Oʻzbekiston Respublikasining Oliy Kengashi qaror qiladi:

1. “Kasaba uyushmalari, ularning huquqlari va faoliyatining kafolatlari toʻgʻrisida”gi Oʻzbekiston Respublikasi Qonuni eʼlon qilingan paytdan boshlab amalga kiritilsin.

2. Belgilab qoʻyilsinki, Oʻzbekiston Respublikasining qonunlari “Kasaba uyushmalari, ularning huquqlari va faoliyatining kafolatlari toʻgʻrisida”gi Oʻzbekiston Respublikasi Qonuni bilan muvofiqlashtirilguniga qadar Oʻzbekiston Respublikasi amaldagi qonun hujjatlarining ushbu Qonunga zid boʻlmagan qismlari qoʻllanilaveradi.

3. Oʻzbekiston Respublikasi Prezidenti huzuridagi Vazirlar Mahkamasiga uch oy muddat ichida:

Oʻzbekiston Respublikasining qonun hujjatlarini “Kasaba uyushmalari, ularning huquqlari va faoliyatining kafolatlari toʻgʻrisida”gi Oʻzbekiston Respublikasi Qonuniga muvofiqlashtirish haqida Oʻzbekiston Respublikasi Oliy Kengashiga takliflar kiritsin;

Oʻzbekiston Respublikasi Hukumati qarorlarini “Kasaba uyushmalari, ularning huquqlari va faoliyatining kafolatlari toʻgʻrisida”gi Oʻzbekiston Respublikasi Qonuniga muvofiqlashtirsin;

Oʻzbekiston Respublikasining vazirliklari, davlat qoʻmitalari, idoralari, konsernlari oʻzlarining ushbu Qonunga zid boʻlgan meʼyoriy hujjatlarini qayta koʻrib chiqishlari va bekor qilishlarini taʼminlasin.

4. Oʻzbekiston kasaba uyushmalari Federatsiyasi Kengashiga mazkur qarorning 3-moddasida Oʻzbekiston Respublikasi Prezidenti huzuridagi Vazirlar Mahkamasi zimmasiga yuklatilgan topshiriqlar bajarilishida ishtirok etish tavsiya qilinsin.