|
Hujjat kuchini yo‘qotgan 22.02.2021
|
Oʻzbekiston Respublikasi Prezidenti huzuridagi Vazirlar Mahkamasining
qarori
OʻZBEKISTON RESPUBLIKASI PREZIDENTINING 1992-YIL 11-DEKABRDAGI FARMONINI ROʻYOBGA CHIQARISH TOʻFRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Afgʻoniston Respublikasida va boshqa davlatlar hududidagi jangovar harakatlarda qatnashgan fuqarolarga Oʻzbekiston Respublikasi Prezidentining 1990-yil 7-maydagi Farmonining amal qilishini joriy etish toʻgʻrisida” 1992-yil 11-dekabrdagi Farmoniga muvofiq Vazirlar Mahkamasi qaror qiladi:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, korxonalar va tashkilotlar 1979-yil dekabridan 1990-yil fevraligacha Afgʻoniston Respublikasidagi jangovar harakatlarda qatnashgan fuqarolarga, shuningdek, boshqa mamlakatlarning hududlarida turli yillarda jangovar harakatlarda qatnashgan sobiq harbiy xizmatchilarga ular hozir yashab turgan davlatga va idoralarga qarashli uylar va kvartiralar shaxsiy mulk qilib berilishini taʼminlasinlar.
Oʻzbekiston Respublikasining Bosh vaziri A. MUTALOV
Toshkent sh.,
1992-yil 29-dekabr,
597-son
