1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.01.00 Umumiy masalalar]
[TSZ:
1.Ijtimoiy-madaniy masalalar / Jismoniy tarbiya va sport]
Oʻzbekiston Respublikasi Prezidentining
Farmoni
Oʻzbekiston Respublikasida jismoniy tarbiya va sportni yanada takomillashtirish va ommalashtirish chora-tadbirlari toʻgʻrisida
Respublikada oxirgi yillarda jismoniy tarbiya va sportni ommalashtirish, aholi oʻrtasida sogʻlom turmush tarzini targʻib qilish, imkoniyatlari cheklangan shaxslarning jismoniy reabilitatsiyasi uchun zarur shart-sharoitlar yaratish hamda mamlakatning xalqaro sport maydonlarida munosib ishtirok etishini taʼminlash borasida izchil chora-tadbirlar amalga oshirilmoqda.
Shu bilan birga, jismoniy tarbiya va sport sohasida aholi sogʻligʻini mustahkamlashga koʻmaklashadigan aniq dasturlarni amaliyotga joriy etish, yoshlarni sportga keng jalb qilish va ular orasidan iqtidorli sportchilarni saralab olish, sport turlari boʻyicha yuqori natijalarni taʼminlaydigan mahoratli sportchilar bilan milliy terma jamoalarni shakllantirish va trenerlar uchun qoʻshimcha shart-sharoitlar yaratish zarurati mavjud.
Mamlakatda yuksak madaniyatga ega boʻlgan har tomonlama yetuk hamda jismonan sogʻlom insonni shakllantirish maqsadida, aholining jismoniy tarbiya va sport sohasida malaka va bilimlarini orttirishga qaratilgan ustuvor yoʻnalishlarni belgilash, iqtidorli sportchilarni tanlab olish (seleksiya) jarayoniga innovatsion shakllar va usullarni joriy etish maqsadida:
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
1. Quyidagilar jismoniy tarbiya va sport tizimini isloh qilishning 2025-yilgacha asosiy yoʻnalishlari etib belgilansin:
jismoniy tarbiya va sport bilan muntazam shugʻullanayotgan aholining umumiy sonini 30 foizgacha, sport tashkilot va muassasalarida shugʻullanayotgan yoshlarning umumiy sonini 20 foizgacha oshirish;
davlat sport taʼlimi muassasalarida trener va mutaxassislarning sifat tarkibi, xususan oliy maʼlumotli xodimlar sonini bosqichma-bosqich 80 foizgacha yetkazish;
joylarda yoshlar orasidan iqtidorli sportchilarni tanlab olish (seleksiya)ning samarali va shaffof toʻrt bosqichli – tashkilot-tuman (shahar)-hudud-respublika tizimini ishlab chiqish va joriy etish;
Oʻzbekiston Respublikasi Sport vazirligi tizimidagi sport maktablari oʻquvchi-sportchilari oʻrtasida “Bolalar sport oʻyinlari”ni oʻtkazish orqali iqtidorli sportchilarni aniqlash va yoshlar terma jamoalariga zaxira yaratish hamda oliy taʼlim muassasalari talabalari oʻrtasida “Talabalar sport oʻyinlari”ni tashkil etish natijasida talabalarni sport bilan muntazam shugʻullanishga jalb etish;
(1-bandning beshinchi xatboshisi Oʻzbekiston Respublikasi Prezidentining 2024-yil 24-dekabrdagi PF-226-sonli Farmoni tahririda — Qonunchilik maʼlumotlari milliy bazasi, 25.12.2024-y., 06/24/226/1060-son)
aholining keng qatlamlari, jumladan umumtaʼlim maktabi oʻquvchilari, professional va oliy taʼlim muassasalari oʻquvchi va talabalari oʻrtasida jismoniy tarbiyani ommalashtirish, ular orasida iqtidorlilarini aniqlash maqsadida “Umumtaʼlim maktab sporti” festivali, “Jismoniy tayyorgarligi rivojlangan muassasa” koʻrik-tanlovini bosqichma-bosqich (tuman/shahar, hudud, respublika) oʻtkazish tizimini ishlab chiqish va jismoniy tayyorgarlik darajasi rivojlangan eng yaxshi umumtaʼlim maktabi, professional va oliy taʼlim muassasasi nominatsiyasini joriy etish;
2020-yildan boshlab sport sohasida “Tashkent Marathon” xalqaro marafoni, “Save Aral” xalqaro ekomarafoni, avtoralli va motokross sport musobaqalarini tizimli oʻtkazish orqali sport turizmini rivojlantirish;
aholining barcha qatlamlari oʻrtasida “Jismoniy tayyorgarlik darajasi” sinovlarini oʻtkazishni joriy etish;
sport turlari boʻyicha terma jamoalar sportchilari uchun ilmiy-kompleks laboratoriyalar tashkil etish, tayyorgarlik jarayoniga ilgʻor innovatsion texnologiyalarni joriy etish hamda sport sohasida samarali tibbiy va farmakologik taʼminotni yoʻlga qoʻyish;
sport turlari boʻyicha 18 yoshgacha boʻlgan hududiy terma jamoa aʼzolarini hududiy bolalar koʻp tarmoqli tibbiyot markazlarining oʻsmirlar boʻlimlarida va undan katta yoshdagi hududiy terma jamoa aʼzolarini tuman (shahar) koʻp tarmoqli markaziy poliklinikalarida muntazam ravishda chuqurlashtirilgan tibbiy koʻrikdan oʻtkazib borish mexanizmini joriy etish;
2020-yil 1-fevraldan boshlab bosqichma-bosqich olimpiya sport turlari boʻyicha respublika sport musobaqalarida doping-test namunalarini olish tizimini joriy etish;
qishki Olimpiya sport turlari infratuzilmasini yaratish, ushbu sport turlarini ommaviylashtirish orqali professional sportchilarni tayyorlash tizimini yoʻlga qoʻyish;
Oʻzbekiston sport delegatsiyalarini nufuzli sport musobaqalariga tizimli tayyorlash boʻyicha Toshkent viloyati, Boʻstonliq tumanida Olimpiya tayyorgarlik markazini tashkil etish;
xorijlik sportchi va muxlislarni keng jalb qilish hamda sport infratuzilmasidan samarali foydalanish maqsadida “xospitaliti xizmatlari”ni yoʻlga qoʻyish, “Sport Visa” qoʻshimcha (elektron boʻlmagan) kirish vizasini joriy etish;
sport sohasida xususiy sektor ishtirokini oshirish, shu jumladan sport tashkilotlarida davlat ulushini kamaytirish boʻyicha zarur choralar belgilash;
sport lotereyalarini tashkil etish orqali sportni qoʻshimcha moliyalashtirish tizimini kengaytirish;
huquqni muhofaza qilish organlari va Qurolli Kuchlar tizimidagi taʼlim muassasalari, jumladan “Temurbeklar maktabi” oʻquvchi-talabalari uchun “Armiya oʻyinlari” dasturiga kiritilgan sport turlari boʻyicha fakultativ mashgʻulotlar va toʻgaraklar faoliyatini yoʻlga qoʻyish;
jismoniy tarbiya-sogʻlomlashtirish, sport inshootlari va muassasalarining boshqaruv tizimiga zamonaviy axborot-kommunikatsiya texnologiyalarini keng joriy etish, jumladan “Sport.uz” axborot tizimi orqali sport inshootlarining telekommunikatsiya tarmoqlariga ulanishini taʼminlash;
milliy sport turlarini rivojlantirish va ommaviyligini oshirish, ularni Osiyo va Olimpiya oʻyinlari dasturlariga kiritish boʻyicha tizimli chora-tadbirlarni amalga oshirish.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
2. Quyidagilar:
Oʻzbekiston Respublikasida jismoniy tarbiya va sportni 2025-yilgacha rivojlantirish konsepsiyasi (keyingi oʻrinlarda — Konsepsiya) 1-ilovaga muvofiq;
Oʻzbekiston Respublikasida jismoniy tarbiya va sportni 2025-yilgacha rivojlantirish konsepsiyasining maqsadli koʻrsatkichlari 2-ilovaga muvofiq;
Oʻzbekiston Respublikasida jismoniy tarbiya va sportni 2025-yilgacha rivojlantirish konsepsiyasini 2020-yilda amalga oshirish boʻyicha “Yoʻl xaritasi” 3-ilovaga muvofiq;
Respublika tuman (shahar)larni ustuvor, istiqboldagi, rivojlanayotgan sport turlariga ixtisoslashtirish roʻyxati 4-ilovaga muvofiq tasdiqlansin.
Belgilansinki, Konsepsiyada nazarda tutilgan maqsadli koʻrsatkichlar va asosiy yoʻnalishlar har yili Oʻzbekiston Respublikasi Sport vazirligining asoslangan hisob-kitoblariga asosan, shuningdek, ushbu tadbirlarni moliyalashtirish uchun ajratilgan budjet mablagʻlari doirasida Vazirlar Mahkamasi tomonidan tasdiqlanadigan “Yoʻl xaritasi” orqali bosqichma-bosqich amalga oshiriladi.
(2-bandning oltinchi xatboshisi Oʻzbekiston Respublikasi Prezidentining 2024-yil 24-dekabrdagi PF-226-sonli Farmoni tahririda — Qonunchilik maʼlumotlari milliy bazasi, 25.12.2024-y., 06/24/226/1060-son)
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
har yili 1-noyabrga qadar kelgusi yil uchun sport va ommaviy jismoniy tarbiya tadbirlarining respublika kalendar rejasi (keyingi oʻrinlarda — respublika kalendar rejasi) sport turlari boʻyicha federatsiyalar (uyushmalar) taqdimnomasi asosida Oʻzbekiston Respublikasi Sport vazirligi tomonidan shakllantiriladi va Vazirlar Mahkamasiga tasdiqlash uchun kiritiladi;
(3-bandning ikkinchi xatboshisi Oʻzbekiston Respublikasi Prezidentining 2024-yil 24-dekabrdagi PF-226-sonli Farmoni tahririda — Qonunchilik maʼlumotlari milliy bazasi, 25.12.2024-y., 06/24/226/1060-son)
respublika kalendar rejasida belgilangan xarajatlar tarkibida Oʻzbekiston Milliy Olimpiya qoʻmitasi, sport turlari boʻyicha federatsiyalar (uyushmalar)ning faoliyati bilan bogʻliq xarajatlar, shuningdek, sportchilarni sugʻurtalash xarajatlari nazarda tutiladi;
tasdiqlangan respublika kalendar rejasiga asosan hududiy hamda tuman (shahar) sport va ommaviy jismoniy tarbiya tadbirlarining kalendar rejalari tegishli ravishda Qoraqalpogʻiston Respublikasi Vazirlar Kengashi, viloyatlar, Toshkent shahar va tuman (shahar) hokimliklari tomonidan har yili 1-dekabrga qadar tasdiqlanadi;
sportchi yoshlarni saralash va katta sportga iqtidorli sportchilarni tanlab olish (seleksiya), sport zaxirasini shakllantirish tizimini yoʻlga qoʻyish, yoshlar orasida sportni ommalashtirishda yuqori natijalarga erishish maqsadida hududlarning oʻziga xos xususiyatlari, aholining qiziqishi va xohish-istaklaridan kelib chiqib, umumtaʼlim maktablari oliy taʼlim muassasalari kamida bittadan ustuvor, istiqboldagi, rivojlanayotgan, shu jumladan milliy sport turlariga ixtisoslashtiriladi;
ichki ishlar organlari profilaktika (katta) inspektorlarining jamoat tartibini saqlash boʻyicha yordamchilari biriktirilgan hududlarda, shu jumladan mahalla fuqarolar yigʻinlarida aholini, ayniqsa yoshlarni jismoniy tarbiya va sportga jalb etish boʻyicha masʼul etib belgilanadi.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
4. Belgilab qoʻyilsinki, Qoraqalpogʻiston Respublikasi Vazirlar Kengashi raisi, viloyatlar, Toshkent shahar va tuman (shahar) hokimlari:
jismoniy tarbiya va sport muassasalarini qoʻllab-quvvatlash va ularning inshootlari infratuzilmasini rivojlantirish;
Qoraqalpogʻiston Respublikasining budjeti, viloyatlar va Toshkent shahar mahalliy budjeti, tuman (shahar) budjetlari daromadlarining prognozdan oshirib bajarilgan qismi hisobidan mablagʻlarni hududiy sport va ommaviy jismoniy tarbiya tadbirlarini qoʻshimcha moliyalashtirish uchun yoʻnaltirish;
respublika sport federatsiyalari (uyushmalari) bilan birgalikda oliy taʼlim muassasalarini sport turlari boʻyicha ixtisoslashtirish, jismoniy tarbiya va sport bilan shugʻullanish uchun zarur shart-sharoitlar yaratish, shuningdek, “Jismoniy tayyorgarlik darajasi” sinovlarini oʻtkazish, aholi va yoshlar oʻrtasida bu borada olib borilayotgan ishlar samaradorligini har chorakda muhokama etib borish;
tegishli hududda jismoniy tarbiya va sport sohasini rivojlantirish hamda jismoniy tarbiya-sogʻlomlashtirish va sport tashkilotlaridagi mavjud muammolarni bartaraf etish boʻyicha masʼul hisoblanadi.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirlik, idora va tashkilotlar, oʻz tasarrufida boʻlgan yoki tegishli hududda joylashgan ochiq sport obyektlari (stadion, futbol maydoni va boshqa sport obyektlari) hamda istirohat bogʻlarida (xususiy tadbirkorlik subyektlariga tegishli obyektlar bundan mustasno) aholining yugurish, yurish va badantarbiya turlari bilan bepul shugʻullanishi uchun sharoit yaratsin.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
6. Oʻzbekiston Respublikasi Jismoniy tarbiya va sport vazirligining:
vazirlik markaziy apparati tuzilmasidagi jismoniy tarbiya va sport sohasida monitoring boshqarmasi negizida Ichki audit va moliyaviy nazorat boshqarmasini tashkil etish;
sport pasportini rasmiylashtirish va berish uchun yigʻimni pul toʻlovi amalga oshirilayotgan kundagi bazaviy hisoblash miqdorining 50 foizi miqdorida belgilash;
Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi va Moliya vazirligi bilan kelishilgan holda taʼlim muassasalarining sport inshootlarini, ularda rekonstruksiya qilish, kapital taʼmirlash va jihozlash boʻyicha investitsiya majburiyatini olgan holda, oʻquv mashgʻulotlaridan boʻsh vaqtda tadbirkorlik subyektlariga foydalanishga berish;
Oʻzbekiston Respublikasi Moliya vazirligi bilan kelishilgan holda sport lotereyalarini tashkil etish va yuridik shaxslar tomonidan sport lotereyalarini oʻtkazishdan olingan daromadning 10 foizigacha boʻlgan qismini budjetdan tashqari “Sport” maxsus hisob raqami mablagʻlarini shakllantirishning qoʻshimcha manbasi etib belgilash toʻgʻrisidagi takliflari maʼqullansin.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
7. Oʻzbekiston Respublikasi Moliya vazirligi Jismoniy tarbiya va sport vazirligining tuman va shahar boʻlimlari moddiy-texnika bazasini mustahkamlash, tizimdagi sport maktablari va kollejlari oʻquv sinf va laboratoriya xonalari hamda yotoqxonalarini jihozlash uchun Jismoniy tarbiya va sport vazirligining budjetdan tashqari “Sport” maxsus hisob raqamiga 2020-yilda Oʻzbekiston Respublikasi Davlat budjetining qoʻshimcha manbalari hisobidan 50 milliard soʻm mablagʻ ajratsin.
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
8. Oʻzbekiston Respublikasi Turizm va sport vazirligi, Investitsiyalar va tashqi savdo vazirligi, Moliya vazirligi hamda “Milliy bank” AJ jismoniy tarbiya-sogʻlomlashtirish va sport inshootlarini barpo etish loyihalarini moliyalashtirish uchun 200 million yevro, shu jumladan 2020-yilda 50 million yevro miqdorida xalqaro moliya institutlari va xorijiy banklarning kredit mablagʻlarini (keyingi oʻrinlarda — kredit mablagʻlari) jalb qilsin.
(8-band Oʻzbekiston Respublikasi Prezidentining 2022-yil 15-yanvardagi PF-52-sonli Farmoni tahririda — Qonunchilik maʼlumotlari milliy bazasi, 15.01.2022-y., 06/22/52/0029-son)
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
9. Belgilab qoʻyilsinki, loyiha tashabbuskorlariga:
2020-2021-yillarda jismoniy tarbiya-sogʻlomlashtirish va sport inshootlarini barpo etish uchun ajratiladigan tijorat banklarining summasi 10 milliard soʻmdan, foiz stavkasi Oʻzbekiston Respublikasi Markaziy banki asosiy stavkasining 1,5 baravaridan oshmaydigan milliy valyutadagi kreditlar uchun — asosiy stavkadan oshadigan, lekin 8 foiz punktidan koʻp boʻlmagan qismi Tadbirkorlik faoliyatini qoʻllab-quvvatlash davlat jamgʻarmasi tomonidan qoplab beriladi.
Oʻzbekiston Respublikasi Moliya vazirligi ushbu imtiyozlar uchun zarur boʻlgan mablagʻlarni Tadbirkorlik faoliyatini qoʻllab-quvvatlash davlat jamgʻarmasiga belgilangan tartibda ajratsin;
kredit mablagʻlari jismoniy tarbiya-sogʻlomlashtirish va sport inshootlarini barpo etishda innovatsion texnologiyalarga asoslangan, arzon, energiya tejamkor va tez barpo etiladigan yengil konstruksiya va materiallardan foydalanishni nazarda tutuvchi namunaviy loyihalarni amalga oshirish uchun ajratiladi.
Oʻzbekiston Respublikasi Jismoniy tarbiya va sport vazirligi hamda Qurilish vazirligi Xalq taʼlimi vazirligi, Oliy va oʻrta maxsus taʼlim vazirligi va boshqa manfaatdor idoralar bilan birgalikda loyiha tashkilotlarini jalb qilgan holda 2020-yil 1-sentabrga qadar ilgʻor xorijiy davlatlar tajribasi, taʼlim muassasalari va boshqa obyektlarning quvvati hamda mazkur bandda koʻrsatilgan talablardan kelib chiqib, har bir sport turlari boʻyicha barpo etiladigan sport obyektlarining namunaviy loyihalarini ishlab chiqsin va belgilangan tartibda tasdiqlanishini taʼminlasin.
(9-bandning beshinchi xatboshisi Oʻzbekiston Respublikasi Prezidentining 2020-yil 30-oktabrdagi PF-6099-sonli Farmoni tahririda — Qonun hujjatlari maʼlumotlari milliy bazasi, 31.10.2020-y., 06/20/6099/1450-son)
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
10. 2020-yilda xalqaro moliya institutlari va xorijiy banklarning kreditlari hisobidan respublika hududlarida jismoniy tarbiya-sogʻlomlashtirish va sport inshootlarini barpo etish boʻyicha istiqbolli loyihalarning yigʻma koʻrsatkichlari 5-ilovaga muvofiq tasdiqlansin.
11. Oʻzbekiston Respublikasi Jismoniy tarbiya va sport vazirligi Moliya vazirligi hamda Bandlik va mehnat munosabatlari vazirligi bilan birgalikda uch oy muddatda quyidagilarni:
Oʻzbekiston Respublikasi Jismoniy tarbiya va sport vazirligi tarkibidagi sport taʼlimi muassasalarining shtat birliklari doirasida sport diyetologi, sport psixologi, sport farmakologi, massajchi va seleksiya boʻyicha trener lavozimlari hamda respublika oliy sport mahorati maktablarida har bir sport turi boʻyicha Bosh trener-seleksioner lavozimini joriy etish;
sport muassasalarining xarajatlar smetasida nazarda tutilgan mablagʻlar doirasida sport tayyorgarligidan oʻtayotgan oʻquvchi-sportchining sportdagi natijalari yaxshilanganda va u boshqa yuqori darajadagi sport taʼlimi muassasasiga oʻtkazilganda, uni tayyorlagan trenerga bir oylik ish haqi miqdorida bir martalik mukofot puli toʻlash;
sport maktablari erishgan natijalariga koʻra ular maqomini qayta koʻrib chiqish va belgilash tartibini nazarda tutuvchi Hukumat qarori loyihasini Oʻzbekiston Respublikasi Vazirlar Mahkamasiga kiritsin.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
12. Oʻzbekiston Respublikasi Jismoniy tarbiya va sport vazirligi, Xalq taʼlimi vazirligi, Oliy va oʻrta maxsus taʼlim vazirligi, Moliya vazirligining 2020-yil 1-fevraldan boshlab sport sohasidagi yutuqlarni munosib ravishda ragʻbatlantirishni nazarda tutuvchi quyidagi takliflariga rozilik berilsin:
(12-bandning “a” kichik bandi Oʻzbekiston Respublikasi Prezidentining 2021-yil 22-iyundagi PQ-5157-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 23.06.2021-y., 07/21/5157/0591-son)
b) “Bolalar sport oʻyinlari”ning jamoaviy oʻyin turlari boʻyicha respublika bosqichi:
gʻoliblariga (1-oʻrin) oliy taʼlim muassasalariga kirish imtihonlarida soha boʻyicha mutaxassislik fanidan maksimal ball olish huquqini beruvchi, uch yil muddat davomida amal qiluvchi sertifikat taqdim qilish;
gʻolib va sovrindorlarni (1 — 3 oʻrin) tayyorlagan jismoniy tarbiya fani oʻqituvchilarini respublika kalendar rejasida nazarda tutilgan mablagʻlar hisobidan egallagan 1-oʻrin uchun mehnatga haq toʻlash eng kam miqdorining — 6 baravari, 2-oʻrin uchun — 4 baravari, 3-oʻrin uchun — 3 baravari miqdorida bir martalik pul mukofotlari bilan taqdirlash;
v) umumiy oʻrta taʼlim maktablari oʻquvchilari oʻrtasida oʻtkaziladigan jismoniy tarbiya fan olimpiadasining gʻolib va sovrindorlarini (1 — 3 oʻrin) tayyorlagan jismoniy tarbiya fani oʻqituvchilari malaka attestatsiyasiga jalb etilmasdan, ularga:
(12-band “v” kichik bandining birinchi xatboshisi Oʻzbekiston Respublikasi Prezidentining 2025-yil 11-dekabrdagi PQ-373-sonli qarori tahririda — Qonunchilik maʼlumotlari milliy bazasi, 12.12.2025-y., 07/25/373/1157-son)
tuman (shahar) bosqichi gʻolib va sovrindorlarini (1 — 3 oʻrin) tayyorlagani uchun — ikkinchi malaka toifasini;
viloyat bosqichi gʻolib va sovrindorlarini (1 — 3 oʻrin) tayyorlagani uchun — birinchi malaka toifasini;
respublika va xalqaro musobaqalar gʻolib va sovrindorlarini (1 — 3 oʻrin) tayyorlagani uchun — oliy malaka toifasini toʻgʻridan-toʻgʻri berish;
g) olimpiya sport turlari boʻyicha respublika (1-oʻrin) va xalqaro musobaqalarda (Olimpiya va Paralimpiya oʻyinlarida, Osiyo va Paraosiyo oʻyinlarida, jahon chempionatida va Osiyo chempionatida 1 — 3 oʻrinlar) gʻolib chiqqan oliy taʼlim muassasalari talabalarini tayyorlagan jismoniy tarbiya va sport yoʻnalishidagi kafedralar oʻqituvchilariga navbatdagi ilmiy unvonlarni (dotsent, professor) toʻgʻridan-toʻgʻri berish.
13. Oʻzbekiston Respublikasi Sport vazirligi hamda Iqtisodiyot va moliya vazirligining:
(13-bandning birinchi xatboshisi Oʻzbekiston Respublikasi Prezidentining 2024-yil 24-dekabrdagi PF-226-sonli Farmoni tahririda — Qonunchilik maʼlumotlari milliy bazasi, 25.12.2024-y., 06/24/226/1060-son)
sport maktablarining oʻquv dasturlarida oʻquv mashqlar soatini qisqartirish hisobiga ushbu maktablardagi trener-oʻqituvchilarning bazaviy tarif stavkasi har haftadagi bevosita oʻquv-mashq ishlarining 24 akademik soati uchun belgilash;
bosqichma-bosqich tuman (shahar) sport maktablaridagi bosh hisobchi lavozimlari hisobidan tuman (shahar) jismoniy tarbiya va sport boʻlimlarida markazlashgan buxgalteriya xizmatini joriy etish hamda unga tuman (shahar) sport va ommaviy jismoniy tarbiya tadbirlarining kalendar rejalarini moliyalashtirish uchun ajratilgan mablagʻlarning hisobini yuritishni yuklash toʻgʻrisidagi takliflari maʼqullansin.
(13-bandning uchinchi xatboshisi Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
14. Oʻzbekiston Respublikasi Jismoniy tarbiya va sport vazirligi tizimi boshqaruv xodimlarining umumiy cheklangan soni doirasida, uning hududiy boshqarmalari tuzilmasiga qoʻshimcha 28 ta boshqaruv xodimi shtat birliklari kiritilsin.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
15. Oʻzbekiston Respublikasi Oliy va oʻrta maxsus taʼlim vazirligi Jismoniy tarbiya va sport vazirligi bilan birgalikda 2020/2021 oʻquv yiliga qadar oliy taʼlim muassasalarining jismoniy tarbiya va sport yoʻnalishidagi bakalavriat taʼlim yoʻnalishlari va magistratura mutaxassisliklarining davlat taʼlim standartlari, malaka talablari va fan dasturlarini takomillashtirsin hamda bitiruvchilarga jismoniy tarbiya oʻqituvchisi va ixtisoslashgan sport turi boʻyicha trener kvalifikatsiyasini berish amaliyotini joriy etsin.
16. Oʻzbekiston Respublikasi Jismoniy tarbiya va sport vazirligi:
Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi sport turlari boʻyicha federatsiyalar (uyushmalar) bilan birgalikda hududlarda ixtisoslashtirilgan tuman (shahar), umumtaʼlim maktablari hamda oliy taʼlim muassasalarini sport yoʻnalishlari boʻyicha zarur oʻquv adabiyotlar, metodik qoʻllanmalar va yoʻriqnomalar bilan taʼminlash boʻyicha tegishli choralarni koʻrsin;
Oʻzbekiston Respublikasi Moliya vazirligi va “Milliy bank” AJ bilan birgalikda 2020-yil 1-oktabrga qadar jismoniy tarbiya-sogʻlomlashtirish va sport inshootlarini barpo etish loyihalarini moliyalashtirish uchun xalqaro moliya institutlari va xorijiy banklar tomonidan ajratilayotgan kreditlardan foydalanish tartibi toʻgʻrisidagi nizomni tasdiqlasin;
(16-bandning uchinchi xatboshisi Oʻzbekiston Respublikasi Prezidentining 2020-yil 30-oktabrdagi PF-6099-sonli Farmoni tahririda — Qonun hujjatlari maʼlumotlari milliy bazasi, 31.10.2020-y., 06/20/6099/1450-son)
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda 2020-yilning 1-iyuniga qadar Jismoniy tarbiya va sport vazirligi tizimida yagona elektron boshqaruv tizimini joriy etishni nazarda tutuvchi Hukumat qarori loyihasini Vazirlar Mahkamasiga kiritsin.
Bunda, davlat budjetidan sport sohasi uchun, shuningdek, sport va ommaviy jismoniy tarbiya tadbirlarining respublika va hududiy kalendar rejalari uchun ajratiladigan mablagʻlar taqsimlanishi va ishlatilishining toʻliq nazoratini amalga oshirish, ular boʻyicha hisobotlarni shakllantirish, sport muassasalarining budjetdan tashqari mablagʻlar tushumlarini nazorat qilish va ishlatilishi shaffofligini taʼminlashga alohida eʼtibor qaratilsin.
17. Oʻzbekiston Respublikasi Jismoniy tarbiya va sport vazirligi manfaatdor vazirliklar va idoralar bilan birgalikda uch oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
18. Mazkur Farmon ijrosi quyidagi tartibda amalga oshirilsin:
Oʻzbekiston Respublikasi yoshlar siyosati va sport vaziri A.I. Ikramov — Konsepsiyaning maqsadli koʻrsatkichlariga erishish, Konsepsiya va “Yoʻl xaritasi”ni ijro etish yuzasidan barcha zarur choralar koʻrilishini taʼminlasin, jismoniy tarbiya va sportni aholi, ayniqsa yoshlar oʻrtasida ommalashtirish borasida sport turlari boʻyicha federatsiyalar (uyushmalar) bilan yaqindan hamkorlik qilsin, sohada taʼsirchan jamoatchilik nazoratini tashkil etsin, mazkur Farmonda belgilangan vazifalarni oʻz vaqtida va sifatli amalga oshirishda masʼul tashkilotlarga uslubiy va amaliy yordam koʻrsatsin hamda uning ijrosi boʻyicha har oyda Oʻzbekiston Respublikasi Vazirlar Mahkamasiga axborot kiritib borsin;
Oʻzbekiston Respublikasi qurilish va uy-joy kommunal xoʻjaligi vaziri B.I. Zakirov — innovatsion texnologiyalarga asoslangan, arzon, energiya tejamkor va tez barpo etiladigan yengil konstruksiya va materiallardan sport zallari (boks, kurash, fitnes, gimnastika), futbol, voleybol, basketbol, badminton va tennis maydonlarining namunaviy loyihalari ishlab chiqilishini hamda ushbu sohada mavjud qurilish norma va standartlari qayta koʻrib chiqilishini taʼminlasin, shuningdek, qurilish-montaj ishlari sifatli bajarilishi ustidan davlat arxitektura-qurilish nazoratini oʻrnatsin;
Qoraqalpogʻiston Respublikasi Vazirlar Kengashi Raisi, viloyatlar, Toshkent shahri va tuman (shahar) hokimlari — hududlarni ustuvor, istiqboldagi hamda rivojlanayotgan sport turlariga ixtisoslashtirish boʻyicha ishlarni samarali tashkil qilsin, sport va ommaviy jismoniy tarbiya tadbirlarining kalendar rejalariga muvofiq hududiy sport musobaqalarini toʻliq hajmda moliyalashtirish hamda yuqori saviyada oʻtkazish boʻyicha zarur choralarni koʻrsin;
masʼul vazirlik, idora va tashkilotlar rahbarlari — Konsepsiya va “Yoʻl xaritasi”da nazarda tutilgan tadbirlarni oʻz vaqtida, sifatli va toʻliq bajarish, jismoniy tarbiya-sogʻlomlashtirish uchun zarur shart-sharoitlar yaratish, shuningdek, ishchilar oʻrtasida sogʻlom turmush tarzini targʻib qilish yuzasidan barcha choralarni amalga oshirsin;
Oʻzbekiston Milliy axborot agentligi bosh direktori A.K. Koʻchimov, Oʻzbekiston Milliy teleradiokompaniyasi raisi A.D. Xadjayev hamda Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori A.A. Xodjayev — mazkur Farmonning mazmun-mohiyati va amaliy ahamiyatini yoritishga oid maqolalar, brifinglar, press-konferensiyalar, tematik telekoʻrsatuvlar tashkil etsin.
(18-band Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 24-yanvar,
PF-5924-son
Oʻzbekiston Respublikasi Prezidentining 2020-yil 24-yanvardagi PF-5924-son Farmoniga 1-ILOVA
Oʻzbekiston Respublikasida jismoniy tarbiya va sportni 2025-yilgacha rivojlantirish
konsepsiyasi
1-bob. Umumiy qoidalar
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
1. Oʻzbekiston Respublikasida jismoniy tarbiya va sportni 2025-yilgacha rivojlantirish konsepsiyasi (keyingi oʻrinlarda — Konsepsiya) jismoniy tarbiya va sport sohasida davlat siyosatini amalga oshirishning maqsadi, vazifalari va uzoq muddatli rivojlanishining asosiy yoʻnalishlarini belgilab beradi, jumladan:
2025-yilga kelib mamlakat aholisining salomatlik darajasini yaxshilashga erishish;
sport maktablari sonini va sport taʼlimi muassasalarining moddiy-texnika bazasini mustahkamlash va ularni moliyaviy taʼminlashning samaradorligini oshirish;
(1-bandning uchinchi xatboshisi Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
jismoniy tarbiya va sport bilan muntazam shugʻullanadigan fuqarolarning, oʻquvchi va talabalarning umumiy sonini oshirish;
davlat organlari, korxona va tashkilotlar xodimlari hamda aholi oʻrtasida turli ommaviy sport tadbirlarini tashkil etish orqali aholining haftalik harakat faoliyatini oshirishga erishish;
Oʻzbekiston sport terma jamoalarining Olimpiya va Paralimpiya oʻyinlari, jahon, qitʼa sport musobaqalarida muvaffaqiyatli ishtirok etishini taʼminlash;
sport taʼlimi muassasalarida trener va mutaxassislarning sifat tarkibini, xususan oliy maʼlumotli xodimlar sonini bosqichma-bosqich oshirish;
yoshlarni tarbiyalash va ularning bandligini taʼminlashda “taʼlim muassasalari — sport maktabi — oliy sport” tamoyilida uzviylik tizimini hamda mashgʻulot va iqtidorli sportchi-yoshlarni saralash jarayonini bosqichma-bosqich amalga oshirish;
sport sohasida boshqa zamonaviy usullar va yoʻnalishlarni joriy etish;
davlat-xususiy sheriklikni rivojlantirish hisobiga jismoniy tarbiya va sport tizimida raqobat muhitini yaratish;
sport turi bilan muntazam ravishda shugʻullanib kelayotgan va sport musobaqalarida doimiy ravishda ishtirok etuvchi sportchilar yagona maʼlumotlar bazasini shakllantirish maqsadida sport pasportini joriy etish va muntazam ravishda yuritib borish tizimini qoʻllash;
yoshlar taʼlim-tarbiyasi uchun qoʻshimcha sharoitlar yaratishga qaratilgan kompleks chora-tadbirlarni oʻz ichiga olgan beshta tashabbusni amaliyotga tatbiq etish;
jismoniy tarbiya va sport sohasida faoliyat koʻrsatishning jozibadorligini oshirish maqsadida sport taʼlimi muassasalari mutaxassis va xodimlarining mehnatiga haq toʻlash, moddiy ragʻbatlantirish va ijtimoiy himoya qilish darajasini bosqichma-bosqich oshirib borish.
2-bob. Jismoniy tarbiya va sport tizimining joriy holati va mavjud muammolar
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.07.00 Sport inshootlari va jihozlari]
2. Respublikadagi 12 mingdan ortiq sport inshootlarida yoshlarning 30 foizi qamrab olindi. “Yoshlar haftaligi”, “Xotin-qizlar haftaligi”, “Mahalla va nuroniylar haftaligi” va “Taʼlim muassasalari haftaligi” kabi shiorlar ostida aholining keng qatlamlarini sportga jalb etishga qaratilgan sport musobaqalarini oʻtkazish tizimi yaratildi.
Sportchilarni ijtimoiy qoʻllab-quvvatlash maqsadida nufuzli xalqaro sport musobaqalarida yuksak natijalarga erishgan respublika sportchilariga umrbod oylik toʻlovlar toʻlanishi va ularning trenerlarini bir martalik pul mukofotlari bilan ragʻbatlantirish mexanizmi joriy qilindi.
Sohada malakali va zamonaviy kadrlar tayyorlash bilan birga sportda fan va amaliyotning bir-biri bilan uzviy aloqadorligini taʼminlash uchun bir qator yangi sport oliy taʼlim muassasalari tashkil etildi.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati;
3.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.07.00 Sport inshootlari va jihozlari]
3. Jismoniy tarbiya va sport sohasida ommaviy sport tadbirlarini oʻtkazish, shuningdek, yoshlarning boʻsh vaqtlarini mazmunli tashkil etish, sport taʼlimi muassasalarida zamonaviy talablar asosida mashgʻulotlar olib borishga toʻsqinlik qilayotgan bir qator muammo va kamchiliklar saqlanib qolmoqda, shu jumladan:
a) jismoniy tarbiya va sportni boshqarish tizimida:
boshqaruv vertikalini amalga oshirish mexanizmi yetarlicha rivojlanmaganligi, tuman (shahar) jismoniy tarbiya va sport boʻlimlari vakolatlari chegaralanganligi ular rolining sezilarli darajada pasayishiga sabab boʻlmoqda;
boshqaruv tizimi va sport taʼlimi muassasalari rahbarlari faoliyatining ochiqlik va shaffoflik darajasi yetarli emasligi, jamoatchilik nazorati yoʻlga qoʻyilmaganligi, ayrim rahbarlarda zarur masʼuliyat va tashabbuskorlikning yoʻqligi qoʻyilgan vazifalar hamda maqsadli koʻrsatkichlar oʻz vaqtida va sifatli bajarilishiga salbiy taʼsir koʻrsatmoqda;
sport taʼlimi muassasalariga iqtidorli bolalarni qabul qilish, shuningdek, oʻquv jarayonida turli shakldagi korrupsiya elementlariga barham berish boʻyicha samarali mexanizmlarni joriy qilish talab etilmoqda;
oʻquvchilar soni quvvatiga nisbatan koʻp boʻlgan hududlarda yagona boʻlgan sport maktablarida sogʻlom raqobat muhiti yoʻqligi tufayli talab darajasidagi sport tayyorgarligi sifati taʼminlanmayapti;
sport muassasalari trener va xodimlarni salohiyati oʻsishiga toʻsqinlik qilayotgan mezonlar va talablarning aniq tavsifi boʻyicha standartlarning yoʻqligi sport muassasalari rahbarlarini tayinlash tartibining samarasiz boʻlishiga olib kelmoqda;
sport muassasalarini boshqarish jarayoniga ishni rejalashtirish va tashkil etishning zamonaviy innovatsion usullari, ilgʻor axborot-kommunikatsiya texnologiyalari toʻliq joriy etilmaganligi samarali boshqaruv tizimi yaratilishiga toʻsqinlik qilmoqda;
sport muassasalari faoliyatiga bevosita rahbarlik qiluvchi ijro etuvchi hokimiyat organlari ishining ochiqlik va shaffoflik darajasi yetarli emasligi, jamoatchilik nazoratining zaifligi, baʼzan esa mutlaqo mavjud emasligi haddan tashqari byurokratiyaga va korrupsiyaning har xil shakllarda namoyon boʻlishiga olib kelmoqda;
b) oliy sport yutuqlari va milliy terma jamoalar tayyorlash sohasida:
sport federatsiyalari (uyushmalari) va hokimliklar tomonidan Olimpiya sport terma jamoasini shakllantirish va yuqori natijalarni taʼminlaydigan sportchilar uchun shart-sharoitlar yaratishga yetarli darajada eʼtibor berilmayapti;
turli darajadagi xalqaro musobaqalarga tayyorgarlik koʻrishda sportchilarni saralash (seleksiya), tayyorlash va musobaqalarda qatnashish ishlari tizimli yoʻlga qoʻyilmagan;
sport turlarining oʻziga xos xususiyatlarini hisobga olib, sportchilarni saralash metodologiyasi yaratilmagan;
joylarda, ayniqsa, qishloq joylarda sport musobaqalarini tashkil etish talab darajasida emas;
sportchilarning musobaqalarda muntazam qatnashmasligi ular mahoratini oshirishga va milliy terma jamoa tarkibiga mahoratli sportchilarni saralab olinishiga salbiy taʼsir koʻrsatmoqda;
mahalliy davlat hokimiyati organlari sport taʼlimi muassasalarining faoliyatini chuqur tahlil qilmasdan, faqatgina ulardan statistik va boshqa maʼlumotlarni toʻplash bilan chegaralanayotganligi joylardagi haqqoniy holatni aniqlashga toʻsqinlik qilmoqda;
sport turlari boʻyicha federatsiyalar (uyushmalar)ning oʻz sport bazasiga ega emasligi, mavjudlarida esa moddiy-texnika bazasi bugungi talablarga javob bermasligi oliy sport turlarini rivojlantirishiga toʻsqinlik qilmoqda;
milliy terma jamoalar sportchilarining xalqaro sport musobaqalari davridagi ishtiroki ilmiy jihatdan tahlil qilinmaydi;
sport turlari boʻyicha milliy terma jamoalar Bosh trenerlarining faoliyati samaradorligi hamda natijadorligi tahlil etilmaydi;
sport taʼlimi muassasalarida istiqboldagi olimpiya sport turlarining soni hududlarning xususiyatidan kelib chiqib oshirilmayapti;
Olimpiya oʻyinlari va yirik xalqaro sport musobaqalariga tizimli tayyorgarlik koʻrish uchun rivojlangan xorijiy davlatlar tajribasi asosida yagona markazlashgan Olimpiya tayyorgarlik koʻrish markazini barpo etish zarurati mavjud;
v) sport tibbiyoti va jismoniy tarbiya bilan shugʻullanuvchilar uchun tibbiy xizmat koʻrsatish sohasida:
sport va jismoniy tarbiya bilan shugʻullanuvchi shaxslar tibbiy xizmatdan toʻliq foydalanmasligi va tibbiy xizmatning sifati amalda taʼminlanmaganligi aholini sogʻlomlashtirish uchun jismoniy tarbiyaning mavjud imkoniyatlaridan samarasiz foydalanilayotganini koʻrsatmoqda;
musobaqalarga tayyorgarlik va musobaqalar davrida katta jismoniy yuklama ostida harakat qiladigan sportchilarni tezkorlik bilan tiklab olish uchun farmakologik koʻmak berish boʻyicha yangi dori vositalarini yaratish, zamonaviy rivojlangan davlatlar tajribasini oʻrganish yuzasidan ilmiy izlanishlar olib borilmagan;
sportchilarning oʻz jismoniy va ruhiy tiklanishini tezlashtiradigan, sogʻligini ushlab turadigan farmakologik moddalardan foydalanishni bilmasligi natijasida hamda ruhiy tayyorgarlik darajasi past boʻlgan sportchilar turli xalqaro musobaqalarda yuqori koʻrsatkichlarga erisha olmayapti;
respublika Olimpiya terma jamoalari aʼzolarining musobaqaga tayyorgarligi hamda tiklanish jarayonini monitoring qilish boʻyicha kompleks laboratoriyalar mavjud emas va bu sohada ilgʻor hisoblangan davlatlardan sport psixologiyasi va diyetologiyasi boʻyicha mutaxassislarni jalb qilish zarurati mavjudligidan darak beradi;
g) jismoniy tarbiya va sport boʻyicha mutaxassis kadrlarni tayyorlash sohasida:
oliy maʼlumotli mutaxassislarning yetishmasligi sohada olib borilayotgan ishlar, koʻrsatilayotgan xizmatlar sifati va samarasiga salbiy taʼsir koʻrsatmoqda;
jamoaviy oʻyin sport turlari boʻyicha respublika va xalqaro sport musobaqalari gʻoliblarini oliy taʼlim muassasalariga oʻqishga qabul qilish jarayonida imtiyozlar chegaralangan;
sport taʼlimi muassasalarida faoliyat olib borayotgan 12 mingdan ortiq trenerlarning 49 foizi oʻrta maxsus maʼlumotga ega boʻlib, 7 mingdan ziyod oliy maʼlumotli trenerlarga ehtiyoj mavjud;
sport taʼlimi muassasalarida psixolog, diyetolog va farmakolog kabi tor mutaxassisliklar boʻyicha shtat birliklari mavjud emas;
sport turlari, jumladan olimpiya sport turlari boʻyicha hakamlarni tayyorlash va malakasini oshirish tizimi joriy etilmagan;
sport turlari boʻyicha xalqaro federatsiyalar va yirik sport tashkilotlari bilan aloqalar yoʻlga qoʻyilmaganligi oqibatida terma jamoalar bilan ishlaydigan trenerlar va boshqa mutaxassislarning saviyasi va bilimi bugungi kun talablariga javob bermaydi;
jismoniy tarbiya va sport sohasida mutaxassislarni qayta tayyorlash va malakasini oshirishda ilgʻor innovatsion texnologiyalar, metodikalar va sportning ilmiy yutuqlari joriy etilmagan;
d) sport infratuzilmasi, anjomlar bilan jihozlash, moddiy-texnika bazasini mustahkamlash sohasida:
hozirda 3 mingdan ziyod umumtaʼlim maktabining (32 foiz) sport zallari taʼmirtalab holatda boʻlib, qariyb 2,5 ming maktabda (25 foiz) sport zallari mavjud emas;
taʼlim muassasalari va ixtisoslashtirilgan sport taʼlimi muassasalarining sport infratuzilmasini mustahkamlash, ularni zamonaviy sport anjomlari bilan jihozlash tizimi yoʻlga qoʻyilmagan;
jismoniy tarbiya va ommaviy sport sohasiga zamonaviy axborot texnologiyalarini va multimedia mahsulotlarini joriy etishga yetarli darajada eʼtibor berilmayapti;
sport muassasalari bir qismining moddiy-texnika bazasi holati, ularning ortiqcha yuklamaga ega ekanligi, ayrim hollarda faoliyatni tashkil etish uchun zarur boʻlgan tegishli uskunalar, koʻrgazmali qoʻllanmalar bilan lozim darajada taʼminlanmaganligi ularga yuklangan vazifalar yetarlicha samarali bajarilmasligiga olib kelmoqda;
e) jismoniy tarbiya va ommaviy sportni rivojlantirish sohasida:
respublika boʻyicha mavjud 12 mingdan ortiq sport inshootlarining (stadion, sport zali, basseyn, manej va boshqalar) bir kunlik sport mashgʻulotlarini oʻtkazish quvvati qariyb 1,5 million kishini tashkil etib, umumiy aholining soniga nisbatan sport inshootlari bilan taʼminlanish darajasi 4,5 foizdan oshmaydi;
oliy taʼlim muassasalaridagi mavjud sport inshootlari talabalarning qariyb 50 foizini qamrab olish imkoniyatiga ega boʻlsa-da, amalda 21 foiz talaba-yoshlar sport tadbirlariga qatnashmoqda;
aholini, ayniqsa, yoshlarni jismoniy tarbiya va ommaviy sport bilan shugʻullanishga keng jalb etish, oʻsib kelayotgan avlodni jismonan kamol toptirishni taʼminlash uchun shart-sharoitlarni yaratish ishlari mahalliy davlat hokimiyati organlari tomonidan yetarlicha tashkil qilinmaganligi oqibatida jismoniy tarbiya va ommaviy sport bilan shugʻullanish istagini bildirgan yoshlar yetarlicha qamrab olinmayapti;
taʼlim muassasalari oʻrtasida oʻzaro hamkorlik munosabatlari yoʻlga qoʻyilmagan va bu boʻyicha izchil tizim mavjud emas;
hududlarning xususiyatidan kelib chiqib, oliy taʼlim muassasalari va umumtaʼlim maktablarining sport inshootlari hamda kadrlar salohiyatidan yetarlicha foydalanilmayapti;
umumtaʼlim maktablari oʻquvchilari oʻrtasida sport musobaqalari va jismoniy tarbiya fanidan olimpiadalarni tashkil etish hamda shu orqali gʻolib oʻquvchilarni sport maktablariga saralab olish, seleksiya ishlari tizimli amalga oshirilmayapti;
(3-band “e” kichik bandining yettinchi xatboshisi Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
maktablarda oʻquvchilarni jamoaviy sport oʻyin turlariga jalb etishga yetarlicha eʼtibor qaratilmayapti;
jismoniy tarbiya va ommaviy sportni ommalashtirish, shuningdek, sogʻlom turmush tarzini targʻib qilish sohasiga innovatsion texnologiyalar joriy etilmayapti;
j) jismoniy tarbiya oʻqituvchilari, trenerlar va mutaxassislarni ragʻbatlantirish sohasida:
sport muassasalari trenerlari va xodimlari faoliyati samaradorligini belgilovchi mezonlar va malaka talablarining aniq tavsifi yoʻqligi oqibatida sport muassasalari faoliyati samarasiz boʻlib qolmoqda;
umumtaʼlim maktablarida ommaviy sportni rivojlantirish boʻyicha samaradorlikka erishayotgan jismoniy tarbiya oʻqituvchilarini ragʻbatlantirish yoʻlga qoʻyilmaganligi sababli ularning oʻz sport turi boʻyicha qoʻshimcha mashgʻulotlar olib borish motivatsiyasi past darajada qolmoqda;
jismoniy tarbiya predmetidan fan olimpiadasi joriy qilinmaganligi ushbu fanga boʻlgan qiziqish pasayishiga olib kelmoqda;
sport maktablari, olimpiya zaxiralari va oliy sport mahorati maktablari trenerlarining oylik ish haqi umumtaʼlim maktablarining jismoniy tarbiya oʻqituvchilariga nisbatan nomutanosibligi malakali trenerlarning ishdan boʻshab ketishiga va yoshlarni tayyorlash darajasi pasayishiga sabab boʻlmoqda;
(3-band “j” kichik bandining beshinchi xatboshisi Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
sport musobaqalarida gʻolib boʻlgan oʻquvchi-talabalarni tayyorlagan jismoniy tarbiya oʻqituvchilarini ragʻbatlantirish mexanizmi joriy etilmagan;
z) jismoniy tarbiya va sport tizimini moliyalashtirish sohasida:
jismoniy tarbiya va sport tizimini moliyalashtirishda mablagʻlarni samarali va shaffof tizim asosida taqsimlash va foydalanish talab etilmoqda;
jismoniy tarbiya va sport muassasalariga davlat budjetidan ajratilgan mablagʻlarning asosiy qismi ish haqiga sarflanib, sport tadbirlari kalendar rejasi, sport jihozlari, bino va inshootlarni taʼmirlashga yetarli mablagʻ ajratilmasdan kelinmoqda;
mahalliy davlat hokimiyati organlari tomonidan shahar va tumanlarda kalendar reja asosida oʻtkazish uchun belgilangan musobaqalarni moliyalashtirishga mahalliy budjetdan mablagʻlar yetarlicha ajratilmasligi oqibatida respublika miqyosida oʻtkazilgan sport musobaqalarida viloyat jamoalari ishtiroki taʼminlanmagan.
3-bob. Jismoniy tarbiya va sport tizimining asosiy maqsadlari va rivojlanish yoʻnalishlari
4. Jismoniy tarbiya va sport tizimining rivojlanishi mazkur Konsepsiya ilovasida belgilangan maqsadli koʻrsatkichlarga erishishga asoslanadi.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
5. Jismoniy tarbiya va sport tizimini rivojlantirish quyidagi ustuvor yoʻnalishlarga asosan amalga oshiriladi:
5.1. Aholi oʻrtasida jismoniy tarbiya va sportning ommaviyligini oshirish, yoshlarni jismoniy tarbiya va ommaviy sport bilan keng qamrab olish:
milliy qadriyatlarimizni tiklash, yosh avlodga yetkazish maqsadida “Milliy sport turlari va xalq oʻyinlari”, “Uloq”, “Koʻpkari” kabi etnofestivallarni tashkil etish va oʻtkazish;
“Tashkent Marathon” xalqaro marafoni, “Save Aral” xalqaro ekomarofonlarini oʻtkazish, sport turizmini rivojlantirish;
tasarrufida ochiq sport inshootlari (stadion, futbol va boshqa sport maydonlari) mavjud boʻlgan vazirlik, idoralar tomonidan aholining barcha qatlamlari uchun jismoniy tarbiya (yugurish, yurish va badantarbiya) bilan bepul shugʻullanishi uchun sharoit yaratilishi;
mavjud madaniyat va istirohat bogʻlarida aholi jismoniy tarbiya bilan bepul shugʻullanishi uchun “WorkOut” — mahalla (koʻcha) fitnesi, “skandinavcha yurish”, yurish, yugurishga sharoit yaratish;
“Yoshlar haftaligi”, “Xotin qizlar haftaligi”, “Mahalla va nuroniylar haftaligi” ommaviy jismoniy-tarbiya tadbirlarini tashkil etish;
sport taʼlimi muassasalarida, taʼlim muassasalarining sport inshootlarida hamda jismoniy tarbiya, sport markazlari va klublarida “ochiq eshiklar” kunlarini tashkil etishni anʼanaga aylantirish;
qishloq joylarida sport aksiyalari, havaskorlik chempionatlari, konkurslar tashkil etish;
aholining jismoniy tayyorgarligi va salomatligi darajasini belgilovchi “Jismoniy tayyorgarlik darajasi” sport sinovlarini joriy qilish;
sport sinovlarini aholining keng qatlamlari, ayniqsa, yoshlar oʻrtasida musobaqa, festival tarzida tashkil etish, sportni kundalik turmush tarziga aylantirish;
mehnat jamoalarida xodimlarni jismoniy tarbiya va sport bilan shugʻullanishi va buning uchun shart-sharoitlar yaratish masalalarini kasaba uyushmalari va ish beruvchilar oʻrtasidagi jamoa shartnomalariga kiritish;
katta yoshdagi fuqarolar uchun jismoniy tarbiya va sogʻlomlashtirish dasturlarini ishlab chiqish;
turli toifadagi aholi guruhlarining jismoniy faolligini rivojlantirish, yangi sport turlari, sport turizmi va milliy sport turlari bilan shugʻullanishiga koʻmaklashish;
jismoniy tarbiya-sogʻlomlashtirish uchun shart-sharoitlar yaratadigan, shuningdek, ishchilar oʻrtasida sogʻlom turmush tarzini targʻib qiladigan ish beruvchilarni ragʻbatlantirish;
aholining turli yosh guruhlari qiziqishlarini, qobiliyatlarini va oʻziga xos xususiyatlarini hisobga olgan holda sogʻligʻini mustahkamlash, faol harakatlanishini taʼminlash uchun shart-sharoitlar yaratish;
vazirliklar, idoralar, korxonalar va tashkilotlarda xodimlarning madaniy saviyasini rivojlantirish, sogʻlom turmush tarziga oʻrgatish, jismoniy tarbiya koʻnikmasini shakllantirish va sportning ommaviyligini taʼminlash yuzasidan chora-tadbirlarni amalga oshirish;
tadbirlarning oʻz vaqtida va sifatli bajarilishi boʻyicha hududlar, vazirliklar, idoralar va tashkilotlar rahbarlari faoliyatining natijadorligini muhokama qilish amaliyotini joriy etish;
aholining barcha qatlamlarini jismoniy tarbiya va ommaviy sport bilan shugʻullanishga keng jalb etish ishlari doirasida sport muassasalari hamda davlat organlari va joylarda fuqarolarning oʻzini-oʻzi boshqarish organlari oʻrtasida oʻzaro hamkorlikning namunaviy modelini ishlab chiqish va joriy etish;
ishlab chiqarish jismoniy tarbiyasini mehnat sharoitlarini yaxshilashga yoʻnaltirilgan tadbirlar tizimiga kiritish, futbol, velosport, stol tennisi, badminton, yengil atletika, voleybol, shaxmat, shashka, arqon tortish, basketbol va boshqalar boʻyicha sport musobaqalarini muntazam oʻtkazish;
sport yulduzlari ishtirokida sport tadbirlari va ommaviy jismoniy tarbiya tadbirlari oʻtkazish uchun taʼlim muassasalari, korxona va tashkilotlar, sport muassasalarining sport infratuzilmasidan foydalanish;
aholining turli qatlamlarini qamrab olishni kengaytirishga moʻljallangan “Sport — hayot tarzi” sport va jismoniy tarbiya ommaviy-mavzuli tadbirlarning turlari xilma-xil boʻlishi va tez-tez oʻtkazilishini taʼminlash;
xorijiy yetakchi sport markazlarida taʼlim olish uchun mintaqalardan iqtidorli bolalarni tanlash maqsadida sportning ommaviy turlari boʻyicha sport taʼlimi muassasalari oʻrtasida muntazam ravishda mintaqaviy sport musobaqalarini oʻtkazish.
5.2. Jismoniy imkoniyati cheklangan shaxslarni jismoniy tarbiya va sport bilan shugʻullanishga jalb qilish:
jismoniy imkoniyati cheklangan va ijtimoiy himoyaga muhtoj shaxslarni jismoniy tarbiya va sport bilan shugʻullanishga jalb etish hamda Surdlimpiya va Paralimpiya harakatini rivojlantirish boʻyicha chora-tadbirlarni ishlab chiqish;
imkoniyati cheklangan shaxslar va ijtimoiy himoyaga muhtoj shaxslarga shugʻullanishlari uchun jismoniy tarbiya-sogʻlomlashtirish va sport inshootlarida sharoitlar yaratish hamda ularni maxsus sport jihozlari bilan taʼminlash;
imkoniyati cheklangan shaxslarni jismoniy tarbiya va sport bilan shugʻullanishning zamonaviy ilmiy asoslangan usullari, dasturlari va texnologiyalarini ishlab chiqish;
ixtisoslashtirilgan taʼlim muassasalarida imkoniyati cheklangan shaxslarga jismoniy tarbiya va sport bilan muntazam shugʻullanish uchun shart-sharoitlar yaratish;
sport maktablarida imkoniyati cheklangan bolalar uchun boʻlinmalar va maxsus guruhlarni tashkil etish boʻyicha normativ-huquqiy hujjatlarni ishlab chiqish;
(5.2-bandning oltinchi xatboshisi Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
imkoniyati cheklangan shaxslarning jismoniy va ijtimoiy moslashuvi va integratsiyasini dasturiy-uslubiy taʼminlash;
imkoniyati cheklangan shaxslarni sport-sogʻlomlashtirish turizmiga jalb etish dasturlarini ishlab chiqish;
jismoniy imkoniyati cheklangan shaxslar oʻrtasida jismoniy tarbiya va sport ishlarini olib boruvchi kadrlarni tayyorlash boʻyicha chora-tadbirlarni ishlab chiqish.
5.3. Qurolli Kuchlar va huquqni muhofaza qilish organlarida jismoniy tayyorgarlikning samaradorligini oshirish uchun shart-sharoitlar yaratish, texnik va amaliy, harbiy-amaliy, shuningdek, yakkakurash sport turlarini rivojlantirish:
chaqiriqqacha yoshlarni sport va texnik tayyorlash tizimini modernizatsiya qilish, shu jumladan texnik va amaliy, harbiy-amaliy, shuningdek, yakkakurash sport turlarini moliyaviy taʼminlashni oshirish;
maxsus xizmatni oʻtayotganlar, harbiy xizmatchilar va shaxslarning barcha toifalari oʻrtasida ularning qiziqish va faoliyat yoʻnalishlarini hisobga olgan holda jismoniy tarbiya va ommaviy sport ishlarini olib borish;
harbiy xizmatchilar va maxsus xizmatni oʻtayotgan shaxslar oʻrtasida ommaviy sport ishlari boʻyicha har yili koʻrik-tanlovlar oʻtkazish;
sportning texnik va amaliy, harbiy-amaliy hamda yakkakurash sport turlarini rivojlantirish dasturlarini qabul qilish;
sportning texnik va amaliy, harbiy-amaliy, shuningdek, yakkakurash turlari boʻyicha idoralararo jismoniy tarbiya va sport tadbirlarini oʻtkazish;
“Armiya oʻyinlari” dasturiga kiritilgan va regbi sport turlari boʻyicha musobaqalarni oʻtkazish;
tizimdagi taʼlim muassasalarida “Armiya oʻyinlari” dasturiga kiritilgan sport turlari boʻyicha fakultativ mashgʻulotlar va toʻgaraklar faoliyatini yoʻlga qoʻyish;
sportning texnik va amaliy, harbiy-amaliy, shuningdek, yakkakurash turlari boʻyicha zamonaviy asbob-uskunalar hamda inventarlar bilan taʼminlash;
sportning texnik va amaliy, harbiy-amaliy, shuningdek, yakkakurash turlari boʻyicha trener va hakamlarni tayyorlash va attestatsiyadan oʻtkazish tizimini soddalashtirish.
5.4. Maktabgacha, maktab, professional va oliy taʼlim muassasalarida jismoniy tarbiya va ommaviy sportni rivojlantirish:
maktabgacha taʼlim tashkilotlaridan boshlab taʼlim muassasalarida jismoniy tarbiyaning innovatsion usullarini takomillashtirish va qoʻllash orqali bolalar va oʻsmirlarni jismoniy tarbiya hamda ommaviy sport bilan muntazam shugʻullanishga jalb etish;
(5.4-bandining ikkinchi xatboshisi Oʻzbekiston Respublikasi Prezidentining 2020-yil 8-oktabrdagi PQ-4857-sonli qarori tahririda — Qonun hujjatlari maʼlumotlari milliy bazasi, 09.10.2020-y., 07/20/4857/1357-son)
kichik yoshdan bolalarda sport bilan shugʻullanishga sogʻlom, kuchli va taʼsirchan motivatsiyani shakllantirish hamda ularning muayyan koʻrsatkichlari asosida qaysi sport bilan shugʻullanishini aniqlash, mustaqil rejalashtirish qobiliyatini rivojlantirish;
sogʻlomlashtirish va boshlangʻich tayyorlov bosqichlarida bolalarni birinchi navbatda umumiy jismoniy rivojlanish va biror-bir sport turiga boʻlgan qiziqishlarini qoʻllab-quvvatlash, shugʻullanuvchilarning “jismoniy tarbiya” fanini oʻzlashtirishiga koʻmaklashish;
sport taʼlimi muassasalarini boshqarish va samaradorligini tahlil qilishda jamoatchilikning ishtirokini taʼminlash;
jamoaviy oʻyin sport turlarini chuqur oʻrgatishga ixtisoslashtirilgan sinf va maktablarni barpo etish amaliyotini kengaytirish orqali umumtaʼlim maktablarida ommaviy sportni rivojlantirish;
umumtaʼlim maktab oʻquvchilari oʻrtasida “Maktab sporti” festivallari hamda xar xil sport turlari boʻyicha musobaqalar, shu jumladan “Maktab futbol ligalari”ni tashkil etish va oʻtkazish;
jismoniy tarbiya va sport yoʻnalishidagi oliy taʼlim muassasalarining maʼlum bir sport turi boʻyicha mutaxassislar tayyorlashga alohida eʼtiborini qaratgan holda kadrlar tayyorlash tizimini takomillashtirish;
sport mashgʻulotlari oʻtishning zamonaviy nazariyalarini oʻzlashtirish, sport psixologiyasini tushunish, sport tayyorgarligi davrida tibbiy nazoratni amalga oshirish nuqtai nazaridan trenerlarni tayyorlash va qayta tayyorlash markazlari faoliyatini yoʻlga qoʻyish;
boʻlajak trener va mutaxassis kadrlarda oʻz faoliyatiga moyillik va ijodkorlik qobiliyatlari mavjudligini aniqlash va baholash imkonini beruvchi uslublarni ishlab chiqish;
sport taʼlimi muassasalarida trener va mutaxassislarning sifat tarkibini, xususan oliy maʼlumotga (bakalavr, magistr) ega boʻlganlar sonini bosqichma-bosqich oshirish;
jismoniy tarbiya va sport sohasi uchun boshqaruv kadrlarini tayyorlash, qayta tayyorlash va malakasini oshirish tizimini, shu jumladan sport boshqaruvi sohasiga yosh kadrlar kirib kelishini ragʻbatlantirish;
avvalo chekka hududlarda joylashgan, oʻquvchi-sportchilar soni kam boʻlgan sport maktablari trenerlariga qoʻshimcha yangi ixtisoslik va malakalarni oʻzlashtirish imkonini beradigan qayta tayyorlash tizimini joriy qilish;
jismoniy tarbiya va sport sohasida rahbar kadrlar tayyorlash boʻyicha standartlashtirilgan dastur ishlab chiqish hamda “Jismoniy tarbiya va sport sohasida boshqaruv” yoʻnalishi boʻyicha malaka oshirish tizimini yaratish va bitiruvchilarga sport muassasalarida rahbarlik lavozimlarini egallash imkonini berish;
sport taʼlimi muassasalari rahbar xodimlari lavozimiga nomzodlar oʻrtasida tanlov asosida saralash amaliyotini joriy qilish va ularni ragʻbatlantirishni kuchaytirish;
trener va mutaxassislarning masofaviy malakasini oshirish va qayta tayyorlash tizimi samaradorligini yaxshilash va qamrovini kengaytirish;
malaka oshirish va qayta tayyorlash kurslarida oʻqitish mazmuni va metodlarini yangilash, baholash tizimini qayta koʻrib chiqish;
oliy taʼlim muassasalarining sport boʻyicha sirtqi taʼlim yoʻnalishlari uchun qabul kvotalarini oshirish, Sport vazirligi tavsiyasi asosida sport mutaxassislariga kuchli ehtiyoj mavjud boʻlgan chekka togʻli va choʻl hududlardagi abituriyentlar uchun imtiyozli qabul kvotalarini belgilash mexanizmini joriy etish;
(5.4-bandning oʻn sakkizinchi xatboshisi Oʻzbekiston Respublikasi Prezidentining 2024-yil 24-dekabrdagi PF-226-sonli Farmoni tahririda — Qonunchilik maʼlumotlari milliy bazasi, 25.12.2024-y., 06/24/226/1060-son)
trener va sport mutaxassis xodimlarining yangilangan malaka talablarini joriy qilish;
jismoniy tarbiya va sport tizimidagi sport taʼlimi sifatini baholashni tashkil etish maqsadida sportchilarning tayyorgarligi, muassasa samaradorligi darajasini baholashga yoʻnaltirilgan mezonlarni ishlab chiqish;
yosh trener va mutaxassislarni kasbiy qoʻllab-quvvatlash mexanizmini takomillashtirish;
taʼlim muassasalarida bolalar va oʻsmirlar sport jismoniy tarbiya jamoalarini tashkil etish;
oliy taʼlim muassasalarida bodibilding va fitnes klublari tizimini tashkil etish orqali sogʻlom turmush tarzi targʻibotini yoʻlga qoʻyish;
barcha turdagi sport taʼlimi muassasalarida imkoniyati cheklangan bolalar uchun jismoniy tarbiya taʼlim dasturlarini ishlab chiqish va joriy etish;
jismoniy tarbiya va sport mashgʻulotlarini oʻtkazishda shugʻullanuvchilarning hayoti va sogʻligʻiga xavfsizlikni taʼminlash boʻyicha talablarni belgilash.
5.5. Sport turlarini rivojlantirish, iqtidorli bolalar va yoshlarni tanlash, yuqori malakali sportchilar va sport zaxirasini tayyorlash, sportchilar hamda trenerlarni ijtimoiy himoya qilish va ragʻbatlantirish:
a) bolalar va oʻsmirlar sportini rivojlantirish, seleksiya va sifatli sport zaxirasini tayyorlash tizimini rivojlantirish:
ilgʻor xalqaro tajribani hisobga olgan holda sportchilar tayyorlash metodologiyasini takomillashtirish, sport turlari boʻyicha terma jamoalar tarkibini sifatli toʻldirish uchun sport zaxirasini shakllantirish va yuqori malakali sportchilarni tayyorlash jarayoniga innovatsion loyihalarni joriy etish;
sport musobaqalarini oʻtkazish mexanizmlarini qayta koʻrib chiqish va eng qobiliyatli sportchilarni aniqlashda shaffoflikni taʼminlash, tegishli xalqaro sport federatsiyalar (uyushmalar) reglamentlariga moslashtirish;
bolalar va oʻsmirlarning sport bilan muntazam shugʻullanishlarini hamda ularning faol sport faoliyatiga kirishishlarini taʼminlovchi asosiy muassasa hisoblangan sport maktablari tarmogʻini kengaytirish;
(5.5-band “a” kichik bandining toʻrtinchi xatboshisi Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
sport turlari boʻyicha respublika musobaqalarini maktab jamoalari oʻrtasida oʻtkazish tizimini takomillashtirish;
aholi sonidan va qiziqishlaridan kelib chiqib sport maktablari sonini oshirish;
(5.5-band “a” kichik bandining oltinchi xatboshisi Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
sport maktablari va ixtisoslashtirilgan bolalar va oʻsmirlar olimpiya zaxiralari maktablarini tashkil etishga qoʻyiladigan talablarni ishlab chiqish;
(5.5-band “a” kichik bandining yettinchi xatboshisi Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
zamonaviy sport texnologiyalarini hisobga olgan holda sport turlari boʻyicha sport maktablarining oʻquv-mashgʻulot dasturlarini ishlab chiqish;
iqtidorli sportchilarni aniqlash uchun sport turlari boʻyicha mintaqaviy, respublika saralash musobaqalari, shu jumladan sport maktablari, taʼlim muassasalari va sport klublari oʻrtasida oʻquv-mashq yigʻinlari oʻtkazilishini taʼminlash;
sport turlari boʻyicha respublika Oliy sport mahorati maktablarida iqtidorli sportchilarni aniqlash, ularni milliy terma jamoalarga jalb etishga masʼul Bosh trener-seleksioner shtatlarini joriy etish, ularni tayyorlash va qayta tayyorlashni tashkil etish;
sport turlari boʻyicha Oʻzbekiston chempionatlari gʻoliblari va sovrindorlarining jahon chempionatlari, Osiyo oʻyinlari va boshqa xalqaro musobaqalarda ishtirokini taʼminlash chora-tadbirlarini koʻrish.
b) yoshlar, shu jumladan talabalar sportini rivojlantirish:
yoshlarning boʻsh vaqtlarini mazmunli tashkil etish uchun qoʻshimcha sharoitlar yaratish, kibersport turini tizimli rivojlantirish;
“Bolalar sport oʻyinlari”ning jamoaviy oʻyin turlari boʻyicha respublika bosqichi gʻoliblariga (1-oʻrin) oliy taʼlim muassasalariga kirish imtihonlarida mutaxassislik fanlaridan maksimal ball olish huquqini beruvchi va uch yil muddat davomida amal qiluvchi sertifikat taqdim qilish;
jismoniy tarbiya va sport sohasida yoshlar jamoat tashkilotlari va koʻngillilar harakatini rivojlantirish;
Oʻzbekistonda talabalar sportini yanada rivojlantirish, jumladan har bir oliy taʼlim muassasalarida sport klublarini tashkil etish va ularni kamida bitta sport turiga ixtisoslashtirish, shuningdek, “Universiada” sport musobaqalarining barcha bosqichlarini tashkil etish chora-tadbirlarini koʻrish;
ixtisoslashtirilgan maktab-internatlari bitiruvchilariga oliy taʼlim muassasasining jismoniy tarbiya va sport yoʻnalishlariga oʻqishga kirishda oʻtkaziladigan kasbiy (ijodiy) imtihonlarda qoʻshimcha ballar koʻrinishida imtiyoz berishni joriy etish;
isteʼdodli sportchilarni aniqlash uchun sport turlari boʻyicha respublika musobaqalari oʻtkazilishi, shu jumladan uch bosqichli “Umid nihollari”, “Barkamol avlod” va “Universiada” sport musobaqalarining barcha bosqichlari tanqidiy tahlil qilinishini va monitoring olib borilishini joriy etish.
v) trener va oʻqituvchilarni ijtimoiy himoya qilish va ragʻbatlantirishni kuchaytirish:
seleksiya boʻyicha trener tomonidan sport maktablariga jalb qilingan sportchilarning natijalariga muvofiq trenerlarni bazaviy tarif stavkasining uch baravarigacha boʻlgan miqdorda ragʻbatlantirish;
maktab oʻquvchilari oʻrtasida oʻtkaziladigan jismoniy tarbiya fan olimpiadasi, “Bolalar sport oʻyinlari”ning gʻoliblarini tayyorlagan jismoniy tarbiya fani oʻqituvchilarini hamda sport taʼlimi muassasalari trenerlarini pul mukofotlari bilan ragʻbatlantirish;
jismoniy tarbiya fanidan olimpiada, musobaqalar gʻoliblarini tayyorlagan umumiy oʻrta taʼlim maktablarining oʻqituvchilari, sport taʼlimi muassasalarining trenerlarini attestatsiyaga jalb etmagan holda ularga malaka toifalari berish;
g) oliy sport yutuqlarini rivojlantirish tizimini takomillashtirish:
barcha sport turlari boʻyicha milliy chempionatlar darajasi va sifatini oshirish, xalqaro va mintaqaviy musobaqalarni tashkil etish, nosogʻlom sport raqobatiga va taqiqlangan preparatlar ishlatilishiga qarshi choralar koʻrish;
barcha turdagi sport maktablarida seleksiya boʻyicha trener, diyetolog, psixolog, farmakolog, massajchi lavozimlarini joriy etish;
hududlarning oʻziga xos xususiyatlari, aholining qiziqishi va xohish-istaklaridan kelib chiqib, har bir tuman (shahar) umumtaʼlim maktablari hamda oliy taʼlim muassasalarini kamida bittadan ustuvor (olimpiya sport turlari), istiqboldagi (sportning oʻyin hamda milliy turlari), ayniqsa, turdosh sport turlariga ixtisoslashtirish;
kelgusida oliy taʼlim muassasalari bazasida ixtisoslashtirilgan olimpiya sport turlari boʻyicha terma jamoalarning sport tayyorgarlik markazlarini tashkil etish;
respublikada barcha turdagi musobaqalarni toʻrt bosqichda oʻtkazish asosida terma jamoalarning zaxirasini shakllantirish;
sport maktablari erishgan natijalarga qarab ular maqomini qayta koʻrib chiqish va belgilash tartibini joriy etish;
sport taʼlimi muassasalarini, shu jumladan idoraviy jismoniy tarbiya va sport jamiyatlarini rivojlantirish;
jismoniy tarbiya va sport sohasida qoʻshimcha taʼlim tizimini rivojlantirishni ragʻbatlantirish, sport maktablari, shuningdek, seksiyalar va sport klublarini tashkil etish;
(5.5-band “g” kichik bandining toʻqqizinchi xatboshisi Oʻzbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik maʼlumotlari milliy bazasi, 13.06.2023-y., 06/23/92/0366-son)
sport pasportini joriy etish va muntazam ravishda yuritib borish tizimini joriy qilish natijasida sport turi bilan muntazam ravishda shugʻullanib kelayotgan va sport musobaqalarida doimiy ravishda ishtirok etuvchi sportchilar erishgan natijalari, trenerlari va qaysi sport tashkilotlarda faoliyat yuritib kelayotganligi boʻyicha yagona elektron maʼlumotlar bazasini shakllanitirish;
sport zaxirasini tayyorlash tizimining nazariy-uslubiy va tibbiy-biologik asoslari sohasida ilmiy tadqiqotlar va ishlanmalar olib borish;
tayyorgarlikning jismoniy va texnik xususiyatlari, jismoniy rivojlanish va salomatlik holatini baholash asosida iqtidorli yosh sportchilarni koʻp yillik saralash tizimini ishlab chiqish va joriy etish;
yuqori malakali sportchilarni tayyorlash tizimini modernizatsiya qilish, shu jumladan tayyorlash jarayonini boshqarish tizimini takomillashtirish;
sportchilarni, shu jumladan imkoniyati cheklangan shaxslarni tayyorlashda hamda tibbiy taʼminlashda innovatsion texnologiyalarni joriy etish;
respublikaning togʻli hududlarida sport terma jamoalari uchun Olimpiya oʻyinlariga tayyorgarlik koʻrish markazini qurish;
hududlarda qishki olimpiya sport turlari infratuzilmasini yaratish, ushbu sport turlarini ommalashtirish orqali professional sportchilarni tayyorlash tizimini yoʻlga qoʻyish;
hududlardagi yetakchi trenerlarning sport turlari boʻyicha Oʻzbekiston sport terma jamoalarida, shuningdek, chet elda amaliyot oʻtash (stajirovka) tizimini yaratish;
sport tibbiyoti mutaxassislarini, sport hakamlarini tayyorlash va malakasini oshirish;
sportda taqiqlangan vositalar va usullarni qoʻllaydigan shaxslarga nisbatan javobgarlikni kuchaytirish boʻyicha chora-tadbirlarni ishlab chiqish (dopingga qarshi kurashish);
sportchilar va murabbiylarni ijtimoiy himoya qilish, ragʻbatlantirish boʻyicha chora-tadbirlar tizimini ishlab chiqish, shu jumladan tayyorlagan sportchilarini boshqa sport taʼlimi muassasasi yoki klublarga oʻtkazgan trenerlarni ragʻbatlantirish tizimini joriy etish.
5.6. Xalqaro sport siyosati va xalqaro sport tashkilotlari bilan hamkorlikni kengaytirish:
xalqaro sport tashkilotlarida Oʻzbekiston sport tashkilotlari vakillarining sonini koʻpaytirish boʻyicha harakatlar dasturini ishlab chiqish va amalga oshirish;
jismoniy tarbiya va sportni rivojlantirishning asosiy yoʻnalishlari boʻyicha xalqaro sport tashkilotlari bilan hamkorlikni kengaytirish;
Osiyo va jahon sport tashkilotlari, shuningdek, boshqa yetakchi mamlakatlarning sport tashkilotlari bilan aloqalarni rivojlantirish;
imkoniyati cheklangan shaxslarni birlashtirgan xalqaro sport tashkilotlari bilan hamkorlikni rivojlantirish;
sport shou-biznes tashkilotlarini respublikaga jalb etish;
birinchi navbatda uzoq vaqt davomida sport yutuqlariga erisha olmayotgan sport turlari boʻyicha respublika sport jamoalari bilan ishlash uchun xalqaro darajadagi yetakchi xorijiy trenerlarni jalb etish;
xalqaro maydonda Oʻzbekiston sporti va sportchilarimiz manfaatlarini himoya qilish boʻyicha chora-tadbirlarni amalga oshirish;
sport turizmini (ayniqsa ichki) rivojlantirish maqsadida yirik sport obyektlarini mamlakatning ommalashgan turistik yoʻnalishlari xaritalariga kiritish, hududlarning sport brendlarini shakllantirish;
sport muxlislarini, jumladan xorijlik sportchi va muxlislarni keng jalb qilish hamda sport infratuzilmasidan samarali foydalanish maqsadida “xospitaliti xizmatlari”ni yoʻlga qoʻyish va “Sport Visa” qoʻshimcha (elektron boʻlmagan) kirish viza tizimini joriy etish.
5.7. Jismoniy tarbiya va sport faoliyatini kadrlar, ilmiy-uslubiy, tibbiy-biologik va antidoping qoʻllab-quvvatlashni rivojlantirish:
jismoniy tarbiya va sportni rivojlantirish hamda jismoniy tarbiya-sogʻlomlashtirish va sport inshootlaridan foydalanish boʻyicha turli tashkilotlarning faoliyati samaradorligi koʻrsatkichlarini baholash tizimi va mezonini joriy etish;
barcha darajadagi jismoniy tarbiya va sport boshqaruvi tizimini takomillashtirish;
jismoniy tarbiya va sport sohasini axborotlashtirish dasturini ishlab chiqish va uni joriy qilish ishlarini tashkil etish;
mahalliy davlat hokimiyati organlarining sport sohasidagi faoliyatini takomillashtirish boʻyicha tavsiyalar ishlab chiqish;
a) jismoniy tarbiya va sport mutaxassislari hamda zamonaviy fikrlaydigan maʼmuriy kadrlarni tayyorlash:
jismoniy tarbiya va sport boʻyicha yuqori malakali trenerlar, hakamlar tayyorlash va malakasini oshirish boʻyicha oʻquv dasturlari va metodologiyasini yangilash, sportchilarning tayyorgarlik jarayoniga ilgʻor innovatsion texnologiyalarni joriy etish, yuqori malakali kadrlar bilan taʼminlash maqsadida intensiv malaka oshirish platformasini yaratish;
jismoniy imkoniyati cheklangan shaxslar uchun moslashtirilgan (adaptiv) sport boʻyicha malakali mutaxassislar tayyorlashni tashkil etish;
jismoniy tarbiya va sport sohasidagi mutaxassislarning malakasini oshirish, zamonaviy vositalar va usullardan foydalangan holda kasbiy qayta tayyorlash tizimini takomillashtirish;
“eng yaxshi jismoniy tarbiya oʻqituvchisi, trener, sportchi, sport shifokori, psixologi va diyetologi” respublika koʻrik-tanlovi oʻtkazilishini tashkil etish;
trener-oʻqituvchilar tayyorlashning uzluksiz, koʻp bosqichli tizimini shakllantirish;
xizmat koʻrsatuvchi va texnik xodimlarni, shuningdek, turli darajadagi sport tadbirlarini tashkil etish va oʻtkazish boʻyicha mutaxassislarni tayyorlash tizimini ishlab chiqish;
yuqori malakali trenerlar, hakamlar tayyorlash va malakasini oshirish boʻyicha oʻquv dasturlari va metodologiyasini yangilash, sportchilarning tayyorgarlik jarayoniga ilgʻor innovatsion texnologiyalarni joriy etish;
sport tayyorgarligi eng muvaffaqiyatli tizimga ega boʻlgan mamlakatlardan mutaxassislarni jalb etgan holda, yangicha fikrlaydigan trenerlar va maʼmuriy kadrlarni tayyorlash uchun eng yangi sport texnologiyalaridan foydalanish;
jismoniy tarbiya va ommaviy sport sohasidagi maʼmuriy kadrlar tayyorlash jarayoniga sportni boshqarishning maxsus dasturlarini joriy etish;
sohaning boshqaruv tizimidagi mutaxassislarini Sport Management (sportni boshqarish), Sport Leadership (sportda rahbarlik qilish), Sport Administration (sport maʼmuriyatchiligi) yoʻnalishlari boʻyicha yetakchi jahon sport markazlarida tajriba orttirishlarini tashkil etish;
sport muassasalari rahbarlari oʻrtasida tajriba almashinuvini ragʻbatlantirish, rivojlantirish boʻyicha dasturlarda ularning tizimli ishtirok etishini taʼminlash;
b) jismoniy tarbiya va sportni ilmiy-uslubiy, tibbiy-biologik taʼminlash va antidoping choralarini rivojlantirish:
jismoniy tarbiya va sport boʻyicha mutaxassislarni ilmiy-uslubiy taʼminlash, jismoniy tarbiya va sport sohasida ilmiy tadqiqotlar oʻtkazish va sportda yuqori natijalarni qoʻlga kiritish boʻyicha ilmiy tavsiyalar ishlab chiqish;
jismoniy tarbiya va sport sohasida ilmiy tadqiqotlarni tashkil etish, muvofiqlashtirishni taʼminlash hamda mamlakatimiz sport terma jamoalarini ilmiy-metodik taʼminlash maqsadida Fanlar Akademiyasi bilan hamkorlikni yoʻlga qoʻyish;
(5.7.-band “b” kichik bandining toʻrtinchi xatboshisi Oʻzbekiston Respublikasi Prezidentining 2022-yil 15-yanvardagi PF-52-sonli Farmoniga asosan chiqarilgan — Qonunchilik maʼlumotlari milliy bazasi, 15.01.2022-y., 06/22/52/0029-son)
respublikaning sport sohasidagi olimlarini xalqaro ilmiy va taʼlim dasturlarida ishtirok etishini taʼminlash;
sport terma jamoalari va sport zaxiralarini tibbiy-biologik taʼminlash tizimini takomillashtirish;
oliy sport yutuqlari va sport zaxirasini tayyorlash, antidoping taʼminotini yaxshilash boʻyicha kompleks chora-tadbirlarni ishlab chiqish;
dopingdan foydalanishga qarshi kurashish masalalari boʻyicha Olimpiya va Paralimpiya milliy terma jamoalari, hududiy terma jamoalar murabbiylari va shifokorlarini oʻqitish hamda attestatsiyadan oʻtkazish tizimini ishlab chiqish va amalga oshirish;
jismoniy tarbiya va sportda doping vositalari va taqiqlangan usullardan foydalanganlik uchun sportchilar, murabbiylar va tibbiyot xodimlarining javobgarligini kuchaytirish;
sport musobaqalarini tibbiy taʼminlash tartibini ishlab chiqish va joriy etish;
sport faoliyatini tamomlagan sportchilarni ijtimoiy himoya qilish, shu jumladan samarali reabilitatsiyasini tashkil etish maqsadida har bir hududdagi tibbiyot birlashmalarida sport reabilitatsiyasi boʻlinmalari faoliyatini yoʻlga qoʻyish;
sport turlari boʻyicha hududiy terma jamoa aʼzolarini hududiy bolalar koʻp tarmoqli tibbiyot markazlarining oʻsmirlar boʻlimlarida muntazam ravishda chuqurlashtirilgan tibbiy koʻrikdan oʻtkazib borish mexanizmini joriy etish;
sport turlari boʻyicha terma jamoalar sportchilari uchun ilmiy-kompleks laboratoriyalar tashkil etish, tayyorgarlik jarayoniga ilgʻor innovatsion texnologiyalarni joriy etish hamda sport sohasida samarali tibbiy va farmakologik taʼminotni yoʻlga qoʻyish;
olimpiya sport turlari boʻyicha respublika sport musobaqalarida bosqichma-bosqich doping-test namunalarini olishni yoʻlga qoʻyish;
yangilangan oʻquv rejalari va dasturlar talablarini, shuningdek, yetakchi jahon sport markazlarining ilgʻor tajribasini, innovatsion rivojlanishning tegishli ustuvorliklarini hisobga olgan holda, sifati va mazmuniga koʻra zamonaviy oʻquv, oʻquv-metodik va ommaviy adabiyotlarni tayyorlash hamda nashr etishni tashkillashtirish;
sportning ommaviy turlari boʻyicha elektron taʼlim resurslarida turli tillarda mashq jarayonlarini oʻtkazish yuzasidan metodik tavsiyalarning respublika ochiq maʼlumotlar bazasini tashkil etish;
tibbiyot sohasidagi reabilitatsiya qiluvchi innovatsion usullar va texnologiyalardan keng foydalangan holda sportda intensiv jismoniy yuklamalardan, shuningdek, sportchilar va aholi kasallikni boshdan kechirganidan, jarohatlanganidan keyin tiklash tadbirlarini amalga oshirishda sifatli tibbiy yordam koʻrsatilishini tizimli asosda tashkil etish;
sogʻlom turmush tarzining asosi sifatida sogʻlom ovqatlanishning ahamiyatini aholiga keng tushuntirish ishlarini tashkil etish va targʻib qilishni kuchaytirish;
almashtirib boʻlmaydigan komponentlar, sport bilan shugʻullanuvchilar uchun maxsus oziq-ovqat mahsulotlari va ovqatga qoʻshiladigan biologik faol qoʻshimchalar bilan boyitilgan oziq-ovqat mahsulotlari ishlab chiqarishni rivojlantirish.
5.8. Jismoniy tarbiya va sport muassasalarining moddiy-texnik bazasini mustahkamlash va ularni moliyalashtirish samaradorligini oshirish:
sport sohasi subyektlari faoliyatini monetizatsiya qilish maqsadida “sponsorship” (titul homiylik, reklama distribyutsiyasi, axborot hamkorligi) tizimini yoʻlga qoʻyish hamda televizion translyatsiya media huquqlarini oʻrta va uzoq muddatli shartlarda autsorsing tuzilmalariga oʻtkazib borish;
sport lotereyalarini tashkil etish orqali sportni qoʻshimcha moliyalashtirish choralarini koʻrish;
(5.8 bandning uchinchi xatboshisi Oʻzbekiston Respublikasi Prezidentining 2022-yil 6-apreldagi PF-98-sonli Farmoni tahririda — Qonunchilik maʼlumotlari milliy bazasi, 07.04.2022-y., 06/22/98/0279-son)
xalqaro ilgʻor tajribani hisobga olgan holda bosqichma-bosqich qurilish, rekonstruksiya qilish va kapital taʼmirlash ishlarida ilgʻor texnologiyalar va muhandislik yechimlariga tayanish;
sport taʼlimi muassasalarining sport inshootlarini zamonaviy sport anjomlari, jihozlar, oʻquv-uslubiy materiallar, kompyuter va multimedia texnikalari, videokuzatuv tizimlari bilan jihozlashni taʼminlash;
sport taʼlimi muassasalarida pullik xizmatlarni koʻrsatish, shuningdek, homiylik va xayriya mablagʻlari orqali budjetdan tashqari jamgʻarmalarni shakllantirish amaliyotini joriy etish;
ixtisoslashtirilgan olimpiya zaxiralari maktab-internatlarining moddiy-texnika bazasini mustahkamlash, jumladan sport zallari, yotoqxona, oʻquv binolari qurish, mavjudlarini kapital taʼmirlash va rekonstruksiya qilish;
zamonaviy energiya va resurslarni tejaydigan, innovatsion qurilish texnologiyalarini faol joriy etish va ulardan foydalanish asosida sport muassasalari infratuzilmasi binolari va obyektlarini, shuningdek, umumtaʼlim muassasalarining sport inshootlarini bosqichma-bosqich qurish, rekonstruksiya qilish va kapital taʼmirlashni davom ettirish;
jismoniy tarbiya va sport obyektlarini qurish, rekonstruksiya qilish hamda mukammal taʼmirlash boʻyicha investitsiya, davlat va boshqa manzilli dasturlarni kelishish;
hududlarning oʻziga xos iqlim xususiyatlarini hisobga olib, taniqli xorijiy kompaniyalarning ilgʻor tajribasi asosida qurilish materiallaridan, zamonaviy energiya va resurslarni tejaydigan texnologiyalardan foydalangan holda sport obyektlari loyihalarini ishlab chiqish.
5.9. Davlat-xususiy sheriklik asosida jismoniy tarbiya va sportni yanada rivojlantirish:
nodavlat jismoniy tarbiya-sogʻlomlashtirish va sport inshootlarini qurish uchun aholi uchun qulay boʻlgan hududlardan doimiy foydalanishga berilgan yerlarni bepul asosda ijaraga berish;
(5.9-bandning ikkinchi xatboshisi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoni tahririda — Qonunchilik maʼlumotlari milliy bazasi, 08.10.2021-y., 06/21/6320/0940-son)
joylarda barpo etiladigan davlat-xususiy sheriklik nodavlat jismoniy tarbiya-sogʻlomlashtirish va sport inshootlari reyestrini shakllantirish orqali ularning tizimli monitoringini olib borish;
tadbirkorlik subyektlariga imtiyozli kreditlar ajratilishida amaliy yordam koʻrsatish;
mavjud davlat jismoniy tarbiya-sogʻlomlashtirish va sport inshootlarini rekonstruksiya qilish va jihozlash, keyinchalik esa ularni otaliqqa olish sharti bilan nodavlat jismoniy tarbiya-sogʻlomlashtirish va sport inshootlari obyektlarini qurish uchun bepul asosda yer maydonlarini taqdim etish;
xususiy sherikning mol-mulki negizida tashkil qilingan nodavlat jismoniy tarbiya-sogʻlomlashtirish va sport inshootlarini moddiy-texnik va moliyaviy taʼminlash;
davlat-xususiy sheriklik asosida mahalliy sport mahsulotlarini ishlab chiqarishni yoʻlga qoʻyish, uskunalar, sport kiyimlari tikish, brend va imidj mahsulotlari ishlab chiqarish;
jismoniy tarbiya va sportni rivojlantirish va ommalashtirish sohasida oʻz faoliyatini amalga oshirayotgan tadbirkorlik subyektlariga, shu jumladan davlat-xususiy sheriklik mexanizmlari orqali yordam koʻrsatish.
5.10. Sogʻlom turmush tarzining eng muhim tarkibiy qismi sifatida jismoniy tarbiya va sportni targʻib qilish hamda bu jarayonda yuqori darajali axborotlashtirishni va multimedia mahsulotlaridan foydalanishni taʼminlash:
jismoniy tarbiya, sport va sogʻlom turmush tarzini targʻib qilishning ustuvor yoʻnalishlarini belgilash;
ommaviy axborot vositalarida jismoniy tarbiya va sportni rivojlantirish loyihalarini qoʻllab-quvvatlash;
jismoniy tarbiya va sportni targʻib qilish, yetakchi televizion kanallarning sogʻlom turmush tarzini targʻib qilish boʻyicha ishlari sifatini oshirish;
sogʻlom turmush tarzi, jismoniy tarbiya va sport sohasida kinematografik, bosma va koʻrgazmali mahsulotlar, teleradiodasturlarni hamda Internet-resurslarni yaratish va tarqatish boʻyicha davlat buyurtmasini shakllantirish;
jismoniy tarbiya va sportning maʼnaviy qadriyatlarini, Olimpiya gʻoyalarini targʻib qilish;
“Sport barcha uchun” harakati doirasida radio eshittirishlar va televideniyeda axborot-tahliliy koʻrsatuvlar turkumini efirga uzatib borish;
jismoniy tarbiya, sport va sogʻlom turmush tarzini targʻib qilish samaradorligini baholab borish;
jismoniy tarbiya va sport bilan shugʻullanishni tashkil etishda aholiga axborot yordamini koʻrsatish;
taʼlim muassasalarida, ishxonalarda, aholining yashash va dam olish joylarida sogʻlom turmush tarzini targʻib qilish, jismoniy tarbiya va sportni ommalashtirish boʻyicha chora-tadbirlar tizimini ishlab chiqish;
yosh avlod oʻrtasida jismoniy tarbiya va sportni, ayniqsa, jismoniy sogʻlomlashtirish, sogʻlom turmush tarzini targʻib qilishda Internet imkoniyatlaridan keng foydalanish;
sport targʻibotiga yetakchi sport mutaxassislari, sportchilar, siyosatchilar, jamoat arboblari, aktyorlarni faol jalb etish, sogʻlom turmush tarzi va sport bilan shugʻullanishni targʻib qilishda ijtimoiy reklamadan foydalanish;
mamlakatda va chet elda jismoniy tarbiya va sportni rivojlantirishning ilgʻor tajribalarini ommalashtirish boʻyicha tadbirlar oʻtkazish;
sport va sogʻlom turmush tarzini targʻib qilish va reklama qilishni takomillashtirish;
aholini jismoniy tarbiya va sport bilan shugʻullanishga jalb etish va targʻib qilish boʻyicha ilmiy-uslubiy, ijtimoiy-ommabop materiallar hamda qoʻllanmalarni nashr etish;
ilgʻor xorijiy tajriba asosida jismoniy tarbiya va ommaviy sport sohasida axborot va statistika maʼlumotlarini toʻplash hamda ularni puxta ishlash tizimi va usullarini takomillashtirish.
4-bob. Konsepsiyani amalga oshirishdan kutilayotgan natijalar
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.02.00 Jismoniy tarbiya va sport sohasida boshqaruv;
2.14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.05.00 Aholining jismoniy madaniyati]
6. Konsepsiya doirasida belgilangan vazifalarni bajarish orqali Oʻzbekiston Respublikasida jismoniy tarbiya va sport sohasini 2025-yilgacha rivojlantirishda quyidagi koʻrsatkichlarga erishish nazarda tutiladi:
mamlakat aholisining salomatlik darajasini yaxshilashga erishiladi;
jismoniy tarbiya va sport bilan muntazam shugʻullanadigan aholining umumiy soni 30 foizgacha, oʻquvchi va talabalarning umumiy soni 20 foizgacha oshiriladi;
oliy taʼlim muassasalari va umumtaʼlim maktablari sport inshootlaridan foydalanish samaradorligi 60 foizgacha oshiriladi;
sport taʼlimi muassasalarida trener va mutaxassislarning sifat tarkibi, xususan oliy maʼlumotli xodimlar soni bosqichma-bosqich 51 foizdan 80 foizgacha yetkaziladi;
Sport vazirligi tizimidagi ixtisoslashtirilgan maktab-internatlaridagi oliy toifali trener-oʻqituvchilar hissasi 72 foizgacha oshiriladi;
(6-bandning oltinchi xatboshisi Oʻzbekiston Respublikasi Prezidentining 2024-yil 24-dekabrdagi PF-226-sonli Farmoni tahririda — Qonunchilik maʼlumotlari milliy bazasi, 25.12.2024-y., 06/24/226/1060-son)
Oʻzbekiston sport terma jamoasining Olimpiya va Paralimpiya oʻyinlari, jahon, qitʼa va Osiyo sport musobaqalarida muvaffaqiyatli ishtirok etishi taʼminlanadi;
Oʻzbekistonda Osiyo, Jahon chempionati, Osiyo va Jahon kubogi nufuzli xalqaro sport musobaqalarini oʻtkazish koʻrsatkichlari 34 taga oshiriladi;
sport taʼlimi va tayyorgarligi tizimining mazmuni sifat jihatidan yaxshilanadi, sport maktablarida ustuvor olimpiya sport turlari boʻyicha boʻlimlarni ochish orqali sport turlari ulushi 32 taga oshiriladi;
iqtidorli sportchi-yoshlarni saralash va ularni milliy terma jamoalarga jalb etishgacha boʻlgan jarayon bosqichma-bosqich, tizimli amalga oshiriladi;
sportchilar faoliyati va erishayotgan sportdagi yutuqlari toʻgʻrisida muntazam yangilanib boriladigan yagona elektron maʼlumotlar bazasi shakllantiriladi;
sport taʼlimi muassasalarining moddiy-texnika bazasini mustahkamlash va mablagʻ bilan taʼminlash samaradorligi oshiriladi, davlat-xususiy sheriklikni rivojlantirish hisobiga davlat taʼlimi tizimida sogʻlom raqobat muhiti yaratiladi;
yoshlarni tarbiyalash va ularning bandligini taʼminlashda “taʼlim muassasasi-sport maktabi va oliy sport” tamoyilida uzviylik tizimi joriy etiladi;
samarali faoliyat koʻrsatayotgan sport maktablariga olimpiya zaxiralari sport maktablari maqomi beriladi;
sohada faoliyat koʻrsatishning jozibadorligi, sport taʼlimi muassasalari mutaxassis va xodimlarining mehnatiga haq toʻlash, moddiy ragʻbatlantirish va ijtimoiy himoya qilish darajasi oshiriladi;
oliy taʼlim muassasalarida “Jismoniy tarbiya va sport sohasida boshqaruv” yoʻnalishi boʻyicha kadrlar tayyorlash yoʻlga qoʻyiladi.
Oʻzbekiston Respublikasi Prezidentining 2020-yil 24-yanvardagi PF-5924-son Farmoniga 2-ILOVA
Oʻzbekiston Respublikasi Jismoniy tarbiya va sport tizimini 2025-yilgacha rivojlantirish konsepsiyasining maqsadli
koʻrsatkichlari
T/r
Koʻrsatkichlar nomi
Oʻlchov birligi
Yillar kesimida
2020
2021
2022
2023
2024
2025
I. Aholi oʻrtasida jismoniy tarbiya va sportni ommaviyligini oshirish
1.
Jismoniy tarbiya va sport bilan muntazam shugʻullanadigan aholining umumiy soni.
Foizda
18
20
24
26
28
30
2.
Jismoniy tarbiya va sport bilan shugʻullanayotgan oʻquvchi va talabalarning umumiy soni.
Foizda (oʻquvchi va talabalarning umumiy soniga nisbatan)
11
12
14
16
18
20
3.
Aholining jismoniy tayyorgarligi va salomatligi darajasini oshirish.
Foizda (aholining soniga nisbatan)
15
18
22
25
28
30
4.
Oliy taʼlim muassasalari talabalari oʻrtasida “Talabalar sport oʻyinlari”ni oʻtkazish.
Oliy taʼlim muassasalari
25
30
35
40
45
50
Ishtirokchilar soni (ming)
65
78
91
104
147
130
5.
Aholi oʻrtasida “Yoshlar haftaligi”, “Xotin qizlar haftaligi”, “Mahalla va Nuroniylar haftaligi”, “Taʼlim muassasalari haftaligi” tadbirlarini tashkil etish.
Musobaqalar soni
36000
38000
40000
42000
44000
46000
Ishtirokchilar soni (mln)
2,8
3
3,2
3,5
3,8
4
6.
“Armiya oʻyinlari” dasturiga kiritilgan sport turlari boʻyicha sport musobaqalarini tashkil etish.
Musobaqalar soni
24
26
28
30
32
34
Jalb etilganlar soni
1800
1950
2100
2250
2400
2550
7.
Oliy taʼlim muassasalari va umumtaʼlim maktablari sport inshootlaridan samarali foydalanish.
Foizda (foydalanish darajasi)
37
40
45
50
55
60
II. Cport turlarini rivojlantirish, iqtidorli yoshlarni tanlash, yuqori malakali sportchilar va sport zaxirasini tayyorlash choralarini koʻrish
8.
Sport terma jamoalarini xalqaro sport musobaqalarida ishtirokini taʼminlash.
Musobaqalar soni
230
235
240
245
250
255
9.
Oʻzbekistonda Osiyo, Jahon chempionati, Osiyo va Jahon Kubogi nufuzli xalqaro sport musobaqalarini oʻtkazish.
Musobaqalar soni
24
25
28
30
32
34
10.
Sport turlari boʻyicha xalqaro federatsiyalar va yirik sport tashkilotlari bilan aloqalarni yoʻlga qoʻyish, terma jamoalar bilan ishlaydigan trenerlar va boshqa mutaxassislar malakasini oshirish va amaliyot (stajirovka) oʻtashlarini tashkillashtirish.
Malakasini oshirganlar soni
10
15
20
25
33
40
11.
Sport pasportini berish orqali sport turi bilan muntazam ravishda shugʻullanib kelayotgan va sport musobaqalarida doimiy ravishda ishtirok etuvchi sportchilar yagona maʼlumot bazasini shakllantirish.
Foizda (sportchilar soniga nisbatan)
10
20
35
55
75
100
12.
Sport va ommaviy jismoniy tarbiya tadbirlarning respublika kalendar rejasini moliyalashtirish orqali musobaqalar sonini oshirish.
Musobaqalar soni
530
530
530
530
530
530
III. Jismoniy tarbiya va sport sohasida kadrlarni tayyorlash, qayta tayyorlashvamalakasinioshirishnitakomillashtirish
13.
Sport taʼlimi muassasalarida trener va mutaxassislarning sifat tarkibini, xususan oliy maʼlumotli xodimlar sonini bosqichma-bosqich oshirish.
Foizda (jami trenerlarsoniganisbatan)
54
58
62
69
74
80
14.
Sport taʼlimi muassasalarida faoliyat yuritayotgan sport hakamlarini tayyorlash va malakasini oshirish.
Foizda (jami trenerlarsoniganisbatan)
3
4
5
6
7
8
15.
Oliy maʼlumotli jismoniy tarbiya va sport kadrlarga ehtiyojni toʻldirish maqsadida Oʻzbekiston davlat jismoniy tarbiya va sport universiteti hamda uning filialiga qabul koʻrsatkichlarini oshirish.
Bakalavriat
1250
1300
1350
1400
1450
1500
Magistratura
100
120
120
120
120
120
Sirtqi
650
650
650
650
650
650
Maxsus sirtqi
550
550
550
550
550
550
Oʻzbekiston Respublikasi Prezidentining 2020-yil 24-yanvardagi PF-5924-son Farmoniga 3-ILOVA
Oʻzbekiston Respublikasida jismoniy tarbiya va sportni 2025-yilgacha rivojlantirish konsepsiyasini 2020-yilda amalga oshirish boʻyicha
I. Hududlarda sport turlarini yanada rivojlantirish va ommalashtirish
1.
Hududlarda sport musobaqalarini yuqori saviyada oʻtkazish.
Sport musobaqalarini yuqori saviyada oʻtkazish boʻyicha zarur chora-tadbirlarni amalga oshirish. Shu jumladan:
1)kurash boʻyicha erkaklar va ayollar oʻrtasida Oʻzbekiston chempionati (Toshkent viloyati);
2) badminton boʻyichaerkaklar va ayollar oʻrtasida shaxsiy-jamoaviy Oʻzbekiston chempionati (Toshkent va Buxoro shaharlari);
3) dzyudo boʻyichaOʻzbekiston chempionati (Buxoro viloyati);
4) badiiy gimnastika boʻyichaOʻzbekiston chempionatlari (Buxoro, Navoiy, Namangan va Toshkent viloyatlari);
5) voleybol boʻyicha erkaklar va ayollar oʻrtasida Oʻzbekiston chempionatlarini (Buxoro, Namangan, Navoiy, Samarqand, Fargʻona va Toshkent shaharlari);
6)velosport boʻyicha Oʻzbekiston chempionati (Toshkent shahri);
7) shaxmat boʻyichaumumtaʼlimmaktablari oʻquvchilari oʻrtasidaOʻzbekiston chempionati (rapid, blits va standart) (Samarqand shahri);
8) stol tennisi boʻyichaerkaklar va ayollar oʻrtasida Oʻzbekiston chempionati (Fargʻona viloyati);
9) yengil atletika boʻyichaOʻzbekiston chempionatlari (Urganchva Toshkent shaharlari);
10) boks boʻyicha erkaklar va ayollar oʻrtasida Oʻzbekiston chempionatlari (respublika boʻyicha).
Fevral
Fevral
Fevral
Mart
Iyul
Sentabr
Oktabr
Noyabr
Dekabr
Dekabr
Jismoniy tarbiya va sport vazirligi, Milliy Olimpiya qoʻmitasi, sport federatsiyalariga (uyushmalariga) ajratilgan mablagʻlar doirasida
Jismoniy tarbiya va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, xoʻjalik birlashmalari, yirik korxona va tashkilotlar, Milliy Olimpiya qoʻmitasi, sport federatsiyalari (uyushmalari)
3.
Beshta muhim tashabbusni amaliyotga toʻliq joriy etishni taʼminlash.
1. Ikkinchi tashabbus doirasida tizimli ravishda “Yoshlar haftaligi”, “Mahalla va nuroniylar haftaligi”, “Taʼlim muassasalari haftaligi”, “Xotin-qizlar haftaligi” musobaqalarining kalendar rejasini tasdiqlash.
2. Mahallalar, taʼlim muassasalari, korxona va tashkilotlarda aholi oʻrtasida 5 500 dan ortiq ommaviy sport musobaqalari va tadbirlarini tizimli ravishda oʻtkazish orqali aholining keng qatlamlarini ommaviy jismoniy tarbiya va sportga jalb etilishini taʼminlash.
Oʻtkaziladigan musobaqalarga aholining 30 foizini qamrab olish, jismoniy tarbiya va sport bilan muntazam shugʻullanadigan aholining umumiy sonini 18 foizga yetkazish.
Yanvar
Yil davomida
Ijrochilar mablagʻlari
Jismoniy tarbiya va sport vazirligi,
Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari,
vazirliklar, idoralar, xoʻjalik birlashmalari, yirik korxona va tashkilotlar
4.
Vazirliklar, idoralar va xoʻjalik birlashmalari hamda hududlardagi yirik korxonalar va tashkilotlarda xodimlarni jismoniy rivojlantirish, sogʻlom turmush tarziga oʻrgatish, jismoniy tarbiya koʻnikmasini shakllantirish va sportning ommaviyligini taʼminlash yuzasidan chora-tadbirlarni amalga oshirish.
1. Hududlar kesimida barcha korxona va tashkilotlar, davlat muassasalari xodimlari oʻrtasida sport turlari boʻyicha “Bosh vazir kubogi”,“Hokim kubogi”,“Rahbar kubogi”, “Doʻstlik spartakiadasi” sport musobaqalarini oʻtkazish.
2. Tizimli ravishda har bir tuman shaharda “Maktablar ligasi”, “Sport maktablari ligasi”, “Professional futbol maktablari ligasi”, mahalla yoshlari oʻrtasida “Mahallada futbol”,“Futbolimiz kelajagi”, “Charm-toʻp” futbol musobaqalarini oʻtkazish.
3. Tadbirlarning oʻz vaqtida va sifatli bajarilishi boʻyicha hududlar, vazirliklar, idoralar va xoʻjalik birlashmalari hamda korxona va tashkilotlar rahbarlari faoliyatining natijadorligini har chorakda bir marta muhokama qilishni amaliyotga joriy etish.
1-martdan boshlab
1-apreldan boshlab
Ijrochilar mablagʻlari
Jismoniy tarbiya va sport vazirligi, vazirliklar, idoralar, xoʻjalik irlashmalari, yirik korxona va tashkilotlar
5.
Joylardagi urf-odat tusiga kirgan milliy xalq oʻyinlari hamda milliy qadriyatlarni qayta tiklash, aholining keng qatlamini ayniqsa, yoshlarni milliy sport turlari va xalq oʻyinlariga boʻlgan qiziqishlarini oshirish.
1. Mamlakatning bayram sanalarida, jumladan, 21-mart “Navroʻz” umumxalq bayrami arafasida milliy va xalq oʻyinlari boʻyicha barcha hududlarda sport musobaqalari va festivallarini tashkil etish.
2. Yoshlar oʻrtasida milliy sport turlari va xalq oʻyinlarini keng targʻib qilish maqsadida milliy kurash, uloq-koʻpkari, chillak, mindi, lanka, beshtosh, varrak uchirish kabi musobaqalarni oʻtkazish.
1-fevraldan boshlab
yil davomida
Ijrochilar mablagʻlari
Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari
6.
2021-yil uchun sport va ommaviy jismoniy tarbiya tadbirlari respublika kalendar rejasini shakllantirish va tasdiqlash.
1. Sport federatsiyalari (uyushmalari) va jismoniy tarbiya-sport tashkilotlarining taqdimnomalarini umumlashtirish.
2. Sport federatsiyalari (uyushmalari) va jismoniy tarbiya-sport tashkilotlarining taqdimnomalari boʻyicha 2021-yil uchun sport va ommaviy jismoniy tarbiya tadbirlari respublika kalendar rejasini shakllantirish va tasdiqlash.
1-noyabrga qadar
15-noyabrga qadar
Jismoniy tarbiya va sport vazirligi, Milliy Olimpiya qoʻmitasi, sport federatsiyalariga (uyushmalariga) ajratilgan mablagʻlar doirasida
Jismoniy tarbiya va sport vazirligi, Moliya vazirligi
7.
2021-yil uchun sport va ommaviy jismoniy tarbiya tadbirlari respublika kalendar rejasi asosida hududiy va tuman (shahar) kalendar rejalarini tasdiqlash.
2021-yil uchun sport va ommaviy jismoniy tarbiya tadbirlari respublika kalendar rejasi asosida hududiy (viloyat, tuman, shahar) kalendar rejalarini ishlab chiqish va tasdiqlash.
1-dekabrga qadar
Qoraqalpogʻiston Respublikasining budjeti, viloyatlar va Toshkent shahar mahalliy budjetlari va tuman (shahar) budjetlarigaajratilgan mablagʻlar doirasida
Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari
8.
Aholining jismoniy tayyorgarligi va salomatligi darajasini belgilovchi “Jismoniy tayyorgarlik darajasi” sinovlarini joriy qilish.
1. Oʻzbekiston Respublikasi Vazirlar Mahkamasi qarori loyihasini kiritish. Bunda:
jismoniy tayyorgarlik darajasini aniqlovchi mezonlarni murakkablik darajasini maxsus jismoniy tayyorgarlik talab etiladigan vazirlik va idoralar uchun alohida hamda aholining barcha qatlamlari uchun yosh toifalarini inobatga olgan holda alohida belgilash;
aholining keng qatlamlari, ayniqsa yoshlarni sogʻlom boʻlishga, ularning sport bilan chiniqishiga, jismoniy tarbiya va sportni kundalik turmush tarziga aylantirish;
aholining jismoniy tarbiya va sport bilan shugʻullanishi boʻyicha bilim va koʻnikmalarni oshirish;
respublikaning chekka hududlarida sogʻlomlashtirish ishlarini rivojlantirish;
oʻsib kelayotgan yosh avlodning sogʻlom turmush tarziga amal qilishini nazarda tutish.
2. “Jismoniy tayyorgarlik darajasi” jismoniy tayyorgarlik sinovlarini oʻtkazishni joriy etish orqali 4,9 mln nafar (jami aholi soniga nisbatan 15 foiz) aholining jismoniy tayyorgarligi va salomatligi darajasini oshirish.
2020-yil 1 noyabrga qadar
Yil davomida
Ijrochilar
mablagʻlari
Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari, Jismoniy tarbiya va sport vazirligi,
Xalq taʼlimi vazirligi,
Sogʻliqni saqlash vazirligi,
manfaatdor vazirlik va idoralar
9.
Sportchi yoshlarni saralash va iqtidorli sportchilarni tanlab olish, sport zaxirasini shakllantirish tizimini yoʻlga qoʻyish, yoshlar orasida ommalashtirish, yuqori natijalarga erishishni taʼminlashga qaratilgan chora-tadbirlarni amalga oshirish.
1. Oʻquvchi-yoshlarni sport bilan muntazam shugʻullanishlari uchun zarur sharoitlar yaratish maqsadida 9 ta shahar, 26 ta chekka tuman, qishloqlarda yangidan 36 ta bolalar-oʻsmirlar sport maktablari tashkil etish.
Bunda, 540 nafar trenerlarni ish bilan taʼminlash, bir kunda qoʻshimcha ravishda 30 384 nafar oʻquvchi-yoshlarni sport bilan muntazam ravishda shugʻullanishga jalb qilishni nazarda tutish.
2. Sport maktablari erishgan natijalariga koʻra ularning maqomini qayta koʻrib chiqish va belgilash tartibini nazarda tutuvchi Hukumat qarori loyihasini ishlab chiqish va Oʻzbekiston Respublikasi Vazirlar Mahkamasiga kiritish.
1-martga qadar
1-mayga qadar
Oʻzbekiston Respublikasi Davlat budjeti mablagʻlari
Jismoniy tarbiya va sport vazirligi,
Moliya vazirligi
Jismoniy tarbiya va sport vazirligi
10.
Maʼnaviy barkamol, jismoniy va ruhiy jihatdan sogʻlom, vatanparvar insonni tarbiyalash va voyaga yetkazish, Vataniga xizmat qilishga fidoyi boʻlgan nomzodlarni maqsadli va tizimli ravishda tayyorlashni taʼminlash boʻyicha amalga oshirilayotgan ishlar samaradorligini oshirish.
Huquqni muhofaza qilish organlari va Qurolli Kuchlar tizimidagi taʼlim muassasalari, jumladan, “Temurbeklar maktabi” oʻquvchi-talabalari uchun “Armiya oʻyinlari” dasturiga kiritilgan sport turlari boʻyicha fakultativ mashgʻulotlar va toʻgaraklar faoliyatini yoʻlga qoʻyish.
1-dekabrga qadar
Ijrochilar mablagʻlari
Mudofaa vazirligi,
Milliy gvardiya,
Davlat xavfsizlik xizmati, Ichki ishlar vazirligi, Favqulodda vaziyatlar vazirligi,
manfaatdor vazirlik va idoralar
II. Xalqaro musobaqalarda sportchilarning muvaffaqiyatli ishtirokini taʼminlash
11.
Tokio shahrida (Yaponiya) 2020-yilda oʻtkaziladigan XXXII yozgi Olimpiya va XVI Paralimpiya oʻyinlarida sportchilarning muvaffaqiyatli ishtirokini taʼminlash.
1. Sport turlari boʻyicha federatsiyalar va mahalliy hokimliklar bilan birgalikda sportchilarning Olimpiadaga litsenziyani qoʻlga kiritishlari uchun zarur shart-sharoitlar yaratilishini qatʼiy nazoratga olish, bu borada rejalashtirilgan har bir sport turi boʻyicha litsenziyalarning olinishi jarayonini har 15 kunda muhokama qilib borish.
Har 15 kunda
Oʻzbekiston Respublikasi Davlat budjeti mablagʻlari
Jismoniy tarbiya va sport vazirligi,
Milliy Olimpiya qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
Jismoniy tarbiya va sport vazirligi,
Milliy Olimpiya qoʻmitasi,
Moliya vazirligi
12.
Parij shahrida (Fransiya) 2024-yilda oʻtkaziladigan XXXIII yozgi Olimpiya va XVII Paralimpiya oʻyinlariga tayyorgarlik koʻrish.
Oʻzbekiston Respublikasi Prezidenti qarori loyihasini kiritish.
Bunda, shu jumladan Oʻzbekiston sportchilarini Parij shahrida (Fransiya) 2024-yilda oʻtkaziladigan XXXIII yozgi Olimpiya va XVII Paralimpiya oʻyinlariga tayyorlash toʻrt yillik dasturini ishlab chiqish va tasdiqlash.
1-dekabrga qadar
Oʻzbekiston Respublikasi Davlat budjeti mablagʻlari
Jismoniy tarbiya va sport vazirligi,
Milliy Olimpiya qoʻmitasi,
Moliya vazirligi
13.
Turkiyada boʻlib oʻtadigan Butunjahon koʻchmanchi xalqlar oʻyinlarida sportchilarning munosib ishtirokini taʼminlash.
1. Oʻzbekiston sport terma jamoasi tarkibini shakllantirish.
2. Oʻquv-mashgʻulot yigʻinlarini oʻtkazish.
1-dekabrga qadar
Oʻzbekiston Respublikasi Davlat budjeti mablagʻlari
Jismoniy tarbiya va sport vazirligi,
Milliy Olimpiya qoʻmitasi, Moliya vazirligi,
sport federatsiyalari (uyushmalari)
III. Sport infratuzilmasini rivojlantirish, soha mutaxassislarini tayyorlash va ragʻbatlantirish
14.
Sport infratuzilmasini yanada rivojlantirish.
1. Bir kunda 23 920 nafar yoshlarni qamrab olish imkoniyatiga ega boʻlgan 44 ta zamonaviy sport inshootlarini foydalanishga topshirish va xalqaro talablar asosida asbob-uskuna va inventarlar bilan jihozlash.
2. Bir kunda 6 600 nafar oʻquvchilarni qamrab olish imkoniyatiga ega boʻlgan 55 ta umumtaʼlim maktablarida zamonaviy sport zallari barpo etish.
Yil davomida
Oʻzbekiston Respublikasi Davlat budjeti mablagʻlari
Jismoniy tarbiya va sport vazirligi,
Xalq taʼlimi vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari
15.
Respublikada sportning jamoaviy oʻyin turlarini yanada rivojlantirish, federatsiyalar va uning hududiy boʻlimlari moddiy-texnika bazasini holatini yanada mustahkamlash va zamonaviy infratuzilmani yaratish, sport anjomlari va uskunalari bilan jihozlash, sport taʼlim muassasalarini sportning oʻyin turlari boʻyicha malakali kadrlar bilan taʼminlashga alohida eʼtibor qaratish.
Oʻzbekiston Respublikasi Vazirlar Mahkamasi qarori loyihasini kiritish. Bunda:
boshqaruv tizimini takomillashtirish;
rivojlantirishga yoʻnaltirilgan normativ hujjatlarni ishlab chiqish va yanada takomillashtirish;
mavjud moddiy-texnika bazasini mustahkamlash, ularni zamonaviy sport uskunalari va anjomlari bilan taʼminlash, sport turizmini rivojlantirish;
kadrlar salohiyatini yanada oshirish, yuqori malakali, chuqur kasbiy bilimlarga ega boʻlgan malakali trenerlarni tayyorlash, qayta tayyorlash, ularni ilmiy-uslubiy taʼminlash va tibbiy xizmatni rivojlantirish nazarda tutiladi.
1-dekabrga qadar
—
Jismoniy tarbiya va sport vazirligi,
manfaatdor vazirlik va idoralar
16.
Sport turi bilan muntazam ravishda shugʻullanib kelayotgan va sport musobaqalarida doimiy ravishda ishtirok etuvchi sportchilarning yagona maʼlumot bazasini shakllantirishmaqsadida sport pasportini joriy etish va muntazam ravishda yuritib borish tizimini joriy qilish.
Sport pasportini plastik kartochka shaklida yuritishni joriy etish va muntazam ravishda yuritib boriladigan elektron tizimni joriy qilish.
1-aprelga qadar
Jismoniy va yuridik shaxslar
Jismoniy tarbiya va sport vazirligi,
Sertifikatsiyalash va kompyuterlashtirish markazi
17.
Takliflar asosida hududlarning oʻziga xos xususiyatlaridan kelib chiqib, har bir oliy taʼlim muassasalarini maʼlum bir sport turiga ixtisoslashtirish.
1. Hududlarning oʻziga xos xususiyatlari, aholining qiziqishi va xohish-istaklaridan kelib chiqib, har bir oliy taʼlim muassasasi va umumtaʼlim maktablarini maʼlum bir sport turiga ixtisoslashtirish.
2. Ixtisoslashtirilgan tuman (shahar), umumtaʼlim maktablari hamda oliy taʼlim muassasalarini sport turlari boʻyicha federatsiyalar (uyushmalar) tomonidan metodik taʼminlash va sport infratuzilmasini rivojlantirishga koʻmaklashish.
1-iyunga qadar
1-avgustga qadar
Ijrochilar mablagʻlari
Jismoniy tarbiya va sport vazirligi,
Oliy va oʻrta maxsus
taʼlim vazirligi,
Xalq taʼlimi vazirligi,
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
18.
Jismoniy tarbiya va sport yoʻnalishidagi bakalavriat taʼlim yoʻnalishlari va magistratura mutaxassisliklarining davlat taʼlim standartlari, malaka talablari va fan dasturlarini takomillashtirish.
Jismoniy tarbiya va sport yoʻnalishidagi bakalavriat va magistratura mutaxassislariga maʼlum bir sport turi boʻyicha taʼlim berish va ixtisosligi boʻyicha diplom berish amaliyotini joriy etish.
2020/2021 oʻquv yiliga qadar
—
Oliy va oʻrta maxsus taʼlim vazirligi,
Xalq taʼlimi vazirligi,
Jismoniy tarbiya va sport vazirligi
19.
Sport sohasidagi yutuqlarni munosib ravishda ragʻbatlantirish tizimini yanada takomillashtirish.
1. Pedagog kadrlarga malaka toifalari berish tizimini tubdan qayta koʻrib chiqish orqali takomillashtirish toʻgʻrisidagi Oʻzbekiston Respublikasi Vazirlar Mahkamasining qarori loyihasini kiritish.
Bunda, umumtaʼlim maktablarining jismoniy tarbiya fani oʻqituvchilariga ular tayyorlagan oʻquvchilarning erishgan amaliy mashgʻulotlari natijalari asosida malaka toifalarini berish tizimini joriy etishni nazarda tutish.
2. Quyidagilarni belgilangan tartibda amaliyotga joriy etish:
Sport sohasidagi yutuqlarni munosib ravishda ragʻbatlantirish maqsadida “Bolalar sport oʻyinlari”ning jamoaviy oʻyin turlari boʻyicha respublika bosqichi gʻoliblariga (1-oʻrin) oliy taʼlim muassasalariga kirish imtihonlarida soha boʻyicha mutaxassislik fanidan maksimal ball olish huquqini beruvchi, uch yil muddat davomida amal qiluvchi sertifikat taqdim qilish. Ushbu musobaqa gʻolib va sovrindorlarini (1 — 3 oʻrin) tayyorlagan jismoniy tarbiya fani oʻqituvchilariga mehnatga haq toʻlashning eng kam miqdorining 6 baravarigacha miqdorida bir martalik pul mukofotlari bilan taqdirlashni yoʻlga qoʻyish;
Umumiy oʻrta taʼlim maktablari oʻquvchilari oʻrtasida oʻtkaziladigan jismoniy tarbiya fan olimpiadasining gʻolib va sovrindorlarini tayyorlagan jismoniy tarbiya fani oʻqituvchilari va sport taʼlim muassasalarining trenerlarini malaka attestatsiyasiga jalb etmasdan ularga navbatdagi malaka toifalarini toʻgʻridan-toʻgʻri berish;
Respublika (1-oʻrin) va xalqaro musobaqalarda (Olimpiya va Paralimpiya oʻyinlarida, Osiyo va Paraosiyo oʻyinlarida, jahon chempionatida va Osiyo chempionatida 1 — 3-oʻrinlar) gʻolib chiqqan oliy taʼlim muassasalari talabalarini tayyorlagan jismoniy tarbiya va sport yoʻnalishidagi kafedralar oʻqituvchilariga navbatdagi ilmiy unvonlarni (dotsent, professor) toʻgʻridan-toʻgʻri berish.
1-aprelga qadar
Fevral oyidan boshlab
—
Oʻzbekiston Respublikasi Davlat budjeti mablagʻlari
Xalq taʼlimi vazirligi,
Oliy va oʻrta maxsus taʼlim vazirligi,
Jismoniy tarbiya va sport vazirligi
Jismoniy tarbiya va sport vazirligi,
Xalq taʼlimi vazirligi,
Oliy va oʻrta maxsus taʼlim vazirligi,
Moliya vazirligi
20.
Ilgʻor xalqaro taʼlim standartlari va talablarini inobatga olgan holda jismoniy tarbiya va sport sohasida kadrlar tayyorlash tizimini kengaytirish va sifatini oshirish.
1. Toshkent tibbiyot akademiyasi, Toshkent farmatsevtika instituti va boshqa shu yoʻnalishlardagi oliy taʼlim muassasalarida sport tibbiyoti, farmakologiyasi, reabilitologiyasi, psixologiyasi va diyetologiyasi boʻyicha malakali mutaxassislarni tayyorlashni yoʻlga qoʻyish.
2. Rossiya Federatsiyasining P.F. Lesgaft nomidagi Milliy davlat jismoniytarbiya, sport va sogʻlomlashtirish universitetining qoʻshma fakultetini tashkil etish va “sport psixologiyasi”, “sportchilarni tayyorlash” yoʻnalishlari boʻyicha magistrlar tayyorlashni yoʻlga qoʻyish.
3. Oliy taʼlim muassasalarining jismoniy tarbiya va sport yoʻnalishlari bitiruvchilariga jismoniy tarbiya oʻqituvchisi va ixtisoslashgan sport turi boʻyicha trener kvalifikatsiyasini berish amaliyotini joriy etish.
4. Jismoniy tarbiya va sport yoʻnalishidagi bakalavriat taʼlim yoʻnalishlari va magistratura mutaxassisliklarining davlat taʼlim standartlari, malaka talablari va fan dasturlarini takomillashtirish.
5. Sport taʼlim muassasalarini oliy maʼlumotli trenerlar bilan taʼminlash darajasini 54 foizga yetkazish.
2020/2021 oʻquv yilidan boshlab
1-aprelga qadar
Yil davomida
Oʻzbekiston Respublikasi Davlat budjeti mablagʻlari
Jismoniy tarbiya va sport vazirligi,
Sogʻliqni saqlash vazirligi,
Oliy va oʻrta maxsus taʼlim vazirligi,
Farmatsevtika tarmogʻini rivojlantirish agentligi
21.
Sovrindor sportchilarni tayyorlaganligi uchun trenerlarni qoʻshimcha moddiy ragʻbatlantirish.
Oʻzbekiston Respublikasi Vazirlar Mahkamasining qarori loyihasini kiritish. Bunda:
sport tayyorgarligidan oʻtayotgan oʻquvchi-sportchining sportdagi natijalari yaxshilanganda va u boshqa yuqori darajadagi sport taʼlimi muassasasiga oʻtkazilganda, uni tayyorlagan trenerga mukofot puli toʻlash;
sportchini yangi qabul qilingan sport taʼlim muassasasidagi (yangi) trenerlarga uning ishtirokida erishgan keyingi natijalari boʻyicha ustamalar belgilashni nazarda tutish.
1-fevraldan boshlab
Jismoniy tarbiya va sport vazirligiga Ajratilgan mablagʻlar doirasida
Jismoniy tarbiya va sport vazirligi,
Oliy va oʻrta maxsus taʼlim vazirligi, Moliya vazirligi
23.
Oʻzbekistonda Paralimpiya harakatini yanada rivojlantirish.
1. Oʻzbekiston Respublikasi Vazirlar Mahkamasining qarori loyihasini tayyorlash.
2. Qaror loyihasini tegishli vazirlik va idoralar bilan kelishilgan holda belgilangan tartibda Vazirlar Mahkamasiga kiritish.
1-oktabrga qadar
—
Jismoniy tarbiya va sport vazirligi,
Oʻzbekiston Milliy Paralimpiya assotsiatsiyasi, Moliya vazirligi, Sogʻliqni saqlash vazirligi, manfaatdor vazirlik va idoralar
24.
Oʻzbekiston Respublikasi Jismoniy tarbiya va sport vazirligi tizimidagi sport muassasalari va sport inshootlarida pullik xizmat koʻrsatish tartibini takomillashtirish.
Oʻzbekiston Respublikasi Vazirlar Mahkamasining qarori loyihasini kiritish. Bunda, 2021-yilyanvar oyidan boshlab davlat sport muassasalarida:
abonement va unga toʻlanadigan mablagʻlar hisobi boʻyicha yagona maʼlumotlar axborot tizimini ishlab chiqish;
kirishni qatʼiy elektron abonement (QR-kod yoki chip) asosida joriy etish;
koʻrsatiladigan xizmat turlari va narxlarini belgilash tartibi;
koʻrsatilgan pullik xizmatlar uchun toʻlangan toʻlovning taqsimlanishi;
koʻrsatilgan pullik xizmatlardan tushgan mablagʻlarning maqsadli sarflash boʻyicha:
sport anjomlari va uskunalari bilan taʼminlash;
abonementlar toʻlovlarini aloqasiz shaklda joriy etish;
abonementlarni elektron shaklda olish imkoniyatini yaratish;
inshootlarga kirish va oʻtish joylarida videokuzatuv moslamalari hamda turniketlar oʻrnatilishini taʼminlash nazarda tutiladi.
1-noyabrga qadar
Oʻz mablagʻlari, homiylar va qonun hujjatlarida taqiqlanmagan boshqa manbalar hisobidan
Jismoniy tarbiya va sport vazirligi,
Axborot texnologiyalari va kommunikatsiyalarini rivojlantirish vazirligi, Loyiha boshqaruvi milliy agentligi, manfaatdor vazirlik va idoralar
25.
Jismoniy tarbiya va sport sohasida volontyorlik harakatini rivojlantirish.
1. Jismoniy tarbiya va sport sohasida yoshlar va jamoat tashkilotlari bilan hamkorlikda volontyorlik harakatini rivojlantirish;
2. Ommaviy sport tadbirlarida volontyorlar tomonidan amalga oshiriladigan vazifalar boʻyicha tavsiyalar ishlab chiqish;
3. Volontyorlarni tayyorlash boʻyicha oʻquv kurslarini tashkil etish.
1-noyabrga qadar
Oʻz mablagʻlari va qonun hujjatlarida taqiqlanmagan boshqa manbalar hisobidan
Jismoniy tarbiya va sport vazirligi,
Yoshlar ittifoqi
26.
Sport lotereyasini tashkil etish va oʻtkazishni yoʻlga qoʻyish.
Respublikada “Sportloto” lotereyalarini oʻtkazishni tashkil etish.
Bunda, lotereya oʻyinlari oʻtkazish orqali budjetdan tashqari mablagʻlar shakllantiriladi va mazkur mablagʻlar:
sportni yanada rivojlantirish dasturlarini amalga oshirish;
vazirlik va uning tizimidagi xodimlarini ragʻbatlantirish, xizmat safarlari xarajatlarini toʻlab berish;
moddiy-texnik bazani rivojlantirish xarajatlarni moliyalashtirish;
muassisligidagi muassasalar, korxonalar, tashkilotlarni moliyaviy qoʻllab-quvvatlashga yoʻnaltiriladi.
15-noyabrga qadar
Oʻz mablagʻlari va qonun hujjatlarida taqiqlanmagan boshqa manbalar hisobidan
Jismoniy tarbiya va sport vazirligi,
Moliya vazirligi,
Kapital bozorini rivojlantirish agentligi
27.
Aholining jismoniy tarbiya bilan bepul shugʻullanishi uchun yaratilgan shart-sharoitlar ustidan tizimli monitoring olib borish.
1. Monitoring olib borish tartibini belgilash.
2. Monitoring natijalarini hududlar kesimida umumlashtirish hamda monitoring natijalarini muhokama qilish uchun Oʻzbekiston Respublikasi Vazirlar Mahkamasiga kiritish.
1-fevraldan boshlab har chorakda bir marta
—
Jismoniy tarbiya va sport vazirligi,
Ichki ishlar vazirligi
28.
Sportni ommalashtirish, sport tadbirlarining keng yoritilishini taʼminlash.
Mamlakatimizda sogʻlom turmush tarzi targʻibotini yanada kuchaytirish, xususan yuqori natijalarga erishib kelayotgan sportchilarimiz hayoti va faoliyatini yoshlarga namuna qilib koʻrsatishga qaratilgan oyma-oy media-rejani tasdiqlash.
Media-rejada quyidagilarni nazarda tutish:
jismoniy tarbiya va sport sohasini rivojlantirish, qabul qilingan hujjatlar ijrosiga bagʻishlangan brifing va matbuot anjumanlarini oʻtkazish;
yuksak natijalarga erishib kelayotgan sportchilarning shaxsiy hayoti (turmush tarzi) va sport faoliyatiga bagʻishlab “Sportchining bir kuni” ruknidagi telekoʻrsatuvlarni efirga berish;
milliy sport turlari va xalq oʻyinlari targʻibotini kuchaytirishga qaratilgan koʻrsatuvlar, ushbu yoʻnalishdagi musobaqalar namoyishini (teletranslyatsiyasi)ni yoʻlga qoʻyish;
Oʻzbekistonda sport inventarlari va jihozlarini ishlab chiqarayotgan korxona va tashkilotlar faoliyatini keng yoritib borish (Andijon, Namangan, Samarqand va Chirchiq shaharlari misolida);
yoshlar orasida milliy sport turlari va xalq oʻyinlari (milliy kurash, uloq-koʻpkari, chillak, mindi, lanka, beshtosh, varrak uchirish va h.k.)ni keng targʻib qilishga qaratilgan turkum ijtimoiy videoroliklar tayyorlash;
Tokio-2020 olimpiadasiga sportchilarning tayyorgarlik jarayoni, bu borada ularga yaratilayotgan sharoitlar toʻgʻrisida koʻrsatuvlarni efirga berish (Olimpiya va Paralimpiya oʻyinlariga litsenziyani qoʻlga kiritgan sportchilar toʻgʻrisida).
1-fevraldan boshlab
—
Jismoniy tarbiya va sport vazirligi,
Milliy teleradiokompaniya,
Milliy axborot agentligi
29.
Oʻzbekiston Respublikasi Jismoniy tarbiya va sport sohasini 2025-yilgacha rivojlantirish konsepsiyasini amalga oshirish boʻyicha “Yoʻl xaritasi”ni tasdiqlash.
1. Oʻzbekiston Respublikasi Jismoniy tarbiya va sport sohasini 2025-yilgacha rivojlantirish konsepsiyasini 2020-yilda amalga oshirish boʻyicha bajarilgan ishlarni chuqur tahlil qilish.
2. Tahlil natijalarini inobatga olgan holda 2021-yil uchun “Yoʻl xaritasi” loyihasini ishlab chiqish.
3. Loyihani tegishli vazirlik va idoralar bilan kelishilgan holda tasdiqlash uchun belgilangan tartibda Vazirlar Mahkamasiga kiritish.
1-dekabrga qadar
5-dekabrga qadar
10-dekabrga qadar
—
Jismoniy tarbiya va sport vazirligi
Izoh: normativ-huquqiy hujjatlar tegishli huquqiy munosabatlarni tartibga solish sohasi va predmetiga qarab qayta koʻrib chiqilishi yoki bir hujjatga birlashtirilishi mumkin.
(3-ilova Oʻzbekiston Respublikasi Prezidentining 2020-yil 30-oktabrdagi PF-6099-sonli Farmoni tahririda — Qonun hujjatlari maʼlumotlari milliy bazasi, 31.10.2020-y., 06/20/6099/1450-son)
Oʻzbekiston Respublikasi Prezidentining 2020-yil 24-yanvardagi PF-5924-son Farmoniga 4-ILOVA
Respublika tuman (shahar)larini ustuvor, istiqboldagi, rivojlanayotgan sport turlariga ixtisoslashtirish
ROʻYXATI
T/r
Tuman (shahar) nomi
Ixtisoslashtiriladigan sport turlari
Ustuvor
Istiqbolli
Rivojlanayotgan
Qoraqalpogʻiston Respublikasi
1.
Nukus shahar
yunon-rum kurashi
qilichbozlik, badminton
akademik eshkak eshish
2.
Amudaryo tumani
dzyudo
stol tennisi
futbol
3.
Beruniy tumani
voleybol
ogʻir atletika
karate WKF, badminton
4.
Boʻzatov tumani
velosport
karate WKF
ogʻir atletika
5.
Ellikqala tumani
yengil atletika
stol tennisi, badminton
futbol
6.
Kegeyli tumani
ogʻir atletika
badminton
boks
7.
Moʻynoq tumani
voleybol
boks
suzish
8.
Nukus tumani
stol tennisi
futbol
taekvondo WTF, badminton
9.
Taxiatosh tumani
ogʻir atletika
shaxmat
futbol
10.
Taxtakoʻpir tumani
gimnastika
futbol
badminton, voleybol
11.
Toʻrtkoʻl tumani
futbol
boks
karate WKF
12.
Xoʻjayli tumani
boks
erkin kurash va ayollar kurashi
futbol
13.
Chimboy tumani
taekvondo WTF
boks
erkin kurash
14.
Shumanay tumani
basketbol
futbol, badminton
taekvondo WTF
15.
Qonlikoʻl tumani
futbol
tyennis
gandbol, badminton
16.
Qoraoʻzak tumani
voleybol
dzyudo, badminton
taekvondo WTF
17.
Qoʻngʻirot tumani
boks
dzyudo
badiiy gimnastika
Andijon viloyati
1.
Andijon shahar
boks
futbol
badminton, stol tennisi
2.
Xonobod shahar
ogʻir atletika
boks
yengil atletika
3.
Andijon tumani
karate WKF
voleybol
yengil atletika
4.
Asaka tumani
boks
erkin va yunon-rum kurashi
badminton, futbol
5.
Baliqchi tumani
voleybol
belbogʻli kurash,badminton
ogʻir atletika
6.
Boʻston tumani
voleybol
futbol
boks
7.
Buloqboshi tumani
voleybol
futbol
karate WKF, badminton
8.
Jalaquduq tumani
yengil atletika
kurash
stol tennisi
9.
Izboskan tumani
boks
erkin va yunon-rum kurashi
futbol
10.
Marhamat tumani
badminton
yengil atletika, voleybol
boks
11.
Oltinkoʻl tumani
belbogʻli kurash
futbol
gandbol
12.
Paxtaobod tumani
boks
stol tennisi
shaxmat
13.
Ulugʻnor tumani
badiiy gimnastika
badminton, voleybol
ayollar futboli
14.
Xoʻjaobod tumani
futbol
belbogʻli kurash
yengil atletika
15.
Shahrixon tumani
boks
futbol
badminton, stol tennisi
16.
Qoʻrgʻontepa tumani
gandbol
yengil atletika,badminton
futbol
Buxoro viloyati
1.
Buxoro shahar
erkin kurash
boks
yunon-rum kurashi
2.
Kogon shahar
boks
mini futbol
basketbol, badminton
3.
Buxoro tumani
kurash
sambo
dzyudo
4.
Vobkent tumani
ogʻir atletika
yunon-rum kurashi
badminton, basketbol
5.
Jondor tumani
kurash
dzyudo
futbol
6.
Kogon tumani
karate WKF
yunon-rum kurashi
oʻzbek jang sanʼati
7.
Olot tumani
kurash
dzyudo
boks
8.
Peshku tumani
kurash
erkin kurash
voleybol
9.
Romitan tumani
kurash
boks
badminton, gandbol
10.
Shofirkon tumani
voleybol
badminton,gandbol
kurash
11.
Qorakoʻl tumani
kurash
dzyudo
basketbol
12.
Qorovulbozor tumani
boks
basketbol, badminton
dzyudo
13.
Gʻijduvon tumani
karate WKF
boks
dzyudo
Jizzax viloyati
1.
Jizzax shahri
suzish
badiiy gimnastika, badminton
sport gimnastikasi
2.
Arnasoy tumani
futbol
kurash
velosport
3.
Baxmal tumani
gandbol
erkin kurash, badminton
ayollar futboli
4.
Doʻstlik tumani
dzyudo
yengil atletika
suzish
5.
Zarbdor tumani
voleybol
kurash
badminton, futbol
6.
Zafarobod tumani
kurash
boks
futbol, badminton
7.
Zomin tumani
taekvondo WTF
futbol
Boks
8.
Mirzachoʻl tumani
yunon-rum kurashi
karate WKF
futbol
9.
Paxtakor tumani
boks
dzyudo
suzish
10.
Forish tumani
taekvondo WTF
voleybol, badminton
futbol
11.
Sharof Rashidov tumani
erkin kurash
stol tennisi
boks
12.
Yangiobod tumani
kurash
yengil atletika
futbol
13.
Gʻallaorol tumani
boks
yengil atletika
basketbol, badminton
Qashqadaryo viloyati
1.
Qarshi shahar
dzyudo
suzish
karate WKF
2.
Shahrisabz shahar
erkin kurash
karate WKF
badminton, suzish
3.
Dehqonobod tumani
voleybol
kurash
stol tennisi, badminton
4.
Kasbi tumani
futbol
suzish
badminton, voleybol
5.
Kitob tumani
kurash
dzyudo
tennis
6.
Koson tumani
kurash
dzyudo
futbol
7.
Mirishkor tumani
kurash
stol tennisi
badminton, voleybol
8.
Muborak tumani
futbol
kurash
voleybol, badminton
9.
Nishon tumani
yengil atletika
futbol
badminton, voleybol
10.
Chiroqchi tumani
belbogʻli kurash
shaxmat
badminton, futbol
11.
Shahrisabz tumani
yengil atletika
kurash
futbol
12.
Yakkabogʻ tumani
dzyudo
sambo
ot sporti
13.
Qamashi tumani
ogʻir atletika
futbol
boks
14.
Qarshi tumani
kurash
taekvondo WTF
badminton, voleybol
15.
Gʻuzor tumani
kurash
futbol
gandbol
Navoiy viloyati
1.
Navoiy shahar
dzyudo
badiiy gimnastika
badminton, erkin kurash
2.
Zarafshon shahar
voleybol
basketbol
badminton, futbol
3.
Karmana tumani
futbol
badiiy gimnastika
turon yakka kurashi
4.
Konimex tumani
boks
futbol
badminton, voleybol
5.
Navbahor tumani
kurash
yengil atletika
futbol
6.
Nurota tumani
kurash
dzyudo
belbogʻli kurash
7.
Tomdi tumani
stol tennisi
kurash
badminton, shaxmat
8.
Uchquduq tumani
suzish
karate WKF
erkin kurash
9.
Xatirchi tumani
gandbol
shaxmat
badminton, stol tennisi
10.
Qiziltepa tumani
voleybol
badiiy gimnastika
badminton, gandbol
Namangan viloyati
1.
Namangan shahar
suv sport turlari
yengil atletika
badiiy gimnastika, badminton
2.
Kosonsoy tumani
gandbol
futbol
badminton, basketbol
3.
Mingbuloq tumani
yunon-rum kurash
futbol
oʻzbek jang sanʼati
4.
Namangan tumani
karate WKF
badminton, voleybol
basketbol
5.
Norin tumani
boks
badminton, gandbol
yunon-rum kurashi
6.
Pop tumani
dzyudo
boks
yunon-rum kurashi
7.
Toʻraqoʻgʻon tumani
futbol
belbogʻli kurash
dzyudo
8.
Uychi tumani
erkin kurash
basketbol
badminton, voleybol
9.
Uchqoʻrgʻon tumani
gandbol
erkin kurash
chim ustida xokkey
10.
Chortoq tumani
basketbol
boks
futbol
11.
Chust tumani
boks
stol tennisi
taekvondo WTF
12.
Yangiqoʻrgʻon tumani
ogʻir atletika
voleybol
futbol
Samarqand viloyati
1.
Samarqand shahar
dzyudo
badiiy gimnastika
yengil atletika
2.
Kattaqoʻrgʻon shahar
erkin va yunon-rum kurashi
boks
yengil atletika, badminton
3.
Bulungʻur tumani
erkin va yunon-rum kurashi
badminton, gandbol
voleybol
4.
Jomboy tumani
basketbol
badiiy gimnastika
shaxmat
5.
Ishtixon tumani
boks
erkin va yunon-rum kurashi
gandbol
6.
Kattaqoʻrgʻon tumani
boks
erkin va yunon-rum kurashi
badiiy gimnastika
7.
Narpay tumani
basketbol
kurash
badminton, voleybol
8.
Nurobod tumani
dzyudo
kurash
shaxmat
9.
Oqdaryo tumani
erkin va yunon-rum kurashi
badminton, stol tennisi
gandbol
10.
Payariq tumani
taekvondo WTF
erkin va yunon-rum kurashi
shaxmat
11.
Pastdargʻom tumani
dzyudo
yengil atletika
basketbol
12.
Paxtachi tumani
stol tennisi
badiiy gimnastika
badminton, voleybol
13.
Samarqand tumani
eshkak eshish turlari
dzyudo
velosport
14.
Tayloq tumani
eshkak eshish turlari
kurash
voleybol
15.
Urgut tumani
voleybol
kurash
badminton, stol tennisi
16.
Qoʻshrabot tumani
stol tennisi
badminton
voleybol
Sirdaryo viloyati
1.
Guliston shahar
erkin kurash
boks
badiiy gimnastika
2.
Shirin shahar
akademik eshkak eshish
yengil atletika
badminton, stol tennisi
3.
Yangiyer shahar
futbol
basketbol
karate WKF
4.
Boyovut tumani
belbogʻli kurash
badminton, shaxmat
voleybol
5.
Guliston tumani
voleybol
futbol
gandbol
6.
Mirzaobod tumani
stol tennisi
taekvondo WTF
kurash
7.
Oqoltin tumani
kurash
boks
badiiy gimnastika
8.
Sayxunobod tumani
shashka
dzyudo
chim ustida xokkey
9.
Sardoba tumani
voleybol
erkin kurash
badminton, taekvondo WTF
10.
Sirdaryo tumani
yengil atletika
gandbol
yunon-rum kurashi
11.
Xovos tumani
badminton
voleybol
basketbol
Surxondaryo viloyati
1.
Termiz shahar
yengil atletika
badiiy gimnastika
sport gimnastikasi
2.
Angor tumani
kurash
taekvondo WTF
karate WKF
3.
Boysun tumani
kurash
stol tennisi
karate WKF
4.
Denov tumani
karate WKF
badminton, basketbol
dzyudo
5.
Jarqoʻrgʻon tumani
erkin kurash
taekvondo WTF
yunon-rum kurashi
6.
Muzrabot tumani
voleybol
karate WKF
ogʻir atletika
7.
Oltinsoy tumani
belbogʻli kurash
turon yakka kurashi
kurash
8.
Sariosiyo tumani
boks
futbol
yengil atletika
9.
Termiz tumani
dzyudo
boks
karate WKF
10.
Uzun tumani
yunon-rum kurashi
ogʻir atletika
taekvondo WTF
11.
Sherobod tumani
stol tennisi
voleybol
kurash
12.
Shoʻrchi tumani
voleybol
badiiy gimnastika
boks
13.
Qiziriq tumani
basketbol
futbol
dzyudo
14.
Qumqoʻrgʻon tumani
taekvondo WTF
gandbol
dzyudo
Toshkent viloyati
1.
Angren shahar
taekvondo WTF
boks
yengil atletika
2.
Bekobod shahar
boks
erkin kurash
akademik eshkak eshish
3.
Nurafshon shahar
futbol
boks
yunon-rum kurashi
4.
Olmaliq shahar
gandbol
futbol
badiiy gimnastika
5.
Ohangaron shahar
voleybol
stol tennisi
badiiy gimnastika
6.
Chirchiq shahar
dzyudo
badminton, basketbol
qilichbozlik
7.
Yangiyoʻl shahar
regbi
boks
badminton, basketbol
8.
Bekobod tumani
gandbol
voleybol
akademik eshkak eshish
9.
Boʻka tumani
futbol
kurash
stol tennisi
10.
Boʻstonliq tumani
qishki sport turlari
ogʻir atletika
boks
11.
Zangiota tumani
karate WKF
boks
ogʻir atletika
12.
Oqqoʻrgʻon tumani
yunon-rum kurashi
futbol
boks
13.
Ohangaron tumani
voleybol
boks
kurash, badminton
14.
Parkent tumani
voleybol
belbogʻli kurash
badiiy gimnastika
15.
Piskent tumani
voleybol
belbogʻli kurash
erkin kurash
16.
Toshkent tumani
erkin kurash
badiiy gimnastika
karate WKF
17.
Chinoz tumani
ogʻir atletika
boks
dzyudo
18.
Yuqorichirchiq tumani
stol tennisi
futbol
boks
19.
Yangiyoʻl tumani
futbol
erkin kurash
taekvondo WTF
20.
Oʻrtachirchiq tumani
voleybol
gandbol, badminton
futbol
21.
Qibray tumani
voleybol
boks
badminton, shaxmat
22.
Quyichirchiq tumani
yengil atletika
voleybol
kurash
Fargʻona viloyati
1.
Fargʻona shahar
badminton, tennis
gimnastika sport turlari
suzish
2.
Margʻilon shahar
voleybol
futbol
badminton, boks
3.
Quvasoy shahar
yengil atletika
badminton, voleybol
futbol
4.
Qoʻqon shahar
suzish
futbol
badminton, dzyudo
5.
Bagʻdod tumani
stol tennisi
erkin kurash
belbogʻli kurash
6.
Beshariq tumani
yunon-rum kurashi
belbogʻli kurash
boks
7.
Buvayda tumani
yunon-rum kurashi
erkin kurash
belbogʻli kurash
8.
Dangʻara tumani
yengil atletika
boks
badminton, gandbol
9.
Yozyovon tumani
belbogʻli kurash
chim ustida xokkey
futbol
10.
Oltiariq tumani
erkin kurash
karate WKF
futbol
11.
Rishton tumani
belbogʻli kurash
futbol
oʻzbek jang sanʼati
12.
Soʻx tumani
basketbol
voleybol
boks
13.
Toshloq tumani
erkin kurash
yunon-rum kurashi
dzyudo
14.
Uchkoʻprik tumani
badiiy gimnastika
voleybol
futbol
15.
Fargʻona tumani
boks
badminton, voleybol
belbogʻli kurash
16.
Furqat tumani
boks
kurash
futbol
17.
Oʻzbekiston tumani
belbogʻli kurash
baydarka va kanoyeda eshkak eshish
voleybol
18.
Quva tumani
sambo
badminton, gandbol
akrobatika
19.
Qoʻshtepa tumani
chim ustida xokkey
badminton, gandbol
futbol
Xorazm viloyati
1.
Urganch shahar
dzyudo
erkin kurash
badminton, gimnastika sport turlari
2.
Xiva shahar
ogʻir atletika
boks
badminton, pauerlifting
3.
Bogʻot tumani
dzyudo
sambo
badiiy gimnastika
4.
Gurlan tumani
velosport
yunon-rum kurashi
boks
5.
Urgench tuman
gandbol
basketbol
badminton, karate WKF
6.
Xazorasp tumani
futbol
shaxmat
taekvondo WTF
7.
Xiva tumani
boks
karate WKF
erkin kurash
8.
Xonqa tumani
dzyudo
futbol
taekvondo WTF
9.
Shovot tumani
yengil atletika
kurash
erkin kurash
10.
Yangiariq tumani
dzyudo
badminton
turon yakka kurashi
11.
Yangibozor tumani
kurash
basketbol
belbogʻli kurash, badminton
12.
Qoʻshkoʻpir tumani
voleybol
taekvondo WTF
badminton, boks
Toshkent shahri
1.
Bektemir tumani
taekvondo WTF
erkin kurash
kurash
2.
Mirzo Ulugʻbek tumani
dzyudo
tennis
badminton,sambo
3.
Mirobod tumani
voleybol
sport gimnastika
badminton, futbol
4.
Olmazor tumani
suzish
futbol
badminton, velosport
5.
Sergeli tumani
yunon-rum kurashi
suzish
badminton, basketbol
6.
Uchtepa tumani
karate WKF
boks
futbol
7.
Chilonzor tumani
badiiy gimnastika
kamondan otish
badminton, gandbol
8.
Shayxontohur tumani
futbol
badminton, stol tennisi
yengil atletika
9.
Yunusobod tumani
basketbol
badiiy gimnastika
badminton, stol tennisi
10.
Yakkasaroy tumani
gandbol
suzish
badminton, voleybol
11.
Yashnobod tumani
erkin kurash
suzish
badminton, kurash
Izoh: Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining asoslangan takliflariga koʻra, mazkur roʻyxatga Oʻzbekiston Respublikasi Jismoniy tarbiya va sport vazirligi tomonidan oʻzgartirish va qoʻshimchalar kiritilishi mumkin.
Oʻzbekiston Respublikasi Prezidentining 2020-yil 24-yanvardagi PF-5924-son Farmoniga 5-ILOVA
2020-yilda xalqaro moliya institutlari va xorijiy banklarning imtiyozli kreditlari hisobidan respublika hududlarida jismoniy tarbiya-sogʻlomlashtirish va sport inshootlarini barpo etish boʻyicha istiqbolli loyihalarning
Izoh: Loyihalar, ularning soni va kreditlar limitiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining takliflariga asosan Oʻzbekiston Respublikasi jismoniy tarbiya va sport vaziri tomonidan oʻzgartirish va qoʻshimchalar kiritilishi mumkin.
