dasturini;
b) Oliy va oʻrta maxsus taʼlim vazirligi Iqtisodiy taraqqiyot va kambagʻallikni qisqartirish vazirligi, Moliya vazirligi, Fanlar akademiyasi, “Navoiy KMK” AJ, “Olmaliq KMK” AJ va “Oʻzeltexsanoat” uyushmasi bilan birgalikda — 2021-yil 1-dekabrga qadar ilgʻor xorijiy tajribani oʻrgangan holda, quyidagilarni nazarda tutuvchi Mis sanoati klasteri uchun kadrlarni tayyorlash va qayta tayyorlash, ularning malakasini oshirish hamda sohada tajriba-konstruktorlik va ilmiy izlanishlar koʻlamini kengaytirish dasturini:
kon-metallurgiya sanoati va unga bogʻliq boʻlgan sohalar uchun muhandis, texnik va boshqa oʻrta boʻgʻin ishchi-xodimlarni tayyorlash boʻyicha professional taʼlim oʻquv dasturlarini ularning amaliyot bilan uzviy bogʻliqligini yanada kuchaytirgan holda takomillashtirish;
sohada joriy etilayotgan yangi texnologiyalarni oʻzlashtirish va ulardan samarali foydalanish, loyihalashtirish, tajriba-konstruktorlik faoliyatini rivojlantirish maqsadida kadrlar malakasini oshirish va ularni qayta tayyorlash;
ixtisoslashtirilgan oliy taʼlim muassasalarida mos yoʻnalishlar boʻyicha kechki, sirtqi va masofaviy taʼlim shakllari asosida kadrlar tayyorlash tizimini rivojlantirish, shuningdek, ilmiy izlanishlar olib borish koʻlamini kengaytirish;
v) Sanoat xavfsizligi davlat qoʻmitasi Bandlik va mehnat munosabatlari vazirligi, Oʻzbekiston texnik jihatdan tartibga solish agentligi bilan birgalikda — 2021-yil yakuniga qadar kon-metallurgiya, elektrotexnika va boshqa bazaviy tarmoqlarda sanoat xavfsizligi, mehnat xavfsizligi, mahsulot sifatini taʼminlash boʻyicha texnik va texnologik jihatdan tartibga solish sohasidagi normativ-huquqiy hujjatlarni, shu jumladan idoraviy hujjatlarni yetakchi xorijiy davlatlar tajribasiga muvofiq takomillashtirish dasturini tasdiqlash uchun Vazirlar Mahkamasiga kiritsin.
Oldingi tahrirga qarang.
(14-band Oʻzbekiston Respublikasi Prezidentining 2023-yil 31-oktabrdagi PF-186-sonli Farmoniga asosan oʻz kuchini yoʻqotgan)
Oldingi tahrirga qarang.
(15-band Oʻzbekiston Respublikasi Prezidentining 2023-yil 31-oktabrdagi PF-186-sonli Farmoniga asosan oʻz kuchini yoʻqotgan)
16. Iqtisodiy taraqqiyot va kambagʻallikni qisqartirish vazirligi Moliya vazirligi, manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 24-iyun,
PQ-5159-son

Oʻzbekiston Respublikasi Prezidentining 2021-yil 24-iyundagi PQ-5159-son qaroriga

1-ILOVA

Mis sanoati klasterini tashkil etish va rivojlantirish

“YOʻL XARITASI”

T/r

Chora-tadbirlar

Amalga oshirish shakli

Amalga oshirish muddati

Masʼul ijrochilar

I. Iqtisodiyot drayveri sifatida mis sanoati klasterini rivojlantirish

1.

Geologiya fani va geologiya xizmatlar bozorini rivojlantirish (geologiya-qidiruv ishlari, marksheyderlik xizmatlari, laboratoriya va boshqalar).

1.1

Mis xom ashyosi hamda rangli, nodir va noyob metallarni, shu jumladan, qimmatbaho komponentlarni oqilona ajratib olishga yoʻnaltirilgan istiqbolli ilmiy ishlanmalar va tadqiqot loyihalar portfelini shakllantirish.

Ilmiy-tadqiqot ishlari dasturi

2021-yil iyul

Davlat geologiya qoʻmitasi

(B. Islamov),

NKMK (Q. Sanaqulov),

OKMK (A. Xursanov)

1.2

Tasdiqlangan istiqbolli loyihalar portfeliga muvofiq ilmiy ishlanmalar va tadqiqotlar bajarilishini tashkil etish, keyinchalik texnologiyalar transferini amalga oshirish va ularni tijoratlashtirish.

Davlat geologiya qoʻmitasi Ilmiy-texnik kengashining qarori

Grafik asosida

1.3

Geologiya fanlari universiteti bazasida zamonaviy laboratoriyani tashkil etish va xalqaro akkreditatsiyadan oʻtkazishni boshlash.

Amaliy tadbirlar

2021-yil davomida

Davlat geologiya qoʻmitasi

(B. Islamov)

1.4

Xususiy ixtisoslashgan kompaniyalar tomonidan autsorsing asosida bajariladigan obyektlar va ishlar (xizmatlar) roʻyxatini shakllantirish.

Davlat geologiya qoʻmitasi qarori

2021-yil avgust

Davlat geologiya qoʻmitasi

(B. Islamov)

1.5

Geologiya-qidiruv, marksheyderlik va laboratoriya-tadqiqot ishlarini bajarish uchun autsorsing asosida, shu jumladan “Oʻzbek geologiya qidiruv” AJga yordamchi pudr�tchi tashkilotlarni jalb qilish uchun tanlov oʻtkazish.

Davlat geologiya qoʻmitasi va Moliya vazirligi qarori

2021-yil sentabrdan

Davlat geologiya qoʻmitasi

(B. Islamov),
Moliya vazirligi (T. Ishmetov)

1.6

Davlat geologiya qoʻmitasi huzuridagi “Geologiya-marksheyderlik xizmati” DKning moddiy-texnika bazasini mustahkamlash boʻyicha chora-tadbirlar rejasini ishlab chiqish.

Chora-tadbirlar rejasi

2021-yil iyul

Davlat geologiya qoʻmitasi

(B. Islamov)

Zarur asbob-uskunalar, texnikalar va qurilmalarni oʻrnatilgan tartibda sotib olish.

Davlat geologiya qoʻmitasi qarori

Grafik asosida

2.

Loyiha va injiniring xizmatlarini, shu jumladan yetakchi xalqaro kompaniyalar bilan qoʻshma korxonalar tashkil etish orqali rivojlantirish.

2.1

Bozorni va kon-geologiya obyektlarni loyihalash sohasidagi salohiyatli hamkorlar roʻyxatini tahlil qilish.

Tahliliy materiallar

2021-yil iyul

Vazirlar Mahkamasi (S. Umurzoqov),
ITSV (Sh. Vafayev),
Davlat geologiya qoʻmitasi
(B. Islamov)

2.2

Hamkorlik shartlarini aniqlash va “Oʻzgeorangmetliti” loyihalash instituti negizida qoʻshma korxona tashkil etish.

Kelishuv loyihasi

2021-yil avgust

2.3

“Oʻzgeorangmetliti” loyihalash instituti negizida qoʻshma korxona tashkil etish uchun sherik — injiniring kompaniyasi bilan muzokara oʻtkazish va tanlash.

Qoʻshma korxona tashkil etish boʻyicha kelishuv

2021-yil sentabr

2.4

Xorijiy davlatlarning kam xarajatli injiniring xizmatlarini rivojlantirish boʻyicha tajribalarini oʻrganish va ularni respublikada qoʻllash boʻyicha takliflarni tayyorlash.

Tahliliy materiallar

2021-yil 1-sentabr

Moliya vazirligi (T. Ishmetov),

ITSV (Sh. Vafayev),
Davlat geologiya qoʻmitasi

(B. Islamov),
NKMK (Q. Sanaqulov),

OKMK (A. Xursanov)

3.

Navoiy mashinasozlik zavodi, OKMK Markaziy taʼmirlash-mexanika zavodi va “Nodir metallar va qattiq qotishmalar ishlab chiqarish” IICHB hamda “Oʻzbekkoʻmir” AJ tarkibiga kiradigan Togʻ-kon uskunalarini sozlash zavodining ishlab chiqarish bazasida kon-metallurgiya mashinalari va uskunalarini ishlab chiqarish va taʼmirlashni tashkil etish.

3.1

Mahalliy xaridlar doirasida amalga oshiriladigan yoki yetakchi xorijiy litsenziarlar va ishlab chiqaruvchilarni jalb qilgan holda mahalliylashtirish uchun taklif etilayotgan kon-metallurgiya texnikalari va uskunalari roʻyxatini shakllantirish.

OKMK va NKMK sohaviy ITK majlisi bayoni

2021-yil iyul

NKMK (Q. Sanaqulov),

OKMK (A. Xursanov)

3.2

Kooperatsiya asosida, shu jumladan butlovchi va ehtiyot qismlar ishlab chiqarish uchun xususiy sektorni jalb qilgan holda kon-metallurgiya texnikalari va uskunalarini ishlab chiqarish hamda xizmat koʻrsatishni tashkil etish boʻyicha takliflar tayyorlash.

Konstruktorlik hujjatlarini ishlab chiqishda, texnologiyalarni ishlab chiqishda va mahsulot sifatini yaxshilashda xususiy sektorga koʻmak berishga alohida eʼtibor qaratiladi (NKMK tajribasiga koʻra).

Tarmoq grafigi bilan har bir turdagi uskunalar boʻyicha “yoʻl xaritalari”

2021-yil avgust

NKMK (Q. Sanaqulov),

OKMK (A. Xursanov)

3.3

Mahalliy mis sanoati klasteri boʻyicha yagona elektron axborot-interaktiv savdo portalini yaratish, bunda quyidagilarni nazarda tutish:

mis sanoati klasteri tarkibiga kiruvchi va ushbu sohada faoliyat yurituvchi hamda unga kooperatsiya asosida xizmat koʻrsatuvchi va mahsulot yetkazib beruvchi tashkilotlar roʻyxatini tuzish;

ushbu tashkilotlarning ishlab chiqaradigan mahsulotlari, koʻrsatadigan xizmatlari roʻyxati va spetsifikasi, ularning sifati va shartnoma shartlari bajarilishini inobatga olgan holda aniqlanadigan reytingini yuritish hamda onlayn yoritib borish;

portaldan roʻyxatdan oʻtgan tashkilotlar faoliyatini baholash mezonlarini ishlab chiqish va avtomatik ravishda ularning reytingini hisoblash mexanizmlarini joriy etish;

Davlat soliq qoʻmitasi, Davlat bojxona qoʻmitasi, Davlat statistika qoʻmitasi, Oʻzbekiston texnik jihatdan tartibga solish agentligi, Sanoat xavfsizligi davlat qoʻmitasi va boshqa davlat organlarining idoraviy elektron maʼlumotlar bazasi bilan integratsiya qilish;

mis sanoati klasteri ishtirokchilarining buyurtmalari va xaridlari;

respublikada ishlab chiqarilgan kon-metallurgiya mashinalari, texnikalar va uskunalar assortimenti;

tegishli yoʻldosh ishlarga (xizmatlarga) ehtiyoj va xaridlari.

Yagona elektron axborot-interaktiv savdo portali dasturiy taʼminoti

2021-yil sentabr

Iqtisodiy taraqqiyot vazirligi (B. Abdinazarov),
Moliya vazirligi (O. Isakov),
NKMK (Q. Sanaqulov),
OKMK (A. Xursanov),
Axborot texnologiyalari
va kommunikatsiyalarini rivojlantirish vazirligi
(Sh. Sadikov)

3.4

Yetakchi xorijiy konsalting kompaniyalarni jalb qilgan holda kon-metallurgiya mashinalari, texnikalar va uskunalar ishlab chiqarishni rivojlantirish konsepsiyasi loyihasini ishlab chiqish.

Konsepsiya loyihasi

2021-yil 15-sentabr

Iqtisodiy taraqqiyot vazirligi (B. Abdinazarov),
NKMK (Q. Sanaqulov),

OKMK (A. Xursanov)

3.5

Tayyorlangan materiallar asosida 2022 — 2026-yillarda kon-metallurgiya mashinalari, texnikalari va uskunalarining yangi turlarini ishlab chiqarishni rivojlantirish dasturini ishlab chiqish.

Normativ-huquqiy hujjat

2021-yil 15-oktabr

Iqtisodiy taraqqiyot vazirligi (B. Abdinazarov),

NKMK (Q. Sanaqulov),

OKMK (A. Xursanov),
Oʻzbekiston texnik jihatdan tartibga solish agentligi (D. Sattarov), “Oʻzeltexsanoat” uyushmasi (M. Yunusov)

4.

Faoliyatning ayrim yoʻnalishlari boʻyicha mahalliy ixtisoslashgan kompaniyalar bilan kooperatsiya va autsorsingni rivojlantirish (asosiy faoliyat bilan bogʻliq boʻlmagan tovarlar, avtotransport xoʻjaligi, burgʻulash ishlari, axborot tizimlari va IT xizmatlari va boshqalar).

4.1

Mahalliy ixtisoslashgan kompaniyalarga autsorsingga beriladigan tovarlar, ishlar (xizmatlar) turlari roʻyxati va ularning hajmlarini shakllantirish.

Autsorsingga oʻtkaziladigan tovar va xizmatlar roʻyxati va “yoʻl xaritasi”

2021-yil 15-avgust

Moliya vazirligi (T. Ishmetov),
NKMK (Q. Sanaqulov),

OKMK (A. Xursanov)

4.2

Kon-geologiya va metallurgiya sohalariga ixtisoslashgan mahalliy “yunior” korxonalarni qoʻllab-quvvatlash dasturini ishlab chiqish, shuningdek, ular uchun teng raqobat muhitini yaratish.

Chora-tadbirlar dasturi

2021-yil iyul

Moliya vazirligi (T. Ishmetov),

Iqtisodiy taraqqiyot vazirligi (B. Abdinazarov)

4.3

2021 — 2023-yillarda tegishli tovarlar (ishlar, xizmatlar)ni autsorsingga bosqichma-bosqich oʻtkazish boʻyicha tarmoq jadvalini (chora-tadbirlar rejasi) ishlab chiqish.

Chora-tadbirlar rejasi

2021-yil 15-avgust

Moliya vazirligi (T. Ishmetov),
NKMK (Q. Sanaqulov),

OKMK (A. Xursanov)

4.4

Mahalliy “yunior” korxonalarni qoʻllab-quvvatlash dasturi va tegishli ishlarni (xizmatlarni) autsorsingga bosqichma-bosqich oʻtkazish boʻyicha tarmoq jadvali (chora-tadbirlar rejasi) boʻyicha tayyorlangan tadbirlarni amalga oshirish yuzasidan tizimli ishlarni tashkil etish.

Tanlovni eʼlon qilish, monitoring oʻtkazish

Tasdiqlangan grafik asosida

Iqtisodiy taraqqiyot vazirligi (B. Abdinazarov),

Moliya vazirligi
(T. Ishmetov)

5.

Chet el kompaniyalari — texnologiya egalarini jalb qilgan holda yuqori qoʻshimcha qiymatga ega ishlab chiqarishni rivojlantirish (“Nodir metallar va qattiq qotishmalar ishlab chiqarish” IICHB, “Oʻzeltexsanoat” korxonalari, “Texnopark” va boshqalar).

5.1

Mis va mis qotishmalaridan foydalangan holda mahsulot ishlab chiqarishning global zanjirlarini tahlil qilish, respublikada raqobatbardosh ustunlik mavjud boʻlgan tovarlarning maqsadli guruhlarini, shu jumladan “yashil iqtisodiyot” rivojlanishini hisobga olgan holda aniqlash.

Tahliliy maʼlumot

2021-yil sentabr

Iqtisodiy taraqqiyot vazirligi (B. Abdinazarov),
Moliya vazirligi
(T. Ishmetov),
OKMK (A. Xursanov)

5.2

Rangli, nodir va noyob metallarni chuqur qayta ishlash boʻyicha texnologik klasterlarni yaratish yuzasidan ochiq hamkorlik dasturini shakllantirish.

Hamkorlik dasturi

2021-yil oktabr

5.3

Qattiq va issiqqa chidamli qotishmalar, asboblar va mahsulotlar ishlab chiqarish uchun texnologik klaster yaratish bilan “Nodir metallar va qattiq qotishmalar ishlab chiqarish” IICHBni rivojlantirish konsepsiyasini ishlab chiqish.

Konsepsiya loyihasi

2021-yil sentabr

Iqtisodiy taraqqiyot vazirligi (B. Abdinazarov),
OKMK (A. Xursanov), Oʻzmilliybank
(A. Mirsoatov)

5.4

Mis sanoati klasteri faoliyatini tashkil etishga yetakchi xorijiy ishlab chiqaruvchilar va salohiyatli investorlarni jalb qilish tizimini joriy etish.

Biznes-rejalarni, loyihalar uchun loyihaviy hujjatlarni tayyorlashni qoʻllab-quvvatlash va ragʻbatlantirish boʻyicha takliflar tayyorlash.

Tanlov asosida, investitsiya kelishuvi

2021-yil noyabrdan

ITSV (A. Voitov),
“Oʻzeltexsanoat” (M. Yunusov),
OKMK (A. Xursanov),
Moliya vazirligi (T. Ishmetov)

5.5

Mis sanoati klasterini tashkil etish uchun zarur investitsiya loyihalari roʻyxatini tarmoqlar kesimida tayyorlagan holda, maxsus sanoat zonalarini tashkil etish yuzasidan takliflar tayyorlash.

Normativ-huquqiy hujjat

2021-yil 31-dekabr

ITSV (A. Voitov),
Iqtisodiy taraqqiyot vazirligi (B. Abdinazarov),
Moliya vazirligi (T. Ishmetov),

“Oʻzeltexsanoat” (M. Yunusov),
OKMK (A. Xursanov)

6.

Ilmiy-tadqiqot va tajriba-konstruktorlik ishlarining (ITTKI) oʻzaro bogʻliq tizimini rivojlantirish, innovatsiyalarni joriy etish va sohaga oid texnologiyalarni transferi markazlarini yaratish.

6.1.

Quyidagilarni nazarda tutgan holda NKMK Innovatsion markazi, OKMK Yangi texnologiyalar ilmiy-texnologik markazi, IIT huzuridagi Ilmiy-texnologik markazni rivojlantirish konsepsiyalarini ishlab chiqish:

moddiy-texnika va ekspert bazasini, shu jumladan tadqiqot-tahlil laboratoriyalarini mustahkamlash;

mahsulot tannarxini pasaytirish, sifatini oshirish va chiqindilarni qayta ishlash boʻyicha ilmiy izlanishlar oʻtkazish yuzasidan qoʻshma dasturlarni ishlab chiqish;

mavjud xorijiy texnologiyalar transferini amalga oshirish va moslashtirish;

ishlab chiqarishga innovatsiyalar va yangi texnologiyalarni joriy etish;

davlat ilmiy-tadqiqot institutlari, universitetlar, xususiy korxonalarning mavjud laboratoriyalariga kirishni tashkil etish.

Kuzatuv Kengashlari tomonidan tasdiqlangan rivojlantirish Konsepsiyasi

2021-yil avgust

NKMK (Q. Sanaqulov),

OKMK (A. Xursanov),
Iqtisodiy taraqqiyot vazirligi
(B. Abdinazarov),
Innovatsion rivojlanish vazirligi (I. Abduraxmanov),
Fanlar akademiyasi (B. Yuldashev)

6.2.

Yillik ish dasturini tanlov asosida moliyalashtirish uchun NKMK va OKMK ilmiy-innovatsion faoliyatini moliyalashtirish jamgʻarmalarini shakllantirish.

Kuzatuv kengashi qarori

2021-yil avgust

NKMK (Q. Sanaqulov),

OKMK (A. Xursanov)

7.

Kon-metallurgiya sanoati uchun zarur boʻlgan kimyoviy mahsulotlarni ishlab chiqarishni kengaytirish boʻyicha chora-tadbirlar dasturini (“Navoiyazot” AJda tashkil etilayotgan texnologik kimyo klasterini hisobga olgan holda) ishlab chiqish. Bunda:

tarmoq va tegishli yoʻldosh ishlab chiqarish talablaridan kelib chiqib kimyoviy va neft-kimyo mahsulotlari (reagentlar, portlovchi moddalar va boshqalar) yetkazib berishni kengaytirish;

ichki ehtiyoj va xom ashyoning mavjudligidan kelib chiqqan holda, togʻ-kon kombinatlari tomonidan ayrim turdagi kimyoviy mahsulotlar ishlab chiqarishni taʼminlash.

Chora-tadbirlar dasturi

2021-yil 30-oktabr

Iqtisodiy taraqqiyot vazirligi (B. Abdinazarov),
“Oʻzkimyosanoat”
(J. Mirzamaxmudov),
NKMK (Q. Sanaqulov),

OKMK (A. Xursanov),

Innovatsion rivojlanish vazirligi

(I. Abduraxmanov)

8.

Quyidagi manbalar boʻyicha takliflarni ishlab chiqish bilan Mis sanoati klasterini zarur resurslar va infratuzilma bilan taʼminlash masalalarini oʻrganish. Bunda Mis sanoati klasterini tashkil qilishda:

elektr energiyasi, shu jumladan qayta tiklanuvchi energiya manbalaridan foydalangan holda ishlab chiqarish va transportirovka qilish imkoniyatlarini;

suv taʼminoti, transport va muhandislik kommunikatsiyalarini yaratish masalalarini;

klaster korxonalarining faoliyatini raqamlashtirish va telekommunikatsiya texnologiyalarini joriy etish masalalarini nazarda tutish.

Tahliliy materiallar

2021-yil 1-noyabr

Iqtisodiy taraqqiyot vazirligi (B. Abdinazarov),

Moliya vazirligi
(T. Ishmetov),

Energetika vazirligi (A. Sultanov),
Transport vazirligi (I. Mahkamov),

Axborot texnologiyalari va kommunikatsiyalarini rivojlantirish vazirligi
(Sh. Sadikov)

9.

Chet elning yetakchi konsalting kompaniyalari, xorijiy mutaxassislarni jalb qilgan holda Mis sanoati klasterini tashkil etish va rivojlantirish konsepsiyasi loyihasini muhokama qilish va ekspertizadan oʻtkazish.

Konsepsiya loyihasi

2021-yil 1-noyabr

Iqtisodiy taraqqiyot vazirligi (B. Abdinazarov),
Moliya vazirligi
(T. Ishmetov),
NKMK (Q. Sanaqulov),

OKMK (A. Xursanov), “Oʻzeltexsanoat” (M. Yunusov)

10.

Mis sanoati klasterini yaratish uchun zarur boʻlgan investitsiya loyihalari roʻyxatini tarmoqlar boʻyicha tayyorlash:

mavjud ishlab chiqarishlarni modernizatsiya qilish loyihalari;

yangi quvvat va ishlab chiqarishlarni yaratish.

Kon-geologiya klasteri uchun maxsus sanoat zonalarini yaratish boʻyicha takliflarni tayyorlash.

Loyihalar roʻyxati hisob-kitoblar bilan

2021-yil 31-dekabr

ITSV (A.Voitov),

Moliya vazirligi
(T.Ishmetov),
Iqtisodiy taraqqiyot vazirligi (B.Abdinazarov),
OKMK (A.Xursanov),
“Oʻzeltexsanoat” (M.Yunusov)

11.

Muhandislar, texnik va boshqa xodimlarni tayyorlash va ularning malakasini oshirish tizimini ishlab chiqish.

11.1

OKMK va NKMK muhandis-texnik xodimlarining asosiy toifalariga malaka talablarini ishlab chiqish.

Malakaviy talablar

2021-yil avgust

NKMK (Q. Sanaqulov),

OKMK (A. Xursanov),
Oliy va oʻrta maxsus taʼlim vazirligi (A. Toshqulov),
Mehnat vazirligi
(N. Xusanov)

11.2

Navoiy davlat konchilik instituti va Olmaliq shahridagi MISIS filiali negizida muhandis-texnik xodimlarning malakasini oshirish dasturlarini tayyorlash.

Oʻquv dasturlari

2021-yil sentabrdan

11.3

Ilgʻor xorijiy tajribani oʻrgangan holda, mis sanoati klasteri uchun kadrlarni tayyorlash va qayta tayyorlash, ularning malakasini oshirish hamda sohada tajriba-konstruktorlik va ilmiy izlanishlar koʻlamini kengaytirish dasturini ishlab chiqish:

kon-metallurgiya sanoati hamda mashinasozlik, dastgohsozlik, elektrotexnika, elektronika, yarim oʻtkazgichlar fizikasi kabi unga bogʻliq boʻlgan sohalar uchun muhandis, texnik va boshqa oʻrta boʻgʻin ishchi-xodimlarni tayyorlash boʻyicha professional taʼlim oʻquv dasturlarini ularning amaliyot bilan uzviy bogʻliqligini yanada kuchaytirgan holda takomillashtirish;

sohada joriy etilayotgan yangi texnologiyalarni oʻzlashtirish va ulardan samarali foydalanish, loyihalashtirish, tajriba-konstruktorlik faoliyatini rivojlantirish maqsadida kadrlar malakasini oshirish va ularni qayta tayyorlash;

ixtisoslashtirilgan oliy taʼlim muassasalarida mos yoʻnalishlar boʻyicha kechki, sirtqi va masofaviy taʼlim shakllari asosida kadrlar tayyorlash tizimini rivojlantirish, shuningdek, ilmiy izlanishlar olib borish koʻlamini kengaytirish.

Normativ-huquqiy hujjat

2021-yil 1-dekabr

Oliy va oʻrta maxsus taʼlim vazirligi (A. Toshqulov),
Iqtisodiy taraqqiyot vazirligi (I. Norqulov), Moliya vazirligi (T. Ishmetov),
Fanlar akademiyasi (B. Yuldashev),

NKMK (Q. Sanaqulov),

OKMK (A. Xursanov),

“Oʻzeltexsanoat” (M. Yunusov)

11.4

Elektrotexnika sanoati sohasida kasbiy malaka talablarini ishlab chiqish.

Malakaviy talablar

2021-yil dekabr

“Oʻzeltexsanoat” (M. Yunusov),

Oliy va oʻrta maxsus taʼlim vazirligi (A. Toshqulov),

Mehnat vazirligi
(N. Xusanov)

II. Mis, rangli va noyob metallarga geologiya-qidiruv ishlarini kengaytirish

12.

2022 — 2026-yillarga moʻljallangan mis va boshqa rangli va noyob metallar uchun geologiya-qidiruv ishlarining maqsadli dasturini quyidagilarni nazarda tutgan holda ishlab chiqish:

Sulton Uvays togʻlari va Olmaliq mintaqasida qidiruv ishlarini olib borish;

Miskon maydonida va “Yoshlik-2” konining qanotlarida geologiya-qidiruv ishlarini jadallashtirish;

Surxondaryo va Navoiy viloyatlarida qoʻshimcha geologiya-qidiruv ishlarini olib borish.

Normativ-huquqiy hujjat

2021-yil avgust

Davlat geologiya qoʻmitasi
(B. Islamov),
Moliya vazirligi (T. Ishmetov),
Iqtisodiy taraqqiyot vazirligi (B. Abdinazarov),

ITSV (Sh. Vafayev),
OKMK (A. Xursanov)

13.

Qalmoqqir, “Yoshlik-1” va Qorabuloq konlarida birlashgan loyihaviy ochiq koni doirasida JORC xalqaro standartlariga muvofiq batafsil geologiya tadqiqotlarni yakunlash.

Foydali qazilmalar zaxiralari boʻyicha Davlat komissiyasining bayoni

2021-yil oktabr

Davlat geologiya qoʻmitasi
(B. Islamov),
OKMK (A. Xursanov)

14.

Mis xom ashyosi, rangli va noyob metallarni qidirish jarayoniga xalqaro kompaniyalarni jalb qilish:

Davlat geologiya qoʻmitasi
(B. Islamov),
“Loyihalarni ekspertiza qilish markazi” DUK (M. Allabergenov),
Moliya vazirligi (T. Ishmetov)

geologiya-qidiruv ishlari va 3D modellashtirish obyektlarini aniqlash, bunda mazkur ishlarni amalga oshirishni qoʻllab-quvvatlash uchun chet el kompaniyalarini jalb qilish;

Davlat geologiya qoʻmitasi qarori

2021-yil iyul

kompaniyalarni tanlash boʻyicha tanlov savdolarini oʻtkazish jadvalini ishlab chiqish;

Tarmoq grafigi

2021-yil iyul

tender hujjatlarini tayyorlash va uni ekspertizadan oʻtkazish;

LEQM xulosasi

tanlov oʻtkazish va gʻolib bilan shartnomalar tuzish.

Shartnomalar xulosasi

2021-yil davomida

15.

Geologiya obyektlarini auksion orqali xususiy sektorga va investorlarga geologiya-qidiruv va qazib olish ishlarini amalga oshirish uchun sotish:

geologiya tadqiqotlar natijalari boʻyicha auksion orqali sotuvga qoʻyilgan rangli va noyob metallarga oid geologiya obyektlar portfelini aniqlash;

Davlat geologiya qoʻmitasi qarori

2021-yil iyul-avgust

Davlat geologiya qoʻmitasi
(B. Islamov),

ITSV (Sh. Vafayev),
Davlat aktivlarini boshqarish agentligi (A. Ortiqov)

potensial investorlarni xabardor qilish va ularni auksionga qoʻyish uchun taqdimot materiallarini tayyorlash;

Materiallar paketi

2021-yil sentabr

belgilangan tartibda auksionni tashkil etish.

Auksion bayoni

2021-yil sentabrdan

III. Atrof-muhitni muhofaza qilish va suvdan foydalanish standartlari

16.

Kon-metallurgiya sanoatida milliy ekologik talablarni xalqaro standartlarga muvofiqlashtirish:

Oʻzbekistonning amaldagi qonunchiligini xalqaro amaliyot bilan qiyosiy tahlil qilish;

amaliy tadbirlar rejasi va xalqaro ekologik talablarni amalga oshirish jadvalini ishlab chiqish;

mis ishlab chiqarish korxonalarida ekologiya va atrof-muhit muhofazasi sohasida faoliyat yuritayotgan mutaxassislarning malakasini oshirish dasturini ishlab chiqish;

kon-metallurgiya sanoati va boshqa bazaviy tarmoqlarning yirik korxonalarida atrof-muhitga chiqariladigan ifloslantiruvchi moddalarning meʼyordan ortiq miqdori va ularning ekologiyaga taʼsirini baholash na�ijalar boʻyicha ushbu korxonalarda chiqindilarni kamaytirish dasturlarini ishlab chiqish;

“yashil kun tartibi”ni hisobga olgan holda taklif etilayotgan oʻzgarishlarning iqtisodiy taʼsirini baholash;

amaliy tadbirlar rejasini amalga oshirish uchun xalqaro moliya tashkilotlari va xorijiy donorlarning grantlar va texnik yordamini jalb qilish.

Normativ-huquqiy hujjat

2021-yil avgust




2021-yil sentabr

Davlat ekologiya qoʻmitasi (A. Maqsudov),

Oʻzbekiston texnik
jihatdan tartibga solish agentligi (D. Sattarov),

NKMK (Q. Sanaqulov),

OKMK (A. Xursanov),

ITSV (Sh. Vafayev)

17.

Investitsiya loyihalari roʻyxati bilan OKMK va NKMK uchun chiqindilarni kamaytirish dasturlarini ishlab chiqish.

Kuzatuv kengashi qarori

2021-yil oktabr

NKMK (Q. Sanaqulov),

OKMK (A. Xursanov),
Davlat ekologiya qoʻmitasi (A. Maqsudov)

18.

Kon-metallurgiya, elektrotexnika va boshqa bazaviy tarmoqlarda sanoat xavfsizligi, mehnat xavfsizligi, mahsulot sifatini taʼminlash boʻyicha texnik va texnologik jihatdan tartibga solish sohasidagi normativ-huquqiy hujjatlar, shu jumladan idoraviy hujjatlarni yetakchi xorijiy davlatlar tajribasiga muvofiq takomillashtirish dasturini tasdiqlash.

Normativ-huquqiy hujjat

2021-yil 31-dekabr

Sanoat xavfsizligi davlat qoʻmitasi (B. Gulyamov), Mehnat vazirligi (N. Xusanov),
Oʻzbekiston texnik jihatdan tartibga solish agentligi (N. Sattarov)

19.

OKMK va NKMKning suv resurslariga boʻlgan ehtiyojini oʻrganish:

ishlab chiqarish dasturlarini hisobga olgan holda NKMK va OKMK ishlab chiqarish korxonalarida suvdan foydalanishni baholash;

investitsiya loyihalari roʻyxati bilan OKMK va NKMK uchun suv resurslaridan tejamkor foydalanish dasturini ishlab chiqish.

Kuzatuv kengashi qarori

2021-yil
avgust

Suv xoʻjaligi vazirligi
(Sh. Xamroyev),
Davlat geologiya qoʻmitasi
(B. Islamov),
Iqtisodiy taraqqiyot vazirligi (B. Abdinazarov),

Sanoat xavfsizligi davlat qoʻmitasi (B. Gulyamov),
NKMK (Q. Sanaqulov),

OKMK (A. Xursanov)

IV. Soliq rejimi va moliyaviy masalalar

20.

Xalqaro amaliyotni oʻrganish, sanoat korxonalari, mutaxassislar va xalqaro tashkilotlar bilan maslahatlashish.

Tahliliy materiallar

2021-yil iyul

Vazirlar Mahkamasi (J. Qoʻchqorov),
Moliya vazirligi (T. Ishmetov),
Iqtisodiy taraqqiyot vazirligi (B. Abdinazarov),
Davlat soliq qoʻmitasi (Sh. Kudbiyev)

21.

Kon-metallurgiya sanoati boʻyicha jahon amaliyotni oʻrganish, eng maqbul tajribalarni respublika amaliyotiga tatbiq etish, ishlab chiqarish zanjirlarini tahlil qilish va rivojlantirish, qazib olish tannarxini kamaytirish va qoʻshimcha qiymat yaratish masalalari bilan shugʻullanuvchi Kon-metallurgiya sanoati iqtisodiyotini oʻrganish markazini tashkil etish.

Tahliliy materiallar

2021-yil sentabr

22.

Kon-metallurgiya sanoati uchun yangi soliqqa tortish tizimini joriy etish boʻyicha quyidagilarni koʻzda tutgan holda takliflar kiritish:

foydali qazilmalarni qazib olish uchun maxsus renta soligʻini joriy etish;

NKMK va AGMK foydalariga qoʻshimcha foyda soligʻini bosqichma-bosqich kamaytirish;

konchilik sohasidagi yangi loyihalar uchun soliq solishning maxsus mexanizmini joriy etish;

2022-yildan boshlab Oʻzbekiston Respublikasi Soliq kodeksiga tegishli oʻzgartirishlar kiritish.

Normativ-huquqiy hujjat



Soliq Kodeksi va “Yer osti boyliklari toʻgʻrisida”gi qonunga oʻzgartirishlar kiritish

2021-yil 1-oktabr

Vazirlar Mahkamasi (J. Qoʻchqorov),
Moliya vazirligi (T. Ishmetov),
Davlat soliq qoʻmitasi (Sh. Kudbiyev)

23.

Mis sanoati klasterini tashkil etishga bogʻliq boʻlgan moliyaviy masalalarni oʻrganish:

xarajatlarni baholash va investitsiyalarga boʻlgan ehtiyoj;

mablagʻlarning istiqbolli manbalari;

loyiha hujjatlarini tayyorlashni ragʻbatlantirish va yangi texnologiyalarni jalb qilish boʻyicha takliflar.

Tahliliy materiallar

2021-yil 1-noyabr

Moliya vazirligi
(O. Nasritdinxodjayev),

ITSV (Sh. Vafayev), Iqtisodiy taraqqiyot vazirligi (B. Abdinazarov)

24.

Sanoat tarmoqlarida milliy raqobatbardoshlikni, shu jumladan mehnat unumdorligini oshirish dasturini amalga oshirish boʻyicha oʻrganish va takliflar taqdim etish.

Tahliliy materiallar

2021-yil 1-noyabr

Vazirlar Mahkamasi (J. Qoʻchqorov),
Moliya vazirligi (T. Ishmetov),
Iqtisodiy taraqqiyot vazirligi (B. Abdinazarov)

Oʻzbekiston Respublikasi Prezidentining 2021-yil 24-iyundagi PQ-5159-son qaroriga

2-ILOVA
Mis sanoati klasterini tashkil etish va rivojlantirish boʻyicha maxsus komissiya
tarkibi

A.N. Aripov

—

Oʻzbekiston Respublikasining Bosh vaziri, komissiya raisi

J.A. Qoʻchqorov

—

Oʻzbekiston Respublikasi Bosh vazirining oʻrinbosari — iqtisodiy taraqqiyot va kambagʻallikni qisqartirish vaziri, komissiya raisi oʻrinbosari

R.A. Gulyamov

—

Oʻzbekiston Respublikasi Prezidenti maslahatchisi, komissiya raisi oʻrinbosari

T.A. Ishmetov

—

moliya vaziri

I.Yu. Abduraxmanov

—

innovatsion rivojlanish vaziri

B.F. Islamov

—

Davlat geologiya qoʻmitasi raisi

Sh.M. Sadikov

—

axborot texnologiyalari va kommunikatsiyalarini rivojlantirish vaziri

B.I. Zakirov

—

qurilish vaziri

A.B. Voitov

—

investitsiyalar va tashqi savdo vazirining birinchi oʻrinbosari

B.Q. Abdinazarov

—

iqtisodiy taraqqiyot va kambagʻallikni qisqartirish vaziri oʻrinbosari

Sh.A. Vafayev

—

investitsiyalar va tashqi savdo vaziri oʻrinbosari

A.N. Karimov

—

adliya vaziri oʻrinbosari

Q.S. Sanaqulov

—

“Navoiy kon-metallurgiya kombinati” AJ bosh direktori

A.X. Xursanov

—

“Olmaliq kon-metallurgiya kombinati” AJ boshqaruv raisi

B.V. Gulyamov

—

Sanoat xavfsizligi davlat qoʻmitasi raisi

A.I. Maksudov

—

Ekologiya va atrof-muhitni muhofaza qilish davlat qoʻmitasi raisi

Lavozimi boʻyicha

—

Oʻzbekiston texnik jihatdan tartibga solish agentligi direktori

M.M. Yunusov

—

“Oʻzeltexsanoat” uyushmasi boshqaruv raisi

A.R. Jumanazarov

—

Vazirlar Mahkamasining Geologiya, energetika, sanoat va uning bazaviy tarmoqlarini rivojlantirish masalalari departamenti boshligʻining oʻrinbosari

Lavozimi boʻyicha

—

Vazirlar Mahkamasining Metallurgiya tarmogʻini va mis sanoati klasterini rivojlantirish shuʼbasi mudiri, komissiya kotibi
Izoh: Komissiya aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish zimmasiga yuklangan shaxslar kiritiladi.

(Qonunchilik maʼlumotlari milliy bazasi, 25.06.2021-y., 07/21/5159/0603-son)