Oʻzbekiston Respublikasining “Normativ-huquqiy hujjatlar toʻgʻrisida”gi Qonuni, Oʻzbekiston Respublikasi Prezidentining 2020-yil 19-maydagi PF-5997-son “Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari toʻgʻrisida”gi Farmoni hamda 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi adliya vazirining 2014-yil 28-fevraldagi 53-mh-son buyrugʻi (roʻyxat raqami 2565, 2014-yil 28-fevral) (Oʻzbekiston Respublikasi qonun hujjatlari toʻplami, 2014-y., 10-son, 110-modda) bilan tasdiqlangan Idoraviy normativ-huquqiy hujjatlarni tayyorlash va qabul qilish qoidalariga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 1-bandning oltinchi xatboshisi, 1¹-band, 2-bandning birinchi xatboshisi, 13-band, 19-bandning birinchi xatboshisi, 20-band, 30-bandning birinchi va ikkinchi xatboshilari, 32-band, 35-bandning ikkinchi xatboshisi, 37-bandning ikkinchi xatboshisi, 50-bandning oltinchi xatboshisi, 63-bandning birinchi — uchinchi xatboshilari, 94-bandning “a” kichik bandi, 108-bandning ikkinchi xatboshisi, 109-band, 112-bandning birinchi xatboshisi, 119-bandning ikkinchi xatboshisidagi va 1, 4, 13-ilovalarning matnlaridagi “qonun” degan soʻzlar “qonunchilik” degan soʻzlar bilan almashtirilsin.

2. 3-bandning birinchi xatboshisi quyidagi tahrirda bayon etilsin:

“3. Vazirlik va idoralar idoraviy normativ-huquqiy hujjatlarni Oʻzbekiston Respublikasining Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari va qarorlari hamda Oʻzbekiston Respublikasi Vazirlar Mahkamasining qarorlari asosida va ularni ijro etish uchun qabul qiladi. Vazirlik va idoralar, agar ularga qonunlar, Oʻzbekiston Respublikasi Prezidentining farmonlari va qarorlari, Oʻzbekiston Respublikasi Vazirlar Mahkamasining qarorlari bilan tegishli hujjatni qabul qilish yoki aniq ijtimoiy munosabatlarni huquqiy tartibga solish boʻyicha vakolat berilgan boʻlsa, idoraviy normativ-huquqiy hujjatlarni qabul qilishlari mumkin.”.

3. 4-bandning ikkinchi xatboshisi quyidagi tahrirda bayon etilsin:

“Oʻzbekiston Respublikasi qonunlari, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidentining farmonlari va qarorlari hamda Oʻzbekiston Respublikasi Vazirlar Mahkamasining qarorlarini bajarish yuzasidan idoraviy normativ-huquqiy hujjat qabul qilish muddati, agar boshqa muddat belgilanmagan boʻlsa, bir oydan oshmasligi lozim.”.

4. 7 va 8-bandlar quyidagi tahrirda bayon etilsin:

“7. Buyruqlar vazirlik va idora nomidan qaror qabul qilish yakka tartibda amalga oshiriladigan vazirlik yoki idoralar rahbarlari tomonidan qabul qilinadi.

8. Qarorlar davlat qoʻmitalari va idoralar nomidan qaror qabul qilish kollegial organlari tomonidan amalga oshiriladigan davlat qoʻmitalari yoki idoralar tomonidan qabul qilinadi.

Ikki yoki undan ortiq vazirlik va idoralarning idoraviy normativ-huquqiy hujjatlari qarorlar tarzida qabul qilinadi.”.

5. 10-bandning ikkinchi xatboshisidagi “qoidalar yoki yoʻriqnomalar” degan soʻzlar “qoidalar, yoʻriqnomalar yoki boshqa hujjatlar” degan soʻzlar bilan almashtirilsin.

6. 21-bandda:

quyidagi mazmundagi toʻrtinchi xatboshi bilan toʻldirilsin:

“xoʻjalik boshqaruvi organlari vakolatiga kiruvchi masalalar va korporativ munosabatlarni tartibga soladigan;”;

toʻrtinchi xatboshi beshinchi xatboshi deb hisoblansin.

7. 24-bandning ikkinchi xatboshisi quyidagi tahrirda bayon etilsin:

“Muqaddimada idoraviy normativ-huquqiy hujjatni qabul qilishning sabablari, maqsadlari va vazifalari koʻrsatiladi, shuningdek Oʻzbekiston Respublikasining qonunlari, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidentining farmonlari va qarorlari hamda Oʻzbekiston Respublikasi Vazirlar Mahkamasining qarorlarini (ularning moddalari yoki bandlarini) bajarish yuzasidan yoki ular asosida qabul qilinayotganligi koʻrsatilishi shart. Bunda, normativ-huquqiy hujjatlar turlari ularning yuridik kuchiga nisbatan koʻrsatilishi kerak.”.

8. 33-banddagi “Qonun” degan soʻz “Qonunchilik” degan soʻz bilan almashtirilsin.

9. 34-bandda:

birinchi xatboshidagi “qonun” degan soʻz “qonunchilik” degan soʻz bilan almashtirilsin;

toʻrtinchi xatboshidagi “Qonun” degan soʻz “Qonunchilik” degan soʻz bilan almashtirilsin.

10. 39-bandning uchinchi xatboshisidagi “Oʻzgartirish va qoʻshimchalar kiritilayotgan” degan soʻzlar “Oʻzgartirish va qoʻshimchalar kiritish” degan soʻzlar bilan almashtirilsin.

11. 40-banddan “va (yoki) hajmi katta boʻlsa” degan soʻzlar chiqarib tashlansin.

12. 41-bandning ikkinchi xatboshisidagi “ikkitadan” degan soʻz “ikki yoki undan” degan soʻzlar bilan almashtirilsin.

13. 59-banddagi “blanklarda” degan soʻz “blankalarda” degan soʻz bilan almashtirilsin.

14. 61-bandning birinchi xatboshisi quyidagi tahrirda bayon etilsin:

“61. Qoida tariqasida, standart varaq 1 qator oraligʻida (“mnojitel”) yozilishi lozim, har bir bet: yuqoridan va pastdan 2 sm, chapdan 3 sm, oʻngdan 2 sm hoshiyaga ega, matnda birinchi qatorning satr boshisi 1,27 sm boʻlishi lozim.”.

15. 62-bandning ikkinchi xatboshisi quyidagi tahrirda bayon etilsin:

“Idoraviy normativ-huquqiy hujjat matnida oʻchirish va tuzatishlarga yoʻl qoʻyilmaydi, bundan mazkur Qoidalarning 93¹-bandida koʻrsatilgan holatlar mustasno.”.

16. 66¹-bandda:

birinchi xatboshi quyidagi tahrirda bayon etilsin:

“66¹. Idoraviy normativ-huquqiy hujjatga uning qabul qilinishi maqsadga muvofiqligini asoslashdan iborat boʻlgan tushuntirish xati ilova qilinadi.”;

yettinchi xatboshidagi “qonun” degan soʻzlar “qonunchilik” degan soʻzlar bilan almashtirilsin;

toʻqqizinchi xatboshidagi “Oʻzbekiston Respublikasi Yagona interaktiv davlat xizmatlari portaliga” degan soʻzlar “Normativ-huquqiy hujjatlar loyihalari muhokamasi portaliga (regulation.gov.uz)” degan soʻzlar bilan almashtirilsin.

17. Quyidagi mazmundagi 66²-band bilan toʻldirilsin:

“66². Idoraviy normativ-huquqiy hujjatlar loyihalarining korrupsiyaga qarshi ekspertizasi natijalari yuzasidan Normativ-huquqiy hujjatlar va ular loyihalarining korrupsiyaga qarshi ekspertizasini oʻtkazish tartibi toʻgʻrisidagi nizomda (roʻyxat raqami 3287, 2021-yil 24-fevral) belgilangan tartibda korrupsiyaviy omillarni aniqlash boʻyicha cheklist toʻldiriladi va loyihani ishlab chiquvchining birinchi rahbari (istisno hollarda — uning birinchi oʻrinbosari) imzosi bilan rasmiylashtiriladi hamda Oʻzbekiston Respublikasi Adliya vazirligiga idoraviy normativ-huquqiy hujjat bilan birga taqdim qilinadi.”.

18. 67-bandda:

birinchi xatboshi quyidagi tahrirda bayon etilsin:

“67. Qonunchilik hujjatlariga muvofiq kelishilishi majburiy boʻlgan hollarda, shuningdek idoraviy normativ-huquqiy hujjat loyihasida boshqa vazirlik va idoralar manfaatlariga yoki vakolatlariga daxl qiluvchi normalar mavjud boʻlsa, idoraviy normativ-huquqiy hujjat loyihasi yagona elektron tizim orqali manfaatdor vazirlik va idoralar bilan kelishilishi lozim. Bunda idoraviy normativ-huquqiy hujjat loyihasi vazirlik va idoralar tomonidan u taqdim etilgan kundan boshlab besh ish kuni ichida eʼtirozlarsiz kelishilishi yoki asoslantirilgan eʼtirozlar bilan qaytarilishi kerak.”;

ikkinchi xatboshidagi “vazirlik va idoralar rahbarlari” degan soʻzlar “vazirlik yoki idora rahbari” degan soʻzlar bilan almashtirilsin.

19. 68-bandda:

toʻqqizinchi xatboshi chiqarib tashlansin;

oʻninchi — oʻn toʻrtinchi xatboshilar tegishli ravishda toʻqqizinchi — oʻn uchinchi xatboshilar deb hisoblansin.

20. 75-band quyidagi mazmundagi jumla bilan toʻldirilsin:

“Bunda, ilova belgisida buyruq yoki qarorning tasdiqlangan sanasi hamda normativ-huquqiy hujjatlar hisobini yuritish jurnaliga muvofiq berilgan raqami koʻrsatilishi kerak.”.

21. 77-bandning uchinchi xatboshisidagi “sabab” degan soʻz “sababga” degan soʻz bilan almashtirilsin.

22. 81-bandda:

quyidagi mazmundagi uchinchi va toʻrtinchi xatboshilar bilan toʻldirilsin:

“Oʻzbekiston Respublikasi Adliya vazirligiga taqdim etilgan idoraviy normativ-huquqiy hujjat huquqiy ekspertizadan oʻtkazilib, uni davlat roʻyxatidan oʻtkazish haqida xulosa yoki davlat roʻyxatidan oʻtkazishni rad etish toʻgʻrisidagi xat rasmiylashtirilgunga qadar ushbu hujjatni huquqiy ekspertiza va davlat roʻyxatidan oʻtkazish uchun takroran kiritishga yoʻl qoʻyilmaydi.

Mazkur bandning uchinchi xatboshisida koʻrsatilgan talabga rioya qilinmasdan takroran taqdim etilgan idoraviy normativ-huquqiy hujjat Oʻzbekiston Respublikasi Adliya vazirligi tomonidan huquqiy ekspertiza va davlat roʻyxatidan oʻtkazilmasdan, hujjatni taqdim etgan organga qaytariladi.”;

uchinchi xatboshi beshinchi xatboshi deb hisoblansin.

23. 92-bandning ikkinchi xatboshisidagi “yigirma” degan soʻz “oʻn besh” degan soʻzlar bilan almashtirilsin.

24. 93-bandning “b” kichik bandidagi “qaror qabul qilishni” degan soʻzlar “xulosa rasmiylashtirishni” degan soʻzlar bilan almashtirilsin.

25. Quyidagi mazmundagi 93¹-band bilan toʻldirilsin:

“93¹. Elektron tizim orqali taqdim etilgan idoraviy normativ-huquqiy hujjatni huquqiy ekspertizadan oʻtkazish natijasida unda texnik koʻrinishdagi, shu jumladan hujjat mazmunining oʻzgarishiga olib kelmaydigan xatoliklar mavjudligi aniqlangan taqdirda, mazkur xatoliklar Oʻzbekiston Respublikasi Adliya vazirligi tomonidan elektron tizim orqali bartaraf etilishi mumkin. Bunda, idoraviy normativ-huquqiy hujjatda aniqlangan texnik koʻrinishdagi, shu jumladan mazmun oʻzgarishiga olib kelmaydigan xatoliklar hujjatni qabul qilgan organ (organlar) birinchi rahbari tomonidan imzolangan tegishli xatga asosan bartaraf etiladi.”.

26. 95-bandning birinchi xatboshisidagi “Prezidenti va Oʻzbekiston Respublikasi Vazirlar Mahkamasi qarorlarini” degan soʻzlar “Prezidentining farmonlari va qarorlari hamda Oʻzbekiston Respublikasi Vazirlar Mahkamasining qarorlarini” degan soʻzlar bilan almashtirilsin.

27. 98-bandda:

quyidagi mazmundagi ikkinchi xatboshi bilan toʻldirilsin:

“Davlat siri hisoblangan maʼlumotlar va maxfiy maʼlumotlarni oʻz ichiga olgan idoraviy normativ-huquqiy hujjatni davlat roʻyxatidan oʻtkazish Oʻzbekiston Respublikasi adliya vaziri tomonidan, istisno tariqasida, qogʻoz shaklida tasdiqlanadigan idoraviy normativ-huquqiy hujjatni davlat roʻyxatidan oʻtkazish toʻgʻrisidagi xulosa bilan rasmiylashtiriladi.”;

ikkinchi — yettinchi xatboshilar tegishli ravishda uchinchi — sakkizinchi xatboshilar deb hisoblansin;

sakkizinchi xatboshidagi “Qonun hujjatlari” degan soʻzlar “Qonunchilik” degan soʻz bilan almashtirilsin.

28. 101-bandning ikkinchi xatboshisidagi “27” raqami “37” raqami bilan almashtirilsin.

29. 101¹¹-band hamda 125-bandning birinchi va uchinchi xatboshilaridagi “Qonun hujjatlari” degan soʻzlar “Qonunchilik” degan soʻz bilan almashtirilsin.

30. 102-bandning ikkinchi xatboshisidagi “mantiqqa zid” degan soʻzlar “ziddiyatli” degan soʻz bilan almashtirilsin.

31. 111-bandda:

birinchi xatboshi quyidagi tahrirda bayon etilsin:

“111. Qonunchilik hujjatlari oʻzgargan taqdirda, vazirlik va idoralar oʻzlari tomonidan qabul qilingan idoraviy normativ-huquqiy hujjatlarni qonunchilik hujjatlariga muvofiq holga keltirishga hamda oʻzgartirish va qoʻshimchalar kiritish toʻgʻrisidagi tegishli hujjatlarni huquqiy ekspertizadan va davlat roʻyxatidan oʻtkazish uchun Oʻzbekiston Respublikasi Adliya vazirligiga taqdim etishga majburdirlar. Idoraviy normativ-huquqiy hujjatlar qonunchilik hujjatlariga muvofiqlashtirilgunga qadar ushbu hujjatlar qonunchilik hujjatlariga zid boʻlmagan qismda amalda boʻladi.”;

ikkinchi xatboshidagi “qonun” degan soʻz “qonunchilik” degan soʻz bilan almashtirilsin;

uchinchi xatboshidagi “Qonun” degan soʻz “Qonunchilik” degan soʻz bilan almashtirilsin.

32. 120-bandning birinchi xatboshisidagi “boshqa bunga vakolatli organ” degan soʻzlar “uning yuqori turuvchi organi” degan soʻzlar bilan almashtirilsin.

33. 11 va 12-ilovalar mazkur oʻzgartirish va qoʻshimchalarning 1 va 2-ilovalariga muvofiq tahrirda bayon etilsin.

34. 12a-ilovaning nomidagi “Oʻzbekiston Respublikasining Yagona interaktiv davlat xizmatlari portaliga” degan soʻzlar “Normativ-huquqiy hujjatlar loyihalari muhokamasi portaliga (regulation.gov.uz)” degan soʻzlar bilan almashtirilsin.

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuniga muvofiq Oʻzbekiston Respublikasi Markaziy banki Boshqaruvi qaror qiladi: ‎‎

1. Oʻzbekiston Respublikasi Markaziy banki Boshqaruvining 2009-yil 29-dekabrdagi 39/1-son “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashishga oid qonunchilik hujjatlari talablarini buzganliklari uchun tijorat banklari, kredit uyushmalari, mikrokredit tashkilotlari va lombardlarga nisbatan Oʻzbekiston Respublikasi Markaziy banki tomonidan qoʻllaniladigan choralar va sanksiyalar toʻgʻrisida nizomni tasdiqlash haqida”gi qaroriga (roʻyxat raqami 2063, 2010-yil 13-yanvar) (Oʻzbekiston Respublikasi qonun hujjatlari toʻplami, 2010-y., 1-2-son, 12-modda) ilovaga muvofiq oʻzgartirishlar kiritilsin. ‎‎

2. Mazkur qaror rasmiy eʼlon qilingan kundan eʼtiboran kuchga kiradi. ‎‎

1. Qarorning nomidan va 1-bandidan “kredit uyushmalari,” degan soʻzlar chiqarib tashlansin.

2. Nizomda:

a) nomidan, muqaddimadan, 1-banddan, 3-bobning nomidan, 6 va 7-bandlardan “kredit uyushmalari,” degan soʻzlar chiqarib tashlansin;

b) 4-bandda:

ikkinchi xatboshidan “kredit uyushmasi,” degan soʻzlar chiqarib tashlansin;

uchinchi xatboshi quyidagi tahrirda bayon etilsin:

“mikrokredit tashkilotidan mikrokredit tashkilotlari ustav fondining belgilangan eng kam miqdorining bir foizigacha boʻlgan miqdorida jarima undirish;”;

v) 5-banddan “kredit uyushmasi,” degan soʻzlar chiqarib tashlansin.”.

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuniga muvofiq Oʻzbekiston Respublikasi Markaziy banki Boshqaruvi qaror qiladi: ‎‎

1. Oʻzbekiston Respublikasi Markaziy banki tomonidan qabul qilingan ayrim normativ-huquqiy hujjatlar ilovaga muvofiq oʻz kuchini yoʻqotgan deb topilsin. ‎‎

2. Mazkur qaror rasmiy eʼlon qilingan kundan eʼtiboran kuchga kiradi. ‎‎

1. Oʻzbekiston Respublikasi Markaziy banki Boshqaruvining 2002-yil 14-sentabrdagi 21-A/2-son “Kredit uyushmalari tomonidan moliyaviy operatsiyalarni oʻtkazish qoidalarini tasdiqlash toʻgʻrisida”gi qarori (roʻyxat raqami 1179, 2002-yil 7-oktabr) (Oʻzbekiston Respublikasi vazirliklari, davlat qoʻmitalari va idoralari meʼyoriy hujjatlari axborotnomasi, 2002-y., 19-son).

2. Oʻzbekiston Respublikasi Markaziy banki Boshqaruvining 2009-yil 14-martdagi 6/4-son “Kredit uyushmalarida buxgalteriya hisobi hisobvaraqlari rejasini tasdiqlash haqida”gi qarori (roʻyxat raqami 1944, 2009-yil 20-aprel) (Oʻzbekiston Respublikasi qonun hujjatlari toʻplami, 2009-y., 17-son, 216-modda).

3. Oʻzbekiston Respublikasi Markaziy banki Boshqaruvining 2010-yil 23-yanvardagi 3/6-son “Kredit uyushmalarini davlat roʻyxatidan oʻtkazish va ularga litsenziya berish tartibi toʻgʻrisidagi nizomni tasdiqlash haqida”gi qarori (roʻyxat raqami 2084, 2010-yil 1-mart) (Oʻzbekiston Respublikasi qonun hujjatlari toʻplami, 2010-y., 9-son, 71-modda).

4. Oʻzbekiston Respublikasi Markaziy banki Boshqaruvining 2011-yil 7-maydagi 14/6-son “Kredit uyushmalarini davlat roʻyxatidan oʻtkazish va ularga litsenziya berish tartibi toʻgʻrisidagi nizomga oʻzgartirish kiritish haqida”gi qarori (roʻyxat raqami 2084-1, 2011-yil 25-may) (Oʻzbekiston Respublikasi qonun hujjatlari toʻplami, 2011-y., 20-21-son, 214-modda).

5. Oʻzbekiston Respublikasi Markaziy banki Boshqaruvining 2011-yil 5-fevraldagi 4/3-son “Kredit uyushmalarining kredit siyosatiga nisbatan qoʻyiladigan talablar toʻgʻrisidagi nizomni tasdiqlash haqida”gi qarori (roʻyxat raqami 2208, 2011-yil 14-mart) (Oʻzbekiston Respublikasi qonun hujjatlari toʻplami, 2011-y., 10-11-son, 110-modda).

6. Oʻzbekiston Respublikasi Markaziy banki Boshqaruvining 2011-yil 9-apreldagi 10/9-son “Kredit uyushmalarining aktivlarini tasniflash, aktivlari boʻyicha ehtimoliy yoʻqotishlarni qoplash zaxiralarini yaratish va ulardan foydalanish tartibi toʻgʻrisida nizomni tasdiqlash haqida”gi qarori (roʻyxat raqami 2227, 2011-yil 10-may) (Oʻzbekiston Respublikasi qonun hujjatlari toʻplami, 2011-y., 19-son, 196-modda).

7. Oʻzbekiston Respublikasi Markaziy banki Boshqaruvining 2011-yil 30-apreldagi 13/6-son “Kredit uyushmalarida buxgalteriya hisobini yuritish toʻgʻrisidagi yoʻriqnomani tasdiqlash haqida”gi qarori (roʻyxat raqami 2234, 2011-yil 9-iyun) (Oʻzbekiston Respublikasi qonun hujjatlari toʻplami, 2011-y., 22-23-son, 245-modda).”.