toggle_night_mode
Hujjat kuchini yo‘qotgan 20.02.2017
Oʻzbekiston Respublikasi Prezidenti huzuridagi Vazirlar Mahkamasining
qarori
OʻZBEKISTON YoShLAR IShLARI BOʻYIChA RESPUBLIKA KENGAShINI TAShKIL ETISh TOʻGʻRISIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2017-yil 14-fevraldagi 75-sonli “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (“Yoshlarga oid davlat siyosati toʻgʻrisida” 2016-yil 14-sentabrdagi OʻRQ-406-son Oʻzbekiston Respublikasi Qonuni)” qaroriga asosan oʻz kuchini yuqotgan.
Oʻzbekiston Respublikasi Oliy Kengashining “Oʻzbekiston Respublikasida yoshlarga oid davlat siyosatining asoslari toʻgʻrisida” Oʻzbekiston Respublikasi Qonunini amalga kiritish tartibi haqidagi qarorini amalga oshirish maqsadida Vazirlar Mahkamasi qaror qiladi:
1. Oʻzbekiston Respublikasi Bosh vazirining Yoshlar masalasiga mutasaddi boʻlgan oʻrinbosari raisligida Oʻzbekiston yoshlar ishlari boʻyicha respublika kengashi tuzilsin. Yoshlar ishlari boʻyicha respublika kengashining tarkibi ilovaga* muvofiq tasdiqlansin.
* Ilova rus tilidagi matnda berilgan.
Oldingi tahrirga qarang.
Oʻzbekiston yoshlar ishlari boʻyicha respublika kengashiga Kengash aʼzolarining ayrimlari undan chiqib ketgan taqdirda Kengash tarkibiga tegishli vazirliklar, idoralar va viloyatlar hokimliklarining yangi rahbarlarini kiritish huquqi berilsin.
(1-bandning ikkinchi xatboshisi Oʻzbekiston Respublikasi Vazirlar Mahkamasining 1993-yil 15-dekabrdagi 602-sonli qaroriga muvofiq kiritilgan)
2. Qoraqalpogʻiston Respublikasi Vazirlar Kengashining Raisi, viloyatlar, shaharlar va tumanlarning hokimlari oʻzlarining raisligida yoshlar ishlari boʻyicha ana shunday kengashlar tuzsinlar.
3. Yoshlar ishlari boʻyicha respublika kengashi bir oy muddat ichida Yoshlar ishlari boʻyicha kengash toʻgʻrisidagi nizom hamda respublikada davlat yoshlar siyosatini amalga oshirish dasturi loyihalarini ishlab chiqsin va koʻrib chiqish uchun belgilangan tartibda Oʻzbekiston Respublikasi Oliy Kengashiga kiritsin.
Yoshlarni huquqiy va ijtimoiy himoya qilishni taʼminlash yoshlarning tadbirkorligini iqtisodiy jihatdan qoʻllab-quvvatlash hamda isteʼdodli yoshlarni davlat tomonidan qoʻllab-quvvatlash vazifalarini hal qilish dasturning asosiy yoʻnalishlari etib belgilansin.
Oʻzbekiston Respublikasining Bosh vaziri A. MUTALOV
Toshkent sh.,
1992-yil 4-dekabr,
568-son