O‘zbekiston Respublikasi Prezidentining 2017-yil 23-avgustdagi “O‘zbekiston Respublikasi Mudofaa vazirligi huzuridagi Jamoatchilik kengashi faoliyatini takomillashtirishga doir qo‘shimcha chora-tadbirlar to‘g‘risida”gi PQ-3234-son va 2020-yil 6-martdagi “O‘zbekiston Respublikasi fuqarolarini harbiy xizmatga chaqirish tartibini yanada takomillashtirish chora-tadbirlari to‘g‘risida”gi PQ-4630-son qarorlariga muvofiq, shuningdek, O‘zbekiston Respublikasi Qurolli Kuchlarida tibbiy ko‘rikdan o‘tkazish va harbiy xizmatga chaqirish tizimini yanada takomillashtirish maqsadida:

1. O‘zbekiston Respublikasi Prezidentining ayrim qarorlariga ilovaga muvofiq o‘zgartirish va qo‘shimchalar kiritilsin.

2. O‘zbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Milliy gvardiyasi va Sog‘liqni saqlash vazirligi manfaatdor vazirlik va idoralar bilan birgalikda ikki oy muddatda:

“Temurbeklar maktabi” harbiy-akademik litseylariga o‘qishga kirayotgan (tahsil olayotgan) nomzodlarni (o‘quvchilarni) tibbiy ko‘rikdan o‘tkazish tartibi to‘g‘risidagi nizomni ishlab chiqsin va tasdiqlash uchun Vazirlar Mahkamasiga kiritsin;

o‘zlari qabul qilgan normativ-huquqiy hujjatlarni ushbu qarorga muvofiqlashtirsin.

3. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

3. O‘zbekiston Respublikasi Prezidentining 2018-yil 25-dekabrdagi PQ-4076-son qarori bilan tasdiqlangan O‘zbekiston Respublikasi Qurolli Kuchlarida tinchlik va urush davrida tibbiy ko‘rikdan o‘tkazish to‘g‘risidagi nizomda:

1) 4-band quyidagi tahrirda bayon qilinsin:

“4. Tibbiy ko‘rikdan o‘tkazish uchun:

tuman (shahar) mudofaa ishlari bo‘yicha bo‘limlari (keyingi o‘rinlarda — MIBB) huzurida hududiy tibbiy komissiyalar (keyingi o‘rinlarda — hududiy tibbiy komissiyalar);

MIBB huzurida hamda tenglashtirilgan xizmat o‘tash ko‘zda tutilgan vazirliklar va idoralarda — tibbiy komissiyalar (keyingi o‘rinlarda — tibbiy komissiyalar);

Qoraqalpog‘iston Respublikasi, viloyatlar va Toshkent shahar yig‘ish punktlarida (keyingi o‘rinlarda — yig‘ish punkti) harbiy-tibbiy komissiyalar (keyingi o‘rinlarda — yig‘ish punktlaridagi HTK);

Mudofaa vazirligi, DXX, IIVda harbiy-tibbiy komissiyalar (keyingi o‘rinlarda — HTK) tashkil etiladi;

HTK va tibbiy komissiyalarni tuzish tartibi, huquq va majburiyatlari, ularning xulosalarini rasmiylashtirish, ko‘rib chiqish va tasdiqlash tartibi tegishli vazirliklar va idoralar tomonidan o‘rnatilgan tartibda belgilanadi.

Yig‘ish punktlaridagi HTKlar va hududiy tibbiy komissiyalar o‘z faoliyatini O‘zbekiston Respublikasi Prezidentining 2020-yil 6-martdagi “O‘zbekiston Respublikasi fuqarolarini harbiy xizmatga chaqirish tartibini yanada takomillashtirish chora-tadbirlari to‘g‘risida”gi PQ-4630-son qarori, mazkur Nizom hamda boshqa qonun hujjatlariga muvofiq amalga oshiradi”;

2) 7-bandda:

birinchi xatboshi quyidagi tahrirda bayon qilinsin:

“7. Quyidagi shaxslar tibbiy ko‘rikdan o‘tkaziladi”;

“a” va “b” kichik bandlari quyidagi tahrirda bayon qilinsin:

“a) chaqiruv uchastkalarida qayd etilayotgan fuqarolar;

b) muddatli harbiy xizmatga chaqirilayotgan fuqarolar“;

quyidagi mazmundagi “b¹” kichik bandi bilan to‘ldirilsin:

“b¹) muqobil xizmatga chaqirilayotgan fuqarolar”;

“v” kichik bandi quyidagi tahrirda bayon qilinsin:

“v) safarbarlik chaqiruvi rezervidagi xizmatga olinayotgan fuqarolar”;

“d”, “r” va “t” kichik bandlaridagi “shartnoma” so‘zi “kontrakt” so‘zi bilan almashtirilsin;

“k” kichik bandidagi “MIB” qisqartmasi “mudofaa ishlari boshqarmalari (keyingi o‘rinlarda — MIB)” so‘zlari bilan almashtirilsin;

3) 9-bandda:

birinchi xatboshidagi “Milliy gvardiya va FVVning shartnoma bo‘yicha harbiy xizmatchilarini va ularning” so‘zlari “Milliy gvardiya va FVVning harbiy xizmatchilarini hamda kontrakt bo‘yicha harbiy xizmatchilarining” so‘zlari bilan almashtirilsin;

ikkinchi xatboshidagi “shartnoma” so‘zi “kontrakt” so‘zi bilan almashtirilsin;

4) 12-bandning ikkinchi xatboshisi quyidagi tahrirda bayon qilinsin:

“Tibbiy-ekspertizaning yakuniy aniqlangan holati deganda fuqaro sog‘lig‘ining shunday holati tushuniladiki, bunda tibbiy tekshiruv va davolash natijalari hududiy tibbiy komissiya, MIBB huzuridagi tibbiy komissiya, yig‘ish punktlaridagi HTK yoki HTKga fuqaroning harbiy xizmatga (tenglashtirilgan xizmatga) yaroqlilik toifasi bo‘yicha xulosa chiqarishga asos beradi hamda keyingi davolanishlar harbiy xizmatga (tenglashtirilgan xizmatga) yaroqlilik toifasini o‘zgarishiga olib kelmaydi.”;

5) 14-bandda:

birinchi xatboshidagi “tibbiy komissiya va HTK” so‘zlari “hududiy tibbiy komissiya, MIBB huzuridagi tibbiy komissiya, yig‘ish punktlaridagi HTK va HTKlar” so‘zlari bilan almashtirilsin;

ikkinchi xatboshidagi “HTK va tibbiy komissiyalar” so‘zlari “hududiy tibbiy komissiya, MIBB huzuridagi tibbiy komissiya, yig‘ish punktlaridagi HTK va HTKlar” so‘zlari bilan almashtirilsin;

uchinchi xatboshidagi “HTK va tibbiy komissiyalarning” so‘zlari “hududiy tibbiy komissiya, MIBB huzuridagi tibbiy komissiya, yig‘ish punktlaridagi HTK va HTKlarning” so‘zlari bilan almashtirilsin;

6) 15-bandning birinchi xatboshisidagi “HTK yoki tibbiy komissiyaning” so‘zlari “hududiy tibbiy komissiya, MIBB huzuridagi tibbiy komissiya, yig‘ish punktlaridagi HTK va HTKning” so‘zlari bilan almashtirilsin;

7) 16-bandda:

birinchi xatboshi quyidagi tahrirda bayon qilinsin:

“16. Mazkur Nizomning 7-bandi “a” — “g”, “j” — “s” kichik bandlarida nazarda tutilgan fuqarolarga nisbatan hududiy tibbiy komissiya, MIBB huzuridagi tibbiy komissiya, yig‘ish punktlaridagi HTK va HTK tomonidan chiqarilgan xulosa, agar boshqa muddat belgilanmagan bo‘lsa, tibbiy ko‘rik o‘tkazilgan sanadan boshlab bir yil mobaynida haqiqiy hisoblanadi. Hududiy tibbiy komissiya, MIBB huzuridagi tibbiy komissiya, yig‘ish punktlaridagi HTK va HTK tomonidan qabul qilingan takroriy yoki navbatdagi xulosalar avvalgi xulosani bekor qiladi (vaqtincha harbiy xizmatga (tenglashtirilgan xizmatga) yaroqsizlik va kasallanish, shikastlanish, yaradorlik, jarohatlanish sababiy bog‘liqlik to‘g‘risidagi xulosalar bundan mustasno). Hududiy tibbiy komissiya, MIBB huzuridagi tibbiy komissiya, yig‘ish punktlaridagi HTK va HTKning xulosalari belgilangan muddatda ijro etilmagan hollarda va tibbiy ko‘rikdan o‘tkazilayotgan shaxsning murojaatida yoki davlat sog‘liqni saqlash tizimining davolash-profilaktika muassasalari yoxud harbiy-tibbiy muassasalar shifokorlarining xulosasida ko‘rsatilgan muddatdan qat’i nazar, ushbu shaxsning sog‘lig‘i holatida yaqqol o‘zgarishlar qayd etilganda qayta tibbiy ko‘rik o‘tkaziladi”;

ikkinchi xatboshidan “tibbiy komissiya va” so‘zlari chiqarib tashlansin;

8) 17-band quyidagi tahrirda bayon qilinsin:

“17. Mazkur Nizomning 7-bandi “a”, “i” — “m”, “o”, “p” kichik bandlarida nazarda tutilgan fuqarolarni tibbiy ko‘rikdan o‘tkazishni amalga oshiruvchi tibbiy komissiyalar tarkibi (jarroh, terapevt (katta shifokor vazifasi jarroh yoki terapevt zimmasiga yuklanadi), dermatovenerolog, stomatolog, oftalmolog, otorinolaringolog, psixiatr va nevropatolog) tumanlar (shaharlar) hokimlarining Sog‘liqni saqlash vazirligi hududiy birlashmalari (organlari) rahbarlarining taqdimnomasiga ko‘ra qabul qilgan qarorlari bilan tasdiqlanadi.

Mazkur Nizomning 7-bandi “b”-“v” kichik bandlarida nazarda tutilgan fuqarolarni tibbiy ko‘rikdan o‘tkazishni amalga oshiruvchi hududiy tibbiy komissiyalar tarkibi O‘zbekiston Respublikasi Prezidentining 2020-yil 6-martdagi “O‘zbekiston Respublikasi fuqarolarini harbiy xizmatga chaqirish tartibini yanada takomillashtirish chora-tadbirlari to‘g‘risida”gi PQ-4630-son qarori bilan belgilangan tartibda tasdiqlanadi.

Mazkur Nizomning 7-bandi “a” — “v”, “i” — “m”, “o”, “p” kichik bandlarida nazarda tutilgan fuqarolarni tibbiy ko‘rikdan o‘tkazishdagi munozarali masalalar tarkibiga oliy malaka toifasiga ega shifokor-mutaxassislar jalb qilinadigan Sog‘liqni saqlash vazirligining O‘smirlar va chaqiruv yoshidagi yoshlarga tibbiy yordamni tashkil etish markazi huzuridagi respublika muqobil tibbiy komissiyasi (keyingi o‘rinlarda — RMTK), mahalliy hududlarda esa tarkibiga oliy va birinchi malaka toifasiga ega shifokor-mutaxassislar jalb qilinadigan Sog‘liqni saqlash vazirligi hududiy ko‘p tarmoqli bolalar tibbiy markazlarining O‘smir va chaqiriluvchi yoshlarga tibbiy yordamni tashkil etish bo‘linmalari tomonidan belgilangan tartibda hal etiladi.

Mazkur Nizomning 7-bandi “d”, “e”, “s”, “t” kichik bandlarida nazarda tutilgan fuqarolarni tibbiy ko‘rikdan o‘tkazishdagi munozarali masalalar MHTK tomonidan belgilangan tartibda hal etiladi;

Hududiy tibbiy komissiyalar tomonidan qabul qilingan xulosalarning asoslanganligini nazorat qiluvchi va mazkur Nizomning 7-bandi “b” kichik bandida nazarda tutilgan fuqarolarni tibbiy ko‘rikdan o‘tkazishni amalga oshiruvchi yig‘ish punktlaridagi HTK tarkibi O‘zbekiston Respublikasi Prezidentining 2020-yil 6-martdagi “O‘zbekiston Respublikasi fuqarolarini harbiy xizmatga chaqirish tartibini yanada takomillashtirish chora-tadbirlari to‘g‘risida”gi PQ-4630-son qarori bilan belgilangan tartibda tasdiqlanadi.

Hududiy tibbiy komissiyalar, MIBB huzuridagi tibbiy komissiyalar va yig‘ish punktlaridagi HTKlar ishini tashkil qilish uchun davlat sog‘liqni saqlash tizimining davolash-profilaktika muassasalaridan shifokor-mutaxassislar bilan birga o‘rta bo‘g‘in tibbiyot xodimlari ham jalb qilinadi”;

9) 20-band quyidagi tahrirda bayon qilinsin:

“20. Fuqarolarni muddatli harbiy va muqobil xizmatga chaqirish, safarbarlik chaqiruvi rezervidagi xizmatga olish qonun hujjatlariga muvofiq amalga oshiriladi”;

10) 21-bandda:

birinchi xatboshi quyidagi tahrirda bayon qilinsin:

“21. MIBB hududiy tibbiy komissiya va MIBB huzuridagi tibbiy komissiyaning (qayd etish komissiyasi) katta shifokorlari bilan birgalikda mazkur Nizomning 7-bandi “a” — “b¹” kichik bandlarida nazarda tutilgan fuqarolarni tayyorlashda ularning sog‘lig‘i hamda jismoniy rivojlanishi holatini aniqlash uchun har tomonlama o‘rganishlarini tashkil etadi va o‘tkazadi”;

“a” kichik bandi quyidagi tahrirda bayon qilinsin:

“a) ruhiy-asab, teri-tanosil kasalliklari va narkologik dispanserlar, ftiziatriya va pulmonologiya (silga qarshi dispanserlar) hamda OITSga qarshi kurashish markazlari, shuningdek sanitariya-epidemiologik osoyishtalik va jamoat salomatligi xizmatining hududiy boshqarmalaridan — hisobda turuvchi shaxslar ro‘yxatlarini”;

11) 24-bandda:

birinchi xatboshidagi ““a”, “b” kichik bandida” so‘zlari ““a” — “b¹” kichik bandlarida“ so‘zlari bilan almashtirilsin;

ikkinchi xatboshisidagi ““b” kichik bandida” so‘zlari ““b”-“b¹” kichik bandlarida“ so‘zlari bilan almashtirilsin;

12) 25-bandda:

birinchi xatboshidagi “MIBB, MIBning chaqiruv (yig‘in) punktlarida” so‘zlari “MIBB chaqiruv punkti va MIB yig‘ish punktida” so‘zlari bilan almashtirilsin;

ikkinchi xatboshidagi “dori-darmonlar va tibbiyot buyumlari” so‘zlari “dori vositalari va tibbiy buyumlar” so‘zlari bilan almashtirilsin;

13) 26-bandda:

birinchi xatboshi quyidagi tahrirda bayon etilsin:

“Mazkur Nizomning 7-bandi “a”, “b”-“b¹” kichik bandlarida nazarda tutilgan fuqarolar soni hududiy tibbiy komissiyalar va MIBB huzuridagi tibbiy komissiyalar tomonidan tibbiy ko‘rikdan o‘tkazish jarayonida bir ish kuni mobaynida 50 nafardan oshmasligi lozim”;

ikkinchi xatboshidagi “yig‘in” so‘zi “yig‘ish” so‘zi bilan almashtirilsin;

14) 27-band quyidagi tahrirda bayon qilinsin:

“27. Mazkur Nizomning 7-bandi “b”, “b¹” kichik bandlarida nazarda tutilgan fuqarolarni dastlabki tibbiy ko‘rikdan o‘tkazish hududiy tibbiy komissiyalar tomonidan tashkil etiladi”;

15) 29-bandda:

birinchi xatboshida:

“chaqiruv komissiyasi” so‘zlari “hududiy tibbiy komissiya va MIBB huzuridagi tibbiy komissiya” so‘zlari bilan almashtirilsin;

“sog‘liqni saqlash tizimi tasarrufidagi” so‘zlari “sog‘liqni saqlash tizimining” so‘zlari bilan almashtirilsin;

ikkinchi xatboshidagi “a”, “b” kichik bandlarida” so‘zlari “a” — “b¹” kichik bandlarida” so‘zlari bilan almashtirilsin;

uchinchi xatboshi quyidagi tahrirda bayon qilinsin:

“Tibbiy tekshiruv natijalari ko‘rib chiqish uchun hududiy tibbiy komissiya yoki MIBB huzuridagi tibbiy komissiyaga taqdim qilinadi, ular chaqiriluvchining sog‘lig‘i, jismoniy rivojlanishi holati va boshqa barcha ma’lumotlarni inobatga olgan holda uning harbiy xizmatga yaroqliligi masalasini hal qiladi”;

16) 30-bandning birinchi xatboshisi quyidagi tahrirda bayon qilinsin:

“30. Mazkur Nizomning 7-bandi “a” — “b¹” kichik bandlarida nazarda tutilgan fuqarolarni tibbiy ko‘rikdan o‘tkazish natijalari asosida, tibbiy ko‘rikdan o‘tkazish kunida shifokor-mutaxassislar xulosalariga ko‘ra hududiy tibbiy komissiyalar yoki MIBB huzuridagi tibbiy komissiyalar va yig‘ish punktlaridagi HTKlar quyidagi toifa va cheklanish darajasi (sog‘liq va jismoniy rivojlanish holatining ko‘rsatkichi) bo‘yicha harbiy xizmatga yaroqlilik to‘g‘risida xulosa qabul qiladi:”;

17) 33-bandning ikkinchi xatboshisi quyidagi tahrirda bayon qilinsin:

“Mazkur Nizomning 7-bandi “k” kichik bandida nazarda tutilgan fuqarolarni tibbiy ko‘rikdan o‘tkazish MIBB huzuridagi tibbiy komissiyalar tomonidan amalga oshiriladi”;

18) 34-bandning birinchi xatboshisidagi ““a”, “b” kichik bandlarida” so‘zlari ““a” — “b¹” kichik bandlarida“ so‘zlari bilan almashtirilsin;

19) 35-banddagi ““b” kichik bandida” so‘zlari ““b”-“b¹” kichik bandlarida“ so‘zlari bilan almashtirilsin;

20) 36-bandning ikkinchi xatboshisi quyidagi tahrirda bayon qilinsin:

“MIBB huzuridagi qayd etish komissiyasi yoki MIBB huzuridagi hududiy komissiya yoxud MIBB huzuridagi Qurolli Kuchlarni butlash komissiyasi ishi tugaguniga qadar fuqaroni tibbiy tekshiruvdan o‘tkazishni (davolashni) yakunlashning imkoni bo‘lsa, unga nisbatan harbiy xizmatga vaqtincha yaroqsizligi haqidagi xulosa qabul qilinmaydi. Bunday holatda shifokor-mutaxassis fuqaroning tibbiy tekshiruvga (davolanishga) muhtojligi haqida hamda takroriy tibbiy ko‘rikdan o‘tish uchun kelish muddatini ko‘rsatgan holda xulosa beradi.”;

21) 39-bandda:

birinchi xatboshidagi “yig‘in punktida nazorat tibbiy ko‘rigidan” so‘zlari “yig‘ish punktida chuqurlashtirilgan tibbiy ko‘rikdan” so‘zlari bilan almashtirilsin;

ikkinchi xatboshi quyidagi tahrirda bayon qilinsin:

“Chuqurlashtirilgan tibbiy ko‘rikdan o‘tkazish yig‘ish punktlaridagi HTKlar tomonidan amalga oshiriladi”;

uchinchi xatboshidagi “Toshkent shahri chaqiruv komissiyalari tuman (shahar) chaqiruv komissiyalarining” so‘zlari “Toshkent shahar mudofaa ishlari boshqarmalari huzuridagi Rahbariyat kengashi (keyingi o‘rinlarda — Rahbariyat kengashi) MIBB huzuridagi Qurolli Kuchlarni butlash komissiyasining” so‘zlari bilan almashtirilsin;

to‘rtinchi xatboshi quyidagi tahrirda bayon qilinsin:

“Qo‘shinlarni muddatli harbiy xizmatchilar bilan butlash naryadi bajarilganidan so‘ng Sog‘liqni saqlash vazirligi hududiy ko‘ptarmoqli tibbiyot markazlarining O‘smirlar va chaqiriluvchi yoshlarga tibbiy yordam ko‘rsatish bo‘linmalari mutaxassislari keyingi chaqiruv tadbirlari boshlanguniga qadar hududiy tibbiy komissiyalar va MIBB huzuridagi tibbiy komissiyalar shifokorlariga metodik, amaliy yordam ko‘rsatadi, joylarda o‘tkazilayotgan davolash-sog‘lomlashtirish ishlarini nazorat qiladi”;

22) 40-bandda:

birinchi xatboshidagi “hududiy organlarining rahbarlari” so‘zlari “hududiy birlashmalarining (organlarining) rahbarlari hamda yig‘ish punktlaridagi HTKlar raislari” so‘zlari bilan almashtirilsin;

ikkinchi xatboshidagi “MIB huzuridagi tibbiy komissiyalar yil davomidagi faoliyatlari” so‘zlari “Yig‘ish punktlaridagi HTKlar faoliyati” so‘zlari bilan almashtirilsin;

23) 41-band quyidagi tahrirda bayon qilinsin:

“41. MIB yig‘ish punktidan qaytarilgan har bir fuqaro bo‘yicha xizmat tekshiruvini o‘tkazish uchun yig‘ish punktlaridagi HTKlar raislari tomonidan MIBB nomiga rasmiy xizmat xati jo‘natilib, unda fuqaroning qaytarilishi sabablari ko‘rsatiladi”;

24) 42-bandda:

birinchi xatboshi quyidagi tahrirda bayon qilinsin:

“42. Yig‘ish punktlaridagi HTKlarning harbiy xizmatga yaroqlilik toifasi bo‘yicha xulosalaridan norozi bo‘lib murojaat qilgan fuqarolar Rahbariyat kengashlari qarori asosida Mudofaa vazirligi HTKga yoki MHTKga nazorat tibbiy ko‘rigidan o‘tish uchun yuboriladi. Harbiy-tibbiy muassasalarda nazorat tibbiy tekshiruv va tibbiy ko‘rikdan o‘tkazish faqat Mudofaa vazirligi MHTK raisining ruxsati bilan amalga oshiriladi”;

uchinchi xatboshidagi “chaqiruv komissiyasi” so‘zlari “yig‘ish punktlaridagi HTK” so‘zlari bilan almashtirilsin;

25) 44-bandda:

birinchi xatboshidagi “tuman (shahar) MIBB huzuridagi” so‘zlari “hududiy” so‘zi bilan almashtirilsin;

quyidagi tahrirdagi xatboshi qo‘shilsin:

“Majburiy diagnostik tekshiruvlar davlat sog‘liqni saqlash tizimining davolash-profilaktika muassasalarida bepul amalga oshiriladi”;

26) 45-banddagi “MIBB huzuridagi” so‘zlari “hududiy” so‘zi bilan almashtirilsin;

27) 47 va 48-bandlar o‘z kuchini yo‘qotgan deb topilsin;

28) 49-bandning ikkinchi va uchinchi xatboshlari quyidagi taxrirda bayon qilinsin:

“Mazkur Nizomning 7-bandi “g” kichik bandida nazarda tutilgan fuqarolar harbiy yig‘in joylariga yetib kelgach, birinchi sutka davomida harbiy qism tibbiy xizmati tomonidan Mudofaa vazirligiga qarashli gospitallar (poliklinikalar) shifikor-mutaxassislari bilan hamkorlikda ularning laborator-instrumental tekshiruv xulosalari o‘rganib chiqiladi va tana ko‘rigi o‘tkaziladi.

Laborator-instrumental tekshiruvlar xulosalarini o‘rganish va tana ko‘rigi vaqtida mazkur Nizomning 7-bandi “g” kichik bandida nazarda tutilgan fuqarolarda statsionar sharoitda davolanishni talab etadigan va harbiy yig‘in o‘tashga monelik qiladigan o‘tkir kasalliklar, jarohatlar aniqlansa, ular sog‘lomlashtirish uchun chaqiruv joyidagi MIBga qaytariladi hamda harbiy yig‘inlarga keyingi oylarda yuborilishi lozim. Ushbu fuqarolarda E va F yaroqlilik toifalari bo‘yicha xulosa berishni nazarda tutuvchi kasalliklar yoki shikastlanish (yaradorlik, jarohat) asoratlari aniqlansa, ular yig‘inga jalb qilingan joydagi Mudofaa vazirligi HTKga tibbiy ko‘rikdan o‘tish uchun yuboriladi”;

29) 50-bandning birinchi xatboshisidagi “yig‘inga jalb qilgan MIBga qaytarib yuboriladi” so‘zlari “yig‘inga jalb qilingan joydagi Mudofaa vazirligi HTKga yuboriladi” so‘zlari bilan almashtirilsin;

30) 53-bandda:

to‘rtinchi xatboshi “muassasalarida” so‘zidan keyin “(DXX harbiy-tibbiy muassasalarida)” so‘zlari bilan to‘ldirilsin;

beshinchi xatboshidan “(MIB)” qisqartmasi chiqarib tashlansin;

31) 54-bandning ikkinchi-uchinchi xatboshilari quyidagi tahrirda bayon qilinsin:

“yosh fuqarolar orasidan (DXX HTMga kirayotgan nomzodlardan tashqari) ikki bosqichda: birlamchi — MIBB huzuridagi tibbiy komissiyalar, yakuniy — HTKlar tomonidan barcha majburiy diagnostik tekshiruvlardan o‘tkazilgan holda;

harbiy xizmatchilar tarkibidan (DXX HTMga kirayotgan nomzodlardan tashqari) tegishli vazirlik va idoralar tasarrufidagi HTK tomonidan”;

32) 55-band quyidagi tahrirda bayon qilinsin:

“55. O‘zbekiston Respublikasi Qurolli Kuchlari Harbiy tibbiyot akademiyasiga o‘qishga tanlab olinayotgan oliy tibbiy ta’lim muassasalari talabalari Mudofaa vazirligiga tegishli harbiy-tibbiy muassasalarida barcha majburiy diagnostik tekshiruvlardan o‘tkazilgandan so‘ng HTK tomonidan belgilangan tartibda tibbiy ko‘rikdan o‘tkaziladi”;

33) 56-bandning birinchi xatboshisidagi “qabul komissiyasi” so‘zlari “HTK” kisqartmasi bilan almashtirilsin;

34) 58-bandda:

birinchi xatboshidagi “shartnoma” so‘zi “kontrakt” so‘zi bilan almashtirilsin;

uchinchi xatboshi chiqarib tashlansin;

to‘rtinchi — oltinchi xatboshilar tegishlicha uchinchi — beshinchi xatboshilar deb hisoblansin;

uchinchi xatboshi quyidagi tahrirda bayon qilinsin:

“yakuniy — Mudofaa vazirligi markaziy poliklinikasi HTK tomonidan”;

beshinchi xatboshidagi “shartnoma” so‘zi “kontrakt” so‘zi bilan almashtirilsin;

35) 59-band quydagi tahrirda bayon qilinsin:

“59. Oddiy askar va serjantlar tarkibidagi kontrakt bo‘yicha harbiy xizmatchilarni HTM, ofitserlarni tayyorlash va qayta tayyorlash kursiga o‘qishga yoki chet davlatlar HTMga o‘qishga (malaka oshirishga) yuborish vaqtida tibbiy ko‘rikdan o‘tkazish tegishli vazirlik va idoralar HTKda amalga oshiriladi.”;

36) 61-band quyidagi tahrirda bayon qilinsin:

“61. Mudofaa vazirligi Axborot-kommunikatsiya texnologiyalari va aloqa harbiy institutiga tanlab olinayotgan oliy ta’lim muassasalari talabalari Mudofaa vazirligi harbiy-tibbiy muassasalarida barcha majburiy diagnostik tekshiruvlardan o‘tkazilgandan so‘ng HTK tomonidan belgilangan tartibda tibbiy ko‘rikdan o‘tkaziladi”;

37) 65-bandning birinchi va ikkinchi xatboshilaridagi “shartnoma” so‘zi “kontrakt” so‘zi bilan almashtirilsin;

38) 68-bandning uchinchi xatboshisidagi “shartnoma” so‘zi “kontrakt” so‘zi bilan almashtirilsin;

39) 70-bandning birinchi xatboshisidagi “Sog‘liqni saqlash vazirligining markaziy apparati tomonidan uning hududiy organlari shifokor-mutaxassislari yoki MIB huzuridagi tibbiy komissiyalar shifokor-mutaxassislari” so‘zlari “HTKlar tomonidan Sog‘liqni saqlash vazirligining markaziy apparati yoki uning hududiy boshqarmalari (organlari) shifokor-mutaxassislari” so‘zlari bilan almashtirilsin;

40) 72-bandning birinchi xatboshisidagi “shartnoma” so‘zi “kontrakt” so‘zi bilan almashtirilsin;

41) 73-banddagi “shartnoma” so‘zi “kontrakt” so‘zi bilan almashtirilsin;

42) 74-bandning birinchi xatboshidagi “yosh chegarasiga yetmagan” so‘zlaridan keyin “kontrakt bo‘yicha” so‘zlari bilan to‘ldirilsin;

43) 78-band quyidagi tahrirda bayon qilinsin:

“78. Kontrakt bo‘yicha harbiy xizmatchi yoki uning oila a’zolari davolanishni davom ettirish uchun bir davolash-profilaktika (harbiy-tibbiy) muassasasidan boshqasiga o‘tkazilishga muhtoj bo‘lsa, shuningdek, harbiy xizmatning umumiy davomiyligi yigirma yil va undan ortiq bo‘lgan, harbiy xizmatdan bo‘shatilgan ofitserlar statsionar davolanishga yoki sanatoriy-kurort muassasalarida davolanishga (bir yilda bir marta) muhtoj bo‘lib, ularning davolanish manziliga borish va qaytishda temir yo‘l, havo, suv va avtomobil (taksidan tashqari) transportidan foydalanish zarurati tug‘ilsa, HTK ularni ko‘chirishga va transportdan foydalanishga muhtojligi to‘g‘risida xulosa chiqaradi. Ko‘rsatib o‘tilgan ofitserlar harbiy xizmatining umumiy davomiyligi yigirma besh yil va undan ortiq bo‘lgan taqdirda, HTK ularning oila a’zolariga ham ko‘chirishga va transportdan foydalanishga muhtojligi to‘g‘risida xulosa chiqaradi”;

44) 79-bandning birinchi xatboshisi quyidagi tahrirda bayon qilinsin:

“79. Harbiy xizmatning umumiy davomiyligi yigirma yil va undan ortiq bo‘lgan, harbiy xizmatdan bo‘shatilgan ofitserlar, shuningdek, harbiy xizmatda bo‘lishning umumiy davomiyligi yigirma besh yil va undan ortiq bo‘lgan ofitserlarning oila a’zolari davolanish uchun davlat sog‘liqni saqlash tizimining davolash-profilaktika muassasalariga (shu jumladan, idoraviy, harbiy-tibbiy yoki sanatoriy-kurort muassasalariga) borayotganda, bundan tashqari, kasalligi sababli ta’tilga, harbiy xizmatdan bo‘shatilgandan so‘ng tanlangan yashash joyiga borayotganda harbiy xizmatchilar kuzatib boruvchiga muhtoj bo‘lsa, HTK kuzatib boruvchilarga muhtojlik to‘g‘risida, ularning sonini ko‘rsatgan holda, xulosa chiqaradi”;

45) 80-banddagi “shartnoma” so‘zi “kontrakt” so‘zi bilan almashtirilsin;

46) 102-bandda:

birinchi xatboshi “Milliy gvardiya” so‘zlaridan keyin “IIV, FVV” qisqartmalari bilan to‘ldirilsin;

uchinchi xatboshidagi “shartnoma” so‘zi “kontrakt” so‘zi bilan almashtirilsin;

47) 103-banddagi “MIB” qisqartmasi “MIBB” qisqartmasi bilan almashtirilsin;

48) 104-bandda:

birinchi va ikkinchi xatboshilaridagi “shartnoma” so‘zi “kontrakt” so‘zi bilan almashtirilsin;

to‘rtinchi xatboshi quyidagi tahrirda bayon qilinsin:

“ruhiy-asab, teri-tanosil kasalliklari va narkologik dispanserlar, ftiziatriya va pulmonologiya (silga qarshi despanserlar) hamda OITSga qarshi kurashish markazlari, shuningdek sanitariya-epidemiologik osoyishtalik va jamoat salomatligi xizmatining hududiy boshqarmalaridan ma’lumotnomalar”;

quyidagi tahrirdagi xatboshi bilan to‘ldirilsin:

“Majburiy diagnostik tekshiruvlar MIBBning (DXX hududiy boshqarmalari HTKning) yo‘llanmasiga asosan Mudofaa vazirligi harbiy-tibbiy muassasalarida (DXX harbiy-tibbiy muassasalarida) o‘tkaziladi“;

49) 105-banddagi “shartnoma” so‘zi “kontrakt” so‘zi bilan almashtirilsin;

50) 106-bandning ikkinchi va uchinchi xatboshilaridagi “shartnoma” so‘zi “kontrakt” so‘zi bilan almashtirilsin;

51) 107-bandning ikkinchi xatboshisidagi “shartnoma” so‘zi “kontrakt” so‘zi bilan almashtirilsin;

52) 110-bandning uchinchi xatboshisi quyidagi tahrirda bayon qilinsin:

“Tegishli vazirlik va idoralar tomonidan belgilangan kasallik va shikastlanish (yaradorlik, jarohat) tufayli salomatligiga ko‘ra tibbiy komissiyalar yoki HTK tomonidan avval F toifasi yoki ruhiy va xulq atvor buzilishlari (ruhiyatga faol ta’sir etuvchi vositalarni iste’mol qilish natijasida kelib chiqqan ruhiy va hulq-atvorning buzilishlaridan tashqari), epilepsiya va epileptik tutqanoqlar, kaft yoki barmoqlarning nuqsonlari yoki shakl buzilishlari yoki yo‘qligi, yassi oyoqlilik yoki oyoq panjasining boshqa shakl o‘zgarishlari yoki barmoqlarning nuqsonlari, bosh suyagining jarohati va jarrohlik amaliyotidan keyingi nuqsonlari aniqlanib E yaroqlilik toifasi tayinlangan shaxslar takroriy tibbiy ko‘rikdan o‘tkazilmaydi”;

53) 115-bandda:

“b” kichik bandning ikkinchi xatboshisidagi “shartnoma” so‘zi “kontrakt” so‘zi bilan almashtirilsin;

“g” kichik bandning ikkinchi xatboshisidagi “shartnoma” so‘zi “kontrakt” so‘zi bilan almashtirilsin;

54) 116-band “g” kichik bandining ikkinchi xatboshisidagi “shartnoma” so‘zi “kontrakt” so‘zi bilan almashtirilsin.

4. O‘zbekiston Respublikasi Prezidentining 2019-yil 28-iyundagi “O‘smirlarni harbiy-vatanparvarlik ruhida tarbiyalash hamda O‘zbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimini takomillashtirishga oid qo‘shimcha chora-tadbirlar to‘g‘risida”gi PQ-4375-son qarorida:

1) 1-ilova 2-bandning “Tashkil etilayotgan HALning nomi” va “Joylashgan manzili” ustunlaridagi “Qibray “Temurbeklar maktabi” harbiy-akademik litseyi” va “Toshkent viloyati, Qibray tumani, Geofizika shaharchasi” so‘zlari tegishlicha “O‘zbekiston Respublikasi Davlat xavfsizlik xizmati “Temurbeklar maktabi” harbiy-akademik litseyi” va “Toshkent shahar Yunusobod tumani Yangi shahar ko‘chasi 3-uy” so‘zlari bilan almashtirilsin;

2) 3-ilovada:

24 va 25-bandlar quyidagi tahrirda bayon qilinsin:

“24. Nomzodlar tibbiy ko‘rikdan (dastlabki va yakuniy) O‘zbekiston Respublikasi Vazirlar Mahkamasi tomonidan belgilanadigan tartibda o‘tkaziladi.

25. Dastlabki tibbiy ko‘rik natijalariga asosan nomzodning “Temurbeklar maktabi”ga o‘qishga kirishga yaroqliligi to‘g‘risida xulosa chiqariladi.

O‘qishga kirishga yaroqsiz deb topilgan nomzodlar harbiy-kasbiy tanlovga qo‘yilmaydi”;

30-band o‘z kuchini yo‘qotgan deb hisoblansin;

31-band quyidagi tahrirda bayon qilinsin:

“31. Yakuniy tibbiy ko‘rik natijalariga asosan nomzodning “Temurbeklar maktabi”ga o‘qishga kirishga yaroqliligi to‘g‘risida xulosa chiqariladi.

O‘qishga kirishga yaroqsiz deb topilgan nomzodlar saralashning keyingi tadbirlariga qo‘yilmaydi”;

3) 5-ilova 2-bandning “Temurbeklar maktabi” HALning nomi” va “HALga biriktirilgan oliy harbiy va ixtisoslashtirilgan ta’lim muassasaning nomi” ustunlaridagi “Qibray “Temurbeklar maktabi” harbiy-akademik litseyi” va “Davlat xavfsizlik xizmati instituti” so‘zlari tegishlicha “O‘zbekiston Respublikasi Davlat xavfsizlik xizmati “Temurbeklar maktabi” harbiy-akademik litseyi” va “Davlat xavfsizlik xizmati Akademiyasi” so‘zlari bilan almashtirilsin;

4) 6-ilova 1-bandning “Joylashgan joyi” va “Ta’lim muassasasining yangi nomi” ustunlaridagi “Toshkent viloyati, Qibray tumani, Geofizika shaharchasi” hamda “Qibray “Temurbeklar maktabi” harbiy-akademik litseyi” so‘zlari tegishlicha “Toshkent shahar Yunusobod tumani Yangi shahar ko‘chasi 3-uy” va “O‘zbekiston Respublikasi Davlat xavfsizlik xizmati “Temurbeklar maktabi” harbiy-akademik litseyi” so‘zlari bilan almashtirilsin.