toggle_night_mode
Hujjat 30.06.2020 sanasi holatiga
Amaldagi versiyaga o‘tish
Oʻzbekiston Respublikasi Prezidentining
Qarori
Qishloq xoʻjaligi mashinasozligi sohasini boshqarish tizimini yanada takomillashtirishga oid chora-tadbirlar toʻgʻrisida
Qishloq xoʻjaligi mashinasozligi korxonalarini boshqarish tizimini yanada maqbullashtirish va takomillashtirish maqsadida:
1. Oʻzbekiston Respublikasi Davlat aktivlarini boshqarish agentligining “Oʻzagrotexsanoatxolding” aksiyadorlik jamiyatini tugatish toʻgʻrisidagi taklifiga rozilik berilsin.
2. “Oʻzagrotexsanoatxolding” aksiyadorlik jamiyatini tugatish komissiyasi ilovaga muvofiq tarkibda tuzilsin.
Oʻzbekiston Respublikasi Vazirlar Mahkamasi ikki hafta muddatda “Oʻzagrotexsanoatxolding” AJni tugatish boʻyicha “yoʻl xaritasi”ni tasdiqlasin va uning bajarilishini taʼminlansin.
Keyingi tahrirga qarang.
3. Belgilansinki, “Oʻzagrotexsanoatxolding” AJ korxonalari uchun imtiyozlar va preferensiyalar (qoʻshilgan qiymat soligʻi boʻyicha imtiyozlar bundan mustasno) berish boʻyicha ilgari qabul qilingan qonun hujjatlari oʻz kuchini Oʻzbekiston Respublikasi Prezidenti va Hukumatining tegishli hujjatlari bilan belgilangan muddat tugagunga qadar saqlab qoladi.
4. Oʻzbekiston Respublikasi Davlat aktivlarini boshqarish agentligi manfaatdor idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 30-iyun,
PQ-4765-son
Oʻzbekiston Respublikasi Prezidentining 2020-yil 30-iyundagi PQ-4765-son qaroriga
ILOVA
“Oʻzagrotexsanoatxolding” aksiyadorlik jamiyatini tugatish komissiyasi
TARKIBI

1.

S. Bekenov

—

Oʻzbekiston Respublikasi Davlat aktivlarini boshqarish agentligi direktori, tugatish komissiyasi raisi

2.

O. Nasritdinxodjayev

—

Oʻzbekiston Respublikasi moliya vaziriningbirinchi oʻrinbosari, tugatish komissiyasi raisi oʻrinbosari

3.

B. Abdinazarov

—

Oʻzbekiston Respublikasi iqtisodiy taraqqiyot va kambagʻallikni qisqartirish vaziri oʻrinbosari, tugatish komissiyasi raisi oʻrinbosari

4.

O. Kudratov

—

Oʻzbekiston Respublikasi Hisob palatasi bosh inspektori

5.

Lavozimiga koʻra

—

Oʻzbekiston Respublikasi Vazirlar Mahkamasi Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti boshligʻi oʻrinbosari

6.

X. Meliyev

—

Oʻzbekiston Respublikasi adliya vaziri oʻrinbosari

7.

S. Xodjayev

—

Oʻzbekiston Respublikasi qishloq xoʻjaligi vaziri oʻrinbosari

8.

F. Umarov

—

Oʻzbekiston Respublikasi Davlat soliq qoʻmitasi raisi oʻrinbosari

9.

T. Samandarov

—

Oʻzbekiston Respublikasi Davlat aktivlarini boshqarish agentligining boshqarma boshligʻi

10.

N. Otajonov

—

“Oʻzagrotexsanoatxolding” AJ boshqaruvi raisi

11.

R. Yusupov

—

“Oʻzavtosanoat” AJ boshqaruvi raisi oʻrinbosari

12.

N. Volosina

—

“Oʻzagrotexsanoatxolding” AJ boshqarma boshligʻi

13.

O. Omonov

—

Oʻzbekiston Respublikasi Moliya vazirligining Davlat moliyaviy nazorat departamenti direktori oʻrinbosari

14.

D. Muxammadiyev

—

“Oʻzagrotexsanoatxolding” AJ boshqarma boshligʻi, tugatish komissiyasi kotibi

Izoh: tugatish komissiyasi aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki tegishli vazifalarni bajarish zimmasiga yuklatilgan shaxslar kiritiladi.
Keyingi tahrirga qarang.
(Qonun hujjatlari maʼlumotlari milliy bazasi, 30.06.2020-y., 07/20/4765/1003-son; 27.04.2024-y., 06/24/67/0307-son)