539-сон 04.09.2020. Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shugʻullanuvchi jismoniy shaxslar toʻgʻrisidagi maʼlumotlarni yigʻish, qayta ishlash va saqlash mexanizmlarini yanada takomillashtirish chora-tadbirlari toʻgʻrisida

O‘zbekiston Respublikasi Vazirlar Mahkamasining

qarori

Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslar to‘g‘risidagi ma’lumotlarni yig‘ish, qayta ishlash va saqlash mexanizmlarini yanada takomillashtirish chora-tadbirlari to‘g‘risida

Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslar to‘g‘risida yagona markazlashtirilgan axborot manbaini shakllantirish, shuningdek, davlat xizmatlarini ko‘rsatishda idoralararo elektron hamkorlikni ta’minlash maqsadida Vazirlar Mahkamasi qaror qiladi:

1. Quyidagilar:

Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasini shakllantirish va yuritish tartibi to‘g‘risidagi nizom 1-ilovaga muvofiq;

Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasidagi ma’lumotlarni qayta ishlashda foydalaniladigan klassifikator va ma’lumotnomalar ro‘yxati 2-ilovaga muvofiq tasdiqlansin.

2. Belgilansinki:

O‘zbekiston Respublikasi Davlat soliq qo‘mitasi yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasini (keyingi o‘rinlarda — markaziy ma’lumotlar bazasi) yuritish bo‘yicha vakolatli organ hisoblanadi;

markaziy ma’lumotlar bazasi soliq organlarining Yagona integratsiyalashtirilgan axborot-resurs bazasi negizida tashkil etiladi va yuritiladi;

markaziy ma’lumotlar bazasini tashkil etish, amaliyotga joriy qilish va yuritishni moliyalashtirish O‘zbekiston Respublikasi Davlat soliq qo‘mitasining Ma’lumotlarni qayta ishlash markazini modernizatsiya qilish va soliq ma’muriyatchiligida zamonaviy axborot-kommunikatsiya texnologiyalarini keng joriy etish loyihasining moliyalashtirish mablag‘lari hisobidan amalga oshiriladi;

markaziy ma’lumotlar bazasi davlat xizmatlarini ko‘rsatish va davlat organlari hamda boshqa tashkilotlar bilan idoralararo elektron hamkorlik uchun zarur bo‘lgan yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslar to‘g‘risidagi yagona ma’lumot manbai hisoblanadi;

mazkur qarorga 2-ilovada keltirilgan ro‘yxatga muvofiq mas’ul davlat organlari tomonidan tegishli ma’lumotnomalar va klassifikatorlar Vazirlar Mahkamasining 2020-yil 16-iyuldagi 444-son qarori bilan tasdiqlangan Elektron hukumatning ma’lumotnomalar va klassifikatorlar registrini shakllantirish va yuritish hamda yagona identifikatorlardan foydalanish tartibi to‘g‘risidagi nizomga muvofiq “Elektron hukumatning ma’lumotnomalar va klassifikatorlar registri” axborot tizimida joylashtiriladi va yangilab boriladi.

3. O‘zbekiston Respublikasi Davlat soliq qo‘mitasi manfaatdor vazirlik va idoralar bilan birgalikda:

a) bir oy muddatda 2020-yil 1-dekabrga qadar davlat organlari va tashkilotlarining axborot tizimlari va resurslarini markaziy ma’lumotlar bazasiga integratsiya qilish grafigini tasdiqlasin;

b) uch oy muddatda:

Davlat soliq qo‘mitasining Moddiy yordam, ijtimoiy himoya, soliq organlarini rivojlantirish va ko‘zda tutilmagan xarajatlar maxsus jamg‘armasi mablag‘lari hisobidan kiberxavfsizlik talablariga javob beradigan zamonaviy server uskunalarini xarid qilsin va o‘rnatsin, “Elektron hukumat” tizimi doirasida idoralararo elektron hamkorlikni ta’minlash uchun ishlatiluvchi server uskunalari keyinchalik Elektron hukumatning ma’lumotlarni qayta ishlash yagona markaziga joylashtirilishini nazarda tutsin;

davlat organlari va tashkilotlarining axborot tizimlarini markaziy ma’lumotlar bazasi bilan birlashtirish uchun texnik talablarni tasdiqlasin;

v) 2021-yil 1-yanvarga qadar markaziy ma’lumotlar bazasini ishlab chiqsin va ishga tushirsin.

4. Markaziy ma’lumotlar bazasiga ma’lumotlarning kiritilishi va yangilanishiga mas’ul bo‘lgan davlat organlari va tashkilotlari:

ikki oy muddatda mazkur qarorga 2-ilovada keltirilgan ma’lumotnomalar va klassifikatorlardan foydalanish bo‘yicha o‘zlarining axborot tizimlari va ma’lumotlar bazalariga o‘zgartirish kiritilishini ta’minlasinlar;

2021-yil 1-yanvarga qadar yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslar to‘g‘risida o‘zlarining mavjud ma’lumotlar bazalaridagi ma’lumotlarni haqqoniyligi va dolzarbligini ta’minlash bo‘yicha xatlovdan o‘tkazsinlar.

5. O‘zbekiston Respublikasi Davlat statistika qo‘mitasi:

Davlat soliq qo‘mitasi, Iqtisodiy taraqqiyot va kambag‘allikni qisqartirish vazirligi, Investitsiyalar va tashqi savdo vazirligi bilan birgalikda markaziy ma’lumotlar bazasidagi yig‘ma ma’lumotlarni e’lon qilish jadvallari namunalarini bir oy muddatda ishlab chiqsin va tasdiqlasin;

har oy yakuni bo‘yicha tahliliy ma’lumotlarni belgilangan tartibda vazirlik va idoralarga taqdim etib borishni ta’minlasin.

6. O‘zbekiston Respublikasi Davlat soliq qo‘mitasi Axborot texnologiyalari va kommunikatsiyalarini rivojlantirish vazirligi hamda tegishli davlat organlari va tashkilotlari bilan birgalikda idoralararo elektron hamkorlik orqali quyidagi ma’lumotlarning:

O‘zbekiston Respublikasi Adliya vazirligi — ro‘yxatdan o‘tgan nodavlat notijorat tashkilotlari, advokatlik byurolari va firmalari, advokatlar hay’ati to‘g‘risidagi;

O‘zbekiston Respublikasi Markaziy banki — ro‘yxatdan o‘tgan banklar, kredit byurolari va xorijiy banklarning vakolatxonalari to‘g‘risidagi;

O‘zbekiston Respublikasi Tashqi ishlar vazirligi — akkreditatsiyadan o‘tgan diplomatik vakolatxonalar, xorijiy davlatlarning konsullik muassasalari, xalqaro tashkilotlarning vakolatxonalari to‘g‘risidagi;

O‘zbekiston Respublikasi Investitsiyalar va tashqi savdo vazirligi — xorijiy tijorat tashkilotlarining akkreditatsiyadan o‘tgan vakolatxonalari to‘g‘risidagi ma’lumotlar markaziy ma’lumotlar bazasiga o‘tkazilishini ta’minlasin.

7. O‘zbekiston Respublikasi Hukumatining 3-ilovaga muvofiq ayrim qarorlariga o‘zgartirishlar kiritilsin.

8. Mazkur qarorning 7-bandi 2021-yil 1-yanvardan e’tiboran kuchga kiradi.

9. O‘zbekiston Respublikasi Davlat soliq qo‘mitasi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

10. Ushbu qarorning bajarilishini nazorat qilish O‘zbekiston Respublikasi Bosh vazirining maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshlig‘i O.M. Umarov hamda O‘zbekiston Respublikasi Davlat soliq qo‘mitasi raisi Sh.D. Kudbiyev zimmasiga yuklansin.

O‘zbekiston Respublikasining Bosh vaziri A. ARIPOV

Toshkent sh.,

2020-yil 4-sentabr,

539-son

Vazirlar Mahkamasining 2020-yil 4-sentabrdagi 539-son qaroriga
1-ILOVA

NIZOM

1-bob. Umumiy qoidalar

1. Ushbu Nizom yuridik shaxslar, O‘zbekiston Respublikasidagi faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari, akkreditatsiyadan o‘tgan diplomatik vakolatxonalar, xorijiy davlatlarning konsullik muassasalari, xalqaro tashkilotlarning vakolatxonalari hamda tadbirkorlik faoliyati bilan shug‘ullanuvchi jismoniy shaxslarning (yakka tartibdagi tadbirkorlarning) markaziy ma’lumotlar bazasini (keyingi o‘rinlarda — markaziy ma’lumotlar bazasi) shakllantirish, yangilash, yuritish va ulardan foydalanish tartibini belgilaydi.

2. Markaziy ma’lumotlar bazasida davlat xizmatlarini ko‘rsatish va davlat organlari va boshqa tashkilotlar (keyingi o‘rinlarda — vakolatli organlar) bilan idoralararo elektron hamkorlik qilish uchun zarur bo‘lgan yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslar to‘g‘risidagi ma’lumotlar manbai bo‘lgan davlat axborot resursi jamlanadi.

3. Markaziy ma’lumotlar bazasi:

davlat xizmatlarini, jumladan, elektron shaklda ko‘rsatish;

davlat xizmatlarini ko‘rsatish jarayonlarini avtomatlashtirish va vaqtini qisqartirish;

davlat xizmatlarini ko‘rsatish va idoralararo elektron hamkorlik uchun zarur bo‘lgan yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslar to‘g‘risidagi ma’lumotlarni saqlash;

davlat xizmatlarini ko‘rsatishda yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarni identifikatsiyalash;

vakolatli organlarning axborot tizimlarini “Elektron hukumat” tizimining yagona infratuzilmasiga birlashtirish maqsadida shakllantiriladi va yuritiladi.

4. Markaziy ma’lumotlar bazasi ushbu Nizomga 1-ilovaga muvofiq sxema asosida shakllantiriladi va yuritiladi.

2-bob. Markaziy ma’lumotlar bazasini shakllantirish va yangilash

5. Markaziy ma’lumotlar bazasi vakolatli organlar tomonidan yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslar uchun soliq to‘lovchining identifikatsiya raqamidan (keyingi o‘rinlarda — STIR) va jismoniy shaxslarning shaxsiy identifikatsiya raqamidan (keyingi o‘rinlarda — JSHSHIR) foydalangan holda shakllantiriladi va yangilanadi.

6. Markaziy ma’lumotlar bazasiga ma’lumotlarni kiritish va yangilash ushbu Nizomga 2-ilovada keltirilgan Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasida saqlanadigan va qayta ishlanadigan ma’lumotlar ro‘yxatiga muvofiq ma’lumotlarni kiritish va ularni yangilash uchun mas’ul bo‘lgan davlat organlari va tashkilotlari tomonidan amalga oshiriladi.

Markaziy ma’lumotlar bazasiga ma’lumotlarni kiritish va yangilash qat’iy ravishda Elektron hukumatning ma’lumotnomalar va klassifikatorlar registriga kiritilgan ma’lumotnomalar va klassifikatorlardan foydalangan holda amalga oshiriladi.

7. Ma’lumotlar vakolatli davlat organlari va tashkilotlarining avtomatlashtirilgan so‘rovlariga muvofiq yangilanadi.

8. Markaziy ma’lumotlar bazasida mavjud bo‘lmagan va davlat xizmatlarini ko‘rsatish, shuningdek, idoralararo elektron hamkorlik uchun zarur bo‘lgan ma’lumotlar elektron hukumatning yagona identifikatorlari asosida shakllantirilgan tegishli vakolatli organlarning axborot resurslarida saqlanadi.

3-bob. Markaziy ma’lumotlar bazasini yuritish va undan foydalanish tartibi

9. Markaziy ma’lumotlar bazasi O‘zbekiston Respublikasi Davlat soliq qo‘mitasi tomonidan yuritiladi va quyidagilarni ta’minlashga qaratilgan:

markaziy ma’lumotlar bazasi dasturiy-texnik majmuasining ishlashini texnik ta’minlash va uni yanada takomillashtirish;

belgilangan tartibda markaziy ma’lumotlar bazasida ma’lumotlarning saqlanishi va axborot xavfsizligini ta’minlash bo‘yicha choralar ko‘rish;

vakolatli organlar bilan kelishgan holda markaziy ma’lumotlar bazasini shakllantirish va yangilash grafigini tasdiqlash;

vakolatli organlar tomonidan markaziy ma’lumotlar bazasida saqlanadigan ma’lumotlarning o‘z vaqtida yangilanishini nazorat qilish;

markaziy ma’lumotlar bazasida mavjud bo‘lgan ma’lumotlarning to‘liqligini tekshirish;

vakolatli organlarning axborot tizimlarini markaziy ma’lumotlar bazasi bilan birlashtirish uchun texnik talablarni tasdiqlash.

10. Markaziy ma’lumotlar bazasiga ma’lumotlarning kiritilishi va yangilanishiga mas’ul bo‘lgan davlat organlari va tashkilotlariga markaziy ma’lumotlar bazasidan foydalanish imkoniyati yaratiladi.

11. O‘zbekiston Respublikasi Davlat soliq qo‘mitasi shakllangan markaziy ma’lumotlar bazasining nusxalarini unga kirish huquqiga ega bo‘lmagan shaxslarga taqdim etishga haqli emas.

12. Vakolatli organlar tomonidan markaziy ma’lumotlar bazasiga taqdim etiladigan ma’lumotlar taqdim etilayotgan vaqtda ishonchli, to‘liq va dolzarb bo‘lishi kerak.

13. Ma’lumotlar markaziy ma’lumotlar bazasidan elektron hukumatning yagona identifikatorlaridan foydalanish orqali olinadi.

14. Idoralararo elektron hamkorlikda boshqa identifikatorlardan foydalanishga yo‘l qo‘yilmaydi.

15. Davlat xizmatlarini ko‘rsatish va idoralararo elektron o‘zaro hamkorlikda markaziy ma’lumotlar bazasi ma’lumotlaridan foydalanish “Elektron hukumat” tizimining idoralararo integratsiya platformasi yordamida amalga oshiriladi.

16. Davlat xizmatlarini ko‘rsatishda jismoniy va yuridik shaxslardan markaziy ma’lumotlar bazasida va tegishli vakolatli organlarning axborot resurslarida mavjud bo‘lgan ma’lumotlarni talab etish taqiqlanadi.

Bunda vakolatli organlar boshqa organlarda va tashkilotlarda mavjud bo‘lgan axborotlarni o‘zaro axborot hamkorligi yo‘li bilan elektron tarzda mustaqil ravishda oladi.

4-bob. Yakunlovchi qoida

17. Markaziy ma’lumotlar bazasidagi ma’lumotlarning ishonchliligi va dolzarbligi uchun javobgarlik vakolatli organlarga yuklanadi.

Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasini shakllantirish va yuritish tartibi to‘g‘risidagi nizomga
1-ILOVA

SXEMASI

Oldingi tahrirga qarang.

Bosqichlar	Subyektlar	Tadbirlar	Bajarish muddatlari
I. Tashkiliy tadbirlar
1-bosqich	Davlat soliq qo‘mitasi, Davlat statistika qo‘mitasi, Davlat xizmatlari agentligi, Axborot texnologiyalari va kommunikatsiyalarini rivojlantirish vazirligi	Markaziy ma’lumotlar bazasini vakolatli organlarning axborot tizimlari va resurslari bilan integratsiya qilish grafigini tasdiqlash.	bir oy muddatda
1-bosqich			bir oy muddatda

2-bosqich	Davlat soliq qo‘mitasi, Davlat statistika qo‘mitasi, Axborot texnologiyalari va kommunikatsiyalarini rivojlantirish vazirligi	Vakolatli organlarning axborot tizimlari va resurslarini markaziy ma’lumotlar bazasi bilan integratsiya qilish uchun texnik talablarni tasdiqlash.	uch oy muddatda
2-bosqich			uch oy muddatda
II. Texnik tadbirlar
3-bosqich	Vakolatli organlar, Axborot texnologiyalari va kommunikatsiyalarini rivojlantirish vazirligi	Ma’lumotnomalar va klassifikatorlarni shakllantirish hamda “Elektron hukumatning ma’lumotnomalar va klassifikatorlar registri” axborot tizimiga joylashtirish.	2021-yil 1-yanvar
3-bosqich			2021-yil 1-yanvar

4-bosqich	Vakolatli organlar, Axborot texnologiyalari va kommunikatsiyalarini rivojlantirish vazirligi	Davlat xizmatlarini ko‘rsatish uchun vakolatli organlarning axborot tizimlari va resurslarini markaziy ma’lumotlar bazasi bilan integratsiya qilish.	alohida grafikka muvofiq
4-bosqich			alohida grafikka muvofiq


5-bosqich	Davlat soliq qo‘mitasi, Milliy statistika qo‘mitasi, Davlat xizmatlari agentligi, Axborot texnologiyalari va kommunikatsiyalarini rivojlantirish vazirligi	Markaziy ma’lumotlar bazasini shakllantirish.	alohida grafikka muvofiq
5-bosqich		Markaziy ma’lumotlar bazasini shakllantirish.	alohida grafikka muvofiq

6-bosqich	Davlat soliq qo‘mitasi	Markaziy ma’lumotlar bazasini yuritish, texnik qo‘llab-quvvatlash va yanada takomillashtirish.	doimiy ravishda
6-bosqich	Davlat soliq qo‘mitasi		doimiy ravishda

7-bosqich	Vakolatli organlar, Axborot texnologiyalari va kommunikatsiyalarini rivojlantirish vazirligi	Ma’lumotnomalar va klassifikatorlardan foydalanish va ularni yangilash.	doimiy ravishda
7-bosqich			doimiy ravishda

8-bosqich	Vakolatli organlar	Elektron hukumatning yagona identifikatorlaridan foydalanish orqali davlat xizmatlarini ko‘rsatish va idoralararo elektron hamkorlikda markaziy ma’lumotlar bazasidagi ma’lumotlardan foydalanish.	doimiy ravishda
8-bosqich	Vakolatli organlar		doimiy ravishda

9-bosqich	Davlat soliq qo‘mitasi, Milliy statistika qo‘mitasi, Davlat xizmatlari agentligi, Adliya vazirligi, Investitsiyalar va tashqi savdo vazirligi, Tashqi ishlar vazirligi, Markaziy bank	Markaziy ma’lumotlar bazasini yangilash va yuritish.	doimiy ravishda
9-bosqich		Markaziy ma’lumotlar bazasini yangilash va yuritish.	doimiy ravishda

(1-ilova O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)

Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasini shakllantirish va yuritish tartibi to‘g‘risidagi nizomga
2-ILOVA

RO‘YXATI

Oldingi tahrirga qarang.

T/r	T/r	Ma’lumotlar nomi	Ma’lumotlarni kiritish uchun mas’ul bo‘lgan davlat organlari va tashkilotlari	Ma’lumotlarni yangilash uchun mas’ul bo‘lgan davlat organlari va tashkilotlari	Tasniflagich mavjudligi	Tasniflagich uchun mas’ul bo‘lgan davlat organlari va tashkilotlari	Ma’lumot turi
Ro‘yxatga olish ma’lumotlari
1.	1.	Subyektning to‘liq nomi	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud emas	-	ochiq
2.	2.	Subyektning qisqacha nomi	DXA, MB, ITSV, TIV, DSQ	DXA, MB, ITSV, TIV, DSQ	mavjud emas	-	ochiq
3.	3.	Tashkiliy-huquqiy shakli	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud	Milliy statistika qo‘mitasi	ochiq
4.	4.	Mulkchilik shakli	DXA	DXA	mavjud	Milliy statistika qo‘mitasi	ochiq
5.	5.	STIR	DSQ	DSQ	mavjud emas	-	ochiq
6.	6.	IFUT raqami	DXA	Davlat statistika qo‘mitasi	mavjud	Milliy statistika qo‘mitasi	ochiq
7.	7.	MHOBT kodi	DXA, AV, MB, ITSV, TIV, DSQ	Davlat statistika qo‘mitasi	mavjud	Milliy statistika qo‘mitasi	ochiq
8.	8.	DBIBT kodi	Davlat statistika qo‘mitasi	Davlat statistika qo‘mitasi	mavjud	Milliy statistika qo‘mitasi	ochiq
9.	9.	Ro‘yxatga oluvchi organ	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud	Milliy statistika qo‘mitasi	ochiq
10.	10.	Ro‘yxatga olish sanasi	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud emas	-	ochiq
11.	11.	Ro‘yxatga olish raqami (reyestr raqami)	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud emas	-	ochiq
12.	12.	Qayta ro‘yxatga olish sanasi	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud emas	-	ochiq
13.	13.	Holati	DXA, AV, DSQ	DXA, AV, DSQ	mavjud	DSQ	ochiq
14.	14.	Holatni o‘zgartirish sanasi	DXA, AV, DSQ	DXA, AV, DSQ	mavjud emas	-	ochiq
15.	15.	Korxona maqomi	DSQ	DSQ	mavjud	DSQ	ochiq
16.	16.	Tugatish sanasi (reyestrdan chiqarilgan sana)	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud emas	-	ochiq
17.	17.	Tugatish sababi (reyestrdan chiqarish asosi)	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud	DSQ	foydalanish cheklangan
18.	18.	Faoliyatni vaqtincha to‘xtatib turish sanasi	DXA	DXA/DSQ	mavjud emas	-	foydalanish cheklangan
19.	19.	Faoliyatni vaqtincha to‘xtatib turish sababi	DXA	DXA/DSQ	mavjud	DSQ	foydalanish cheklangan
20.	20.	Soliq rejimi	DXA	DSQ	mavjud	DSQ	foydalanish cheklangan
21.	21.	Qo‘shilgan qiymat solig‘i to‘lovchining raqami	DSQ	DSQ	mavjud emas	DSQ	ochiq
22.	22.	Soliq to‘lovchi turi	DSQ	DSQ	mavjud	DSQ	ochiq
23.	23.	Korxona turi	Davlat statistika qo‘mitasi	Davlat statistika qo‘mitasi	mavjud	Milliy statistika qo‘mitasi	ochiq
24.	24.	Ustav fondi miqdori, so‘mda	DXA, AV, MB	DXA, AV, MB	mavjud emas	-	ochiq
Subyektning pochta manzili
25.	1.	Mamlakat	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud	MB	ochiq
26.	2.	Viloyat/shahar	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud	Davergeodezkadastr	ochiq
27.	3.	Tuman/shahar	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud	Davergeodezkadastr	ochiq
28.	4.	Sektor	DXA, DSQ	DXA, DSQ	mavjud	Davergeodezkadastr	ochiq
29.	5.	Mahalla	DXA, DSQ	DXA, DSQ	mavjud	Davergeodezkadastr	ochiq
30.	6.	Ko‘cha (QFY, mavze, daha)	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud emas	-	ochiq
31.	7.	Uy	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud emas	-	ochiq
32.	8.	Xonadon	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud emas	-	ochiq
33.	9.	Ko‘chmas mulk obyektining kadastr raqami	DXA	DXA	mavjud emas	-	ochiq
34.	10.	Pochta indeksi	DXA, AV, MB, ITSV, TIV, DSQ	DXA, AV, MB, ITSV, TIV, DSQ	mavjud emas	-	ochiq
Subyektning faoliyatni amalga oshirish manzili
35.	1.	Mamlakat	DXA	DXA	mavjud	Davlat bojxona qo‘mitasi	ochiq
36.	2.	Viloyat/shahar	DXA	DXA	mavjud	Davergeodezkadastr	ochiq
37.	3.	Tuman/shahar	DXA	DXA	mavjud	Davergeodezkadastr	ochiq
38.	4.	Sektor	DXA, DSQ	DXA, DSQ	mavjud	Davergeodezkadastr	ochiq
39.	5.	Mahalla	DXA, DSQ	DXA, DSQ	mavjud	Davergeodezkadastr	ochiq
40.	6.	Ko‘cha (QFY, mavze, daha)	DXA	DXA	mavjud emas	-	foydalanish cheklangan
41.	7.	Uy	DXA	DXA	mavjud emas	-	foydalanish cheklangan
42.	8.	Xonadon	DXA	DXA	mavjud emas	-	foydalanish cheklangan
Rahbar to‘g‘risida ma’lumotlar
43.	1.	Familiyasi	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas	-	ochiq
44.	2.	Ismi	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas	-	ochiq
45.	3.	Otasining ismi	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas	-	ochiq
46.	4.	Jinsi	DXA, AV, MB, ITSV, TIV, DSQ	AV, MB, ITSV, TIV, DSQ	mavjud	Milliy statistika qo‘mitasi	ochiq
47.	5.	Millati	DXA, MB, ITSV, TIV, DSQ	MB, ITSV, TIV, DSQ	mavjud	Milliy statistika qo‘mitasi	foydalanish cheklangan
48.	6.	Fuqaroligi	DXA, AV, MB, ITSV, TIV, DSQ	AV, MB, ITSV, TIV, DSQ	mavjud	MB	foydalanish cheklangan
49.	7.	Pasport seriyasi	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas	-	foydalanish cheklangan
50.	8.	Pasport raqami	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas	-	foydalanish cheklangan
51.	9.	JSHSHIR	DXA	DSQ	mavjud emas	-	foydalanish cheklangan
52.	10.	STIR	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas	-	foydalanish cheklangan
Rahbarning bog‘lanish uchun ma’lumotlari
53.	1.	Telefon raqami	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas	-	foydalanish cheklangan
54.	2.	E-mail	DXA, MB, ITSV, TIV, DSQ	MB, ITSV, TIV, DSQ	mavjud emas	-	foydalanish cheklangan
Rahbarning manzili
55.	1.	Mamlakat	DXA, AV, MB, ITSV, TIV, DSQ	AV, MB, ITSV, TIV, DSQ	mavjud	Davlat bojxona qo‘mitasi	foydalanish cheklangan
56.	2.	Viloyat/shahar	DXA, AV, MB, ITSV, TIV, DSQ	AV, MB, ITSV, TIV, DSQ	mavjud	Davergeodezkadastr	foydalanish cheklangan
57.	3.	Tuman/shahar	DXA, AV, MB, ITSV, TIV, DSQ	AV, �B, ITSV, TIV, DSQ	mavjud	Davergeodezkadastr	foydalanish cheklangan
58.	4.	Sektor	DXA, DSQ	DSQ	mavjud	Davergeodezkadastr	ochiq
59.	5.	Mahalla	DXA, DSQ	DSQ	mavjud	Davergeodezkadastr	ochiq
60.	6.	Ko‘cha (QFY, mavze, daha)	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas		foydalanish cheklangan
61.	7.	Uy	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas	-	foydalanish cheklangan
62.	8.	Xonadon	DXA, AV, MB, ITSV, TIV, DSQ	AV, MB, ITSV, TIV, DSQ	mavjud emas	-	foydalanish cheklangan
Muassis — jismoniy shaxs to‘g‘risidagi ma’lumotlar
63.	1.	Familiyasi	DXA	DXA/DPM	mavjud emas	-	ochiq
64.	2.	Ismi	DXA	DXA/DPM	mavjud emas	-	ochiq
65.	3.	Otasining ismi	DXA	DXA/DPM	mavjud emas	-	ochiq
66.	4.	Jinsi	DXA	DXA/DPM	mavjud	Milliy statistika qo‘mitasi	ochiq
67.	5.	Millati	DXA	DXA/DPM	mavjud	Milliy statistika qo‘mitasi	foydalanish cheklangan
68.	6.	Fuqaroligi	DXA	DXA/DPM	mavjud	Davlat bojxona qo‘mitasi	foydalanish cheklangan
69.	7.	Pasport seriyasi	DXA	DXA/DPM	mavjud emas	-	foydalanish cheklangan
70.	8.	Pasport raqami	DXA	DXA/DPM	mavjud emas	-	foydalanish cheklangan
71.	9.	JSHSHIR	DXA	DXA/DPM	mavjud emas	-	foydalanish cheklangan
72.	10.	STIR	DXA	DXA/DSQ	mavjud emas	-	foydalanish cheklangan
73.	11.	Muassisning ulushi, foizda	DXA, MB	DXA, MB	mavjud emas	-	ochiq
74.	12.	Muassisning ulushi, so‘mda	DXA, MB	DXA, MB	mavjud emas	-	foydalanish cheklangan
Muassis — yuridik shaxs to‘g‘risidagi �a’lumotlar
75.	1.	Nomi	DXA	DXA	mavjud emas	-	ochiq
76.	2.	STIR	DXA	DXA/DSQ	mavjud emas	-	ochiq
77.	3.	Ro‘yxatdan o‘tgan mamlakati	DXA	DSQ	mavjud	Davlat bojxona qo‘mitasi	ochiq
78.	4.	Muassisning ulushi, foizda	DXA, MB	DXA, MB	mavjud emas	-	ochiq
79.	5.	Muassisning ulushi, so‘mda	DXA, MB	DXA, MB	mavjud emas	-	foydalanish cheklangan
Muassisning bog‘lanish uchun ma’lumotlari
80.	1.	Telefon raqami	DXA	DXA	mavjud emas	-	foydalanish cheklangan
81.	2.	E-mail	DXA	DXA	mavjud emas	-	foydalanish cheklangan
Muassisning manzili
82.	1.	Mamlakat	DXA	DXA	mavjud	Davlat bojxona qo‘mitasi	foydalanish cheklangan
83.	2.	Viloyat/shahar	DXA	DXA	mavjud	Davergeodezkadastr	foydalanish cheklangan
84.	3.	Tuman/shahar	DXA	DXA	mavjud	Davergeodezkadastr	foydalanish cheklangan
85.	4.	Sektor	DXA	DXA	mavjud	Davergeodezkadastr	ochiq
86.	5.	Mahalla	DXA	DXA	mavjud	Davergeodezkadastr	ochiq
87.	6.	Ko‘cha (QFY, mavze, daha)	DXA	DXA	mavjud emas	-	foydalanish cheklangan
88.	7.	Uy	DXA	DXA	mavjud emas	-	foydalanish cheklangan
89.	8.	Xonadon	DXA	DXA	mavjud emas	-	foydalanish cheklangan
Hisobchi to‘g‘risidagi ma’lumotlar
90.	1.	Familiyasi	MB, DSQ	DSQ	mavjud emas	-	foydalanish cheklangan
91.	2.	Ismi	MB, DSQ	DSQ	mavjud emas	-	foydalanish cheklangan
92.	3.	Otasining ismi	MB, DSQ	DSQ	mavjud emas	-	foydalanish cheklangan
93.	4.	Pasport seriyasi	MB, DSQ	DSQ	mavjud emas	-	foydalanish cheklangan
94.	5.	Pasport raqami	MB, DSQ	DSQ	mavjud emas	-	foydalanish cheklangan
95.	6.	JSHSHIR	MB, DSQ	DSQ	mavjud emas	-	foydalanish cheklangan
96.	7.	STIR	MB, DSQ	DSQ	mavjud emas	-	foydalanish cheklangan
Hisobchining bog‘lanish uchun ma’lumotlari
97.	1.	Telefon raqami	MB, DSQ	DSQ	mavjud emas	-	foydalanish cheklangan
98.	2.	E-mail	MB, DSQ	DSQ	mavjud emas	-	foydalanish cheklangan
Hisobchining manzili
99.	1.	Mamlakat	MB, DSQ	MB, DSQ	mavjud	Davlat bojxona qo‘mitasi	foydalanish cheklangan
100.	2.	Viloyat/shahar	MB, DSQ	MB, DSQ	mavjud	Davergeodezkadastr	foydalanish cheklangan
101.	3.	Tuman/shahar	MB, DSQ	MB, DSQ	mavjud	Davergeodezkadastr	foydalanish cheklangan
102.	4.	Sektor	MB, DSQ	MB, DSQ	mavjud	Davergeodezkadastr	ochiq
103.	5.	Mahalla	MB, DSQ	MB, DSQ	mavjud	Davergeodezkadastr	ochiq
104.	6.	Ko‘cha (QFY, mavze, daha)	MB, DSQ	MB, DSQ	mavjud emas	-	foydalanish cheklangan
105.	7.	Uy	MB, DSQ	MB, DSQ	mavjud emas	-	foydalanish cheklangan
106.	8.	Xonadon	MB, DSQ	MB, DSQ	mavjud emas	-	foydalanish cheklangan
Subyektning bank rekvizitlari
107.	1.	MFO	MB	MB	mavjud	MB	foydalanish cheklangan
108.	2.	Hisob raqami	MB	MB	mavjud emas	-	foydalanish cheklangan
Subyektning boshqa ma’lumotlari
109.	1.	Xodimlarning o‘rtacha yillik soni	Milliy statistika qo‘mitasi	Milliy statistika qo‘mitasi	mavjud	MB	foydalanish cheklangan
110.	2.	Xodimlarning oylik soni	DSQ	DSQ	mavjud emas	-	foydalanish cheklangan

Izoh:

AV — O‘zbekiston Respublikasi Adliya vazirligi;

ITSV — O‘zbekiston Respublikasi Investitsiyalar va tashqi savdo vazirligi;

TIV — O‘zbekiston Respublikasi Tashqi ishlar vazirligi;

MB — O‘zbekiston Respublikasi Markaziy banki;

DPM — O‘zbekiston Respublikasi Vazirlar Mahkamasi huzuridagi Davlat personallashtirish markazi;

DXA — Adliya vazirligi huzuridagi Davlat xizmatlari agentligi;

IFUT — iqtisodiy faoliyat turlarining umumdavlat tasniflagichi;

MHOBT — O‘zbekiston Respublikasi Ma’muriy-hududiy tuzilmalarni (obyektlarni) belgilash tizimi;

DBIBT — davlat va xo‘jalik boshqaruvi idoralarini belgilash tizimi;

QFY — qishloq fuqarolar yig‘ini;

MFO — bank kodi.

* Adliya vazirligi tomonidan yuridik shaxslar haqidagi ma’lumotlar yuridik shaxslarning tegishli davlat reyestrlarida hamda ma’lumotlar bazasida mavjud ma’lumotlar doirasida kiritiladi (yangilanadi).

(2-ilova O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)

Vazirlar Mahkamasining 2020-yil 4-sentabrdagi 539-son qaroriga
2-ILOVA

Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasidagi ma’lumotlarni qayta ishlashda foydalaniladigan klassifikator va ma’lumotnomalar

RO‘YXATI

Oldingi tahrirga qarang.

T/r	Klassifikator va ma’lumotnomalar nomi	Ma’lumotnoma/ klassifikator turi	Mas’ul davlat organi
1.	Millatlar klassifikatori	Xalqaro klassifikatorlar	Milliy statistika qo‘mitasi
2.	O‘zbekiston Respublikasi tashkiliy-huquqiy shakllari klassifikatori	Umumdavlat klassifikatorlar	Milliy statistika qo‘mitasi
3.	Mulkchilik shakli klassifikatori	Umumdavlat klassifikatorlar	Milliy statistika qo‘mitasi
4.	O‘zbekiston Respublikasi iqtisodiy faoliyat turlari bo‘yicha mahsulotlar (tovarlar, ishlar, xizmatlar) klassifikatori	Umumdavlat klassifikatorlar	Milliy statistika qo‘mitasi
5.	Umumdavlat iqtisodiy faoliyat turlari bo‘yicha klassifikatori (2-tahrir)	Umumdavlat klassifikatorlar	Milliy statistika qo‘mitasi
6.	Davlat boshqaruvi organlari va xo‘jalik boshqaruv organlarini belgilash tizimi	Boshqa ma’lumotnoma/ klassifikatorlar	Milliy statistika qo‘mitasi
7.	Ma’muriy-hududiy tuzilma obyektlari ma’lumotlari to‘plami	Umumdavlat klassifikatorlar	Milliy statistika qo‘mitasi
8.	“Jahon mamlakatlari” klassifikatorlari	Xalqaro klassifikatorlar	Davlat bojxona qo‘mitasi
9.	Gender klassifikatori	Umumdavlat klassifikatorlar	Milliy statistika qo‘mitasi
10.	Valyutalar klassifikatori	Xalqaro klassifikatorlar	Markaziy bank
11.	Manzillar ma’lumotnomasi	Boshqa ma’lumotnoma/ klassifikatorlar	Davergeodezkadastr
12.	Yuridik shaxsning holati klassifikatori	Boshqa ma’lumotnoma/ klassifikatorlar	Davlat soliq qo‘mitasi
13.	Yuridik shaxslarni tugatish sabablari ma’lumotnomasi	Boshqa ma’lumotnoma/ klassifikatorlar	Davlat soliq qo‘mitasi
14.	Faoliyatni vaqtincha to‘xtatib turish sababi ma’lumotnomasi	Boshqa ma’lumotnoma/ klassifikatorlar	Davlat soliq qo‘mitasi
15.	Kichik biznesga aloqadorligi ma’lumotnomasi	Umumdavlat klassifikatorlar	Milliy statistika qo‘mitasi
16.	Soliq rejimi klassifikatori	Umumdavlat klassifikatorlar	Davlat soliq qo‘mitasi
17.	Soliq to‘lovchi turi klassifikatori	Umumdavlat klassifikatorlar	Davlat soliq qo‘mitasi
18.	“O‘zbekiston Respublikasi banklari” ma’lumotnomasi	Tarmoq ma’lumotnoma/ klassifikatorlari	Markaziy bank

Izoh. O‘zbekiston Respublikasi Davlat soliq qo‘mitasi ushbu ro‘yxatga o‘zgartirish va qo‘shimchalar kiritish huquqiga ega.

(2-ilova O‘zbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik ma’lumotlari milliy bazasi, 07.10.2025-y., 09/25/627/0901-son)

Vazirlar Mahkamasining 2020-yil 4-sentabrdagi 539-son qaroriga
3-ILOVA

O‘zbekiston Respublikasi Hukumatining ayrim qarorlariga kiritilayotgan o‘zgartirishlar

Oldingi tahrirga qarang.

(1-band O‘zbekiston Respublikasi Vazirlar Mahkamasining 2024-yil 7-fevraldagi 76-sonli qaroriga asosan 2024-yil 9-maydan o‘z kuchini yo‘qotadi — Qonunchilik ma’lumotlari milliy bazasi, 08.02.2024-y., 09/24/76/0109-son)

Oldingi tahrirga qarang.

(2-band O‘zbekiston Respublikasi Vazirlar Mahkamasining 2022-yil 5-avgustdagi 432-sonli qaroriga asosan 2023-yil 1-yanvardan o‘z kuchini yo‘qotadi — Qonunchilik ma’lumotlari milliy bazasi, 06.08.2022-y., 09/22/432/0717-son)

3. Vazirlar Mahkamasining 2014-yil 10-martdagi 57-son qarori (O‘zbekiston Respublikasi QHT, 2014-y., 11-son, 126-modda) bilan tasdiqlangan Nodavlat notijorat tashkilotlarini davlat ro‘yxatidan o‘tkazish tartibi to‘g‘risidagi nizomda:

a) 33 va 34-bandlar quyidagi tahrirda bayon qilinsin:

“33. Ro‘yxatdan o‘tkazuvchi organning o‘zgarishi bilan bog‘liq holda NNT qayta ro‘yxatdan o‘tkazilgan taqdirda yangidan ro‘yxatdan o‘tkazgan adliya organi bu to‘g‘rida oldingi ro‘yxatdan o‘tkazish joyidagi adliya organini, tegishli ro‘yxatdan o‘tkazish ma’lumotlari ko‘rsatilgan holda yozma shaklda xabardor qiladi. Olingan ma’lumotlar asosida oldingi ro‘yxatdan o‘tkazish joyidagi adliya organi bu to‘g‘rida davlat reyestriga tegishli yozuvni kiritadi hamda bu o‘zgarishlar axborot tizimlari orqali “Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasi”ga kiritilishini ta’minlaydi.

34. Pochta manzili, bank rekvizitlari o‘zgargan taqdirda NNT bir oy muddatda bu to‘g‘rida ro‘yxatdan o‘tkazuvchi organga xabar qilishi shart.

Bunda ro‘yxatdan o‘tkazuvchi organ pochta manzili o‘zgarganligi bo‘yicha bildirishnomani olgan kuni bu o‘zgarishning axborot tizimlari orqali “Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasi”ga kiritilishini ta’minlaydi”;

b) 46-band quyidagi tahrirda bayon qilinsin:

“46. Ro‘yxatdan o‘tkazuvchi organlar NNTni davlat ro‘yxatidan o‘tkazish to‘g‘risida qaror qabul qilingan kundan boshlab ikki ish kuni mobaynida davlat reyestridan NNT to‘g‘risidagi tegishli ma’lumotlar axborot tizimlari orqali “Yuridik shaxslar, faoliyatini vakolatxona, filial yoki doimiy muassasa orqali amalga oshirayotgan chet el yuridik shaxslari va tadbirkorlik faoliyati bilan shug‘ullanuvchi jismoniy shaxslarning markaziy ma’lumotlar bazasi”ga kiritilishini ta’minlaydi.

Bunda NNT bir vaqtning o‘zida joylashgan joyi bo‘yicha davlat soliq xizmati organlari va davlat statistika organlarida hisobga qo‘yiladi”.

Oldingi tahrirga qarang.

(4-band O‘zbekiston Respublikasi Vazirlar Mahkamasining 2022-yil 14-apreldagi 180-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 14.04.2022-y., 09/22/180/0307-son)

(Qonun hujjatlari ma’lumotlari milliy bazasi, 04.09.2020-y., 09/20/539/1257-son; Qonunchilik ma’lumotlari milliy bazasi, 14.04.2022-y., 09/22/180/0307-son; 06.08.2022-y., 09/22/432/0717-son; 08.02.2024-y., 09/24/76/0109-son; 07.10.2025-y., 09/25/627/0901-son)