toggle_night_mode
Hujjat kuchini yo‘qotgan 22.02.2021
Oʻzbekiston Respublikasi Vazirlar Mahkamasining
qarori
“OʻZQIShLOQXOʻJALIKTAʼMINOTTUZATISh” DAVLAT QOʻMITASI KORXONALARIDA MUKAMMAL TUZATIShDAN ChIQQAN DIZEL DVIGATELLARINI SERTIFIKATSIYALASh ChORA-TADBIRLARI TOʻGʻRISIDA
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Traktorlar va murakkab qishloq xoʻjaligi mashinalari dvigatellari puxta tuzatilishini taʼminlash, tuzatish korxonalaridagi texnologiya jarayonlarini texnik talablarga toʻliq muvofiqlashtirish maqsadida Vazirlar Mahkamasi qaror qiladi:
1. Mukammal tuzatishdan chiqqan dizel dvigatellarini sertifikatsiya sinovlariga tayyorlash va ularni oʻtkazishga oid tadbirlar rejasi ilovaga* muvofiq tasdiqlansin.
* Ilova berilmaydi.
2. “Oʻzqishloqxoʻjaliktaʼminottuzatish” davlat qoʻmitasi (Jabborov), Oʻzbekiston Respublikasi Qishloq xoʻjaligi vazirligi (Husanov) va “Oʻzdavstandart” markazi (Asriyans) mukammal tuzatishdan chiqqan dvigatellarni sertifikatsiya sinovlaridan oʻtkazish ishlarini Toshkent tajriba-tuzatish, Asaka va Dalvarzin tuzatish zavodlarida amaldagi normativ hujjatlarga muvofiq tashkil etsinlar.
3. “Oʻzqishloqxoʻjaliktaʼminottuzatish” davlat qoʻmitasi yuqorida aytib oʻtilgan korxonalarni mukammal tuzatishdan chiqqan dvigatellarni sertifikatsiya sinovlaridan oʻtkazishga tayyorlashni oʻz vaqtida yakunlasin, ularning puxta ishlashlarini taʼminlasin (motoresurslar yangi dvigatellarning kamida 80 foizini tashkil qilishi kerak).
4. Mukammal tuzatishdan chiqqan dvigatellarning sertifikatsiya sinovlarini oʻtkazish mazkur ish turini amalga oshirishga vakil qilingan Oʻzbekiston mashina sinash stansiyasiga topshirilsin.
5. Dvigatellarning texnik talablarga qatʼiy muvofiq tarzda tuzatilishini tashkil etish uchun masʼuliyat Toshkent tajriba-tuzatish, Dalvarzin va Asaka tuzatish zavodlari direktorlari hamda “Oʻzqishloqxoʻjaliktaʼminottuzatish” davlat qoʻmitasi raisi T. A. Jabborov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1995-yil 14-avgust,
317-son