toggle_night_mode
Hujjat kuchini yo‘qotgan 22.02.2021
Hujjat 17.06.1997 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI HUKUMATINING AYRIM QARORLARIGA OʻZGARTIRIShLAR KIRITISh TOʻGʻRISIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Vazirlar Mahkamasi qaror qiladi:
1. Oʻzbekiston Respublikasi Vazirlar Mahkamasining “Pul muomalasini mustahkamlash va “Soʻm-kupon”ning xarid quvvatini oshirish borasida kechiktirib boʻlmaydigan chora-tadbirlar toʻgʻrisida” 1994-yil 11-apreldagi 195-son qaroriga quyidagi oʻzgartirishlar kiritilsin:
a) 1-bandning ikkinchi xatboshi chiqarib tashlansin;
b) 9-band quyidagi tahrirda bayon qilinsin:
“1997-yil 1-yanvardan boshlab, mulkchilik shakllaridan qatʼi nazar, barcha korxonalar uchun markazlashtirilmagan eksportdan tushgan valyuta tushumining 30 foizi, uni birjadan tashqari valyuta bozorida savdoga albatta qoʻygan holda, vakil qilingan banklarga majburiy ravishda sotilishi belgilab qoʻyilsin”.
Keyingi tahrirga qarang.
2. Quyidagilar oʻz kuchini yoʻqotgan deb hisoblansin:
Oʻzbekiston Respublikasi Vazirlar Mahkamasining “Bank tizimini takomillashtirish, pul-kredit munosabatlarini barqarorlashtirish chora-tadbirlari toʻgʻrisida” 1994-yil 18-martdagi 146-son qarorning 10-bandi;
Oʻzbekiston Respublikasi Vazirlar Mahkamasining “Milliy valyutaning ichki erkin muomalada boʻlishi uchun resurslarni koʻpaytirish toʻgʻrisida” 1994-yil 8-noyabrdagi 540-son qarorning 1-bandi.
Oʻzbekiston Respublikasi Bosh vaziri Oʻ. SULTONOV
Toshkent sh.,
1997-yil 17-iyun,
310-son