Oʻzbekiston Respublikasi Prezidentining

Qarori

Xorazm viloyatida tadbirkorlikni rivojlantirish va uning investitsiyaviy jozibadorligini oshirish chora-tadbirlari toʻgʻrisida

Xorazm viloyatining mavjud sanoat va ishlab chiqarish salohiyatidan yanada samarali foydalanish, yangi ishlab chiqarish quvvatlarini tashkil qilish, hududga investitsiyalarni keng jalb etish va infratuzilmani takomillashtirish hamda bu orqali tadbirkorlikni qoʻllab-quvvatlash, yangi ish oʻrinlarini yaratish va aholi daromadlarini oshirish maqsadida:

1. Quyidagilar:

“Oʻzbekiston Respublikasi Tashqi iqtisodiy faoliyat milliy banki” AJning “NBU Invest Group” MCHJ, “Oʻzsanoatqurilishbank” ATBning “PSB Capital” MCHJ hamda “Asaka” ATBning “Asaka Capital Invest” MCHJ investitsiya kompaniyalari taʼsischiligida “Khorezm Invest Project” MCHJ investitsiya kompaniyasi (keyingi oʻrinlarda — investitsiya kompaniyasi) tashkil etilganligi;

Xorazm viloyatidagi investitsiya loyihalarining texnik-iqtisodiy asoslarini ishlab chiqish, loyihalarni amalga oshirishga mahalliy va xorijiy investorlarni jalb qilish investitsiya kompaniyasining asosiy vazifasi etib belgilanganligi;

investitsiya kompaniyasining ustav fondi dastlab 30 mln AQSH dollari ekvivalenti miqdorida shakllantirilganligi, keyinchalik investitsiya kompaniyasining ustav fondi investitsiya kompaniyasi taʼsischilarining qoʻshimcha hissalari va (yoki) jamiyatga qabul qilinadigan uchinchi shaxslarning hissalari hamda qonunchilikda taqiqlanmagan boshqa manbalar hisobidan 100 mln AQSH dollari ekvivalenti miqdorigacha koʻpaytirilishi maʼlumot uchun qabul qilinsin.

2. Quyidagilar:

Xorazm viloyatida 2020 — 2022-yillarda amalga oshiriladigan umumiy qiymati 2,2 trln soʻmlik 84 ta investitsiya loyihalarining manzilli roʻyxati 1-ilovaga muvofiq;

Xorazm viloyatida amalga oshiriladigan umumiy qiymati 516,8 mln dollarlik 26 ta istiqbolli investitsiya loyihalarining roʻyxati 2-ilovaga muvofiq tasdiqlansin.

3. Investitsiyalar va tashqi savdo vazirligi huzuridagi Investitsiya loyihalarini ishlab chiqish markazi:

uch oy muddatda qarorning 2-ilovasidagi istiqbolli 26 ta yirik investitsiya loyihalarining biznes-rejalarini xalqaro standartlar asosida ishlab chiqsin;

Xorazm viloyatining tuman va shaharlariga belgilangan tartibda biriktirilgan Oʻzbekiston Respublikasining xorijiy mamlakatlardagi diplomatik vakolatxonalari bilan birgalikda istiqbolli investitsiya loyihalariga xorijiy investitsiyalar jalb qilinishini taʼminlasin;

Xorazm viloyati hokimligi, Investitsiyalar va tashqi savdo vazirligi, tegishli tarmoq korxonalari bilan birgalikda 2021-yil 1-aprelga qadar istiqbolli 26 ta yirik investitsiya loyihalari bilan bir vaqtda Xorazm viloyatining har bir tumanida qoʻshimcha yangi sanoat ishlab chiqarish loyihalari ishga tushirilishini taʼminlasin.

4. Investitsiyalar va tashqi savdo vazirligi, Qurilish vazirligi, Yer resurslari, geodeziya, kartografiya va davlat kadastri davlat qoʻmitasi va Xorazm viloyati hokimligining:

“Hazorasp” erkin iqtisodiy zonasining qishloq xoʻjaligida foydalanilmayotgan boʻsh turgan yer uchastkalari hisobidan kengaytirilayotgan hududlarini 3-ilovaga muvofiq tasdiqlash;

“Hazorasp” erkin iqtisodiy zonasining kengaytirilgan hududlari bosh rejasini ishlab chiqish, shuningdek, yoʻl-transport va muhandislik-kommunikatsiya infratuzilmasini qurish hamda rekonstruksiya qilish boʻyicha Xorazm viloyati hokimligi huzuridagi “Yagona buyurtmachi xizmati” IK” davlat unitar korxonasini buyurtmachi etib belgilash;

“Hazorasp” erkin iqtisodiy zonasining bosh rejasini ishlab chiqish boʻyicha bosh loyiha tashkilotini tanlov asosida tanlash toʻgʻrisidagi takliflari maʼqullansin.

5. “Hazorasp” erkin iqtisodiy zonasiga Oʻzbekiston Respublikasining xorijdagi diplomatik vakolatxonalari 4-ilovaga muvofiq biriktirilsin.

Mazkur qarorning 4-ilovasiga muvofiq “Hazorasp” erkin iqtisodiy zonasining boʻsh yer maydonlariga biriktirilgan Oʻzbekiston Respublikasining Avstriya, Belgiya, Buyuk Britaniya, Germaniya, Gretsiya, Fransiya, Ispaniya, Italiya, Latviya, Polsha va Turkiya davlatlaridagi elchixonalari Xorazm viloyati hokimligi bilan birgalikda ikki oy muddatda toʻgʻridan-toʻgʻri xorijiy investitsiyalar hisobidan “Hazorasp” erkin iqtisodiy zonasida yangi investitsiya loyihalarini joylashtirish choralarini koʻrsin.

6. Xorazm viloyati hokimligi huzurida yuridik shaxs tashkil etmasdan Infratuzilma jamgʻarmasi tashkil etilsin va quyidagilar Jamgʻarma mablagʻlarini shakllantirish manbalari etib belgilansin:

davlat, xorijiy va xalqaro tashkilotlarning grantlari;

yuridik va jismoniy shaxslarning homiylik xayriyalari;

xalqaro moliya institutlari tomonidan ajratiladigan grant va kredit mablagʻlari;

qonun hujjatlarida taqiqlanmagan boshqa manbalar.

Belgilansinki, Infratuzilma jamgʻarmasi mablagʻlari “Hazorasp” erkin iqtisodiy zonasining kengaytirilgan hududlarida infratuzilma qurilishini moliyalashtirishga yoʻnaltiriladi.

7. Savdo-sanoat palatasi, Kichik biznes va tadbirkorlikni rivojlantirish agentligi tijorat banklari bilan birgalikda ikki hafta muddatda Xorazm viloyatidagi tadbirkorlik yoʻnalishlari boʻyicha loyihalarni ishlab chiqsin va ushbu loyihalarni amalga oshirishni tadbirkorlarga taklif etsin.

8. Investitsiyalar va tashqi savdo vazirligi, Transport vazirligi va “Oʻzbekiston temir yoʻllari” AJ 2020-yil 1-sentabrdan boshlab eksport qatnovlarda Xorazm viloyati va Toshkent shahri oʻrtasida eksport qiluvchilarga temir yoʻl yuk qatnovi tariflariga 50 foiz chegirma joriy etsin.

9. Xorazm viloyati hokimligi:

a) Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi bilan birgalikda “Hazorasp” erkin iqtisodiy zonasining kengaytirilgan hududlarida zamonaviy raqobatbardosh, import oʻrnini bosuvchi, eksportga yoʻnaltirilgan tayyor sanoat mahsulotlarini ishlab chiqarishga moʻljallangan ishlab chiqarish quvvatlarini bosqichma-bosqich joylashtirish choralarini koʻrsin;

b) Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Savdo-sanoat palatasi va tijorat banklari bilan birgalikda ikki oy muddatda:

Xorazm viloyati iqtisodiyotining ehtiyojlari, shuningdek, mavjud mineral-xomashyo, qishloq xoʻjaligi resurslari va infratuzilmani inobatga olgan holda, “Hazorasp” erkin iqtisodiy zonasi hududida zamonaviy raqobatbardosh, import oʻrnini bosuvchi, eksportga yoʻnaltirilgan tayyor sanoat mahsulotlarini ishlab chiqarish korxonalarini joylashtirish boʻyicha manzilli dasturni ishlab chiqsin va tasdiqlash uchun Vazirlar Mahkamasiga kiritsin;

“Hazorasp” erkin iqtisodiy zonasi hududida oʻzlashtirish uchun taklif qilinayotgan import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlari toʻgʻrisidagi maʼlumotlarning tadbirkorlik subyektlariga muntazam ravishda yetkazilishini taʼminlasin;

“Hazorasp” erkin iqtisodiy zonasi hududida loyihalarni amalga oshirish uchun tadbirkorlik subyektlari jalb etilishi hamda investitsiya buyurtmanomalarining oʻz vaqtida koʻrib chiqilishini taʼminlasin;

“Hazorasp” erkin iqtisodiy zonasi hududida ishlab chiqarishlarni tashkil etish boʻyicha investitsiya loyihalarining biznes-rejalarini ishlab chiqishda tadbirkorlik subyektlariga koʻmaklashish boʻyicha tegishli choralarni koʻrsin;

v) Moliya vazirligi bilan birgalikda bir oy muddatda xalq deputatlari Xorazm viloyati Kengashi bilan kelishgan holda viloyat mahalliy budjetining qoʻshimcha manbalari hisobidan “Hazorasp” erkin iqtisodiy zonasi Direksiyasi” DUKga kelgusi yillarda oʻzini oʻzi moliyalashtirishga oʻtkazish sharti bilan 2020-2021-yillar davrida saqlash xarajatlari uchun asoslangan hisob-kitoblarga muvofiq zarur mablagʻlar ajratilishini taʼminlasin.

Oldingi tahrirga qarang.

10. Tiklanish va taraqqiyot jamgʻarmasi mablagʻlari hisobidan “Hazorasp” erkin iqtisodiy zonasining kengaytirilgan hududlarida muhandislik-kommunikatsiya infratuzilmasi obyektlarini qurish uchun Xorazm viloyati hokimligi huzuridagi Infratuzilma jamgʻarmasiga 10 yil muddatga 2,5 foiz stavkasida 13 mln AQSH dollari ekvivalentida mablagʻlar ajratilsin.

(10-bandning birinchi xatboshisi Oʻzbekiston Respublikasi Prezidentining 2021-yil 20-dekabrdagi PF-36-sonli Farmoni tahririda — Qonunchilik maʼlumotlari milliy bazasi, 21.12.2021-y., 06/21/36/1175-son)

“Hazorasp” erkin iqtisodiy zonasining kengaytirilgan hududlarida transport, ishlab chiqarish va muhandislik-kommunikatsiya infratuzilmasini rivojlantirish dasturi 5-ilovaga muvofiq ushbu bandga asosan ajratiladigan mablagʻlar hisobidan amalga oshirilsin.

Oldingi tahrirga qarang.

11. Belgilansinki, Tiklanish va taraqqiyot jamgʻarmasidan ajratiladigan mablagʻlarni soʻndirishda “Hazorasp” erkin iqtisodiy zonasi hududida muhandislik-kommunikatsiya infratuzilmasi obyektlarini qurish xarajatlari tegishli ravishda investitsiya loyihalari tashabbuskorlari tomonidan mutanosib ravishda ajratilgan yer maydoni koʻlamidan kelib chiqib bosqichma-bosqich qoplanadi, soʻndirish uchun mablagʻlar yetarli boʻlmagan taqdirda Xorazm viloyati mahalliy budjeti mablagʻlari hisobidan qaytariladi.

(11-bandning birinchi xatboshisi Oʻzbekiston Respublikasi Prezidentining 2021-yil 20-dekabrdagi PF-36-sonli Farmoni tahririda — Qonunchilik maʼlumotlari milliy bazasi, 21.12.2021-y., 06/21/36/1175-son)

Investitsiyalar va tashqi savdo vaziri oʻrinbosari N.Q. Xolmuradov va Xorazm viloyati hokimining investitsiyalar va tashqi savdo masalalari boʻyicha oʻrinbosari Sh.O. Toʻlaganov Tiklanish va taraqqiyot jamgʻarmasi mablagʻlari hisobidan ajratiladigan mablagʻlardan samarali foydalanish va oʻz muddatida qaytarilishi uchun masʼuldirlar.

12. “Oʻzbekiston Respublikasi Tashqi iqtisodiy faoliyat milliy banki” AJ, “Asaka” ATB, “Oʻzsanoatqurilishbank” ATB Markaziy bank bilan birgalikda investitsiya kompaniyasining nizomi va uning mablagʻlaridan samarali foydalanish tartibini ishlab chiqsin va belgilangan tartibda tasdiqlasin.

13. Mazkur qaror ijrosini taʼminlash maqsadida:

Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov — qaror ijrosini tarmoq va hududlarda samarali tashkil etsin hamda muvofiqlashtirib borsin;

tashqi ishlar vazirining birinchi oʻrinbosari F.N. Arziyev — Xorazm viloyatida amalga oshiriladigan investitsiya loyihalariga chet el investorlarining jalb qilinishi, Oʻzbekiston Respublikasining xorijiy mamlakatlardagi diplomatik vakolatxonalarining faoliyati muvofiqlashtirilishini taʼminlasin;

transport vaziri va “Oʻzbekiston temir yoʻllari” AJ raisi X.N. Xasilov — Xorazm viloyatidan respublikaning boshqa hududlariga temir yoʻl transporti orqali yuk tashish xizmatlari boʻyicha muammolarning oʻz vaqtida bartaraf etilishini taʼminlasin;

investitsiyalar va tashqi savdo vazirining birinchi oʻrinbosari A.B. Voitov — Xorazm viloyatining har bir tumani kesimida amalga oshirilayotgan sanoat, xizmat koʻrsatish va qishloq xoʻjaligi sohasini rivojlantirish boʻyicha investitsiya loyihalarining oʻz vaqtida bajarilishi va eksportbop mahsulotlar ishlab chiqarish yoʻlga qoʻyilishini taʼminlasin;

Xorazm viloyati hokimi F.U. Ermanov — hududni ijtimoiy-iqtisodiy rivojlantirish, sanoat korxonalari va yangidan barpo etilayotgan ishlab chiqarish quvvatlaridan toʻliq foydalanish boʻyicha kompleks chora-tadbirlarni amalga oshirsin.

14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Ushbu qaror natijadorligi toʻgʻrisida 2020-yil 1-dekabrda va 2021-yilning har choragi yakuni boʻyicha Oʻzbekiston Respublikasi Prezidentiga axborot berilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 17-avgust,

PQ-4810-son

Oʻzbekiston Respublikasi Prezidentining 2020-yil 17-avgustdagi PQ-4810-son qaroriga
1-ILOVA

Xorazm viloyatida 2020 — 2022-yillarda amalga oshiriladigan investitsiya loyihalarining

MANZILLI ROʻYXATI

T/r	Tuman (shahar)	Loyiha tashabbuskori	Loyiha nomi	Loyiha qiymati (mln soʻm)	Oʻz mablagʻi(mln coʻm)	Bank krediti(mln coʻm)	Xorijiy kredit (ming doll)	Xorijiy investitsiya(ming doll)	Ish oʻrni	Ishga tushish muddati	Xizmat koʻrsatuvchi bank
1.	Urganch shahri	“Most forest produkts” MCHJ	Tayyor eshik romlari ishlab chiqarish	40080	30000	–	1000	–	80	2021-yil mart	Aloqa bank
2.	Urganch shahri	“Biznes markaz Humo” MCHJ	Zamonaviy savdo va biznesni tashkil etish	40000	20000	20000	–	–	25	2021-yil aprel	Aloqa bank
3.	Urganch shahri	“Urganch qurilish beton” MCHJ	Shagʻal ishlab chiqarish	13964	7680	–	623,4	–	22	2021-yil aprel	Oʻzsanoatqurilish bank
4.	Urganch shahri	“Urganch Lyuks Story Servis” MCHJ	Gazobeton ishlab chiqarish	625	20	–	60	–	5	2021-yil aprel	Oʻzsanoatqurilish bank
5.	Urganch shahri	“Chinobod Qurilish” XK	Temir beton mahsulotlari ishlab chiqarish	1550	450	1100	–	–	20	2021-yil mart	Oʻzsanoatqurilish bank
6.	Xiva shahri	“Sobir Arqonchi” XK	Umumiy ovqatlanishni tashkil qilish	1700	800	900	–	–	6	2021-yil mart	Milliy bank
7.	Xiva shahri	“Xiva Gold Tur” MCHJ	Mehmonxona tashkil qilish	5200	2700	2500	–	–	20	2021-yil mart	Milliy bank
8.	Xiva shahri	“Gandimyan Davr Savdo” MCHJ	Mebel ishlab chiqarishni tashkil qilish	1580	500	1080	–	–	3	2020-yil oktabr	Milliy bank
9.	Xiva shahri	“Akva Park Okean” OK	Mehmonxona tashkil qilish	15000	5000	10000	–	–	55	2021-yil mart	Milliy bank
10.	Xiva shahri	“Erkin Palas” MCHJ	Mehmonxona tashkil qilish	7040	2000	–	500	–	20	2021-yil dekabr	Qishloq-qurilishbank
11.	Xiva shahri	“Xorazm Ark” MCHJ	Umumiy ovqatlanishni tashkil qilish	4000	1000	3000	–	–	20	2021-yil dekabr	Qishloq-qurilishbank
12.	Xiva shahri	“Yoʻldosh majid” MCHJ	Ekobozor tashkil qilish	15120	7120	8000	–	–	80	2021-yil dekabr	Milliy bank
13.	Xiva shahri	“Xiva Fayz” XK	Gazoblok, penoblok, shlakoblok va beton plitalarini ishlab chiqarish	12223	6175	–	600	–	30	2021-yil sentabr	Milliy bank
14.	Xiva shahri	“Xiva Fayz” XK	Gʻisht ishlab chiqarishni tashkil qilish	2516	500	–	200	–	20	2021-yil sentabr	Milliy bank
15.	Xiva shahri	“Xiva Muhandis” XK	AGNTS shoxobchasini tashkil qilish	10856	3800	–	700	–	14	2021-yil oktabr	Milliy bank
16.	Xiva shahri	“Xorazm Green House” MCHJ	Oynani qayta ishlashni tashkil qilish	59472	30240	–	2900	–	85	2021-yil mart	Milliy bank
17.	Xiva shahri	“Xorazm Garant Invest” MCHJ	Mebel ishlab chiqarishni tashkil qilish	4275	1900	2375	–	–	8	2021-yil aprel	Milliy bank
18.	Bogʻot tumani	“Royal Agro House” MCHJ	Zamonaviy issiqxona (gidroponika) tashkil qilish	25860	5700	–	2000	–	70	2021-yil mart	Ipoteka bank
19.	Bogʻot tumani	“Inna Green Garden Project” MCHJ	Zamonaviy issiqxona (gidroponika) tashkil qilish	25860	5700	–	2000	–	70	2021-yil mart	Ipoteka bank
20.	Bogʻot tumani	“Davronbek Amirbek Issiqxonasi” MCHJ	Zamonaviy issiqxona (gidroponika) tashkil qilish	25860	5700	–	2000	–	70	2021-yil mart	Ipoteka bank
21.	Bogʻot tumani	“MM Agro Services Tomorqa Xizmat” MCHJ	Efir moyi ishlab chiqarish	78900	28500	–	5000	–	250	2021-yil mart	Ipoteka bank
22.	Bogʻot tumani	“Taʼmirqurilish” XK	Plastik (kanalizatsiya) trubalar va fitinglar ishlab chiqarish	20384	12320	–	800	–	40	2021-yil aprel	Ipoteka bank
23.	Bogʻot tumani	“Muzaffar” FX	Qovun yetishtirish hamda chuqur qayta ishlash klasteri	99060	28500	–	7000	–	100	2021-yil iyun	Oʻzsanoatqurilish bank
24.	Gurlan tumani	“Perfekt platinum” MCHJ	Tayyor dori vositalari (tabletka va kapsulalar) ishlab chiqarish	13864	5800	–	800	–	15	2021-yil mart	Agro bank
25.	Gurlan tumani	“Gurlan eksport” MCHJ	Zamonaviy issiqxona (gidroponika) tashkil qilish	142800	42000	–	10000	–	100	2021-2022-yillar	Agro bank
26.	Gurlan tumani	“Avar Woods” MCHJ	MDFni qayta ishlashni tashkil etish (laminatni yopishtirish)	11415	6375	–	500	–	20	2021-yil mart	Agro bank
27.	Gurlan tumani	“Moy dom” MCHJ	Un tegirmonini tashkil etish	2966	950	–	200	–	10	2021-yil mart	Agro bank
28.	Gurlan tumani	“Avar Woods” MCHJ	Sholi somonidan DSP ishlab chiqarishni tashkil qilish	26535	6375	–	2000	–	100	2021-yil mart	Agro bank
29.	Gurlan tumani	“Odilbek Laylo” MCHJ	Burama mix va zamonaviy mebel ishlab chiqarish	3974	950	–	300	–	18	2021-yil mart	Agro bank
30.	Qoʻshkoʻpir tumani	“Issiqxona xizmati” MCHJ	Zamonaviy issiqxona (gidroponika) tashkil qilish	26160	6000	–	2000	–	17	2021-yil avgust	Xalq bank
31.	Qoʻshkoʻpir tumani	“Xadra issiqxona servis” MCHJ	Zamonaviy issiqxona (gidroponika) tashkil qilish	11568	3000	–	850	–	16	2021-yil mart	Xalq bank
32.	Qoʻshkoʻpir tumani	“Jayhun Servis” MCHJ	Savdo va maishiy xizmat koʻrsatishni tashkil qilish	9000	4000	5000	–	–	50	2021-yil mart	Xalq bank
33.	Qoʻshkoʻpir tumani	“Zohidjon Qoʻshkoʻpir” OK	Chorvachilikni rivojlantirish	6000	2500	3500	–	–	13	2021-yil mart	Xalq bank
34.	Qoʻshkoʻpir tumani	“Inform Lider” FX	Zamonaviy issiqxona (gidroponika) tashkil qilish	18608	5000	–	1350	–	17	2021-yil mart	Xalq bank
35.	Qoʻshkoʻpir tumani	“Yusufboy Matkarimov” FX	Chorvachilikni rivojlantirish	1358	350	–	100	–	4	2021-yil aprel	Xalq bank
36.	Qoʻshkoʻpir tumani	“Yangi Qoʻshkoʻpir” XK	Zamonaviy ixtisoslashtirilgan qushxona tashkil qilish	1500	1200	300	–	–	13	2021-yil mart	Xalq bank
37.	Qoʻshkoʻpir tumani	“Qoʻshkoʻpir silikat gʻisht zavodi” MCHJ	Gazobeton ishlab chiqarish uskuna sotib olish	20104	7000	–	1300	–	15	2021-yil mart	Xalq bank
38.	Qoʻshkoʻpir tumani	“Mohinur hayot” OK	Savdo va maishiy xizmat koʻrsatishni tashkil qilish	4500	4000	500	–	–	20	2021-yil iyun	Xalq bank
39.	Qoʻshkoʻpir tumani	“Dovud quyon savdo” MCHJ	Quyonchilikni tashkil qilish	1300	800	500	–	–	5	2020-yil noyabr	Xalq bank
40.	Qoʻshkoʻpir tumani	“Kenagas quyon savdo” MCHJ	Quyonchilikni tashkil qilish	1400	900	500	–	–	5	2020-yil noyabr	Xalq bank
41.	Qoʻshkoʻpir tumani	“Qoʻshkoʻpir qurilish” MCHJ	Avtomobillarga siqilgan gaz quyish shoxobchasini tashkil qilish	10548	4500	–	600	–	12	2020-yil dekabr	Xalq bank
42.	Qoʻshkoʻpir tumani	“Qo'shko'pir yuksalish” MCHJ	Transport xizmatini tashkil qilish	804	300	–	50	–	1	2020-yil dekabr	Xalq bank
43.	Qoʻshkoʻpir tumani	“Imkon sulaymon” MCHJ	Zamonaviy issiqxona (gidroponika) tashkil qilish	37240	7000	–	3000	–	16	2021-yil mart	Xalq bank
44.	Tuproqqalʼa tumani	“Pitnak Fayz baraka” MCHJ	Diagnostika markazini tashkil etish	9948	3900	–	600	–	25	2020-yil dekabr	Xalq bank
45.	Tuproqqalʼa tumani	“Pitnak Lola servis” MCHJ	Savdo markazi va bolalar oʻyinchoqlarini ishlab chiqarishni tashkil qilish	3000	1500	1500	–	–	10	2020-yil dekabr	Xalq bank
46.	Tuproqqalʼa tumani	“Obod agro klaster” MCHJ	Gidroponika usulida issiqxona tashkil qilish	15988	4900	–	1100	–	25	2021-yil mart	Xalq bank
47.	Tuproqqalʼa tumani	“Eʼzoz drim biznes” MCHJ	Savdo xizmatini tashkil etish	600	150	450	–	–	3	2020-yil oktabr	Xalq bank
48.	Tuproqqalʼa tumani	“Injiniring Baxriddin” MCHJ	Gazobeton bloklari va devor panellarini ishlab chiqarishni tashkil qilish	108200	57800	–	5000	–	30	2021-yil mart	Xalq bank
49.	Tuproqqalʼa tumani	“Ziynatoy Azizbek” MCHJ	Savdo markazi va bolalar oʻyinchogʻi tashkil qilish	4000	3000	1000	–	–	6	2020-yil dekabr	Xalq bank
50.	Tuproqqalʼa tumani	“Obod gʻalla klaster” MCHJ	Zamonaviy issiqxona (gidroponika) tashkil qilish	12460	4900	–	750	–	20	2021-yil mart	Xalq bank
51.	Tuproqqalʼa tumani	“Xaitbayeva Naima” YTT	Savdo xizmatini tashkil qilish	130	30	100	–	–	1	2020-yil oktabr	Xalq bank
52.	Tuproqqalʼa tumani	“Global Food Impex” MCHJ	Zamonaviy issiqxona tashkil qilish	150800	50000	–	10000	–	480	2021-yil sentabr	Asaka bank
53.	Urganch tumani	“East Mining Invest” MCHJ	Avtoklav gazobeton ishlab chiqarish	194110	73150,0	–	12000,0	–	75	2020-yil oktabr	Oʻzsanoatqurilish bank
54.	Xiva tumani	“Dashyoq tolasi” FX	Un ishlab chiqarishni tashkil qilish	10056	3000	–	700	–	30	2021-yil aprel	Qishloq-qurilishbank
55.	Xiva tumani	“Xorazm chinni sopoli” XK	Sopol va chinni buyumlar ishlab chiqarishni tashkil qilish	4024	1000	–	300	–	40	2020-yil noyabr	Qishloq-qurilishbank
56.	Xiva tumani	“Xorazm terma plast” MCHJ	Penoplast ishlab chiqarishni tashkil qilish	2006	1300	–	70	–	5	2020-yil noyabr	Qishloq-qurilishbank
57.	Xiva tumani	“Xiva sher siti” XK	Profil ishlab chiqarishni tashkil qilish	2008	1000	–	100	–	12	2020-yil noyabr	Qishloq-qurilishbank
58.	Xiva tumani	“Ali Brend haus” MCHJ QK	Shlakoblok, penoblok va gazoblok ishlab chiqarishni tashkil qilish	6040	1000	–	200	300	15	2021-yil aprel	Qishloq-qurilishbank
59.	Xiva tumani	“Standart mahsulot tayyorlov” MCHJ	Shlakoblok, penoblok, gazoblok ishlab chiqarishni tashkil qilish	5008	4000	–	100	–	20	2020-yil noyabr	Qishloq-qurilishbank
60.	Xiva tumani	“Baliqchi chorvador” XK	Sutni qayta ishlash, yem ishlab chiqarish	13955	7000	–	690	–	15	2020-yil noyabr	Qishloq-qurilishbank
61.	Xonqa tumani	“Oasiss Dream” MCHJ	Yogʻ ishlab chiqarishni tashkil qilish	44 490	14 250	–	3 000	–	100	2020-yil dekabr	Oʻzsanoatqurilish bank
62.	Xonqa tumani	“Xonqa chevar” MCHJ	Tikuvchilik va toʻquvchilik faoliyatini tashkil etish	4524	1500	–	300	–	10	2021-yil mart	Milliy bank
63.	Xonqa tumani	“Xonqa Diagnostika” XK	Diagnostika markazini tashkil etish	6000	4000	2000	–	–	30	2020-yil dekabr	Milliy bank
64.	Xonqa tumani	“Namunali Matnazar” XK	Qurilish materiallari ishlab chiqarish	4524	1500	–	300	–	10	2021-yil mart	Milliy bank
65.	Xonqa tumani	“Xorazm teks” MCHJ	Chorvachilik kompleksini tashkil qilish	42240	12000	–	3000	–	20	2021-yil mart	Agro bank
66.	Xonqa tumani	“Oltin Sohil” XK	Supermarket tashkil qilish	9100	5600	3500	–	–	10	2021-yil mart	Milliy bank
67.	Xonqa tumani	“Sobir Rozzoq” OK	Charm va attorlik mahsulotlari ishlab chiqarish	5500	4300	1200	–	–	10	2021-yil mart	Milliy bank
68.	Xonqa tumani	“Artur Best Dizayn” OK	Savdo doʻkoni va tikuvchilik sexi tashkil qilish	7000	6000	1000	–	–	5	2021-yil mart	Qishloq-qurilishbank
69.	Xonqa tumani	“Ata Plast” MCHJ	Tomchilab sugʻorish tizimi uskunalarini ishlab chiqarish	72576	14112	–	4800	1000	70	2021-yil mart	Milliy bank
70.	Shovot tumani	“Max Gold trade” MCHJ	Chorvachilikni rivojlantirish	1000	500	500	–	–	3	2020-yil dekabr	Mikrokredit bank
71.	Shovot tumani	“Shovot siti” MCHJ	Mevani qayta ishlash	3950	950	3000	–	–	22	2020-yil oktabr	Mikrokredit bank
72.	Shovot tumani	“Faol invest” OK	Mehmonxona tashkil qilish	1300	600	700	–	–	10	2020-yil oktabr	Mikrokredit bank
73.	Shovot tumani	“Prof stil” XK	Avtomobillarga texnik xizmat koʻrsatish	400	200	200	–	–	3	2021-yil mart	Mikrokredit bank
74.	Shovot tumani	“Jannat green house” MCHJ	Parrandachilikni rivojlantirish	600	200	400	–	–	5	2020-yil dekabr	Mikrokredit bank
75.	Shovot tumani	“Mohira Jahongir Dostonbek” MCHJ	Penoblok, non va non mahsulotlari ishlab chiqarish	210	60	150	–	–	6	2020-yil dekabr	Mikrokredit bank
76.	Shovot tumani	“Avezmetova Zulfiya” FX	Parrandachilikni rivojlantirish	2000	600	1400	–	–	4	2021-yil iyun	Oʻzsanoatqurilish bank
77.	Shovot tumani	“Azamat Farhod” FX	Baliqchilikni rivojlantirish	700	200	500	–	–	6	2021-yil aprel	Mikrokredit bank
78.	Shovot tumani	“Kunjut” MCHJ	Issiqxona qurish (1 ga)	7940	2900	–	500	–	5	2021-yil aprel	Mikrokredit bank
79.	Shovot tumani	“Choʻqli agro injener” MCHJ	Issiqxona qurish (25 ga)	99516	11820	–	8700	–	157	2021-yil aprel	Mikrokredit bank
80.	Yangiariq tumani	“Global Food Impex” MCHJ	Zamonaviy issiqxona tashkil qilish	452520	135000	–	31500	–	1500	2021-yil sentabr	Asaka bank
81.	Yangibozor tumani	“Mard Jaloladdin” FX	Issiqxona tashkil qilish	20160	6250	–	1380	–	15	2021-yil mart	Turon bank
82.	Yangibozor tumani	“Export Holding” FX	Issiqxona tashkil qilish	20160	6250	–	1380	–	15	2021-yil mart	Turon bank
83.	Yangibozor tumani	“Matyusuf Yuldash” FX	Issiqxona tashkil qilish	20160	6250	–	1380	–	15	2021-yil mart	Turon bank
84.	Yangibozor tumani	“Bogʻolon Grin Xous” FX	Zamonaviy issiqxona (gidroponika) tashkil qilish	6048	4536	–	150	–	6	2020-yil dekabr	Turon bank
JAMI:				2237720	772513	76855	135633	1300	4141

Oʻzbekiston Respublikasi Prezidentining 2020-yil 17-avgustdagi PQ-4810-son qaroriga
2-ILOVA

Xorazm viloyatida amalga oshiriladigan istiqbolli investitsiya loyihalarining

ROʻYXATI

T/r	Tuman (shahar)	Loyiha tashabbuskori	Loyiha nomi	Loyiha qiymati (mln AQSH dollar)	Ish oʻrni
1.	Bogʻot tumani	“Xorazm tex” MCHJ	Tayyor mahsulot ishlab chiqarish uchun toʻqimachilik klasterini tashkil etish	36,8	1286
2.	Bogʻot tumani	“Perfekt Logistik” MCHJ	Parfyumeriya moylarini ishlab chiqarish	1,0	20
3.	Bogʻot tumani	“Avto Xizmat” AJ	Qizilmiyadan glitsirin kislotasi ishlab chiqarishni tashkil etish	5,0	50
4.	Gurlan tumani	“Tianfeng” MCHJ	Tomchilab sugʻorish tizimlarini ishlab chiqarish	13,5	945
5.	Qoʻshkoʻpir tumani	“Qoʻshkoʻpir texnoimpeks” MCHJ	LED lampalarini ishlab chiqarish	3,1	215
6.	Urganch tumani	“AR Logistics Vegetables & Fruits” MCHJ	Agrologistik markazini tashkil etish	102,6	500
7.	Urganch tumani	“Energy technologies” MCHJ	Qattiq maishiy chiqindilarni qayta ishlash va muqobil yoqilgʻi ishlab chiqarish	75,6	600
8.	Urganch shahri	“Urganch qurilish beton” MCHJ	Suv filtrlarini ishlab chiqarish	7,0	69
9.	Urganch shahri	“Imkoniyat Saxovat” MCHJ	Farmatsevtika mahsulotlarini ishlab chiqarishni tashkil etish	10,0	200
10.	Urganch shahri	“Sayyod qurilish” MCHJ	Uy qurilishi kombinatini tashkil etish	14,0	200
11.	Xiva tumani	“Urugʻ Trans” MCHJ	Oʻsimlik yogʻini ishlab chiqarishni tashkil etish	1,1	74
12.	Xiva tumani	“Xiva maishiy texnika” MCHJ	Elektr texnika jihozlari (muzlatkichli savdo rastalari, vitrinalar va boshqalar)ni ishlab chiqarish	5,1	210
13.	Xiva tumani	“Sam Amper Gilam” MCHJ	Kovrolin ishlab chiqarishni tashkil etish	9,1	250
14.	Urganch shahri	“Abrorbek Hayitboy” FX	Mayda va yirik shoxli qoramol terilarini qayta ishlash, teri ishlab chiqarishni tashkil etish	5,8	70
15.	Xiva tumani	“Alkusair” kompaniyasi	Turistik rekreatsion klasterni tashkil etish	31,2	625
16.	Hazorasp tumani	“Baliqchi chorvador” XK	Qora ikra va baliq (osyotr) yetishtirish	91,0	200
17.	Xiva shahri	“Xorazm chinni sopoli” XK	Zargarlik buyumlarini ishlab chiqarish	1,7	119
18.	Xonqa tumani	“Foodmeed” MCHJ	Sut yoʻnalishida chorvachilik kompleksini va yiliga 14 ming tonna quvvatga ega kombikorm ishlab chiqarishni tashkil etish	10,5	300
19.	Xonqa tumani	“Xankagro Impeks” MCHJ	Mevali intensiv bogʻlar tashkil etish	2,3	161
20.	Hazorasp tumani	“Future industries” MCHJ	Maishiy texnikalarni ishlab chiqarish va yigʻishni tashkil etish	21	200
21.	Hazorasp tumani	“Oriyent Keramiks” MCHJ	Sopol plitalar ishlab chiqarishni tashkil etish	6,9	150
22.	Yangiariq tumani	“Xorazm Green House” MCHJ	“Float” texnologiyasi boʻyicha yupqa oyna ishlab chiqarish	31,9	300
23.	Yangiariq tumani	“Agro Park Demetr” MCHJ	Issiqxona uchun butlovchi buyumlar ishlab chiqarishni tashkil etish	6,8	68
24.	Yangibozor tumani	“Yangibozor Ulgurji Savdo” MCHJ	Bolalar ovqatlarini ishlab chiqarish	15,6	156
25.	Yangibozor tumani	“Yangibozor Ulgurji Savdo” MCHJ	Qandolat mahsulotlarini ishlab chiqarish	4,4	25
26.	Yangibozor tumani	“Dostonbek” FX	Qadoqlash uchun taralar ishlab chiqarishni tashkil etish (PET, polimerli, qogʻozli va boshqalar)	3,8	22
JAMI:				516,8	7015

Oldingi tahrirga qarang.

Oʻzbekiston Respublikasi Prezidentining 2020-yil 17-avgustdagi PQ-4810-son qaroriga
3-ILOVA

“Hazorasp” erkin iqtisodiy zonasining qishloq xoʻjaligida foydalanilmayotgan boʻsh turgan yer uchastkalari hisobidan kengaytirilayotgan hududlari

T/r	Tuman nomi	Manzili	Kontur raqami	Yer maydoni (gektar)
1.	Qoʻshkoʻpir tumani	Yangiliq qishlogʻi, M. Rahimov massivi	(1)	15,0
2.	Yangibozor tumani	Boʻzqalʼa qishlogʻi	30	15,0
Jami:				30,0

(3-ilovaning matni Oʻzbekiston Respublikasi Prezidentining 2023-yil 28-noyabrdagi PQ-379-sonli qarori tahririda — Qonunchilik maʼlumotlari milliy bazasi, 29.11.2023-y., 07/23/379/0903-son)

Oʻzbekiston Respublikasi Prezidentining 2020-yil 17-avgustdagi PQ-4810-son qaroriga
4-ILOVA

“Hazorasp” erkin iqtisodiy zonasiga Oʻzbekiston Respublikasining xorijdagi diplomatik vakolatxonalarini biriktirish

ROʻYXATI*

Biriktirilgan diplomatik vakolatxonalar	Ixtisoslashuv yoʻnalishi
Oʻzbekiston Respublikasining Germaniya Federativ Respublikasidagi Elchixonasi	Bolalar uchun oziq-ovqat, tibbiyot uskunalari, dori vositalari va maishiy elektrotexnika vositalarini ishlab chiqarish
Oʻzbekiston Respublikasining Ispaniya Qirolligidagi Elchixonasi	Meva va sabzavotlarni konservalash, tikuvchilik mahsulotlarini ishlab chiqarish
Oʻzbekiston Respublikasining Avstriya Respublikasidagi Elchixonasi	Qurilish materiallari va qurilish asbob-uskunalarini ishlab chiqarish
Oʻzbekiston Respublikasining Italiya Respublikasidagi Elchixonasi	Qurilish materiallari (keramik plitalar) ishlab chiqarish, meva va sabzavotlarni qayta ishlash
Oʻzbekiston Respublikasining Belgiya Qirolligidagi Elchixonasi	Shirinliklar tayyorlash uchun asbob va uskunalar ishlab chiqarish
Oʻzbekiston Respublikasining Latviya Respublikasidagi Elchixonasi	Immunitetni quvvatlovchi va virusga qarshi preparatlarni ishlab chiqarish
Oʻzbekiston Respublikasining Polsha Respublikasidagi Elchixonasi	Qishloq xoʻjaligi mahsulotlarini qayta ishlash uskunalarini ishlab chiqarish
Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi Elchixonasi	Maishiy kimyo mahsulotlarini ishlab chiqarish
Oʻzbekiston Respublikasining Fransiya Respublikasidagi Elchixonasi	Ichki yonuv dvigatellarini ishlab chiqarish
Oʻzbekiston Respublikasining Turkiya Respublikasidagi Elchixonasi	Tekstil uskunalari, tayyor tikuvchilik mahsulotlari, bolalar va kattalar uchun taglik, charmpoyabzal mahsulotlarini ishlab chiqarish
Oʻzbekiston Respublikasining Gretsiya Respublikasidagi bosh konsulligi	Tayyor tekstil mahsulotlarini ishlab chiqarish

* Ixtisoslashuv yoʻnalishlari boʻyicha loyiha tashabbuskorlariga loyiha qiymatidan kelib chiqqan holda, 2 — 2,5 gektardan yer uchastkalari ajratiladi.

Oldingi tahrirga qarang.

Oʻzbekiston Respublikasi Prezidentining 2020-yil 17-avgustdagi PQ-4810-son qaroriga
5-ILOVA

“Hazorasp” erkin iqtisodiy zonasining kengaytirilgan hududlarida transport, ishlab chiqarish va muhandislik-kommunikatsiya infratuzilmasini rivojlantirish

DASTURI

T/r	Hudud nomi	Avtomobil yoʻllarini qurish va taʼmirlash		Suv taʼminoti va kanalizatsiya tarmoqlarini qurish hamda rekonstruksiya qilish		Elektr energiyasi tarmoqlarini qurish va rekonstruksiya qilish		Tabiiy gaz tarmoqlarini qurish va rekonstruksiya qilish		Telekommunikatsiya tarmoqlarini qurish
T/r	Hudud nomi	quvvati (km)	qiymati (mln soʻm)	quvvati (km, dona)	qiymati (mln soʻm)	quvvati (km, dona)	qiymati (mln soʻm)	quvvati (km, dona)	qiymati (mln soʻm)	quvvati (km, dona)	qiymati (mln soʻm)
1.	Qoʻshkoʻpir tumani	3 km	2 700,0	4,5 km D-200 polietilen ichimlik suv quvuri	675,0	1 km 10 kV havo liniyasi 2ta GKTP 630 kVA transformator punkti	630,0	2 dona GTK, 150 metr D-114 gaz quvuri	15,9	1,5 km	70,0
2.	Yangibozor tumani	2 km	1 800,0	1,0 km D-200 polietilen ichimlik suv quvuri	150,0	1,0 km 10 kV havo liniyasi 2ta GKTP 630 kVA transformator punkti	630,0	2 dona GTK 800 metr D-114 gaz quvuri	35,0	1,0 km	55,0
Jami:			4 500,0		825,0		1 260,0		50,9		125,0

(5-ilovaning matni Oʻzbekiston Respublikasi Prezidentining 2023-yil 28-noyabrdagi PQ-379-sonli qarori tahririda — Qonunchilik maʼlumotlari milliy bazasi, 29.11.2023-y., 07/23/379/0903-son)

(Qonun hujjatlari maʼlumotlari milliy bazasi, 18.08.2020-y., 07/20/4810/1188-son; Qonunchilik maʼlumotlari milliy bazasi, 21.12.2021-y., 06/21/36/1175-son; 29.11.2023-y., 07/23/379/0903-son)