773-сон 07.12.2020. Vazirlar Mahkamasining “Davlat xizmatlari markazlari orqali elektron raqamli imzo kalitini roʻyxatga olish va elektron raqamli imzo kalitining sertifikatini berish boʻyicha davlat xizmatlari koʻrsatishning maʼmuriy reglamentini tasdiqlash haqida” 2018-yil 10-maydagi 348-son qaroriga oʻzgartirish va qoʻshimchalar kiritish toʻgʻrisida

Oʻzbekiston Respublikasi Vazirlar Mahkamasining

qarori

Vazirlar Mahkamasining “Davlat xizmatlari markazlari orqali elektron raqamli imzo kalitini roʻyxatga olish va elektron raqamli imzo kalitining sertifikatini berish boʻyicha davlat xizmatlari koʻrsatishning maʼmuriy reglamentini tasdiqlash haqida” 2018-yil 10-maydagi 348-son qaroriga oʻzgartirish va qoʻshimchalar kiritish toʻgʻrisida

Jismoniy va yuridik shaxslar tomonidan elektron raqamli imzo kalitlaridan foydalanishni kengaytirish, elektron raqamli imzo kaliti sertifikatini olishni masofadan amalga oshirish imkoniyatlarini yaratish maqsadida Vazirlar Mahkamasi qaror qiladi:

1. Vazirlar Mahkamasining “Davlat xizmatlari markazlari orqali elektron raqamli imzo kalitini roʻyxatga olish va elektron raqamli imzo kalitining sertifikatini berish boʻyicha davlat xizmatlari koʻrsatishning maʼmuriy reglamentini tasdiqlash haqida” 2018-yil 10-maydagi 348-son qaroriga ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Vazirlar Mahkamasi huzuridagi Davlat personallashtirish markazi mobil aloqa operatorlari bilan birgalikda axborot xavfsizligini taʼminlash choralarini koʻrgan holda hamda “Shaxsga doir maʼlumotlar toʻgʻrisida”gi Oʻzbekiston Respublikasi Qonuni talablariga muvofiq 2021-yil 1-iyulga qadar bosqichma-bosqich mobil aloqa abonenti — jismoniy shaxs toʻgʻrisidagi maʼlumotlarni uning shaxsiy identifikatsiya raqami boʻyicha olish yuzasidan Davlat soliq qoʻmitasi huzuridagi Yangi texnologiyalar ilmiy-axborot markazi hamda Adliya vazirligi huzuridagi Davlat xizmatlari agentligi bilan idoralararo elektron hamkorlik yoʻlga qoʻyilishini taʼminlasin.

3. Oʻzbekiston Respublikasi Adliya vazirligi hamda Davlat soliq qoʻmitasi manfaatdor vazirliklar va idoralar bilan birgalikda oʻzlari qabul qilgan idoraviy normativ-huquqiy hujjatlarni ikki oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov, adliya vaziri R.Q. Davletov hamda Davlat soliq qoʻmitasi raisi Sh.D. Kudbiyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 7-dekabr,

773-son

Vazirlar Mahkamasining 2020-yil 7-dekabrdagi 773-son qaroriga
ILOVA

1. Qarorning nomi quyidagi tahrirda bayon qilinsin:

“Davlat xizmatlari markazlari yoki onlayn tarzda (masofadan turib) rasmiy axborot resurslari orqali elektron raqamli imzo kalitini roʻyxatga olish va elektron raqamli imzo kalitining sertifikatini berish boʻyicha davlat xizmatlari koʻrsatishning maʼmuriy reglamentini tasdiqlash haqida”.

2. 1-band quyidagi tahrirda bayon qilinsin:

“1. Davlat xizmatlari markazlari yoki onlayn tarzda (masofadan turib) rasmiy axborot resurslari orqali elektron raqamli imzo kalitini roʻyxatga olish va elektron raqamli imzo kalitining sertifikatini berish boʻyicha davlat xizmatlari koʻrsatishning maʼmuriy reglamenti ilovaga muvofiq tasdiqlansin”.

3. Ilovada:

a) Maʼmuriy reglamentning nomi quyidagi tahrirda bayon qilinsin:

b) 1 va 2-bandlarga “Davlat xizmatlari markazlari” soʻzlaridan keyin “yoki onlayn tarzda (masofadan turib) rasmiy axborot resurslari” soʻzlari qoʻshilsin;

v) 3-bandga quyidagi mazmundagi xatboshi qoʻshilsin:

“rasmiy axborot resursi — ERI kalitlarini roʻyxatdan oʻtkazish va ERI kalitlarining sertifikatlarini olish uchun jismoniy shaxslar va yuridik shaxslarning rahbarlari tomonidan elektron hisoblash mashinasi vositasida ERI yopiq kalitini yaratish va saqlash imkoniyatini taʼminlab beruvchi vakolatli organ rasmiy veb-sayti”;

g) 5-bandga quyidagi mazmundagi xatboshi qoʻshilsin:

“ERI kalitlarining sertifikatlarini berish uchun yuridik shaxslar tomonidan yigʻim bank hisobvaraqlaridan pul koʻchirish yoʻli bilan bir qatorda bank kartalari orqali naqd pulsiz shaklda toʻlov tizimi operatorlari orqali amalga oshirilishiga yoʻl qoʻyiladi. Bunda toʻlov tizimi operatorlari orqali amalga oshirilgan har bir toʻlov Davlat xizmatlari markazlarining biriktirilgan xodimlari tomonidan tekshirib, qayd qilinadi”;

d) 6-bandda:

“a” kichik bandga “oʻzi kelib” soʻzlaridan keyin “yoki rasmiy axborot resursi orqali” soʻzlari qoʻshilsin;

“b” kichik bandning uchinchi xatboshisi quyidagi tahrirda bayon qilinsin:

“11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisob raqamiga”;

e) 8-band quyidagi tahrirda bayon qilinsin:

“8. ERI kalitlarini roʻyxatdan oʻtkazish va ERI kalitlarining sertifikatlarini olish uchun jismoniy shaxslar va yuridik shaxslar (keyingi oʻrinlarda — murojaat etuvchilar) Davlat xizmatlari markazlariga bevosita yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — Yagona portal) yoki rasmiy axborot resursi orqali elektron tarzda murojaat qiladilar.

Bunda Yagona portal yoki rasmiy axborot resursi orqali ERI kalitlarini roʻyxatdan oʻtkazish hamda ERI kalitlarining sertifikatlarini olish uchun faqat yuridik shaxslarning rahbarlari murojaat qilishlari mumkin. Yuridik shaxslarning boshqa vakillari ERI kalitlarini va ularning sertifikatini olish uchun Davlat xizmatlari markazlariga bevosita murojaat qilishga haqli.

ERI kalitining sertifikatini Davlat xizmatlari markazlari, Yagona portal yoki rasmiy axborot resursi orqali olish ushbu Maʼmuriy reglamentga 1 va 1a-ilovalarga muvofiq sxema boʻyicha amalga oshiriladi”;

j) 9-bandda:

birinchi xatboshi quyidagi tahrirda bayon qilinsin:

“Bevosita murojaat qilinganda Davlat xizmatlari markazi xodimi murojaat etuvchining nomidan soʻrovnomani toʻldiradi”;

quyidagi mazmundagi ikkinchi xatboshi qoʻshilsin:

“Yagona portal yoki rasmiy axborot resursi orqali murojaat qilingan hollarda murojaat qiluvchi mustaqil ravishda ushbu Maʼmuriy reglamentga 2-ilovaga muvofiq elektron shaklda davlat xizmatlaridan foydalanish toʻgʻrisidagi soʻrovnomani toʻldiradi va soʻrovnomaga elektron murojaat qiluvchining pasporti (ID-karta) nusxasi hamda pasportning asosiy sahifasi (ID-karta) bilan birgalikda selfi usulida olingan fotosurat nusxasi ilova qilinadi. Bunda ilova qilinayotgan fotosurat nusxasida murojaat qiluvchi yuz qiyofasi tiniq koʻringan hamda pasportning asosiy sahifasi (ID-karta) barcha rekvizitlari oʻqib boʻladigan sifatda boʻlishi shart”;

ikkinchi — beshinchi xatboshilar tegishlicha uchinchi — oltinchi xatboshilar deb hisoblansin;

z) 10-band quyidagi tahrirda bayon qilinsin:

“10. Davlat xizmatlari markazi ERI kalitining sertifikatini berish toʻgʻrisidagi soʻrovnomani qabul qilganidan soʻng yigirma daqiqa vaqt ichida undagi maʼlumotlarni Davlat xizmatlari markazi xodimining ERI bilan tasdiqlangan holda vakolatli organning axborot tizimiga idoralararo elektron oʻzaro bogʻlanish yoʻli bilan yuboradi.

ERI kalitining sertifikatini berish toʻgʻrisidagi soʻrovnoma Yagona portal yoki rasmiy axborot resursi orqali tushgan hollarda, bir ish kuni ichida undagi maʼlumotlar Davlat xizmatlari markazi xodimining ERI bilan tasdiqlangan holda vakolatli organning axborot tizimiga idoralararo elektron oʻzaro bogʻlanish yoʻli bilan yuboriladi.

Bunda Davlat xizmatlari markazi xodimi soʻrovnomani vakolatli organga yuborishdan oldin murojaat qiluvchining shaxsini aniqlash uchun quyidagilarni amalga oshiradi:

soʻrovnomada koʻrsatilgan mobil aloqa abonent raqami murojaat qiluvchiga tegishliligini idoralararo maʼlumotlar almashish tizimi orqali tekshiradi;

murojaat qiluvchining pasporti (ID-karta) asosiy sahifasining va selfi-foto nusxasi boʻyicha pasportning (ID-kartaning) haqiqiyligini idoralararo maʼlumotlar almashish tizimi orqali tekshiradi;

murojaat qiluvchining STIR orqali vakolatli organ axborot tizimidagi maʼlumotlarni soʻrovnomadagi maʼlumotlar bilan idoralararo maʼlumotlar almashish tizimi orqali solishtiradi”;

i) 12-banddagi “elektron hujjat shaklida” soʻzlaridan keyin “murojaat qiluvchiga Yagona portal yoki rasmiy axborot resursi va” soʻzlari qoʻshilsin;

k) 14-bandga quyidagi mazmundagi xatboshi qoʻshilsin:

“ERI kaliti sertifikati Yagona portal yoki rasmiy axborot resursi orqali olinganda, ERI yopiq kaliti egasi ERI kalitining sertifikatini hamda chop etishga moʻljallangan elektron hujjat shaklidagi nusxasini Yagona portal yoki rasmiy axborot resursi tizimida tasdiqlagan holda yuklab oladi”;

l) 17-band quyidagi tahrirda bayon qilinsin:

“17. Vakolatli organ tomonidan ERI kalitining sertifikatini berishni rad etishga quyidagilar asos boʻlishi mumkin:

a) Davlat xizmatlari markazlariga bevosita murojaat qilingan hollarda:

murojaat qiluvchi taqdim etgan soʻrovnomada notoʻgʻri yoki buzib koʻrsatilgan maʼlumotlarning mavjudligi;

ERI kalitining sertifikatini berish uchun toʻlov amalga oshirilmaganligi, qonun hujjatlarida ERI kalitlarining sertifikatlarini bepul olish nazarda tutilgan hollar bundan mustasno;

murojaat qiluvchining hujjatlarni zarur tarzda rasmiylashtirmay taqdim etishi;

b) Yagona portal yoki rasmiy axborot resursi orqali elektron tarzda murojaat qilingan hollarda:

murojaat qiluvchining shaxsi tasdiqlanmagan taqdirda;

murojaat etuvchi taqdim etgan soʻrovnomada notoʻgʻri yoki buzib koʻrsatilgan maʼlumotlarning mavjudligi (shu jumladan, soʻrovnomada koʻrsatilgan mobil aloqa abonent raqami murojaat qiluvchiga tegishli emasligi);

ERI kalitining sertifikatini berish uchun toʻlov amalga oshirilmaganligi;

murojaat etuvchining hujjatlarni zarur tarzda rasmiylashtirmay taqdim etishi.

Boshqa asoslarga koʻra, shu jumladan, ERI kalitining sertifikatini berish maqsadga muvofiq emas degan sabablar bilan rad etishga yoʻl qoʻyilmaydi”;

m) 18-bandga “Yagona portal” soʻzlaridan keyin “yoki rasmiy axborot resursi” soʻzlari qoʻshilsin;

n) 20-bandda:

“yoki Yagona portal orqali” soʻzlari chiqarib tashlansin;

quyidagi mazmundagi xatboshi qoʻshilsin:

“Yagona portal yoki rasmiy axborot resursi orqali murojaat qilinganda, ERI kaliti sertifikatini berishning rad etilishiga asos boʻlgan sabablar murojaat qiluvchi tomonidan bartaraf etilgan taqdirda, soʻrovnomani qayta koʻrib chiqish Davlat xizmatlari markaziga bevosita murojaat qilish orqali ushbu Maʼmuriy reglamentning 10 — 15-bandlarida koʻrsatilgan tartibda amalga oshiriladi”;

o) Maʼmuriy reglamentga 1-ilova quyidagi tahrirda bayon qilinsin:

Davlat xizmatlari markazlari orqali davlat va xoʻjalik boshqaruvi organlari, mahalliy davlat hokimiyati organlari hamda tijorat banklari tomonidan koʻrsatiladigan barcha turdagi xizmatlardan erkin foydalanishni taʼminlaydigan elektron raqamli imzo kalitining sertifikatini berish boʻyicha davlat xizmatlari koʻrsatish

SXEMASI

Bosqichlar	Subyektlar	Tadbirlar	Bajarish muddati

1-bosqich	Murojaat qiluvchi	1. ERI kaliti sertifikatini olish uchun Davlat xizmatlari markaziga oʻzi kelgan holda murojaat qilish;	1. Xohishiga koʻra
1-bosqich	Murojaat qiluvchi	2. Davlat xizmatlarini koʻrsatish uchun yigʻimni toʻlash.	2. Murojaat qilinganda

2-bosqich	Davlat xizmatlari markazi	1. Murojaat qiluvchi nomidan soʻrovnomani toʻldirish hamda vakolatli organga yuborish.	1. 20 daqiqa ichida
2-bosqich	Davlat xizmatlari markazi	2. Soʻrovnomani vakolatli organga yuborish.	2. Avtomatik ravishda

3-bosqich	Vakolatli organ	1. Taqdim etilgan maʼlumotlarni koʻrib chiqish. 2. ERI kalitlarini roʻyxatga olish va ERI sertifikatini rasmiylashtirish yoki rad etish xabarnomasini tayyorlash. 3. ERI kaliti sertifikatini reyestrga kiritish, murojaat qiluvchiga sms-xabar shaklida ERI kaliti parolini joʻnatish. 4. Rasmiylashtirilgan ERI kaliti sertifikatini yoki asoslangan sabablarga koʻra rad etish xabarnomasini Davlat xizmatlari markaziga yuborish.	Avtomatik ravishda
3-bosqich	Vakolatli organ		Avtomatik ravishda

4-bosqich	Davlat xizmatlari markazi	1. Vakolatli organdan ERI kaliti sertifikatini yoki asoslangan sabablarga koʻra rad etish xabarnomasini olish. 2. ERI yopiq kaliti egasi shaxsini aniqlash, ERI kalitlarini va ERI sertifikatini oʻzga maʼlumot manbaiga yozish. 3. Qogʻoz hujjat shaklidagi ERI kaliti sertifikatini rasmiylashtirish va ERI yopiq kaliti egasiga berish yoki asoslangan sabablarga koʻra rad etish.	20 daqiqa ichida
4-bosqich	Davlat xizmatlari markazi		20 daqiqa ichida	”;

p) Quyidagi mazmundagi 1a-ilova qoʻshilsin:

Yagona portal yoki rasmiy axborot resursi orqali davlat va xoʻjalik boshqaruvi organlari, mahalliy davlat hokimiyati organlari hamda tijorat banklari tomonidan koʻrsatiladigan barcha turdagi xizmatlardan erkin foydalanishni taʼminlaydigan elektron raqamli imzo kalitining sertifikatini berish boʻyicha davlat xizmatlarini koʻrsatish

SXEMASI

Bosqichlar	Subyektlar	Tadbirlar	Bajarish muddati

1-bosqich	Murojaat qiluvchi	1. ERI kaliti sertifikatini olish uchun soʻrovnomani va unga ilova qilinadigan hujjatlarni Yagona portal yoki rasmiy axborot resursi orqali Davlat xizmatlari markaziga yuborish.	1. Xohishiga koʻra
			1. Xohishiga koʻra
		2. Davlat xizmatini koʻrsatish uchun yigʻimni toʻlash.	2. Murojaat qilinganda

2-bosqich	Davlat xizmatlari markazi	1. Soʻrovnomaning toʻliqligi va toʻgʻriligini hamda murojaat qiluvchining shaxsini masofadan turib aniqlash. 2. Murojaat etuvchi nomidan soʻrovnomani toʻldirish va unga ilova qilingan hujjatlar bilan birgalikda vakolatli organga yuborish.	1 ish kuni ichida
2-bosqich	Davlat xizmatlari markazi		1 ish kuni ichida

3-bosqich	Vakolatli organ	1. Taqdim etilgan maʼlumotlarni koʻrib chiqish. 2. ERI kalitlarini roʻyxatga olish va ERI sertifikatini rasmiylashtirish yoki rad etish xabarnomasini tayyorlash. 3. ERI kaliti sertifikatini reyestrga kiritish va sms-xabar shaklida ERI sertifikatini olinganligini tasdiqlash toʻgʻrisida axborot joʻnatish. 4. Rasmiylashtirilgan ERI kaliti sertifikatini yoki asoslangan sabablarga koʻra rad etish xabarnomasini Davlat xizmatlari markaziga va murojaat qiluvchiga yuborish.	Avtomatik tarzda
3-bosqich	Vakolatli organ		Avtomatik tarzda

4-bosqich	Murojaat qiluvchi	1. Yagona portal yoki rasmiy axborot resursidagi shaxsiy kabinetdan ERI kaliti sertifikatini yoki asoslangan sabablarga koʻra rad etish xabarnomasini olish va olinganligini tasdiqlash. 2. ERI kalitining sertifikatini hamda chop etishga moʻljallangan elektron hujjat shaklidagi nusxasini yuklab olganligi haqida tasdiqlagan holda vakolatli organni xabardor qilish.	1 soat ichida	”;
4-bosqich	Murojaat qiluvchi		1 soat ichida	”;

r) 2-ilovaning 2-2-2-bandidagi “izoh” qismiga quyidagi mazmundagi ikkinchi xatboshi qoʻshilsin:

“ERI kaliti sertifikati Yagona portal yoki rasmiy axborot resursi orqali olinganda, murojaat qiluvchining pasporti (ID-karta) nusxasi hamda pasportning asosiy sahifasi (ID-karta) bilan birgalikda “selfi” usulida olingan fotosurat nusxasi ilova qilinadi”.

(Qonun hujjatlari maʼlumotlari milliy bazasi, 07.12.2020-y., 09/20/773/1606-son)