|
Hujjat kuchini yo‘qotgan 16.05.2001
|
Hujjat 01.10.1996 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
ChETGA OLIB ChIQIB KETILAYoTGAN TOVARLARNING AYRIM TURLARIGA AKSIZ SOLIGʻI JORIY ETISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2001-yil 16-maydagi 217-sonli “Oʻzbekiston Respublikasi Hukumatining ayrim qarorlariga oʻzgartirishlar, qoʻshimchalar kiritish va ayrim qarorlarini oʻz kuchini yoʻqotgan deb hisoblash toʻgʻrisida”gi qaroriga muvofiq oʻz kuchini yoʻqotgan.
Isteʼmol bozorining mutanosibligini taʼminlash, respublika fuqarolari manfaatlarini himoya qilish, taqchil tovarlarning koʻplab miqdorda asossiz ravishda chetga olib chiqib ketilishining oldini olish maqsadida Vazirlar Mahkamasi qaror qiladi:
1. 1996-yil 10-oktabrdan boshlab respublikadan yuridik va xorijiy shaxslar tomonidan olib chiqib ketiladigan tovarlarga ilovaga muvofiq roʻyxat va stavka boʻyicha aksiz soligʻi joriy etilsin.
Belgilab qoʻyilsinki:
mahsulotni erkin almashtiriladigan valyutaga eksport qiluvchi tovar ishlab chiqaruvchilarning mahsulotlariga;
jismoniy shaxslar tomonidan olib chiqib ketiladigan bir jismoniy shaxsga bittagacha tovarga aksiz soligʻi solinmaydi.
2. Oʻzbekiston Respublikasi Moliya vazirligi va Davlat soliq qoʻmitasi chetga olib chiqib ketiladigan aksiz soligʻi solinadigan tovarlar uchun aksiz soligʻi toʻlash tartibini besh kun muddatda ishlab chiqsin va tasdiqlasin.
Davlat soliq qoʻmitasi aksiz soligʻi toʻgʻri hisoblanishi va toʻliq toʻlanishi ustidan nazorat oʻrnatsin.
3. Mazkur qarorning bajarilishini nazorat qilish Bosh vazirning oʻrinbosari B.S. Hamidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 1-oktabr,
343-son
Oʻzbekiston Respublikasi hududidan chetga olib chiqib ketilayotgan aksiz soligʻi solinadigan tovarlar uchun aksiz soligʻi
STAVKALARI
|
Tashqi iqtisodiy faoliyat tovar nomenklaturasi kodi |
Tovarlarning nomi |
Aksiz soligʻi stavkalari (kontrakt qiymatiga yoki tovarning xarid qiymatiga nisbatan foizlarda) |
|
Murakkab maishiy texnika: |
50% | |
| 8418 — sovutgichlar | | |
| 8528 — televizorlar | | |
| 8521 — videomagnitofonlar | | |
| 852031 — magnitofonlar | | |
| 851650000 — mikrotoʻlqinli pechlar | | |
| 8527 — radiopriyomniklar | | |
| 850910 — chang yutgichlar | | |
| 850940000 — mikserlar | | |
| 851010000 — elektr ustaralar | | |
| 851640 — elektr dazmollar | | |
| | ||
| | | |
| | Qayta eksport sifatida chetga olib chiqib ketilayotgan boshqa mahsulotlar |
25% |
Keyingi tahrirga qarang.
(Oʻzbekiston Respublikasi Hukumatining qarorlari toʻplami, 1996-y., 10-son, 28-modda)
