toggle_night_mode
Hujjat kuchini yo‘qotgan 31.03.1998
O‘zbekiston Respublikasi Vazirlar Mahkamasining
qarori
IMPORT BOJ POShLINALARINI QO‘LLASh TARTIBI TO‘G‘RISIDA
 LexUZ sharhi
Mazkur qaror O‘zbekiston Respublikasi Vazirlar Mahkamasining 1998-yil 31-martdagi 137-sonli “O‘zbekiston Respublikasida tashqi savdo faoliyatini erkinlashtirish bo‘yicha qo‘shimcha chora-tadbirlar to‘g‘risida”gi qaroriga muvofiq o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasida tashqi iqtisodiy faoliyatni yanada erkinlashtirish to‘g‘risida”gi Farmonni bajarish yuzasidan, O‘zbekiston Respublikasining xalqaro shartnomalariga muvofiq import (chetdan keltirish) boj poshlinalarini qo‘llashni tartibga solish maqsadida Vazirlar Mahkamasi qaror qiladi:
1. Import boj poshlinalari stavkalari joriy etilgan paytdan boshlab 1-ilovaga muvofiq mamlakatlar boj hududidan kelib chiqqan yuridik va jismoniy shaxslar tomonidan O‘zbekiston Respublikasining boj hududiga keltirilgan tovarlardan boj poshlinalari olinmaydi.
2. O‘zbekiston Respublikasi savdo-iqtisodiy munosabatlarda eng qulay shart-sharoitlar tartibini o‘rnatadigan mamlakatlar ro‘yxati 2-ilovaga muvofiq ma’lumot uchun qabul qilinsin.
3. O‘zbekiston Respublikasi Tashqi iqtisodiy aloqalar vazirligiga Tashqi ishlar vazirligi, Adliya vazirligi va Davlat soliq qo‘mitasi bilan birgalikda, imzolangan xalqaro shartnomalar asosida, 1 va 2-ilovalarga o‘zgartirish va qo‘shimchalar kiritish huquqi berilsin.
4. O‘zbekiston Respublikasi Vazirlar Mahkamasining 1995-yil 25-iyuldagi 287-son qarori 3-bandining 3 xatboshi va 4-bandi o‘z kuchini yo‘qotgan deb hisoblansin.
Vazirlar Mahkamasining Raisi I. KARIMOV
Toshkent sh.,
1995-yil 7-oktabr,
389-son
Vazirlar Mahkamasining
1995-yil 7-oktabrdagi 389-son qaroriga
1-ILOVA
Erkin savdo tartibini nazarda tutuvchi bitimlar imzolangan erkin savdo zonasini tashkil etish to‘g‘risidagi Bitim ishtirokchilari bo‘lgan davlatlar
ro‘yxati
1. Belarus Respublikasi
2. Gruziya Respublikasi
3. Qozog‘iston Respublikasi
4. Qirg‘iziston Respublikasi
5. Moldova Respublikasi
6. Rossiya Federatsiyasi
7. Turkmaniston*
* Ikki tomonlama bitimlarga muvofiq o‘zaro kelishilgan ro‘yxatga kiritilgan tovarlardan import boj poshlinalari olinmaydi.
8. Ukraina
Vazirlar Mahkamasining
1995-yil 7-oktabrdagi 389-son qaroriga
2-ILOVA
Eng qulay savdo-sotiq tartibini yaratgan holda savdo-iqtisodiy hamkorlik to‘g‘risida Bitimlar imzolangan mamlakatlar
RO‘YXATI
1. Avstriya
2. Belgiya
3. Vengriya
4. Vyetnam
5. Germaniya
6. Gretsiya
7. Daniya
8. Hindiston
9. Buyuk Britaniya
10. Irlandiya
11. Ispaniya
12. Italiya
13. Koreya
14. Xitoy
15. Latviya
16. Litva
17. Lyuksemburg
18. Niderlandiya
19. Portugaliya
20. Pokiston
21. Polsha
22. Ruminiya
23. Slovakiya
24. AQSh
25. Turkiya
26. Finlandiya
27. Fransiya
28. Chexiya
29. Shveysariya
30. Shvetsiya
31. Estoniya
32. Yaponiya
(O‘zbekiston Respublikasi Hukumatining qarorlari to‘plami, 1995-y., 10-son, 38-modda)