toggle_night_mode
Hujjat kuchini yo‘qotgan 22.02.2021
Oʻzbekiston Respublikasi Prezidenti huzuridagi Vazirlar Mahkamasining
qarori
MAKKAJOʻXORI DONIGA ERKIN NARXLAR JORIY ETISh TOʻGʻRISIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Makkajoʻxori yetishtirish hajmlarini koʻpaytirish uchun sharoitlar yaratish, щuningdek, jamoa va davlat xoʻjaliklari, ijarachi jamoalar va fermer xoʻjaliklarining sanoat mahsuloti, yoqilgʻi, elektr energiyasi sotib olish, transport xarajatlarini va boshqa sarflarini qisman qoplash maqsadida Vazirlar Mahkamasi qaror qiladi:
1. Oʻzbekiston Respublikasi Moliya vazirligi, Qishloq xoʻjaligi vazirligi va “Oʻzdonmahsulot” konsernining 1992-yil hosilidan makkajoʻxori doniga shartnomaviy (erkin) xarid narxlari joriy etish haqidagi takliflari qabul qilinsin.
2. Oʻzbekiston Respublikasi Prezidenti huzuridagi Vazirlar Mahkamasining 1992-yil 9-yanvardagi 4-son va 1992-yil 21-yanvardagi 23-son qarorlarining makkajoʻxori doniga cheklangan xarid narxlari belgilash haqidagi qismi oʻz kuchini yoʻqotgan deb hisoblansin.
Vazirlar Mahkamasining Raisi I. KARIMOV
Toshkent sh.,
1992-yil 25-avgust,
397-son