PF-6059-сон 02.09.2020. Oʻzbekiston Respublikasida pillachilik va qorakoʻlchilikni yanada rivojlantirish chora-tadbirlari toʻgʻrisida

Hujjat 01.04.2022 sanasi holatiga
Amaldagi versiyaga o‘tish

Oʻzbekiston Respublikasi Prezidentining

Farmoni

Oʻzbekiston Respublikasida pillachilik va qorakoʻlchilikni yanada rivojlantirish chora-tadbirlari toʻgʻrisida

Mamlakatimizda pillachilik va qorakoʻlchilik tarmoqlarining mavjud salohiyatini har tomonlama ishga solish hamda ishlab chiqarish korxonalarining rentabelligini oshirish uchun qulay sharoitlar yaratish orqali ushbu sohalarni qayta tiklash va rivojlantirish boʻyicha qator chora-tadbirlar amalga oshirilmoqda.

Shu bilan birga, mazkur tarmoqlardagi infratuzilma resurslaridan samarali foydalanilishini taʼminlash, nasl koʻrsatkichlarini yaxshilash, ozuqa bazasini mustahkamlash, shuningdek, ishlab chiqarilayotgan mahsulot sifati va raqobatbardoshligini oshirishga qaratilgan tizimli ishlarni yoʻlga qoʻyish boʻyicha faoliyatni kuchaytirish talab etilmoqda.

Pillachilik va qorakoʻlchilikni jadal rivojlantirishni taʼminlash, pillachilik va qorakoʻlchilik klasterlarini tashkil qilgan holda xom ashyoni chuqur qayta ishlashni tashkil etish, ishlab chiqarilayotgan mahsulotlarni ichki va tashqi bozorlarga olib chiqishni davlat tomonidan qoʻllab-quvvatlash, joylarda yangi ish oʻrinlarini yaratish va aholi daromadlarini oshirish maqsadida:

1. Shunday tartib oʻrnatilsinki, unga muvofiq:

2021-yil 1-iyulga qadar respublikaning yaylovlarga ega barcha hududlarida ozuqa bazasini yaratgan holda mayda shohli nasldor mollarni koʻpaytirish, shuningdek, mol soʻyish, teri va junni qayta ishlash, goʻsht-sut mahsulotlari, yarim tayyor va tayyor mahsulotlar ishlab chiqarish korxonalarini tashkil qilish boʻyicha qorakoʻlchilik klasterlari (keyingi oʻrinlarda — klasterlar) tashkil qilinadi;

Oldingi tahrirga qarang.

klasterlarga qorakoʻl zotli qoʻylarini boqishga moʻljallangan, shu jumladan oʻrmon bilan qoplanmagan oʻrmon fondi yerlaridan yaylovlar Oʻzbekiston Respublikasining Yer kodeksida belgilangan tartibda ijaraga beriladi;

(1-bandning uchinchi xatboshisi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoni tahririda — Qonunchilik maʼlumotlari milliy bazasi, 08.10.2021-y., 06/21/6320/0940-son)

klasterlarga yaylovlardan samarali foydalanish, ularning holati yomonlashib ketishiga yoʻl qoʻymaslik, ilmiy va innovatsion yondashuvlarni qoʻllagan holda mayda shohli nasldor mollarni koʻpaytirish, klaster ishtirokchilari oʻrtasida kooperatsiya aloqalarini yoʻlga qoʻyish orqali xom ashyoni chuqur qayta ishlashni va mahsulot ishlab chiqarishni tashkillashtirish boʻyicha majburiyatlar yuklanadi;

klasterlar Qorakoʻlchilik va choʻl ekologiyasi ilmiy-tadqiqot instituti hamda Buxoro choʻl-yaylov ozuqabop oʻsimliklar urugʻchiligi ilmiy-ishlab chiqarish markazi bilan yaqindan hamkorlik qiladi;

2021-yil 1-yanvardan boshlab klasterlarga hududlarda shaxtali va tik quduqlar, shuningdek, suv tortish uchun nasos stansiyalarini yangidan qurish va rekonstruksiya qilishga Oʻzbekiston Respublikasi Prezidentining 2020-yil 17-yanvardagi “Pillachilik tarmogʻida ipak qurti ozuqa bazasini rivojlantirish boʻyicha qoʻshimcha chora-tadbirlar toʻgʻrisida”gi PQ-4567-son qarori 2-bandida nazarda tutilgan 120 million soʻmgacha miqdorda subsidiyalar berish tartibi qoʻllaniladi;

Oldingi tahrirga qarang.

Yaylov xoʻjaligini rivojlantirish” uyushmasi (keyingi oʻrinlarda — Uyushma) aʼzolari — klaster ishtirokchilariga kavrak plantatsiyalarini tashkil qilish va uni qayta ishlash, mayda shoxli nasldor mol xarid qilish va koʻpaytirish, shuningdek, mol soʻyish, ozuqa bazasini yaratish, yarim tayyor va tayyor, shu jumladan goʻsht-sut mahsulotlari ishlab chiqarish, teri va junni qayta ishlash hamda binolarni rekonstruksiya qilish va ishlab chiqarish quvvatlarini modernizatsiyalash loyihalarini moliyalashtirish uchun 2020 — 2023-yillarda ajratiladigan 10 milliard soʻmdan koʻp boʻlmagan miqdordagi bank kreditlari boʻyicha foiz xarajatlarini qoplashga, loyihalar soni va ularni amalga oshirish uchun zarur boʻlgan valyuta turidan qatʼi nazar, tijorat banklari tomonidan oʻrnatilgan foiz stavkasining 50 foizi, biroq 10 foizlik punktdan koʻp boʻlmagan miqdorda Tadbirkorlik faoliyatini qoʻllab-quvvatlash davlat jamgʻarmasi mablagʻlari hisobidan kompensatsiyalar beriladi.

(1-bandning yettinchi xatboshisi Oʻzbekiston Respublikasi Prezidentining 2021-yil 15-dekabrdagi PF-34-sonli Farmoni tahririda — Qonunchilik maʼlumotlari milliy bazasi, 16.12.2021-y., 06/21/34/1164-son)

Keyingi tahrirga qarang.

Oldingi tahrirga qarang.

Uyushma aʼzolariga qoʻl mehnati uchun uskunalar xarid qilish boʻyicha xarajatlarni qoplash uchun kamida bitta ish oʻrni yaratish sharti bilan Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan bazaviy hisoblash miqdorining oʻn baravari miqdorida subsidiyalar ajratiladi.

(1-bandning sakkizinchi xatboshisi Oʻzbekiston Respublikasi Prezidentining 2022-yil 1-apreldagi PF-95-sonli Farmoni tahririda — Qonunchilik maʼlumotlari milliy bazasi, 01.04.2022-y., 06/22/95/0267-son)

Keyingi tahrirga qarang.

Oldingi tahrirga qarang.

(2-band Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 08.10.2021-y., 06/21/6320/0940-son)

Oldingi tahrirga qarang.

3. Moliya vazirligi 2020-yil 1-oktabrga qadar Yaylov xoʻjaligini rivojlantirish uyushmasi huzuridagi Qorakoʻlchilikni rivojlantirish jamgʻarmasiga Oʻzbekiston Respublikasi Prezidentining 2019-yil 16-avgustdagi “Qorakoʻlchilik tarmogʻini kompleks rivojlantirish chora-tadbirlari toʻgʻrisida”gi PQ-4420-son qaroriga muvofiq Oʻzbekiston Respublikasi Davlat budjetidan ajratilishi lozim boʻlgan mablagʻlarning qolgan qismini ajratsin.

(3-band Oʻzbekiston Respublikasi Prezidentining 2021-yil 8-iyuldagi PF-6259-sonli Farmoni tahririda — Qonunchilik maʼlumotlari milliy bazasi, 09.07.2021-y., 06/21/6259/0657-son)

Keyingi tahrirga qarang.

Oldingi tahrirga qarang.

4. 2021 — 2025-yillarga moʻljallangan Oʻzbekiston Respublikasida qorakoʻlchilikni rivojlantirishning maqsadli parametrlari 2-2.1, 2.3. — 2.6, 2.8, 2.9 va 2.13-ilovalarga muvofiq tasdiqlansin.

(4-band Oʻzbekiston Respublikasi Prezidentining 2021-yil 8-iyuldagi PF-6259-sonli Farmoni tahririda — Qonunchilik maʼlumotlari milliy bazasi, 09.07.2021-y., 06/21/6259/0657-son)

Keyingi tahrirga qarang.

Oldingi tahrirga qarang.

5. Pillachilik va qorakoʻlchilikni rivojlantirish qoʻmitasi tashkil etilsin.

(5-bandning birinchi xatboshisi Oʻzbekiston Respublikasi Prezidentining 2021-yil 8-iyuldagi PF-6259-sonli Farmoni tahririda — Qonunchilik maʼlumotlari milliy bazasi, 09.07.2021-y., 06/21/6259/0657-son)

Oldingi tahrirga qarang.

Quyidagilar Ipakchilik va jun sanoatini rivojlantirish qoʻmitasi (keyingi oʻrinlarda — Qoʻmita)ning asosiy vazifasi etib belgilansin:

(5-bandning ikkinchi xatboshisi Oʻzbekiston Respublikasi Prezidentining 2021-yil 8-iyuldagi PF-6259-sonli Farmoni tahririda — Qonunchilik maʼlumotlari milliy bazasi, 09.07.2021-y., 06/21/6259/0657-son)

Keyingi tahrirga qarang.

pillachilik va qorakoʻlchilik sohasida yagona davlat siyosatini olib borish, shuningdek, ushbu tarmoqlarni yagona ilmiy-texnikaviy siyosatni yuritgan holda, muvofiqlashtirilgan tarzda rivojlantirishni taʼminlash;

Keyingi tahrirga qarang.

tut plantatsiyalari va yaylovlarning qatʼiy hisobini yuritish va fondini oʻrganish, shuningdek, pillachilik va qorakoʻlchilikni rivojlantirish uchun ozuqa bazasini yaxshilash;

ipak qurti va qorakoʻl zotli qoʻylarning yuqori darajada mahsuldor nasllarini joriy qilish;

pilla va qorakoʻl terisidan tayyor mahsulot ishlab chiqarish maqsadida xom ashyo tayyorlash va uni qayta ishlash uchun qulay sharoitlar yaratish;

marketing tadqiqotlarini oʻtkazish hamda ipak va qorakoʻldan tayyorlangan mahsulotlarni eng avvalo tashqi bozorlarda sotishga koʻmaklashish;

pillachilik va qorakoʻlchilik bilan shugʻullanuvchi tadbirkorlik subyektlariga oʻz faoliyatini kengaytirish, klasterlar tashkil etish va mahsulotni eksport qilishda har tomonlama yordam berish;

Oldingi tahrirga qarang.

junni qayta ishlash sanoatida raqobatni rivojlantirish, jun yetishtirish va uni qayta ishlash yoʻnalishidagi tadbirkorlik subyektlarini qoʻllab-quvvatlash;

junni qayta ishlashga hunarmandlarni keng jalb qilish orqali aholi bandligini taʼminlashga va ularning daromadini oshirishga koʻmaklashish;

xorijiy investitsiyalar, jumladan xalqaro moliya institutlarining mablagʻlarini jalb qilish yoʻli bilan sohani rivojlantirish.

(5-band Oʻzbekiston Respublikasi Prezidentining 2021-yil 8-iyuldagi PF-6259-sonli Farmoniga asosan toʻqqizinchi — oʻn birinchi xatboshilar bilan toʻldirilgan — Qonunchilik maʼlumotlari milliy bazasi, 09.07.2021-y., 06/21/6259/0657-son)

Keyingi tahrirga qarang.

6. Belgilansinki:

Oldingi tahrirga qarang.

(6-bandning “a” kichik bandi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan chiqarilgan — Qonunchilik maʼlumotlari milliy bazasi, 08.10.2021-y., 06/21/6320/0940-son)

Oldingi tahrirga qarang.

(6-bandning “b” kichik bandi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan chiqarilgan — Qonunchilik maʼlumotlari milliy bazasi, 08.10.2021-y., 06/21/6320/0940-son)

Oldingi tahrirga qarang.

(6-bandning “v” kichik bandi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan chiqarilgan — Qonunchilik maʼlumotlari milliy bazasi, 08.10.2021-y., 06/21/6320/0940-son)

g) quyidagilar klasterlarni tashkil qilish shartlari hisoblanadi:

Oldingi tahrirga qarang.

Qoʻmita, tashabbuskor hamda Qorakoʻlchilik va choʻl ekologiyasi ilmiy-tadqiqot instituti oʻrtasida tomonlarning huquq va majburiyatlarini nazarda tutuvchi shartnoma tuzilishi;

(6-band “g” kichik bandining ikkinchi xatboshisi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoni tahririda — Qonunchilik maʼlumotlari milliy bazasi, 08.10.2021-y., 06/21/6320/0940-son)

tashabbuskor tomonidan yaylovlardan samarali foydalanish, ularning holati yomonlashib ketishiga yoʻl qoʻymaslik, ilmiy va innovatsion yondashuvlarni qoʻllagan holda mayda shohli nasldor mollarni koʻpaytirish, klaster ishtirokchilari oʻrtasida kooperatsiya aloqalarini yoʻlga qoʻyish orqali xom ashyoni chuqur qayta ishlashni va mahsulot ishlab chiqarishni tashkillashtirish boʻyicha majburiyatlar qabul qilinishi;

d) naslchilik chorvachilik subyektlarini davlat attestatsiyasidan oʻtkazish va naslchilik chorvachilik xoʻjaligi maqomi toʻgʻrisidagi guvohnomalarni berish qorakoʻlchilikka taalluqli qismida Qoʻmita bilan birgalikda amalga oshiriladi.

Keyingi tahrirga qarang.

7. Qorakoʻl zotli qoʻylarni koʻpaytirishga moʻljallangan Yaylovlarni xatlovdan oʻtkazish va holatini oʻrganish boʻyicha komissiya (keyingi oʻrinlarda — Komissiya) 4-ilovaga muvofiq tarkibda tashkil etilsin.

Oldingi tahrirga qarang.

Komissiya 2020-yil 15-oktabrga qadar qorakoʻl zotli qoʻylarni koʻpaytirishga moʻljallangan mavjud yaylovlarni, yalpi xatlovdan oʻtkazsin.

(7-bandning ikkinchi xatboshisi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoni tahririda — Qonunchilik maʼlumotlari milliy bazasi, 08.10.2021-y., 06/21/6320/0940-son)

Yer resurslari, geodeziya, kartografiya va davlat kadastri davlat qoʻmitasi Qoʻmitaning doimiy egaligiga berilayotgan yaylovlarning kadastr pasportlari tayyorlanishini va kadastr hujjatlari rasmiylashtirilishini toʻlov undirilmasdan taʼminlasin.

Keyingi tahrirga qarang.

Oldingi tahrirga qarang.

(7-bandning toʻrtinchi xatboshisi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan chiqarilgan — Qonunchilik maʼlumotlari milliy bazasi, 08.10.2021-y., 06/21/6320/0940-son)

Keyingi tahrirga qarang.

8. Quyidagilar:

Ipakchilik ilmiy-tadqiqot instituti — “Oʻzbekipaksanoat” uyushmasi ixtiyoridan;

Qorakoʻlchilik va choʻl ekologiyasi ilmiy-tadqiqot instituti — Veterinariya va chorvachilikni rivojlantirish davlat qoʻmitasi ixtiyoridan;

Buxoro choʻl-yaylov ozuqabop oʻsimliklar urugʻchiligi ilmiy-ishlab chiqarish markazi — “Oʻzchorvanasl” agentligi ixtiyoridan Qoʻmitaga oʻtkazilsin.

Keyingi tahrirga qarang.

9. Qishloq xoʻjaligi vazirligi Jahon bankining amalga oshirilayotgan loyihasi (15 mln yevro) va Fransiya taraqqiyot agentligi bilan birgalikda ishlab chiqilayotgan “Oʻzbekiston Respublikasida chorvachilik sektorini rivojlantirish” loyihasi (16 mln yevro) doirasidagi ikkita grant liniyalari yuqorida koʻrsatilgan ilmiy-tadqiqot institutlarining moddiy-texnika bazasi, laboratoriya uskunalarini modernizatsiya qilish, kadrlarni tayyorlash va qayta tayyorlash, shuningdek, ularga xorijiy mutaxassislarni jalb qilishga yoʻnaltirilishini taʼminlasin.

10. Qoʻmita Qishloq xoʻjaligi vazirligi bilan birgalikda:

Keyingi tahrirga qarang.

Ipakchilik ilmiy-tadqiqot instituti, Qorakoʻlchilik va choʻl ekologiyasi ilmiy-tadqiqot instituti hamda Buxoro choʻl-yaylov ozuqabop oʻsimliklar urugʻchiligi ilmiy-ishlab chiqarish markazining Qoraqalpogʻiston Respublikasi va respublika viloyatlarida tashkil qilinayotgan, qishloq xoʻjaligidagi bilim va innovatsiyalar tizimini oʻz ichiga olgan Agroxizmatlar markazlari bilan chuqur integratsiyalashuvini;

pillachilik va qorakoʻlchilik bilan shugʻullanuvchi tadbirkorlik subyektlariga Agroxizmatlar markazlari orqali bilimlar berish, ularni ilmiy-amaliy qoʻllab-quvvatlash va xizmatlar koʻrsatish tizimi joriy etilishini taʼminlasin.

11. Belgilansinki, Oʻzbekiston Respublikasi bojxona chegarasi orqali ipak chiqindilari (shu jumladan ipak momigʻi) va xom ipak (TIF TN kodi — 5002 va 5003)ni olib chiqishda 2021-yil 1-yanvardan eʼtiboran olib chiqiladigan ipak chiqindilari (shu jumladan ipak momigʻi) va xom ipakning har bir kilogrammi uchun 0,05 AQSH dollari miqdorida yigʻim undiriladi.

Keyingi tahrirga qarang.

12. “Oʻzbekipaksanoat” uyushmasi huzurida yuridik shaxs maqomiga ega boʻlmagan Pillachilikni rivojlantirish jamgʻarmasi tashkil qilinsin va Oʻzbekiston Respublikasi bojxona chegarasi orqali ipak chiqindilari (shu jumladan ipak momigʻi) va xom ipak (TIF TN kodi — 5002 va 5003)ni olib chiqishda undiriladigan yigʻimlardan toʻliq hajmdagi tushumlar, shuningdek, qonun hujjatlari bilan taqiqlanmagan boshqa manbalar uning mablagʻlarini shakllantirish manbai etib belgilansin.

Keyingi tahrirga qarang.

13. Oliy va oʻrta maxsus taʼlim vazirligi, Veterinariya va chorvachilikni rivojlantirish davlat qoʻmitasi hamda Qoʻmita boshqa manfaatdor vazirlik va idoralar bilan birgalikda:

2021-2022 oʻquv yilidan boshlab Toshkent davlat agrar universiteti va Samarqand veterinariya meditsinasi instituti filiallarida qorakoʻlchilik sohasida kadrlar tayyorlash boʻyicha maxsus yoʻnalishlar ochishni nazarda tutsin;

Samarqand veterinariya va meditsina texnikumida mayda shohli mollarni koʻpaytirish hamda ipak qurti yetishtirish boʻyicha kadrlar tayyorlanishini taʼminlasin;

Margʻilon shahridagi 1-son kasb-hunar maktabida ipak qurti yetishtirish, xom ipakni qayta ishlash va ipakdan tayyor mahsulotlar ishlab chiqarish boʻyicha kadrlar tayyorlanishini taʼminlasin;

Qorakoʻlchilik va choʻl ekologiyasi ilmiy-tadqiqot instituti hamda Ipakchilik ilmiy-tadqiqot instituti ularga mayda shohli mollarni va ipak qurtini koʻpaytirish boʻyicha yuqori malakali mutaxassislar tayyorlashni tashkil qilishda ilmiy-metodik yordam koʻrsatish vazifasini yuklagan holda tegishincha Samarqand veterinariya va meditsina texnikumiga va Margʻilon shahridagi 1-son kasb-hunar maktabiga biriktirilsin.

14. Ushbu Farmonda nazarda tutilgan chora-tadbirlarning samarali va oʻz vaqtida amalga oshirilishini taʼminlash maqsadida:

a) Qoraqalpogʻiston Respublikasi Vazirlar Kengashi va viloyatlar hokimliklari:

2020-yil 1-noyabrga qadar qorakoʻl zotli qoʻylarni koʻpaytirishga moʻljallangan mavjud yaylovlarni yalpi xatlovdan oʻtkazishda Komissiyaga koʻmaklashsin;

Oldingi tahrirga qarang.

klasterlar tomonidan foydalanilmayotgan yaylovlarning zaxiraga qaytarilishi, davlat mulki sifatida davlat roʻyxatidan oʻtkazilishi hamda ochiq elektron tanlov orqali jismoniy va yuridik shaxslarga ijaraga berilishini taʼminlasin.

(14-band “a” kichik bandining uchinchi xatboshisi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoni tahririda — Qonunchilik maʼlumotlari milliy bazasi, 08.10.2021-y., 06/21/6320/0940-son)

Keyingi tahrirga qarang.

Oldingi tahrirga qarang.

b) Oʻrmon xoʻjaligi davlat qoʻmitasi klasterlar tomonidan foydalanilmayotgan yaylovlarning oʻrmon xoʻjaliklariga qaytarilishi hamda jismoniy va yuridik shaxslarga belgilangan tartibda ijaraga berilishini taʼminlasin;

(14-bandning “b” kichik bandi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoni tahririda — Qonunchilik maʼlumotlari milliy bazasi, 08.10.2021-y., 06/21/6320/0940-son)

v) Qoʻmita 2021-yil 1-iyulga qadar:

Oldingi tahrirga qarang.

(14-band “v” kichik bandining ikkinchi xatboshisi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan chiqarilgan — Qonunchilik maʼlumotlari milliy bazasi, 08.10.2021-y., 06/21/6320/0940-son)

ishtirokchilarning klasterlar faoliyatini samarali tashkil etish boʻyicha aniq majburiyatlarini belgilagan holda, tashabbuskorlar hamda Qorakoʻlchilik va choʻl ekologiyasi ilmiy-tadqiqot instituti bilan shartnomalar tuzsin;

klaster ishtirokchilari oʻrtasida kooperatsiya aloqalari oʻrnatilishini taʼminlasin;

olis choʻl hududlarida mayda shohli nasldor mollarni sugʻorish uchun mavjud inshootlar (tik va shaxtali quduqlar)ni rekonstruksiya qilish va yangilarini qurish boʻyicha 2021-yilga moʻljallangan dasturni tasdiqlasin.

Keyingi tahrirga qarang.

15. Qoʻmita bir oy muddatda:

Oʻzbekiston Respublikasi Pillachilik va qorakoʻlchilikni rivojlantirish qoʻmitasi faoliyatini tashkil etish toʻgʻrisidagi Oʻzbekiston Respublikasi Prezidentining qarori loyihasini kiritsin;

Investitsiyalar va tashqi savdo vazirligi bilan birga Oʻzbekiston Respublikasi bojxona chegarasi orqali ipak chiqindilari (shu jumladan ipak momigʻi) va xom ipakni olib chiqish ustidan monitoring qilish tartibi toʻgʻrisidagi nizom loyihasini Vazirlar Mahkamasiga kiritsin;

manfaatdor vazirlik va idoralar bilan birgalikda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

16. Ushbu Farmonning ijrosini nazorat qilish Oʻzbekiston Respublikasi Bosh vazirining oʻrinbosari Oʻ.I. Barnoyev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 2-sentabr,

PF-6059-son

Oldingi tahrirga qarang.

(1-ilova Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 08.10.2021-y., 06/21/6320/0940-son)

Oldingi tahrirga qarang.

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
2-ILOVA

2021 — 2025-yillarga moʻljallangan Oʻzbekiston Respublikasida qorakoʻlchilikni rivojlantirishning

MAQSADLI PARAMETRLARI

Keyingi tahrirga qarang.

T/r	Koʻrsatkichlar		Oʻlchov birligi	2021-yil	2022-yil	2023-yil	2024-yil	2025-yil
1.	Yaylovlar maydoni		ming gektar	17416	17416	17416	17416	17416
2.	Qorakoʻl naslli qoʻylar		ming bosh	6261	6871	7872	8630	9494
3.	Jun ishlab chiqarish		ming tonna	15026	16491	18892	20711	22784
4.	Jundan yigirilgan ip ishlab chiqarish		ming tonna	6011	6597	7558	8286	9115
5.	Gilamlar ishlab chiqarish		ming m²	299,1	329,2	377,3	412,6	454,8
6.	Kigiz ishlab chiqarish		ming m²	3137	3406	3852	4193	4585
7.	Terilar ishlab chiqarish		ming dona	607,1	666,4	764,6	837,2	921,6
8.	Qorakoʻldan tayyor mahsulotlar ishlab chiqarish		ming dona	242	266,2	304,2	334,5	366,6
9.	Qorakoʻl mahsulotlarini eksport qilish		mln doll.	14,9	24,9	29,8	34,6	44,4
10.	Investitsiyalar hajmi		mln doll.	14,9	14,9	14,9	14,9	14,9
11.	Ish joylari	Doimiy	shtat birligi	36084	39692	45645	50211	55514
		Mavsumiy		48386	53222	61206	67328	74438
		Jami		84469	92916	106852	117538	129952

(2-ilova Oʻzbekiston Respublikasi Prezidentining 2021-yil 8-iyuldagi PF-6259-sonli Farmoni tahririda — Qonunchilik maʼlumotlari milliy bazasi, 09.07.2021-y., 06/21/6259/0657-son)

Keyingi tahrirga qarang.

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
2.1-ILOVA

2021 — 2025-yillarga moʻljallangan Qoraqalpogʻiston Respublikasida qorakoʻlchilikni rivojlantirishning

MAQSADLI PARAMETRLARI

T/r	Koʻrsatkichlar		Oʻlchov birligi	2021 yil	2022 yil	2023 yil	2024 yil	2025 yil
1.	Yaylovlar maydoni		ming gektar	4596	4596	4596	4596	4596
2.	Qorakoʻl naslli qoʻylar		ming bosh	343	874	1500	1725	1838
3.	Jun ishlab chiqarish		ming tonna	823	2098	3600	4140	4411
4.	Jundan yigirilgan ip ishlab chiqarish		ming tonna	329	839	1440	1656	1765
5.	Gilamlar ishlab chiqarish		ming m²	16	42	72	83	88
6.	Kigiz ishlab chiqarish		ming m²	287	315	363	399	441
7.	Terilar ishlab chiqarish		ming dona	33	85	146	167	178
8.	Qorakoʻldan tayyor mahsulotlar ishlab chiqarish		ming dona	13	34	58	67	71
9.	Qorakoʻl mahsulotlarini eksport qilish		ming doll.	800	3500	5600	6607	8606
10.	Investitsiyalar hajmi		ming doll.	820	1900	2836	3202	3166
11.	Ish joylari	Doimiy	Shtat birligi	6999	7698	8853	9738	10767
		Mavsumiy		9380	10317	11865	13052	14430
		Jami		16378	18016	20718	22790	25197

Keyingi tahrirga qarang.

Oldingi tahrirga qarang.

(2.2-ilova Oʻzbekiston Respublikasi Prezidentining 2021-yil 8-iyuldagi PF-6259-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 09.07.2021-y., 06/21/6259/0657-son)

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
2.3-ILOVA

2021 — 2025-yillarga moʻljallangan Buxoro viloyatida qorakoʻlchilikni rivojlantirishning

MAQSADLI PARAMETRLARI

T/r	Koʻrsatkichlar		Oʻlchov birligi	2021 yil	2022 yil	2023 yil	2024 yil	2025 yil
1.	Yaylovlar maydoni		ming gektar	2355	2355	2355	2355	2355
2.	Qorakoʻl naslli qoʻylar		ming bosh	1968	1968	1968	1968	1968
3.	Jun ishlab chiqarish		ming tonna	4723	4723	4723	4723	4723
4.	Jundan yigirilgan ip ishlab chiqarish		ming tonna	1889	1889	1889	1889	1889
5.	Gilamlar ishlab chiqarish		ming m²	94	94	94	94	94
6.	Kigiz ishlab chiqarish		ming m²	307	337	388	427	472
7.	Terilar ishlab chiqarish		ming dona	191	191	191	191	191
8.	Qorakoʻldan tayyor mahsulotlar ishlab chiqarish		ming dona	76	76	76	76	76
9.	Qorakoʻl mahsulotlarini eksport qilish		ming doll.	4707	7000	7444	9000	9215
10.	Investitsiyalar hajmi		ming doll.	4508	4280	3721	3383	3368
11.	Ish joylari	Doimiy	Shtat birligi	7506	8257	9495	10445	11548
		Mavsumiy		10051	11056	12714	13986	15463
		Jami		17557	19313	22210	24431	27011

Keyingi tahrirga qarang.

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
2.4-ILOVA

2021 — 2025-yillarga moʻljallangan Jizzax viloyatida qorakoʻlchilikni rivojlantirishning

MAQSADLI PARAMETRLARI

T/r	Koʻrsatkichlar		Oʻlchov birligi	2021 yil	2022 yil	2023 yil	2024 yil	2025 yil
1.	Yaylovlar maydoni		ming gektar	621	621	621	621	621
2.	Qorakoʻl naslli qoʻylar		ming bosh	83	87	140	175	248
3.	Jun ishlab chiqarish		ming tonna	199,2	209	336	420	595
4.	Jundan yigirilgan ip ishlab chiqarish		ming tonna	80	84	134	168	238
5.	Gilamlar ishlab chiqarish		ming m²	4	4	7	8	12
6.	Kigiz ishlab chiqarish		ming m²	39	43	49	54	60
7.	Terilar ishlab chiqarish		ming dona	8	8	14	17	24
8.	Qorakoʻldan tayyor mahsulotlar ishlab chiqarish		dona	3000	3000	5000	7000	9000
9.	Qorakoʻl mahsulotlarini eksport qilish		ming doll.	203	339	408	473	1161
10.	Investitsiyalar hajmi		ming doll.	198	189	264	250	386
11.	Ish joylari	Doimiy	Shtat birligi	975	1073	1233	1357	1500
		Mavsumiy		1265	1391	1600	1760	1946
		Jami		2240	2464	2833	3117	3446

Keyingi tahrirga qarang.

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
2.5-ILOVA

2021 — 2025-yillarga moʻljallangan Qashqadaryo viloyatida qorakoʻlchilikni rivojlantirishning

MAQSADLI PARAMETRLARI

T/r	Koʻrsatkichlar		Oʻlchov birligi	2021 yil	2022 yil	2023 yil	2024 yil	2025 yil
1.	Yaylovlar maydoni		ming gektar	1214	1214	1214	1214	1214
2.	Qorakoʻl naslli qoʻylar		ming bosh	1812	1812	1812	1812	1812
3.	Jun ishlab chiqarish		ming tonna	4349	4349	4349	4349	4349
4.	Jundan yigirilgan ip ishlab chiqarish		ming tonna	1740	1740	1740	1740	1740
5.	Gilamlar ishlab chiqarish		ming m²	87	87	87	87	87
6.	Kigiz ishlab chiqarish		ming m²	435	435	435	435	435
7.	Terilar ishlab chiqarish		ming dona	176	176	176	176	176
8.	Qorakoʻldan tayyor mahsulotlar ishlab chiqarish		ming dona	70	70	70	70	70
9.	Qorakoʻl mahsulotlarini eksport qilish		ming doll.	4334	6121	6829	7564	8467
10.	Investitsiyalar hajmi		ming doll.	4300	3977	3426	3265	3125
11.	Ish joylari	Doimiy	Shtat birligi	6900	7590	8729	9602	10616
		Mavsumiy		9250	10175	11701	12872	14231
		Jami		16151	17766	20430	22473	24847

Keyingi tahrirga qarang.

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
2.6-ILOVA

2021 — 2025-yillarga moʻljallangan Navoiy viloyatida qorakoʻlchilikni rivojlantirishning

MAQSADLI PARAMETRLARI

T/r	Koʻrsatkichlar		Oʻlchov birligi	2021 yil	2022 yil	2023 yil	2024 yil	2025 yil
1.	Yaylovlar maydoni		ming gektar	7145	7145	7145	7145	7145
2.	Qorakoʻl naslli qoʻylar		ming bosh	1549	1600	1881	2300	2856
3.	Jun ishlab chiqarish		ming tonna	3718	3840	4514	5520	6854
4.	Jundan yigirilgan ip ishlab chiqarish		ming tonna	1487	1536	1806	2208	2742
5.	Gilamlar ishlab chiqarish		ming m²	74	77	90	110	137
6.	Kigiz ishlab chiqarish		ming m²	446	490	564	620	686
7.	Terilar ishlab chiqarish		ming dona	150	155	182	223	277
8.	Qorakoʻldan tayyor mahsulotlar ishlab chiqarish		ming dona	60	62	73	89	111
9.	Qorakoʻl mahsulotlarini eksport qilish		ming doll.	3700	6000	7300	8299	13372
10.	Investitsiyalar hajmi		ming doll.	3953	3479	3630	3736	3587
11.	Ish joylari	Doimiy	Shtat birligi	10806	11886	13669	15036	16624
		Mavsumiy		14576	16033	18438	20282	22424
		Jami		25381	27919	32107	35318	39048

Keyingi tahrirga qarang.

Oldingi tahrirga qarang.

(2.7-ilova Oʻzbekiston Respublikasi Prezidentining 2021-yil 8-iyuldagi PF-6259-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 09.07.2021-y., 06/21/6259/0657-son)

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
2.8-ILOVA

2021 — 2025-yillarga moʻljallangan Samarqand viloyatida qorakoʻlchilikni rivojlantirishning

MAQSADLI PARAMETRLARI

T/r	Koʻrsatkichlar		Oʻlchov birligi	2021 yil	2022 yil	2023 yil	2024 yil	2025 yil
1.	Yaylovlar maydoni		ming gektar	707	707	707	707	707
2.	Qorakoʻl naslli qoʻylar		ming bosh	460	461	461	461	461
3.	Jun ishlab chiqarish		ming tonna	1104	1106	1106	1106	1106
4.	Jundan yigirilgan ip ishlab chiqarish		ming tonna	442	443	443	443	443
5.	Gilamlar ishlab chiqarish		ming m²	22	22	22	22	22
6.	Kigiz ishlab chiqarish		ming m²	72	79	91	100	111
7.	Terilar ishlab chiqarish		ming dona	45	45	45	45	45
8.	Qorakoʻldan tayyor mahsulotlar ishlab chiqarish		ming dona	18	18	18	18	18
9.	Qorakoʻl mahsulotlarini eksport qilish		ming doll.	1102	1671	1732	1849	2158
10.	Investitsiyalar hajmi		ming doll.	1100	1002	871	792	824
11.	Ish joylari	Doimiy	Shtat birligi	1792	1971	2267	2494	2757
		Mavsumiy		2359	2595	2984	3282	3629
		Jami		4151	4566	5251	5776	6386

Keyingi tahrirga qarang.

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
2.9-ILOVA

2021 — 2025-yillarga moʻljallangan Surxondaryo viloyatida qorakoʻlchilikni rivojlantirishning

MAQSADLI PARAMETRLARI

T/r	Koʻrsatkichlar		Oʻlchov birligi	2021 yil	2022 yil	2023 yil	2024 yil	2025 yil
1.	Yaylovlar maydoni		ming gektar	737	737	737	737	737
2.	Qorakoʻl naslli qoʻylar		ming bosh	45	65	104	177	295
3.	Jun ishlab chiqarish		ming tonna	108	156	250	424	708
4.	Jundan yigirilgan ip ishlab chiqarish		ming tonna	43	62	100	170	283
5.	Gilamlar ishlab chiqarish		m²	2000	3000	5000	8000	14000
6.	Kigiz ishlab chiqarish		m²	46000	51000	58000	64000	71000
7.	Terilar ishlab chiqarish		dona	4000	6000	10000	17000	29000
8.	Qorakoʻldan tayyor mahsulotlar ishlab chiqarish		dona	2000	3000	4000	7000	11000
9.	Qorakoʻl mahsulotlarini eksport qilish		ming doll.	114	260	434	786	1381
10.	Investitsiyalar hajmi		ming doll.	107	141	196	304	460
11.	Ish joylari	Doimiy	Shtat birligi	1106	1217	1399	1539	1702
		Mavsumiy		1505	1655	1904	2094	2315
		Jami		2611	2872	3303	3633	4017

Keyingi tahrirga qarang.

Oldingi tahrirga qarang.

(2.10-ilova Oʻzbekiston Respublikasi Prezidentining 2021-yil 8-iyuldagi PF-6259-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 09.07.2021-y., 06/21/6259/0657-son)

Oldingi tahrirga qarang.

(2.11-ilova Oʻzbekiston Respublikasi Prezidentining 2021-yil 8-iyuldagi PF-6259-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 09.07.2021-y., 06/21/6259/0657-son)

Oldingi tahrirga qarang.

(2.12-ilova Oʻzbekiston Respublikasi Prezidentining 2021-yil 8-iyuldagi PF-6259-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 09.07.2021-y., 06/21/6259/0657-son)

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
2.13-ILOVA

2021 — 2025-yillarga moʻljallangan Xorazm viloyatida qorakoʻlchilikni rivojlantirishning

MAQSADLI PARAMETRLARI

T/r	Koʻrsatkichlar		Oʻlchov birligi	2021 yil	2022 yil	2023 yil	2024 yil	2025 yil
1.	Yaylovlar maydoni		gektar	41000	41000	41000	41000	41000
2.	Qorakoʻl naslli qoʻylar		bosh	1000	4000	6000	12000	16000
3.	Jun ishlab chiqarish		tonna	2000	10000	14000	29000	38000
4.	Jundan yigirilgan ip ishlab chiqarish		tonna	1000	4000	6000	12000	15000
5.	Gilamlar ishlab chiqarish		m²	50	190	290	580	770
6.	Kigiz ishlab chiqarish		ming m²	1505	1656	1904	2094	2309
7.	Terilar ishlab chiqarish		dona	100	400	600	1200	1600
8.	Qorakoʻldan tayyor mahsulotlar ishlab chiqarish		dona	—	200	200	500	600
9.	Qorakoʻl mahsulotlarini eksport qilish		doll.	4000	15000	22000	40000	84000
10.	Investitsiyalar hajmi		doll.	2300	4300	7500	8600	11000
11.	Ish joylari	Doimiy	Shtat birligi	101	112	128	141	156
		Mavsumiy		92	102	117	128	142
		Jami		194	213	245	270	298

Keyingi tahrirga qarang.

Oldingi tahrirga qarang.

(3-ilova Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 08.10.2021-y., 06/21/6320/0940-son)

Oʻzbekiston Respublikasi Prezidentining 2020-yil 2-sentabrdagi PF-6059-son Farmoniga
4-ILOVA

Qorakoʻl zotli qoʻylarni koʻpaytirishga moʻljallangan Yaylovlarni xatlovdan oʻtkazish va holatini oʻrganish boʻyicha komissiya

TARKIBI

Oldingi tahrirga qarang.

1.	lavozimi boʻyicha	—	Ipakchilik va jun sanoatini rivojlantirish qoʻmitasi raisi, Komissiya rahbari
2.	X. Toʻraxoʻjayev	—	Yer resurslari, geodeziya, kartografiya va davlat kadastri davlat qoʻmitasi raisi, Komissiya rahbari oʻrinbosari
3.	lavozimi boʻyicha	—	Qoraqalpogʻiston Respublikasi Vazirlar Kengashi Raisi, viloyatlar hokimlari
4.	N. Bakirov	—	Oʻrmon xoʻjaligi davlat qoʻmitasi raisi
5.	Sh. Teshayev	—	Qishloq xoʻjaligi vazirining birinchi oʻrinbosari
6.	Sh. Raximov	—	Bosh prokuror oʻrinbosari
7.	S. Nishanbayev	—	Ichki ishlar vazirining oʻrinbosari
8.	A. Ikramov	—	Davlat statistika qoʻmitasi raisining oʻrinbosari
9.	lavozimi boʻyicha	—	Yaylov xoʻjaligini rivojlantirish uyushmasining raisi

Izoh:

Komissiya aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.

Komissiya ishiga kelishuv boʻyicha boshqa vazirliklar, idoralar, mahalliy davlat hokimiyati organlari, xoʻjalik jamiyatlari va fuqarolik jamiyati institutlari rahbarlari va mutaxassislari jalb qilinishi mumkin.

(4-ilova Oʻzbekiston Respublikasi Prezidentining 2021-yil 8-iyuldagi PF-6259-sonli Farmoni tahririda — Qonunchilik maʼlumotlari milliy bazasi, 09.07.2021-y., 06/21/6259/0657-son)

Keyingi tahrirga qarang.

(Qonun hujjatlari maʼlumotlari milliy bazasi, 03.09.2020-y., 06/20/6059/1256-son; Qonunchilik maʼlumotlari milliy bazasi, 09.06.2021-y., 06/21/6243/0540-son; 09.07.2021-y., 06/21/6259/0657-son, 08.10.2021-y., 06/21/6320/0940-son, 16.12.2021-y., 06/21/34/1164-son, 01.04.2022-y., 06/22/95/0267-son; 10.06.2022-y., 06/22/150/0516-son; 18.02.2023-y., 06/23/24/0096-son; 12.06.2023-y., 06/23/90/0352-son; 11.11.2023-y., 06/23/193/0844-son; 10.05.2024-y., 06/24/76/0336-son; 31.01.2025-y., 06/25/15/0095-son; 17.03.2025-y., 06/25/47/0243-son)