toggle_night_mode
Oʻzbekiston Respublikasi Prezidentining
Qarori
Neft-gaz hamda elektr energetika sohalari uchun malakali kadrlar tayyorlash tizimini yanada takomillashtirish munosabati bilan Oʻzbekiston Respublikasi Prezidentining ayrim qarorlariga oʻzgartirishlar kiritish toʻgʻrisida
Neft-gaz hamda elektr energetika sohalari uchun malakali kadrlar tayyorlash tizimini yanada takomillashtirish maqsadida:
1. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
2. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 7-may,
PQ-5107-son
Oʻzbekiston Respublikasi Prezidentining 2021-yil 7-maydagi PQ-5107-son qaroriga
ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2011-yil 6-iyuldagi “I.M. Gubkin nomidagi Rossiya davlat neft va gaz universitetining Toshkent shahridagi filiali faoliyatini yanada takomillashtirish chora-tadbirlari toʻgʻrisida” PQ-1569-son qarorining rus tilidagi matnida 6-bandning ikkinchi xatboshisi quyidagi tahrirda bayon etilsin:
“kvoti priyema v Filial utverjdayutsya resheniyem Popechitelskogo soveta po soglasovaniyu s Rossiyskim gosudarstvennim universitetom nefti i gaza imeni I.M. Gubkina, Ministerstvom energetiki, Ministerstvom ekonomicheskogo razvitiya i sokraщeniya bednosti, Ministerstvom finansov, Ministerstvom visshego i srednego spetsialnogo obrazovaniya Respubliki Uzbekistan, s uchetom realnoy potrebnosti v spetsialistax AO “Uzbekneftegaz”, AO “Uztransgaz”, AO “Xududgaztaʼminot”, a takje drugix organizatsiy”.
2. Oʻzbekiston Respublikasi Prezidentining 2017-yil 25-sentabrdagi “Toshkent shahridagi I.M. Gubkin nomidagi Rossiya davlat neft va gaz universiteti filialining moddiy-texnika bazasini mustahkamlash va faoliyatini yanada takomillashtirish chora-tadbirlari toʻgʻrisida”gi PQ-3287-son qaroriga 1-ilovaning matni quyidagi tahrirda bayon etilsin:
“I.M. Gubkin nomidagi Rossiya davlat neft va gaz universitetining Toshkent shahridagi filiali vasiylik kengashining
TARKIBI

M.R. Abdullayev

—

“Oʻzbekneftgaz” AJ boshqaruvi raisi, Vasiylik kengashi raisi

B.R. Narmatov

—

energetika vazirining oʻrinbosari

U.Sh. Begimkulov

—

oliy va oʻrta maxsus taʼlim vazirining oʻrinbosari

B.K. Abdinazarov

—

iqtisodiy taraqqiyot va kambagʻallikni qisqartirish vazirining oʻrinbosari

U.X. Sayidov

—

“Oʻztransgaz” AJ boshqaruvi raisi

B.B. Eshmuratov

—

“Hududgaztaʼminot” AJ boshqaruvi raisi

Sh.Ch. Aslanov

—

“Shoʻrtan GKM” MChJ Bosh direktori

Sh.N. Fayzullayev

—

“Jizzakh petroleum” MChJ QK bosh direktori (kelishuv boʻyicha)

Lavozimi boʻyicha

—

“LUKOYL Oversiz Xolding LTD” kompaniyasi vitse-prezidenti (kelishuv boʻyicha)

Lavozimi boʻyicha

—

“Gazprom” OAJ boshqaruvi raisining oʻrinbosari (kelishuv boʻyicha)

B.Sh. Fazilov

—

“ERIELL” guruhi boshqaruvi raisi (kelishuv boʻyicha)

Lavozimi boʻyicha

—

“Fargʻona NQZ” MChJ direktori (kelishuv boʻyicha)

A.M. Magrupov

—

I.M. Gubkin nomidagi Rossiya davlat neft va gaz universitetining Toshkent shahridagi Filiali direktor oʻrinbosari — ijrochi direktori

Izoh. Vasiylik kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki tegishli funksiyalarni bajarish zimmasiga yuklangan shaxslar kiritiladi”.
3. Oʻzbekiston Respublikasi Prezidentining 2019-yil 4-iyundagi “Toshkent shahrida “MEI” milliy tadqiqot universiteti” Federal davlat budjeti oliy taʼlim muassasasi filialini tashkil etish toʻgʻrisida” PQ-4350-son qarorida:
a) 9-bandda:
ikkinchi xatboshi quyidagi tahrirda bayon etilsin:
“2021-yil 1-avgustga qadar Filialga taqdim etilayotgan bino va inshootlar, shu jumladan oʻquv-laboratoriya korpusi rekonstruksiya qilinishi, Filial talabalari va oʻqituvchilari yashashlari uchun yotoqxonalar va sport kompleksi qurilishi”;
uchinchi xatboshidagi “2019-yil 20-avgustga” soʻzlari “2022-yil 1-yanvarga” soʻzlari bilan almashtirilsin;
b) 12-bandning toʻrtinchi xatboshisi quyidagi tahrirdagi toʻrtinchi va beshinchi xatboshilar bilan almashtirilsin:
“Enter Engineering Pte. Ltd. (Singapur)” — “tayyor holda topshirish” sharti asosida jalb qilinadigan bosh pudratchi tashkilot etib belgilansin.
Bunda, bino va inshootlarni qurish, rekonstruksiya qilish, kapital taʼmirlash va jihozlash bilan bogʻliq ishlarning bajarilishi boʻyicha qurilish, loyihalashtirish va moliyalashtirish ishlarini bir vaqtning oʻzida olib borishga hamda tovar (ish, xizmat)lar, qurilish materiallari, xomashyo, butlovchi qismlar va asbob-uskunalarni ishlab chiqaruvchi (xizmat koʻrsatuvchi)lar hamda ularning rasmiy dilyerlari bilan toʻgʻridan toʻgʻri muzokaralarni oʻtkazish va eng maqbul takliflarni tanlab olish shartlari asosida shartnomalar tuzishga istisno tariqasida ruxsat berilsin”.
(Qonun hujjatlari maʼlumotlari milliy bazasi, 07.05.2021-y., 07/21/5107/0434-son)