toggle_night_mode
Hujjat 30.08.2024 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI VAZIRLAR MAHKAMASINING 1994-YIL 7-APRELDAGI 192-SON QARORIGA QOʻSHIMCHALAR VA OʻZGARTIRISHLAR KIRITISH TOʻGʻRISIDA
Oʻzbekiston Respublikasining xorijiy davlatlar bilan diplomatik munosabatlarini yanada rivojlantirish, Oʻzbekiston Respublikasining ishlab turgan konsullik muassasalari faoliyatini takomillashtirish, ularning vakolatlarini kengaytirish maqsadida, Vazirlar Mahkamasining “Chet ellarda Oʻzbekiston Respublikasining konsullik vakolatxonalarini ochish toʻgʻrisida” 1994-yil 7-apreldagi 192-son qaroriga qoʻshimcha va oʻzgartirish sifatida Vazirlar Mahkamasi qaror qiladi:
1. Afina shahrida (Gretsiya Respublikasi) Oʻzbekiston Respublikasining Bosh konsulxonasi ochilsin.
2. 1996-yil 1-noyabrdan boshlab:
Frankfurt-Mayndagi (Germaniya Federativ Respublikasi),
Nyu-Yorkdagi (Amerika Qoʻshma Shtatlari),
Bangkokdagi (Tailand Qirolligi) konsulxonalar Oʻzbekiston Respublikasining Bosh konsulxonalariga aylantirilsin.
3. Bosh konsulxonalarning 1996-yil uchun shtat jadvali va xarajatlar smetasi 1 — 8-ilovalarga* muvofiq tasdiqlansin.
* 2, 4, 6 va 8-ilovalar berilmaydi.
Oʻzbekiston Respublikasi Moliya vazirligi 1996-yil uchun zarur mablagʻlarni kadrlar bilan butlanishiga qarab, xarajatlar smetasiga muvofiq ajratsin.
4. Oʻzbekiston Respublikasi Tashqi ishlar vazirligi Bosh konsulxonalarning diplomatik tarkibini shtat jadvaliga muvofiq kadrlar bilan butlash uchun nomzodlar boʻyicha bir oy muddatda takliflar kiritsin.
Vazirlar Mahkamasining Raisi I. KARIMOV
Toshkent sh.,
1996-yil 8-oktabr,
353-son
Vazirlar Mahkamasining 1996-yil
8-oktabrdagi 353-son qaroriga
1-ILOVA
Gretsiya Respublikasidagi (Afina shahri)
Oʻzbekiston Respublikasi Bosh konsulxonasining
SHTAT JADVALI
№

Lavozim (Diptarkib)

 Shtatdagi xodimlar soni‎ Elchining maoshi (2200)ga nisbatan foizlarda xodimlarning maoshi Oylik maoshi‎ 1996-yil uchun ish haqi fondi
1.‎ Bosh konsul 1‎ 85% 1870 22440
2.‎ Ikkinchi kotib 1 70% 1540 18480
Hammasi 2 3410 40920
Maʼmuriy-texnik xodimlar tarkibi:
1.‎ Katta buxgalter, ayni paytda kanselyariya mudiri 1 65% 1430 17160
2.‎ Joyning oʻzida yollanadigan yoki xodimlarning oila aʼzolaridan iborat boʻladigan xodimlar: farrosh, avtomobil haydovchi va boshqalar (soatbay haq toʻlanadi) 800 9600
Hammasi 1 2230 26760
‎ Jami 3 ‎ 5640 67680

(hisob-kitoblar AQSh dollarida)‎

Oldingi tahrirga qarang.
(3-ilova Oʻzbekiston Respublikasi Prezidentining 2024-yil 30-avgustdagi PF-133-sonli Farmoniga asosan oʻz kuchini yoʻqotgan)
Oldingi tahrirga qarang.
(5-ilova Oʻzbekiston Respublikasi Prezidentining 2020-yil 7-yanvardagi PQ-4558-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 08.01.2020-y., 07/20/4558/0033-son)
Oldingi tahrirga qarang.
(7-ilova Oʻzbekiston Respublikasi Prezidentining 2024-yil 30-avgustdagi PF-133-sonli Farmoniga asosan oʻz kuchini yoʻqotgan)