Oʻzbekiston Respublikasi Vazirlar Mahkamasining

qarori

Konsullik roʻyxatida turuvchi Oʻzbekiston Respublikasi fuqarolariga Oʻzbekiston Respublikasining xorijdagi konsullik muassasalari, Oʻzbekiston Respublikasi Tashqi ishlar vazirligining Konsullik-huquqiy departamenti, shuningdek, Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalari tomonidan Oʻzbekiston Respublikasi fuqarosining xorijga chiqish biometrik pasportini rasmiylashtirish, berish va almashtirish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining “Oʻzbekiston Respublikasi fuqarolarining xorijga chiqish tartibini takomillashtirishga doir muhim chora-tadbirlar toʻgʻrisida” 2017-yil 16-avgustdagi PF-5156-son Farmoniga, “Oʻzbekiston Respublikasi fuqarosining xorijga chiqish biometrik pasportini rasmiylashtirish va berish tizimini yaratish hamda Oʻzbekiston Respublikasi biometrik pasport tizimini modernizatsiya qilishga doir qoʻshimcha chora-tadbirlar toʻgʻrisida” 2018-yil 26-dekabrdagi PQ-4079-son va “Davlat xizmatlari koʻrsatish milliy tizimini yanada kompleks rivojlantirish choralari haqida” 2019-yil 15-fevraldagi PQ-4193-son qarorlariga muvofiq Vazirlar Mahkamasi qaror qiladi:

1. Konsullik roʻyxatida turuvchi Oʻzbekiston Respublikasi fuqarolarga Oʻzbekiston Respublikasining xorijdagi konsullik muassasalari, Oʻzbekiston Respublikasi Tashqi ishlar vazirligining Konsullik-huquqiy departamenti, shuningdek, Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalari tomonidan Oʻzbekiston Respublikasi fuqarosining xorijga chiqish biometrik pasportini rasmiylashtirish, berish va almashtirish tartibi toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Tashqi ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

3. Vazirlar Mahkamasining “Oʻzbekiston Respublikasi fuqarolariga pasportlar, xorijiy shaxslarga, fuqaroligi boʻlmagan shaxslarga yashash guvohnomalari va fuqaroligi boʻlmagan shaxs guvohnomalari berish hamda almashtirishni tashkil etish toʻgʻrisida” 1994-yil 27-dekabrdagi 624-son qarori oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi tashqi ishlar vaziri A.X. Kamilov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 30-yanvar,

49-son

Vazirlar Mahkamasining 2020-yil 30-yanvardagi 49-son qaroriga
ILOVA

nizom

1-bob. Umumiy qoidalar

1. Ushbu Nizom konsullik roʻyxatida turuvchi fuqarolarga Oʻzbekiston Respublikasining xorijdagi konsullik muassasalari, Oʻzbekiston Respublikasi Tashqi ishlar vazirligining Konsullik-huquqiy departamenti, shuningdek, Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalari tomonidan Oʻzbekiston Respublikasi fuqarosining xorijga chiqish biometrik pasportini rasmiylashtirish, berish va almashtirish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

Oʻzbekiston Respublikasi fuqarosining nobiometrik namunadagi pasporti (keyingi oʻrinlarda nobiometrik pasport deb ataladi) — Oʻzbekiston Respublikasi hududida — 2019-yil 31-dekabrgacha, xorijiy davlat hududida — amal qilish muddati tugaguniga qadar egasining shaxsini va Oʻzbekiston Respublikasining fuqaroligini tasdiqlaydigan hujjat;

Oʻzbekiston Respublikasi fuqarosining biometrik pasporti (keyingi oʻrinlarda biometrik pasport deb ataladi) — Oʻzbekiston Respublikasi hududida va xorijiy davlatda (amal qilish muddati tugagunga qadar) egasining shaxsini va Oʻzbekiston Respublikasining fuqaroligini tasdiqlaydigan, pasport egasining shaxsiy biografik maʼlumotlari va biometrik parametrlari saqlangan elektron axborot tashuvchiga (chipga) ega boʻlgan hujjat;

Oʻzbekiston Respublikasi fuqarosining xorijga chiqish biometrik pasporti (keyingi oʻrinlarda xorijga chiqish biometrik pasporti deb ataladi) — xorijga chiqish hamda Oʻzbekiston Respublikasi hududiga kirish, shuningdek, xorijda turish vaqtida egasining shaxsini va Oʻzbekiston Respublikasining fuqaroligini tasdiqlaydigan, pasport egasining shaxsiy biografik maʼlumotlari va biometrik parametrlari saqlangan elektron axborot tashuvchiga (chipga) ega boʻlgan hujjat;

konsullik muassasasi — Oʻzbekiston Respublikasining chet davlatda taʼsis etiladigan diplomatik vakolatxonasining konsullik boʻlimi, Oʻzbekiston Respublikasining bosh konsulxonasi, konsulxonasi, vitse-konsulligi va konsullik agentligi;

konsullik roʻyxati — tegishli konsullik okrugi hududiga kelgan Oʻzbekiston Respublikasi fuqarolarini xorijdagi Oʻzbekiston Respublikasining konsullik muassasalari qoshida belgilangan tartibda qayddan oʻtkazish;

pasport olish uchun buyurtma (keyingi oʻrinlarda buyurtmanoma deb ataladi) — pasport oluvchi haqidagi maʼlumotlarni yigʻish punkti tomonidan shakllantirilgan biografik maʼlumotlar va biometrik parametrlarni oʻz ichiga olgan elektron hujjat;

maʼlumotlarni yigʻish punkti — pasport olish uchun murojaat qilgan fuqarolarning biografik maʼlumotlarini va biometrik parametrlarini jamlash boʻyicha funksiyalarni hamda fuqarolarga yangi rasmiylashtirilgan biometrik parametrli pasportlarni berish vazifalarini bajarishga vakolatli boʻlgan Oʻzbekiston Respublikasining xorijdagi konsullik muassasasi, Oʻzbekiston Respublikasi Tashqi ishlar vazirligining Konsullik-huquqiy departamenti (keyingi oʻrinlarda Konsullik-huquqiy departament deb ataladi), Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalari.

3. Oʻzbekiston Respublikasi fuqarolari xorijga chiqadigan hollarda ularga xorijga chiqish biometrik pasporti rasmiylashtiriladi, Oʻzbekiston Respublikasi Prezidentining “Oʻzbekiston Respublikasi fuqarolarining xorijga chiqish tartibini takomillashtirishga doir muhim chora-tadbirlar toʻgʻrisida” 2017-yil 16-avgustdagi PF-5156-son Farmonining 3-bandida nazarda tutilgan holatlar bundan mustasno.

Xorijdagi fuqarolar ham xorijga chiqish biometrik pasportiga ega boʻlishlari shart.

4. Xorijga chiqish biometrik pasporti har qanday davlatga chiqish uchun haqiqiydir.

Xorijda doimiy yashaydigan va doimiy konsullik roʻyxatida turadigan Oʻzbekiston Respublikasi fuqarosining xorijga chiqish biometrik pasporti uning egasining xorijda shaxsini tasdiqlovchi hujjat hisoblanadi, shuningdek, u Oʻzbekiston Respublikasi hududida boʻlgan davrida davlat xizmatlaridan foydalanish uchun haqiqiydir.

5. Konsullik muassasalarida doimiy roʻyxatda turuvchi Oʻzbekiston Respublikasi fuqarolariga Konsullik-huquqiy departament va Oʻzbekiston Respublikasi Tashqi ishlar vazirligining Qoraqolpogʻiston Respublikasi va viloyatlardagi boʻlinmalari tomonidan xorijga chiqish biometrik pasportini rasmiylashtirish muddati Oʻzbekiston Respublikasi hududida maʼlumotlarni yigʻish punkti tomonidan qabul qilingan kundan boshlab oʻn ish kunini tashkil etadi, xorijda esa — diplomatik pochta joʻnatilishi jadvaliga muvofiq amalga oshiriladi.

Oldingi tahrirga qarang.

Arizani koʻrib chiqish muddati Oʻzbekiston Respublikasi qonunchilik hujjatlariga muvofiq uzaytirilishi mumkin.

(5-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)

Oldingi tahrirga qarang.

6. Qoʻl barmoqlarining izlarini olish tartib-taomilidan bosh tortilgan va koʻzoynak taqib yoki bosh kiyim tashqi koʻrinishga taʼsir qiluvchi ashyolar bilan suratga tushish istagi qatʼiy bildirilgan holatlarda fuqaroga xorijga chiqish biometrik pasportini rasmiylashtirish rad etilishi mumkin.

(6-band Oʻzbekiston Respublikasi Vazirlar Mahkamasining 2022-yil 5-sentabrdagi 492-sonli qarori tahririda — Qonunchilik maʼlumotlari milliy bazasi, 05.09.2022-y., 09/22/492/0797-son)

Oldingi tahrirga qarang.

7. Xorijga chiqish biometrik pasporti rasmiylashtirilishi uchun qonunchilik hujjatlarida belgilangan tartibda konsullik yigʻimi va haqiqiy xarajatlarning oʻrnini qoplash hisobiga yigʻim undiriladi. Yigʻimlarning toʻlangan summasi qaytarilmaydi.

(7-bandning birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)

LexUZ sharhi

Qarang: Oʻzbekiston Respublikasi “Davlat boji toʻgʻrisida”gi Qonuni bilan tasdiqlangan Davlat boji stavkalarining miqdorlari.

Konsullik yigʻimi va haqiqiy xarajatlarning oʻrnini qoplash hisobiga yigʻim toʻlashdan toʻliq davlat taʼminotida boʻlgan shaxslar, shuningdek, Konsullik yigʻimlari tarifida hamda Oʻzbekiston Respublikasining boshqa normativ-huquqiy hujjatlarda nazarda tutilgan hollarda ozod qilinadilar.

8. Xorijga chiqish biometrik pasportini rasmiylashtirishga monelik qiluvchi holatlar mavjud boʻlganda (Oʻzbekiston Respublikasi vakolatli organlari tomonidan qoʻyilgan taqiq, sud organlarining qarori yoki buyrugʻi), konsul ariza beruvchini ushbu masalalarni uch oy mobaynida bartaraf qilish zarurligi toʻgʻrisida habardor qiladi. Uch oy oʻtgach taqiq bekor qilinganligi toʻgʻrisidagi hujjat mavjud boʻlmasa, konsullik yigʻimi va haqiqiy xarajatlarning oʻrnini qoplash hisobiga yigʻim uchun amalga oshirilgan toʻlov ariza beruvchiga qaytarilmaydi (kasallik, jazoni ijro etish muassasalarida boʻlish, yashab turgan mamlakatda Oʻzbekiston Respublikasining diplomatik vakolatxonasi yoki konsullik muassasasi mavjud boʻlmasligi singari uzrli sabablar bundan mustasno).

Uch oylik muddatdan soʻng xorijga chiqish biometrik pasportini rasmiylashtirish uchun takroran murojaat qilishda hujjatlar konsullik yigʻimi va haqiqiy xarajatlarning oʻrnini qoplash hisobiga yigʻim qaytadan toʻlangan holda topshiriladi.

9. Xorijga chiqish biometrik pasporti Oʻzbekiston Respublikasining mulkidir va uning egasi Oʻzbekiston Respublikasining himoyasida boʻladi.

2-bob. Xorijga chiqish biometrik pasportdagi yozuvlar. Xorijga chiqish biometrik pasportning amal qilish muddati

10. Xorijga chiqish biometrik pasporti fuqarolarga quyidagi amal qilish muddatlariga beriladi:

tugʻilgan kunidan boshlab bir yoshgacha — ikki yil muddatga;

Oldingi tahrirga qarang.

bir yoshdan 25 yoshgacha — 5 yil muddatga;

(10-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 5-sentabrdagi 492-sonli qarori tahririda — Qonunchilik maʼlumotlari milliy bazasi, 05.09.2022-y., 09/22/492/0797-son)

Oldingi tahrirga qarang.

25 yoshdan oshgan shaxslarga — 10 yil muddatga.

(10-bandning toʻrtinchi xatboshisi Oʻzbekiston Respublikasi Vazirlar Mahkamasining 2022-yil 5-sentabrdagi 492-sonli qarori tahririda — Qonunchilik maʼlumotlari milliy bazasi, 05.09.2022-y., 09/22/492/0797-son)

11. Xorijga chiqish biometrik pasporti belgilangan namuna boʻyicha tayyorlanadi va ingliz tilida personallashtiriladi.

LexUZ sharhi

Qarang: Oʻzbekiston Respublikasi Prezidentining 2018-yil 26-dekabrdagi PQ-4079-son “Oʻzbekiston Respublikasi fuqarosining xorijga chiqish biometrik pasportini rasmiylashtirish va berish tizimini yaratish hamda Oʻzbekiston Respublikasi biometrik pasport tizimini modernizatsiya qilishga doir qoʻshimcha chora-tadbirlar toʻgʻrisida”gi qarori.

12. Xorijga chiqish biometrik pasporti blankasiga quyidagi asosiy maʼlumotlar kiritiladi:

pasportni bergan davlatning nomi;

hujjatning nomi;

hujjatning turi;

pasportni bergan davlatning kodi;

pasportning seriyasi va raqami;

familiyasi, ismi, otasining ismi;

fuqaroligi;

tugʻilgan sanasi;

tugʻilgan joyi;

jinsi;

berilgan sana;

bergan organ;

amal qilish muddati tugaydigan sana;

egasining raqamli surati;

egasi haqidagi mashina oʻqiydigan maʼlumotlar.

13. Chipga quyidagi maʼlumotlar kiritiladi:

pasport egasining biografik maʼlumotlari;

egasining raqamli surati;

qoʻl barmoqlarining izlari — 16 yoshga toʻlganidan keyin.

14. Xorijga chiqish biometrik pasportiga:

pasport egasining xorijda doimiy yashash uchun roʻyxatdan chiqarilganligi;

Oldingi tahrirga qarang.

xorijda doimiy yashayotgan fuqaroning vaqtincha turgan joyi boʻyicha roʻyxatga olinganligi;

(14-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

Oʻzbekiston Respublikasi Davlat chegarasidan oʻtganligi;

konsullik roʻyxatiga olingani yoki konsullik roʻyxatidan chiqarilgani;

nikoh qayd etilganligi yoki bekor qilinganligi;

xorijiy davlatlarga kirish uchun ruhsatnoma (viza);

hamrohlik qiluvchi shaxslar toʻgʻrisidagi (voyaga yetmagan fuqarolar uchun);

ilgari qoʻyilgan qaydlar bekor qilinganligi haqidagi qaydlar kiritiladi.

Pasport egasi qonining guruhi va rezus-mansublik toʻgʻrisidagi qaydlar uning roziligi bilan amalga oshiriladi.

Xorijga chiqish biometrik pasportda pasport egasining imzosi boʻlishi shart.

3-bob. Konsullik muassasalari tomonidan xorijga chiqish biometrik pasportini rasmiylashtirish va berish tartibi

15. Konsullik muassasalari tomonidan xorijda doimiy yashaydigan va doimiy konsullik roʻyxatida turadigan fuqarolarga, shuningdek, Oʻzbekiston Respublikasi hududida doimiy yashaydigan va xorijga olti oydan koʻp muddatga xizmat safari, oʻqish, davolanish, kontrakt boʻyicha ishlash, oilasi bilan birlashish maqsadida xorijga vaqtinchalik yashash uchun chiqqan hamda konsullik muassasalarida vaqtinchalik roʻyxatda turgan Oʻzbekiston Respublikasi fuqarolariga quyidagi hollarda xorijga chiqish biometrik pasportini rasmiylashtirish va berish amalga oshiriladi:

Oʻzbekiston Respublikasidan tashqariga chiqishda;

farzand xorijda tugʻilganida;

xorijga chiqish biometrik pasportining amal qilish muddati tugaganida;

familiyasi, ismi, otasining ismi, tugʻilgan sanasi, jinsi oʻzgarganida;

yozuvlarda noaniqliklar va xatolar mavjudligi aniqlanganida;

maʼlumotlar yoki vizalar uchun moʻljallangan betlar ishlatilib boʻlinganida;

xorijga chiqish biometrik pasporti blankasi yaroqsiz holga kelganida;

xorijga chiqish biometrik pasporti yoʻqotib qoʻyilganida;

xorijga chiqish biometrik pasporti ashyoviy dalil sifatida olib qoʻyilganida;

Oldingi tahrirga qarang.

ilgari berilgan xorijga chiqish biometrik pasportini muddatidan oldin almashtirish boʻyicha murojaat etilganda.

(15-band Oʻzbekiston Respublikasi Vazirlar Mahkamasining 2022-yil 5-sentabrdagi 492-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 05.09.2022-y., 09/22/492/0797-son)

16. Fuqarolar xorijga chiqish biometrik pasportini olish uchun konsullik muassasasiga murojaat qiladilar. Shuningdek, ular xorijga chiqish biometrik pasportini rasmiylashtirish uchun konsullik muassasasiga murojaat qilishdan oldin Oʻzbekiston Respublikasi Tashqi ishlar vazirligi veb-saytida yoki konsullik interaktiv hizmatlar veb-portalida (www.consulate.mfa.uz) joylashtirilgan anketaning elektron shaklini oldindan toʻldirish interaktiv xizmatidan foydalanishi mumkin.

17. Doimiy konsullik roʻyxati xorijda doimiy yashash uchun Oʻzbekiston Respublikasidan belgilangan tartibda roʻyxatdan chiqarilgan va xorijga doimiy yashash uchun borishda ruxsat berish yozuvi stikeri yoki manzildan joʻnab ketish varaqasi asosida mamlakatdan chiqqan (shu jumdalan, MDH mamlakatlariga 2017-yil 30-iyungacha chiqqan fuqarolar va fuqaroligi boʻlmagan shaxslar), shuningdek qabul qiluvchi davlat hududidan chiqmagan holda Oʻzbekiston Respublikasining xorijdagi diplomatik vakolatxonalari va konsullik muassasalari orqali doimiy yashash uchun xorijga chiqish ruxsatnomasi rasmiylashtirilgan, konsullik okrugi hududida doimiy yashayotgan Oʻzbekiston Respublikasi fuqarolarini konsullik muassasasida qayd etish orqali amalga oshiriladi.

Doimiy konsullik roʻyxatida turadigan Oʻzbekiston Respublikasi fuqarolari uchun xorijga chiqish biometrik pasportini rasmiylashtirishda konsullik muassasasiga quyidagi hujjatlar taqdim qilinadi:

ushbu Nizomga 1-ilovaga muvofiq shakl boʻyicha ariza-anketa;

pasportning (nobiometrik, biometrik va/yoki xorijga chiqish biometrik) asli — nusxa olinadi, asli esa ariza beruvchiga qaytariladi;

35 x 45 mm hajmdagi fotosurat (1 dona);

fuqaroning xorijiy mamlakat qonuni talablariga muvofiq ushbu davlat hududida qonuniy tarzda boʻlishini tasdiqlovchi hujjat (viza, yashash uchun guvohnoma, vaqtinchalik yashash uchun guvohnoma, pasportdagi tegishli qaydlar, maʼlumotnoma va shu kabilar);

konsullik yigʻimi va haqiqiy xarajatlarning oʻrnini qoplash hisobiga yigʻim toʻlanganligi toʻgʻrisida kvitansiya.

Voyaga yetmagan shaxslar va 16 yoshga toʻlguniga qadar xorijga chiqish biometrik pasportini olmagan, ota-onalari yoki boshqa qonuniy vakillar bilan doimiy konsullik roʻyxatida turgan shaxslar uchun quyidagi hujjatlar taqdim etiladi:

ushbu Nizomga 2-ilovaga muvofiq shakl boʻyicha ariza-anketa;

tugʻilganlik haqidagi guvohnoma (16 yoshga yetmagan shaxslar va birinchi marotaba xorijga chiqish biometrik pasporti rasmiylashtirilayotgan 16 yoshga toʻlgan shaxslar uchun) yoki biometrik pasportning asl nusxasi — nusxa olinadi, asli esa ariza beruvchiga qaytariladi;

35 x 45 mm hajmdagi fotosurat (1 dona);

voyaga yetmagan shaxsga birinchi marotaba xorijga chiqish biometrik pasportini rasmiylashtirish uchun ota-onasi yoki boshqa qonuniy vakillar pasportlarining (nobiometrik, biometrik va/yoki xorijga chiqish biometrik paksporti) asl nusxasi (nusxa olinadi, asli esa ariza beruvchiga qaytariladi). Ota-onalardan birining pasportini taqdim etish imkoniyati boʻlmagan hollarda tegishli hujjat taqdim etiladi, xususan, oʻlim haqidagi guvohnoma, nikoh bekor qilinganligi haqidagi guvohnoma, nikoh haqiqiy emas deb topilganligi haqida sud qarorining koʻchirmasi (nusxasi), vakolatli organlardan ota-onalardan birining bedarak yoʻqolgan yoki vafot etgan deb topilganligi toʻgʻrisidagi maʼlumotnoma, bola yolgʻiz ota yoki onaning qaramogʻida ekanligini tasdiqlovchi hujjat yoki turgan mamlakat qonunchiligiga muvofiq shunga oʻxshash boshqa hujjat;

voyaga yetmagan shaxsning ota-onalari yoki boshqa qonuniy vakillari oʻzlari boʻlib turgan mamlakat qonunchiligiga muvofiq xorijiy davlat hududida boʻlishining qonuniyligini tasdiqlovchi hujjat (viza, yashash uchun guvohnoma, vaqtinchalik yashash uchun guvohnoma, pasportdagi tegishli qaydlar, maʼlumotnoma va shu kabilar);

Oldingi tahrirga qarang.

ota-onalardan biri xorijiy davlat fuqarosi boʻlsa, uning bola xorijga chiqish biometrik pasportini olishiga eʼtirozi yoʻqligi haqida notarial tasdiqlangan arizasi (ota-onalarning har ikkisi maʼlumotlarni yigʻish punktiga bevosita murojaat qilgan hollar bundan mustasno);

(17-bandning oʻn toʻrtinchi xatboshisi Oʻzbekiston Respublikasi Vazirlar Mahkamasining 2022-yil 5-sentabrdagi 492-sonli qarori tahririda — Qonunchilik maʼlumotlari milliy bazasi, 05.09.2022-y., 09/22/492/0797-son)

Oʻzbekiston Respublikasida doimiy yashaydigan ota-onalardan birining yoki boshqa qonuniy vakilning notarial tasdiqlangan roziligi (agar 16 yoshga toʻlmagan shaxs doimiy konsullik roʻyxatida ota-onalardan biri bilan turgan boʻlsa);

hamrohlik qiluvchi shaxsning notarial tasdiqlangan majburiyati;

nobiometrik pasport, biometrik pasport va/yoki xorijga chiqish biometrik pasporti yoʻqolganligi toʻgʻrisida xorijiy mamlakat vakolatli organlarining maʼlumotnomasi (pasport yoʻqolgan holatda);

haqiqiy xarajatlarning oʻrnini qoplash hisobiga yigʻim toʻlanganligi toʻgʻrisidagi kvitansiya.

Familiyasi, ismi, otasining ismi, tugʻilgan sanasi, jinsi oʻzgarganligi yohud yozuvlarda noaniqliklar va xatolar mavjudligi aniqlanganligi munosabati bilan xorijga chiqish biometrik pasporti almashtirilayotganda fuqaro konsullik muassasasiga ushbu holatlarni tasdiqlaydigan hujjatlarni taqdim etadi.

18. Vaqtincha konsullik roʻyxati Oʻzbekiston Respublikasida doimiy roʻyhatdan oʻtgan va oʻqish, xizmat safarida boʻlish, mehnat faoliyatini amalga oshirish (ishchi viza, vaqtinchalik roʻyhatga olish, yashash uchun ruhsatnoma va mehnat qilish huquqini beruvchi ruhsatnomalar — patent, mehnat shartnomasi va b. asosida xorijiy davlat hududiga qonuniy boʻluvchilar), tibbiyot muassalarida davolanish va oilasi bilan birlashish maqsadlarida xorijda olti oydan ortiq muddatda vaqtincha boʻlib turgan Oʻzbekiston Respublikasi fuqarolarini va fuqaroligi boʻlmagan shaxslarni xorijdagi Oʻzbekiston Respublikasi konsullik muassasalari tomonidan qayd etish orqali amalga oshiriladi.

Xorijda boʻlib turgan va vaqtinchalik konsullik roʻyxatida turadigan Oʻzbekiston Respublikasi fuqarolari uchun xorijga chiqish biometrik pasportini rasmiylashtirishda konsullik muassasasiga quyidagi hujjatlar taqdim qilinadi:

ushbu Nizomga 1-ilovaga muvofiq shakl boʻyicha ariza-anketa;

pasportning (nobiometrik, biometrik va/yoki xorijga chiqish biometrik) asli — nusxa olinadi, asli esa ariza beruvchiga qaytariladi;

35 x 45 mm hajmdagi fotosurat (1 dona);

oʻqish joyidan (oʻqish muddatlari koʻrsatilgan holda), ish joyidan (yoki mehnat shartnomasi), tibbiyot muassasasidan (davolanayotganlar uchun) maʼlumotnoma yoki oila aʼzolari bilan birlashish maqsadida xorijga chiqqan shaxslar uchun qarindoshlik aloqalarini tasdiqlovchi hujjat;

Oʻzbekiston Respublikasi fuqarosining xorijiy davlat hududida qonuniy tarzda boʻlishini tasdiqlovchi hujjat (oʻqish yoki ish vizasi, MDH mamlakatlari uchun migratsiya kartochkasi, vaqtincha yashashga ruxsatnoma, pasportdagi tegishli qaydlar yoki maʼlumotnomalar va shu kabilar);

harbiy guvohnoma yoki hisobda turganlik toʻgʻrisidagi guvohnoma nusxasi yoki mudofaa boʻlimining belgilangan tartibdagi maʼlumotnomasi (harbiy xizmatga majbur shaxslar uchun);

konsullik yigʻimi va haqiqiy xarajatlarning oʻrnini qoplash hisobiga yigʻim toʻlanganligi toʻgʻrisidagi kvitansiya.

Voyaga yetmagan shaxslar va 16 yoshga toʻlganidan keyin xorijga chiqish biometrik pasportini olmagan, ota-onalari yoki boshqa qonuniy vakillar bilan doimiy konsullik roʻyxatida turgan shaxslar uchun quyidagi hujjatlar taqdim etiladi:

ushbu Nizomga 2-ilovaga muvofiq shakl boʻyicha ariza-anketa;

tugʻilganlik haqidagi guvohnoma (16 yoshga yetmagan shaxslar va birinchi marotaba xorijga chiqish biometrik pasporti rasmiylashtirilayotgan 16 yoshga toʻlgan shaxslar uchun) yoki biometrik pasportning asli — nusxa olinadi, asli esa ariza beruvchiga qaytariladi;

35 x 45 mm hajmdagi fotosurat (1 dona);

voyaga yetmagan shaxsga birinchi marotaba xorijga chiqish biometrik pasportini rasmiylashtirish uchun ota-onasi yoki boshqa qonuniy vakillar pasportlarining (nobiometrik, biometrik va/yoki xorijga chiqish biometrik pasporti) asli (nusxa olinadi, asli esa ariza beruvchiga qaytariladi). Ota-onalardan birining pasportini taqdim etish imkoni boʻlmagan hollarda tegishli hujjat taqdim etiladi, xususan, oʻlim haqidagi guvohnoma, nikoh bekor qilinganligi haqida guvohnoma, nikoh haqiqiy emas deb topilganligi haqida sud qarorining koʻchirmasi (nusxasi), vakolatli organlardan ota-onalardan birining bedarak yoʻqolgan yoki vafot etgan deb topilganligi toʻgʻrisidagi maʼlumotnoma, bola yolgʻiz ota yoki onaning qaramogʻida ekanligini tasdiqlovchi hujjat yoki turgan mamlakat qonunchiligiga muvofiq shunga oʻxshash teng hujjat;

voyaga yetmagan shaxsning ota-onalari yoki boshqa qonuniy vakillarining xorijiy davlat hududida, oʻzlari turgan mamlakat qonunchiligiga muvofiq, qonuniy tarzda boʻlishini tasdiqlovchi hujjat (oʻqish yoki ish vizasi, MDH mamlakatlari uchun migratsiya kartochkasi, vaqtincha yashashga ruxsatnoma, pasportdagi tegishli qaydlar, maʼlumotnomalar va shu kabilar);

Oʻzbekiston Respublikasi hududida doimiy yashovchi ota-onalardan birining yoki boshqa qonuniy vakilning notarial tasdiqlangan roziligi (agar 16 yoshga toʻlmagan shaxs vaqtinchalik konsullik roʻyxatida ota-onalardan biri bilan turgan boʻlsa);

hamrohlik qiluvchi shaxsning notarial tasdiqlangan majburiyati;

nobiometrik pasport, biometrik pasport va/yoki xorijga chiqish biometrik pasportining yoʻqolganligi toʻgʻrisidagi boʻlib turgan mamlakat vakolatli organlarining maʼlumotnomasi (pasport yoʻqolganda);

haqiqiy xarajatlarning oʻrnini qoplash hisobiga yigʻim toʻlanganligi toʻgʻrisida kvitansiya.

Familiyasi, ismi, otasining ismi, tugʻilgan sanasi, jinsi oʻzgarganligi yoxud yozuvlarda noaniqliklar va xatolar mavjudligi aniqlanganligi munosabati bilan xorijga chiqish biometrik pasporti almashtirilayotganda fuqaro konsullik muassasasiga ushbu holatlarni tasdiqlaydigan hujjatlarni taqdim etadi.

19. Vaqtincha xorijda boʻlib turgan va konsullik roʻyxatida turmagan Oʻzbekiston Respublikasi fuqarolari, xorijga chiqish biometrik pasporti yoki Oʻzbekiston Respublikasiga qaytish sertifikatini olish uchun tegishli konsullik muassasasiga murojaat qiladilar. Ushbu holatda hujjatlarni rasmiylashtirish Oʻzbekiston Respublikasining tegishli huquqni muhofaza qiluvchi organlari va maxsus vakolatli davlat organi bilan kelishgan holda amalga oshiriladi.

Oldingi tahrirga qarang.

20. Taqdim etilgan hujjatlar asosida konsullik muassasasi ariza beruvchining biografik maʼlumotlarini, qoʻl barmoqlarining elektron izlarini (16 yoshdan katta shaxslar uchun) toʻplaydi, yuzni toʻgʻridan raqamli formatda rasmga oladi va xorijga chiqish biometrik pasportini rasmiylashtirish uchun buyurtmanomani shakllantiradi, buyurtmanoma keyinchalik Oʻzbekiston Respublikasi Adliya vazirligi huzuridagi Personallashtirish agentligiga (keyingi oʻrinlarda — Personallashtirish agentligi) yuboriladi.

(20-band Oʻzbekiston Respublikasi Vazirlar Mahkamasining 2025-yil 1-martdagi 135-sonli qarori tahririda — Qonunchilik maʼlumotlari milliy bazasi, 03.03.2025-y., 09/25/135/0208-son)

21. Konsullik roʻyxatida turgan Oʻzbekiston Respublikasi fuqarolarining nobiometrik va biometrik pasportlari yoʻqotilishi munosabati bilan xorijga chiqish biometrik pasportini rasmiylashtirishda xorijga chiqish biometrik pasportini rasmiylashtirish uchun buyurtmanoma shakllantirilishidan oldin konsullik muassasasining mansabdor shaxsi, shaxsni tasdiqlash uchun hujjatlarni Oʻzbekiston Respublikasining vakolatli organlari bilan kelishish maqsadida Konsullik-huquqiy departamentga yuboradi.

Konsullik muassasalari tomonidan berilgan nobiometrik pasport, biometrik pasport va/yoki xorijga chiqish biometrik pasporti yoʻqotilgan taqdirda, shaxsning shaxsini tasdiqlash uchun hujjatlarni Konsullik-huquqiy departamentga yuborish talab etilmaydi.

Oldingi tahrirga qarang.

Oʻzbekiston Respublikasi vakolatli organlari tomonidan Oʻzbekiston Respublikasidagi doimiy yashash joyi boʻyicha roʻyxatga olingan joy boʻyicha berilgan xorijga chiqish biometrik pasporti yoʻqotilgan taqdirda, shaxsni tasdiqlash amalga oshirilishi shart. Ariza beruvchining shaxsi va uning Oʻzbekiston Respublikasi fuqaroligiga mansubligi tasdiqlanganidan soʻng, konsullikning mansabdor shaxsi ushbu Nizomning 18-bandiga muvofiq harakatlarni amalga oshiradi.

(21-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

Oldingi tahrirga qarang.

22. Tayyor boʻlgan xorijga chiqish biometrik pasportini Personallashtirish agentligi keyinchalik diplomatik yoʻllar orqali konsullik muassasalariga joʻnatish va egasiga berish uchun Oʻzbekiston Respublikasi Raqamli texnologiyalar vazirligining Davlat feldyegerlik xizmati orqali Oʻzbekiston Respublikasi Tashqi ishlar vazirligiga yuboradi.

(22-band Oʻzbekiston Respublikasi Vazirlar Mahkamasining 2025-yil 1-martdagi 135-sonli qarori tahririda — Qonunchilik maʼlumotlari milliy bazasi, 03.03.2025-y., 09/25/135/0208-son)

23. Xorijga chiqish biometrik pasportlarini konsullik muassasalariga va konsullik muassasalaridan Oʻzbekiston Respublikasiga yetkazib berish diplomatik pochta orqali, shuningdek, Oʻzbekiston Respublikasi Tashqi ishlar vazirligi bilan kelishgan holda navbatdan tashqari pochta orqali amalga oshiriladi.

24. Konsullik muassasasining mansabdor shaxsi Konsullik-huquqiy departamentdan tushgan xorijga chiqish biometrik pasportini ariza beruvchiga imzo chektirib topshiradi va konsullik roʻyxatiga olinganligi toʻgʻrisida shtamp bosadi. Bunda almashtirilayotgan nobiometrik yoki biometrik pasport oʻrniga tayyor xorijga chiqish biometrik pasportini berishda nobiometrik yoki biometrik pasport konsullik muassasasining mansabdor shaxsi tomonidan olib qolinadi (vaqtinchalik konsullik roʻyxatida turgan Oʻzbekiston Respublikasi fuqarosining amaldagi biometrik pasporti bundan mustasno, unga xorijga chiqish biometrik pasporti berilgani toʻgʻrisida shtamp bosiladi), uni bergan yigʻish punktiga belgilangan tartibda bekor qilish uchun yuboriladi va tegishli maʼlumotlar konsullik muassasalari tomonidan ular turgan davlatning Tashqi ishlar vazirligiga yoki ularga nisbatan oʻzaro kelishuv mavjud boʻlsa, boshqa vazirligiga, shuningdek, borilgan mamlakatda xorijiy davlatlarning diplomatik vakolatxonalari va konsullik muassasalariga yuboriladi.

Mazkur band asosida olib qoʻyilgan pasportlar, shu jumladan, Oʻzbekiston Respublikasi fuqaroligidan chiqish yoki fuqarolikni yoʻqotish munosabati bilan bogʻliq, shuningdek, chet elda vafot etgan Oʻzbekiston Respublikasi fuqarolarining pasportlari ularni bergan yigʻish punktiga belgilangan tartibda bekor qilish uchun yuboriladi va tegishli maʼlumotlar konsullik muassasalari tomonidan ular turgan davlatning Tashqi ishlar vazirligiga yoki oʻzaro kelishuv mavjud boʻlsa, tegishli boshqa vazirligiga shuningdek, borilgan mamlakatda xorijiy davlatlarning diplomatik vakolatxonalari va konsullik muassasalariga yuboriladi.

25. Konsullik muassasalarida konsullik roʻyxatida turmaydigan, Oʻzbekiston Respublikasi fuqarosining nobiometrik namunadagi pasportiga ega boʻlgan ariza beruvchilarning xorijga chiqish biometrik pasportlarini rasmiylashtirish uchun hujjatlarni qabul qilish Konsullik-huquqiy departament bilan yozma kelishilgandan keyin yakka tartibda koʻrib chiqiladi.

Oldingi tahrirga qarang.

26. Oʻzbekiston Respublikasida doimiy yashash joyi boʻyicha roʻyxatga olingan, chet elda vaqtincha qonuniy asosda boʻlib turgan va doimiy yashash uchun xorijiy davlatda qolishga qaror qilgan Oʻzbekiston Respublikasi fuqarosi tegishli konsullik muassasasiga quyidagi hujjatlar bilan murojaat qilishi kerak:

(26-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

ushbu Nizomga 3-ilovaga muvofiq shakl boʻyicha (qogʻozda yoki elektron) anketa-ariza;

35 x 45 mm hajmdagi fotosurat (2 dona);

chet elga chiqish uchun nobiometrik pasport, biometrik pasport yoki xorijga chiqish biometrik pasportining asli — nusxa olinadi, asli esa ariza beruvchiga qaytariladi;

tugʻilganlik haqidagi guvohnoma nusxasi;

harbiy guvohnoma yoki hisobda turganlik toʻgʻrisidagi guvohnoma nusxasi yoki mudofaa boʻlimining belgilangan tartibdagi maʼlumotnomasi (harbiy xizmatga majbur shaxslar uchun);

Oʻzbekiston Respublikasi hududida doimiy yashaydigan ota-onasining va turmush oʻrtogʻining (birgalikda chiqish holatlari bundan mustasno), shuningdek, agar birgalikdagi nikohdan tugʻilgan bolalar boʻlsa, Oʻzbekiston Respublikasida doimiy yashaydigan sobiq turmush oʻrtogʻining notarial tasdiqlangan roziligi;

konsullik yigʻimi va haqiqiy xarajatlarning oʻrnini qoplash hisobiga yigʻim toʻlanganligi toʻgʻrisidagi kvitansiya.

Quyidagi holatlarda Oʻzbekiston Respublikasining voyaga yetgan va voyaga yetmagan fuqarosi uchun chet elda doimiy yashash uchun Oʻzbekiston Respublikasida hisobdan chiqarishga hujjatlarni rasmiylashtirishda ota-onalaridan birining roziligi talab qilinmaydi:

ota-onalardan biri vafot etgan boʻlsa (vafot etganlik toʻgʻrisidagi guvohnoma nusxasi taqdim etilganda);

fuqarolik holati dalolatnomalarini yozish organi tomonidan berilgan bola yolgʻiz ota yoki onaning qaramogʻida ekanligi toʻgʻrisidagi maʼlumotnoma mavjud boʻlsa;

agar bolaning ota-onalaridan biri chet el fuqarosi boʻlsa;

ota-onalardan biri sud tomonidan ota-onalik huquqidan mahrum qilingan (sud qarori nusxasi taqdim etilgan taqdirda) boʻlsa;

ota-onalardan biri sud tomonidan bedarak yoʻqolgan deb topilgan (sud qarorining nusxasi taqdim etilgan taqdirda) boʻlsa;

ota-onalardan biri sud tomonidan mehnatga layoqatsiz deb topilgan (sud qarorining nusxasi taqdim etilgan taqdirda) boʻlsa;

ota-onalardan biriga nisbatan qidiruv eʼlon qilingan va u qidiruvda boʻlsa (ichki ishlar organlaridan maʼlumotnoma taqdim etilgan taqdirda);

agar ota-onalardan biri Oʻzbekiston Respublikasi hududida hisobdan chiqarilgan va chet elda doimiy yashayotgan boʻlsa.

27. 16 yoshga toʻlmagan shaxslar nomidan ularning ota-onalari yoki boshqa qonuniy vakillari tegishli iltimosnomalar bilan murojaat qiladilar va ushbu Nizomga 3-ilovaga muvofiq shakl boʻyicha anketa-arizani (kogʻoz yoki elektron shaklda) toʻldiradilar.

28. Ota-onalar yoki boshqa qonuniy vakillar oʻrtasidagi rozilik (norozilik), shuningdek, bolalarning xorijga chiqishini cheklash boʻyicha har qanday nizolar sud tartibida hal qilinadi.

29. Konsullikning mansabdor shaxsi hujjatlarni qabul qilganidan soʻng, ularni konsullik muassasasining muhri bilan tasdiqlaydi, materialni ikki nusxada tuzadi, ulardan biri diplomatik pochta (yoki dasturiy taʼminot) orqali keyinchalik Oʻzbekiston Respublikasi Ichki ishlar vazirligining Migratsiya va fuqarolikni rasmiylashtirish bosh boshqarmasiga (keyingi oʻrinlarda IIV MvaFRBB deb ataladi) yuborish uchun Konsullik-huquqiy departamentga joʻnatiladi, ikkinchisi esa konsullik muassasasida saqlanadi.

IIV MvaFRBBdan xorijiy davlat hududida doimiy yashash uchun ruxsatnoma olingandan soʻng Konsullik-huquqiy departament uni ariza beruvchini doimiy konsullik roʻyxatiga qoʻyish va keyinchalik xorijga chiqish biometrik pasportini rasmiylashtirish uchun konsullik muassasasiga yuboradi.

Oldingi tahrirga qarang.

30. Konsullik muassasasi IIV MvaFRBBning pasportni rasmiylashtirishi, Oʻzbekiston Respublikasi hududida ota-onasi yoki boshqa qonuniy vakillar bilan birgalikda doimiy yashash joyi boʻyicha roʻyxatga olinganligi yoki Oʻzbekiston Respublikasi hududida doimiy yashash joyi boʻyicha roʻyxatdan chiqarilganligi boʻyicha maʼlumotlar yoʻqligi toʻgʻrisidagi xulosa asosida tugʻilganlik toʻgʻrisidagi guvohnoma va ota-onalardan birining pasportiga foto suratni yopishtirib ota-onalari (ulardan biri) yoki boshqa qonuniy vakillar bilan birgalikda doimiy yashashga chet elga chiqib ketgan bolani ota-onasi yoki boshqa qonuniy vakillar bilan birgalikda doimiy konsullik roʻyxatiga qoʻyadi va unga xorijga chiqish biometrik pasportini rasmiylashtiradi.

(30-bandning birinchi xatboshisi Oʻzbekiston Respublikasi Vazirlar Mahkamasining 2020-yil 28-sentabrdagi 593-sonli qarori tahririda — Qonun hujjatlari maʼlumotlari milliy bazasi, 29.09.2020-y., 09/20/593/1340-son)

Shaxs doimiy konsullik roʻyxatiga olinayotganida uning nobiometrik pasportiga, biometrik pasportiga, shuningdek, xorijga chiqish biometrik pasportiga belgilangan namunadagi shtamp bosiladi.

31. Doimiy konsullik roʻyxatiga olishni rasmiylashtirib (nobiometrik yoki biometrik pasport asosida) konsullik muassasasi xodimi ushbu Nizomga 1-ilovaga muvofiq shakl boʻyicha xorijga chiqish biometrik pasportini rasmiylashtirishga anketa-arizani beradi, ariza beruvchi uni toʻldirib, anketa-arizaga hujjatlarning nusxalarini takroran ilova qilmasdan konsullik yigʻimi va haqiqiy xarajatlarning oʻrnini qoplash hisobiga yigʻim toʻlanganligi toʻgʻrisidagi toʻlov kvitansiyasini taqdim qiladi.

32. Ushbu Nizomning 20-21-bandlarida koʻrsatilgan kelishuv tartib-taomillari amalga oshirilishga va Konsullik-huquq departamentdan tayyor xorijga chiqish biometrik pasporti konsullik muassasasiga tushishiga qarab konsullik muassasasininshg mansabdor shaxsi uni imzo chektirib ariza beruvchiga topshiradi, bunda uning nobiometrik yoki biometrik pasportini olib qoʻyadi, ularga xorijga chiqish uchun biometrik pasport berilganligi toʻgʻrisida shtamp bosiladi va ular belgilangan tartibda bekor qilish uchun ularni bergan yigʻish punktiga yuboriladi, tegishli axborot esa konsullik muassasasalari tomonidan borilgan mamlakatning vakolatli organlariga yuboriladi.

4-bob. Konsullik-huquqiy departamentda xorijga chiqish biometrik pasportining rasmiylashtirish va berish tartibi

33. Quyidagi xollarda chet elda doimiy yashovchi va doimiy konsullik roʻyxatida turuvchi Oʻzbekiston fuqarolariga Konsullik-huquqiy departamentda xorijga chiqish biometrik pasporti rasmiylashtiriladi va beriladi:

Oʻzbekiston Respublikasi hududidan tashqariga chiqishda;

bola chet elda tugʻilganda;

xorijga chiqish biometrik pasportining amal qilish muddati tugaganda;

familiyasi, ismi, otasining ismi, tugʻilgan sanasi va jinsi oʻzgarganda;

biometrik pasportdagi yozuvlarda noaniqliklar va xatoliklar aniqlanganda;

maʼlumotlar va vizalar uchun ajratilgan biometrik pasport varaqlari tugaganda;

xorijga chiqish biometrik pasporti yaroqsiz holga kelganda;

xorijga chiqish biometrik pasporti yoʻqolganda;

xorijga chiqish biometrik pasporti ashyoviy dalil sifatida olib qoʻyilganda;

Oldingi tahrirga qarang.

ilgari berilgan xorijga chiqish biometrik pasportini muddatidan oldin almashtirish boʻyicha murojaat etilganda.

(33-band Oʻzbekiston Respublikasi Vazirlar Mahkamasining 2022-yil 5-sentabrdagi 492-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 05.09.2022-y., 09/22/492/0797-son)

34. Fuqarolar xorijga chiqish biometrik pasportini olish uchun Konsullik-huquqiy departamentga murojaat qiladilar. Shuningdek, ular xorijga chiqish biometrik pasportini olish uchun Konsullik-huquqiy departamentga murojaat qilishdan oldin Oʻzbekiston Respublikasi Tashqi ishlar vazirligining saytida yoki interaktiv konsullik hizmatlari veb-portalida (www.consulate.mfa.uz) joylashtirilgan anketaning elektron shaklni oldindan toʻldirishning interaktiv xizmatidan foyjalanishlari mumkin.

35. Birinchi marta xorijga chiqish biometrik pasportini rasmiylashtirishda Konsullik-huquqiy departamentga quyidagi hujjatlar taqdim qilinadi:

ushbu Nizomga 1-ilovaga muvofiq shakl boʻyicha ariza-anketa (16 yoshga toʻlmagan fuqarolar uchun ushbu Nizomga 2-ilovaga muvofiq shakl boʻyicha ariza-anketa);

biometrik pasport yoxud tugʻilganlik haqidagi guvohnomaning asli (16 yoshga toʻlmagan fuqarolar uchun) — nusxalari olinadi, asli ariza beruvchiga qaytariladi;

oldin berilgan xorijga chiqish biometrik pasporti (agar boʻlsa);

vakolatli organning qarori (xorijga chiqish biometrik pasporti ashyoviy dalil sifatida olib qoʻyilganida);

konsullik yigʻimi va haqiqiy xarajatlarning oʻrnini qoplash hisobiga undiriladigan yigʻim toʻlanganligi toʻgʻrisidagi kvitansiya (16 yoshga toʻlmagan fuqarolardan faqat haqiqiy xarajatlarning oʻrnini qoplash hisobiga undiriladigan yigʻim olinadi);

fuqaroning (16 yoshga toʻlmagan fuqarolar uchun) xorijga chiqishi uchun ota-onalar yoki boshqa qonuniy vakillarning notarial tasdiqlangan roziligi;

hamrohlik qiluvchi shaxsning (16 yoshga toʻlmagan fuqarolar uchun) notarial tasdiqlangan majburiyati.

Familiyasi, ismi, otasining ismi, tugʻilgan sanasi va jinsi oʻzgargarganda yoki biometrik pasportdagi yozuvlarda noaniqliklar va xatoliklar aniqlanganda fuqaro xorijga chiqish biometrik pasportini olish uchun ushbu holatlarni tasdiqlovchi hujjatlarni maʼlumotlarni yigʻish punktiga taqdim qiladi.

Fuqaro Oʻzbekiston Respublikasi hududidan tashqariga chiqish vaqtida uning xorijga chiqish biometrik pasportining amal qilish muddatiga bir yildan kam vaqt qolgan boʻlsa, xorijga chiqish biometrik pasporti yangisiga almashtirilishi mumkin.

Nobiometrik pasport, biometrik pasport va/yoki xorijga chiqish biometrik pasporti yoʻqotilganda Oʻzbekiston Respublikasi vakolatli idoralari tomonidan berilgan nobiometrik pasport, biometrik pasport va/yoki xorijga chiqish biometrik pasporti yoʻqotilganligi haqida maʼlumotnoma taqdim qilinadi.

36. 15 yoshdan 18 yoshgacha boʻlgan fuqarolar ota-onalar yoki boshqa qonuniy vakillarning voyaga yetmaganning mustaqil ravishda xorijga chiqishga notarial tasdiqlangan roziligi boʻlgan taqdirda xorijga mustaqil chiqishlari mumkin.

37. Quyidagi hollarda voyaga yetmagan Oʻzbekiston Respublikasi fuqarosiga xorijga chiqish biometrik pasporti rasmiylashtirilishida uning ota-onalaridan birining roziligi talab etilmaydi:

ota-onalardan biri vafot etganda (oʻlim haqidagi guvohnoma nusxasi taqdim etilgan taqdirda);

fuqarolik holati dalolatnomalarini qayd etish organlari tomonidan berilgan yolgʻiz ota yoki ona toʻgʻrisidagi maʼlumotnoma mavjud boʻlsa;

bolaning ota-onalaridan biri chet el fuqarosi boʻlsa;

sud tomonidan ota-onalardan biri otalik yoki onalik huquqidan mahrum qilingan boʻlsa (sud qarori nusʼhasi ilova qilingan taqdirda);

sud tomonidan ota-onalardan biri bedarak yoʻqolgan deb topilganda (sud qarori nusʼhasi ilova qilingan taqdirda);

sud tomonidan ota-onalardan biri muomalaga layoqatsiz deb topilganda (sud qarori nusʼhasi ilova qilingan taqdirda);

ota-onalardan biri Oʻzbekiston Respublikasi hududida hisobdan chiqarilgan va doimiy ravishda chet elda yashayotgan boʻlsa.

38. 16 yoshga toʻlmagan shaxslar nomidan ularning ota-onalari, boshqa qonuniy vakillari yoki ularni xorijga yuborayotgan tashkilot vakillari tegishli ariza bilan murojaat qiladi.

Oldingi tahrirga qarang.

39. Taqdim etilgan hujjatlar asosida xorijga chiqish biometrik pasportini rasmiylashtirish uchun Konsullik-huquqiy departament ariza beruvchining biografik maʼlumotlarini toʻplaydi, elektron shakldagi barmoq izlarini oladi (16 yoshdan katta boʻlgan shaxslardan), shaxsning raqamli formatda yuzini suratga oladi va xorijga chiqish biometrik pasportini rasmiylashtirishga arizani shakllantiradi. Ushbu ariza keyinchalik Personallashtirish agentligiga yuboriladi.

(39-band Oʻzbekiston Respublikasi Vazirlar Mahkamasining 2025-yil 1-martdagi 135-sonli qarori tahririda — Qonunchilik maʼlumotlari milliy bazasi, 03.03.2025-y., 09/25/135/0208-son)

Oldingi tahrirga qarang.

40. Personallashtirish agentligidan tayyor xorijga chiqish biometrik pasporti olingach Konsullik-huquqiy departament uni egasiga taqdim etadi.

(40-band Oʻzbekiston Respublikasi Vazirlar Mahkamasining 2025-yil 1-martdagi 135-sonli qarori tahririda — Qonunchilik maʼlumotlari milliy bazasi, 03.03.2025-y., 09/25/135/0208-son)

41. Doimiy konsullik roʻyxatida turuvchi ariza beruvchiga nobiometrik va biometrik pasport oʻrniga xorijga chiqish biometrik pasporti berilayotganda undan oldin berilgan biometrik yoki nobiometrik pasport olib qoʻyiladi, unga xorijga chiqish biometrik pasporti berilganligi toʻgʻrisida shtamp qoʻyilib, ariza beruvchiga ushbu Nizomga 5-ilovaga muvofiq shakl boʻyicha pasportlarni qayd qilish daftarida roʻyxatdan oʻtkaziladigan ushbu Nizomga 4-ilovaga muvofiq shakl boʻyicha maʼlumotnoma beriladi. Ushbu maʼlumotnoma konsullik muassasasida doimiy konsullik roʻyxatiga olinganligi toʻgʻrisida shtamp qoʻyilayotganda masʼul xodimga topshiriladi. Konsullik muassasasi tomonidan olib qoʻyilgan pasport bekor qilish uchun ushbu pasportni rasmiylashtirgan maʼlumotlarni yigʻish punktiga yuboriladi va tegishli maʼlumot boʻlib borilgan mamlakatning vakolatli organlariga yuboriladi.

Vaqtincha konsullik roʻyxatida turuvchi ariza beruvchiga xorijga chiqish biometrik pasporti rasmiylashtirilayotganda, ariza beruvchining avval berilgan biometrik pasportiga xorijga chiqish biometrik pasporti berilganligi haqida shtamp bosiladi.

42. 16 yoshga toʻlmagan shaxsning xorijga chiqish biometrik pasporti ota-onalariga, boshqa qonuniy vakillarga yoki xorijga chiqish biometrik pasportini berishni iltimos qilgan tashkilotning vakillariga beriladi.

43. Oʻzbekiston Respublikasi hududida xorijga chiqish biometrik pasportlarini yetkazib berish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Davlat feldyegerlik xizmati tomonidan amalga oshiriladi.

5-bob. Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalari tomonidan xorijga chiqish biometrik pasportini rasmiylashtirish va berish tartibi

44. Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalari (keyingi oʻrinlarda Oʻzbekiston Respublikasi Tashqi ishlar vazirligining boʻlinmalari deb ataladi) tomonidan xorijga chiqish biometrik pasportini rasmiylashtirish va berish xorijda doimiy yashovchi hamda konsullik muassasalarida doimiy konsullik roʻyxatida turuvchi Oʻzbekiston Respublikasi fuqarolariga quyidagi hollarda rasmiylashtiriladi:

Oʻzbekiston Respublikasidan tashqariga chiqishda;

bola chet elda tugʻilganida;

xorijga chiqish biometrik pasportining amal qilish muddati tugaganda;

familiyasi, ismi, otasining ismi, tugʻilgan sanasi va jinsi oʻzgarganida;

yozuvlarda noaniqliklar va xatolar mavjudligi aniqlanganida;

maʼlumotlar yoki vizalar uchun moʻljallangan varaq ishlatilib boʻlinganda;

xorijga chiqish biometrik pasporti blankasi yaroqsiz holga kelganda;

xorijga chiqish biometrik pasporti yoʻqotib qoʻyilganda;

xorijga chiqish biometrik pasporti ashyoviy dalil sifatida olib qoʻyilganda;

Oldingi tahrirga qarang.

ilgari berilgan xorijga chiqish biometrik pasportini muddatidan oldin almashtirish boʻyicha murojaat etilganda.

(44-band Oʻzbekiston Respublikasi Vazirlar Mahkamasining 2022-yil 5-sentabrdagi 492-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 05.09.2022-y., 09/22/492/0797-son)

45. Fuqarolar xorijga chiqish biometrik pasportini olish uchun Oʻzbekiston Respublikasi Tashqi ishlar vazirligining boʻlinmalariga murojaat qiladilar. Shuningdek, ular xorijga chiqish biometrik pasportini olish uchun Oʻzbekiston Respublikasi Tashqi ishlar vazirligining boʻlinmalariga murojaat qilishdan oldin Oʻzbekiston Respublikasi Tashqi ishlar vazirligining saytida yoki konsullik interaktiv hizmatlar veb-portalida (www.consulate.mfa.uz) joylashtirilgan anketaning elektron shaklini oldindan toʻldirishning interaktiv xizmatidan foydalanishlari mumkin.

Oʻzbekiston Respublikasi Tashqi ishlar vazirligining boʻlinmalari tomonidan xorijga chiqish biometrik pasportini rasmiylashtirish tartibi ushbu Nizomning 34 — 38 bandlariga muvofiq amalga oshiriladi.

46. Konsullik-huquqiy departamentdan tayyor boʻlgan xorijga chiqish biometrik pasporti olingandan keyin Oʻzbekiston Respublikasi Tashqi ishlar vazirligining boʻlinmasi uni egasiga topshiradi.

47. 16 yoshga toʻlmagan shaxsning xorijga chiqish biometrik pasporti ota-onalariga, boshqa qonuniy vakillarga yoki xorijga chiqish biometrik pasportini berishni iltimos qilgan tashkilotning vakillariga beriladi.

48. Oʻzbekiston Respublikasi hududida xorijga chiqish biometrik pasportlarini yetkazib berish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Davlat feldyegerlik xizmati tomonidan amalga oshiriladi.

6-bob. Pasportlarni yoʻq qilish va bekor qilish

49. Doimiy konsullik roʻyxatida turuvchi ariza beruvchiga xorijga chiqish biometrik pasporti birinchi marta berilayotganda undan oldin berilgan biometrik yoki nobiometrik pasporti olib qoʻyiladi, ushbu Nizomga 4-ilovaga muvofiq shakl boʻyicha maʼlumotnoma beriladi. Bekor qilingan pasport ushbu pasportni rasmiylashtirgan maʼlumotlarni yigʻish punktiga yuboriladi va tegishli maʼlumot borilgan mamlakatning vakolatli organlariga yuboriladi.

Oldingi tahrirga qarang.

Doimiy yashash joyi boʻyicha roʻyxatga olish (roʻyxatdan chiqarish), alohida maʼlumotlar yoki vizalar uchun moʻljallangan varaqlar ishlatib boʻlingan va xorijga chiqish biometrik pasportining amal qilish muddati tugagan, ammo ichiga qoʻyilgan xorijiy davlatlarga kirish vizalarining amal qilish muddati tugamagan taqdirda ikkinchi marta xorijga chiqish biometrik pasporti berilayotganda oldin berilgan xorijga chiqish biometrik pasporti “xorijga chiqish biometrik pasporti” (maʼlumotlarni yigʻish punkti) tizimi mashina oʻqiydigan maʼlumotlar apparati orqali bekor qilinadi. Ariza beruvchining xohishiga koʻra oldin berilgan pasport unda qoldirilishi mumkin. Tegishli maʼlumot borilgan mamlakatning vakolatli organiga va ushbu pasportni rasmiylashtirgan maʼlumotlarni yigʻish punktiga yuboriladi.

(49-bandning ikkinchisi xatboshisi Oʻzbekiston Respublikasi Vazirlar Mahkamasining 2022-yil 5-sentabrdagi 492-sonli qarori tahririda — Qonunchilik maʼlumotlari milliy bazasi, 05.09.2022-y., 09/22/492/0797-son)

Bekor qilingan hujjat konsullikning mansabdor shaxsi tomonidan teshgich yordamida teshiladi va stepler yordamida yangi xorijga chiqish biometrik pasportiga biriktiriladi (ikkitadan koʻp boʻlmagan bekor qilingan pasportlarga nisbatan qoʻllaniladi).

Uchinchi marta xorijga chiqish biometrik pasporti almashtirilganda birinchi marta rasmiylashtirilgan (bekor qilingan) pasport olib qoʻyiladi va yoʻq qilish uchun uni rasmiylashtirgan maʼlumotlarni yigʻish punktiga yuboriladi. Ikkinchi marta rasmiylashtirilgan xorijga chiqish biometrik pasporti teshgich yordamida teshiladi va stepler yordamida yangi xorijga chiqish biometrik pasportiga biriktiriladi.

50. Haqiqiy boʻlmagan xorijga chiqish biometrik pasportlarini yoʻq qilish maʼlumotlarni yigʻish punktlarida belgilangan tartibda amalga oshiriladi.

LexUZ sharhi

51. Oʻzbekiston Respublikasi fuqarolarining topib olingan pasportlari bir oy muddatda oʻz egalari tomonidan konsullik muassasalariga murojaat qilinmagan taqdirda, belgilangan tartibda bekor qilish uchun Konsullik-huquqiy departamentga yuboriladi.

52. Fuqaroligi toʻxtatilgan shaxs pasportni turgan joyi boʻyicha konsullik muassasasiga topshirishi shart.

7-bob. Xorijga chiqish biometrik pasportini rasmiylashtirishni toʻxtatib turish va tiklash

53. Konsullik roʻyxatida turuvchi Oʻzbekiston Respublikasi fuqarolariga xorijga chiqish biometrik pasportini rasmiylashtirish va berish, shuningdek, keyinchalik doimiy konsullik roʻyxatiga turgan holda xorijiy davlatda doimiy yashash joyida qoldirish (ushbu Nizomning 26-bandiga muvofiq murojaat qilinganda) jarayoni quyidagi hollarda uch oyga toʻxtatib turiladi:

a) shaxsning davlat oldida bajarilmagan majburiyatlari yoki fuqarolarning yoxud davlat va jamoat tashkilotlarining muhim manfaatlari bilan bogʻliq mulkiy majburiyatlari mavjud boʻlsa;

b) shaxsga nisbatan jinoyat ishi qoʻzgʻatilgan boʻlsa — ish yuzasidan uzil-kesil sud qarori yoki boshqa qaror qabul qilingungacha;

v) shaxs ayblanuvchi sifatida jinoiy javobgarlikka tortilgan boʻlsa;

g) shaxsga nisbatan qonuniy kuchga kirgan va ijro etilishi kerak boʻlgan sud qarori mavjud boʻlsa.

Ariza beruvchi oʻz arizasini qaytarib olish toʻgʻrisida yozma ravishda murojaat qilgan taqdirda pasportni rasmiylashtirish jarayoni toʻxtatiladi.

Ariza beruvchi soxta hujjatlarni taqdim qilganda yoki oʻzi haqida yolgʻon maʼlumotlar berganda materialni yuritish toʻxtatiladi, hujjatlar keyinchalik huquqni muhofaza qiluvchi organlarga taqdim qilish uchun hujjatlarni rasmiylashtirgan organga qaytariladi.

54. Xorijga chiqish biometrik pasportini rasmiylashtirish jarayonini tiklash uchun ushbu Nizom 53-bandining “a” va “g” kichik bandlarida keltirilgan hollarda ariza beruvchi konsullik muassasasiga davlat oldida ijro etilmagan majburiyatlari yoki fuqarolar, davlat organlari, hususiy va boshqa jamoat tashkilotlarining muhim manfaatlari bilan bogʻliq boʻlgan yoki mulkiy majburiyatlari yoʻqligi haqida maʼlumotnoma taqdim qilishi kerak.

Ushbu Nizom 53-bandining “b” va “v” kichik bandlarida keltirilgan holatlar mavjud boʻlganda xorijga chiqish biometrik pasportini rasmiylashtirish jarayoni faqat huquqni muhofaza qiluvchi organlarda va sudda tegishli jarayonlar toʻxtatilgandan soʻng tiklanadi.

55. Agar konsullik roʻyxatida turuvchi Oʻzbekiston Respublikasi fuqarolariga xorijga chiqish biometrik pasportini rasmiylashtirish, shuningdek, keyinchalik doimiy konsullik roʻyxatida turish uchun xorijiy davlatdagi doimiy yashash joyida qoldirish masalalari boʻyicha materiallarni koʻrib chiqish jarayonini toʻxtatib turish muddati ushbu Nizomning 53-bandida koʻrsatilgan holatlar aniqlangan yoki boshlangan davrdan boshlab uch oydan oshsa, rasmiylashtirish jarayoni toʻxtatiladi.

8-bob. Yakunlovchi qoidalar

56. Xorijga chiqish biometrik pasporti blankalari qatʼiy hisobot beriladigan hujjat hisoblanadi. Xorijga chiqish biometrik pasporti egasining shaxsan oʻziga topshiriladi.

57. Almashtirishga, shuningdek, 18 yoshga toʻlishi munosabati bilan xorijga chiqish biometrik pasportini rasmiylashtirish uchun arizalar quyidagi hollarda qabul qilinadi:

Pasport amal qilish muddati tugashidan bir oy oldin va pasport amal qilish muddati tugaganidan keyin bir oylik muddatda;

18 yoshga toʻlgandan keyin bir oylik muddatda.

Yuqorida keltirilgan muddatlar oʻtganidan soʻng oʻz vaqtida rasmiylashtirilmaganligi uchun, shuningdek, keyingi har bir kalendar yil hisobidan (bunda xorijga chiqish biometrik pasportining amal qilish muddati tugaganidan keyingi bir oylik muddatning tugash vaqtidan boshlab 365/366 kalendar kun nazarda tutiladi) Konsullik yigʻimlari tariflariga muvofiq qoʻshimcha konsullik yigʻimlari undiriladi.

58. Xorijga chiqish biometrik pasporti berilganligi hisobini yuritish ushbu Nizomga 5-ilovaga muvofiq shakl boʻyicha tushgan pasportlarni Hisobga olish daftarida qayd etiladi.

59. Fuqarolar xorijga chiqish biometrik pasportlarini avaylab saqlashlari shart. Fuqaro xorijiy davlatda xorijga chiqish biometrik pasportini yoʻqotgan taqdirda darhol konsullik muassasasiga murojaat qilishi shart. Konsullik muassasasi fuqaroga yangi xorijga chiqish biometrik pasporti rasmiylashtirib berilgunga qadar ushbu Nizomga 6-ilovaga muvofiq shakl boʻyicha unga tegishli maʼlumotnomani rasmiylashtirib beradi. Bunda ariza beruvchi xorijga chiqish biometrik pasporti toʻlovidan tashqari uni yoʻqotganligi uchun ham konsullik yigʻimini toʻlaydi.

60. Konsullikning mansabdor shaxsi berilgan xorijga chiqish biometrik pasportlari toʻgʻrisidagi hisobotni har chorakda Konsullik-huquqiy departamentga yuboradi.

Oldingi tahrirga qarang.

61. Qonunchilik hujjatlari bilan quyidagilar uchun javobgarlik belgilanadi:

(61-bandning birinchi xatboshisi Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)

amal qilish muddati oʻtgan xorijga chiqish biometrik pasportini oʻz vaqtida topshirilmaganligi uchun;

xorijga chiqish biometrik pasportini qasddan yaroqsiz holga keltirish, shuningdek, yoʻqotilishiga sabab boʻlgan xorijga chiqish biometrik pasportiga ehtiyotkorona munosabatda boʻlmaslik;

yoʻqotilganlik haqida ariza bilan murojaat qilingan xorijga chiqish biometrik pasportidan, shuningdek, boshqa shaxsga tegishli boʻlgan xorijga chiqish biometrik pasportidan gʻarazli maqsadlarda foydalanish;

xorijga chiqish biometrik pasportini qonunga zid ravishda olib qoʻyish yoki uni garov sifatida qabul qilish;

xorijga chiqish biometrik pasportini gʻarazli maqsadlarda olib qoʻyish, yoʻq qilish, yaroqsiz holga keltirish va yashirish.

‎	‎	‎	‎	‎	‎	‎	‎	‎	1-shakl‎ ‎
MAʼLUMOTNOMA ‎
Oʻzbekiston Respublikasi Tashqi ishlar vazirligi Konsullik-huquq departamenti ushbu bilan seriyasi ____ boʻlgan, ________________ raqamli xorijga chiqish biometrik pasporti Oʻzbekiston Respublikasining _____________ shahridagi konsullik muassasasida doimiy (vaqtincha) konsullik roʻyxatida turuvchi “___” _________ _______yilda tugʻilgan fuqaro __________________________________________________________________________________ ga‎‎
‎	‎	‎	‎	‎	(F.I.O.)‎	‎	‎	‎	‎
rasmiylashtirib berilganligini maʼlum qiladi. ‎Shuningdek, fuqaro ________________________________________________________________________________ ga‎
‎	‎	‎	‎	‎	(F.I.O.)‎ ‎	‎	‎	‎	‎
20___ yil “___” ________ Oʻzbekiston Respublikasi Tashqi ishlar vazirligi tomonidan rasmiylashtirilgan (2011-yilgi namunadagi) seriyasi ____ boʻlgan ___________ raqamli biometrik pasport olib qoʻyilgan, fuqaro Oʻzbekiston Respublikasining konsullik muassasasiga murojaat qilganida “Konsullik roʻyxati”ga olinganligi haqidagi shtamp uning yangi pasportiga koʻchiriladi.‎‎‎‎‎‎ ‎
‎	KHD direktori		__________________		‎	_____________________			‎
‎	‎	‎	(imzo) ‎		‎	F.I.O.			‎
KHD muhri‎	‎	‎	‎	‎	‎	‎	‎	‎	‎

‎‎2-shakl‎
‎

Tushgan pasportlar
‎ va ularni fuqarolarga berish
‎DAFTARI
‎

Pasportlarning
‎seriyasi va raqamlari

Berilgan sana‎‎

Pasport egasining familiyasi,
‎ismi va otasining ismi ‎‎‎

Qaydlar‎‎‎

‏

kirim‎‎

chiqim

1‎‎

2‎‎

3‎‎

4‎‎‎

‎‎‎

‎‎

‎‎‎

‎‎

‎‎‎‎

‎‎

‎‎‎‎

‎‎

‎‎‎‎

‎‎

‎‎‎

‎‎

‎‎‎

‎‎

‎	‎	‎	‎	‎	‎	‎	‎	‎	3-shakl ‎‎
MAʼLUMOTNOMA‎‎ ‎
Berildi shu haqdakim, Oʻzbekiston Respublikasi fuqarosi _________________________________________________________________________________________________
‎	‎	‎	‎	‎‎(F.I.O.)		‎	‎	‎	‎
oʻziga tegishli boʻlgan Oʻzbekiston Respublikasi fuqarosi biometrik pasportini (xorijga chiqish biometrik pasportini) yoʻqotganligi sababli, unga yangi xorijga chiqish biometrik pasportini rasmiylashtirib berish masalasi koʻrib chiqilmoqda.‎‎
‎
Janob (xonim) _____________________________________________________________________________________‎‎‎
‎	‎	‎	‎	‎‎(F.I.O.)		‎	‎	‎	‎
‎‎_____________________________________ dagi quyidagi manzilda yashaydi:
(davlatning nomi)‎‎				‎	‎	‎	‎	‎	‎
‎‎_____________________________________________________________________________________ ‎‎
Ushbu maʼlumotnoma egasi___________________________________________________________________________
‎	‎	‎	‎	‎	‎‎(konsullik muassasasi nomi)‎‎‎‎
‎‎konsullik roʻyxatida turadi. ‎‎			‎	‎	‎	‎	‎	‎	‎
Konsullik muassasasi rahbari ‎‎				‎	‎	______________________________________
‎	‎	‎	‎	‎	‎	‎	‎‎(F.I.O.)‎		‎
‎	‎	‎	‎	‎	‎	_________________________________‎‎_____‎‎
‎	‎	‎	‎	‎	‎	‎	(imzo)‎‎		‎
‎	‎	‎	‎	‎	‎	‎	‎	‎	‎
Konsullik muassasasi muhri‎‎					‎	‎	‎	‎	‎
‎-----------------------------------------				‎	‎	‎	‎	‎	‎
Maʼlumotnoma berilgan xorijiy davlat tilida yoki ingliz tilida yoziladi.‎‎

(Qonun hujjatlari maʼlumotlari milliy bazasi, 31.01.2020-y., 09/20/49/0099-son; 29.09.2020-y., 09/20/593/1340-son; Qonunchilik maʼlumotlari milliy bazasi, 05.04.2022-y., 09/22/153/0266-son, 05.09.2022-y., 09/22/492/0797-son; 03.03.2025-y., 09/25/135/0208-son)