Oʻzbekiston Respublikasi Vazirlar Mahkamasining “Ixtisoslashtirilgan “Oʻzauksionsavdo” tashkilotini tugatish toʻgʻrisida” 2005-yil 11-yanvardagi 13-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Quyidagilar:

Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish va ayrimlarini oʻz kuchini yoʻqotgan deb hisoblash toʻgʻrisida” 2003-yil 14-yanvardagi 17-son qaroriga 1-ilovaning 30-bandi;

Vazirlar Mahkamasining “Ishlab chiqarilgan va sotiladigan paxta tolasi uchun hisob-kitob qilish mexanizmini takomillashtirish toʻgʻrisida” 2003-yil 3-iyundagi 240-son qarorining 6-bandi;

Vazirlar Mahkamasining “Mahsulotlar, xom ashyo va materiallarning yuqori likvidli turlarini sotishning bozor mexanizmlarini joriy etishni davom ettirish toʻgʻrisida” 2004-yil 5-fevraldagi 57-son qaroriga 3-ilovaning 42-bandi (Oʻzbekiston Respublikasi QT, 2004-y., 2-son, 10-modda) oʻz kuchini yoʻqotgan deb hisoblansin.

1. Vazirlar Mahkamasining “Valyuta bozorini yanada erkinlashtirish chora-tadbirlari toʻgʻrisida” 2001-yil 22-iyundagi 263-son qarori 4-bandining beshinchi xatboshi va 6-bandining birinchi—toʻrtinchi xatboshlari (Oʻzbekiston Respublikasi QT, 2001-y., 6-son, 30-modda) chiqarib tashlansin.

2. Vazirlar Mahkamasining “Birjadan tashqari valyuta bozori faoliyatini tashkil etish chora-tadbirlari toʻgʻrisida” 2001-yil 10-iyuldagi 294-son qaroriga 1-ilova 4-bandining toʻrtinchi xatboshi va 7-bandining “b” kichik bandi (Oʻzbekiston Respublikasi QT, 2001-y., 7-son, 38-modda) chiqarib tashlansin.

3. Vazirlar Mahkamasining “Osiyo taraqqiyot banki hamda Xalqaro tiklanish va taraqqiyot banki ishtirokidagi loyihalarni amalga oshirish uchun normativ hujjatlarni tasdiqlash toʻgʻrisida” 2004-yil 30-martdagi 153-son qaroriga 4-ilova 4-bandining uchinchi xatboshi, 5-bandining beshinchi xatboshi va 8-bandining birinchi xatboshi chiqarib tashlansin.

4. Vazirlar Mahkamasining “Tovar-xom ashyo birjalari faoliyatini takomillashtirishga doir qoʻshimcha chora-tadbirlar toʻgʻrisida” 2004-yil 31-maydagi 251-son qaroriga 1-ilovada (Oʻzbekiston Respublikasi QT, 2004-y., 5-son, 50-modda):

“Oʻzauksionsavdo” shuʼba korxonasi” bloki chiqarib tashlansin;

“127” raqami “117” raqami bilan almashtirilsin.