|
Hujjat kuchini yo‘qotgan 23.01.2018
|
Oʻzbekiston Respublikasi Prezidenti huzuridagi Vazirlar Mahkamasining
qarori
OʻZBEKISTON RESPUBLIKASINING HARBIY KOLLEGIYASI VA HARBIY SUDLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2018-yil 19-yanvardagi 34-sonli “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish, shuningdek, ayrim qonun hujjatlarini oʻz kuchini yoʻqotgan deb topish toʻgʻrisida” 2017-yil 14-sentabrdagi OʻRQ-446-son Oʻzbekiston Respublikasining Qonuni)”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining 1992-yil 28-fevraldagi Farmoniga va Oʻzbekiston Respublikasi Oliy Kengashining 1992-yil 3-iyuldagi harbiy sudlar tizimi va Oʻzbekiston Respublikasi Oliy Sudining Harbiy kollegiyasini tashkil etish haqidagi qaroriga muvofiq Vazirlar Mahkamasi qaror qiladi:
1. Oʻzbekiston Respublikasining Oliy Sudiga harbiy kollegiya uchun 19 ta shtat ajratilsin va ularga 1-ilovaga* muvofiq shtatda koʻrsatilgan lavozim maoshlari belgilansin.
* 1-ilova rus tilidagi matnda berilgan.
2. Oʻzbekiston Respublikasi Harbiy sudining shtatlari 29 nafar miqdorida belgilansin va 2-ilovaga* muvofiq shtatda koʻrsatilgan lavozim maoshlari belgilansin.
* 2-ilova rus tilidagi matnda berilgan.
3. Harbiy sudlarning shtat boʻyicha soni quyidagicha belgilansin: Toshkent garnizoni harbiy sudi — 5 sudya va 9 xizmatchi, Samarqand garnizoni harbiy sudi — 3 sudya va 7 xizmatchi, Termiz garnizoni harbiy sudi — 3 sudya va 7 xizmatchi, Fargʻona garnizoni harbiy sudi — 2 sudya va 5 xizmatchi hamda ularga 3-ilovaga* muvofiq lavozim maoshlari belgilansin.
* 3-ilova rus tilidagi matnda berilgan.
4. “Umumiy harbiy majburiyat va harbiy xizmat toʻgʻrisida” Oʻzbekiston Respublikasi Qonuni 19-moddasining ikkinchi qismiga muvofiq harbiy kollegiya aʼzolari haqiqiy harbiy xizmatga chaqirilganda ularning sudlarda, adliya va ichki ishlar organlarida, Milliy xavfsizlik xizmatida va prokuraturada ishlagan vaqti haqiqiy harbiy xizmat muddatiga kiritilsin.
5. Oʻzbekiston Respublikasi Mudofaa vaziriga Oʻzbekiston Respublikasi Oliy Sudi Raisi bilan kelishgan holda harbiy kollegiya aʼzolari haqiqiy harbiy xizmatga chaqirilganda ularga harbiy kollegiya shtatiga muvofiq harbiy unvonlar berish topshirilsin.
6. Oʻzbekiston Respublikasi Moliya vazirligi Oʻzbekiston Respublikasi Oliy Sudiga elektron-hisoblash va nusxa koʻchirish-koʻpaytirish texnikasini sotib olishga, Harbiy kollegiyani joylashtirish uchun binoni qayta jihozlash va tuzatishga Vazirlar Mahkamasining zaxira fondidan 4 mln soʻm ajratsin.
Vazirlar Mahkamasining Raisi I. KARIMOV
Toshkent sh.,
1992-yil 1-dekabr,
563-son
