|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI PROKURATURASI TUZILMASIDA SUDLAR TOMONIDAN XOʻJALIK IShLARINI KOʻRIB ChIQIShDA PROKURORNING VAKOLATLARINI TAʼMINLASh BOʻLIMINI TAShKIL ETISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi sudlari tomonidan koʻrib chiqilayotgan xoʻjalik ishlari sonining oʻsishi munosabati bilan, ularni koʻrib chiqishda prokuror vakolatlarini toʻlaroq va samarali taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prokuraturasi tuzilmasida sudlar tomonidan xoʻjalik ishlarini koʻrib chiqishda prokuror vakolatlarini taʼminlash boʻlimi tashkil etilsin.
2. Qoraqalpogʻiston Respublikasi, viloyatlar, Toshkent shahar prokuraturalari, Oʻzbekiston transport prokuraturasi shtatlariga sudlar tomonidan xoʻjalik ishlarini koʻrib chiqishda prokuror vakolatlarini taʼminlash boʻyicha tegishli shtat birliklari kiritilsin.
3. Sudlar tomonidan xoʻjalik ishlarini koʻrib chiqishda prokuror vakolatlarini taʼminlash boʻlimi va tegishli boʻlinmalarning tuzilmasi va shtatdagi xodimlari soni ilovaga muvofiq tasdiqlansin.
4. Oʻzbekiston Respublikasi Moliya vazirligi Oʻzbekiston Respublikasi Prokuraturasini uning tuzilmasi oʻzgarishi munosabati bilan mablagʻ bilan taʼminlasin.
Vazirlar Mahkamasining Raisi I. KARIMOV
Toshkent sh.,
1997-yil 25-iyun,
320-son
Vazirlar Mahkamasining 1997-yil 25-iyundagi 320-son qaroriga
ILOVA
ILOVA
Tuzilma va shtatdagi xodimlar soni
Oʻzbekiston Respublikasi Prokuraturasi markaziy apparati huzuridagi sudlar tomonidan xoʻjalik ishlarini koʻrib chiqishda prokuror vakolatlarini taʼminlash boʻlimi
| Prokuratura boʻlimi boshligʻi |
— 1 |
| Boʻlim boshligʻi oʻrinbosari |
— 1 |
| Boʻlimning katta prokurori |
— 1 |
| Boʻlim prokurori |
— 3 |
| Boʻlim inspektori |
— 1 |
| Jami: |
— 7 |
Qoraqalpogʻiston Respublikasi, viloyatlar, Toshkent shahar prokuraturalarida va Oʻzbekiston transport prokuraturasida tegishli tuzilma va shtatdagi xodimlari soni 1 nafardan iborat boʻlgan boʻlinma tashkil etiladi.
