toggle_night_mode
Hujjat kuchini yo‘qotgan 15.02.2021
Oʻzbekiston Respublikasi Moliya vazirligi
Oʻzbekiston Respublikasi Mehnat va aholini ijtimoiy muhofaza qilish vazirligining
Qarori
BOShQARUV APPARATI XODIMLARI SONI QISQARIShI MUNOSABATI BILAN BOʻShAB QOLADIGAN MABLAGʻLARDAN FOYDALANISh TARTIBI TOʻGʻRISIDAGI NIZOMNI TASDIQLASh HAQIDA
[Oʻzbekiston Respublikasi Adliya vazirligi tomonidan 2004-yil 9-fevralda 1310-son bilan davlat roʻyxatidan oʻtkazildi ]
 LexUZ sharhi
Mazkur qaror Oʻzbekiston Respublikasi Moliya vazirligining 2021-yil 29-yanvardagi 5-son va Bandlik va mehnat munosabatlari vazirligining 2021-yil 29-yanvardagi 07-2021/k/k-sonli ““Boshqaruv apparati xodimlari soni qisqarishi munosabati bilan boʻshab qoladigan mablagʻlardan foydalanish tartibi toʻgʻrisidagi nizomni tasdiqlash haqida”gi qarorni oʻz kuchini yoʻqotgan deb topish toʻgʻrisida”gi qaroriga (roʻyxat raqami 1310-1, 15.02.2021-y.) asosan oʻz kuchini yoʻqotgan.
Oʻzbekiston Respublikasi Vazirlar Mahkamasining “Davlat va xoʻjalik boshqaruvi respublika organlarining boshqaruv xodimlari sonini maqbullashtirish va qisqartirish toʻgʻrisida”gi 2004-yil 5-yanvardagi 1-son qarorining 5-bandiga muvofiq Oʻzbekiston Respublikasi Moliya vazirligi va Mehnat va aholini ijtimoiy muhofaza qilish vazirligi qaror qiladi:
1. Boshqaruv apparati xodimlari soni qisqarishi munosabati bilan boʻshab qoladigan mablagʻlardan foydalanish tartibi toʻgʻrisidagi nizom ilovaga* muvofiq tasdiqlansin.
* Ilova rus tilidagi matnda berilgan.
2. Oʻzbekiston Respublikasi Moliya vazirligi va Mehnat va aholini ijtimoiy himoya qilish vazirligining 2002-yil 26-fevraldagi “Son jihatidan qisqartirilganligi tufayli boshqaruv idoralarini taʼminlash uchun xarajatlarni moliyalash tartibi toʻgʻrisidagi nizomni tasdiqlash haqida”gi 20 va 72-son qaror (2002-yil 13-mart, roʻyxat raqami 1116-son — Meʼyoriy hujjatlar axborotnomasi, 2002-yil 5-son) oʻz kuchini yoʻqotgan deb hisoblansin.
3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin amalga kiritilsin.
Moliya vaziri M. NURMURATOV
Toshkent sh.,
2004-yil 20-yanvar,
20-son
Mehnat va aholini ijtimoiy muhofaza qilish vaziri A. OBIDOV
Toshkent sh.,
2004-yil 20-yanvar,
72-son
(Oʻzbekiston Respublikasi Qonun hujjatlari toʻplami, 2004-y., 6-con, 78-modda)